2024-2025 ᐅᖃᕈᑎᒧᑦ ᐱᔪᒪᓂᕐᒧᑦ ᑐᕌᕈᑎ

ᑲᓇᑕᐅ ᐅᐊᖕᓇᖓᓂ ᐱᕙᓕᐊᔪᓕᕆᔨ ᑎᒥᖑᖅᑎᑕᐅᓯᒪᔪᑦ ᑕᑯᑎᑦᑎᔪ ᑎᑎᖃᓕᐊᖑᓯᒪᔪᓂ ᐱᔪᒪᓂᕐᒧ (EOI) ᐊᑐᖅᑐᒧ ᓄᑖᒃᑯ ᐊᑕᐅᓯ ᐊᕋᒍ ᐅᕝᕙᓘᓃᑦ ᐅᖓᑕᒍ-ᐊᕋᒍ ᐱᓕᕆᐊᒃᓴᑦ ᐱᒋᐊᕐᓗᒍ ᐱᐊᓂᒃᐸᑦ ᒫᔨ 31, 2024, ᐅᒃᑯᐊᓚᐅᖅᑐᖅ ᓄᕕᐱᕆ 20, 2023.

ᐅᐸᓚᐅᕐᓂᖏᒃᑯᕕ ᐅᑯᐃᖓᑎᓪᓗᒍ ᑭᓯᐊᓂ ᐱᓕᕆᐊᒃᓴᖃᕈᕕ ᐅᕝᕙᓘᓃᑦ ᐃᓱᒪᒋᔭ ᐅᖃᐅᓯᕆᔪᒪᒍᖕᓂ, ᐅᖃᖃᑎᖃᕆ CanNor ᓄᓇᓕᒃᓂ ᑎᑎᕋᕐᕕᒃ ᑕᑯᒋᐊᕐᓗᑎ ᓇᐅᑯᖔᒃᑲᓐᓂᖅ ᐃᑲᔫᓯᐊᓄ ᐅᒃᑯᐃᖓᔪᓄ (ᐱᑕᖃᕈᓂ)

ᐱᔪᑐᐊᑦ ᑭᓯᐊᓂ ᐅᖃᖅᑐᑦ ᐱᔪᒪᓂᕐᒧᑦ ᑐᓂᓯᔪᑦ ᑐᙵᓴᖅᑕᐅᓂᐊᖅᑐᑦ ᑐᓂᓯᖁᔭᐅᓗᑎᒃ ᐃᓗᐃᑦᑐᒧᑦ ᐱᓇᓲᑎᒧᑦ. ᐅᖃᖅᑐᑦ ᐱᔪᒪᓂᕐᒧᑦ ᑐᓂᔭᐅᔪᑦ ᐊᓂᒍᖅᑎᓪᓗᒍ ᑖᓐᓇ ᑭᒡᓕᐊ ᐃᓱᒪᒋᔭᐅᑐᐃᓐᓇᕆᐊᖃᕐᓂᐊᖅᑐᑦ ᑮᓇᐅᔭᖅᑕᖃᕐᓂᕈᓂ ᐱᔭᕇᓚᐅᖅᑎᓪᓗᒋᑦ ᑖᒃᑯᐊ ᐱᒋᐊᕈᑏᑦ ᐅᖃᖅᑐᓄᑦ ᐱᔪᒪᓂᕐᒧᑦ ᕿᒥᕐᕈᓃᑦ.

ᑖᓐᓇ ᐅᖃᕈᑎᒧᑦ ᐱᔪᒪᓂᕐᒧᑦ ᑐᕌᕈᑎ ᖃᐅᔨᑎᑦᑎᔪᖅ ᐃᓚᐅᔪᓐᓇᕐᓂᕐᓄᑦ, ᐊᒃᓱᕉᑕᐅᔪᓄᑦ, ᐱᓕᕆᔪᓂᒃ ᓂᕈᐊᕋᓱᖕᓂᕐᓄᑦ ᑎᓕᐅᕈᑎᓄᓪᓗ ᐱᓇᓱᒃᑐᓄᑦ ᐱᔭᕇᖅᓯᓂᕐᓂᒃ ᑲᓇᑕᒥ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᐱᕈᖅᓴᐃᔨᒃᑯᑦ ᐅᖃᕈᑎ ᐱᔪᒪᓂᕐᒧᑦ ᑎᑎᕋᖓᓂᒃ ᖃᓄᕐᓗ ᑐᓂᔭᕆᐊᖃᕐᒪᖔᑦ.

ᑐᑭᓯᒋᐊᒃᑲᓐᓂᕈᑎᒃᓴᐃᑦ ᑳᓐᓄᐊᒃᑯᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᐃᑦ, ᐱᔨᒃᓯᕋᕈᑏᑦ ᐊᒻᒪᓗ ᓯᕗᓪᓕᐅᑎᔭᐅᔪᑦ ᒥᒃᓵᓐᓄᑦ ᐅᕙᓂ ᑐᑭᓯᒋᐊᖅᑕᐅᒍᓐᓇᖅᑐᑦ CanNor's ᐃᑭᐊᖅᑭᕕᖓᓂ.

ᑖᕙᑎ ᒪᒃᐃᒐᕐᒥᑦ

  1. ᐱᔪᓐᓇᖅᑎᑕᐅᔪᓄᑦ ᐱᔭᕆᐊᓖᑦ
  2. ᐅᖃᖅᑐᑦ ᐱᔪᒪᓂᕐᒧᑦ ᐊᒃᓱᕉᑕᐅᔪᑦ
  3. ᐱᓕᕆᐊᒃᓴᐅᒍᒪᔪᒥᒃ ᓂᕈᐊᕐᓂᐅᑉ ᐱᕙᓪᓕᐊᓂᖓ
  4. ᖃᐅᔨᒪᔭᐅᔪᑦ ᐱᔭᕇᕋᓱᒡᓗᒍ ᐅᖃᕈᑏᑦ ᐱᔪᒪᓂᕐᒧᑦ
  5. ᑐᓂᔭᑎᑦ ᐅᖃᖅᑐᓄᑦ ᐱᔪᒪᓂᕐᒧᑦ
  6. ᑐᑭᓯᒋᐊᒃᑲᓐᓂᕕᒃᓴᐃᑦ

1. ᐱᔪᓐᓇᖅᑎᑕᐅᔪᓄᑦ ᐱᔭᕆᐊᓖᑦ

1.1 ᐱᔪᓐᓇᖅᑎᑕᐅᔪᑦ

ᐱᓇᓱᒍᓐᓇᖅᑐᑎᑦ ᑖᓱᒧᖓ ᐅᖃᖅᑐᑦ ᐱᔪᒪᓂᕐᒧᑦ ᐃᒪᐃᑦᑑᒍᕕᑦ:

  • ᒥᑭᔪᒥᒃ ᐊᒻᒪᓗ ᐊᑯᓐᓈᕿᒥᒃ−ᐊᖏᓂᖃᖅᑐᒥᒃ ᐱᒋᐊᖅᑎᑦᑎᒍᒪᒍᕕᑦ (SME), ᑮᓇᐅᔭᓕᐅᕋᓱᐊᖅᑎᐅᖏᑦᑐᖅ ᑲᑐᔾᔨᖃᑎᒌᖑᓗᓂ, ᐅᕝᕙᓘᓐᓃᑦ ᑎᒥᖁᑎᐅᔪᖅ ᐱᓕᕆᐊᖃᕈᒪᔪᖅ ᑮᓇᐅᔭᓕᐅᕈᑕᐅᒐᔭᖅᑐᒥᒃ ᐊᑕᐅᓯᕐᒧᑦ ᐊᑕᐅᓯᐅᖏᑦᑐᓄᓪᓘᓐᓃᑦ ᓄᓇᓄᑦ ᐊᕕᒃᑐᖅᑕᐅᓯᒪᔪᓄᑦ; ᐅᕝᕙᓘᓐᓃᑦ,
  • ᒐᕙᒪᑐᖃᒃᑰᖏᑦᑐᖅ ᑎᒥᖁᑎᐅᔪᖅ ᐅᕝᕙᓘᓐᓃᑦ ᐊᓯᐊ ᒐᕙᒪᐅᓂᖃᕐᓂᖅ, ᑭᒃᑯᑐᐃᓐᓇᕐᓅᖓᔪᖅ ᐅᕝᕙᓘᓐᓃᑦ ᓇᖕᒥᓂᕐᒧᑦ, ᓄᓇᖃᖅᑳᖅᓯᒪᔪᖅ ᐅᕝᕙᓘᓐᓃᑦ ᓄᓇᖃᖅᑳᖅᓯᒪᙱᑦᑐᖅ, ᐃᖅᑲᓇᐃᔭᖅᑐᖅ ᐱᕙᓪᓕᐊᑎᑕᐅᖁᓪᓗᒍ ᑮᓇᐅᔭᓕᐅᕋᓱᐊᕈᓐᓇᕐᓂᖅ ᓄᓇᓂ ᐊᕕᒃᑐᖅᑕᐅᓯᒪᔪᓂ.

ᓯᕗᓪᓕᐅᑎᑕᐅᒐᔭᖅᑐᑦ ᑐᓂᔭᐅᔪᑦ ᓇᓗᓇᖏᑦᑐᒥᒃ ᑕᑯᒃᓴᐅᑎᑦᑎᔪᑦ ᐊᒥᓲᓂᕆᒍᓐᓇᖅᑕᖏᑕ ᒥᒃᓵᓄᑦ ᐱᓕᕆᒍᓐᓇᓂᕐᒧᑦ ᐱᓕᕆᐊᒃᓴᓂᒃ ᐅᑭᐅᖅᑕᖅᑐᒥ ᐊᒻᒪᓗ ᐱᖃᑕᐅᒍᒪᓂᖃᖅᑐᑦ/ᐃᓚᐅᑎᕈᒪᓂᖃᖅᑐᑦ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᓐᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ.

1.2 ᐊᑭᒥᒃ ᑲᑐᔾᔨᖃᑎᒌᒍᑎᖃᕐᓂᖅ

ᐊᑭᓂᒃ ᑲᑐᔾᔨᓃᑦ ᐊᑐᖅᐳᑦ ᐃᓚᒋᓪᓗᓂᐅᒃ ᑖᔅᓱᒧᖓ ᐅᖃᖅᑐᑦ ᐱᔪᒪᓂᕐᒧᑦ. ᐅᓄᓛᑦ ᑲᓐᓄᐊᒃᑯᓐᓄᑦ ᑐᓂᔭᐅᔪᑦ ᐱᔪᓐᓇᖅᑐᓄᑦ ᑉᓕᕆᓂᕐᓄᑦ ᐊᑭᓄᑦ ᐃᒪᐃᓕᖓᓂᐊᖅᑐᑦ:

ᐊᑭᒥᒃ ᑲᑐᔾᔨᖃᑎᒌᖕᓂᐅᑉ ᓇᓗᓇᐃᔭᖅᓯᒪᓂᖓ
ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᑎᒥᐅᔪᑦ, ᐊᓯᖏᑦ ᖁᑦᑎᓕᕇᑦ ᒐᕙᒪᐃᑦ, ᐊᒻᒪᓗ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᑦ ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᐅᕝᕙᓘᓐᓃᑦ ᒥᑭᔪᒥᒃ− ᐊᑯᓐᓈᕿᒧᑦ ᑎᑭᑐᑦ ᑎᒥᐅᔪᑦ (SME) ᐊᖏᖅᑕᐅᔪᑦ
ᑎᑭᖦᖢᓂᒃ 80−ᐳᓴᒧᑦ ᑎᑭᖦᖢᓂᒃ 50−ᐳᓴᒧᑦ

ᖃᐅᔨᒪᔭᕆᐊᓕᒃ ᐱᓕᕆᓃᑦ ᓴᖅᑭᔮᖅᑎᑦᑎᔪᑦ ᐊᑭᓖᓂᖅᓴᐃᔪᒪᓂᕐᓂᒃ (ᓲᕐᓗ ᐱᓇᓱᒃᑐᑦ ᐊᑭᑭᓐᓂᖅᓴᓂᒃ ᑮᓇᐅᔭᓂᒃ ᑲᓐᓄᐊᒃᑯᓐᓂᑦ ᐃᓗᐃᑦᑐᒃᑯᑦ ᐱᓕᕆᓂᐅᑉ ᐊᑭᖏᓐᓄᑦ) ᐱᔭᐅᔪᒪᓂᖅᓴᐅᑐᐃᓐᓇᕆᐊᓖᑦ ᕿᒥᕐᕈᓂᕐᓂ.

1.3 ᐊᑭᑐᓂᖅᐹᖅ ᐊᑭᓕᕆᐊᓕᒃ

ᐊᑑᑎᖓᓄᑦ ᑖᔅᓱᒧᖓ ᐅᖃᖅᑐᑦ ᐱᔪᒪᓂᕐᒧᑦ, ᐅᓄᓚᑦ ᐊᑭᓕᖅᑕᐅᔪᓐᓇᖅᑐᑦ ᓇᓕᐊᑐᐃᓐᓇᕐᒧᑦ ᐱᔪᓐᓇᖅᑐᒧᑦ ᐊᑐᓂᒧᑦ ᐱᓕᕆᓂᕐᒧᑦ ᐋᖅᑭᒃᑕᐅᓯᒪᔪᖅ $6 ᒥᓕᐊᓐᓄᑦ.

ᐊᑭᑐᓂᐹᖅ ᐊᑭᓕᐅᑕᐅᒍᓐᓇᖅᑐᖅ ᑮᓇᐅᔭᓕᐅᕈᑎᖃᕋᓱᐊᖅᑐᓄᑦ ᐅᕘᓇ ᐅᑎᖅᑎᒋᐊᑐᖏᑦᑐᖅ−ᐊᑭᓕᐅᑎᒥᓂᖅ ᐅᖓᑖᓅᕆᐊᖃᖏᑦᑐᖅ $99,999.

ᖃᐅᔨᒪᔭᐅᓕ: ᓄᓇᖃᖅᑳᖅᓯᒪᔪᓄᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᐅᔪᑦ ᐊᓯᖏᓪᓘᓐᓃᑦ ᓄᓇᖃᖅᑳᖅᓯᒪᔪᓄᑦ−ᐊᐅᓚᑕᐅᔪᑦ−ᑮᓇᐅᔭᓕᐅᕋᓱᐊᖅᖢᑎᒃ ᓇᖕᒥᓂᖃᕐᓂᒃᑯᑦ ᑎᑎᕋᖅᑕᐅᓯᒪᔪᖁᑎᖏᑦ ᑯᐊᐳᕇᓴᐅᓂᖓ ᑮᓇᐅᔭᔨᐅᒃᑲᓐᓂᕈᑎᖏᑦ ᐊᑭᓕᖅᑕᐅᔭᕆᐊᖃᖏᑎᑕᐅᒃᐸᑕ ᐅᕝᕙᓐᓃᑦ ᑐᓂᐅᖅᑲᕆᐊᑐᖏᑎᑕᐅᒃᐸᑕ ᓇᖕᒥᓂᖃᖃᑕᐅᔪᓄᑦ ᐲᖅᑕᐅᒍᓐᓇᖅᑐᑦ ᑕᕝᕙᖓᑦ $99,999−ᒥᒃ ᑭᒡᓕᒋᓪᓗᒍ.

ᐊᑭᓕᕆᐊᓖᑦ ᑐᓂᔭᐅᔪᓄᑦ ᐊᖏᖃᑎᒌᒍᑏᑦ ᐃᓱᒪᒋᔭᐅᔪᓐᓇᕐᒥᔪᑦ ᑲᓐᓄᐊᒃᑯᓐᓂᑦ ᑮᓇᐅᔭᓕᐅᕋᓱᐊᖅᑎᓄᑦ ᑎᒥᓄᑦ ᑮᓇᐅᔭᖅᓯᐅᖅᑐᓄᑦ ᐅᖓᑖᓄᑦ $99,999. ᐊᑭᓕᕆᐊᓕᒃ ᑐᓂᔭᐅᔪᖅ ᑮᓇᐅᔭᑎᒍᑦ ᐃᑲᔫᑕᐅᔪᖅ ᐱᔪᒧᑦ ᐊᑭᓕᕆᐊᖃᖅᑎᑕᐅᓪᓗᓂ.

ᐊᖏᖃᑎᒌᒍᑏᑦ ᑲᑎᑦᑎᔪᓐᓇᖏᑦᑐᑦ ᐊᑭᓕᒃᑲᓐᓂᕆᐊᓕᖕᓂᒃ ᐊᑭᓕᒃᑲᓐᓂᕆᐊᖃᖏᑦᑐᓂᒡᓗ ᑐᓂᔭᐅᔪᓂᒃ.

2. ᐅᖃᖅᑐᑦ ᐱᔪᒪᓂᕐᒧᑦ ᐊᒃᓱᕉᑕᐅᔪᑦ

ᐃᓚᒋᓪᓗᓂᐅᒃ ᑖᔅᓱᒧᖓ ᐅᖃᖅᑐᑦ ᐱᔪᒪᓂᕐᒧᑦ, ᓯᕗᓪᓕᐅᑎᔭᐅᒐᔭᖅᑐᑦ ᐱᓕᕆᐊᖑᒍᒪᔪᑦ ᒪᑐᒥᖓ ᐅᖓᑖᓄᓪᓘᓐᓃᑦ ᐱᕙᓪᓕᐅᑎᒐᔭᖅᖢᓄᑦ ᓇᖕᒥᖃᖅᑐᓄᑦ ᐊᒻᒪᓗ ᓄᓇᓕᖕᒥᒃ ᑮᓇᐅᔭᓕᐅᕈᑎᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᓯᕗᓪᓕᐅᑎᑕᐅᔪᓄᑦ; ᒪᓕᒡᓗᒋᑦ ᐅᑯᐊ ᑎᓴᒪᑦᐱᓕᕆᐊᖑᔪᑦ ᑳᓐᓄᐊᒃᑯᑦ ᐅᑭᐅᖅᑕᖅᑐᒥ−ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐱᕈᖅᐸᓪᓕᐊᓂᕐᒧᑦ ᑐᑭᒧᐊᒍᑎᒧᑦ.

  1. ᐊᓯᔾᔨᕐᕕᖃᕐᓂᖅ ᐊᒻᒪᓗ ᐋᖅᑭᒋᐊᕈᓐᓇᖅᑐᑦ– ᐱᖃᓯᐅᔾᔨᔭᐅᔪᑦ:
    • ᓇᖕᒥᓂᕆᔭᐅᔪᒧᑦ ᐱᕈᖅᐹᓪᓕᕈᑕᐅᓂᐊᖅᐸᑦ ᐊᒻᒪᓗ ᓂᐅᕕᐊᕆᔭᐅᓂᖓ ᓯᐊᒻᒪᑲᓐᓂᕐᓗᓂ – ᐱᓕᕆᓃᑦ ᐃᑲᔪᖅᑐᑦ ᐱᓯᓇᓯᓂᒃ ᐱᕈᕐᓂᕐᒥᓂᒃ ᓱᒃᑲᒃᑎᑦᑎᔪᓂᒃ ᐃᑲᔪᕐᓗᑎᒡᓗ ᐊᑐᓕᖅᑎᑦᑎᓂᕐᓄᑦ ᐃᓱᒪᖕᓇᖏᑦᑐᓂᒃ ᓴᓇᓯᒪᔪᓂᒃ ᐃᑲᔪᖅᑐᓂᒃ ᐊᖏᒡᓕᒋᐊᖅᑐᓂᒃ, ᓴᓇᓂᖅᓴᐅᓂᕐᓂᒃ ᓄᓇᕐᔪᐊᕐᒥᓗ ᐃᓚᐅᖃᑕᐅᔪᓐᓇᕐᓂᕐᓂᒃ (ᓲᕐᓗᑐᑦ ᓱᕈᐃᖏᑦᑐᑦ ᓴᓇᓯᒪᔪᑦ, ᖃᕋᓴᐅᔭᑎᖒᑦ ᐊᔪᖏᑦᑐᓂᒃ ᐊᑐᓕᕐᓃᑦ, ᖃᕋᓴᐅᔭᑎᒍᑦ ᑮᓇᐅᔭᓕᐅᕋᓱᐊᕐᓃᑦ).

      ᒪᑯᓂᖓ ᐱᖃᓯᐅᑎᑐᐃᓐᓇᕆᐊᓕᒃ:
      • ᑮᓇᐅᔭᖃᖅᑎᑦᑎᓂᖅ ᐱᕙᓪᓕᐊᑎᑕᐅᓂᖏᓐᓄᑦ ᓇᖕᒥᓂᖃᕐᓂᕐᒧᑦ ᐸᕐᓇᐅᑎᓄᑦ, ᐱᓕᕆᐊᖑᒍᓐᓇᕐᓂᖅ ᐊᒻᒪᓗ ᓴᓇᔪᓕᕆᓂᖅ / ᑎᑎᖅᑐᒐᖅᑕᐅᓂᖓ ᐱᓕᕆᐊᖑᒍᒪᔫᑉ
      • ᓂᐅᕕᐊᖑᓂᖓ / ᑭᖑᕝᕕᖅᑕᐅᓂᖓ / ᓴᓇᔭᐅᒋᐊᕐᓂᖓ ᓱᓇᑯᑖᐅᑉ ᐱᓕᕆᔾᔪᑕᐅᔪᑦ ᑲᔪᓯᑦᑎᐊᕈᑕᐅᓂᐊᕐᒪᑕ ᐅᕝᕙᓘᓐᓃᑦ ᓴᓇᔭᐅᔫᑉ ᐊᖏᓂᖓ
      • ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ ᓂᐅᕕᐊᒃᓴᖃᕐᓂᐊᓂᕐᒧᑦ ᑐᑭᒧᐊᒍᑎᒃᓴᐃᑦ, ᐸᕐᓇᐅᑏᑦ ᐊᒻᒪᓗ ᓴᓇᔭᐅᓂᐊᖅᑐᑦ
      • ᐊᓯᖏᑎᒍᑦ ᑮᓇᐅᔭᓕᐅᕈᑕᐅᓂᐊᖅᑐᓄᑦ ᐃᑲᔪᖅᓯᒍᑕᐅᓂᐊᖅᑐᓂᒃ ᓇᖕᒥᓂᖁᑎᒋᔭᐅᔫᑉ ᐱᕈᖅᐸᓪᓕᐊᓂᖓᓂᒃ, ᓂᐅᕕᐊᒃᓴᒃᓴᖅ ᐊᖏᓪᓕᒋᐊᕐᓗᓂ ᓴᓇᔭᒥᓂᕐᓘᓐᓃᑦ ᐱᕙᓪᓕᐊᑎᑕᐅᓂᖓᓄᑦ
    • ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐋᖅᑭᒋᐊᕐᓗᒋᑦ ᐆᒪᔪᓕᒫᑦ ᐊᕙᓗᐊᓃᒃᑐᓪᓗ ᑲᓱᖅᓯᒪᐅᑎᓂᖏᑦ – ᐱᓕᕆᐊᒃᓴᐃᑦ ᐃᑲᔪᖅᓯᔪᑦ ᓴᖅᑭᑎᑦᑎᓂᕐᒥᒃ, ᐱᕈᖅᑎᑦᑎᓂᕐᒥᒃ ᐊᒻᒪᓗ ᓴᙱᑎᑦᑎᔪᑦ ᐊᒻᒪᓗ ᐊᑕᖐᔪᑦ (ᓲᕐᓗ, ᐊᕐᓇᐃᑦ, ᐃᓅᓱᑦᑐᑦ, ᓄᓇᖃᖅᑳᖅᓯᒪᔪᑦ ᐃᓄᐃᑦ) ᓄᓇᐃᑦ ᐊᕕᑦᑐᖅᑕᐅᓯᒪᓂᖏᑎᒍᑦ ᐱᓕᕆᖃᑎᒌᑦ ᐃᑲᔪᖅᑐᐃᔪᑦ ᓇᖕᒥᓂᕆᔭᐅᔫᑉ ᐱᕈᖅᐸᓪᓕᐊᓂᖓᓂᒃ ᐊᒻᒪᓗ ᐋᖅᑭᒋᐊᕆᓃᑦ, ᐃᑲᔪᖅᓯᓯᒪᔪᑦ ᓇᖕᒥᓂᖃᕐᓂᕐᒥᒃ, ᐊᒻᒪᓗ ᐊᒥᓱᖑᐃᒋᐊᖅᐸᑕ ᐊᑭᑦᑐᕋᐅᑎᓂᖏᓐᓂᒃ ᑖᒃᓱᒪ SMEs. ᐱᖃᓯᐅᔾᔨᑐᐃᓐᓇᕿᐊᓕᒃ:
      • ᑮᓇᐅᔭᖃᖅᑎᑦᑎᓂᖅ ᐱᕙᓪᓕᐊᑎᑕᐅᔪᒧᑦ / ᐊᖏᓪᓕᒋᐊᖅᑕᐅᓂᖏᑦ ᓇᖕᒥᓂᕆᔭᐅᔫᑉ ᖃᐅᔨᒋᐊᕐᕕᒃᓴᐅᕕᖏᑦ ᐱᓕᕆᕝᕖᑦ, ᐃᓂᖃᖅᑎᑦᑎᒍᑕᐅᔪᑦ, ᐃᓂᐅᑎᑕᐅᔪᑦ ᐊᓯᖏᑎᒍᓪᓘᓐᓃᑦ ᐱᔨᑦᑎᕋᐅᑕᐅᔪᑎᒍᑦ ᐊᒻᒪᓗ ᐱᓕᕆᐊᑎᒍᑦ ᑐᕌᖅᑕᖃᖅᐸᑕ ᓇᖕᒥᓂᖃᕐᕕᐅᔪᒥᒃ ᓄᓇᓕᖕᒥᒃ
      • ᐱᓕᕆᐊᒃᓴᐃᑦ / ᐱᔨᑦᑎᕈᑕᐅᔪᑦ ᑐᕌᖅᑕᓖᑦ / ᑎᒃᑯᐊᖅᑕᐅᓯᒪᔪᑦ ᓇᖕᒥᓂᓖᑦ (ᓲᕐᓗ, ᐊᕐᓇᐃᑦ ᓇᖕᒥᓂᖃᖅᑏᑦ)
      • ᑐᕌᖅᑕᐅᔪᑦ ᐅᑭᐅᖅᑕᖅᑐᒦᑦᑐᑦ ᐊᒻᒪᓗ ᓯᕗᓕᖅᑕᐅᔪᑦ ᓇᖕᒥᓂᖃᕐᓂᕐᒨᖓᔪᑦ / ᑲᑎᒪᓂᐅᓗᑎᒃ ᐃᓕᓐᓂᐊᓯᓐᓈᑦ ᑕᑯᒃᓴᐅᑎᑦᑎᔪᑦ ᑮᓇᐅᔭᓕᐅᕈᓐᓇᕋᔭᕐᓂᖏᓐᓂᒃ ᐅᑭᐅᖅᑕᖅᑐᒥ ᓇᖕᒥᓂᖃᖅᑏᑦ
    • ᓄᓇᖃᖅᑳᖅᓯᒪᔪᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᓂᖓ – ᐱᓕᕆᐊᖑᒍᒪᔪᑦ ᐃᑲᔪᖅᓯᔪᑦ ᐊᒥᓱᙳᐃᒋᐊᖅᑐᕐᓗ ᐱᖃᑕᐅᕕᒋᒍᓐᓇᖅᑕᖏᓐᓂᑦ ᐅᑭᐅᖅᑕᖅᑐᒥᐅᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ ᓇᖕᒥᓂᖁᑎᒋᔭᐅᔪᓂᓪᓗ ᑮᓇᐅᔭᓕᐅᕋᓱᐊᕈᑎᑎᒍᑦ (ᓲᕐᓗᑐᑦ ᐳᓚᕋᑦᑐᓕᕆᓂᖅ, ᓱᕈᐃᖏᑦᑐᑦ ᐆᒻᒪᖅᑯᓯᐅᕐᓃᑦ, ᓄᓇᒥᐅᑕᓂᑦ ᐱᓕᕆᔩᑦ, ᐃᒡᓗᓕᐅᖅᑎᓕᕆᔩᑦ). ᑕᒪᓐᓇ ᐱᖃᓯᐅᔾᔨᑐᐃᓐᓇᕆᐊᓕᒃ:
      • ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ ᑮᓇᐅᔭᓕᐅᕋᓱᐊᕈᑎᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᐸᕐᓇᐅᑏᑦ / ᑐᑭᒧᐊᒍᑏᑦ / ᐊᖏᓂᖓ ᐱᕙᓪᓕᐊᔭᐅᒍᒪᔪᑦ ᐱᓕᕆᐊᖑᒍᒪᔪᑦ
      • ᓂᐅᕕᐊᖑᓂᖓ / ᑭᖑᕝᕕᖅᑕᐅᓂᖓ / ᓴᓇᔭᐅᒋᐊᕐᓂᖓ ᓱᓇᒃᑯᑖᑉ ᐱᓕᕆᔾᔪᑕᐅᔪᑦ ᐊᐅᓚᑦᑎᔾᔪᑕᐅᓂᐊᖅᑐᖅ ᐅᕝᕙᓘᓐᓃᑦ ᐱᕈᕈᑕᐅᒃᑲᓂᕐᓗᓂ ᓇᖕᒥᓂᕆᔭᐅᔪᒧᑦ
      • ᑮᓇᐅᔭᑦ ᑐᕌᖅᑐᑦ ᓄᓇᖃᖅᑳᖅᑐᓄᑦ ᐃᓕᖅᑯᓯᑐᖃᓄᑦ ᐳᓚᕋᑦᑐᓕᕆᓂᕐᓄᑦ ᑭᓱᓕᐅᕐᓂᕐᓄᑦ ᐃᓕᖅᑯᓯᑐᖃᓄᓪᓘᓐᓃᑦ ᐊᑐᖅᑕᐅᓚᐅᖅᑐᓄᑦ ᓄᓇᓕᐅᕐᓂᕐᓄᑦ / ᐱᐅᓯᑎᑦᑎᓂᕐᓄᑦ
      • ᑮᓇᐅᔭᑦ ᑐᕌᖅᑐᑦ ᐱᓕᕆᔪᓄᑦ ᐃᑲᔪᖅᑐᓂᒃ ᐃᒡᓗᓄᑦ ᐱᒋᐊᕈᑎᓂᒃ ᓄᓇᕘᒥ
    • ᑮᓇᐅᔭᓕᐅᕐᓂᖓ ᐱᕙᓪᓕᐊᓗᓂ – ᐱᓕᕆᐊᖑᒍᒪᔪᑦ ᐃᑲᔪᖅᓯᔪᑦ ᐱᕙᓪᓕᐊᑎᑦᑎᓂᕐᒥᒃ ᐱᕈᖅᐸᓪᓕᐊᓂᖏᓐᓂᓪᓗ ᓇᖕᒥᓂᖃᖅᑎᐅᔪᑦ (ᓲᕐᓗ, ᐳᓚᕋᖅᑐᓕᕆᓂᖅ, ᐃᖃᓗᓕᕆᓂᖅ, ᐱᕈᖅᓰᓂᖅ ᓂᕿᒃᓴᓂᒃ ᐊᒻᒪᓗ ᓂᕿᓄᑦ ᐊᐅᓚᑦᑎᓃᑦ) ᐊᒥᓱᖑᕆᐊᕆᓂᐊᖅᑎᓪᓗᒋᑦ ᓄᓇᓕᐅᑉ ᐊᒥᓱᓂᖓ ᒪᓕᒡᓗᒍ ᐃᖅᑲᓇᐃᔮᒃᓴᐃᓪᓗ ᐊᒥᓱᙳᕆᐊᕐᓗᑎᒃ ᓯᕕᑐᓂᖅᓴᒧᓪᓗ ᖃᓄᐃᖏᑦᑎᐊᕐᓂᐅᓪᓗᓂ (ᓲᕐᓗ, ᐅᑎᖅᑕᕐᕕᐅᓗᑎᒃ ᑮᓇᐅᔭᓕᐅᕈᑎᖃᕐᓂᕐᒥᒃ) ᓄᓇᓂ ᐊᕕᒃᑐᖅᑕᐅᓯᒪᔪᓂ. ᐅᑯᐊ ᐱᖃᓯᐅᔾᔭᐅᑐᐃᓐᓇᕆᐊᓖᑦ:
      • ᐃᖃᓗᓕᕆᓂᕐᒧᑦ ᖃᐅᔨᓴᕐᓂᖅ, ᐊᒥᓲᓂᕆᔭᐅᔪᑦ ᒪᓕᒡᓗᒋᑦ ᐱᕙᓪᓕᐊᑎᑦᓯᑎᓂᖅ ᐊᒻᒪᓗ ᐊᑭᑐᔪᖅᑐᕈᑎᓄᑦ ᐱᖁᑎᕐᔪᐊᓄᑦ ᑮᓇᐅᔭᓕᐅᕈᑎᖃᕐᓂᕐᓂᒃ
      • ᐳᓚᕋᖅᑐᓕᕆᓂᖅ ᐱᓪᓗᒍ ᐱᕙᓪᓕᐊᑎᑦᑎᓂᖅ, ᓂᐅᕐᕈᑎᖃᕈᓐᓇᓂᕐᒧᑦ ᐸᕐᓇᐅᑏᑦ ᐊᒻᒪᓗ ᐃᓂᐅᒋᒐᔭᖅᑕᖏᓐᓄᑦ ᓂᐅᕐᕈᑎᖃᕐᓂᖅ
      • ᐊᐅᓚᑕᐅᓂᖓ / ᓴᓗᒪᔪᓂᒃ ᓴᓇᕐᕈᑎᓂᒃ ᐊᑑᑎᖃᕐᓂᖏᓐᓂᒃ ᖃᐅᔨᒪᔭᐅᔪᓂᒃ ᐃᓕᑦᑐᕈᑎᖃᕐᓗᓂ (ᓯᓚ, ᐊᓄᕆ, ᐆᒻᒪᖅᑯᑎᖃᕐᓂᖅ ᐃᒪᖅᑐᖅᑐᓂᒃ, ᓄᓇᐃᑦ ᐆᒪᕝᕕᒃᓴᐅᔪᓐᓇᕐᓂᕆᔭᖏᑦ, ᓄᓇᐅᑉ ᐆᓇᕐᓂᖓ)
      • ᑮᓇᐅᔭᖃᖅᑎᑦᑎᓂᖅ ᑐᕌᖅᑕᓕᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᓄᑖᓂᑦ ᐊᓯᖏᓐᓂᒃ / ᓇᖕᒥᓂᖁᑎᖃᖅᐸᓪᓕᐊᔪᑦ (ᐆᒪᔪᓕᕆᓂᕐᒧᑦ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐃᓕᑦᑐᕈᑎᑎᒍᑦ, ᓄᑖᓂᒃ ᓴᓇᓂᐊᕐᓂᒧᑦ ᓴᓇᕐᕈᑎᓂᒃ ᐊᑑᑎᖃᕐᓂᖏᓐᓂᒃ ᖃᐅᔨᒪᔭᐅᔪᑎᒍᑦ)
      • ᑎᑎᖅᑐᒐᖅᑕᐅᓯᒪᓂᖓ / ᓴᓇᔭᐅᓂᖓ / ᐊᖏᓪᓕᒋᐊᖅᑕᐅᓂᖓ / ᐋᖅᑭᒋᐊᖅᑕᐅᓂᖏᑦ ᐱᕈᖅᓰᕕᒃᓴᐃᑦ ᓄᓇᕋᕐᓂᒃ, ᐱᕈᖅᓰᓂᖅ ᓂᕿᑦᑎᐊᕙᖕᓂᒃ ᐊᒻᒪᓗ ᐊᓯᖏᓐᓂᒃ ᓂᕿᑦᑎᐊᕙᓕᐅᕐᕕᒃᓴᓂᑦ
  2. ᐃᒡᓗᕐᔪᐊᓕᐅᕐᓂᒃᑯᑦ ᑮᓇᐅᔭᓕᐅᕈᑎᖃᕐᓃᑦ ᐊᒻᒪᓗ ᐱᕙᓪᓕᐊᑎᑦᑎᓂᖅ – ᐱᓕᕆᐊᒃᓴᐃᑦ ᖁᕝᕙᕆᐊᕆᓂᐊᖅᑐᑦ ᐊᓯᖏᓐᓂᑦ ᑮᓇᐅᔭᓕᐅᕈᑕᐅᔪᓂᒃ ᐊᖏᓪᓕᒋᐊᖅᑕᐅᒍᓐᓇᕐᓂᐊᕐᒪᑦ ᓄᓇᓕᖕᒥ ᐊᒻᒪᓗ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐱᕕᒃᓴᖃᕐᕕᐅᒍᓐᓇᖅᑐᑦ ᒪᑐᓗᒍ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᕝᕕᐊᕈᑕᐅᕙᒃᑐᖅ, ᐃᑲᔪᖅᑐᐃᖃᓯᐅᔾᔨᓂᒃᑯᓪᓗ ᐱᓕᕆᔾᔪᑎ ᐊᒻᒪᓗ ᓴᓗᒪᔪᓂᒃ ᓴᓇᕐᕈᑎᓂᒃ ᐊᑑᑎᖃᕐᓂᖏᓐᓂᒃ ᖃᐅᔨᒪᔭᐅᔪᓂᒃ ᐱᓕᕆᔾᔪᑎᓂᑦ. ᐅᑯᐊ ᐱᖃᓯᐅᔾᔭᐅᑐᐃᓐᓇᕆᐊᓖᑦ:
    • ᐃᑲᔪᖅᑐᐃᔪᑦ ᑎᑎᖅᑐᒐᖅᑕᐅᓯᒪᓂᖓᓂᒃ / ᓴᓇᓂᕐᒥᒃ / ᓄᑕᐅᓯᖅᑕᐅᓂᕐᒥᒃ/ ᐊᒥᓱᖑᕆᐊᖅᑕᐅᓗᑎᒃ ᐳᓛᕐᕖᑦ, ᑐᔪᕐᒥᕖᑦ, ᐊᐅᓪᓛᖅᓯᒪᕕᐅᕙᒃᑐᑦ ᐊᒻᒪᓗ ᐳᓚᕋᖅᑐᓕᕆᓂᖅ ᐱᓪᓗᒍ ᐱᔪᒐᒃᓴᐅᑕᐅᓗᓂ
    • ᐊᐅᓚᑕᐅᒍᓐᓇᕐᓂᖓᓄᒃ ᖃᐅᔨᓴᕐᓃᑦ, ᓄᓇᖑᐊᓕᕆᓂᒃᑯᑦ ᖃᐅᔨᓴᕐᓂᖅ ᐊᒻᒪᓗ ᓴᓇᔪᓕᕆᔨᒃᑯᓐᓄᑦ ᑎᑎᖅᑐᒐᖅᑕᐅᓯᒪᔪᑦ ᐊᖏᔫᑎᑦ ᐃᒡᓗᔾᔪᐊᒃᓴᑦ ᐱᓕᕆᐊᒃᓴᑦ ᐱᓪᓗᒋᑦ
    • ᐃᑲᔪᖅᑐᐃᓂᖅ ᑭᒃᑯᑐᐃᓐᓇᕐᓄᑦ ᑐᕌᖓᔪᑦ ᐃᓪᓗᕐᔪᐊᑦ ᐋᖅᑭᒋᐊᖅᑕᐅᒋᐊᖃᕐᓂᖏᓐᓄᑦ ᐊᒻᒪᓗ ᑐᕌᖅᑐᒥᒃ ᑕᕝᕗᖓ ᑮᓇᐅᔭᓕᐅᕈᑎᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ
    • ᐊᑭᑐᔪᖅᑐᕈᑎᓄᑦ ᐃᓪᓗᕐᔪᐊᓄᑦ ᑮᓇᐅᔭᓕᐅᕈᑎᖃᕐᓂᖅ ᓂᐅᕕᐊᖑᔪᖃᕋᐃᑉᐊᑦ / ᓴᓗᒪᔪᓂᒃ ᓴᓇᕐᕈᑎᓂᒃ ᐊᑑᑎᖃᕐᓂᖏᓐᓂᒃ ᖃᐅᔨᒪᔭᐅᔪᓂᒃ ᐃᓕᑦᑐᕈᑎᖃᕐᓗᓂ (ᓯᓚ, ᐊᓄᕆ, ᐆᒻᒪᖅᑯᑎᖃᕐᓂᖅ ᐃᒪᖅᑐᖅᑐᓂᒃ, ᓄᓇᐃᑦ ᐆᒪᕝᕕᒃᓴᐅᔪᓐᓇᕐᓂᕆᔭᖏᑦ, ᓄᓇᐅᑉ ᐆᓇᕐᓂᖓ)
  3. ᐊᑐᕈᓐᓇᖅᑐᓂᒃ ᐱᕙᓪᓕᐊᑎᑦᑎᓂᖅ – ᐱᓕᕆᐊᒃᓴᐅᒍᒪᔪᑦ ᐃᑲᔪᖅᑐᐃᔪᑦ ᐱᕙᓪᓕᐊᓂᕐᒥᒃ ᐱᕈᖅᐹᓪᓕᕐᓂᖓᓂᓪᓗ ᑖᒃᑯᐊ SMEs ᓂᐅᕕᖅᑎᑎᒍᑦ ᐊᒻᒪᓗ ᐃᑲᔪᖅᓯᒪᔪᑎᒍᑦ ᓇᖕᒥᓂᖃᖃᑕᐅᔪᓄᑦ, ᖃᐅᔨᒐᓱᐊᕐᓂᕐᓗ ᐱᓪᓗᒍ ᐱᕙᓪᓕᐊᑎᑦᑎᓂᕐᒥᓪᓗ ᐅᔭᕋᕐᓂᐊᕋᒃᓴᓂᒃ, ᐅᔭᕋᕐᓂᐊᖅᑎᐅᓂᐊᕐᓗᓂ ᐊᑐᕋᒃᓴᐃᑦ ᐊᒻᒪᓗ ᓴᓗᒪᔪᓂᒃ ᓴᓇᕐᕈᑎᓂᒃ ᖃᐅᔨᒪᔭᐅᔪᓂᒃ ᐊᑐᕈᓐᓇᕐᓂᖅ. ᐅᑯᐊ ᐱᖃᓯᐅᔾᔭᐅᑐᐃᓐᓇᕆᐊᓖᑦ:
    • ᑎᑎᖅᑐᒐᖅᑕᐅᓯᒪᓂᖓ ᐊᒻᒪᓗ ᓴᓇᔭᐅᓂᐊᕐᓂᖓ ᐊᑐᕐᓗᑎᒃ ᓄᑖᓂᒃ ᐅᔭᕋᕐᓂᐊᕐᓂᕐᒨᖓᔪᓂᒃ ᓴᓇᕐᕈᑎᓂᓪᓗ
    • ᐃᑲᔪᖅᑐᐃᓂᖅ ᐃᖏᕐᕋᔪᓕᕆᓂᖅ ᐱᓪᓗᒍ / ᑮᓇᐅᔭᓕᐅᕈᑎᖃᕐᓂᖅ (ᓄᓇ, ᐃᒪᖅ ᐊᒻᒪᓗ ᓯᓚ)
    • ᐱᕙᓪᓕᐊᑎᑦᑎᓂᖅ ᐊᑐᕈᓐᓇᖅᑐᓂᒃ ᐊᑐᖅᑐᓂᒃ ᓇᖕᒥᓂᖃᖅᑎᐅᔪᓂᒃ (ᐆᒻᒪᖅᑯᑎᖃᕐᓂᖅ ᐃᒪᖅᑐᖅᑐᓂᒃ, ᓄᓇᐃᑦ ᐆᒪᕝᕕᒃᓴᐅᔪᓐᓇᕐᓂᕆᔭᖏᑦ, ᓄᓇᐅᑉ ᐆᓇᕐᓂᖓ, ᑕᒪᒃᑯᑎᒎᓇ.)
    • ᐱᕙᓪᓕᐊᑎᑕᐅᓂᖏᑦ ᓂᐅᕕᕈᓐᓇᖅᑐᑦ ᐊᒻᒪᓗ ᐅᔭᕋᕐᓂᐊᓂᕐᒧᑦ−ᑐᕌᖓᔪᑎᒍᑦ ᓇᖕᒥᓂᖃᕐᓂᕐᒧᑦ ᐱᕕᒃᓴᐅᔪᓂ
  4. ᐱᔪᓐᓇᑦᑎᐊᖅᑐᖅ ᐃᖅᑲᓇᐃᔭᕐᕕᒃ – ᐱᓕᕆᐊᖑᒍᒪᔪᑦ ᐊᒥᓱᖑᕆᐊᖅᓯᒐᔭᖅᑐᑦ ᐊᑐᐃᓐᓇᐅᓂᖏᓐᓂᒃ ᐊᒻᒪᓗ ᐊᑑᑎᖃᕐᓂᖓ ᐃᖅᑲᓇᐃᔭᕆᐅᖅᓴᕐᓂᐅᑉ ᐊᒻᒪᓗ ᑐᕌᖅᑕᐅᔪᓄᑦ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᑲᓐᓂᓂᕐᒥᒃ ᒪᓕᒡᓗᒍ ᐃᖅᑲᓇᐃᔭᕐᕕᐅᑉ ᑭᖒᒪᔭᖏᑦ, ᐃᑲᔪᖅᑐᖅᑕᐅᓂᒃᑯᑦ ᐃᓕᓐᓂᐊᕈᑎᒃᓴᓕᐅᕐᓂᕐᒧᑦ, ᓱᓇᒃᑯᑎᑎᒍᑦ ᐊᒻᒪᓗ ᐃᒡᓗᕐᔪᐊᑎᒍᑦ ᑮᓇᐅᔭᓕᐅᕈᑎᒃᓴᐃᑦ. ᐅᑯᐊ ᐱᖃᓯᐅᔾᔭᐅᑐᐃᓐᓇᕆᐊᓖᑦ:
    • ᓴᓇᓂᖅ /ᓄᑕᕈᖅᑎᑦᑎᓂᖅ/ ᐊᖏᓪᓕᒋᐊᖅᑕᐅᓗᓂ ᐃᓕᓐᓂᐊᑲᓐᓂᕈᑎᒃᓴᐃᑦ
    • ᓴᖅᑭᑎᑦᑎᓂᖅ ᐃᓕᓐᓂᐊᕈᑎᒃᓴᒥᒃ, ᐃᓕᓐᓂᐊᕐᓗᓂ ᖃᕆᓴᐅᔭᒃᑯᑦ ᐊᒻᒪᓗ ᐃᓕᓐᓂᐊᕋᒃᓴᐃᑦ ᖃᕆᓴᐅᔭᑎᒍᑦ
    • ᓇᖕᒥᓂᖃᕈᓐᓇᓂᕐᒥᒃ ᐱᕙᓪᓕᐊᑎᑦᑎᓂᕐᒧᑦ ᐃᓕᓐᓂᐊᕋᒃᓴᐃᑦ ᐊᒻᒪᓗ ᐃᑲᔪᖅᑐᐃᔪᑦ
    • ᓂᐅᕕᕐᓂᖅ ᐃᓕᓐᓂᐊᑲᓐᓂᕐᓂᐊᕐᓗᓂ ᓱᓇᒃᑯ ᑕᑯᓂᐊᖅᑐᓂᒃ (ᓲᕐᓗ, ᐃᓕᓴᐃᓂᐊᖅᑐᑦ, ᐸᐃᑉᐹᖁᑎᖃᕈᑕᐅᔪᑦ ᐊᑦᑕᕐᓇᖏᑦᑐᑦ ᐊᓐᓄᕌᑦ, ᐃᓕᓐᓂᐊᕕᖕᒥ ᐊᑐᕋᔭᖅᑐᑦ ᑕᒪᒃᑯᐊᓂ) ᐃᓕᓐᓂᐊᑎᑦᑎᔪᖃᕐᓂᐊᑎᓪᓗᒍ ᐊᑐᖅᑕᐅᒐᔭᖅᑐᑦ
  5. ᑮᓇᐅᔭᑎᒍᑦ ᓴᙱᓕᒃᑲᓐᓂᕐᓂᖅ ᑐᙵᑦᑎᐊᓕᕐᓂᕐᓗ– ᐱᓕᕆᓃᑦ ᐃᑲᔪᖅᑐᑦ ᓄᓇᓕᖕᓂᒃ, ᑮᓇᐅᔭᓕᐅᕋᓱᖏᑦᑐᓂᒃ ᑎᒥᓂᒃ SMEᓂᒡᓗ ᑮᓇᐅᔭᑎᒍᑦ ᓴᙱᓕᒃᑲᓐᓂᕐᓂᖓᓄᑦ ᐱᓕᕆᔭᖏᓐᓂ (ᓲᕐᓗᑐᑦ ᐳᓚᕋᑦᑐᓕᕆᓂᖅ).
  6. ᐳᓚᕋᑦᑐᓕᕆᓂᕐᓂ ᐱᕈᕐᓂᖅ –ᐃᑲᔪᕐᓗᑎᒃ ᓄᓇᓕᖕᓂᒃ, ᒥᑭᑦᑐᓂᒃ ᐊᑯᓐᓂᖅᓱᖅᑐᓂᒡᓗ ᐱᓯᓇᓯᓂᒃ, ᑮᓇᐅᔭᓕᐅᕋᓱᖏᑦᑐᓂᒃ ᑎᒥᓂᒡᓗ ᓴᓇᓗᑎᒃ ᓄᓇᓕᖕᒥᐅᓂᑦ, ᓄᓇᓕᖕᒥᑦ ᐳᓚᕋᑦᑐᓕᕆᓂᕐᓄᑦ ᐱᓕᕆᓂᕐᓂᒃ ᖃᓄᐃᑦᑐᓂᒡᓗ. ᑖᒃᑯᐊ ᐱᖃᓯᐅᔾᔨᔪᓐᓇᖅᑐᑦ ᐱᓕᕆᓂᕐᓂᒃ:
    • ᐃᑲᔪᖅᑐᑦ ᓄᓇᖃᖅᑳᖅᑐᓄᑦ ᐳᓚᕋᑦᑐᓕᕆᓂᓕᕆᔨᓂᒃ
    • ᑐᓴᐅᒪᔭᐅᑎᓪᓗᒋᑦ ᐊᕕᒃᓯᒪᔪᓂ ᓇᓃᖕᓂᕐᓂᒃ, ᐱᖃᓯᐅᓪᓗᖏᑦ ᐃᓄᑭᑦᑐᓄᑦ ᓄᓇᓄᑦ
    • ᐃᑲᔪᖅᑐᑦ ᑲᔪᓰᓐᓇᕈᓐᓇᖅᑐᓂᒃ ᐳᓚᕋᑦᑐᓕᕆᓂᕐᓂᒃ
    • ᐊᑯᓂᕈᖅᑎᓪᓗᒍ ᐱᓕᕆᓐᓇᖅ (ᑕᖅᑭᓄᑦ ᐊᕕᒃᑐᐃᓃᑦ)
    • ᐃᑲᔪᖅᑐᑦ ᐊᑐᖅᑐᓂᒃ ᐳᓚᕋᑦᑐᓕᕆᓂᕐᓂᒃ ᓲᕐᓗᑐᑦ ᐊᖅᑯᑎᓂᒃ

ᖃᐅᔨᒪᔭᐅᔭᕆᐊᓕᒃ ᑮᓇᐅᔭᖃᙱᑐᐃᓐᓇᕆᐊᓖᑦ ᑕᒪᒃᑮᓄᑦ ᐱᓕᕆᓂᕐᓄᑦ ᐅᖃᖅᑐᓄᑦ ᐱᔪᒪᓂᕐᓄᑦ. ᐱᔪᓇᒪᓲᑏᑦ ᓴᖅᑭᔮᖅᑎᑦᑎᔪᑦ ᐱᐅᓛᒃᑯᑦ ᐱᓕᕆᔪᓐᓇᕐᓂᕐᒥᓂᒃ ᓇᓗᓇᐃᖅᑕᐅᔪᓄᑦ ᐊᒃᓱᕉᑕᐅᔪᓄᑦ ᐊᒃᓱᕉᑕᐅᓂᖅᓴᐅᓂᐊᖅᑐᑦ.

ᐱᔪᓐᓇᑐᐃᓐᓇᕆᐊᖃᖅᑐᕆᔭᐅᔪᑦ ᐱᓕᕆᐊᒃᓴᐃᑦ ᐊᖏᖅᑕᐅᑐᐃᓐᓇᕆᐊᓖᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᕐᕌᒍᒐᓚᓐᓄᑦ. ᑮᓇᐅᔭᖃᖅᑎᑦᑎᓂᖅ ᒪᓕᒃᑐᖅ ᐊᕐᕌᒍᑕᒫᑦ ᕿᒥᕐᕈᔭᐅᓂᖃᓚᐅᖅᑎᓪᓗᒍ ᐱᓕᕆᐊᖑᔫᑉ ᐱᕙᓪᓕᐊᔭᐅᓂᖓ ᓴᓇᔭᐅᓂᖏᑦ ᐊᑑᑎᖃᕐᓂᖏᓪᓗ.

3. ᐱᓕᕆᐊᒃᓴᐅᒍᒪᔪᒥᒃ ᓂᕈᐊᕐᓂᐅᑉ ᐱᕙᓪᓕᐊᓂᖓ

3.1 ᓂᕈᐊᕐᓂᐅᑉ ᐱᕙᓪᓕᐊᓂᖓ

ᑖᓐᓇ ᐅᖃᖅᑐᑦ ᐱᔪᒪᓂᕐᒧᑦ ᓇᓗᓇᐃᖅᓯᓇᓱᒃᐳᖅ ᐱᓕᕆᔭᐅᔪᓐᓇᑐᐃᓐᓇᕆᐊᓕᖕᓂᒃ ᑮᓇᐅᔭᖃᖅᑎᑕᐅᓗᑎᒃ ᐃᓗᐊᓂ ᓇᓕᐊᑐᐃᓐᓇᐃᑦ ᑲᓐᓄᐊᑉ ᑮᓇᐅᔭᖃᖅᑎᑦᑎᔪᑎᖏᓐᓂ.

ᑕᒪᒃᑮᑦ ᐅᖃᖅᑐᓄᑦ ᐱᔪᒪᓂᕐᒧᑦ ᕿᒥᕐᕈᔭᐅᓂᐊᖅᑐᑦ ᐱᔪᓐᓇᕐᓂᖏᓐᓄᑦ, ᐊᑐᕐᓗᑎᒃ ᖃᓄᐃᓕᖓᓂᕐᓂᒃ ᓇᓗᓇᐃᖅᑕᐅᔪᓄᑦ ᑕᕝᕙᓂ ᑎᑎᕋᒥ.

ᐱᓇᓱᒃᑐᓕᒫᑦ ᑐᓂᓯᔪᑦ ᐅᖃᖅᑐᓂᒃ ᐱᔪᒪᓂᕐᒧᑦ ᑐᓴᖅᑎᑕᐅᓂᐊᖅᑐᑦ ᑎᓕᐅᖅᑕᐅᓗᑎᒡᓗ ᖃᓄᐃᓕᔪᒧᑦ. ᖃᓄᖅᑑᖅᑕᐅᔪᑦ ᐅᖃᐅᓯᕆᔭᐅᓂᐊᖅᑐᑦ ᐱᓇᓱᒃᑐᒧᑦ ᐱᑕᖃᓕᕌᖓᑕ. ᐱᓇᓱᒃᑐᑦ ᐱᔪᑦ ᐅᖃᖅᑐᓄᑦ ᐱᔪᒪᓂᕐᒧᑦ ᕿᒥᕐᕈᓂᕐᒥᑦ (ᓲᕐᓗ ᑕᐃᒃᑯᐊ ᐅᖃᖅᑐᓄᑦ ᐱᔪᒪᓂᕐᒧᑦ ᐳᖅᑐᓛᖑᔪᑦ) ᑐᙵᓴᖅᑕᐅᓂᐊᖅᑐᑦ ᑐᓂᓯᖁᔭᐅᓗᑎᒃ ᐃᓗᐃᑦᑐᓂᒃ ᐱᓇᓲᑎᒥᒃ.

ᖃᐅᔨᒪᔭᐅᒋᐊᓖᑦ: ᐱᓕᕆᐊᒃᓴᖅ ᑮᓇᐅᔭᖃᖅᑎᑕᐅᑐᐃᓐᓇᕆᐊᓕᒃ ᓄᓇᒥ ᑭᓯᐊᓂ ᐊᓯᐊᓂᐅᖏᑦᑐᖅ ᓄᓇᐅᑉ. ᑳᓐᓄᐊᒃᑯᑦ ᐊᑐᖅᐸᒃᑐᑦ "ᐃᓕᔭᐅᔪᑦ" ᐃᓱᒪᓕᐅᕈᑎᒋᓪᓗᓂᔾᔪᒃ ᖃᐅᔨᓴᕐᓂᖃᓕᕋᐃᒐᒥᒃ ᐊᒻᒪᓗ ᓈᓴᐅᓯᖅᑐᐃᓕᕋᐃᒐᒥᒃ ᐱᓕᕆᐊᒃᓴᓂᒃ. ᑕᒪᓐᓇ ᐱᕙᓪᓕᐊᓂ ᐃᖅᑲᒋᔭᓕᒃ ᐱᔭᕆᐊᓕᖕᓂᒃ ᑐᑭᓂᒃ ᑮᓇᐅᔭᖃᖅᑎᑕᐅᓂᕐᒧᑦ ᐊᒻᒪᓗ ᐱᓕᕆᐊᖑᒍᒪᔫᑉ ᓯᕗᓪᓕᐅᑎᑕᐅᓂᖓᓂ ᓄᓇᓕᖕᒥ/ᓄᓇᐃᑦ ᐊᕕᒃᑐᖅᑕᐅᓯᒪᔪᑦ, ᑮᓇᐅᔭᓕᐅᕈᑕᐅᓂᕐᒧᑦ ᐱᕙᓪᓕᐊᑎᑕᐅᖁᓪᓗᒍ, ᐊᔾᔨᒋᒋᑐᐃᓐᓇᕆᐊᓕᖓ ᑭᖒᒪᔭᐅᔪᑦ ᐊᓯᖏᓐᓂ ᓄᓇᓖᑦ/ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ.

3.2 ᐅᖃᖅᑐᓄᑦ ᐱᔪᒪᓂᕐᒧᑦ ᓂᕈᐊᖅᑕᐅᔪᓐᓇᕐᓂᕐᓄᑦ ᐋᖅᑭᒃᓯᒪᔪᑦ

ᐅᖃᖅᑐᓄᑦ ᐱᔪᒪᓂᕐᒧᑦ ᕿᒥᕐᕈᔭᐅᓂᐊᖅᑐᑦ ᑲᒃᑯᓄᖓ ᖃᓄᐃᓕᖓᓂᕐᓄᑦ.

ᐅᖃᖅᑐᓄᑦ ᐱᔪᒪᓂᕐᒧᑦ ᓂᕈᐊᖅᑕᐅᔪᓐᓇᕐᓂᕐᓄᑦ ᐋᖅᑭᒃᓯᒪᔪᑦ ᐊᑐᖅᑐᑦ ᐃᓚᖏᑦ ᐅᖃᖅᑐᓄᑦ ᐱᔪᒪᓂᕐᒧᑦ ᐱᓇᓲᑎᒥ
ᐱᓕᕆᐊᖑᓂᐊᖅᑐᒧᑦ ᐱᓕᕆᓂᐅᓂᐊᖅᑐᑦ ᑲᔪᓯᑎᒐᒃᓴᐅᕙᑦ ᐱᕕᖃᖅᑎᑕᐅᕕᖓ ᐱᓕᕆᐊᑉ ᒪᓕᒡᓗᒍ? ᐱᓕᕆᐊᖑᒍᒪᔫᑉ ᖃᓄᐃᑦᑑᓂᖓ;
ᑮᓇᐅᔭᖅᑑᑎᒃᓴᒫᑦ ᓈᒻᒪᒃᐸᑦ ᑖᒃᓱᒧᖓ ᐱᓕᕆᐊᒃᓴᒧᑦ? ᑮᓇᐅᔭᖅᑑᑎᒃᓴᖅ;
ᑭᖒᒪᔭᐅᓂᖓ ᓇᓗᓇᖏᓚᖅ ᐅᕝᕙᓘᓐᓃᑦ ᐱᕕᒃᓴᖃᕐᕕᐅᓂᕆᒐᔭᖅᑕᖓ ᑖᔅᓱᒪ ᐱᓕᕆᐊᒃᓴᐅᑉ? ᑭᖒᒪᔭᐅᓂᖓ/ᐱᕕᒃᓴᖃᕐᕕᐅᓂᖓ; ᐃᖅᑲᓇᐃᔮᖑᓯᒪᓂᖓ ᓯᕗᕐᖓᓂ
ᓂᕆᐅᒋᔭᐅᔪᑦ  ᐱᓕᕆᓂᕐᒧᑦ ᖃᓄᓕᐃᖓᓕᖅᑐᑦ ᒪᓕᒃᐸᑦ ᐅᖃᖅᑐᓄᑦ ᐱᔪᒪᓂᕐᒧᑦ  ᐊᒃᓱᕉᑕᐅᔪᓄᑦ? ᐱᓕᕆᐊᖑᒍᒪᔫᑉ ᖃᓄᐃᑦᑑᓂᖓ; ᑭᖑᓂᖓᓂ
ᓂᕆᐅᒋᔭᐅᔪᑦ ᑮᓇᐅᔭᓕᐅᕈᑕᐅᓂᐊᖅᑐᑦ ᓱᓕᕙᑦ? (ᓲᕐᓗ, ᐃᖅᑲᓇᐃᔮᒃᓴᐃᑦ ᓴᖅᑭᑎᑕᐅᓗᑎᒃ ᐃᖅᑲᓇᐃᔮᖑᐃᓐᓇᓕᕐᓗᑎᓪᓘᓐᓃᑦ) ᑮᓇᐅᔭᓕᐅᕈᑕᐅᓂᐊᖅᑐᑦ;
ᑐᒃᓯᕋᖅᑐᖅ ᐱᔪᓐᓇᕐᓂᐊᖅᐸ ᓴᓇᓗᒍ ᐱᓕᕆᐊᖑᒍᒪᔪᖅ? (ᓲᕐᓗ, ᑮᓇᐅᔭᓕᐅᕈᑕᐅᓗᓂ, ᓇᖕᒥᓂᖃᖃᑎᖃᕐᓂᖅ, ᐊᑐᕈᓐᓇᖅᑐᑦ) ᑎᒥᖁᑎᐅᔫᑉ ᑎᓕᔭᐅᔾᔪᑎᒋᓯᒪᔭᖓ; ᓇᖕᒥᓂᖃᖃᑕᐅᔪᑦ/ᐃᑲᔪᖅᑐᐃᔪᑦ, ᑮᓇᐅᔭᖅᑑᑎᒃᓴᖅ

3.3 ᑐᑭᓯᒃᑲᓐᓂᕈᒪᔪᑦ ᖃᐅᔨᒪᔭᐅᔪᓂᒃ

ᖃᖓᑐᐃᓐᓇᖅ ᑐᒃᓯᕋᐅᑦ ᖃᐅᔨᓴᖅᑕᐅᓂᕐᓗ, ᑳᓐᓄᐊᑯᓐᓂ ᐱᓕᕆᔨ ᑐᑭᓯᒋᐊᕐᕕᖃᕈᓐᓇᖅᑐᖅ ᑐᒃᓯᕋᖅᑐᒥ ᑐᓴᕆᐊᕐᕕᖃᒃᑲᓐᓂᕐᓗᓂ.

3.4 ᐱᓇᓱᒃᑐᑦ ᐱᔪᑦ ᐅᖃᖅᑐᓄᑦ ᐱᔪᒪᓂᕐᒥᑦ

ᐱᓇᓱᒃᑐᑦ ᓂᕈᐊᖅᑕᐅᔪᑦ ᐃᓱᒪᒋᔭᐅᒃᑲᓐᓂᕐᓄᑦ ᑐᙵᓴᖅᑕᐅᓂᐊᖅᑐᑦ ᑐᓂᓯᖁᔭᐅᓗᑎᒃ ᐃᓗᐃᑦᑐᒥᒃ ᐱᓇᓲᑎᒥᒃ ᕿᒥᕐᕈᔭᐅᒃᑲᓐᓂᕐᓂᐊᖅᑐᒥᒃ ᑐᙵᓗᑎᒃ ᓂᕈᐊᖅᑕᐅᔪᒧᑦ ᐱᓕᕆᓂᕐᒧᑦ/ᑭᓱᓕᕆᔪᓄᑦ. ᖃᐅᔨᒪᔭᐅᔭᕆᐊᓕᒃ ᑐᒃᓯᕋᒃᑲᓐᓂᕐᕕᐅᒐᓗᐊᑦ ᑲᔪᓯᑎᑦᓯᖁᔭᐅᓪᓗᑎᒃ ᐊᑕᖏᖅᑐᒥᒃ ᑎᑎᕋᕐᕕᒋᓯᒪᔪᒥᒃ ᑐᒃᓯᕋᐅᖕᒥᒃ ᐊᖏᖅᑕᐅᓚᖓᓂᖓᓂᒃ ᓇᓗᓇᐃᖅᓯᒍᑕᐅᖏᒻᒪᑦ ᐱᓕᕆᐊᖑᒍᒪᔪᖅ ᐃᓱᒪᒃᓴᖅᓯᐅᕈᑕᐅᓯᒪᔪᖅ ᑮᓇᐅᔭᖃᖅᑎᑕᐅᓂᕐᒧᑦ ᐱᓇᓱᐊᖁᔭᐅᓂᐊᕐᓂᒪᖔᑦ.

4. ᖃᐅᔨᒪᔭᐅᔪᑦ ᐱᔭᕇᕋᓱᒡᓗᒍ ᐅᖃᕈᑏᑦ ᐱᔪᒪᓂᕐᒧᑦ

ᑐᒃᓯᕋᖅᑑᑉ ᑎᑎᕋᕐᕕᒋᔭᕆᐊᓕᖏᑦ ᐃᓘᓐᓇᑎᒃ ᑎᑎᖅᓯᕕᒋᔭᕆᐊᓖᑦ ᑕᒪᖏᑦᑐᓂᒃ ᐃᖅᑲᓇᐃᑦᑎᐊᕐᓗᒍᓗ. ᐅᖃᖅᑐᑦ ᐱᔪᒪᓂᕐᒧᑦ ᐱᔪᒪᓇᓲᑎ ᐃᓗᓕᖃᖅᑐᖅ ᑲᒃᑯᓂᖓ ᖃᓄᐃᓕᐅᕐᓂᕐᓂᒃ:

ᐊᑐᓂ ᐊᕕᒃᓯᒪᔪᕐᒥ ᐱᖃᓯᐅᔾᔭᐅᔪᖅ ᑕᑲᓇᓂ ᐃᑲᔫᑎᒋᓂᐊᕋᕕᐅᒃ ᐱᔭᕇᕋᓱᒡᓗᒍ ᐅᖃᖅᑕᑎᑦ ᐱᔪᒪᓂᕐᓄᑦ. ᓇᐃᓴᐅᑎᓖᑦ ᐃᓗᐊᓂ ᐊᑐᓂ ᐊᕕᒃᓯᒪᔪᓂ ᒪᓕᒃᑐᑦ ᓇᐃᓴᐅᑎᓕᖕᓄᑦ ᐅᖃᖅᑐᓄᑦ ᐱᔪᒪᓂᕐᒧᑦ ᐱᓇᓲᑎᒥ.

ᑎᓕᐅᕈᑕᐅᕗᖅ ᐳᐃᒍᔾᔭᐃᒐᔪᒡᓗᒋᑦ ᐱᓕᕆᐊᑎᑦ, ᑐᓂᓚᐅᖏᓐᓂᕐᓂ ᐅᖃᖅᑕᑎᑦ ᐱᔪᒪᓂᕐᒧᑦ ᑲᓐᓄᐊᒃᑯᓐᓄᑦ.

ᑐᒃᓯᕋᖅᑐᖅ ᐊᒻᒪᓗ ᖃᐅᔨᒋᐊᕐᕕᒃᓴᐅᕕᖏᑦ

4.1. ᒪᓕᒐᖅᑎᒍᑦ ᐊᑎᓕᐅᖅᑕᐅᓯᒪᓂᖓ ᑐᒃᓯᕋᖅᑑᑉ

ᐱᖁᔭᑎᒍᑦ ᐊᑎᖓ ᐃᓕᓴᕆᔭᐅᓯᒪᓪᓗᓂ ᐊᑎᕆᕙᐅᒃ ᑎᒥᐅᑉ ᐱᓯᓇᓯᐅᓪᓘᓐᓂᑦ ᐊᑎᓕᐅᖅᑕᐅᑎᓪᓗᒍ ᐃᓚᓕᐅᔾᔭᐅᑎᓪᓗᒍᓘᓐᓃᑦ. ᑖᓐᓇ ᐊᔾᔨᒋᙱᑐᐃᓐᓇᕆᐊᖃᖅᑕᖓ ᑎᒥᐅᑉ ᐊᐅᓚᓂᕐᓄᑦ ᐊᑎᐊᓂᑦ (ᓲᕐᓗ ᐱᖁᔭᑎᒍᑦ ᐊᑎᖓ 123456 ᓄᐊᑐᓐ ᓕᒥᑎᑦ, ᐊᐅᓚᓪᓗᑎᒃ ᐃᓄᖕᓄᑦ ABC ᓅᑦᑎᔩᑦᑎᑐᑦ).

ᖃᐅᔨᒪᔭᕆᐊᓕᒃ: ᓇᓗᓇᐃᖅᓯᔪᒥᒃ ᐱᖁᔭᑎᒍᑦ ᐱᑦᑎᐊᖅᓯᒪᓂᕐᓂᒃ ᐱᔭᕆᐊᖃᑐᐃᓐᓇᕆᐊᓖᑦ.

4.2. ᐱᓕᕆᐊᒃᓴᐅᑉ ᐊᑎᖓ

ᓇᐃᓈᕐᓗᒍ, ᑐᑭᓯᓇᖅᑐᒥᒃ ᑐᑭᓯᓇᑦᑎᐊᕐᑐᒥᒡᓗ ᐊᑎᖃᕐᓗᑎᑦ ᓇᓗᓇᐃᖅᓯᔪᒥᒃ ᐱᓕᕆᐊᕆᔭᕐᓂᒃ. ᐃᓚᓕᐅᑎᓗᒋᑦ ᐱᓕᕆᐊᖅ ᑭᓱᒨᖕᒪᖔᑦ ᑕᐃᔭᐅᓂᖓ (ᓲᕐᓗ ᐊᓄᕆᒧᑦ ᐸᐅᕋᐅᔭᑦ ᐊᔪᖏᑦᑎᐊᕋᔭᕐᓂᖓᓄᑦ ᖃᐅᔨᓴᖅᑕᐅᔾᔪᑎ, ᐱᐅᓯᒋᐊᕈᑎᑦ ᐱᓕᕆᕝᕕᖕᒥ ᐆᒻᒪᖅᑯᑎᑐᓗᐊᕐᓇᙱᑦᑐᓂᒃ, ᐱᕚᓪᓕᖅᑎᓪᓗᒍ ᓂᕿᖃᖅᑎᑦᑎᔾᔪᑎ).

4.3. ᖃᐅᔨᒋᐊᕐᕕᐅᖅᑳᕈᓐᓇᖅᑐᖅ ᐊᑎᖓ

ᑎᑎᕐᓗᒍ ᐃᓄᒃ ᑭᒡᒐᖅᑐᐃᔪᓐᓇᖅᑐᖅ ᐱᓯᓇᓯᒥᒃ ᑎᒥᒥᒡᓘᓐᓃᑦ, ᑖᓐᓇ ᐃᓄᒃ ᑐᓴᖅᑎᑕᐅᒐᔪᖕᓂᐊᖅᑐᖅ ᑐᕌᖅᑐᓄᑦ ᐅᖃᖅᑐᓄᑦ ᐱᔪᒪᓂᕐᒧᑦ.

4.4. ᐅᖄᓚᐅᑎᖓᑕ ᓈᓴᐅᑎᖓ (ᖃᐅᔨᒋᐊᕐᕕᒃᓴᐅᑉ)

ᐱᖃᓯᐅᑎᖃᓯᐅᑎᓂᐊᖅᑲᐃᑦ ᐅᖃᓚᐅᑎᒃᑯᑦ ᐱᖓᓱᑦ ᓯᕗᓪᓖᑦ ᓈᓴᐅᑎᖏᑦ ᖃᐅᔨᒋᐊᕐᕕᒃᓴᐅᔫᑉ ᐅᖄᒪᐅᑎᖓᑕ ᓈᓴᐅᑎᖓ.

4.5. ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑦ (ᖃᐅᔨᒋᐊᕐᕕᒃᓴᐅᑉ)

ᐱᖃᓯᐅᑎᓗᒍ ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑦ ᖃᐅᔨᒋᐊᕐᕕᒃᓴᐅᔪᖅ ᑎᒥᖁᑎᐅᔫᑉ ᐃᕐᖐᕐᓈᖅᑕᐅᑎᒋᖏᑕᖓ.

4.6. ᑐᒃᓯᕋᖅᑑᑉ ᑎᑎᖅᑲᓂᐊᕐᕕᒃᑯᑦ ᑐᕌᕈᑎᖓ

ᐱᖃᓯᐅᑎᓗᒍ ᑐᕌᕈᑦ ᑎᑎᖅᑲᒃᑯᕕᑎᒍᑦ ᐊᓪᓚᕝᕕᖃᕐᕕᖓᑕ ᑐᑦᑕᕐᕕᐅᑉ ᑎᒥᐅᔪᒧᑦ ᓇᖕᒥᓂᖁᑎᒋᔭᐅᔪᕐᓘᓐᓃᑦ ᐱᓇᓱᐊᖅᑐᖅ ᑮᓇᐅᔭᖃᖅᑎᑕᐅᒍᒪᓂᕐᒥᒃ. ᐱᖃᓯᐅᑎᓗᒋᑦ ᑐᕌᕈᑎ, ᓄᓇᓕᒃ, ᕗᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᓄᓇ/ᓄᓇᐃᑦ ᑭᓪᓕᓕᐅᖅᑕᐅᓯᒪᓂᖏᑎᒍᑦ ᓄᓇᐅᑉ ᑎᑎᖅᑲᓂᐊᕐᕕᒃᑯᑦ ᑐᕌᕈᑎᖏ ᐱᖓᓲᔪᖅᑐᑦ ᑎᑎᖅᑲᓖᑦ ᓈᓴᐅᑎᓖᑦ.

4.7. ᑐᒃᓯᕋᖅᑑᑉ ᓇᖕᒥᓂᖓᑕ ᓈᓴᐅᑎᖓ

ᓇᖕᒥᓂᖁᑎᐅᔫᑉ ᓈᓴᐅᑎᖃᖅᑎᑕᐅᓂᖓ ᐊᔾᔨᒋᔭᐅᖏᑦᑐᖅ ᖁᓕᐅᖏᒐᖅᑐᓂᒃ−ᓇᓴᐅᑎᓕᒃ ᑐᓂᔭᐅᓯᒪᔪᖅ ᑲᓇᑕᒥ ᐅᑎᖅᑐᒃᓴᓕᕆᔩᑦ ᐊᓪᓚᕝᕕᖓᓂᒃ.

4.8. ᐱᓯᓇᓯᓂ ᑭᓱᓕᕆᔪᑦ

ᐱᓯᓇᓯᒥ ᑭᓱᓕᕆᔪᑦ ᒪᓕᒃᐳᑦ ᐱᓕᕆᔭᓪᓗᐊᑕᒧᑦ ᐱᓯᓇᓯᒧᑦ ᑎᒥᒧᓪᓘᓐᓃᑦ. ᑎᑎᕋᕐᓗᒍ ᐱᓇᓱᒃᑑᑉ ᑭᓱᓕᕆᕝᕕᖓ ᓲᕐᓗᑐᑦ ᐱᓇᓱᒃᑑᑉ ᑭᓱᓕᕆᕝᕕᖓ = ᑐᔪᕐᒥᓃᑦ ᓂᕿᓄᓪᓗ ᐱᔨᑦᑎᕋᕐᓃᑦ − ᑎᒥᓄᑦ ᐊᑯᓂᐅᖏᑦᑐᒧᑦ ᑐᔪᕐᒥᑎᑦᑎᔪᓄᑦ ᓂᕿᓕᐅᖅᑐᓄᓪᓘᓐᓃᑦ ᑕᒧᓗᒐᒃᓴᓂᒡᓘᓐᓃᑦ ᓂᕆᔭᐅᑲᐅᑎᒋᓂᐊᖅᑐᓄᑦ; ᐱᓇᓱᒃᑑᑉ ᑭᓱᓕᕆᕝᕕᖓ = ᐃᓄᓕᒫᓕᕆᓕᓂᕐᓄᑦ ᐊᐅᓚᑦᑎᓃᑦ - ᑎᒥᓄᑦ ᐱᓕᕆᓪᓗᐊᑕᖅᑐᓄᑦ ᒐᕙᒪᓕᕆᔪᓄᑦ. ᑲᓐᓇ ᑐᕌᕈᑎ ᑕᑯᔾᔪᑕᐅᔪᓐᓇᖅᑐᖅ ᖃᐅᔨᒪᔭᐅᔪᓄᑦ ᐊᒥᐊᓕᒃᑲᑦ ᐅᐊᖕᓇᖓᓂ ᑭᓱᓕᐅᖅᑎᓄᑦ ᐊᑦᑎᖅᓯᔾᔪᓯᓕᕆᓃᑦ (NAICS).

4.9. ᑐᒃᓯᕋᖅᑐᖅ

ᑕᒪᓐᓇ ᑐᓴᖅᑕᐅᑲᓐᓂᕋᔭᖅᑐᑦ ᐱᒻᒪᕆᐅᕗᑦ ᖃᐅᔨᒐᓱᐊᕈᑕᐅᓂᐊᕐᒪᑕ ᑐᒃᓯᕋᖅᑐᖅ ᐱᔪᓐᓇᖅᑎᑕᐅᓂᐊᕐᒪᖔᖅ.

  • ᑮᓇᐅᔭᓕᐅᕈᑎᖃᕋᓱᐊᙱᑦᑐᖅ ᐱᖃᓯᐅᔾᔨᔪᖅ ᓇᖕᒥᓂᖁᑎᒋᔭᐅᔪᓂᒃ ᓲᕐᓗ ᑯᐊᐳᕇᓴᐅᓪᓗᑎᒃ ᑲᒻᐸᓃᑦ, ᑯᐊᐳᕇᓴᐃᑦ ᐅᕝᕙᓘᓐᓃᑦ ᑯᐊᐸᑏᑦ, ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᓄᑦ ᑎᒥᖁᑎᐅᔪᑦ ᓲᕐᓗ ᓄᓇᖃᖅᑳᖅᓯᒪᔪᓄᑦ/ᐊᓪᓚᓄᑦ ᓄᓇᖃᖅᑲᖅᓯᒪᔪᓄᑦ/ᐃᖅᑭᓕᖕᓄᑦ ᓄᓇᓕᒋᔭᐅᔪᓂ ᐊᐅᓚᓂᓕᖕᓂ ᐅᕝᕙᓘᓐᓃᑦ ᓄᓇᓖᑦ ᓇᓕᐊᓐᓂ ᐊᐅᓚᓂᓖᑦ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᓐᓂ.
  • ᑮᓇᐅᔭᓕᐅᕈᑎᖃᕋᓱᐊᙱᑦᑐᖅ ᑎᒥᖁᑎᐅᔪᖅ ᐱᖃᓯᐅᔾᔨᔪᖅ ᑎᒥᖁᑕᐅᔪᓂᑦ ᒪᑯᓂᖓ ᑮᓇᐅᔭᒃᑯᕕᒃ ᓴᐃᒻᐳᔅ ᑳᒧᔅ, ᐃᖅᑲᓇᐃᔭᕐᕕᒃ ᐅᕝᕙᓘᓐᓃᑦ ᓇᖕᒥᓂᖃᖅᑎᓄᑦ ᑲᑐᔾᔨᖃᑎᒌᑦ ᐊᒻᒪᓗ ᐳᓚᕋᖅᑐᓕᕆᓂᕐᒧᑦ ᑎᒥᖁᑎᒋᔭᐅᔪᑦ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᓐᓂ ᐊᒻᒪᓗ ᐃᑲᔪᖅᑐᐃᒍᒪᔪᑦ ᓄᓇᓕᖕᒥᒃ ᑭᓇᐅᔭᓕᐅᕐᓂᖓᓂᒃ. ᓄᓇᖃᖅᑳᖅᓯᒪᔪᓄ ᑮᓇᐅᔭᓕᐅᕐᓂᕐᒥᒃ ᐱᕙᓪᓕᐊᓂᕐᒧᑦ ᑎᒥᖁᑎᒋᔭᐅᔪᑦ ᑮᓇᐅᔭᓕᐅᕈᓐᓇᑎᑦᑎᔪᑦ ᐊᑑᑎᖃᖅᑐᑎᒍᑦ ᐊᑕᐅᓯᕐᒧᑦ ᐊᒥᓲᓂᖅᓴᓄᓪᓘᓐᓃᑦ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᓐᓂ ᖄᖏᕐᓂᑯᓕᐅᕈᑎᓂᓪᓗ ᐱᑎᑦᑎᕙᙱᑦᑐᑦ ᐃᓚᐅᒍᑎᖃᖅᑐᖁᑎᒥᓄᑦ ᐃᓱᒪᒋᔭᐅᕗᑦ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᑎᒥᖁᑎᒋᔭᐅᔪᑦ.
  • ᓄᓇᖃᖅᑳᖅᓯᒪᔪᓄᑦ ᒐᕙᒪ ᐱᖃᓯᐅᔾᔨᔪᖅ ᐊᓪᓚᓂᒃ ᓄᓇᖃᖅᑳᖅᓯᒪᔪᓂᒃ, ᐃᖅᑭᓕᓐᓂᒃ ᐊᒻᒪᓗ ᐃᓄᖕᓂᑦ ᓄᓇᓕᖃᖅᑐᓂᒃ/ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᒐᕙᒪᐃᑦ ᐊᒻᒪᓗ ᐊᓪᓚᓄᑦ ᑲᑎᒪᔩᑦ.
  • ᐊᕕᒃᑐᖅᑕᐅᓯᒪᓂᖏᑎᒍᑦ ᓄᓇᐃᑦ ᒐᕙᒪ ᐱᖃᓯᐅᔾᔨᔪᖅ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐃᖅᑲᓇᐃᔭᕐᕕᓐᓂ ᓄᓇᐃᓪᓘᓐᓃᑦ ᐊᕕᒃᑐᖅᑕᐅᓯᒪᓂᖏᓐᓂ ᑯᐊᐳᕇᓴᐃᑦ ᐃᖅᑲᓇᐃᔮᓖᑦ ᐊᑐᖅᑕᐅᓕᖁᓪᓗᒍ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ ᐊᑕᐅᓯᕐᒥ ᐊᒥᓲᓂᖅᓴᓂᓘᓐᓃᑦ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᓐᓂ.
  • ᓄᓇᓕᖕᒥ ᒐᕙᒪ ᐱᖃᓯᐅᔾᔨᔪᖅ ᓄᓇᓕᖕᒥ ᒐᕙᒪᐅᓂᖃᖅᑐᓂᒃ ᓂᕈᐊᖅᑕᐅᓯᒪᔪᓂᒃ ᐱᔪᓐᓇᕐᓂᖃᖅᑎᑕᐅᔪᓂᒃ (ᓲᕐᓗ ᒪᐃᔭ ᐊᒻᒪᓗ ᑲᑎᒪᔩᑦ).
  • ᐊᓯᐊ: ᐅᖃᐅᓯᕆᒍᒃ. ᓇᖕᒥᓂᓕᑐᐊᖅ ᓇᓗᓇᐃᕈᑕᐅᒐᔭᖅᑐᖅ ᐊᓯᐊᓂᒃ ᐱᓇᓱᒃᑐᑐᑦ.

4.10. ᓇᐃᓈᖅᑐᒥᒃ ᓇᓗᓇᐃᖅᓯᓂᖅ ᑎᒥᖁᑎᒋᔭᐅᔫᑉ ᒥᒃᓵᓄᑦ ᐊᒻᒪᓗ ᑎᓕᔭᐅᔾᔪᑎᒋᓯᒪᔭᖏᑦ

ᑕᒪᓐᓇ ᑐᓴᕋᒃᓴᓕᐊᖅ ᐊᑐᖅᑕᐅᒐᔭᖅᑐᖅ ᖃᐅᔨᒐᓱᐊᖅᑐᖃᓕᖅᐸᑦ ᑐᒃᓯᕋᖅᑐᖅ ᑎᓕᔭᐅᔾᔪᑎᖃᕐᒪᖔᖅ ᐱᔪᓐᓇᕐᒪᖔᕐᓘᓐᓃᑦ ᓈᒪᔪᓂᒃ ᐱᓇᓱᐊᕈᑎᖃᕐᓂᐊᕐᓗᓂ ᑕᒪᓐᓇ ᐱᓕᕆᐊᖑᒍᒪᔪᖅ ᑲᔪᓯᑎᓐᓂᐊᕐᓗᒍ.

ᐱᓕᕆᐊᖑᒍᒪᔫᑉ ᒥᒃᓵᓄᑦ ᑐᓴᕋᒃᓴᖅ

4.11. ᐱᓕᕆᐊᖑᒐᔭᖅᑑᑉ ᐃᓂᖓ (ᓄᓇᓕᒃ)

ᐱᖃᓯᐅᑎᓗᒋᑦ ᐊᑎᖓ ᓄᓇᓕᐅᑉ/ᓄᓇᓖᑦ ᐱᓕᕆᐊᒧᑦ ᐱᓕᕆᕕᐅᒐᔭᖅᑐᑦ, ᓇᓗᓇᐃᕐᓗᖏᑦ ᐊᒥᓲᓂᖏᑦ ᓄᓇᓖᑦ (ᓲᕐᓗ, ᑎᓴᒪᐅᔪᖅᑑᙱᒐᖅᑐᑦ ᓄᓇᕗᒻᒥ ᓄᓇᓖᑦ). ᐱᓕᕆᔪᓄᑦ ᐅᓄᖅᑐᓂ ᓄᓇᓕᖕᓂ, ᓇᓗᓇᐃᕐᓗᒋᑦ ᖃᔅᓯᐅᓂᖏᑦ ᓄᓇᓖᑦ (ᓲᕐᓗᑐᑦ 7 ᓄᓇᕘᒥᑦ ᓄᓇᓖᑦ). ᑭᖑᓂᖓᓂ, ᐱᓕᕆᐊᒃᓴᐅᒃ ᓇᓗᓇᐃᔭᖅᑕᐅᓯᒪᕕᖓᑕ ᑎᑎᕋᖅᑕᐅᓯᒪᕕᖓᓂ (14a), ᓇᓗᓇᐃᔭᒃᑭᑦ ᐊᑎᖏᑦ ᐊᑐᓂᒃ ᓄᓇᓖᑦ ᐱᖃᑕᐅᔪᑦ ᐱᓕᕆᐊᒃᓴᕆᒍᒪᔭᕐᓄᑦ.

4.12. ᓂᕆᐅᒋᔭᖅ ᐅᓗᖓᑕ ᐱᒋᐊᕐᕕᒃᓴᖓ

ᐅᓪᓗᖓᑕ ᓯᕗᓪᓕᖅᐹᒥᒃ ᐱᒋᐊᕐᕕᐅᒐᔭᖅᑑᑉ ᐱᓕᕆᐊᒃᓴᒧᑦ ᓂᕆᐅᒋᔭᐅᕕᖓ ᐱᕙᓪᓕᐊᓕᕐᓂᐊᕐᓂᖓᓂᒃ. ᐊᑮᑦ ᐊᑐᖅᑕᕕᓂᑦ ᐱᒋᐊᓚᐅᖅᑎᓐᓇᒍ ᐱᓕᕆᐊᒃᓴᖅ ᐅᑎᖅᑎᑕᐅᖏᑐᐃᓐᓇᕆᐊᓖᑦ.

4.13. ᓂᕆᐅᒋᔭᖅ ᐅᓗᖓᑕ ᐃᓱᓕᕝᕕᒃᓴᖓ

ᐅᓪᓗᖓ ᐱᓕᕆᐊᖑᒍᒪᔪᒧᑦ ᐃᖅᑲᓇᐃᕐᕕᐅᓯᒪᒐᔭᕐᓂᖓᓂᒃ ᓂᕆᐅᒋᔭᐅᕕᖓᑕ.

4.14. ᐱᓕᕆᐊᖑᒍᒪᔫᑉ ᓇᓗᓇᐃᔭᖅᑕᐅᓯᒪᓂᖓ

ᐅᕙᓂ ᑎᑎᕋᕐᕕᒃᓴᒥ, ᓇᓗᓇᐃᔭᕐᓂᐊᖅᑕᐃᑦ ᐱᓕᕆᐊᖑᒍᒪᔪᖅ ᓇᐃᓈᖅᓯᒪᑎᓪᓗᒋᑦ ᑎᑎᕋᖅᑕᑎᑦ.

  1. ᐃᓗᐃᑦᑐᒃᑯᑦ ᐋᖅᑭᒃᓯᒪᓂᖏᑦ: ᐱᓕᕆᓂᖅ ᑭᓱᓕᕆᕙ? ᑭᓲᕙᑦ ᐱᓕᕆᓪᓗᐊᑕᕐᓂᐊᖅᑕᑎᑦ ᐱᔭᕇᕐᓗᒋᑦ? ᖃᖓᒧᑦ ᐸᕐᓇᒃᓯᒪᕕᑦ ᑖᔅᓱᒧᖓ ᐱᓕᕆᓂᕐᒧᑦ? ᓇᓗᓇᐃᑦᑎᐊᕐᓗᒋᑦ.
  2. ᐱᔭᕆᐊᖃᖅᑐᖅ ᐱᕕᖃᖅᑐᕐᓘᓐᓃᑦ: ᖃᓄᐃᒻᒪᑦ ᑖᓐᓇ ᐱᓪᕆᓂᖅ ᐱᔭᐅᔭᕆᐊᖃᖅᐸ? ᑭᒃᑯᓐᓂᒃ ᑭᓱᓕᕆᔨᓂᒃ ᐃᑲᔪᕐᓂᐊᖅᐸᑦ ᑖᔅᓱᒪᙵᑦ ᐱᓕᕆᓂᕐᒥᑦ? ᖃᓄᐃᒻᒪᑦ ᑖᓐᓇ ᑭᓱᓕᕆᓂᖅ ᐱᕐᔪᐊᖑᕙ ᑮᓇᐅᔭᑦ ᓴᙱᓂᖏᓐᓄᑦ ᒫᓐᓇᐅᔪᖅ? ᖃᓄᐃᒻᒪᑦ ᑳᓐᓄᐊᒃᑯᑦ ᑮᓇᐅᔭᓂᒃ ᐊᑐᓪᓗᐊᖅᐸᑦ ᑖᔅᓱᒧᖓ ᐱᓕᕆᐊᒃᓴᒧᑦ? ᖃᓄᐃᓕᐅᕐᓂᐅᔪᖅ, ᐱᔨᑦᑎᕋᐅᑎ ᐅᕝᕙᓘᓐᓃᑦ ᓂᐅᕕᐊᒃᓴᖅ ᐊᑐᐃᓐᓇᐅᕙᒌᖅᐸ ᐅᕝᕙᓘᓐᓃᑦ ᓄᖅᑲᖅᑎᑕᐅᓯᒪᕙ ᐊᓯᐊᓄᑦ ᑲᑐᔾᔨᖃᑎᒌᒧᑦ ᐅᕝᕙᓘᓐᓃᑦ ᓇᖕᒥᓂᑲᖅᑎᐅᔪᒧᑦ? ᐄᖑᒃᐸᑦ ᓇᓗᓇᐃᕐᓗᒍ ᖃᓄᖅ ᐱᓕᕆᐊᕆᔭᐃᑦ ᐃᑲᔫᑎᖃᕐᓂᐊᕐᒪᖔᑦ ᑭᓱᓪᓗ ᐃᓚᓕᐅᑎᓯᒪᖕᒪᖔᑕ ᐊᑐᐃᓐᓇᐅᕙᒌᖅᑐᓄᒃ. ᑕᐃᒪᓐᓇᐅᖏᒃᑯᓂ, ᐅᖃᐅᓯᕆᒃᑭᑦ ᑭᓱᑦ ᐊᑐᕆᐊᓖᑦ ᐱᔭᐅᕙᑦ ᑖᔅᓱᒧᖓ ᐱᓕᕆᓂᕐᒧᑦ, ᐊᑐᕈᓂᓗ, ᓂᐅᕕᖅᑕᐅᖃᑦᑕᕈᓐᓇᕐᓂᖓ.
  3. ᖃᓄᓕᐃᖓᓕᖅᑐᑦ: ᑭᓱᓂᒃ ᓴᓇᓯᒪᔪᓂᒃ (ᓲᕐᓗᑐᑦ ᐅᖃᓕᒫᒐᓕᐊᑦ, ᐃᓕᓴᕈᑏᑦ) ᐱᔨᑦᑎᕋᕐᓃᓪᓘᓐᓃᑦ (ᓲᕐᓗᑐᑦ ᐱᓕᕆᔪᑦ, ᐃᓕᓴᖅᑕᐅᔪᓄᑦ ᐱᔨᑦᑎᕋᕐᓃᑦ ᑲᑎᒪᔨᓄᑦ) ᐱᓕᕆᓂᖅ ᓴᖅᑭᑦᑎᓂᐊᖅᐸ. ᐅᖃᐅᓯᕆᒃᑭᑦ ᐊᖏᓂᖅᓴᓄᑦ ᐊᒃᑐᐃᓃᑦ ᓴᖅᑭᔾᔪᑕᐅᓂᐊᖅᑐᑦ ᑭᓱᓄᑦ ᐱᔨᑦᑎᕋᕐᓂᕐᓄᓪᓘᓐᓃᑦ. ᐅᖃᐅᓯᕆᒃᑭᑦ ᖃᓄᖅ ᑖᓐᓇ ᑭᓱᓕᕆᓂᖅ ᐱᕚᓪᓕᕐᓂᐊᕐᒪᖔᑦ ᐱᕈᕐᓗᓂᓗ ᑖᔅᓱᒪᙵᑦ ᐱᓕᕆᓂᕐᒥᑦ. ᐅᖃᐅᓯᕆᓗᒍ ᖃᓄᐃᒻᒪᑦ ᑖᓐᓇ ᐱᓕᕆᓂᖅ ᐱᕐᔪᐊᖑᖕᒪᖔᑦ ᐱᓯᓇᓯᖕᓄᑦ ᑎᒥᖕᓄᓪᓘᓐᓃᑦ. ᐅᖃᐅᓯᕆᐊᕐᔪᒡᓗᒋᑦ ᑭᓇ ᑭᓱᓘᓐᓃᑦ ᐊᓯᔾᔨᕐᓂᐊᕐᒪᖔᑦ ᖃᖓᓗ ᑖᒃᑯᐊ ᑕᑯᓂᐊᕋᓱᒋᕕᒋᑦ (ᑕᕝᕙᙵᑲᐅᑎᒋ, ᕿᓚᒥᒥᑦ ᐊᑯᓂᒥᓘᓐᓃᑦ).
  4. ᐊᑑᑎᖃᕐᓂᖏᑦ: ᑎᑎᕋᒃᑭᑦ ᓂᕆᐅᒋᔭᑎᑦ ᓇᐃᓴᒐᒃᓴᑦ ᑮᓇᐅᔭᑎᒍᑦ ᐃᑲᔪᖅᑐᑦ ᐊᒃᑐᐊᔪᑦ ᐱᓕᕆᓂᕐᒧᑦ. ᐱᖃᓯᐅᔾᔨᕗᑦ ᑕᐃᒪᐃᑦᑐᑦ, ᑖᒃᑯᐊᑐᐊᖑᓇᑎᒃ, ᑲᒃᑯᓂᖓ:
    1. ᐊᒥᓱᙳᕆᐊᖅᑕᐅᓗᑎᒃ ᐃᖅᑲᓇᐃᔮᑦᓴᐃᑦ ᓴᖅᑭᑕᐅᓂᖏᑦ, ᐃᖅᑲᓇᐃᔮᖑᐃᓐᓇᖅᑎᑕᐅᓂᖏᑦ ᐊᒥᓱᙳᕆᐊᖅᑕᐅᓂᖏᓪᓘᓪᓃᑦ
    2. ᐊᒥᓲᖅᓂᖅᓴᐅᓕᕐᓗᑎᒃ ᐱᖃᑕᐅᔪᑦ ᐃᓕᓐᓂᐊᖅᓯᒪᔪᑦ ᐊᒥᒐᕆᔭᐅᔪᑦ ᐱᓪᓗᒋᑦ
    3. ᐊᒥᓱᙳᕆᐊᖅᑕᐅᓗᑎᒃ ᓂᐅᕈᑎᖃᕐᕕᒃᓴᐅᔪᑦ ᓂᐅᕐᕈᑎᖃᕐᕕᒋᓗᒋᑦ ᓂᐅᕕᐊᑦᓴᖃᖅᑎᓪᓗᒋᓪᓗ ᓄᓇᓕᖕᒥ ᓴᓇᔭᐅᓯᒪᔪᓂᒃ
    4. ᐋᖅᑭᒋᐊᖅᑕᐅᓂᐊᖅᐸᑦ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐳᓚᕋᖅᑐᓕᕆᓂᒃᑯᑦ ᐳᓚᕋᖁᔨᓂᖅ ᑕᒪᒃᑯᑎᒎᓇ ᐊᒥᓱᙳᕆᐊᖅᑕᐅᓂᖏᑎᒍᑦ ᓄᓇᓕᖕᒥ ᓴᓇᔭᐅᓯᒪᔪᑦ ᐱᔨᑦᑎᕋᐅᑎᓪᓗ
    5. ᐊᒥᓱᙳᕆᐊᖅᑕᐅᓂᖏᑦ ᓇᖕᒥᓂᖃᕐᓂᕐᒧᑦ ᒪᑭᒪᒍᓐᓇᕐᓃᑦ ᐆᒻᒪᖅᑯᑎᓕᕆᓂᒃᑯᑦ ᐊᒻᒪᓗ ᐊᐅᓚᒐᒃᓴᐅᔪᓄᑦ ᐊᕋᕐᕈᑎᓄᑦ
  5. ᓯᕗᕐᖓᓂ ᐃᖅᑲᓇᐃᔮᖑᓯᒪᓂᖅ: ᑎᑎᕋᒃᑭᑦ ᐃᖅᑲᓇᐃᔮᖑᓯᒪᔪᖃᖅᐸᑦ ᐃᖅᑲᓇᐃᑦᑎᐊᕐᓗᒍ ᐱᕙᒌᔭᖅᑕᐅᓯᒪᓂᖓ ᑖᔅᓱᒪ ᐱᓕᕆᐊᒃᓴᐅᑉ.
  6. ᓇᖕᒥᓂᖃᖃᑕᐅᔪᑦ/ᐃᑲᔪᖅᑐᐃᔪᑦ: ᐅᓂᒃᑳᕆᑦᓯᐊᕐᓗᒍ ᖃᓄᖅ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐅᕝᕙᓘᓐᓃᑦ ᓄᓇᓕᖕᒦᑦᑐᑦ ᓇᖕᒥᓂᖃᖃᑕᐅᔪᑦ ᓴᖅᑭᖅᑎᑕᐅᒐᔭᕐᒪᖔᖅ ᑕᒪᓐᓇ ᐱᓪᓗᒍ ᐱᓕᐊᖑᒍᒪᔪᖅ. ᓇᓗᓇᐃᑦᓯᐊᖅᓯᒪᕕᖃᖅᐲᑦ ᓄᓇᓕᐅᔪᒥᒃ, ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᐅᕝᕙᓘᓐᓃᑦ ᓇᖕᒥᓂᓖᑦ ᐃᖅᑲᓇᐃᔭᕐᕕᐅᑉ ᓇᖕᒥᓂᖃᖃᑕᐅᔪᖁᑎᖏᓐᓂᑦ (ᑮᓇᐅᔭᓕᕆᔩᑦ) ᐃᑲᔪᖅᑐᐃᔩᓪᓘᓐᓃᑦ (ᑮᓇᐅᔭᓕᕆᔨᐅᙱᑦᑐᑦ ᓇᐅᓕᒫᒧᑦ ᐱᓕᕆᐊᕆᒍᒪᔭᕐᓄᑦᐅ? ᑕᐃᒪᐃᑉᐸᑦ, ᓇᓗᓇᐃᔭᖑᐊᑕᖅᓯᓐᓇᖅᐱᑦ ᑕᕝᕙᓂ ᑎᑎᕋᕐᕕᒃᓴᒥ. ᓂᕆᐅᒋᔭᐅᕗᖅ ᑎᑎᕋᖅᑕᐅᓯᒪᒐᔭᖅᑐᑦ ᓇᓗᓇᐃᕆᒍᑕᐅᓗᑎᒃ ᐱᓕᕿᐊᒃᓴᒧᑦ ᓇᖕᒥᓂᖃᖃᑕᐅᔪᑦ/ᐃᑲᔪᖅᑐᐃᔪᑦ ᓇᓗᓇᐃᖅᑕᐅᒐᔭᕐᒪᑕ ᐊᒻᒪᓗ ᑐᑭᓯᒋᐊᕐᕕᐅᑦᓯᐊᖅᓯᒪᓗᑎᒃ ᑐᓂᔭᐅᑉᐸᑦ ᑎᑎᕋᕐᕕᒋᓯᒪᔪᖅ ᐊᑕᖏᖅᑎᓪᓗᒍ ᑐᒃᓯᕋᐅᑦ.
ᐱᓕᕆᐊᖑᒍᒪᔪᒧᑦ ᓇᓗᓇᐃᔭᐃᓂᐊᕐᓗᓂ ᐆᒃᑑᑎᑦ
ᓄᓇᓕᖕᒥ ᖁᐊᒃᑯᕕᒃ ᓇᖕᒥᓂᕆᔭᐅᔪᖅ ᐱᕈᖅᐹᓕᕐᓂᐊᕐᓂᖓ ᓯᓚᒥᒃ ᐆᒻᒪᖅᑯᑎᖃᕐᓂᕐᒧᑦ ᐋᖅᑭᒋᐊᕆᒍᑎ
ᓇᐃᓈᕐᓗᒍ: ᓄᓇᓕᒃ ᕿᓂᖅᐸᑦ ᑳᓐᓄᐊᑯᓐᓂᒃ ᑮᓇᐅᔭᖃᖅᑎᑕᐅᓂᕐᒥᒃ 50−ᐳᓴᖓᓂᒃ ᐊᑭᖓᑕ ᓂᐅᕕᕐᓂᐊᕐᓗᓂ ᓄᓇᓕᖕᒥ ᑯᐊᒃᑯᕕᐅᓂᐊᖅᑐᒥᒃ. ᐱᓕᕆᐊᖑᔪᖅ ᓂᐅᕕᕋᔭᖅᑐᖅ, ᐅᒥᐊᕐᔪᐊᒥᒃ, ᐋᖅᑭᓱᕐᓗᒍ ᐊᐅᓚᓗᒍᓗ ᓄᓇᓕᖕᒥ ᖁᐊᒃᑯᕕᒃ ᖁᐊᒃᑯᕕᖓᖏᑦᑐᓄᑦ. ᐱᓕᕆᐊᖑᓗᐊᙳᐊᕋᔭᖅᑐᑦ ᑖᔅᓱᒧᖓ ᐱᓕᕆᐊᒧᑦ ᐱᖃᓯᐅᔾᔨᒐᔭᖅᑐᖅ ᑲᑎᒪᔨᓄᑦ ᐊᖏᖅᑕᐅᒍᑎᖃᕐᓗᑎᒃ ᓄᓇᓕᖕᒥ ᑯᐊᒃᑯᕕᐅᑉ ᐃᓂᒋᒐᔭᖅᑕᖓᓂᒃ, ᐊᑭᐅᒐᔭᖅᑐᑦ ᖃᑦᓯᐅᒻᒪᖔᑕ ᖃᐅᔨᑎᑕᐅᒍᒪᓗᑎᒃ ᑮᓇᐅᔭᓕᐅᕈᑕᐅᒍᓐᓇᖅᑐᓂᒃ (ᐅᒥᐊᕐᔪᐊᒃᑯᑦ ᐅᓯᒍᑕᐅᓲᑦ ᓴᕕᕋᔭᐃᑦ ᑕᐃᒪᐃᓪᓗᐊᕐᓗᑎᒃ) ᖁᐊᒃᑯᕖᑦ, ᐱᔪᓐᓇᐅᑎᑖᖅᑎᑕᐅᓃᑦ ᓴᓇᓂᐊᕐᓗᓂ ᐋᖅᑮᓗᓂᓗ ᖁᐊᒃᑯᕕᐅᑉ ᐃᓂᒃᓴᒫᖑᑎᑕᒥ, ᓂᐅᕕᐊᕆᓗᒍ ᖁᐊᒃᑯᕕᒃ ᐊᒻᒪᓗ ᐋᖅᑭᒃᓱᐃᓗᓂ ᐅᒥᐊᕐᔪᐊᒃᑯᑦ ᐅᓯᔭᐅᒐᔭᕐᓂᖓᓂᒃ, ᐋᖅᑭᒃᓱᐃᓗᓂ ᓄᓇᒨᖅᑕᐅᒐᔭᕐᓂᖓᓂᒃ ᖁᐊᒃᑯᕕᐅᑉ ᐃᓂᒋᓂᐊᖅᑕᖓᓄᑦ ᐋᑦᑕᐅᓂᕆᒐᔭᖅᑕᖓᑕ, ᓇᓗᓇᐃᕐᓗᒍ ᐋᖅᑭᑦᑕᐅᓂᕆᒐᔭᖅᑕᖏᑦ ᐅᐊᔭᐃᑦ ᐃᑯᒻᒪᖅᑯᑎᓕᕆᔨᒃᑯᑎᒍ ᐋᖅᑭᑦᑕᐅᑎᓪᓗᒍ, ᓇᓗᓇᐃᕐᓗᒋᑦ ᐱᓕᕆᖃᑕᐅᓂᐊᖅᑐᑦ ᓄᓇᓕᖕᒥ ᐊᒻᒪᓗ ᐊᐅᓚᑦᑎᓂᐊᖅᑐᑦ ᖁᐊᒃᑯᕕᖕᒥᒃ, ᑐᓴᖅᑕᐅᑎᓪᓗᓂᐅᒃ ᓄᑖᖅ ᖁᐊᒃᑯᕕᒃ ᓈᓚᐅᑎᒃᑰᕐᓗᓂ ᓄᓇᓕᐅᔪᒥ, ᓄᓇᓕᖕᒥ ᓂᕆᖃᑎᒌᑎᑦᑎᓂᖅ ᑐᙵᓱᑦᑎᑕᐅᓗᓂ ᓄᑖᖅ ᖁᐊᒃᑯᕕᐅᑉ ᒪᑐᐃᖅᑕᐅᓂᖓ. ᓇᐃᓈᕐᓗᒍ: ᑖᓐᓇ ᐱᓕᕆᐊᖑᒍᒪᔪᖅ ᐊᖏᓪᓕᒋᐊᕆᒍᒫᕐᓂᐊᖅᑐᖅ ᓇᖕᒥᓂᖁᑎᑦᑕ ᐊᐅᓚᓂᖏᓐᓂᒃ ᓴᖅᑭᑎᑦᑎᓂᒃᑯᑦ ᓄᑖᓂᒃ ᐴᖅᑐᐃᒍᑎᒃᓴᓂᒃ ᓴᓇᔭᑦᑎᓐᓄᑦ ᐊᑭᑦᑐᕋᐅᑎᒍᑕᐅᒍᓐᓇᓂᖅᓴᐅᓂᐊᕐᓗᓂᓗ ᓂᐅᕈᑕᐅᓂᕐᒧᑦ ᐊᒻᒪᓗ ᓄᓇᓕᖕᒥ ᓂᐅᕈᑎᒋᓗᒋᑦ. ᐱᓕᕆᐊᖑᓪᓗᐊᑕᕋᔭᖅᑐᑦ ᖃᓄᐃᓕᖓᒐᔭᕐᓂᖓ ᓄᑖᑉ ᐴᖅᑐᐃᒍᑎᒃᓴᐃᑦ, ᓯᐊᒻᒪᑎᒍᓐᓇᕋᔭᕐᓗᒍ ᓇᓗᓇᐃᑦᑎᐊᑦᑎᐊᕈᑎᒥᒃ ᐊᖏᖃᑎᒌᒍᑎᖃᕐᓂᖅ ᓂᐅᕕᖅᑎᓂᒃ ᑲᓇᑕᒥ ᐊᒻᒪᓗ ᒥᐊᓕᒐᐃᑦ ᓄᓇᖓᓂ. ᓇᐃᓈᕐᓗᒍ: ᑖᓐᓇ ᐱᓕᕆᐊᖑᒍᒪᔪᖅ ᐃᖅᑲᓇᐃᕆᒐᔭᖅᑐᖅ ᐸᕐᓇᑕᐅᓂᕐᒧᑦ ᐱᔭᕆᐊᓕᓐᓂᑦ ᐊᒻᒪᓗ ᓴᓇᓂᐊᕐᓗᓂ ᓯᓚᒧᑦ ᐊᐅᓚᒍᓐᓇᖅᑐᓄᑦ ᐊᐅᓚᑦᑎᕕᒃᓴᒥᒃ ᐱᓕᕆᕕᖕᒥᒃ. ᐱᓕᕆᐊᖑᓪᓗᐊᑕᕋᔭᖅᑐᑦ ᓴᓇᔭᐅᑎᓪᓗᒍ ᐃᓂᐅᓂᐊᖅᑐᖅ ᐱᖃᓯᐅᔾᔨᔪᖅ ᑭᖑᓪᓕᖅᐹᒥ ᓴᓇᔪᓕᕆᓂᒃᑯᑦ ᑎᑎᖅᑐᒐᖅᑕᐅᓂᖓᓂᒃ, ᐊᒻᒪᓗ ᐱᔪᓐᓇᐅᑎᖃᕐᕕᐅᑎᑕᐅᓗᓂ ᐱᔭᕆᐊᓕᓐᓄᑦ, ᐊᖏᖃᑎᒌᒍᑦ ᑭᖑᓪᓕᖅᐹᖑᓂᐊᖅᑐᖅ ᐋᖅᑭᓱᕐᓗᒍ, ᓂᐅᕕᕐᓗᓂ ᓯᓚᐅᑉ ᐊᓚᓂᖓᓄᑦ ᐆᒻᒪᖅᑯᑎᖃᕈᑎᐅᓂᐊᖅᑐᓂᒃ ᐊᓯᖏᓐᓂᓗ ᐱᖁᑎᕐᔪᐊᓂᒃ, ᐃᖅᑲᓇᐃᔭᖅᑎᑖᕐᓂᖅ ᑳᓐᑐᕌᖅᑕᐅᓯᒪᔪᓂᒃ, ᐃᖅᑲᓇᐃᑦᑎᐊᕐᓗᒍᓗ ᓴᓇᔭᐅᔪᖅ.
ᐱᔭᕆᐊᖃᖅᑐᖅ ᐱᕕᖃᖅᑐᕐᓘᓐᓃᑦ ᐊᑐᖅᑕᑐᖃᑦ  ᑭᓱᓕᐅᕐᓃᑦ,  ᐱᖃᓯᐅᖦᖢᒍ  ᐊᖑᓇᓱᖕᓂᖅ,  ᐱᕐᔪᐊᖑᔪᖅ  ᑭᓱᓕᕆᓂᖅ  ᑮᓇᐅᔭᑦ  ᓴᙱᓂᖏᓐᓄᑦ.  ᑭᓯᐊᓂᓕ ᓄᓇᓕᖕᒥ ᖁᐊᒃᑯᕕᑦᑕᖃᖅᑎᓐᓇᒍ ᓯᓚ ᒪᓕᒡᓗᒍ ᐊᖑᑕᐅᔪᑦ ᐃᑲᔪᖅᓯᒍᑕᐅᒍᓐᓇᖏᒻᒪᑕ ᓄᓇᓕᖕᒥ ᓂᕿᖃᑦᑎᐊᕆᐊᖃᕐᓂᕐᒥᒃ. ᓄᓇᓕᖕᒥ ᖁᐊᒃᑯᕕᒃ ᐃᑲᔪᖅᓯᓯᒪᖃᓯᐅᑎᓂᐊᕐᒥᔪᖅ ᐱᕙᓪᓕᐊᔭᐅᓂᖓᓂᒃ ᐃᖃᓗᓕᕆᓂᒃᑯᑦ ᑮᓇᐅᔭᓕᐅᕈᑎᖃᕐᓂᕐᒥᒃ, ᑲᒪᑦᑎᐊᕈᑕᐅᒐᔭᕐᒪᑦ ᐆᒪᔪᖅᑕᐅᔪᓂᒃ ᑐᖅᑯᑐᖅᑕᐅᑦᑎᐊᕐᓗᑎᒃ ᓂᕿᒋᔭᐅᒍᓐᓇᕐᓗᑎᓪᓗ ᐊᑯᓂᐅᓂᖅᓴᖅ. ᐱᔭᕆᐊᖃᖅᑐᖅ ᐱᕕᖃᖅᑐᕐᓘᓐᓃᑦ: ᓂᐅᕕᐊᒃᓴᖃᖅᑐᓕᕆᔩᑦ  ᑭᓱᓕᐅᖅᑏᓪᓗ  ᐅᑭᐅᖅᑕᖅᑐᒥ  ᒥᑭᒻᒪᑕ,  ᑭᓯᐊᓂ  ᑮᓇᐅᔭᖃᖅᑎᑕᐅᓂᖅᑎᒍᑦ  ᐱᕈᕈᓐᓇᖅᑐᑦ  ᐃᖅᑲᓇᐃᔭᖅᑎᑦᑎᓗᑎᒡᓗ ᐃᓄᒋᐊᖏᑦᑐᓂ  ᓄᓇᓕᖕᓂ. ᑖᓐᓇ ᐱᓕᕆᐊᖑᒍᒪᔪᖅ ᓇᖕᒥᓂᕆᔭᐅᔪᒥᒃ ᐃᖅᑲᓇᐃᔭᖅᑎᑖᕈᑕᐅᒃᑲᓐᓂᕋᔭᖅᑐᖅ ᐊᒥᓱᖑᕆᐊᕐᓗᑎᓪᓗ ᑮᓇᐅᔭᓕᐅᕈᑏᑦ ᓂᐅᕐᕈᑎᖃᖃᑦᑕᓂᒃᑯᑦ. ᓂᐅᕐᕈᑎᖃᕐᓂᕐᒧᑦ ᖃᐅᔨᓴᕐᓂᖅ ᐱᒋᐊᕐᕕᐅᒐᔭᖅᑐᖅ ᐅᓪᓗᖓ ᓇᓗᓇᐃᖅᓯᔪᖅ ᐱᖁᑎ ᐊᔾᔨᖃᖏᓐᓂᖓᓂᒃ ᐊᒻᒪᓗ ᑐᕌᖅᑕᖃᓪᓗᐊᕋᔭᕋᓂ ᐊᑭᑦᑐᕋᐅᑎᖃᕈᑕᐅᓂᕐᒧᑦ ᒥᒃᓴᐅᑦᑐᒥ ᓴᓇᓯᒪᔪᓄᑦ. ᐱᔭᕆᐊᖃᖅᑐᖅ ᐱᕕᖃᖅᑐᕐᓘᓐᓃᑦ ᓄᑭᓕᐅᖅᑏᑦ ᐱᕈᖅᐸᓪᓕᐊᔪᑦ  ᑮᓇᐅᔭᑎᒍᑦ ᐅᑭᐅᖅᑕᖅᑐᒥ ᓄᓇᓖᑦ  ᓄᖑᔭᖏᑦᑐᓄᑦ  ᐊᑐᓕᓕᖅᑎᓪᓗᒋᑦ. ᓯᓚᐅᑉ ᐊᐅᓚᓂᖓᒍᑦ ᐆᒻᒪᖅᑯᑎᖃᕐᓂᖅ, ᐆᒻᒪᖁᑎᖃᐅᑎᐅᓂᐊᕐᓗᓂ ᓈᒻᒪᑦᑐᖅ ᓄᓇᓕᑦᑎᓐᓄᑦ.
ᑭᖑᓂᖓᒍᑦ: ᐱᓕᕆᐊᖑᒍᒪᔪᖅ ᓴᖅᑭᑎᑦᓯᒐᔭᖅᑐᖅ ᐸᕐᓇᐅᑎᒥᒃ, ᐱᖁᑏᑦ ᓱᓇᐃᑦ ᐱᔭᕆᐊᖃᕐᒪᖔᑕ ᑎᑎᕋᖅᑕᐅᓯᒪᔪᑦ, ᐋᖅᑭᓱᖅᑕᐅᓯᒪᔪᖅ ᐅᓯᔭᐅᒐᔭᕐᓂᖓᑕ ᐊᒻᒪᓗ ᐋᖅᑭᓱᖅᑕᐅᒐᔭᕐᓂᖓᑕ ᒥᒃᓵᓄᑦ ᒪᑐᐃᖅᑕᐅᓂᖓᑕᓗ ᓄᓇᓕᖕᒥ ᖁᐊᒃᑯᕕᐅᓂᐊᖅᑑᑉ. ᑭᖑᓂᖓᒍᑦ: ᐱᔾᔪᑎᒋᓪᓗᒍ ᐱᓕᕆᐊᖑᒍᒪᔪᖅ ᓂᕆᐅᖅᑐᖓ ᐃᖅᑲᓇᐃᔭᖅᑎᑖᕋᔭᕆᐊᒃᓴᖅ ᒪᕐᕉᖕᓂᒃ ᐱᖓᓱᓂᓪᓘᓐᓃᑦ ᐅᓪᓗᓕᒫᒥᒃ ᐃᖅᑲᓇᐃᔭᖅᑎᐅᓂᐊᕐᓗᑎᒃ ᐃᑲᔪᖅᓯᒪᓂᐊᕐᒪᑕ ᐊᒥᓱᙳᐸᓪᓕᐊᑎᓪᓗᒋ ᓂᐅᕐᕈᑎᒃᓴᐃᑦ. ᐊᒥᓱᖒᒥᑉᐸᑕ ᓂᐅᕐᕈᑎᒃᓴᐃᑦ ᓴᓇᓯᒪᔭᓐᓂᒃ ᐊᒥᓱᙳᕆᐊᕈᑕᐅᓂᐊᕐᒥᔪᖅ ᓂᐅᕐᕈᑎᖃᕐᓂᒃᑯᑦ ᓄᓇᓕᖕᒥ ᓴᓇᐅᒐᐅᔪᓂᑦ. ᐊᒥᓱᙳᕆᐊᖃᑕᐅᓗᑎᓪᓗ ᓂᐅᕐᕈᑎᒃᓴᐃᑦ ᓇᓗᓇᐃᕈᑕᐅᔪᑦ ᑮᓇᐅᔭᓕᐅᕈᑕᐅᒃᑲᓐᓂᕋᔭᕐᓂᖏᓐᓂᑦ. ᑭᖑᓂᖓᒍᑦ: ᐱᓕᕆᐊᖑᒍᒪᔪᖅ ᓴᖅᑭᑎᑦᓯᒐᔭᖅᑐᖅ ᐊᑐᐊᒐᕐᓂᖅ ᐊᑐᕆᐊᓕᓐᓂᒃ ᓴᓇᓂᐊᕐᓗᓂ ᐃᓂᐅᓂᐊᖅᑐᒥᒃ ᐃᒡᓗᒥᒃ, ᐆᒻᒪᖅᑯᑎᖃᕐᓂᕐᒧᑦ ᓂᐅᕕᕈᓐᓇᓂᕐᒥ ᐊᖏᖃᑎᒌᒍᑎᑕᖃᕋᔭᖅᑐᖅ, ᐊᒻᒪᓗ ᓯᓚᒧᑦ ᐊᐅᓚᔪᖅ ᐆᒻᒪᖅᑯᑎᖃᕈᑎ ᓴᓇᔭᐅᓕᕐᓗᓂ. ᑖᓐᓇ ᐱᓕᕆᐊᖑᒍᒪᔪᖅ ᐆᒻᒪᖅᑯᑎᖃᐅᑕᐅᔪᓐᓇᕋᔭᖅᑐᖅ 800 MWh ᐆᒻᒪᖁᑎᓂᒃ ᓄᓇᒥᖔᖅᑐᒥᒃ.
ᐊᑑᑎᖃᕐᓂᖏᑦ: ᑎᓴᒪᑦ ᐃᖅᑲᓇᐃᔮᑦ ᐃᖅᑲᓇᐃᔭᕐᕕᐅᒐᔭᖅᑐᑦ ᐋᖅᑭᓱᖅᑕᐅᓂᖏᓐᓂ ᐅᓯᔭᐅᒐᔭᕐᓂᖏᑕᓗ ᐱᓕᕆᐊᖑᑎᓪᓗᒍ. ᐱᓕᕆᓂᖅ ᐃᑲᔪᕐᓂᐊᖅᑐᖅ ᓄᓇᓕᖕᓂ  ᓂᕿᖃᖃᑦᑎᐊᖏᓐᓂᕐᓄᑦ   ᐃᑲᔪᕐᓗᓂᓗ ᐱᓕᕆᔾᔪᓯᑐᖃᒃᑯᑦ  ᑮᓇᐅᔭᓄᑦ,  ᐱᕕᖃᕈᓐᓇᖅᑎᑐᐃᓐᓇᕆᐊᖃᕐᓗᒋᑦ  ᓱᓕᒃᑲᓐᓂᕐᓄᑦ  ᑮᓇᐅᔭᑎᐅᑦ ᐱᕕᒃᓴᓄᑦ ᐱᖃᓯᐅᓪᓗᒋᑦ ᕿᓚᒥᒃᑯᑦ ᐱᓕᕆᕝᕖᑦ.  ᐊᑑᑎᖃᕐᓂᖏᑦ: ᑭᖑᓂᖓᓂ ᑖᔅᓱᒪ ᐱᓕᕆᐊᒃᓴᐅᑉ ᓂᕆᐅᖅᑐᖓ ᐃᖅᑲᓇᐃᔭᖅᑎᑖᕋᔭᕆᐊᒃᓴᖅ ᒪᕐᕉᖕᓂᒃ ᐱᖓᓱᓂᓪᓘᓐᓃᑦ ᐅᓪᓗᓕᒫᒥᒃ ᐃᖅᑲᓇᐃᔭᕋᔭᖅᑐᓂᒃ ᐊᒥᓱᖒᒥᓂᖅᐸᑕ ᓂᐅᕐᕈᑎᖃᕐᓃᑦ. ᐊᒥᓱᖒᒥᑉᐸᑕ ᓂᐅᕐᕈᑎᒃᓴᐃᑦ ᓴᓇᓯᒪᔭᓐᓂᒃ ᐊᒥᓱᙳᕆᐊᕈᑕᐅᓂᐊᕐᒥᔪᖅ ᓂᐅᕐᕈᑎᖃᕐᓂᒃᑯᑦ ᓄᓇᓕᖕᒥ ᓴᓇᐅᒐᐅᔪᓂᑦ. ᐊᒥᓱᙳᕆᐊᖃᑕᐅᓗᑎᓪᓗ ᓂᐅᕐᕈᑎᒃᓴᐃᑦ ᓇᓗᓇᐃᕈᑕᐅᔪᑦ ᑮᓇᐅᔭᓕᐅᕈᑕᐅᒃᑲᓐᓂᕋᔭᕐᓂᖏᓐᓂᑦ. ᑖᓐᓇ ᐱᓕᕆᓂᖅ ᐱᕚᓪᓕᕈᑕᐅᓂᐊᖅᑐᖅ ᐳᓚᕋᑎᓄᑦ  ᐅᓄᖅᑐᑦ ᐳᓚᕋᑏᑦ ᓂᐅᕕᕈᒪᒐᒥᒃ  ᑭᓱᓂᒃ ᐅᐸᒃᓯᒪᔭᕐᒥᓂᑦ,  ᐊᑐᐃᓐᓇᐅᓂᐊᖅᖢᑎᒡᓗ  ᓂᕆᕝᕕᖕᓂ ᓂᐅᕕᕐᕕᖕᓂᓗ ᐳᓚᕋᑎᓄᑦ ᐅᐸᒃᑕᐅᓲᓄᑦ. ᐊᑑᑎᖃᕐᓂᖏᑦ: ᐱᓕᕆᐊᖑᒍᒪᔪᖅ ᐱᕕᖃᕈᑎᒋᓂᐊᖅᑕᕗᑦ ᐃᒻᒥᑰᕐᓂᕐᒥᒃ ᐆᒻᒪᖅᑯᑎᖃᕈᑎᒥᒃ ᓴᓇᔨᐅᓂᕐᒥᒃ ᐊᒻᒪᓗ ᓂᐅᕐᕈᑎᒋᓗᒍ ᐆᒻᒪᖅᑯᑎᖃᐅᑦ ᓄᓇᓄᑦ ᐊᕕᒃᑐᖅᑕᐅᓯᒪᔪᓄᑦ ᐆᒻᒪᖅᑯᑎᖃᕐᓂᕐᒧᑦ ᑲᒻᐸᓂᐅᔪᓄᑦ. ᑕᒪᓐᓇ ᓴᖅᑭᑎᑦᑎᒐᔭᖅᑐᖅ ᑎᓱᒪᓄᑦ ᑎᑭᑦᑐᓄᑦ ᑎᓱᒪᐅᔪᖅᑐᓄᑦ ᐃᖅᑲᓇᐃᔮᒃᓴᓂᒃ ᓴᓇᔭᐅᓂᖓᓂ ᐃᓂᐅᓂᐊᖅᑐᖅ ᐃᒡᓗᕐᔪᐊᖅ, ᒪᕐᕉᒃ ᓯᕕᑐᔪᒧᑦ ᐃᖅᑲᓇᐃᔮᖃᕐᓗᑎᒃ ᑲᔪᓯᑎᑕᐅᔭᕆᐊᓖᑦ ᐱᓪᓗᒋᑦ, ᐊᒻᒪᓗ ᓴᖅᑭᑎᑦᑎᓗᓂ ᓯᕕᑐᔪᒧᑦ ᑮᓇᐅᔭᓕᐅᕈᓐᓇᓂᖓᓂᒃ ᓄᓇᓕᐅᑉ. ᐱᓚᓕᐅᑎᑎᓪᓗᒍ, ᐱᓕᕆᐊᖑᒍᒪᔪᖅ ᑭᖑᓂᖓᓂ ᒥᑭᓪᓕᕚᓪᓕᑎᑦᓯᒐᔭᕐᒪᑦ ᓄᓇᓕᐅᑉ ᐊᕐᕌᒍᑕᒫᑦ ᐅᖅᓱᐊᓗᖅᑐᕈᑎᒋᕙᑦᑕᖓᓂᒃ ᐊᒻᒪᓗ ᑕᒪᒃᑯᐊ ᓱᕈᐃᑦ ᐆᒻᒪᖅᑯᑎᖃᕐᕕᓐᓃᖔᖅᑐᑦ ᓯᓚᒨᖅᑲᕐᓂᖏᑦ. ᐃᑲᔫᑕᐅᓂᐊᕐᒥᔪᖅ ᐊᓯᓄᑦ ᓄᑭᓄᑦ ᑮᓇᐅᔭᖃᖅᑎᑦᑎᓂᕐᓄᑦ ᓴᓇᔭᐅᔪᓄᑦ ᓄᑭᓕᕆᓂᕐᓄᑦ.
ᐃᖅᑲᓇᐃᔮᖑᓯᒪᓂᖅ ᓯᕗᕐᖓᓂ: ᐃᓄᓕᒫᖅᑎᑦᑎᒍᑕᐅᓯᒪᔪᑦ ᑐᑭᓯᓂᐊᕈᑕᐅᔪᖃᖅᑎᓪᓗᒍ ᐊᕐᕌᓂ ᓄᓇᓕᖕᒥᐅᑦ ᐃᑲᔪᖅᑐᐃᒐᓗᐊᕐᒪᖔᑕ ᐱᓕᕆᐊᖑᒍᒪᔪᒥᒃ ᐊᒻᒪᓗ ᑐᓂᓯᒪᓂᐊᕐᓂᖓᑦ ᐊᑐᖃᑦᑕᓂᐊᕐᓂᕐᒧᑦ ᖁᐊᒃᑯᕕᖕᒥᒃ ᓂᕿᒃᑯᕕᒋᓂᐊᕐᓗᒍ ᐊᖑᑕᒥᓂᕐᒥᓂᓪᓗ ᓂᕿᖃᖅᑎᑦᑎᒍᑎᒋᓂᐊᕐᓗᒍ ᓄᓇᖅᑲᑎᒥᓂᒃ. ᐃᖅᑲᓇᐃᔮᖑᓯᒪᓂᖅ ᓯᕗᕐᖓᓂ: ᐱᒋᕈᑕᐅᓯᒪᔪᖅ ᓂᐅᕐᕈᑎᖃᕐᓂᕐᒧᑦ ᖃᐅᔨᓴᕐᓂᕐᒧᑦ ᐱᔪᒐᒃᓴᐅᑎᖃᕐᓂᕐᒧᑦ. ᐊᒻᒪᑦᑕᐅᖅ, ᓯᕗᓪᓕᕐᓂ ᐅᖃᖃᑎᒌᒍᑕᐅᓯᒪᔪᓂ ᐴᖅᑐᐃᕕᓕᐅᕐᑏᑦ ᐱᓪᓗᒋᑦ ᐱᕙᓪᓕᐊᔪᑦ ᑐᑭᓯᐅᒪᑦᑎᐊᕈᒪᒧᑦ ᖁᑭᐅᒐᔭᖅᑐᓂᒃ ᑕᒪᑐᒧᖓ ᐊᒃᑐᐊᔪᓂᒃ ᐱᓕᕆᐊᖑᒍᒪᔪᒧᑦ. ᐃᖅᑲᓇᐃᔮᖑᓯᒪᓂᖅ ᓯᕗᕐᖓᓂ: ᐊᕐᕌᓂ, ᐃᖅᑲᓇᐃᖅᑕᐅᓯᒪᓕᖅᑐᖅ ᐱᓕᕆᐊᖑᔪᔪᖅ: ᐊᑐᕋᒃᓴᐅᓂᖓ ᖃᐅᔨᓴᖅᑕᐅᓯᒪᓂᖓ, ᓯᕗᕐᖓᒍᑦ ᓴᓇᔪᓕᕆᓂᒃᑯᑦ ᑎᑎᖅᑐᒐᖅᑕᐅᓯᒪᔪᑦ, ᐊᕙᑎ ᐱᓪᓗᒍ ᖃᐅᔨᓴᐅᑏᑦ, ᐊᑦᑐᓂᕐᓗᑦᑕᐅᓂᐊᕐᓂᕐᒧᑦ ᖃᐅᔨᓴᐅᑦ, ᓄᓇᒥᒃ ᓂᕈᐊᕐᓂᖅ ᐊᒻᒪᓗ ᐃᓂᒋᓂᐊᖅᑕᖓᓂᒃ ᐃᓂᓪᓚᒃᓴᐃᓂᖅ, ᐃᓚᐅᑎᕐᓂᖅ ᓄᓇᓕᖕᒧᑦ, ᐆᒻᒪᖅᑯᑎᖃᕈᑎᒥᒃ ᓂᐅᕕᕐᓂᕐᒧᑦ ᐊᖏᖃᑎᒌᒍᑎ ᐋᔩᖃᑎᒌᒍᑕᐅᒋᐊᖓᕐᓂᖏᑦ.
ᓇᖕᒥᓂᖃᖃᑕᐅᔪᑦ/ᐃᑲᔪᖅᑐᐃᔪᑦ: ᓄᓇᓕᖕᒥ ᓇᖕᒥᓂᖃᖃᑕᐅᔪᑦ ᐱᖃᓯᐅᔾᔨᔪᑦ ᒪᐃᔭᒥᒃ ᑲᑎᒪᔨᓂᓪᓗ, ᓄᓇᓕᖕᒥ ᓂᕿᖃᑦᑎᐊᕆᐊᖃᕐᓂᕐᒧᑦ ᑲᑐᔾᔨᖃᑎᒌᑦ, ᓄᓇᓕᖕᒥ ᐆᒪᔪᕐᓂᐊᖅᑎᒃᑯᖏᑦ, ᐊᒻᒪᓗ ᓄᓇᐃᑦ ᐊᕕᖅᑐᖅᑕᐅᓯᒪᓂᖏᑎᒍᑦ ᓴᓇᔪᓕᕆᓂᕐᒧᑦ/ᓴᓇᓂᕐᒧᑦ ᑲᒻᐸᓂᒋᔭᖅ. ᒐᕙᒪᒃᑯᑦ ᓄᓇᕗᒻᒥ ᐃᑲᔪᖃᓯᐅᑎᒻᒥᔪᑦ ᓂᐅᕕᖁᓪᓗᒋᑦ ᓄᓇᓕᖕᒥ ᖁᐊᒃᑯᕕᐅᓂᐊᖅᑐᒥᒃ ᖃᓪᓗᓈᓂ ᓂᐅᕕᐊᑦᓴᓕᓐᓂ ᓂᐅᕕᐊᕆᓗᒍ. $15,000 ᑮᓇᐅᔭᑎᒍᑦ ᐃᑲᔪᕈᑎ ᑖᒃᓱᒧᖓ ᐱᓕᕆᐊᖑᒍᒪᔪᒧᑦ ᓇᓗᓇᐃᖅᑕᐅᓯᒪᓕᖅᑐᑦ ᓄᓇᓕᖕᒧᑦ ᐊᑭᒋᓂᐊᖅᑕᖓ ᐅᓯᔭᐅᓂᖓᓄᑦ ᐅᒥᐊᕐᔪᐊᒃᑯᑦ ᐋᖅᑭᓱᖅᑕᐅᓂᐊᕐᓂᖓᑕᓗ ᖁᐊᒃᑯᕕᐅᑉ. ᓄᓇᕗᑦ ᒐᕙᒪᖓ ᐅᖃᐅᔾᔨᒋᐊᖅᓯᒪᔪᑦ ᐅᖃᐅᓯᒃᑯᑦ ᑮᓇᐅᔭᖃᖅᑎᑦᓯᒐᔭᕆᐊᒃᓴᖅ 50−ᐳᓴᖓᓂᒃ ᐊᑭᖓᑕ ᖁᐊᒃᑯᕕᐅᑉ ᓄᓇᓕᒃ ᑮᓇᐅᔭᖃᖅᑎᑕᐅᒍᑎᖃᕈᓐᓇᖅᐸᑦ ᐊᓯᐊᓄᑦ 50−ᐳᓴᒃᑲᓐᓂᖓᓂᒃ. ᓇᖕᒥᓂᖃᖃᑕᐅᔪᑦ/ᐃᑲᔪᖅᑐᐃᔪᑦ: ᐅᖃᖃᑎᒌᒋᐊᖓᕈᑎᒥᓃᑦ ᐅᖃᐅᓯᕆᓪᓗᒋᑦ ᓄᓇᐃᑦ ᐊᕕᒃᑐᖅᑕᐅᓯᒪᓂᖏᑎᒍᑦ ᒐᕙᒪᐃᑦ ᑮᓇᐅᔭᓄᑦ ᐃᑲᔪᖅᑕᒍᒪᓂᑦ ᐱᕙᓪᓕᐊᔭᐅᔪᖅ ᐱᓪᓗᒍ. ᐅᓪᓗᒥᒧᑦ ᒐᕙᒪᒃᑯᑦ ᐃᑲᔪᖅᑐᐃᔪᑦ ᐊᒻᒪᓗ ᑐᒃᓯᕋᐅᑦ ᑮᓇᐅᔭᖃᖅᑎᑕᐅᒍᒪᓂᕐᒧᑦ ᑐᓂᔭᐅᒍᒫᕐᓂᐊᖅᓱᓂ. ᓇᖕᒥᓂᖃᖃᑕᐅᔪᑦ/ᐃᑲᔪᖅᑐᐃᔪᑦ: ᓄᓇᓕᖕᒥ ᑐᑭᓯᒋᐊᕐᕕᒃᓴᐃᑦ ᓇᓗᓇᐃᖅᓯᒪᔪᑦ ᐃᑲᔪᖅᑐᐃᒋᐊᖃᕈᑎᒃ ᐃᑲᔪᖅᑐᐃᓂᐊᕐᓂᕐᒥᓐᓂᒃ ᐱᓕᕆᐊᖑᒍᒪᔪᒥᒃ. ᑮᓇᐅᔭᖃᖅᑎᑦᑎᓂᕐᒧᑦ ᓇᖕᒥᓂᖃᖃᑕᐅᔪᑦ ᐱᖃᓯᐅᑎᑦᑎᒋᑦ ABC ᓇᖕᒥᓂᖃᖅᑏᑦ, ᓄᓇᕗᑦ ᒐᕙᒪᖓᑕ ᐊᒻᒪᓗ XYZ ᓇᖕᒥᓂᖃᖃᑕᐅᔪᑦ ᐱᕙᓪᓕᐊᑎᑦᑎᓂᕐᒥᒃ ᐊᐅᓚᑦᑎᖃᑕᐅᓂᐊᖅᑐᑦ ᓴᓇᔭᐅᓂᖓᓂ ᐱᓕᕆᐊᖑᓂᐊᖅᑐᖅ. ᓄᓇᕗᒻᒥ ᐆᒻᒪᖅᑯᑎᓕᕆᔨᒃᑯᑦ ᑲᒻᐸᓂᖓ ᐃᑲᔪᖅᑐᐃᔪᖅ ᐊᒻᒪᓗ ᐋᔩᖃᑕᐅᔪᒻ ᓂᐅᕕᕐᓂᐊᕐᓗᓂ ᐆᒻᒪᖅᑯᑎᒥᒃ ᐊᖏᖃᑎᒌᒍᑎᒥᒃ.

ᒥᒃᓴᐅᓴᖅᑕᐅᓯᒪᔪᑦ ᐱᓕᕆᐊᖑᒍᒪᔪᒧᑦ ᐊᑮᑦ ᐊᒻᒪᓗ ᑮᓇᐅᔭᖃᖅᑎᑦᓯᒍᓐᓇᖅᑐᑦ

4.15. ᒥᒃᓴᐅᓴᖅᑕᐅᓯᒪᔪᑦ ᑲᑎᓪᓗᒋᑦ ᐱᓕᕆᐊᖑᒍᒪᔪᒧᑦ ᐊᑭ

ᑲᑎᓪᓗᒋᑦ ᑮᓇᐅᔭᑦ ᖃᓂᕐᓂᖅᐹᒧᑦ ᐊᒥᐊᒃᑯᑕᖃᖏᓪᓗᓂ.

4.16. ᖃᓯᐅᓂᖏᑦ ᑐᒃᓯᕋᖅᑕᐅᔪᑦ ᑳᓐᓄᐊᑯᓐᓂᒃ

ᖃᐅᔨᓴᑦᑎᐊᓚᐅᕐᓗᒋᑦ ᑐᖓᐅᑦᓯᖏᒃᑲᓗᐊᕐᒪᖔᑕ ᒪᓂᒪᑎᑕᐅᔪᓂᒃ ᑭᓪᓕᖃᖅᑎᑕᐅᔪᓂᒃ ᐱᖃᓯᐅᔾᔨᓗᒋᒃ:

  • ᐊᑭᑐᓂᖅᐹᖓ ᐊᑭᓕᕆᐊᓕᒃ ᐊᑕᐅᓯᕐᒧᑦ ᐊᖏᖅᑕᐅᔪᔪᑦ (ᐃᓚᖓ ᑎᑎᕋᖅᓯᒪᕕᖓᓂ 1.3 ᖁᓛᓂ)
  • ᐊᑭᑐᓂᖅᐹᖓ ᐊᑭᓕᕆᐊᓕᒃ−ᑲᑐᔾᔨᖃᑎᒌᒍᑕᐅᓚᖓᔪᖅ (ᑕᑯᓗᒍ ᑎᑎᕋᖅᓯᒪᕕᖓᓂ 1.2 ᖁᓛᓂ).

4.17. ᒥᒃᓴᐅᓴᖅᑕᐅᓯᒪᔪᑦ ᑮᓇᐅᔭᖅᑑᑎᒃᓴᐃᑦ ᐊᒻᒪᓗ ᓂᕆᐅᒋᔭᐅᔪᑦ ᑮᓇᐅᔭᑦ

ᐊᕐᕌᒍᐃᑦ ᐱᒋᐊᖅᑐᑦ ᐊᐃᕐᕆᓕ 1ᒥᑦ ᐃᓱᓕᖦᖢᑎᒃ ᒫᔾᔨ 3 ᐊᕐᕋᒍᒍᓂ.

ᒥᒃᓴᐅᓴᖅᑕᐅᓯᒪᔪᑦ ᑮᓇᐅᔭᖅᑑᑎᒃᓴᐃᑦ

ᐱᓕᕆᐊᖑᒍᒪᔪᒧᑦ ᑮᓇᐅᔭᖅᑑᑎᒃᓴᖅ ᐱᖃᓯᐅᔾᔨᒻᒥᔪᖅ ᐊᑭᓂᒃ ᑐᕌᖓᔪᐃᓐᓇᕐᓂᒃ ᑖᔅᓱᒧᖓ ᐱᓕᕆᐊᒃᓴᒧᑦ. ᐱᓕᕆᐊᒃᓴᒧᑦ ᑮᓇᐅᔭᖅᑑᑎᒃᓴᖅ ᖃᐅᔨᓴᖅᑕᐅᒐᔭᖅᑐᖅ ᓈᒻᒪᒃᑲᓗᐊᕐᒪᖔᖅ ᒥᒃᓴᐅᓴᖅᑕᐅᓗᓂᓗ ᐱᓕᕆᐊᒧᑦ ᑕᒪᑐᒧᖓᓕᖓᔪᓄᑦ, ᐊᒻᒪᓗᑦᑕᐅᖅ ᑐᒃᓯᕋᖅᑕᐅᓯᒪᔪᓄᑦ ᑮᓇᐅᔭᖃᖅᑎᑦᓯᓂᐊᖅᑐᓄᑦ ᐊᒻᒪᓗ ᓇᖕᒥᓂᖃᖃᑕᐅᔪᑦ ᐃᑲᔫᑎᒋᓂᐊᖅᑕᖏᑦ / ᖁᕝᕙᖅᐸᓪᓕᐊᓂᖅ ᐱᓪᓗᒍ. ᐱᓕᕆᐊᒃᓴᐃᑦ ᑕᓪᓕᒪᓄᑦ ᐊᕐᕌᒍᓄᑦ ᐋᖅᑭᒃᓯᒪᔪᑦ ᐃᓱᒪᒃᓴᖅᓯᐅᕈᑕᐅᒐᔭᖅᑐᑦ. ᐱᓕᕆᐊᖑᒍᒪᔪᖅ ᐊᖏᖅᑕᐅᓂᖅᐸᑦ ᑮᓇᐅᔭᖃᖅᑎᑕᐅᓂᕐᒧᑦ, ᐱᓕᕆᐊᒃᓴᓕᒫᑦ ᐃᖅᑲᓇᐃᖅᓯᒪᒋᐊᖃᕋᔭᖅᑐᑦ ᐱᕕᖃᖅᑎᑕᐅᓂᖓ ᓇᓗᓇᐃᖅᑕᐅᓯᒪᓂᖓ ᒪᓕᒡᓗᒍ ᐊᖏᖃᑎᒌᖑᑎᒥ. ᐆᒃᑑᑎᑦ ᐊᑕᐅᓯᕐᒧᑦ ᐊᕐᕌᒍᒧᑦ ᐊᒻᒪᓗ ᐊᒥᓱᓄᑦ−ᐊᕐᕌᒍᓄᑦ ᑮᓇᐅᔭᖅᑑᑎᒃᓴᒫᑦ ᐋᖅᑭᑦᑕᐅᓯᒪᓂᖏᑦ ᑕᑲᓇᓂ ᐊᑖᓃᑦᑐᑦ.

ᐊᑕᐅᓯᕐᒧᑦ ᐊᕐᕌᒍᒧᑦ ᐱᓕᕆᐊᖅ

ᐊᑕᐅᓯᕐᒧᑦ (ᐊᕐᕌᒍᒧᑦ) ᐱᓕᕆᐊᒃᓴᒧᑦ, ᑎᑎᕋᕐᓗᒍ ᑲᑎᓪᓗᒋᑦ ᑮᓇᐅᔭᖅᑑᑎᒃᓴᑦ ᐊᕐᕌᒍ 1−ᒥ ᑎᑎᕋᕐᕕᒃᓴᖏᓐᓂ. ᐊᓯᖏᑦ ᑎᑎᖅᓯᕕᒋᖏᓪᓗᒋᑦ. ᑎᑎᖅᑕᐃᑦ ᑲᑎᓪᓗᒋᑦ ᑮᓇᐅᔭᖅᑑᑎᒃᓴᑦ ᐊᒻᒪᓗ ᐊᕐᕌᒍ 1−ᒥ ᑮᓇᐅᔭᖅᑑᑎᒃᓴᑦ ᑎᑎᖅᓯᒪᓂᖏᒃ ᐊᔾᔨᒌᒐᔭᖅᑑᒃ.

ᐊᕐᕌᒍᒧᑦ ᐱᓕᕆᐊᒃᓴᐅᒍᒪᔪᒧᑦ ᐆᒃᑑᑎ
ᑮᓇᐅᔭᖃᖅᑎᑦᑎᔩᑦ ᓇᖕᒥᓂᖃᖃᑕᐅᔪᑦ ᑲᑎᓪᓗᒋᑦ ᑮᓇᐅᔭᖅᑑᑎᒃᓴᑦ ᐊᕐᕌᒍ 1 ᐊᕐᕌᒍ 2 ᐊᕐᕌᒍ 3 ᐊᕐᕌᒍ 4 ᐊᕐᕌᒍ 5
ᑳᓐᓄᐊ 10,000 10,000        
ᑐᒃᓯᕋᖅᑐᖅ 20,000 20,000        
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)
ᒐᕙᒪᒃᑯᑦ ᓄᓇᕗᒻᒥ		 10,000 10,000        
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)            
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)            
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)            
ᑲᑎᓪᓗᒋᑦ $40,000 $40,000        
ᐊᒥᓲᓂᖅᓴᓄᑦ−ᐊᕐᕌᒍᓄᑦ ᐱᓕᕆᐊᒃᓴᐅᒍᒪᔪᒧᑦ ᐆᒃᑑᑎ

ᐊᒥᓲᓂᖅᓴᓄᑦ−ᐊᕐᕌᒍᓄᑦ ᐱᓕᕆᐊᒃᓴᐅᒍᒪᔪᓄᑦ, ᓇᓗᓇᐃᕐᓗᒍ ᐊᑭᖓ ᑲᑎᓪᓗᒋᑦ ᓂᕆᐅᒋᔭᑎᑦ ᐊᑐᓂᒃ ᑮᓇᐅᔭᖃᖅᑎᑦᑎᖃᑕᐅᔪᓄᑦ ᓇᖕᒥᓂᖃᖃᑕᐅᔪᓃᖔᕋᔭᖅᑐᑦ ᐱᓕᕆᐊᒃᓴᒨᖓᔪᑦ ᐃᓕᓗᒋᑦ ᑖᒃᑯᐊ ᐊᑭᐅᔪᑦ ᐊᕐᕌᒍᖓᓂᐅᒐᔭᖅᑐᖅ ᑎᑎᖅᓯᒪᔪᓂ ᐃᒫᒃ (ᐊᕐᕌᒍ 1, ᐊᕐᕌᒍ 2, ᐊᓰᓪᓗ). ᑮᓇᐅᔭᖃᖅᑎᑦᑎᖃᑕᐅᔪᑦ ᓇᖕᒥᓂᖃᖃᑕᐅᔪᑦ ᑮᓇᐅᔭᖃᖅᑎᑦᑎᖃᑕᐅᒋᐊᑐᙱᑦᑐᑦ ᐊᕐᕌᒍᑕᒫ ᐊᒥᓲᓂᖅᓴᓄᑦ − ᐊᕐᕌᒍᓄᑦ ᐱᓕᕆᐊᒃᓴᐅᒍᒪᔪᓄᑦ. ᑎᑎᖅᓯᕕᖏᖏᓪᓗᒋᑦ ᓇᓕᐊᒃ ᐊᕐᕌᒍᑦ ᑮᓇᐅᔭᖃᖅᑎᑦᓯᖃᑕᐅᔪᑦ ᓇᖕᒥᓂᖃᖃᑕᐅᔫᑉ ᐊᑭᓖᕕᒋᒐᔭᙱᑕᖓᓂ ᓂᐅᒋᔭᐅᑉᐸᑦ ᑖᓐᓇ ᐱᓕᕆᐊᖅ ᐃᑲᔪᖅᓯᕕᒋᓚᖓᙱᑦᑕᖓ ᑮᓇᐅᔭᒧᑦ.

ᐊᕐᕌᒍᑕᒫᑦ ᐊᑭᐅᓂᐊᖅᑐᑦ ᓇᓗᓇᐃᖅᑕᐅᓯᒪᓕᖅᐸᑕ ᐊᑐᓂᒃ ᑮᓇᐅᔭᖃᖅᑎᑦᑎᒍᓐᓇᖅᑐᒧᑦ ᓇᖕᒥᓂᖃᖃᑕᐅᔪᒧᑦ, ᓇᓗᓇᐃᕐᓗᒋᑦ ᑲᑎᑦᑐᑦ ᐊᑭᖏᑦ ᓂᕆᐅᒋᔭᑎᑦ ᐊᑐᓂᒃ ᑮᓇᐅᔭᖃᖅᑎᑦᑎᒍᓐᓇᖅᑐᒧᑦ ᓇᖕᒥᓂᖃᖃᑕᐅᔪᒧᑦ ᐃᑲᔪᕐᓂᐊᖅᑐᑦ ᐱᓕᕆᐊᒧᑦ ᑲᑎᓪᓗᒋᑦ ᐊᕐᕌᒍᑕᒫᑦ ᐃᑲᔪᕈᑕᐅᓂᐊᖅᑐᑦ ᑎᑎᕐᓗᒍᓗ ᑎᑎᕋᖅᓯᒪᔪᒥ 2−ᒥ (ᑲᑎᑦᑐᑦ ᑮᓇᐅᔭᖅᑑᑎᒃᓴᑦ).

ᐊᕐᕌᒍᒐᓚᓐᓄᑦ−ᐱᓕᕆᐊᒧᑦ ᐆᑦᑑᑦ
ᑮᓇᐅᔭᖃᖅᑎᑦᑎᔩᑦ ᑲᑎᓪᓗᒋᑦ ᑮᓇᐅᔭᖅᑑᑎᒃᓴᐃᑦ ᐊᕐᕌᒍ 1 ᐊᕐᕌᒍ 2 ᐊᕐᕌᒍ 3 ᐊᕐᕌᒍ 4 ᐊᕐᕌᒍ 5
ᑳᓐᓄᐊ 60,000 10,000 30,000 20,000    
ᑐᒃᓯᕋᖅᑐᖅ 40,000 20,000 10,000 10,000    
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)
ABC ᑎᒥᖁᑎᒋᔭᐅᔪᖅ		 10,000 10,000        
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)            
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)            
ᑮᓇᐅᔭᖃᖅᑎᑦᑎᖃᑕᐅᔪᑦᑕᐅᖅ (ᓇᓗᓇᐃᕐᓗᒍ)            
ᑲᑎᓪᓗᒋᑦ $ 110,000 $ 40,000 $ 40,000 $ 30,000    
ᓂᕆᐅᒋᔭᐅᔪᑦ ᑮᓇᐅᔭᑦ

ᓯᕗᓪᓕᕐᒥ ᑕᑉᐱᑲᓂ ᑎᑎᕋᕐᕕᒃᓴᒥ, ᓇᓗᓇᐃᔭᕐᓗᒋᑦ ᑮᓇᐅᔭᖃᖅᑎᑦᑎᒍᓐᓇᖅᑐᑦ ᓂᕆᐅᒋᔭᐅᔪᑦ ᐃᑲᔪᕋᔭᖅᑐᑦ ᐱᓕᕆᐊᖑᒍᒪᔪᒧᑦ. ᖃᓄᐃᖏᑦᑐᖅ ᑖᒃᑯᐊ ᑮᓇᐅᔭᖃᖅᑎᑦᑎᒍᒪᔪᑦ ᑐᓂᓯᒪᓂᖃᕐᓂᐊᓂᕐᒥᓐᓂᒃ ᐅᖃᖏᒃᑲᓗᐊᖅᐸᑕ ᒫᓐᓇᐅᔪᖅ, ᑭᓯᐊᓂ ᓇᓗᓇᐃᕆᐊᖃᕋᔭᖅᑐᑦ ᐱᓕᕆᐊᖑᒍᒪᔪᖅ ᐊᖏᖅᑕᐅᐅᓂᖅᐸᑦ ᑮᓇᐅᔭᖃᖅᑎᑕᐅᓂᕐᒧᑦ.

  • ᑲᓐᓄᐊ: ᐅᖃᐅᓯᕆᒃᑭᑦ ᖃᔅᓯᓂᒃ ᑮᓇᐅᔭᓂᒃ ᐱᓇᓱᖕᒪᖔᖅᐱᑦ. ᐱᔪᓐᓇᖅᑐᓄᑦ ᐱᓕᕆᓂᕐᓄᑦ, ᐊᒃᓱᕉᑕᐅᑐᐃᓐᓇᕆᐊᓖᑦ ᐱᓇᓱᒃᑐᑦ ᐊᑭᑭᓐᓂᖅᓴᓂᒃ ᑮᓇᐅᔭᓂᒃ ᑲᓐᓄᐊᒃᑯᓐᓂᑦ ᐃᓗᐃᑦᑐᒃᑯᑦ ᐱᓕᕆᓂᐅᑉ ᐊᑭᖏᓐᓄᑦ.
  • ᑐᒃᓯᕋᖅᑐᖅ: ᑖᓐᓇ ᐃᓗᓕᓕᒃ ᑮᓇᐅᔭᖅᑐᕋᔭᖅᑐᓂᒃ ᐃᑲᔫᑎᓐᓂᒃ ᑎᒥᖁᑎᕕᓪᓘᓐᓃᑦ ᐱᓕᕆᐊᒧᑦ. ᐱᖃᓯᐅᑎᑦᑕᐃᓕᒃᐱᑦ ᑮᓇᐅᔭᑦ ᐊᑐᐃᓐᓇᐅᑎᓂᐊᖅᑕᑎᑦ ᐱᓕᕆᐊᖑᒍᒪᔪᒧᑦ (ᑮᓇᐅᔭᐅᖏᑦᑐᑦ ᐃᑲᔪᕈᑏᑦ ᑭᓱᑐᐃᓐᓇᐃᑦ, ᐱᔨᑦᑎᕈᑏᑦ, ᐱᖁᑏᑦ ᐱᕕᖃᖅᑎᑕᐅᕕᓪᓘᓐᓃᑦ). ᑮᓇᐅᔭᓕᐅᕋᓱᐊᖅᑎᐅᖏᒃᑯᕕᑦ ᓇᖕᒥᓂᖃᕐᓂᒃᑯᑦ/ᑎᒥᖁᑕᐅᓂᒃᑯᑦ, ᕿᒥᕐᕈᒃᑭᑦ ᐊᒥᓲᓂᖅᐹᑦ ᐊᑭᓕᕆᐊᖃᕋᔭᖅᑐᑦ ᐅᑎᖅᑎᓪᓗᒋᑦ ᐊᒻᒪᓗ ᐅᑎᖅᑎᒋᐊᑐᖏᑦᑐᑦ ᐊᒥᓲᓂᖏᑦ (ᑎᑎᕋᖅᓯᒪᓂᖓ 1.3 ᖁᓛᓂ ᑕᑉᐱᑲᓂ). ᖃᐅᔨᒪᓂᐊᕆᕗᑎᑦ ᑮᓇᐅᔭᓕᐅᕋᓱᐊᖅᑏᑦ ᐊᖏᖅᑕᐅᔪᑦ ᐳᓴᓐᑎᑎᒍᑦ ᓇᓗᓇᐃᖅᓯᒋᐊᓖᑦ ᓇᖕᒥᓂᖅ ᐃᑲᔪᕈᑎᒋᓂᐊᖅᑕᒥᓐᓂᒃ ᐱᓕᕆᐊᒧᑦ.
  • ᓱᓕᒃᑲᓐᓃᑦ ᑮᓇᐅᔭᖃᖅᑎᑦᑎᔪᑦ: ᐊᑐᕐᓗᒋᑦ ᓱᓕᒃᑲᓐᓂᕐᓄᑦ ᑮᓇᐅᔭᖃᖅᑎᑦᑎᔪᓄᑦ ᑎᑎᕋᕐᕖᑦ ᓇᓗᓇᐃᕐᓗᒋᑦ ᐊᓰᑦ ᑮᓇᐅᔭᖃᖅᑎᑦᑎᔪᑦ ᐱᓕᕆᐊᕐᓄᑦ, ᐱᖃᓯᐅᓪᓗᒋᑦ ᒐᕙᒪᐃᑦ ᓇᖕᒥᓂᓕᖕᓂᓪᓗ ᑮᓇᐅᔭᖃᖅᑎᑦᑎᔪᑦ. ᐅᖃᖅᑐᓄᑦ ᐱᔪᒪᓐᓇᕐᒥ, ᐱᖃᓯᐅᔾᔨᑐᐃᓐᓇᕆᐊᓕᒃ ᐊᓯᖏᓐᓂᒃ "ᓂᕆᐅᒋᔭᐅᔪᓂᒃ" ᑮᓇᐅᔭᖃᖅᑎᑦᑎᒍᓐᓇᖅᑐᓂᒃ, ᓇᓗᓇᐃᖅᑕᐅᒋᐊᖃᕐᓂᖓ ᑮᓇᐅᔭᖃᖅᑎᑦᑎᓂᐊᖅᑐᑦ ᑕᕙᐅᒐᓗᐊᖅᑎᓪᓗᒍ ᓱᓕ.
    • ᒐᕙᒪᒃᑯᑦ ᑮᓇᐅᔭᖃᖅᑎᑦᑎᓂᖏᑦ. ᓇᓗᓇᐃᑦᓯᐊᕐᓗᒍ ᐱᓕᕆᐊᑉ ᐊᑎᖓ ᐊᒻᒪᓗ ᐊᑭᖏᑦ ᑲᑎᓪᓗᒋᑦ ᓇᓕᐊᓐᓂᒃ ᒐᕙᒪᑐᖃᒃᑯᓐᓂᒃ ᐱᓂᐊᖅᑐᑦ, ᕗᓇᕗᑦ ᐅᕝᕙᓘᓐᓃᑦ ᓄᓇᓕᖕᒥ ᒐᕙᒪᐅᔪᓂᒃ ᑮᓇᐅᔭᖃᖅᑎᑕᐅᓂᕐᒧᑦ ᑐᒃᓯᕋᕐᕕᐅᔪᓂᒃ ᑖᒃᓱᒧᖓ ᐱᓕᕆᐊᒃᓴᒧᑦ.
    • ᐊᓯᖏᑦ ᑮᓇᐅᔭᖃᖅᑎᑦᑎᔪᑦ: ᓇᓗᓇᐃᑦᑎᐊᕐᓗᒋᑦ ᒐᕙᒪᒃᑯᓂᐅᖏᑦᑐᖅ ᑮᓇᐅᔭᖃᖅᑎᑕᐅᒍᑕᐅᓂᐊᖅᑐᑦ ᐅᕝᕙᓘᓐᓃᑦ ᑐᓂᓯᒍᑕᐅᔪᑦ ᐱᓕᕆᐊᒃᓴᒧᑦ, ᐱᖃᓯᐅᑎᓗᒋᑦ ᑮᓇᐅᔭᓕᐅᕋᓱᐊᖅᑎᐅᖏᓐᓂᖅ ᐊᒻᒪᓗ ᓇᖕᒥᓂᖃᖅᑎ.

ᖃᐅᔨᒪᒋᐊᑦᓯᐊᓂᐊᖅᑯᑎᑦ ᑲᑎᑦᑐᑦ ᑮᓇᐅᔭᖃᖅᑎᑕᐅᒍᑕᐅᒍᓐᓇᖅᑐᑦ ᓇᓕᐊᓐᓂᒃ ᓈᒻᒪᒃᑲᓗᐊᕐᒪᖔᑕ ᑲᑎᑦᑐᑦ ᐱᓕᕆᐊᖑᒍᒪᔫᑉ ᐊᑭᖏᑦ.

4.18. ᐊᑭᐅᓂᐊᖅᑐᓂᒃ ᐱᕙᒌᔭᖅᓯᒪᕕᑦ ᐅᕝᕙᓘᓐᓃᑦ ᒪᓕᒐᖅᑎᒍᑦ ᑐᓂᓯᒪᓂᖃᕐᓂᐊᕐᓂᕋᖅᓯᒪᕕᑦ ᐱᓕᕆᐊᒧᑦ

ᐊᑮᑦ ᓴᖅᑭᓯᒪᔪᑦ ᐱᒋᐊᖅᑕᐅᓚᐅᖅᑎᓐᓇᒍ ᐱᓕᕆᐊᖑᒍᒪᔪᖅ ᐅᑎᖅᑎᑦᑎᕕᐅᖏᑐᐃᓐᓇᕆᐊᓖᑦ, ᐱᔭᕆᐊᖃᖅᐸᑦ, ᓇᓗᓇᐃᔭᖅᓯᓐᓇᖅᐱᑦ ᒪᓕᒐᓕᕆᓂᒃᑰᖓᔪᑦ ᐊᒻᒪᓗ ᑮᓇᐅᔭᖃᖅᑎᑕᐅᒍᑎᒋᓂᐊᖅᑕᖏᑦ ᑐᓂᓯᒪᓂᖃᕐᓂᐅᔪᓄᑦ ᑕᒪᑐᒧᖓ ᐱᓕᕆᐊᒃᓴᒧᑦ.

ᐊᓯᔾᔨᕐᕕᓖᑦ ᐊᒻᒪᓗ ᐃᓚᔭᐅᕕᖃᕐᓂᖅ

4.19. ᑲᔪᓰᓐᓇᕈᓐᓇᕐᓂᖅ, ᐃᓚᓕᐅᔾᔨᓂᖅ ᐆᒻᒪᕆᒃᑐᒥᒡᓗ ᑮᓇᐅᔭᓕᐅᕋᓱᖕᓂᕆᔭᐅᕙᒃᑐᖅ

ᓴᓇᓂᖅ ᐊᐅᓚᒐᒃᓴᐅᓯᐊᖅᑐᒥᒃ, ᐃᓚᔭᐅᕕᓕᖕᒥᒃ ᐊᒻᒪᓗ ᐆᒻᒪᕆᒃᑐᒥᒃ ᑮᓇᐅᔭᓕᐅᕋᓱᐊᕈᑎᖃᕐᓂᖅ ᐃᑲᔪᖅᓯᒻᒪᑦ ᑲᓇᑕᒥᐅᓂᒃ ᒪᑭᒪᑦᑎᐊᖁᓪᓗᒋᑦ. ᐃᓕᑕᖅᓯᓂᖅ ᐊᑐᖅᑕᐅᔪᑎᒍᑦ ᐊᐳᖅᑕᕈᑎᑕᖃᐃᓐᓇᕐᓂᖓᓂᒃ ᑲᔪᓯᑎᑦᑎᐊᖅᑐᖃᕈᒪᒐᓗᐊᖅᑎᓪᓗᒍ, ᑭᒡᒐᑐᖅᑕᐅᑦᓯᐊᖏᓐᓂᖅ, ᐊᑑᑎᖃᖏᑎᑕᐅᓂᖅ, ᐅᕝᕙᓘᓐᓃᑦ ᐃᓚᒋᔭᐅᔪᒪᔪᑦ ᐱᓕᕆᖃᑎᒌᑦ ᑐᓴᕋᒃᓴᓕᐊᖑᔪᑦ ᑕᕝᕙᓂ ᑎᑎᕋᕐᕕᒋᔭᕆᐊᓕᖕᒦᑦᑐᑦ ᐃᑲᔪᖅᓯᔪᑦ ᒐᕙᒪᒃᑯᖏᓐᓂᒃ ᑲᓇᑕᐅᑉ ᖃᐅᔨᒐᓱᐊᕈᑕᐅᓂᐊᕐᓗᓂ ᐊᒃᑐᐃᓂᖃᕈᓐᓇᑐᐃᓐᓇᕆᐊᓕᓐᓂᒃ ᐊᑐᐊᒐᖏᓐᓂᒃ, ᐱᓕᕆᐊᓂᒃ ᐊᒻᒪᓗ ᐱᔨᑦᑎᕈᑕᐅᔪᓂᒃ ᑖᒃᑯᓄᖓ ᐊᔾᔨᒌᖏᑦᑐᓄᑦ ᐱᓕᕆᖃᑎᒌᑦᑐᓄᑦ ᐃᓄᖕᓄᑦ.

ᓯᕗᓪᓕᐅᑎᑕᐅᒍᓐᓇᖅᑐᑦ ᑖᒃᑯᐊ ᐅᖃᖅᑕᑎᑦ ᐱᔪᒪᓂᕐᒧᑦ ᑕᑯᒃᓴᐅᑎᑦᑎᔪᑦ ᖃᓄᖅ ᐃᑲᔪᖅᑐᐃᓂᖃᕐᒪᖔᑕ ᐱᕈᖅᐸᓪᓕᐊᓂᕐᒥᒃ. ᑎᒥᖁᑎᒋᔭᐃᑦ ᓇᓕᒧᒋᔭᖃᖏᑉᐸᖅ ᐃᑲᔪᖅᑐᐃᐸᓪᓘᓐᓃᑦ ᑕᑲᒃᑯᓂᖓ ᐊᑖᓃᑦᑐᓂᒃ ᑎᑎᕋᖅᓯᒪᔪᓂᒃ ᐱᓕᕆᖃᑎᒌᑦᑐᓂᒃ, ᐅᖃᐅᓯᕆᒍᒪᖏᒃᑯᕕᐅᒃ ᖃᓄᐃᑦᑑᓃᑦ, ᑎᑎᕋᕐᕕᕆᔭᕆᐊᑐᖏᑕᐃᑦ.

ᐃᓚᐅᔪᓐᓇᕐᓗᓂ ᓄᓇᖃᖅᑳᖅᑐᓄᑦ ᑎᒥᑐᑦ ᐱᓯᓇᓯᑐᓪᓘᓐᓃᑦ ᐱᓇᓱᒃᑐᑐᑦ, ᑮᓇᐅᔭᓕᐅᕋᓲᑕᐅᔪᖅ ᐅᓄᕐᓂᖅᓴᓄᑦ ᓄᓇᖃᖅᑳᖅᑐᓄᑦ ᓇᖕᒥᓂᕆᔭᐅᓗᓂ ᐊᐅᓚᑕᐅᓗᓂᓘᓐᓃᑦ. ᐱᓇᓱᒃᑐᖅ ᐃᓚᐅᖁᔭᐅᒍᓂ ᐃᓗᐃᑦᑐᒧᑦ ᐱᓕᕆᔪᒧᑦ, ᑐᓂᓯᔭᕆᐊᖃᑐᐃᓐᓇᕆᐊᓖᑦ ᒫᓐᓇᒥ ᑎᑎᕋᓂᒃ ᑲᑎᒪᔨᖏᓐᓂᒃ ᐱᖃᓯᐅᓪᓗᒋᑦ ᐃᓚᓕᐅᑎᓂᕐᓄᑦ ᓇᓗᓇᐃᖅᓯᔪᑦ ᐃᑲᔪᖅᑐᓂᒃ ᑕᐃᒪᐃᑦᑐᒥᒃ ᐱᓇᓲᑎᒥᒃ.

5. ᑐᓂᔭᑎᑦ ᐅᖃᖅᑐᓄᑦ ᐱᔪᒪᓂᕐᒧᑦ

ᒪᓕᒃᑭᑦ ᑲᒃᑯᐊ ᐱᓕᕆᔭᕆᐊᓖᑦ ᑐᓂᓂᐊᕋᕕᐅᒃ ᐅᖃᖅᑕᑎᑦ ᐱᔪᒪᓂᕐᒧᑦ.

  1. ᐳᐃᒍᔾᔭᐃᕐᓗᒋᑦ ᐊᑎᕕᓪᓗ ᐱᒋᐊᕈᑎᖏᓐᓂᒃ ᑎᑎᕐᓗᒍ ᐅᖃᖅᑕᑎᑦ ᐱᔪᒪᓂᕐᒧᑦ.
  2. ᐊᔾᔨᓕᐅᕐᓗᒋᑦ ᖃᕋᓴᐅᔭᑎᒍᑦ ᑎᑎᕋᐅᓯᕆᓗᒋᑦ ᐅᖃᖅᑕᑎᑦ ᐱᔪᒪᓂᕐᒧᑦ ᐅᕗᖓ: operations@cannor.gc.ca
  3. ᖃᕋᓴᐅᔭᑎᒍᑦ ᑎᑎᕋᒥ ᐅᖃᐅᓯᖃᕐᕕᐊᒍᑦ, ᐊᑐᒃᑭᑦ ᑲᒃᑯᐊ ᐱᔪᒪᓇᓲᑏᑦ ᐃᑲᔫᑕᐅᓂᐊᕐᒪᑕ ᑲᓐᓄᐊᒃᑯᓐᓄᑦ ᑉᓕᕆᔭᐅᓕᕈᓂ ᐅᖃᖅᑕᑎᑦ ᐱᔪᒪᓂᕐᒧᑦ.

ᖃᓄᐃᓕᖓᓂᖓ: 2024-25 ᐅᖃᕈᑎ ᐱᔪᒪᓂᕐᒧᑦ - [ᐊᕕᒃᓯᒪᔪᖅ ᓄᓇᑦᑎᐊᖅ, ᓄᓇᕗᑦ, ᔪᑲᓐ] – [ᑎᒥᐅᑉ ᐊᑎᖓ]

ᓲᕐᓗ: 2024-25 ᐅᖃᕈᑎ ᐱᔪᒪᓂᕐᒧᑦ – ᓄᓇᑦᑎᐊᖅ – ABC ᑮᓇᐅᔭᓕᐅᕋᓱᐊᖅᑏᑦ

ᑎᑎᕋᕐᕕᒋᖔᕐᓗᒍ ᑐᓴᖅᑕᐅᑎᑕᐃᑦ ᑭᑉᐹᕆᒃᑐᓂ ᑎᑎᕋᕐᕕᒃᓴᒥ ᓄᓇᐅᑉ ᐊᑎᖓ ᐊᒻᒪᓗ ᑎᒥᖁᑎᒋᔭᐅᔫᑉ ᐊᑎᖓ ᐱᓕᕆᐊᕆᒍᒪᔭᕐᓄᑦ.

ᑲᖑᓇᖅᑐᓕᕆᓂᖅ

ᐃᓘᓐᓇᑎᒃ ᓴᐳᑎᔭᐅᓯᒪᔪᑦ ᑐᖅᑯᖅᑕᐅᓯᒪᔪᑦ ᖃᕆᓴᐅᔭᕐᒧᑦ, ᑮᓇᐅᔭᓕᐅᕋᓱᐊᕐᓂᖅ ᐱᓪᓗᒍ ᑐᓴᖅᑕᐅᔭᕆᐊᖃᖏᑦᑐᑦ ᐊᒻᒪᓗ ᐊᑑᑎᖃᕈᓐᓇᖅᑐᑦ ᐃᓱᒪᒋᔭᐅᔪᓪᓘᓐᓃᑦ ᓴᐳᑎᔭᐅᓯᒪᓂᐊᖅᑐᑦ ᐱᔪᓐᓇᕐᓂᖃᖅᑎᑕᐅᖏᑦᑐᓄᑦ ᑕᑯᔭᐅᑎᑕᐅᔾᔮᖏᑦᑐᑦ, ᐃᒃᐱᒍᓱᑦᓯᐊᖏᓐᓂᒃᑯᑦ ᐅᕝᕙᓘᓐᓃᑦ ᓈᒻᒪᓈᖅᑎᓐᓇᒍ ᐅᖃᖃᐅᓯᐅᔾᔮᖏᑦᑐᑦ. ᑕᒪᒃᑯᐊ ᑐᓴᕋᒃᓴᓕᐊᖑᓯᒪᔪᑦ ᑲᒪᒋᔭᐅᑦᑎᐊᓂᐊᖅᑐᑦ ᒪᓕᒡᓗᒍ ᐅᓇ Access to Information Act ᐊᒻᒪᓗ Privacy Act.

ᑕᒪᒃᑯᐊ ᒪᓕᒐᐃᑦ ᐊᐅᓚᑕᐅᔪᑦ ᒐᕙᒪᑎᒍᑦ, ᓴᐳᑎᔭᐅᔪᑦ ᐊᒻᒪᓗ ᑭᓪᓕᖃᖅᑎᑕᐅᔪᑦ ᑲᑎᖅᓱᐃᓂᕐᒥᒃ, ᐊᑐᕆᐊᖃᕐᓂᕐᒥᒃ ᒪᑐᓯᔭᕆᐊᖃᕐᓂᒥᓪᓗ ᐃᖕᒥᒨᖓᔪᓂᒃ ᑲᖑᓇᖅᑐᓕᕆᔪᓂᓪᓗ ᑐᓴᕋᒃᓴᓕᐊᖑᓯᒪᔪᓂᒃ ᒐᕙᒪᑐᖃᒃᑯᑦ ᒐᕙᒪᖏᑕ ᐃᖅᑲᓇᐃᔭᕐᕕᖏᓐᓂ ᐊᒻᒪᓗ ᐊᒡᓚᕝᕕᖏᓐᓂ. ᐅᖓᑖᓄᑦ ᑕᒪᒃᑯᐊ ᒐᕙᒪᐅᔪᑦ ᑕᐃᔭᐅᕋᑖᖅᑐᑦ, ᖃᖑᓇᖅᑐᑦ ᑮᓇᐅᔭᓕᐅᕋᓱᐊᕈᑎᖃᕐᓂᕐᒧᑦ ᑐᓴᒐᒃᓴᖅᑕᓖᑦ ᐊᒥᖅᑲᐅᑕᐅᔾᔮᖏᑦᑐᑦ ᑐᒃᓯᕋᖅᓯᒪᔪᖅ ᐊᖏᕈᑎᖃᓚᐅᖅᑎᓐᓇᒍ ᐊᓯᖏᓐᓄᑦ ᑐᓴᖅᑕᐅᖁᔨᒻᒪᖔᕐᒥ.

6. ᑐᑭᓯᒋᐊᒃᑲᓐᓂᕕᒃᓴᐃᑦ

ᐊᐱᖅᑯᑎᒃᓴᖃᕈᔅᓯ ᑐᕌᖅᑐᓄᑦ ᑖᔅᓱᒧᖓ ᐅᖃᖅᑐᓄᑦ ᐱᔪᒪᓂᕐᒧᑦ ᐱᓕᕆᔾᔪᓯᕐᓄᑦ, ᐅᖃᖃᑎᒋᑦᑕᐃᓕᖏᓪᓗᑎᒍᑦ ᖃᕋᓴᐅᔭᑎᒍᑦ ᑎᑎᕋᑎᒍᑦ ᐅᕙᓂ operations@cannor.gc.ca, ᐅᖄᓚᕕᒋᓗᒋᓘᓐᓃᑦ ᐊᕕᒃᓯᒪᔪᓂ ᑎᑎᕋᕐᕕᕗᑦ ᑕᓚᕘᒃᑯᑦ.

ᓄᓇᕗᒻᒥ
ᐊᕕᒃᑐᖅᑕᐅᓯᒪᓂᒃᑯᑦ ᐊᒡᓚᕝᕕᒃ
ᐃᖃᓗᐃᑦ, ᓄᓇᕗᑦ
ᐅᖄᓚᐅᑎᖓ: 867-975-3757

ᓄᓇᑦᑎᐊᒥ
ᐊᕕᒃᑐᖅᑕᐅᓯᒪᓂᒃᑯᑦ ᐊᒡᓚᕝᕕᒃ
ᔭᓗᓇᐃᕝ, ᓄᓇᑦᑎᐊᖅ
ᐅᖄᓚᐅᑎᖓ: 867-669-2608

ᔫᑳᓐᒥ
ᐊᕕᒃᑐᖅᑕᐅᓯᒪᓂᒃᑯᑦ ᐊᒡᓚᕝᕕᒃ
ᐅᐊᐃᑦᕼᐊᔅ, ᔫᑳᓐ
ᐅᖄᓚᐅᑎᖓ: 867-667-3346

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas