ARCHIVED – ᒐᕙᒪᒃᑯᑦ ᑲᓇᑕᒥ ᑮᓇᐅᔭᖃᖅᑎᑦᓯᓚᖓᓂᖏᑦ ᓄᓇᓕᐅᑉ ᐱᕙᓪᓕᐊᒍᑎᑦᓴᖏᓐᓄᑦ ᖁᓪᓗᖅᑐᒥ
Archived
ᑖᓐᓇ ᒪᑉᐱᒐᖅ ᑐᖅᑯᖅᓯᒪᔪᖅ ᐃᑭᐊᖅᑭᕕᒻᒥ.
ᓴᐳᔾᔭᐅᓯᒪᓂᖓ ᐳᓚᕋᑦᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᖅ ᐊᒻᒪᓗ ᐊᓐᓂᑭᑦᑐᕕᒃ ᐃᑲᔪᖅᑕᐅᒍᓐᓇᖁᓪᓗᒍ ᑮᓇᐅᔭᓕᐅᕐᓂᕐᒧᑦ ᐱᕙᓪᓕᐊᒍᑎᑦᓴᖏᑦ ᓄᓇᓕᐅᑉ
ᐊᐅᒡᒍᓯ 18, 2014 - ᐃᖃᓗᐃᑦ, ᓄᓇᕗᑦ − ᐊᓪᓚᕝᕕᖓ ᒥᓂᔅᑕᕆᔭᐅᔫᑉ ᐊᕙᑎᓕᕆᓂᕐᒧᑦ, ᒥᓂᔅᑕᕆᔭᐅᔪᖅ ᑲᓇᑕᒥᐅᑦ ᐅᑭᐅᖅᑕᖅᑐᒧᑦ ᑮᓇᐅᔭᓕᐅᕋᓱᐊᕈᑎᑦᓴᓄᑦ ᐱᕙᓪᓕᐊᔪᓕᕆᔨᒃᑯᑦ ᑳᓐᓄᐊᕆ−ᒃᑯᑦ CanNor) ᐊᒻᒪᓗ ᒥᓂᔅᑕᕆᔭᐅᔪᖅ ᐅᑭᐅᖅᑕᖅᑑᑉ ᑲᑎᒪᔨᖏᓐᓄᑦ.
ᒥᓂᔅᑕ ᓕᐅᓂ ᐊᓪᓗᒃᑲᖅ ᐅᓪᓗᒥ ᐅᖃᖅᑲᐅᔪᖅ ᑮᓇᐅᔭᖃᖅᑎᑦᓯᓂᕐᒧᑦ ᐱᖓᓱᓄᑦ ᐱᓕᕆᐊᑦᓴᓕᐊᖑᓯᒪᔪᓄᑦ ᑕᐃᑲᓂ ᑯᓪᓗᖅᑐᒥ ᐱᕙᓪᓕᐊᔭᐅᖁᓪᓗᒋᑦ ᓄᓇᓕᐅᑉ ᐳᓚᕋᑦᑐᓕᕆᓂᕐᒧᑦ ᑮᓇᐅᔭᓕᐅᕋᓱᐊᕈᑎᐅᕗᑦ ᐊᒻᒪᓗ ᐱᑖᖅᑎᑦᓯᓗᑎᒃ ᐱᔭᕆᐊᖃᒻᒪᕆᑦᑐᓂᒃ ᐋᖅᑭᒋᐊᕈᑎᐅᔪᓂᒃ ᐊᓐᓂᑭᑦᑐᕐᕕᒻᒧᑦ ᐊᒻᒪᓗ ᓄᓇᓕᐅᑉ ᐱᓐᖑᐊᕐᕕᖓᓄᑦ.
ᑮᓇᐅᔭᖃᖅᑎᑕᐅᓂᐅᓂᐊᖅᑐᖅ ᓴᐳᔾᔨᓯᒪᓚᖓᕗᖅ ᐱᔭᕇᖅᑕᐅᓂᖓᓂᒃ ᑕᒪᑦᓱᒪ ᐳᓚᕋᑦᑐᓕᕆᓂᕐᒨᖓᔪᑦ ᐊᑐᓕᖅᑎᑕᐅᓂᖏᓐᓂᒃ ᐊᒻᒪᓗ ᐱᓕᕆᐊᖑᓂᐊᖅᑐᓄᑦ ᐸᕐᓇᐅᒻᒥᒃ ᓄᓇᓕᒻᒧᑦ ᑐᕌᒐᖃᕐᓗᑎᒃ ᐃᑲᔪᖅᑕᐅᓂᖓᓂᒃ ᕼᐊᒻᒪᓚ ᐳᓚᕋᑦᑐᓕᕆᓂᕐᒧᑦ ᐱᒍᓐᓇᕈᑎᑦᓴᖏᓐᓂᒃ ᐊᒻᒪᓗ ᓱᓇᓕᐅᕐᓂᕐᒧᑦ ᐱᕙᓪᓕᐊᒍᑎᑦᓴᓂᒃ ᐸᕐᓇᐅᑎᒥᒃ. ᑕᒪᓐᓇ ᐃᑲᔪᖅᓯᓚᖓᒻᒥᔪᖅ ᐆᑦᑐᕋᖅᑕᐅᒍᑎᓂᒃ ᐊᒻᒪᓗ ᐱᕙᓪᓕᐊᔭᐅᓂᖏᓐᓂᒃ ᐊᑭᓖᕙᑦᑐᓄᑦ ᐊᑐᐊᒐᐅᕙᓐᓂᐊᖅᑐᓂᒃ ᐊᒻᒪᓗ ᐃᓕᓐᓂᐊᖅᑎᑕᐅᖃᑦᑕᕐᓂᖏᓐᓂᒃ ᓄᓇᓕᒻᒥᐅᑦ, ᑕᒪᓐᓇᓗ ᐅᐸᑉᐸᓪᓕᐊᒍᑎᐅᓗᓂ ᐊᒥᓱᕐᖑᐸᓪᓕᐊᓂᖏᓐᓄᑦ ᑮᓇᐅᔭᓕᐅᕋᓱᐊᕈᑎᐅᔪᑦ ᐊᒻᒪᓗ ᐃᖅᑲᓇᐃᔮᑦᓴᐅᒍᓐᓇᖅᑐᓂᒃ ᐱᑕᑦᓯᐸᓪᓕᐊᖁᓪᓗᒍ.
ᕼᐊᒻᒪᓚᒃᑯᑦ ᐊᑐᐃᓐᓇᕈᖅᑎᕆᕗᑦ ᒪᑐᐃᖅᑕᐅᓛᕐᓂᖓᓂᒃ ᖁᓪᓗᖅᑑᑉ ᐳᓚᕋᑦᑐᓕᕆᓂᕐᒧᑦ, ᐃᓕᖅᑯᓯᓕᕆᓂᕐᒧᑦ ᑲᑎᒪᖃᑦᑕᓂᕐᒧᓪᓗ ᐅᐸᑦᑕᒐᕐᒥᒃ. ᑕᐃᓐᓇ ᓄᑖᖅ ᐅᐸᑦᑕᒐᖅ ᐊᖏᔪᒥᒃ ᑕᑯᓐᓇᖅᑕᒐᐅᓚᖓᕗᖅ ᐳᓚᑦᑐᓕᕆᓂᕐᒧᑦ ᐱᓕᕆᑎᑦᓯᓂᐅᔪᓂᒃ ᐃᓗᐊᓂ ᓄᓇᓕᐅᑉ. ᑳᓐᓄᐊᕆ−ᒃᑯᑦ (CanNor) ᑮᓇᐅᔭᖃᖅᑎᑦᓯᓯᒪᕗᑦ ᐱᕙᓪᓕᐊᒍᑎᑦᓴᓄᑦ ᓱᓇᖁᑎᐅᔪᓂᒃ ᐅᓂᒃᑳᒐᖃᖅᑐᓂᒃ ᒥᑦᓵᓄᑦ ᑳᐳᕐᒪᐃᓐ ᐃᓄᖏᑕ. ᑕᒪᒃᑯᐊ ᓯᐊᕈᕐᓂᓴᐃᑦ ᓱᓇᒃᑯᑎᒥᓃᑦ ᐊᒻᒪᓗ ᑕᑯᔭᒐᓕᐊᖑᓯᒪᔪᑦ ᓱᓇᖁᑎᐅᔪᑦ ᐃᓕᓐᓂᐊᑎᑦᓯᓚᖓᕗᑦ ᐳᓛᕆᐊᖃᑦᑕᓂᐊᖅᑐᓂᒃ ᐊᒻᒪᓗᑦᑕᐅᖅ ᐃᓅᓱᑦᑐᖁᑎᖏᓐᓂᒃ ᖁᓪᓗᖅᑑᑉ.
ᑭᖑᓪᓕᖅ, ᑳᓐᓄᐊᕆ−ᒃᑯᑦ ᑮᓇᐅᔭᖃᖅᑎᑦᓯᓚᖓᕗᑦ ᐱᐅᓯᒋᐊᖅᑕᐅᒍᑎᑦᓴᖏᓐᓂᒃ ᖁᓪᓗᖅᑑᑉ ᐊᓐᓂᑭᑦᑐᕐᕕᖓᓂᒃ ᐊᒻᒪᓗ ᓄᓇᓕᐅᑉ ᐱᓐᖑᐊᕐᕕᖓᓂᒃ. ᑕᒪᒃᑯᐊ ᐱᐅᓯᒋᐊᕈᑎᑦᓴᐅᔪᑦ ᐃᓚᒋᔭᐅᓪᓚᖓᔪᑦ ᓂᐅᕕᕐᓂᕐᒥᒃ ᐊᒻᒪᓗ ᐋᖅᑭᓱᖅᑕᐅᓂᖏᓐᓂᒃ ᓄᑖᑦ ᐅᐊᔭᐃᑦ ᐃᑭᑦᑕᐅᑎᐅᔪᑦ ᑲᑉᐳᔭᐅᑎᐅᔪᓪᓗ ᐊᒻᒪᓗ ᖃᑦᑎᕆᔾᔪᑎᐅᔪᑦ ᐃᓪᓗᖁᑎᐅᔪᒧᑦ ᑕᐃᓐᓇ ᑎᑭᓯᒪᑦᓯᐊᖁᓪᓗᒍ ᑲᓇᑕᒥ ᐃᓪᓗᖁᑎᐅᔪᓄᑦ ᒪᓕᒐᓕᐊᖑᓯᒪᔪᓄᑦ.
ᑐᐊᕕᕐᓗᓂ ᐊᑐᖅᓯᒪᓪᓚᕆᑦᑐᓕᕆᓂᖅ
- ᑳᓐᓄᐊᕆ−ᒃᑯᑦ ᑮᓇᐅᔭᖃᖅᑎᑦᓯᓯᒪᕗᑦ $64,000ᓂᒃ ᐳᓚᕋᑦᑐᓕᕆᓂᖅ ᐱᕙᓪᓕᐊᔭᐅᖁᓪᓗᒍ ᐊᒻᒪᓗ ᐊᑐᓕᖅᑎᑦᓯᓂᕐᒧᑦ ᐸᕐᓇᐅᑎᒥᒃ. ᓱᓕᒃᑲᓐᓂᖅ ᑮᓇᐅᔭᖃᖅᑎᑦᓯᔪᖃᖅᑐᖅ ᑐᓂᔭᐅᔪᓂᒃ ᖁᓪᓗᖅᑑᑉ ᕼᐊᒻᒪᓚᒃᑯᖏᓐᓄᑦ ($16,000) ᑖᒃᑯᐊ ᑲᑎᓪᓗᒋᑦ ᐱᓕᕆᐊᑦᓴᓕᐊᖑᓯᒪᔪᒧᑦ ᐊᑭᖃᖅᑐᑦ ᐃᒪᐃᓪᓗᐊᖅᑐᓂᒃ $80,000.
- ᑳᓐᓄᐊᕆ−ᒃᑯᑦ ᑮᓇᐅᔭᖃᑦᑎᑦᓯᕗ $144,000ᓂᒃ ᐱᕙᓪᓕᐊᒍᑎᑦᓴᓄᑦ ᑕᑯᔭᒐᕐᓂᒃ ᓱᓇᖁᑎᐅᔪᓂᒃ ᑕᐃᑲᓂ ᐳᕋᓚᑦᑎᓄᑦ, ᐃᓕᖅᑯᓯᓕᕆᓂᕐᒧᑦ ᑲᑎᒪᖃᑦᑕᓂᕐᒧᓪᓗ ᐅᐸᑦᑕᒐᕐᒥ. ᕼᐊᒻᒪᓚᒃᑯᖏᑦ ᖁᓪᓗᖅᑑᑉ ᑐᓂᓯᓯᒪᕗᑦ ᓱᓕᒃᑲᓐᓂᖅ ᑮᓇᐅᔭᖃᖅᑎᑦᓯᓪᓗᑎᒃ $36,000 ᑕᒪᑐᒧᖓ ᑲᑎᓪᓗᒋᑦ ᐱᓕᕆᐊᑦᓴᓕᐊᖑᓯᒪᔪᒧᑦ ᑮᓇᐅᔭᖃᖅᑎᑕᐅᓂᖃᓕᖅᑐᖅ ᐃᒪᐃᓪᓗᐊᖅᑎᒋᔪᓂᒃ $180,000.
- ᑳᓐᓄᐊᕆ−ᒃᑯᑦ ᑭᓇᐅᔭᖃᖅᑎᑦᓯᓯᒪᕗᑦ $139,000ᓂᒃ ᐱᐅᓯᒋᐊᖅᑕᐅᖁᓪᓗᒍ ᖁᓪᓗᖅᑑᑉ ᐊᓐᓂᑭᑦᑐᕐᕕᖓ ᐊᒻᒪᓗ ᓄᓇᓕᐅᑉ ᐱᓐᖑᐊᕐᕕᖁᑎᖓ ᕼᐊᒻᒪᓚᑦᑯᑦ ᑐᓂᓯᓯᒪᖏᓪᓗᑎᒃ ᓱᓕᒃᑲᓐᓂᖅ $139,000ᓂᒃ ᑖᒃᑯᐊ ᑲᑎᓪᓗᒋᑦ ᐱᓕᕆᐊᑦᓴᓕᐊᖑᓯᒪᔪᒧᑦ ᐊᑭᖃᕐᓂᖃᓕᖅᑐᓂᒃ ᐃᒪᐃᓪᓗᐊᖅᑎᒋᔪᓂᒃ $278,000ᓂᒃ.
- ᑳᓐᓄᐊᕆ−ᒃᑯᑦ ᑲᑎᓪᓗᒋᑦ ᑮᓇᐅᔭᖃᖅᑎᑦᓯᓯᒪᓕᖅᑐᑦ ᕼᐊᒻᓚᒃᑯᖏᓐᓄᑦ ᖁᓪᓗᖅᑑᑉ ᖃᑦᓯᐅᓂᖏᑦ $347,000 ᑲᑐᔾᔨᖃᑕᐅᓪᓗᑎᒃ ᕼᐊᒻᒪᓚᒃᑯᑦ ᑐᓂᓯᓯᒪᓂᖏᑦ ᓱᓕᒃᑲᓐᓂᖅ $191,000ᓂᒃ. ᑲᑎᓪᓗᒋᑦ ᑮᓇᐅᔭᖃᖅᑎᑦᓯᓂᐅᔪᑦ ᖁᓪᓗᖅᑐᒧᑦ ᑕᒪᒃᑯᓄᖓ ᐱᓕᕆᐊᑦᓴᓕᐊᖑᓯᒪᔪᓄᑦ ᐃᒪᐃᓪᓗᐊᖅᑎᒋᕗᑦ $538,000ᓂᒃ.
ᐅᖃᖅᑐᒥᓂᐅᔪᑦ
"ᒐᕙᒪᒃᑯᑦ ᖁᕕᐊᑉᐳᑦ ᑮᓇᐅᔭᖃᖅᑎᑦᓯᓂᕐᒥᒃ ᐳᓚᕋᑦᑐᓕᕆᓂᕐᒧᑦ ᐱᕙᓪᓕᐊᒍᑎᑦᓴᓄᑦ ᖁᓪᓗᖅᑐᒥ. ᓴᖅᑭᑎᑦᓯᓪᓗᓂ ᓴᖅᑭᔮᕐᕕᑦᓴᒥᒃ ᓇᐅᒃᑯᑦ ᓄᓇᓕᐅᑉ ᖃᐅᔨᒪᔭᐅᒍᑎᖏᓐᓂᒃ ᓯᐊᕈᐊᓗᓂᒃ ᑕᒪᓐᓇ ᖁᕕᐊᓱᒍᑕᐅᒍᓐᓇᖁᓪᓗᒍ, ᕼᐊᒻᒪᓚᒃᑯᖏᑦ ᖁᓪᓗᖅᑑᑉ ᓴᖅᑭᑎᑦᓯᓚᖓᕗᑦ ᐊᔾᔨᖃᓐᖏᑦᑐᒥᒃ ᐱᕕᖃᑦᑎᑦᓯᓂᕐᒥᒃ ᖃᐅᔨᒪᔭᐅᑎᑦᓯᓂᕐᒥᒃ ᐃᓕᖅᑯᓯᕆᔭᒥᓐᓂᒃ ᑕᒪᒃᑮᓐᓄᑦ ᐳᓚᕋᑎᐅᔪᓄᑦ ᓄᓇᓕᒻᒥᐅᖑᔪᓄᓪᓗ."
"ᕼᐊᒻᒪᓚᒃᑯᖏᑦ ᖁᓪᓗᖅᑑᑉ ᐊᖏᔪᐊᓗᒻᒥᒃ ᖁᕝᕙᑎᑦᓯᕗᑦ ᐃᑲᔪᖅᑕᐅᓂᕆᔭᖏᓐᓄᑦ ᑳᓐᓄᐊᑯᓐᓄᑦ ᑕᒪᒃᑯᓄᖓ ᐱᒻᒪᕆᐅᔪᓄᑦ ᐱᓕᕆᐊᑦᓴᓕᐊᖑᓯᒪᔪᓄᑦ − ᑕᒪᓐᓇᐅᖏᑉᐸᑦ ᓴᐳᔾᔨᓂᐅᔪᖅ ᐅᕙᒍᑦ ᐱᔭᕇᕈᓐᓇᕋᔭᓚᐅᓐᖏᓚᒍᑦ ᓴᓇᒋᐊᕆᐊᖃᖅᑕᑎᓐᓂᒃ."
ᐊᑦᑐᐊᓂᖃᖅᑐᑦ ᑐᕌᕈᑏᑦ ᖃᕆᓴᐅᔭᒃᑯᑦ
ᖃᐅᔨᒋᐊᕐᕕᑦᓴᐃᑦ
ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᑏ ᖃᐅᔨᒋᐊᓐᖑᐊᑕᖅᓯᓐᓇᕈᒃ:
ᐊᓪᓚ ᑭᒡᒐᑐᑦᓯᐊᖅᑐᖁᑎᒋᔭᐅᔪᒧᑦ ᓕᐅᓂ ᐊᓪᓗᒃᑲᖅ
ᐊᓪᓚ ᑭᒡᒐᑐᑦᓯᐊᖅᑐᖁᑎᒋᔭᐅᔪᒧᑦ ᓕᐅᓂ ᐊᓪᓗᒃᑲᖅ
819-997-1441
ᑲᓇᑕᒥᐅᑦ ᐅᑭᐅᖅᑕᖅᑐᖓᓄᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ
ᑯᕆᒡ ᕗᐃᓪᓯ
ᖃᐅᔨᒪᖃᑎᒌᑦᑎᑦᓯᓂᕐᒧᑦ ᐅᖃᐅᔾᔪᐃᔨ
867-975-3722
ᑮᓇᐅᔭᖃᖅᑎᑕᐅᓂᖓ ᑕᒪᒃᑯᓄᖓ ᐱᓕᕆᐊᑦᓴᓕᐊᖑᓯᒪᔪᓄᑦ ᐱᒍᓐᓇᖅᑎᑕᐅᓯᒪᔪ ᐊᖅᑯᑎᐅᓪᓗᓂ ᑳᓐᓄᐊᕆ−ᒃᑯᑦ ᓄᓇᓕᓐᓄᑦ ᑮᓇᐅᔭᓕᐅᕋᓱᐊᕈᑎᑦᓴᓄᑦ ᐱᒐᓱᐊᕈᓐᓇᓂᕐᒧᑦ ᐱᓕᕆᐊᑦᓴᓕᐊᖑᓯᒪᔪᒃᑯᑦ, ᑐᕌᖓᕕᓕᓐᓄᑦ ᑭᓇᐅᔭᖃᖅᑎᑦᓯᒍᑦ, ᐊᒻᒪᓗ ᓄᓇᓕᓐᓂ ᓱᓇᖁᑎᒻᒪᕆᐅᔪᑦ ᐱᐅᓯᒋᐊᖅᑕᐅᓂᖏᓐᓄᑦ ᑮᓇᐅᔭᖅᑖᕐᕕᒻᒥᒃ. ᑳᓐᓄᐊᕆ−ᒃᑯᑦ ᐃᖅᑲᓇᐃᔮᖃᖅᑐᑦ ᐃᑲᔪᕐᓂᕐᒥᒃ ᐱᕙᓪᓕᐊᖁᓪᓗᒋᑦ ᖃᓄᐃᑦᑐᑐᐃᓐᓇᐃᑦ, ᑲᔪᓯᓯᒪᑦᓯᐊᖁᓐᓇᕋᔭᖅᑐᑦ ᐊᒻᒪᓗ ᐊᐅᓚᓂᖃᑦᓯᐊᖅᑐᑦ ᑮᓇᐅᔭᓕᐅᕋᓱᐊᕈᑎᑦᓴᐃᑦ ᓇᒥᓕᒫᖅ ᑲᓇᑕᐅᑉ ᐱᖓᓲᓕᓯᒪᔪᖁᑎᖏᓐᓄᑦ ᓄᓇᖁᑎᐅᓪᓗᑎᒃ ᐊᒻᒪᓗ ᑲᔪᓯᑎᑦᓯᖃᑦᑕᕐᓗᑎᒃ ᑖᒃᑯᓄᖓᖓᔪᓂᒃ ᐅᑭᐅᖅᑕᖅᑐᒥᐅᓅᖓᔪᓂᒃ ᐱᓕᕆᐊᖑᖁᔭᐅᔪᓂᒃ ᐊᖅᑯᑎᖃᕐᓗᑎᒃ (ᐊᑐᕐᓗᑎᒃ) ᑮᓇᐅᔭᖃᖅᑎᑦᓯᓂᕐᒧᑦ ᐱᓕᕆᐊᑦᓴᓕᐊᖑᓯᒪᔪᓂᒃ, ᑕᐃᓐᓇ ᐅᑭᐅᖅᑕᖅᑐᒧᑦ ᐱᓕᕆᐊᑦᓴᓕᐊᖑᓯᒪᔪᓄᑦ ᐊᐅᓚᑦᓯᔨᐅᑉ ᐊᓪᓚᕝᕕᖓ ᐊᒻᒪᓗ ᐱᓕᕆᓂᒃᑯᑦ ᐱᖁᔭᓕᕆᓂᕐᒥᒃ ᖃᐅᔨᒐᓱᐊᕐᓂᒥᓪᓗ.
ᕼᒻᒪᓚᒃᑯᖏᑦ ᖁᓪᓗᖅᑑᑉ
ᑖᓂᐊᓕ ᓕᐸᓚᐃᓐᒃ
ᐊᓪᓚᑎᒻᒪᕆᒃ
867-982-6500
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: