2024-2025 ᐅᖃᕈᑎ ᐱᔪᒪᓂᕐᒧᑦ

ᑲᓇᑕᐅ ᐅᐊᖕᓇᖓᓂ ᐱᕙᓕᐊᔪᓕᕆᔨ ᑎᒥᖑᖅᑎᑕᐅᓯᒪᔪᑦ ᑕᑯᑎᑦᑎᔪ ᑎᑎᖃᓕᐊᖑᓯᒪᔪᓂ ᐱᔪᒪᓂᕐᒧ (EOI) ᐊᑐᖅᑐᒧ ᓄᑖᒃᑯ ᐊᑕᐅᓯ ᐊᕋᒍ ᐅᕝᕙᓘᓃᑦ ᐅᖓᑕᒍ-ᐊᕋᒍ ᐱᓕᕆᐊᒃᓴᑦ ᐱᒋᐊᕐᓗᒍ ᐱᐊᓂᒃᐸᑦ ᒫᔨ 31, 2024, ᐅᒃᑯᐊᓚᐅᖅᑐᖅ ᓄᕕᐱᕆ 20, 2023.

ᐅᐸᓚᐅᕐᓂᖏᒃᑯᕕ ᐅᑯᐃᖓᑎᓪᓗᒍ ᑭᓯᐊᓂ ᐱᓕᕆᐊᒃᓴᖃᕈᕕ ᐅᕝᕙᓘᓃᑦ ᐃᓱᒪᒋᔭ ᐅᖃᐅᓯᕆᔪᒪᒍᖕᓂ, ᐅᖃᖃᑎᖃᕆ CanNor ᓄᓇᓕᒃᓂ ᑎᑎᕋᕐᕕᒃ ᑕᑯᒋᐊᕐᓗᑎ ᓇᐅᑯᖔᒃᑲᓐᓂᖅ ᐃᑲᔫᓯᐊᓄ ᐅᒃᑯᐃᖓᔪᓄ (ᐱᑕᖃᕈᓂ)

ᐃᓚᒋᔭᐅᓪᓗᓂ EOI−ᒧᑦ, ᓯᕗᓪᓕᐅᔾᔭᐅᓂᐊᖅᑐᑦ ᐱᓕᕆᐊᓄᑦ ᓴᖅᑭᑦᑎᔪᑦ ᐅᑯᓂᖓ ᓇᖕᒥᓂᖃᕐᕕᐅᔪᓂᒃ ᐊᒻᒪ ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ ᓯᕗᓪᓕᐅᔾᔭᐅᔪᒪᔪᓂᒃ, ᒪᓕᒡᓗᑎᒃ ᑎᓴᒪᓂᒃ ᐱᔾᔪᑕᐅᓪᓗᐊᑕᖅᑐᓂᒃ CanNor−ᑯᑦ ᐅᑭᐅᖅᑕᖅᑐᒥ ᐱᕈᖅᐸᓪᓕᐊᔪᓄᑦ ᖃᓄᐃᓕᐅᕈᑕᐅᔪᒪᔪᓂᒃ:

  1. ᐊᔾᔨᐅᖏᑦᑐᓂᑦ ᐱᒻᒪᕆᐅᔪᓂᓪᓗ — ᒪᑯᓂᖓ:
    • ᓇᖕᒥᓂᖁᑎᖏᑦ ᖁᕝᕙᕆᐊᕐᓗᑎᑦ ᒪᑭᒪᔾᔪᑎᒃᓴᖏᓪᓗ ᐊᖏᓪᓕᒋᐊᕐᓗᑎᑦ — ᐱᓕᕆᐊᑦ ᐃᑲᔪᕐᓂᖃᕐᓂᐊᖅᑐᑦ ᓇᖕᒥᓂᖁᑎᐅᔪᓂᒃ ᐱᕈᖅᐸᓪᓕᐊᓂᐊᖅᑐᓂᒃ ᐃᑲᔫᑎᖃᕐᓗᑎᓪᓗ ᑎᒍᓯᕙᓪᓕᐊᓗᑎᑦ ᐊᔾᔨᐅᖏᑦᑐᓂᑦ ᐅᓪᓗᒥᓕᓴᕐᓂᑦ ᐊᑐᕐᓗᑎᑦ, ᐱᓇᓱᐊᕐᓗᑎᓪᓗ ᓯᓚᕐᔪᐊᒥᓗ ᐊᑭᑦᑐᕋᐅᑎᒃᓴᐅᔪᓂᒃ (ᓲᕐᓗ ᓱᕈᖅᓴᐃᖏᑦᑐᓂᑦ ᐅᐊᔭᒨᖅᑐᓂᑦ ᐊᑐᕐᓗᑎᑦ; ᖃᕋᓴᐅᔭᕐᒨᖅᑲᐃᖃᑦᑕᕐᓗᑎᑦ, ᖃᕋᐅᓴᔭᒃᑯᓪᓗ ᑕᑯᒃᓴᐅᑎᑦᑎᓂᓴᖅᐅᖃᑦᑕᕐᓗᑎᑦ).
    • ᐊᕕᒃᑐᖅᓯᒪᔪᓂᒃ ᐊᔾᔨᐅᙱᑦᑐᓕᓗᑎᑦ ᓄᓇᒥᑦ ᐱᕈᖅᑐᓂᓪᓗ ᐱᕙᓪᓕᐊᓂᕐᒥᑦ — ᐱᓕᕆᐊᑦ ᓴᖅᑮᑲᓐᓂᕈᓐᓇᖅᑐᑦ, ᐱᕈᖅᐸᓪᓕᐊᑎᑦᑎᑲᓐᓂᕈᓐᓇᖅᑐᖅ ᐱᕙᓪᓕᐊᓗᑎᓪᓗ ᐃᓚᓕᐅᔾᔨᓗᑎᒃ (ᓲᕐᓗ ᐊᕐᓇᓂᑦ, ᐃᓅᓱᒃᑐᓂᒃ, ᓄᓇᖃᖅᑳᖅᑐᒥᓂᕐᓂᓪᓗ) ᐊᕕᒃᑐᖅᓯᒪᔪᓂᒃ ᖃᐅᔨᒪᖃᑦᑕᐅᑎᖃᑦᑕᕐᓗᑎᑦ ᐃᑲᔫᖅᑎᒌᓪᓗᑎᑦ ᐱᕈᖅᐸᓪᓕᐊᒐᓱᐊᕐᓂᖏᓐᓂ ᐊᔾᔨᐅᖏᑦᑐᓕᓇᓱᐊᕐᓂᖏᓐᓂᓪᓗ, ᓇᖕᒥᓂᖃᕐᓂᒧᓪᓗ ᐱᕙᓪᓕᐊᖏᓐᓇᕐᓗᑎᑦ, ᐊᑭᑦᑐᕋᐅᑎᒐᓱᐊᖃᑦᑕᕐᓗᑎᓪᓗ ᐊᓯᖏᓐᓄᑦ (SME).
    • ᓄᓇᖃᖅᑳᖅᑐᒥᓂᕐᓄᑦ ᐱᕙᓪᓕᐊᓂᐅᔪᑦ — ᐱᓕᕆᐊᓂᑦ ᐃᑲᔪᖅᑐᐃᔪᓂᒃ ᐱᖃᑕᐅᑎᑦᑎᑲᓐᓂᖅᑐᓂᓪᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᑐᕕᓃᑦ ᓄᓇᓕᖏᓐᓂ ᓇᖕᒥᓂᖃᖅᑎᐅᔪᓂᓪᓗ ᐱᕙᓪᓕᐊᑎᑦᑎᑲᓐᓂᕋᓱᐊᕐᓗᑎᑦ (ᓲᕐᓗᑐᑦ ᐳᓚᕋᑦᑐᓕᕆᓂᕐ, ᓱᕈᐃᖏᑦᑐᑦ ᐆᒻᒪᖅᑯᓯᐅᕐᓃᑦ, ᓄᓇᒥᐅᑕᓂᑦ ᐱᓕᕆᔩᑦ, ᐃᒡᓗᓕᐅᖅᑎᓕᕆᔩᑦ).
    • ᓇᖕᒥᓂᖃᖅᑎᐅᔪᑦ ᐱᕙᓪᓕᐊᓂᖏᑦ — ᐱᓕᕆᐊᒃᓴᐃᑦ ᐱᕙᓪᓕᐊᒍᓐᓇᖅᑐᑦ ᐱᕈᖅᐸᓪᓕᐊᓗᑎᓪᓗ ᓇᖕᒥᓂᖁᑎᐅᔪᓂᒃ (ᓲᕐᓗ ᐳᓚᕋᖅᑐᓕᕆᓂᕐᒥᑦ, ᓴᓇᙳᐊᕐᓂᕐᒥᑦ ᐱᖅᑯᓯᖏᓐᓂᓪᓗ, ᐃᖃᓗᓕᕆᓂᕐᒥᑦ, ᓂᕿᓕᕆᓂᕐᒥᓪᓗ) ᓄᓇᓕᖕᓂ ᐱᑕᖃᓕᕐᓂᖅᓴᐅᓕᖁᓪᓗᒋᑦ, ᐃᖅᑲᓇᐃᔮᖅᑕᖃᕐᓂᖅᓴᐅᓕᕐᓗᑎᓪᓗ, ᐊᒻᒪᓗ ᐊᑯᓂᒧᑦ ᐃᓅᑦᑎᐊᕈᑎᒃᓴᐅᒍᓐᓇᖅᑐᓂᒃ (ᓲᕐᓗᑐᑦ ᐅᐃᔾᔮᖅᑐᑐᑦ ᑮᓇᐅᔭᓕᕆᓂᖅᑎᑐᑦ) ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓂ.
  2. ᐃᓪᓗᖁᑎᓂᒃ ᐱᔪᓐᓇᕐᓗᑎᑦ ᐱᕙᓪᓕᐊᒍᓐᓇᕐᓗᑎᓪᓗ — ᐱᓕᕆᐊᑦ ᐊᓯᖏᓐᓂ ᐱᔪᓐᓇᕐᓗᑎᑦ ᓄᓇᓕᖕᓂ ᐊᕕᒃᑐᖅᓯᒪᔪᓂᓪᓗ ᐱᕙᓪᓕᐊᒍᓐᓇᕐᓗᑎᑦ ᐱᑕᖃᙱᓗᐊᖅᑐᓂᑦ ᓴᖅᑮᓇᓱᐊᕐᓗᑎᑦ, ᐊᒻᒪᓗ ᐃᑲᔪᖅᑐᐃᖃᑦᑕᐅᑎᓗᑎᑦ ᓱᕈᖅᓱᐃᖏᓪᓗᑎᑦ ᐅᐊᔭᒨᖅᑐᓂᒃ ᐱᒋᐊᕈᑎᖃᕈᓐᓇᕐᓗᑎᑦ.
  3. ᐃᑲᔫᑎᒃᓴᐅᔪᓂᒃ ᐱᕙᓪᓕᐊᓂᖅ — ᐱᓕᕆᐊᑦ ᐃᑲᔪᖅᑐᐃᔪᑦ ᐱᕙᓪᓕᐊᔪᓂᒃ ᐱᕈᖅᐸᓪᓕᐊᔪᓂᓪᓗ (SME) ᓱᓇᒃᑯᑖᕐᓂᑦ ᐊᑐᕐᓗᑎᑦ ᐋᖅᑭᒋᐊᕈᑎᔅᓴᐅᔪᓂᒃ, ᐊᒻᒪᓗ ᕿᒥᕐᕈᔪᓐᓇᖅᑐᓂᒃ ᐱᕙᓪᓕᐊᒍᓐᓇᖅᑐᓂᓪᓗ ᒪᑯᓂᖓ ᐅᔭᕋᕐᓂᐊᕕᒃᓴᕐᓂᑦ, ᐊᔾᔨᐅᖏᑦᑐᓂ ᐅᔭᕋᕐᓂᐊᕐᕕᒃᓴᐅᒍᓐᓇᖅᑐᓂᒃ ᓱᕈᒃᓴᐃᖏᑦᑐᓂᓪᓗ ᐅᐊᔭᒨᖅᑐᓂᒃ ᐊᔾᔨᐅᖏᑦᑐᓕᒍᓐᓇᕐᓗᑎᑦ.
  4. ᐱᓕᒻᒪᒃᓯᒪᔪᑦ ᐃᖅᑲᓇᐃᔭᕐᕖᑦ — ᐱᓕᕆᐊᓂᑦ ᐊᑐᐃᓐᓇᐅᓕᖅᑎᑦᑎᑲᓐᓂᕐᓗᑎᑦ ᐱᐅᔪᓂᓪᓗ ᐃᖅᑲᓇᐃᔮᒃᓴᓂᒐᓱᐊᖅᑐᓂᒃ ᐱᓕᒻᒪᒃᓴᐃᒍᓐᓇᕐᓗᑎᑦ ᐃᓕᓐᓂᐊᓂᒃᑯᑦ ᒪᓕᓪᓗᒋᑦ ᐃᖅᑲᓇᐃᔮᑦ ᐊᑐᐃᓐᓇᐅᔪᑦ, ᐃᑲᔪᖅᑐᖅᑕᐅᓗᑎᑦ ᐃᓕᓐᓂᐊᕈᑎᒃᓴᖏᓐᓂ, ᓱᓇᒃᑯᑖᑎᒍᑦ ᐃᓪᓗᑎᒍᓪᓗ.
  5. ᒪᑭᒪᔾᔪᑎᒃᓴᓂᑦ ᐅᑎᖅᑎᑦᑏᒍᓐᓇᕐᓗᑎᑦ ᐃᓂᓪᓚᐸᓪᓕᐊᒍᓐᓇᕐᓗᑎᓪᓗ — ᐱᓕᕆᐊᒃᓴᓂᒃ ᐃᑲᔪᖅᑐᐃᔪᓂᒃ ᓄᓇᓕᖕᓂᑦ, ᑮᓇᐅᔭᓕᐅᕋᓱᐊᑦᑎᐅᙱᑦᑐᓂᒃ ᑲᑐᔾᔨᖃᑎᒌᓐᓂᒃ ᐊᒻᒪᓗ ᐊᓯᖏᓐᓂ (SME) ᒪᑭᒪᔾᔪᑎᖃᒃᑲᓐᓂᕋᓱᐊᕐᓗᑎᑦ ᓇᖕᒥᓂᖁᑎᖏᓐᓄᑦ (ᓲᕐᓗ ᐳᓚᕋᖅᑐᓕᕆᓂᕐᒧᑦ).
  6. ᐳᓚᕋᑦᑐᓕᕆᓂᕐᓄᑦ ᐱᕈᕐᓂᖅ — ᐱᓕᕆᓃᑦ ᐃᑲᔪᖅᑐᑦ ᓄᓇᓕᖕᓂᒃ, ᒥᑭᑦᑐᓂᒃ ᐊᑯᓐᓂᖅᓱᖅᑐᓂᒡᓗ ᐱᓯᓇᓯᓂᒃ, ᑮᓇᐅᔭᓕᐅᕋᓱᖏᑦᑐᓂᒃ ᑎᒥᓂᒡᓗ ᓴᓇᓗᑎᒃ ᓄᓇᓕᖕᒥᐅᓂᑦ, ᓄᓇᓕᖕᒥᑦ ᐳᓚᕋᑦᑐᓕᕆᓂᕐᓄᑦ ᐱᓕᕆᓂᕐᓂᒃ ᖃᓄᐃᑦᑐᓂᒡᓗ.

ᑕᑯᓗᒋᑦ ᑐᒃᓯᕋᐅᑎᓄᑦ ᐊᑐᐊᒐᐃᑦ ᐆᒃᑑᑎᐅᔪᓂᒃ ᖃᓄᐃᑦᑐᓂᓪᓗ ᐱᓕᕆᐊᒃᓴᐅᔪᓂᒃ ᐱᔪᓐᓇᕋᔭᕐᒪᑕ ᐊᑐᓂ ᖁᓛᓂ ᓯᕗᓪᓕᖅᐸᐅᑎᒋᐊᓕᖕᓂᑦ ᒪᓕᒃᖢᒋᑦ.

ᑭᓯᐊᓂ ᐱᑎᑕᐅᔪᑦ ᐱᔪᒪᓯᒪᔪᑦ ᑐᒃᓯᕌᖏᓐᓂ ᑐᓂᓯᒍᓐᓇᖅᑐᑦ ᑐᒃᓯᕋᐅᑎᖏᓐᓂ ᓈᒪᔪᓂᒃ. ᐱᔪᒪᓯᒪᔪᑦ ᑐᓂᓯᔪᑦ ᒪᑐᕕᖓᓐᓂ ᑭᖑᕙᖅᓯᒪᔪᓂᒃ ᐃᓱᒪᖅᓴᖅᓯᐅᕈᑕᐅᒐᔭᖅᑐᑦ ᑭᓯᐊᓂ ᑮᓇᐅᔭᖅᑕᖃᖅᑲᑦ ᑭᓯᐊᓂ ᐱᔭᕇᖅᓯᒪᓕᕋᓗᐊᖅᑎᓪᓗᒋᑦ ᐱᒋᐊᖅᑳᖅᓯᒪᔭᖏᓐᓂ. ᐱᔪᒪᓯᒪᔪᓂᒃ ᕿᒥᕐᕈᒐᔭᖅᑐᑦ.

ᐊᐱᖅᑯᑎᒃᓴᖃᕈᔅᓯ ᑕᒪᑐᒪ ᒥᒃᔅᓴᓄᑦ EOI ᑲᒪᒋᔭᐅᓂᖏᓐᓂ, ᑎᑎᕋᖅᑕᐃᓕᓂᐊᙱᓚᑎᑦ ᖃᕋᓴᐅᔭᑦᑎᓐᓄᑦ ᑐᕌᕈᑎᑦᑎᓐᓄᑦ operations@cannor.gc.ca ᐊᓪᓚᕕᑦᑎᓄᓪᓘᓐᓃᑦ ᐅᖄᓚᐅᑎᒃᑯᑦ.

ᓄᓇᕗᒻᒥ ᐊᓪᓚᕝᕕᒃ
ᐃᖃᓗᐃᑦ, ᓄᓇᕗᑦ
ᐅᖄᓚᐅᑎᖓ: 867-975-3757

ᓄᓇᑦᓯᐊᒥ ᐊᓪᓚᕝᕕᒃ
ᔭᓗᓇᐃᕝ, ᓄᓇᑦᓯᐊᖅ
ᐅᖄᓚᐅᑎᖓ: 867-669-2608

ᔫᑳᓐᒥ ᐊᓪᓚᕝᕕᒃ
ᐅᐊᐃᑦᕼᐅᐊᔅ, ᔫᑳᓐ
ᐅᖄᓚᐅᑎᖓ: 867-667-3346

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas