ARCHIVED – ᒥᓂᔅᑕ ᐊᒡᓘᒃᑲᖅ ᑐᓴᖅᑎᑦᑎᔪᖅ ᑮᓇᐅᔭᒃᓴᓂᒃᑕᐅᓂᐊᓕᖅᑐᓂᒃ ᓅᑕᐅᔪᓐᓇᖅᑐᑦ ᖃᐅᔨᓴᕐᕖᑦ ᐃᑲᔫᑎᒃᓴᐃᑦ ᖃᐅᔨᓴᖅᑕᐅᔪᓐᓇᕐᓂᖅ ᐃᖃᓗᓕᕆᓂᕐᒧᓪᓗ ᓄᓇᒥᓗ ᐅᔭᕋᖕᒥᐅᑕᓕᕆᓂᕐᒧᑦ ᖃᐅᔨᓴᕐᓂᖅ

Archived

ᑖᓐᓇ ᒪᑉᐱᒐᖅ ᑐᖅᑯᖅᓯᒪᔪᖅ ᐃᑭᐊᖅᑭᕕᒻᒥ.

ᓴᓇᕐᕈᑏᑦᑕᐅᖅ ᐃᑲᔫᑕᐅᓂᐊᕐᒥᔪᑦ ᐅᒥᐊᕐᔪᐊᕕᓂᑐᖄᓗᖕᒥᒃ ᓇᓂᔭᐅᓵᓚᐅᖅᑐᒥᒃ ᑕᐃᔭᐅᔪᒥᒃ ᐃᐅᕆBᐋᓯᒥᒃ ᖃᐅᔨᓴᕐᓂᕐᒥᒃ ᑕᐃᔅᓱᒪᓂᑕᕕᓂᓕᐅᖅᑐᓂᒃ

ᔪᓚᐃ 24,  2015 – ᐃᖃᓗᒃᑑᑦᑎᐊᖅ, ᓄᓇᕗᑦ − ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᑮᓇᐅᔭᓕᐅᕈᑎᒃᓴᓄᑦ ᐱᕙᓪᓕᐊᔾᔪᑎᒃᓴᓄᑦ ᐱᓕᕆᕝᕕᖓᑦ (ᑳᓐᓄᐊᒃᑯᑦ)

ᐅᓪᓗᒥ, ᓂᕈᐊᖅᑕᐅᓯᒪᔪᖅ ᓕᐅᓇ ᐊᒡᓘᒃᑲᖅ, ᒥᓂᔅᑕᖓᑦ ᐊᕙᑎᓕᕆᓂᕐᒧᑦ, ᒥᓂᔅᑕᖓᑦ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᑮᓇᐅᔭᓕᐅᕈᑎᒃᓴᓂᒃ ᐱᕙᓪᓕᐊᔾᔪᑎᒃᓴᓂᒃ ᐱᓕᕆᕝᕕᖓᓄᑦ ᐊᒻᒪᓗ ᒥᓂᔅᑕᐅᔪᖅ ᐅᑭᐅᖅᑕᖅᑑᑉ ᑲᑎᒪᔨᖏᓐᓄᑦ ᑐᓴᖅᑎᑦᑎᖃᐅᔪᖅ ᑮᓇᐅᔭᒃᓴᓂᒃᑕᐅᓂᐊᓕᖅᑐᓂᒃ ᐱᐅᓯᒋᐊᕈᑎᒃᓴᐅᓂᐊᖅᑐᓂᒃ ᖃᐅᔨᓴᕈᓐᓇᕐᓂᖏᓐᓄᑦ ᐊᒻᒪᓗ ᐃᑲᔫᑕᐅᓂᕐᒧᑦ ᑮᓇᐅᔭᓕᐅᕐᕕᐅᖃᑕᐅᔪᓐᓇᖅᑐᓂᒃ ᐊᔾᔨᒌᖏᑦᑑᑎᐅᔪᓂᒃ ᐅᑭᐅᖅᑕᖅᑐᒥ. ᑕᒪᒃᑯᐊ ᑮᓇᐅᔭᒃᓴᓂᒃᑕᐅᓂᖏᓐᓄᑦ ᐱᔪᓐᓇᐅᑕᐅᓂᐊᓕᖅᑐᑦ ᐅᑭᐅᖅᑕᖅᑐᒥ ᖃᐅᔨᓴᕐᕕᐊᓗᖕᓂᒃ ᐱᖓᓲᔪᖅᑐᓂᒃ 6−ᓂᒃ ᓅᑕᐅᔪᓐᓇᖃᑦᑕᕐᓂᐊᖅᑐᓂᒃ ᖃᐅᔨᓴᕐᕕᐅᓂᐊᖅᑐᓂᒃ. ᑕᐃᒃᑯᐊ ᖃᐅᔨᓴᕐᕖᑦ ᐊᑐᖅᑕᐅᓂᐊᖅᑐᑦ ᓄᓇᖏᓐᓂ ᐃᖃᓗᒃᑑᑦᑎᐊᑦ ᐊᒻᒪᓗ ᐅᖅᓱᖅᑑᕐᒥ ᐊᒻᒪᓗ ᑕᐅᕙᓂ ᐊᕼᐃᐊᖅᒥ, ᕿᑎᖅᒥᐅᓂ.

ᑕᐃᒃᑯᐊ ᐱᖓᓱᑦ ᖃᐅᔨᓴᕐᕕᓖᑦ ᑐᕌᖓᓂᐊᕐᒪᑕ ᐃᖃᓗᓕᕆᓂᕐᒥᒃ ᐊᒻᒪᓗ ᑕᕆᐅᕐᒥᐅᑕᓂᒃ ᖃᐅᔨᓴᖃᑦᑕᕐᓂᕐᒧᑦ, ᓄᓇᒥᒃ ᐅᔭᕋᖕᒦᑐᖃᕐᓂᖏᓐᓂᒃ ᖃᐅᔨᓴᕐᓂᕐᒥᒃ ᐊᒻᒪᓗ ᑕᐃᔅᓱᒪᓂᑐᖃᓂᕐᒃ ᐱᖁᑎᓕᕆᔨᔪᓐᓇᕐᓂᕐᒧᑦ ᐱᔾᔪᑎᖅᑐᓂᒃ ᖃᖓᑕᒻᒪᕆᖕᒥᒃ ᐅᒥᐊᕐᔪᐊᕕᓂᑐᖄᓗᖕᒥᒃ ᓇᓂᔭᐅᓚᐅᖅᑐᓂᒃ ᑕᐃᔭᐅᔪᒥᒃ ᐃᐅᕆBᐋᓯᒥᒃ. ᐊᒥᐊᒃᑯᖏᑦ ᐱᖓᓱᑦ ᐊᑐᖅᑕᐅᓂᐊᕐᒥᔪᑦ ᑕᒪᐃᓐᓄᑦ ᖃᐅᔨᓴᕈᑎᔪᓄᑦ. ᐊᒻᒪᑕᐅᖅ, ᐃᑲᔫᑕᐅᓂᖏᓐᓂᒃ ᖃᐅᔨᓴᖅᑕᐅᔪᓂᒃ, ᐱᑕᖃᕈᑕᐅᓂᐊᕐᒥᔪᑦ ᐃᑲᔫᑕᐅᔪᓐᓇᕐᓂᕐᒧᑦ ᓄᓇᓕᖕᓄᑦ. ᖃᐅᔨᓴᕐᕈᑎᒃᓴᐃᑦ ᓂᕆᐅᒋᔭᐅᓕᖅᑐᑦ ᑎᑭᓐᓂᐊᕐᓂᖅ ᐃᖃᓗᒃᑑᑦᑎᐊᕐᓄᑦ ᐊᒻᒪᓗ ᐅᖅᓱᖅᑑᕐᒧᑦ ᐋᒐᓯ 2015−ᖑᓪᓕᖅᐸᑦ, ᑭᖑᓂᑦᑎᐊᖓᒍᓪᓗ ᐊᑐᖅᑕᐅᔪᓐᓇᖅᓯᓂᐊᖅᓱᑎᒃ.

ᓇᐃᓈᖅᑕᐅᓯᒪᔪᑦ ᓱᓕᔪᑦ

ᐅᖃᐅᓯᐅᖃᑦᑕᖅᓯᒪᔪᑦ

"ᒐᕙᒪᒋᔭᕗᑦ ᐱᓂᐊᕐᓂᖃᕐᒪᑕ ᐃᑲᔪᕈᒪᓂᖅ ᓄᓇᕗᒻᒥᐅᑕᓂᒃ ᐱᖃᑕᐅᔪᓐᓇᖅᓯᓗᑎᒃ ᐊᖏᔪᐊᓗᖕᒥᒃ ᑮᓇᐅᔭᓕᐅᕐᕕᓕᒋᓕᕈᓐᓇᖅᑕᖏᓐᓂᒃ ᐊᕕᒃᑐᖅᓯᒪᓂᖏᓐᓂ. ᑕᐃᒪᐃᓐᓂᖓᓄᑦ, ᖁᕕᐊᓱᑦᑎᐊᖅᐳᒍᑦ ᐃᓚᓕᐅᑎᓯᒪᔪᓐᓇᕐᓂᖅ ᐅᑭᐅᖅᑕᖅᑐᒥ ᖃᐅᔨᓴᑎᒃᓴᓄᑦ ᑮᓇᐅᔭᖅᑖᕐᕕᐅᔪᓐᓇᕐᓂᖏᓐᓂᒃ ᑐᖓᕕᒋᔭᐅᕙᒃᑐᓂᒃ ᐱᒻᒪᕆᐅᔪᓂᒃ ᑕᒪᒃᑯᓂᖓ ᐱᒋᐊᖅᑎᑕᐅᓂᐊᖅᑐᓂᒃ. ᑮᓇᐅᔭᒃᓴᓂᒃᑕᐅᓯᒪᓕᖅᑎᓪᓗᒋᑦ ᑕᒪᒃᑯᐊ ᓅᑕᐅᔪᓐᓇᖃᑦᑕᕐᓂᐊᖅᑐᑦ ᖃᐅᔨᓴᕐᕕᒃᓴᐃᑦ ᐱᑕᖃᓕᕈᑎᒃ, ᖃᐅᔨᓴᖅᑕᐅᓯᒪᔭᕆᐊᖃᒪᕆᒃᑐᑦ ᐅᑭᐅᖅᑕᖅᑐᒥ ᑲᔪᓯᔪᓐᓇᖅᓯᓂᐊᓕᕐᒪᑕ, ᐃᑲᔫᑕᓂᐊᖅᑐᑦ ᑮᓇᐅᔭᓕᐅᕈᓐᓇᕐᓂᕐᒧᑦ ᐱᕈᖅᐸᓪᓕᐊᑎᑦᑎᔪᓐᓇᕐᓂᕐᒧᑦ, ᐱᓕᕆᕕᒃᓴᓂᒡᓗ ᓴᕿᑎᑦᑎᓂᕐᒧᑦ ᐊᕕᒃᑐᖅᓯᒪᓂᖏᓐᓂ."

ᓕᐅᓇ ᐊᒡᓘᒃᑲᖅ
ᒥᓂᔅᑕᖓᑦ ᐊᕙᑎᓕᕆᓂᕐᒧᑦ, ᒥᓂᔅᑕᖓᑦ ᑲᓇᑕᒥᐅᑦ ᐅᑭᐅᖅᑕᖅᑐᕐᒥ ᑮᓇᐅᔭᓕᐅᕐᕕᒃᓴᓄᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕕᖕᒧᑦ ᐊᒻᒪᓗ ᒥᓂᔅᑕᖓᑦ ᐅᑭᐅᖅᑕᖅᑐᒥᐅᑕᓄᑦ ᑲᑎᒪᔨᕐᔪᐊᕐᓄᑦ

"ᐅᑭᐅᖅᑕᖅᑐᒥ ᖃᐅᔨᓴᕐᕈᑎᓄᑦ ᑮᓇᐅᔭᖅᑖᕐᕕᒃᓴᐅᓂᕐᒧᑦ ᑐᖓᕕᒃᑯᑦ ᐅᐱᒍᓱᑦᑎᐊᖅᐳᑦ ᐃᓚᐅᔪᓐᓇᕐᓂᕐᒥᓄᒃ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᓯᖏᓄᓪᓗ ᐊᔪᕈᓐᓂᖅᐸᓪᓕᐊᑎᑦᑎᓇᓱᖕᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᒥᐅᓂᖏᓐᓂᒃ ᐃᑲᔪᖅᓱᐃᓂᕐᒥᓄᑦ ᖃᐅᔨᓴᖅᑕᐅᔪᓐᓇᕐᓂᖏᓐᓂᒃ ᐃᖃᓗᓕᕆᓂᖅ, ᑕᕆᐅᕐᔪᐊᓕᕆᓂᖅ, ᑕᐃᔅᓱᒪᓂᓂᑕᕕᓂᕐᓂᒃ ᖃᐅᔨᓴᕈᓐᓇᕐᓂᖅ ᐊᒻᒪᓗ ᓄᓇᒦᑦᑐᓂᒃ ᐅᔭᕋᖕᒥᐅᑕᐅᔪᓂᒃ ᖃᐅᔨᓴᕈᓐᓇᖅᓯᓂᕐᒥᒃ."

ᐄDᐅᕆᔭᓐ ᓯᒻᓇᐅᔅᑭ
ᐊᐅᓚᑕᐅᔪᓂᒃ ᐊᐅᓚᑦᑎᔨᐅᓂᖅᐹᖓᑦ, ᐅᑭᐅᖅᑕᖅᑐᒥ ᖃᐅᔨᓴᕐᕕᕐᓂᕐᒧᑦ ᑮᓇᐅᔭᖅᑖᕐᕕᐅᔪᓐᓇᕐᓂᕐᒧᑦ ᑐᖓᕕᖓ

ᐃᓚᒋᔭᐅᖕᒥᔪᑦ ᑖᒃᑯᓄᖓ:

ᕼᐋᐸᐅᑉ ᒐᕙᒪᒃᑯᖏᑦ ᐃᑲᔪᖅᓱᐃᔪᑦ ᓄᓇᒥ ᐅᔭᕋᖕᓃᓂᖏᓐᓂᒃ ᖃᐅᔨᓴᕐᓂᕐᒥᒃ ᐅᑭᐅᖅᑕᖅᑐᒥ
http://news.gc.ca/web/article-en.do?nid=904839&tp=1

ᕼᐋᐸᐅᑉ ᒐᕙᒪᒃᑯᖏᑦ ᑐᓴᖅᑎᑦᑎᔪᑦ ᐃᑲᔪᖅᓱᖅᑕᐅᓂᖏᓐᓂᒃ ᓂᒡᓚᓱᒃᐸᒃᑐᒥ ᓯᓚᒥ ᖃᐅᔨᓴᖅᑕᐅᑎᑦᑎᓂᕐᒥᒃ
http://news.gc.ca/web/article-en.do?nid=904029&tp=1

ᐅᖃᕐᕕᐅᔪᓐᓇᖅᑐᑦ

ᑐᓴᒐᒃᓴᓕᕆᔩᑦ ᐅᖃᕈᓐᓇᖅᑐᑦ ᐆᒧᖓ:

ᐱᓕᕆᕕᖓᓂ ᓂᕈᐊᖅᑕᐅᓯᒪᔪᑉ ᓕᐅᓇ ᐊᒡᓗᑲᖅ
ᔾᔮᓇᑕᓐ ᓚᕖᑉᕆ Jonathan Lefebvre
819-997-1441

ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᑮᓇᔭᓕᐅᕈᑎᒃᓴᓄᑦ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᕕᖓ
Krisandra Reid
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ
867-667-3210

ᑳᓐᓄᐊᒃᑯᑦ ᐱᓕᕆᐊᖃᖅᐳᑦ ᐃᑲᔪᖅᑎᐅᓂᖅ ᓴᕿᐅᒪᑎᑦᑎᕙᓪᓕᐊᔪᒪᓂᖅ ᐊᒥᓱᓂᒃ  ᐊᔾᔨᒌᖏᑦᑑᑎᐅᔪᓂᒃ, ᑲᔪᓰᓐᓇᕈᓐᓇᕋᔭᖅᑐᓂᒃ ᐊᒻᒪᓗ ᐱᐅᔫᑎᓂᒃ ᑮᓇᐅᔭᓕᐅᕐᕕᐅᔪᓐᓇᖅᑐᓂᒃ ᓇᓂᑐᐃᓐᓇᖅ ᑲᓇᑕᐅᑉ ᐅᑭᐅᖅᑕᖅᑑᓂᖏᓐᓂ ᐱᖓᓱᓂᒃ ᐊᕕᒃᑐᖅᓯᒪᓂᖏᓐᓂᒃ, ᐊᒻᒪᓗ ᐊᑐᐃᓐᓇᐅᑎᑦᑎᖃᑦᑕᖅᓱᑎᒃ ᐅᑭᐅᖅᑕᖅᑐᒥᐅᑕᓄᑦ ᑎᓕᔭᐅᓯᒪᓂᕐᒥᓂᒃ ᒪᓕᒃᓱᑎᒃ ᑮᓇᐅᔭᒃᓴᖃᖅᑎᑦᑎᖃᑦᑕᕆᐊᖃᕐᓂᕐᒧᑦ ᐊᑐᒐᒃᓴᐅᓕᕐᓂᐊᖅᑐᓄᑦ, ᐅᑭᐅᖅᑕᖅᑐᒥ ᐱᓕᕆᐊᒃᓴᓂᒃ ᐊᐅᓚᑦᑎᕕᐅᓂᕐᒧᑦ ᐱᓕᕆᕕᖓᓐᓂᒃ ᐊᒻᒪᓗ ᐱᓕᕆᐊᖃᖃᑦᑕᕐᓂᕐᒧᑦ ᐊᑐᐊᒐᒃᓴᓕᕆᓂᕐᒥᒃ ᐊᒻᒪᓗ ᖃᐅᔨᓴᖃᑦᑕᕐᓂᕐᒥᒃ.

ᐅᑭᐅᖅᑕᖅᑐᒥ ᖃᐅᔨᓴᕈᑎᒃᓴᓄᑦ ᑮᓇᐅᔭᒃᓴᖅᑖᕐᕕᒃᓴᐃᑦ ᑐᖓᕕᖓᑦ
ᐄDᐅᕆᔭᓐ ᓯᒻᓇᐅᔅᑭ Adrian Schimnowski
ᐊᐅᓚᑕᐅᔪᓂᒃ ᐊᐅᓚᑦᑎᔨᐅᓂᖅᐹᖓᑦ,
204-470-5408

ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᐱᔾᔪᑎᖃᖅᑐᓂᒃ ᑳᓐᓄᐊᒃᑯᓐᓂᒃ, ᑕᑯᒋᐊᕈᓐᓇᖅᑕᐃᑦ ᖃᕆᑕᐅᔭᒃᑯᑦ ᐅᓇ ᑕᑯᓂᐊᖅᑕᐅᕕᖓᑦ ᐅᕙᓂ cannor.gc.ca

ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᐱᔾᔪᑎᖃᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᖃᓄᐃᓕᐅᕈᑎᒃᓴᓕᐊᖑᓯᒪᔪᓂᒃ, ᑕᑯᓂᐊᕈᓐᓇᖅᑕᐃᑦ ᖃᕆᑕᐅᔭᒃᑯᑦ ᐅᓇ ᑕᑯᓂᐊᖅᑕᐅᕕᖓᑦ ᐅᕙᓂ: northernstrategy.ca

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas