ARCHIVED – ᐊᐳ ᒐᕙᒪᒃᑯᑦ ᖃᑭᒐᓱᐊᕈᑎᒃᓴᓄᑦ ᓄᑖᓂᒃ ᖃᐅᔨᓴᕐᓂᐊᖅᑐᑦ ᐃᑲᔪᕐᓂᐊᖅᑐᓂᒃ ᐃᖅᑲᓇᐃᔮᒃᓴᓂᒃ ᓴᕿᑎᓗᑎᒃ ᐃᖃᓗᓕᕆᓂᒃᑯᑦ

ᓄᑖᖅ ᖃᐅᔨᓴᐃᓂᖅ ᐊᐅᓪᓗᔾᔨᓂᐊᖅᑐᖅ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᑦᑎᓂ ᑮᓇᐅᔭᑎᒍᑦ ᐱᕕᖃᕐᑎᑦᑎᓗᑎᒃ ᐃᖃᓗᖓᓱᒃᑐᑦ ᑮᓇᐅᔭᓕᐅᕈᑎᒋᕙᒃᑕᖏᑦ

ᔮᓄᐊᕆ 12, 2015 - ᐃᖃᓗᐃᑦ, ᓄᓇᕗᑦ - ᑎᑎᕋᕐᕕᖓ ᒥᓂᔅᑕ ᑲᓇᑕᐅᑉ ᐅᑭᐅᖅᑕᖅᑐᐊᓄ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᑎᒥᖓ, ᐊᒻᒪᓗ ᑎᑎᕋᕐᕕᖓ ᒥᓂᔅᑕ ᐃᖃᓗᓕᕆᔨᒃᑯᑦ ᐊᒻᒪᓗ ᐃᒪᕕᓕᕆᔨᒃᑯᑦ ᑲᓇᑕᒥ.

ᒥᓂᔅᑕ ᐊᒡᓗᒃᑳᖅ ᐊᒻᒪᓗ ᒥᓂᔅᑕ ᓯᐊ ᐅᑉᓗᒥ ᑐᓴᕐᑎᑦᑎᕗᑦ ᐅᑉᓗᒥ ᑮᓇᐅᔭᒃᓴᖏᓐᓂᒃ ᐱᖓᓱᑦ ᐃᖃᓗᓕᕆᓂᐊᖅᑐᑦ ᖃᐅᔨᓴᐃᓂᒻᒪᕆᒃᑎᒍᑦ ᐊᒻᒪᓗ ᖃᐅᔨᓴᖅᑕᐅᓗᑎᒃ ᓄᓇᕗᒻᒥ. ᐅᑯᐊ ᖃᑭᒐᓱᐊᕈᑎᓖᑦ ᐱᐅᓯᕚᓪᓕᕐᓂᐊᕐᒪᑕ ᖃᐅᔨᒪᔪᓐᓇᕐᓂᐊᖅᑕᖏᑦ ᐱᓪᓗᒍ ᐃᖃᓗᐃᑦ, ᐃᑲᔫᑎᓂᐊᖅᑐᖅ ᑲᔪᖐᓐᓇᕈᓐᓇᕐᓂᐊᕐᒪᑕ ᑲᒻᐸᓂᐅᓗᑎᒃ, ᐊᒻᒪᓗ ᐃᑲᔪᕐᓗᑎᒃ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᒃᑯᑦ ᐊᒻᒪᓗ ᐃᖅᑲᓇᐃᔮᖃᕐᑎᑦᑎᓗᑎᒃ ᓄᓇᕗᒻᒥ ᐃᖃᓗᓕᕆᓂᕐᒧᑦ ᐱᓇᓱᐊᖃᑦᑕᖅᑐᓄᑦ.  

ᐊᖓᑖᓄᑦ ᒪᕐᕉᒃ ᐊᕐᕌᒍᓄᑦ, ᐅᑯᐊ ᐱᓕᕆᐊᖑᔪᑦ ᐃᑲᔫᑎᓂᐊᖅᑐᑦ ᖃᐅᔨᒪᓕᕐᓗᒋ ᐱᓪᓗᒍ ᓄᓇᕗᑦ ᐃᒫᓂ ᖃᓄᐃᓕᐅᕈᑎᒋᔪᓐᓇᖅᑕᖏᓐᓂᒃ. ᑕᒪᐅᓐᓇ ᖃᑭᑦᑎᐊᕋᓱᐊᕈᑕᐅᓗᑎᒃ, ᖃᐅᔨᓴᕐᓂᐊᖅᑐᑦ ᑐᑭᓯᑦᑎᐊᕐᓂᐊᕐᒪᑕ ᐅᑭᐅᖅᑕᖅᑐᒥ ᑭᖑᐃᑦ, ᐊᑯᑭᑦᑐᕐᒥᑦ ᖃᓕᕋᓖᑦ, ᓇᑖᕐᓇᖅ ᐊᒻᒪᓗ ᐃᖃᓗᑐᐃᓐᓇᐃᑦ ᓄᓇᕗᒻᒥ. ᖃᐅᔨᓴᕐᓂᕐᒨᖓᓂᐊᕐᒥᔪᖅ ᖃᐅᔨᓇᓱᑦᐊᑎᕐᓗᒋᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᐊᔪᕐᓇᖏᒪᖔᑦ ᑯᕿᕐᔪᐃᑦ ᐊᒻᒪᓗ ᕿᑭᕐᑕᕐᔪᐊᖅ ᐊᒻᒨᒪᔪᖏ ᐱᔭᖃᑦᑕᕐᓗᑎᒃ. ᐅᑯᐊ ᐱᓕᕆᐊᖑᔪᑦ ᐃᑲᔫᑎᓂᐊᖅᑐᑦ ᐊᖕᖏᔪᒥᒃ ᖃᐅᔨᒪᓕᕐᓗᒃ ᓄᓇᕗᒻᒥ ᐃᒪᖓᓃᑦᑐᓂᒃ ᐃᑲᔫᑎᒃᓴᓂᒃ ᐊᒻᒪᓗ ᐃᑲᔪᕐᓂᐊᕐᒥᔪᑦ ᐃᓱᒪᓕᐅᕈᑎᒋᑦᑎᐊᕐᓗᒋᑦ ᐱᓪᓗᒍ ᑲᔪᓰᓐᓇᖅᑐᒥᒃ ᐊᐅᓚᑕᐅᓂᐊᕐᒪᑕ.

ᓱᓕᔪᑦ ᓇᐃᓈᖅᓯᒪᔪᑦ

• ᑲᑎᓪᖢᒍ ᑮᓇᐅᔭᒃᓴᖅ ᑕᒪᑐᒧᖓ ᑐᓴᕐᑎᑦᑎᔾᔪᑕᐅᔪᖅ $7,200,641 ᐊᕐᕌᒍᓄᑦ ᐱᖓᓱᓄᑦ, ᑖᒃᑯᐊᓗ ᑲᓇᑕᐅᑉ ᒐᕙᒪᒃᑯᖏᑦ ᐃᓚᓯᓂᐊᖅᑐᑦ $4,306,472.
• ᑕᐃᑲᓂ 2013-14, ᑲᑎᓪᖢᒍ ᓂᐅᕐᕈᓯᕆᓂᖅ ᐱᑖᕆᓚᐅᖅᑕᖓ ᓄᓇᕗᑦ ᐃᖃᓗᒐᓱᑐᓕᕆᓂᖅ $86 ᒥᓕᐊᓐ ᑖᒃᑯᓄᖓ 370 ᐃᖅᑲᓇᐃᔭᖃᑦᑕᖅᑐᓄᑦ ᐊᕐᕌᒍᓕᒫᕋᑎᒃ ᐃᒪᕕᖕᒥ ᐊᒻᒪᓗ ᓯᒡᔭᖏᓐᓂ ᐃᖃᓗᒐᓱᖕᓂᒃᑯᑦ.
• ᓴᓇᖃᑎᒋᓗᒋᑦ ᒐᕙᒪᑐᖃᒃᑯᑦ, ᑎᐅᓕᑐᐊᓕ, ᑲᒻᐸᓂᐅᔪ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᖏᓂ ᐱᓇᓱᐊᖃᑎᒋᔭᕗᑦ, ᑳᓄᐊᒃᑯᑦ ᖃᑭᒐᓱᐊᕈᑎᖃᖅᓯᒪᕗᑦ ᐅᖓᑖᓄᑦ $6 ᒥᓕᐊᓐ ᓄᓇᕗᒻᒥ ᐃᖃᓗᓕᕆᔪᓄᑦ ᑕᐃᒪᖓᓂᑦ 2010.

ᐅᖃᖅᑕᖏᑦ

"ᑲᓇᑕᐅᑉ ᒐᕙᒪᒃᑯᖏᑦ ᐅᐱᒍᓱᒃᑐᑦ ᐱᕙᓪᓕᐊᑎᑦᑎᓂᕐᒧᑦ ᐱᕚᓪᓕᕐᑎᑦᑎᓂᐊᖅᑐᒥᒃ ᐃᖃᓗᒐᓱᖕᓂᕐᒧᑦ ᑲᒻᐸᓂᐅᔪᓂ ᓄᓇᕗᒻᒥ. ᐃᑲᔪᕐᓂᐊᖅᑐᒍᑦ ᓄᑖᓂᒃ ᖃᐅᔨᓴᐃᓂᖅ ᑕᒪᑐᒥᖓ ᐅᓄᖅᓯᕚᓪᓕᕐᑎᑦᑎᓂᐊᕐᒪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥ ᐊᒻᒪᓗ ᓄᑖᓂᒃ ᐃᖅᑲᓇᐃᔮᒃᓴᓂᒃ ᓄᐃᑦᑐᖃᕐᓗᓂ ᐱᕙᓪᓕᐊᑎᑦᑎᐊᕐᓗᒍᓗ ᓄᓇᕗᒻᒥ ᐃᖃᓗᓕᕆᓂᖅ ᑲᔪᓰᓐᓇᕐᓂᐊᕐᓗᓂ ᐃᑲᔫᑎᓂᐊᕐᒪᑦ ᓄᓇᕗᒻᒥᐅᓕᒫᓂᒃ."

"ᒐᕙᒪᕗᑦ ᐊᖕᖏᖅᓯᒪᑦᑎᐊᖅᑐᖅ ᐊᑐᕈᒪᓪᓗᒍ ᐱᕈᕐᑎᓪᓗᒍ ᓄᓇᕗᒻᒥ ᐃᖃᓗᓕᕆᓂᕐᒥ ᑮᓇᐅᔭᓕᐅᕈᑎᖃᖅᑐᑦ. ᑕᐃᒪᓐᓇᐅᓂᖓᓄᑦ ᖃᑭᒐᓱᐊᕈᑎᖃᕐᑎᑦᑎᕗᒍᑦ ᑐᓂᓯᓪᓗᑕ $40.5 ᒥᓕᐊᓐ ᐋᕿᒃᓱᕐᓂᐊᕐᒪᑦ ᓴᓇᓗᒍ ᓯᕗᓪᓕᖅᐹᖅ ᐃᖃᓗᒐᓱᒃᕕᒃ ᓄᓇᕗᒻᒥ ᐊᒻᒪᓗ ᖃᑭᒐᓱᐊᕈᑎᑖᖅᑐᑦ ᖃᐅᔨᓴᖅᑐᓕᕆᔨᐅᓂᒻᒪᕆᒃᑯᑦ ᖃᐅᔨᓴᖅᑕᐅᑦᑎᐊᕐᓗᓂ. ᑕᒪᓐᓇ ᖃᐅᔨᓴᐃᓂᒻᒪᕆᒃ ᑕᒪᐃᓐᓂᒃ ᐃᑲᔫᑎᓂᐊᖅᑐᖅ ᓇᓗᓇᐃᖅᓯᓗᓂ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᑦᑎᓂ ᐱᕕᖃᕐᑎᑦᑎᓂᐊᕐᓂᖓ ᓄᓇᕗᒻᒥ ᐃᖃᓗᒐᓱᒃᑎᐅᔪᓂᒃ, ᑲᔪᓰᑏᓐᓇᕐᓗᒍ ᐊᑯᓂᐅᔪᒥᒃ."

"ᐅᓇ ᖃᑭᒐᓱᐊᕈᑕᐅᔪᖅ ᖃᐅᔨᓴᐃᓂᒻᒪᕆᒃᑯᑦ ᖃᐅᔨᓴᖅᓯᒪᓗᓂ ᐱᒻᒪᕆᐅᖕᒪᑦ ᐋᕿᑦᑎᐊᖅᓯᒪᐃᓐᓇᕐᓂᐊᕐᓗᒍ ᐊᒻᒪᓗ ᐅᖓᕙᕆᐊᕐᓂᐊᕐᓗᒍ ᐊᖕᖏᒡᓕᒋᐊᕐᓗᒍ ᑲᔪᓰᓐᓇᖅᑐᒥᒃ ᐃᖃᓗᒐᓱᖃᑦᑕᕐᓗᑎᒃ ᑲᒻᐸᓂᒋᓕᕐᓗᒍ ᓄᓇᕗᒻᒥ. ᖁᕕᐊᓱᒃᑐᖓ ᑕᑯᔪᓐᓇᕋᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᒋᐊᕐᕕᐅᓂᖓᓂ ᐃᓂᖃᕐᕕᐅᓪᓗᓂ ᐊᖑᓇᒍᓐᓴᕐᓂᑦᑎᓂᒃ ᐃᖃᓗᓕᒫᓂ, ᐃᑲᔪᖅᑕᐅᑲᓐᓂᕋᒥ ᑕᒪᓐᓇ ᓯᒡᔭᒃᑯᑦ ᐊᒻᒪᓗ ᐃᒪᕕᒃᑯᑦ ᐃᖃᓗᖏᓐᓂᒃ ᖃᐅᔨᓴᖅᖢᑎᒃ ᐊᒻᒪᓗ ᐱᕙᓪᓕᐊᑎᑦᑎᓪᓗᑎᒃ."

ᑕᒪᑐᒥᖓ ᖃᕆᓴᐅᔭᒃᑯᑦ ᑐᑭᓯᒋᐊᕐᕕᒃᓴᐃᑦ

• ᖃᑭᒐᓱᐊᕈᑎᑦ ᓴᖕᖏᒃᑎᓴᕐᓗᒋᑦ ᓄᓇᕗᒻᒥ ᐃᖃᓗᓕᕆᓂᒃᑯᑦ ᑲᒻᐸᓂᐅᔪᑎᒍᑦ
• ᑳᓄᐊᒃᑯᑦ ᑐᓂᓯᔪᑦ ᐱᕚᓪᓕᕈᑎᒃᓴᓂᒃ ᓄᓇᕗᒻᒥ ᐃᖃᓗᓕᕆᓂᕐᒧᑦ
• ᑲᓇᑕᐅᑉ ᒐᕙᒪᒃᑯᖏᑦ ᖃᑭᒍᑎᒃᓴᓕᐅᖅᑐᑦ ᐃᓄᐃᑦ ᓇᖕᒥᓂᖏᓐᓂᒃ ᐃᖃᓗᓕᕆᓂᕐᒥᒃ

ᑐᑭᓯᒋᐊᑲᓐᓂᕈᓐᓇᖅᑐᑎᑦ, ᐅᓇ ᐅᖃᖃᑎᒋᓗᒍ:

ᑎᑎᕋᕐᕕᖓ ᒥᓂᔅᑕ ᓕᐅᓇ ᐊᒡᓗᒃᑳᖅ
ᑎᑦ ᓚᐃᑭᖕ
819-997-1441

ᑲᓇᑕᐅᑉ ᐅᑭᐅᖅᑕᖅᑐᐊᓄ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᑎᒥᖓ
ᒍᓕᒃ ᒍᐊᔅ
ᑐᓴᒐᒃᓴᓕᕆᔨᑦ ᖃᐅᔨᒪᔨᖓᑦ
867-975-3722

ᐊᐅᓚᑦᓯᕕᖓ ᐃᖃᓗᓕᕆᔨᒃᑯᑦ ᐊᒻᒪᓗ ᐃᒪᕕᓕᕆᔨᒃᑯᑦ
ᒥᓯᐅ ᐳᕆᐅ
ᐃᖃᓗᓕᕆᔨᒃᑯᑦ ᐃᒪᕕᓕᕆᔨᒃᑯᑦ ᑐᓴᒐᒃᓴᓕᕆᔨᒃᑯᖏᑦ
613-990-7537

ᓄᓇᕗᑦ ᒐᕙᒪᒃᑯᑦ, ᐊᕙᑎᓕᕆᔨᒃᑯᑦ
ᐃᐅᓕᒃ ᐱᓕᐅ
ᐊᑐᐊᒐᓕᕆᓂᖅ ᐊᒻᒪᓗ ᑐᓴᐅᑎᓕᕆᓂᕐᒧᑦ ᐃᑲᔪᖅᑎᖓ
867-975-7721

ᑮᓇᐅᔭᒃᓴᖅ ᑕᒃᑯᓄᖓ ᐱᓕᕆᐊᒃᓴᐅᔪᓄᑦ ᐊᔪᖏᑎᑕᐅᕗᑦ ᑕᒪᐅᓐᓇ ᐋᕿᒃᓯᓯᒪᔾᔪᑎᒃᓴᑦ ᖃᑭᒐᓱᐊᕈᑕᐅᓗᑎᒃ ᑕᐃᑰᓇ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᑎᑦᑎᔾᔪᑕᐅᔪᑎᒍᑦ. ᑳᓄᐊᒃᑯᑦ ᓴᓇᖃᑎᖃᕐᓂᐊᖅᑐᑦ ᐃᑲᔪᕐᓗᑎᒃ ᐱᕙᓪᓕᐊᑎᑦᑎᓂᕐᒥ ᐊᔾᔨᒌᓐᖏᑑᑎᓂᒃ, ᑲᔪᓰᓐᓇᕈᓐᓇᖅᑐᓂᒃ ᐊᒻᒪᓗ ᐊᐅᓚᓐᓂᖓᒍᑦ ᑮᓇᐅᔾᔭᒃᓴᐅᑎᖃᕈᓐᓇᕐᓂᖅ ᓇᓂᑐᐃᓐᓇᖅ ᑲᓇᑕᐅᑉ ᐱᖓᓱᓂ ᑎᐅᓕᑐᐊᓕᖏᓐᓂ, ᐊᒻᒪᓗ ᑐᓂᓯᓗᑎᒃ ᐃᒻᒥᒍᑦ ᐅᑭᐅᖅᑕᖅᑐᒥ ᑎᓕᔭᐅᓯᒪᓂᕐᒥᖕᓄᑦ ᑕᒪᐅᓐᓇ ᑮᓇᐅᔭᒃᓴᖃᕐᑎᓪᓗᒋᑦ ᐱᓕᕆᑎᑦᑎᔾᔪᑕᐅᔪᑦ, ᐅᑭᐅᖅᑕᖅᑐᒥ ᐱᓕᕆᐊᖑᔪᓄᑦ ᐊᐅᓚᑦᑎᑦᑎᕕᖓ ᑎᑎᕋᕐᕕᒃ ᐊᒻᒪᓗ ᐱᓕᕆᔭᐅᖕᒥᓗᑎᒃ ᐊᑐᐊᒐᖅ ᐊᒻᒪᓗ ᖃᐅᔨᓴᐃᓂᖅ.