Canadian Northern Economic Development Agency
www.CanNor.gc.ca
Liens de la barre de menu commune / Common menu bar links
Archived - ᐱᒋᐊᕐᓂᕕᓂᐊ
This Web page has been archived on the Web.
Archived Content
Information identified as archived on the Web is for reference, research or record keeping purposes. It has not been altered or updated after the date of archiving. Web pages that are archived on the Web are not subject to the Government of Canada Web Standards. As per the Communications Policy of the Government of Canada, you can request alternate formats by contacting us.
ᑲᓇᑕᐅ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐊᖏᖅᓯᕗᑦ $200,000-ᓂᒃ ᐊᕐᕌᒍᓄᑦ ᐱᖓᓱᓄᑦ ᐊᑐᖅᑐᒃᓴᐅᑕᐅᓂᐊᖅᑐᑦ ᐸᕐᓇᐅᓯᐊᕆᔭᐅᔪᓐᓇᕐᓂᐊᕐᒪᑦ ᒪᑭᑕᐅᓂᐊᕐᓂᖓ ᑐᓚᒃᑕᕐᕕᓕᕆᔩᑦ ᑲᒥᓴᖏᑦ ᔭᓗᓇᐃᕝᒥ, ᐱᔭᒃᓴᖅᑖᖅᑎᑕᐅᓯᒪᓂᐊᖅᖢᑎᒡᓗ ᓯᒡᔭᒥ ᑐᓚᒃᑕᕐᕕᓕᕆᓂᕐᒥᒃ ᐹᒃ ᐸᐃᒥ (Back Bay) ᐊᒻᒪᓗ ᔭᓗᓇᐃᕝᒦᑦᑐᓂᒃ. ᔭᓗᓇᐃᕝ ᓄᓇᓕᐸᐅᔮ ᑖᒃᑯᓄᖓ ᑮᓇᐅᔭᓂᒃ ᖄᒃᑲᓐᓂᐊᒍᑦ ᐃᓕᓯᓂᐊᖅᑐᑦ $223,000-ᓂᒃ ᑕᒪᒃᑯᓄᖓ ᐊᑐᕐᓂᐊᖅᑐᓂᒃ.
ᐊᕐᕌᒍᑦ ᐱᖓᓱᑦ ᐊᑐᕐᓂᖏᓐᓂ, ᐊᒃᑐᖅᑕᐅᓗᐊᓐᖑᐊᕐᓂᐊᖅᑐᑦ ᐸᕐᓇᐃᔨᖏᑦᑕ ᑲᑎᒪᔨᕋᓛᖏᑦ ᐃᓄᓕᒫᖅᑎᑦᑎᖃᑦᑕᕐᓂᐊᖅᑐᑦ, ᓇᓗᓇᐃᔭᐃᓗᑎᒃ ᐊᕙᓗᒥ ᐊᒃᑐᖅᑕᐅᑐᐃᓐᓇᕆᐊᓖᑦ, ᖃᐅᔨᓴᐃᓗᑎᒃ ᒐᕙᒪᖃᕐᕖᑦ ᓇᒧᑦ ᑎᑭᓪᓗᒍ ᐱᔪᓐᓇᕐᓂᖅᑖᖅᑎᑕᐅᓯᒪᖕᒪᖔᖏᑦ ᐊᒻᒪᓗ ᒪᓕᒐᖅᑎᒍᑦ ᖃᓄᐃᑦᑐᓂᒃ ᐱᔭᒃᓴᖅᑖᖅᑎᑕᐅᓯᒪᖕᒪᖔᑦ, ᐊᒻᒪᓗ ᒪᓕᒐᓕᕆᓂᕐᒥᒃ ᐱᔭᒃᓴᖅᑖᖅᑎᑕᐅᓯᒪᔪᑦ ᑎᒥᓐᖑᖅᑎᑕᐅᓯᒪᔪᑦ ᐅᖃᓪᓚᖃᑎᒋᖃᑦᑕᕐᓗᓂᒋᑦ. ᑕᖅᑲᒃᑯᓂᖓ ᐃᓄᖕᓂᒃ ᑐᓴᖅᑎᑦᑎᓇᓱᒡᓗᑎᒃ ᑲᑎᒪᓂᖃᓛᖅᑐᑦ ᑕᒃᑯᐊ ᐱᕙᓪᓕᐊᔾᔪᓰᑦ ᐃᓱᓕᑉᐸᑕ, ᐅᓂᒃᑲᐅᓯᖃᕐᓗᑎᒃ ᖃᓄᐃᑦᑐᓂᒃ ᑐᑭᓯᓚᐅᕐᒪ…ᖔᖏᑦ ᐊᒻᒪᓗ ᑐᑭᒧᐊᒍᑎᒃᓴᓕᐅᕐᓗᑎᒃ ᐱᓐᖑᖅᑎᑕᐅᔪᓐᓇᕐᓂᐊᕐᒪᑕ ᑐᓚᕐᑕᕐᕕᓕᕆᓂᕐᒧᑦ ᑲᒥᓴᐃᑦ.
ᐸᕐᓇᐃᔩᑦ ᑲᑎᒪᔨᕋᓛᖏᑦ ᐃᒃᓯᕚᖅᑎᖃᐅᕐᓂᐊᖅᑐᑦ ᐃᒪᕐᒥᐅᑕᓕᕆᔨᒃᑯᓐᓂᓐᖔᖅᑐᒥᒃ, ᓄᓇᓕᐸᐅᔭᓂᒃ ᓄᓇᓕᖕᓂᒡᓗ ᑲᒪᔨᑦ ᐱᓕᕆᕝᕕᖓᓐᓂᑦ, ᑲᓇᑕᒥ ᐊᕙᑎᓕᕆᔨᒃᑯᑦ, ᑲᓇᑕᒥ ᐃᖏᕐᕋᔾᔪᑎᓕᕆᔨᒃᑯᑦ, ᐃᖏᕐᕋᔾᔪᑎᓕᕆᔨᒃᑯᑦ ᐱᓕᕆᕝᕕᖓᑦ, ᑲᓇᑕᒥ ᐃᓄᓕᕆᔨᑐᖃᒃᑯᑦ, ᔭᓗᓇᐃᕝ ᓄᓇᓕᐸᐅᔮ (ᐸᕐᓇᐃᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ, ᐱᕙᓪᓕᐊᔪᓕᕆᔨᒃᑯᑦ, ᓄᓇᓕᖕᓂ ᐱᔨᑦᑎᖅᑏᑦ, ᐊᒻᒪᓗ ᓴᓇᔪᓕᕆᔨᒃᑯᑦ) ᐊᒻᒪᓗ ᔭᓗᓇᐃᕝᒥᐅᑦ ᐃᖅᑭᓕᖏᑦ.
ᐸᕐᓇᐃᔩᑦ ᑲᑎᒪᔨᕋᓛᖏᑦᑕ ᐃᖅᑲᓇᐃᔮᖏᑦ ᐱᔭᕇᖅᐸᑕ, ᓴᖅᑭᑕᐅᓵᖅᑐᑦ ᑐᓚᒃᑕᕐᕕᓕᕆᓂᕐᒧᑦ ᑲᒥᓴᐃᑦ ᐱᔭᒃᓴᖅᑖᖅᑎᑕᐅᓂᐊᖅᑐᑦ ᐸᕐᓇᐅᓯᐅᕐᓂᕐᒥᒃ ᓴᖅᑭᔮᕐᓂᖅᓴᐅᓕᕈᓐᓇᕐᓂᐊᕐᒪᑕ ᓂᐅᕐᕈᑎᖃᕐᓂᕐᒧᑦ, ᐃᒡᓗᖃᕐᕖᑦ ᐊᒻᒪᓗ ᐳᓚᕋᖅᑐᓕᕆᓂᕐᒥᒃ ᑐᓐᖓᕕᓖᑦ ᐱᕙᓪᓕᐊᑎᑕᐅᔾᔪᑎᒃᓴᖏᓐᓂᒃ, ᓴᐳᒻᒥᐅᓯᖅᓯᓯᒪᓯᓐᓈᕐᓗᑎᒃ ᐊᕙᑎᑦᓐᓂ ᐱᖅᑯᓯᑐᖃᕐᓄᓪᓗ ᐊᒃᑐᐃᓂᖃᓗᐊᖅᑐᑦ. ᑖᒃᑯᐊ ᑲᒥᓴᐃᑦ ᐱᔭᒃᓴᖅᑖᖅᑎᑕᐅᓂᐊᕐᒥᔪᑦ ᓇᓗᓇᐃᔭᐃᓂᕐᒥᒃ ᒪᓕᒐᒃᓴᑦ ᐱᕙᓪᓕᐊᔾᔪᓯᒃᓴᖏᓐᓂᒃ ᐱᔭᕐᓂᖅᑐᓂᒃ, ᐊᑑᑎᖃᑦᑎᐊᖅᑐᓂᒃ ᐊᒻᒪᓗ ᐊᑐᓕᖅᑎᑕᐅᔪᓐᓇᕐᓂᐊᖅᑐᓂᒃ.
ᓵᓐᖓᔭᐅᓗᐊᕐᓂᐊᖅᑐᖅ ᔭᓗᓇᐃ ᑰᖓᑕ ᓯᒡᔭᖓ ᓇᒋᔅ ᓴᐅᑦᒧᑦ (Negus South) ᑎᑭᓪᓗᒍ, ᒫᓐᓇ ᑕᒪᓐᓇ ᐊᑐᖅᑕᐅᖕᒪᑦ ᐊᑐᖅᑐᐊᒐᒃᓴᓄᑦ ᓇᖕᒥᓂᕆᔭᐅᔪᓄᓪᓗ ᐃᒪᕐᒧᑦ ᒥᑦᑐᓐᓇᖅᑐᓄᑦ ᖃᖓᑕᓲᓄᑦ, ᐃᒡᓗᒋᔭᐅᔪᓪᓗ ᐅᒥᐊᓄᑦ, ᐊᒻᒪᓗ ᐊᔾᔨᒌᓐᖏᑦᑐᓄᑦ ᖃᖓᑐᐃᓐᓇᖅ ᐃᒪᒃᑰᕈᓐᓇᖅᑐᓄᑦ ᓯᑯᒃᑯᓪᓗ ᓄᒃᑕᐅᑎᓄᑦ, ᐊᒻᒪᓗ ᐃᕿᐊᓐᖑᐃᔭᐃᕕᐅᕙᒃᖢᓂ. ᑕᒪᓐᓇ ᐃᒪᐅᑉ ᖃᓂᒋᔮ ᐊᑐᖅᑕᐅᓐᖏᑦᑐᖅ ᐅᕝᕙᓘᓐᓃᑦ ᐊᑐᖅᑕᐅᓗᐊᓐᖏᑦᑐᖅ. ᒫᓐᓇᐅᔪᖅ, ᔭᓗᓇᐃᕝ ᓄᓇᓕᐸᐅᔮ ᐃᓗᐃᒃᑲᒥᒃ ᐸᕐᓇᐅᓯᐅᖅᓯᒪᓐᖏᑦᑐᑦ ᐃᒥᕐᒥᒃ ᐊᑐᕐᓂᕐᒥᒃ ᐱᔾᔪᑎᓕᖕᓂᒃ ᐊᒻᒪᓗ ᐃᒪᐅ ᖃᓂᒋᔮᓃᑦᑐᑦ ᓄᓇᐃᑦ ᖃᓄᖅ ᐊᑕᖅᑕᐅᔭᕆᐊᖃᕐᓂᖏᓐᓂᒃ ᐱᕙᓪᓕᐊᑎᑕᐅᔪᓐᓇᕐᓂᖏᓐᓂᒡᓘᓐᓃᑦ.
ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ
ᑲᓇᑕᐅᑉ ᒐᕙᒪᒃᑯᖏᓐᓂᑦ ᑮᓇᐅᔭᖃᖅᑎᑕᐅᓂᖓ ᑕᒪᓐᓇ ᐊᑐᐃᓐᓇᕈᖅᑎᑕᐅᓯᒪᕗᑦ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ. ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᒋᐊᕈᑏᑦ ᐸᕐᓇᐅᑎᖏᑦ (ᑮᓇᐅᔭᑦ ᐊᑐᕈᒫᕐᓂᐊᖅᑐᑦ 2009) ᓄᑖᓐᖑᕆᐊᖅᑎᑦᑎᕗᑦ ᑮᓇᐅᔭᓂᒃ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒎᖅᑐᓂᒃ, $90 ᒥᓕᐊᓐᖑᓪᓗᑎᒃ ᐊᕐᕌᒍᓄᑦ ᑕᓪᓕᒪᓄᑦ. ᑮᓇᐅᔭᑦ ᐊᑐᐃᓐᓇᐅᔪᑦ ᐊᒡᒍᖅᑐᖅᑕᐅᖃᑦᑕᖅᐳᑦ ᐱᖓᓱᓄᑦ ᐅᑭᐅᖅᑕᖅᑐᒥ ᒐᕙᒪᖃᕐᕕᐅᔪᓄᑦ. ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕋᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ ᐃᓚᒋᔭᐅᖃᑕᐅᕗᑦ ᐱᓕᕆᐊᓐᖑᖅᑎᑕᐅᓯᒪᔪᓂ ᐊᐅᓚᑕᐅᔪᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ, ᓴᖅᑭᑕᐅᓵᓚᐅᖅᑐᑦ ᑎᒥᑦ ᐱᔭᒃᓴᖅᑖᖅᑎᑕᐅᓯᒪᔪᑦ ᑐᑭᒧᐊᒃᑎᐅᓂᕐᒥᒃ ᐊᒻᒪᓗ ᓴᖅᑭᑦᑎᓂᕐᒥᒃ ᑲᓇᑕᐅᑉ ᒐᕙᒪᒃᑯᖏᓐᓂᓐᖔᖅᑐᑦ ᑮᓇᐅᔭᓕᐅᕋᓱᐊᕈᑏᑦ ᐅᑭᐅᖅᑕᖅᑐᒥ ᒐᕙᒪᖃᕐᕕᐅᔪᓂ, ᐊᒻᒪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᐃᓂᕐᒥᒃ ᐊᒻᒪᓗ ᐊᔭᐅᖅᑐᐃᔨᐅᓂᕐᒥᒃ.