Canadian Northern Economic Development Agency
www.CanNor.gc.ca
Liens de la barre de menu commune / Common menu bar links
Archived - ᐱᖓᓲᔪᖅᑐᑦ ᓄᓇᓂᒃ ᖃᐅᔨᓴᐃᓃᑦ ᓄᓇᕗᒻᒥ
This Web page has been archived on the Web.
Archived Content
Information identified as archived on the Web is for reference, research or record keeping purposes. It has not been altered or updated after the date of archiving. Web pages that are archived on the Web are not subject to the Government of Canada Web Standards. As per the Communications Policy of the Government of Canada, you can request alternate formats by contacting us.
ᓄᓇᓂᒃ ᖃᐅᔨᓴᐃᓂᕐᒧᑦ ᑮᓇᐅᔭᖃᖅᑎᑕᐅᕗᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ, ᐊᒻᒪᓗ ᐱᐅᓯᕚᓪᓕᖅᑎᑦᑎᓂᐊᖅᖢᑎᒃ ᑕᖅᑲᐅᖓ ᐊᑐᐃᓐᓇᕈᖅᑎᑕᐅᓯᒪᔪᑦ ᓄᓇᓄᑦ ᑐᕌᖓᔪᑦ ᑐᓴᐅᒪᔾᔪᑎᓂᒃ; ᓄᑖᓂᒃ ᐱᑐᐃᓐᓇᐅᓐᖏᑦᑐᓂᒃ ᐊᑐᕐᓂᐊᖅᑐᑦ ᓄᓇᒥᐅᑕᓂᒃ ᕿᓂᖅᑎᓪᓗᒋᑦ ᐅᑭᐅᖅᑕᖅᑐᒥ; ᑭᓱᖃᐅᕐᒪᖔᖏᓐᓂᒃ ᓇᓗᓇᐃᔭᐃᓯᒪᓂᐊᕐᒥᔪᑦ ᓄᓇᓕᖕᓄᑦ ᐱᕚᓪᓕᐅᑕᐅᔪᓐᓇᖅᑐᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᒃᓴᓄᑦ ᐊᑐᕋᔭᖅᑐᓂᒃ, ᐊᒻᒪᓗ ᖃᐅᔨᓴᐃᓗᑎᒃ ᑭᓱᑦ ᓄᓇᒦᑦᑐᑦ ᐅᓗᕆᐊᓇᕈᑕᐅᖕᒪᖔᖏᑦ ᐅᑭᐅᖅᑕᖅᑐᒥ ᓄᓇᓖᑦ ᐸᕐᓇᐃᕙᓪᓕᐊᑎᓪᓗᒋᑦ ᐊᒻᒪᓗ ᐅᓗᕆᐊᓇᑐᐃᓐᓇᕆᐊᓕᖕᓂᒃ ᖃᐅᔨᓴᐃᑎᓪᓗᒋᑦ.
ᐱᓕᕆᐊᖅ 1: ᐱᕙᓪᓕᐊᑎᑕᐅᖏᓐᓇᕐᓂᖓ ᒪᑭᒪᑎᑕᐅᓂᖓᓗ www.nunavutgeoscience.ca
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $130,000
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $50,000
ᓄᓇᕗᒻᒥ ᓄᓇᒥᐅᑕᐃᑦ ᐅᔭᕋᖕᓂᐊᖅᑕᐅᓯᒋᐊᕐᓂᐊᖅᐸᑕ, ᑕᖅᑲᒃᑯᐊ ᕿᓂᖃᑦᑕᕐᓂᐊᖅᑐᑦ ᐊᐅᓚᑕᐅᑦᑎᐊᖅᑐᓂᒃ ᐊᒻᒪᓗ ᖃᕆᓴᐅᔭᒃᑯᑦ ᐊᑐᐃᓐᓇᕈᖅᑎᑕᐅᓯᒪᔪᓂᒃ ᐱᖃᕆᐊᓖᑦ ᐸᐃᑉᐹᖃᐅᑦᑎᐊᕐᓗᑎᒃ ᐱᐅᔪᓂᒃ ᐃᓱᒪᓕᐅᕈᑎᖃᖃᑦᑕᕈᓐᓇᕐᓂᐊᕐᒪᑕ. ᓄᓇᕗᒻᒥ ᓄᓇᓂᒃ ᖃᐅᔨᓴᖅᑏᑦ ᖃᕆᓴᐅᔭᒃᑰᖅᑎᑕᖏᑦ, ᑐᕌᕈᑖ Nunavutgeosciences.ca ᐊᑐᕐᓗᒍ ᑕᒪᓐᓇ ᐊᑐᖅᑕᐅᔪᓐᓇᖅᑐᖅ ᐱᐅᔫᑎᓂᒡᓗ ᖃᕆᓴᐅᔭᒃᑰᖅᑎᑦᑎᓯᒪᓪᓗᑎᒃ. 2009-10-ᒥ ᓄᑖᓐᖑᕆᐊᖅᑎᑦᑐᒪᔭᕗᑦ ᐊᒻᒪᓗ ᐅᓪᓗᒥᓯᐅᑎᓂᒃ ᐃᓕᐅᖅᑲᐃᕕᒋᓗᑎᒃᑯᑦ, ᐋᖅᑭᒃᓱᐃᓗᑕᓗ “ᓴᖅᑭᓵᖅᑐᓂᒃ” ᖃᐅᔨᒋᐊᕐᕕᐅᔪᓐᓇᖅᑐᒥᒃ, ᐃᓚᓗᒋᓪᓗ ᐅᖅᓱᐊᓗᖕᓄᑦ ᐳᓪᓚᐅᔭᓄᓪᓗ ᑐᕌᖓᔪᓂᒃ ᐊᒻᒪᓗ ᐊᓯᖏᓐᓂᒃ ᐃᖅᑲᓇᐃᔭᖃᑎᖃᕐᓗᑕ ᓄᓇᓕᖕᓂ ᓄᓇᓐᖑᐊᑦ ᑕᕝᕗᖓ ᐃᓕᐅᖅᑲᖅᑕᐅᖃᓯᐅᑎᓯᒪᓂᐊᕐᒪᑕ.
ᐱᓕᕆᐊᖅ 2: ᖁᒻᒧᐊᒃᑎᑕᐅᓯᒪᔪᓂᒃ ᐊᑐᕐᓗᑎᒃ ᓄᓇᓂ ᐱᑕᖃᕈᓇᓗᐊᓐᖑᐊᖅᑐᓂᒃ ᑮᓇᐅᔭᓕᐅᕋᓱᐊᕈᑕᐅᔪᓐᓇᖅᑐᓂᒃ ᕿᓂᕐᓂᖅ, ᕿᑎᕐᒥᐅᓂᑦ (zinc/ᖃᑯᓪᓕᖅ ᐊᒻᒪᓗ ᖃᓐᓄᖃᓖᑦ)
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $325,000
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $250,000
ᑕᒪᓐᓇ ᐊᑐᕐᓗᑎᒃᑯᑦ ᑐᕌᒐᖃᖅᑐᒍᑦ ᓄᓇᓐᖑᐊᑎᒎᖅᑎᑦᑐᒪᓪᓗᑎᒃᑯᑦ ᑕᐃᒃᑯᐊ ᓄᓇᐃᑦ ᐱᑕᖃᕈᓇᓗᐊᓐᖑᐊᖅᑐᑦ ᓴᕕᕋᔭᒃᓴᓂᒡᓗ ᐱᑕᖃᓗᐊᓐᖑᐊᖅᑐᑦ ᖃᐅᔨᒪᔮᕆᔭᐅᔪᑦ Slave Province ᐅᐊᖕᓇᖓᓂ. ᑕᒪᓐᓇ ᐱᓕᕆᐊᕆᔪᒪᔭᕗᑦ ᐃᑲᔫᑎᖃᓗᐊᓐᖑᐊᕐᓂᐊᖅᑐᖅ ᓄᓇᓐᖑᐊᓕᐅᕐᓂᕐᒧᑦ ᓴᕕᕋᔭᒃᓴᖅᓯᐅᕐᓂᕐᒧᓪᓗ ᓄᓇᕗᒻᒥ. ᐱᐅᔪᓂᒃ ᑐᓴᐅᒪᔾᔪᑎᓂᒃ ᐱᑕᖃᖅᑎᓪᓗᒍ ᕿᓂᖅᐸᒃᑐᑦ ᐅᔭᕋᒃᓯᐅᖅᑏᓪᓗ ᕿᓂᕈᒪᒋᐊᓪᓚᒃᑲᓐᓂᕈᓐᓇᖅᑐᑦ ᓄᓇᕗᑦ ᐃᓗᐊᓃᑦᑐᓂᒃ.
ᐱᓕᕆᐊᖅ 3: ᓄᓇᒥᐅᑕᓂᒃ ᖃᐅᔨᓴᐃᑦᑎᐊᕐᓂᖅ ᖃᑯᓪᓕᖅᓯᐅᖅᖢᑎᒃ ᐊᒻᒪᓗ ᖃᓄᖅ ᐱᒋᐊᕐᓂᖃᓚᐅᖅᓯᒪᓂᖏᓐᓂᒃ ᑐᑭᓯᓇᓱᖕᓂᖅ (Hope Bay Belt)
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $60,000
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $60,000
Hope Bay Belt-ᒥ ᐊᑕᐅᓯᐅᓐᖏᑦᑐᓂᒃ ᐊᖏᔫᑎᓂᒃ ᖃᑯᓪᓕᖅᑕᖃᐅᖅᑐᖅ, ᐊᒻᒪᓗ ᖃᐅᔨᓵᖑᖃᑦᑕᖅᓯᒪᒐᓗᐊᖅᑎᓪᓗᒍ, ᓱᓕ ᐊᒥᓱᐊᓗᖕᓂᒃ ᑐᑭᓯᑦᑎᐊᖅᓯᒪᓐᖏᑦᑐᒍᑦ ᐊᑑᑎᖃᓗᐊᓐᖑᐊᕋᔭᖅᑐᓂᒃ. ᓄᑖᓂᒃ ᓄᓇᓐᖑᐊᓕᐅᕐᓂᒃᑯᑦ ᐊᒻᒪᓗ ᖃᐅᔨᓴᐃᓂᒃᑯᑦ ᑐᑭᓯᒃᑲᓐᓂᕈᓐᓇᖅᑕᕗᑦ ᑕᒪᓐᓇ ᖃᑯᓪᓕᖅᑕᖃᐅᕐᓂᖓ, ᐊᒻᒪᓗ ᕿᓂᖅᑐᑦ ᑐᑭᓯᐅᒪᑦᑎᐊᕐᓂᖅᓴᐅᓕᕐᓗᑎᒃ ᐃᓱᒪᓕᐅᕆᐊᖃᕈᑎᒃ ᐊᒻᒪᓗ ᐊᓯᖏᓐᓂᒃ ᓄᓇᕗᒻᒧᑦ ᑲᔪᖏᖅᓴᐅᑕᐅᒃᑲᓐᓂᕈᓐᓇᖅᖢᓂ.
ᐱᓕᕆᐊᖅ 4: ᑲᑎᑕᐅᓯᒪᔪᑦ ᓄᓇᓐᖑᐊᓕᐊᕕᓃᑦ ᓇᓗᓇᐃᔭᐃᓯᒪᔪᑦ ᓄᓇᒥ ᑭᓱᖃᐅᕐᓂᖏᓐᓂᒃ
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $150,000
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $150,000
ᐱᖁᑎᕐᔪᐊᑦ ᓴᓇᔭᐅᕙᓪᓕᐊᓂᐊᖅᐸᑕ ᐊᒻᒪᓗ ᑮᓇᐅᔭᓕᐅᕋᓱᐊᕈᑏᑦ ᑕᒪᒃᑯᓄᖓ ᐊᒃᑐᐊᔪᑦ ᐱᕙᓪᓕᐊᓂᐊᖅᐸᑕ, ᑐᐊᐸᖕᓂᒃ ᐊᒥᒐᓐᖏᑦᑐᓂᒃ ᐱᐅᔫᑎᓂᒃ ᐱᑕᖃᕆᐊᓕᒃ ᓄᓇᕗᒻᒥ ᓄᓇᓕᓕᒫᓂ. ᑭᓱᓗᒃᑖᓂᒃ ᓴᓈᓂᒍᓐᓇᓐᖏᑦᑐᒍᑦ ᐊᒥᒐᖅᓯᒍᑦᑕ ᐱᐅᓐᖏᓗᐊᖅᐸᑕᓗ ᑐᐊᐸᐃᑦ. ᐅᑯᑎᒎᓇᖅ ᓇᓗᓇᐃᔭᐃᔪᒪᔪᒍᑦ ᓱᑯᑦᑎᐊᓃᒻᒪᖔᖏᓐᓂᒃ, ᓄᓇᓐᖑᐊᑎᒍᑦ ᓇᓗᓇᐃᔭᕐᓗᑎᒃᑯᑦ ᐊᒻᒪᓗ ᖃᓄᐃᑦᑑᖕᒪᖔᖏᓐᓂᒃ ᐅᓂᒃᑲᐅᓯᖃᕐᓗᑕ ᐅᔭᖅᑲᓂᒃ ᑐᐊᐸᓐᖑᖅᑎᑕᐅᔪᓐᓇᖅᑐᓂᒃ ᑐᐊᐸᓕᖕᓂᒡᓘᓐᓃᑦ ᐱᖓᓱᓂ ᓄᓇᕗᑦ ᓄᓇᓕᖁᑎᖏᓐᓃᑦᑐᓂᒃ. ᐅᑯᐊᖑᕗᑦ: ᐅᖅᓱᖅᑑᖅ, ᒫᓐᓇ ᑐᐊᐸᒃᑕᖃᓐᖏᑦᑐᖅ ᐊᑐᖅᑕᐅᔪᓐᓇᖅᑐᓂᒃ ᐊᖅᑯᓯᐅᕐᓂᕐᒧᑦ; ᐸᖕᓂᖅᑑᖅ, ᑐᐊᐸᒃᑕᖃᓐᖏᓗᐊᕐᒪᑦ ᐱᖁᑎᕐᔪᐊᓄᑦ ᓴᓇᔾᔪᑕᐅᔪᓐᓇᖅᑐᓂᒃ, ᐃᓚᓕᐅᓪᓗᒋᑦ ᐊᖅᑯᑏᑦ ᐊᒻᒪᓗ; ᓇᐅᔮᑦ, ᑐᐊᐸᒃᑕᖃᓐᖏᓗᐊᕐᒪᑦ ᐊᖅᑯᓯᐅᕈᑕᐅᔪᓐᓇᖅᑐᓂᒃ.
ᓇᓗᓇᐃᔭᐃᒍᑦᑕ ᑐᐊᐸᒃᑕᖃᕐᒪᖔᖅ ᐊᒻᒪᓗ ᓄᓇᓐᖑᐊᓕᕈᒃᑎᒍ ᐱᖁᑎᕐᔪᐊᑦ ᓴᓇᔭᐅᕙᓪᓕᐊᔭᕆᐊᖃᓪᓚᕆᒃᑐᑦ ᐱᒋᐊᖅᑕᐅᔪᓐᓇᖅᓯᓂᐊᖅᑐᑦ ᓄᓇᓕᖕᓂ ᐊᒥᓱᓂ.
ᐱᓕᕆᐊᖅ 5: ᑭᓱᓕᐊᕆᔭᐅᔪᓐᓇᖅᑐᑦ ᐅᔭᖅᑲᑦ ᓇᓃᓐᓂᖏᑦᑕ ᖃᐅᔨᓴᖅᑕᐅᓂᖏᑦ, ᐊᒻᒪᓗ ᐆᒪᔪᑦ ᓴᐅᓂᕕᓂᖏᓐᓄᑦ ᐅᕕᓗᕐᓄᓪᓗ ᐱᓐᖑᖅᑎᑕᐅᓯᒪᔪᑦ ᐅᔭᖅᑲᑦ (ᓴᓪᓖᑦ)
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $40,000
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $40,000
ᐆᒪᔪᑦ ᓴᐅᓂᕕᓂᖏᓐᓄᑦ ᐅᕕᓗᕐᓄᓪᓗ ᐱᓐᖑᖅᑎᑕᐅᓯᒪᔪᑦ ᐅᔭᖅᑲᑦ ᐊᑐᖅᑕᐅᒐᔪᒃᐳᑦ ᐅᔭᕋᒃᓯᐅᕐᕕᖕᓄᓗᐊᓐᖑᐊᓄᑦ. ᑭᓱᑐᐃᓐᓇᑦ ᑕᑯᓐᓇᕐᓗᒋᑦ, ᑕᐃᒪᐃᑦᑐᑦ ᑕᕆᐅᕐᒥᓐᖔᖅᑐᓂᒃ ᐃᓗᓕᖃᐅᕐᓂᖅᓴᐅᓲᖑᕗᑦ. ᓴᓪᓕᕐᓂ, ᓄᓇᕗᒻᒥ, ᑕᐃᒪᐃᑦᑐᓂᒃ ᐱᑕᖃᐅᖅᑐᐊᓗᒃ ᐊᑐᖅᑕᐅᔪᓐᓇᖅᑐᓂᒃ ᐅᔭᕋᒃᓯᐅᕐᕕᖕᒥ ᐃᒥᕐᒥᒃ ᐊᑐᖅᑕᐅᒡᒍᔪᓂ ᐊᑐᖅᑐᒃᓴᓂᒃ, ᐅᔭᕋᒃᓯᐅᕐᕕᖕᓂ ᖄᖅᑎᑕᕐᓄᑦ ᐱᓗᐊᓐᖏᓐᓂᖅᓴᐅᔾᔪᑕᐅᔪᓐᓇᖅᖢᑎᒃ, ᕿᑯᓕᐅᕈᑕᐅᓗᑎᒃ ᐊᒻᒪᓗ ᐊᓯᖏᓐᓄᑦ ᓴᓇᕕᒡᔪᐊᕐᓂ ᐊᑐᖅᑕᐅᕙᒃᑐᓄᑦ ᐊᑐᖅᑕᐅᔪᓐᓇᖅᖢᑎᒃ. ᐆᒪᔪᑦ ᓴᐅᓂᕕᓂᖏᓐᓄᑦ ᐅᕕᓗᕐᓄᓪᓗ ᐱᓐᖑᖅᑎᑕᐅᓯᒪᔪᑦ ᐅᔭᖅᑲᑦ ᓴᓪᓖᑦ ᖃᓂᒋᔮᓃᑦᑐᑦ ᖃᓂᓐᓂᖏᓐᓄᑦ ᓯᑲᐅᒃᑯᑦ ᐊᒡᔭᖅᑐᖅᑕᐅᖃᑦᑕᕈᓐᓇᖅᑐᑦ ᐅᔭᕋᒃᓯᐅᕐᕕᖕᓄᑦ ᑭᕙᓪᓕᕐᒦᑦᑐᓄᑦ. ᐅᑯᑎᒎᓇ ᑕᒪᒃᑯᐊ ᐅᔭᖅᑲᑦ ᖃᐅᔨᓴᖅᑕᐅᔪᓐᓇᖅᑐᑦ ᐊᒻᒪᓗ ᓇᓗᓇᐃᖅᑕᐅᓗᑎᒃ ᑭᓱᓄᑦ ᐊᑐᖅᑕᐅᔪᓐᓇᕐᒪᖔᖏᑦ. ᐅᔭᖅᑲᑦ ᐅᔭᕋᒃᓯᐅᕐᕕᖕᓄᑦ ᐊᑐᕈᒥᓇᖅᐸᑕ, ᖃᓄᖅᑑᕈᑎᒋᒃᑲᓐᓂᕐᓂᐊᖅᑕᕗᑦ ᑭᓱᒃᑲᓐᓂᕐᓄᑦ ᐊᑐᖅᑕᐅᔪᓐᓇᕐᒪᖔᖏᑦ.
ᐱᓕᕆᐊᖅ 6: ᓄᓇᓕᖕᓂ ᓄᓇᐃᑦ ᐅᓗᕆᐊᓇᖅᓯᕙᓪᓕᐊᖕᒪᖔᖏᓐᓂᒃ ᖃᐅᔨᓴᐃᓂᖅ
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $650,000
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $550,000
ᓄᓇᕗᒻᒥ ᑮᓇᐅᔭᓕᐅᕋᓱᐊᕈᑏᑦ ᐊᒃᑐᖅᑕᐅᖃᑕᐅᔪᒃᓴᐅᕗᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖏᓐᓄᑦ. ᓄᑖᑦ ᐱᖁᑎᕐᔪᐊᑦ ᓴᓇᔭᐅᔪᒃᓴᑦ ᓄᓇᓕᖕᓂ ᐊᒻᒪᓗ ᓴᓇᕐᕈᓯᐅᕐᓂᖅ, ᒫᓐᓇ ᓴᖅᑭᔮᖅᑐᑦ ᓄᓇᓕᖕᓂ ᐱᖁᑎᕐᔪᐊᑦ ᑭᓐᖒᒪᔭᐅᔪᑦ ᐊᒻᒪᓗ ᒪᑭᒪᔪᑦ ᑕᒪᕐᒥᒃ ᐊᒃᑐᖅᑕᐅᔪᐃᓐᓇᐅᔪᑦ. ᑕᒪᓐᓇ ᐱᓕᕆᐊᖅ 2006-ᒥ ᐱᒋᐊᓚᐅᖅᑐᖅ ᐊᒻᒪᓗ ᓇᓗᓇᐃᔭᐃᔪᒪᓪᓗᑎᒃ ᖃᓄᐃᑦᑐᓪᓗ ᐊᒃᑐᖅᑕᐅᖕᒪᖔᖏᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒻᒪᓗ ᖃᓄᖅᑑᕈᑕᐅᒃᑲᓐᓂᕐᓗᑎᒃ ᐃᓕᖅᑭᒋᐊᖅᑕᐅᓗᑎᒡᓗ ᓄᓇᓕᖕᓂ ᐊᒃᑐᖅᑕᐅᓂᓖᑦ. ᑲᑎᖅᓱᖅᑕᐅᓂᐊᖅᑐᑦ ᓄᓇᓐᖑᐊᓕᕆᓂᕐᒧᑦ ᐊᒻᒪᓗ ᐃᓱᒪᓕᐅᕈᑕᐅᓂᐊᖅᑎᓪᓗᒋᑦ ᑕᒪᒃᑯᐊ ᐊᑐᖅᑕᐅᓂᐊᕆᓪᓗᑎᒃ. 2009-10-ᒥ ᐱᓕᕆᐊᕆᔪᒪᔭᕗᑦ ᐊᑕᐅᓯᐅᓐᖏᑦᑐᓂ ᓄᓇᕗᑦ ᓄᓇᓕᖁᑎᖏᓐᓃᓐᓂᐊᖅᑐᑦ, ᓵᓐᖓᓗᐊᕐᓗᑎᒃᑯᑦ ᓄᓇᒥ ᐅᓗᕆᐊᓇᖅᑑᔪᓐᓇᖅᑐᑦ. ᑕᒪᓐᓇ ᐱᓕᕆᐊᕆᓗᑎᒃᑯᑦ ᓄᓇᓕᖕᓂ ᐸᕐᓇᐅᓯᐅᕐᓂᖅ ᐱᔭᕆᐊᑭᓐᓂᖅᓴᐅᓂᐊᖅᑐᖅ, ᑐᑭᓯᐅᒪᑦᑎᐊᕐᓂᖅᓴᐅᓗᑕᓗ ᐱᖁᑎᕐᔪᐊᓂᒃ ᐱᕙᓪᓕᐊᑎᑦᑎᓂᕐᒥᒃ ᐊᒻᒪᓗ ᑐᑭᓯᐅᒪᒃᑲᓐᓂᕐᓗᑕ ᓄᓇᐅᑉ ᐃᑭᐊᖓᓂ ᐊᐅᔪᐃᑦᑐᖅ ᖃᓄᐃᑦᑑᖕᒪᖔᖅ ᐊᒻᒪᓗ ᖃᓄᖅ ᐅᓗᕆᐊᓇᖅᓯᔪᓐᓇᕐᓂᖓᓂᒃ ᐊᐅᒃᐸᓪᓕᐊᓕᖅᑎᓪᓗᒍ ᓄᓇ.
2009-10-ᒥ ᓄᓇᓐᖑᐊᓕᕆᓂᖅ ᑮᓇᐅᔭᖃᖅᑎᑕᐅᔪᖅ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ. ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᒋᐊᕈᑏᑦ ᐸᕐᓇᐅᑎᖏᑦ (ᑮᓇᐅᔭᑦ ᐊᑐᕈᒫᕐᓂᐊᖅᑐᑦ 2009) ᓄᑖᓐᖑᕆᐊᖅᑎᑦᑎᕗᑦ ᑮᓇᐅᔭᓂᒃ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒎᖅᑐᓂᒃ, $90 ᒥᓕᐊᓐᖑᓪᓗᑎᒃ ᐊᕐᕌᒍᓄᑦ ᑕᓪᓕᒪᓄᑦ. ᑮᓇᐅᔭᑦ ᐊᑐᐃᓐᓇᐅᔪᑦ ᐊᒡᒍᖅᑐᖅᑕᐅᖃᑦᑕᖅᐳᑦ ᐱᖓᓱᓄᑦ ᐅᑭᐅᖅᑕᖅᑐᒥ ᒐᕙᒪᖃᕐᕕᐅᔪᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ, ᖃᐅᔨᒋᐊᕈᓐᓇᖅᑕᐃᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᖃᕆᓴᐅᔭᒃᑰᖅᑎᓯᒪᔭᖏᑦ, ᐅᕘᓇ: www.north.gc.ca .
ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ ᐊᐅᓚᑕᐅᕗᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐱᔭᒃᓴᖅᑖᖅᑎᑕᐅᓯᒪᕗᖅ ᑐᑭᒧᐊᒃᑎᑦᑎᔨᐅᓂᕐᒥᒃ ᐊᒻᒪᓗ ᓴᖅᑭᔮᖅᑎᑦᑎᓂᕐᒥᒃ ᑲᓇᑕᐅᑉ ᒐᕙᒪᒃᑯᖏᑦᑕ ᑮᓇᐅᔭᓕᐅᕋᓱᐊᕈᑎᓄᑦ ᐱᓕᕆᐊᖏᓐᓂᒃ ᐅᑭᐅᖅᑕᖅᑐᒥ ᒐᕙᒪᖃᕐᕕᖕᓂ, ᐊᒻᒪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᐃᔨᐅᓂᕐᒥᒃ ᐊᒻᒪᓗ ᐊᔭᐅᖅᑐᐃᔨᐅᓂᕐᒥᒃ, ᓴᐳᒻᒥᐅᓯᖅᓯᓯᒪᓗᑎᒡᓗ ᐅᑭᐅᖅᑕᖅᑐᒥ ᐊᕙᑎᑦᑎᓐᓂ ᐃᑦᑕᕐᓂᓴᕐᓂᒃ, ᓴᖅᑭᔮᖅᑎᑦᑎᒃᑲᓐᓂᕐᓗᑎᒃ ᐃᓅᓯᕐᒧᑦ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᐱᕚᓪᓕᐅᑕᐅᔪᓐᓇᖅᑐᓂᒃ, ᐊᒻᒪᓗ ᐱᐅᓯᒋᐊᖅᑎᑦᑎᓗᑎᒃ ᓴᓐᖏᓂᖅᑖᖅᑎᑦᑎᓗᑎᒡᓗ ᐅᑭᐅᖅᑕᖅᑑᑉ ᐊᐅᓚᑕᐅᓂᖏᓐᓂᒃ.
