ᐊᔪᕈᓐᓃᖅᓯᒪᓕᕈᓐᓇᖅᓂᖅ ᒐᕙᒪᒃᑯᓐᓄᑦ ᐃᖅᑲᓇᐃᔮᓄᑦ
ᑐᓴᐅᒪᔭᐅᔭᕆᐊᖃᖅᑐᑦ ᓄᓇᕗᒥᑦ ᐃᓄᖕᓄᑦ ᒫᓐᓇ ᐃᖅᑲᓇᐃᔭᙱᑦᑐᓄᑦ ᒐᕙᒪᑐᖃᒃᑯᓐᓄᑦ ᒪᑯᓂᖓ ᑕᒪᒃᑯᓄᖓ ᐊᔪᕈᓐᓃᖅᓴᕈᑎᒃᓴᓄᑦ ᐊᒻᒪ ᐃᓕᓐᓂᐊᕈᑎᒃᓴᐅᔪᓐᓇᖅᑐᓄᑦ.
ᑖᕙᑎ ᒪᒃᐃᒐᕐᒥᑦ
ᖃᓄᖅ ᐃᑲᔪᕈᓐᓇᕆᐊᒃᓴᑦᑎᓐᓂᒃ
ᐱᓕᒻᒪᒃᓴᐃᕕᒃ ᑐᑭᒧᐊᖅᑎᑦᑎᕙᒃᑐᖅ ᐃᖅᑲᓇᐃᔮᒃᓴᓂᒃ ᐃᓄᖕᓄᑦ ᐊᔪᕈᓐᓃᖅᓴᕈᑎᒃᓴᓂᒃ ᐊᒻᒪ ᐱᓕᕆᓕᒪᓂᖅᒥᒃ ᐱᓯᒪᔭᐅᔭᕆᐊᓕᖕᓂᒃ ᒐᕙᒪᒃᑯᓐᓂᒃ ᐃᖅᑲᓇᐃᔮᓄᑦ.
ᐅᑯᐊ ᖃᓄᐃᓕᐅᕈᑎᒃᓴᑦ ᐃᑲᔪᖅᑐᐃᔪᑦ ᑲᓇᑕᒥ ᒐᕙᒪᒃᑯᑦ ᐱᔭᕆᐊᖃᖅᑕᖏᓐᓂᒃ ᐋᖅᑭᒃᓱᐃᕙᓪᓕᐊᓂᖅᒥᒃ ᐊᒻᒪ ᐊᑐᓕᖅᑎᑦᑎᓂᖅᒥᒃ ᒐᕙᒪᓕᒫᒃᑯᑦ ᐃᖅᑲᓇᐃᔮᓄᑦ ᐊᔪᕈᓐᓃᖅᓴᐅᑎᒃᓴᓄᑦ ᐸᕐᓇᐅᑎᓂᒃ ᑕᒪᐃᓐᓄᓕᒫᖅ ᑲᑐᔾᔨᖃᑎᒌᓄᑦ ᓄᓇᕗᒥᒃ ᐅᓇ ᐃᓛᒃᑰᖅᑐᖅ 23 ᑎᑎᕋᖅᓯᒪᔭᖓᒍᑦ.
ᐃᖅᑲᓇᐃᔮᓄᑦ ᐊᔪᕈᓐᓃᖅᓴᕐᓂᖅ ᐱᔾᔪᑎᖃᖅᑐᖅ ᐊᔪᕈᓐᓃᖅᓴᖅᑎᑦᑎᓂᖅᒥᒃ ᐃᖅᑲᓇᐃᔭᙱᑦᑐᓂᒃ ᒐᕙᒪᑐᖃᒃᑯᓐᓄᑦ. ᐊᔪᕐᓇᙱᑦᑕᕌᖓᑦ, ᐅᓇ ᐊᔪᕈᓐᓃᖅᓴᖅᑎᑦᑎᓂᖅ ᐃᓱᒪᒋᔭᖃᕐᓂᒃᑰᖓᓇᓱᒃᐸᒃᑐᖅ ᐃᓄᖕᓄᑦ ᐱᔭᐅᓯᒪᔭᕆᐊᓕᖕᓄᑦ ᐃᓚᖃᖅᖢᓂ ᐃᓄᒃᑎᑐᑦ ᐃᓕᓐᓂᐊᕈᑎᓂᒃ ᐋᖅᑭᒃᓯᓯᒪᓪᓗᑎᒃ, ᐊᔪᕈᓐᓃᖅᓴᕈᑎᒃᓴᓂᒃ ᓄᓇᕗᒥᒃ ᐊᒻᒪᓗ ᐃᓱᒪᒋᓪᓗᒍ ᐃᓄᐃᑦ ᐃᓕᖅᑯᓯᖏᑦ ᐊᒻᒪ ᐃᓅᓯᖏᑦ ᐋᖅᑭᒃᓱᐃᓇᓱᒃᑎᓪᓗᒋᑦ ᖃᓄᐃᓕᖓᓂᒃᓴᖏᑦ ᐊᒻᒪ ᐊᑐᓕᖅᑎᑕᐅᓂᖏᑦ ᐃᖅᑲᓇᐃᔮᒃᓴᐅᔪᑦ ᑕᒪᕐᒥᒃ.
ᐃᖅᑲᓇᐃᔮᓂᒃ ᐊᔪᕈᓐᓃᖅᓴᖃᑦᑕᕐᓂᖅ ᒪᐅᓇ ᐃᓄᐃᑦ ᐊᔪᕈᓐᓃᖅᓴᖅᓂᖏᓄᑦ ᐊᒻᒪ ᐱᕙᓪᓕᐊᓂᖅᒧᑦ ᐱᓕᕆᐊᒃᓴᑎᒍᑦ
ᐅᓇ ᐃᓄᖕᓄᑦ ᐃᓕᓐᓂᐊᕐᓂᕐᒧᑦ ᐱᕙᓪᓕᐊᓂᕐᒧᓪᓗ ᐃᓕᓴᒍᑎᑦ ᐃᖅᑲᓇᐃᔮᒃᓴᒥᒃ ᐃᓕᓐᓂᐊᕐᓂᖅ ᐃᖏᕐᕋᓯᑎᑕᐅᓯᒪᔪᖅ ᑐᕌᕆᓪᓗᒋᑦ ᓄᓇᕗᑦ ᐃᓄᐃᑦ ᐱᕕᖃᕐᑎᑕᐅᓂᐊᕐᒪᑕ ᓴᓇᔪᓐᓇᖅᓯᓗᑎᒃ, ᖃᐅᔨᒪᓕᕐᓗᑎᒃ ᐊᒻᒪᓗ ᐊᔪᖏᑦᑎᐊᓂᕐᓗᑎᒃ ᒐᕙᒪᒃᑯᓂ ᐃᖅᑲᓇᐃᔭᖃᕆᐊᒃᓴᖅ.
ᒫᓐᓇ ᐋᕿᒃᑕᐅᓯᒪᔪᖅ: ᒪᑐᒪᔪᖅ
ᐱᓕᒻᒪᒃᓴᐃᕕᒃ ᒫᓐᓇ ᐱᓇᓱᒍᑎᓂᒃ ᐱᑲᑕᙱᑦᑐᑦ ᐆᒧᖓ ᐃᓄᐃᑦ ᐊᔪᕈᓐᓃᖅᓴᖅᓂᖏᓄᑦ ᐊᒻᒪ ᐱᕙᓪᓕᐊᓂᖅᒧᑦ ᐱᓕᕆᐊᒃᓴᓄᑦ.
ᐃᒪᓐᓇ ᐱᓕᕆᔭᐅᓲᑦ
ᐃᓄᖕᓄᑦ ᐃᓕᓐᓂᐊᕐᓂᕐᒧᑦ ᐱᕙᓪᓕᐊᓂᕐᒧᓪᓗ ᐃᓕᓴᒍᑎᑦ ᐅᓇ 16 ᑕᕿᓄᑦ ᐃᖏᕐᕋᓲᖅ ᐃᓕᓐᓂᐊᕈᑎ ᑎᓴᒪᐅᔪᑦ ᐃᖅᑲᓇᐃᔭᕐᕕᖕᓄᑦ ᐃᓂᖃᓚᐅᑲᓲᑦ ᐊᑯᓂᐅᑎᒋᔪᒥᒃ ᑎᓴᒪᓄᑦ (4) ᑕᕿᓄᑦ ᐊᑐᓂ. ᐅᓇ ᑐᑭᓕᐅᕈᑕᐅᓇᓱᐊᖅᐸᓪᓕᐊᔪᖅ ᐊᑐᓂ ᓴᓇᕕᖏᓐᓂ ᐃᓂᖃᖅᑎᑕᐅᑎᓪᓗᒋᑦ ᐱᔭᒃᓴᖏᓐᓂᒃ ᐱᓕᕆᑎᑕᐅᓗᑎᒃ ᐃᓚᐅᔪᑦ ᑖᒃᑯᓄᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᐅᓚᑦᓯᕕᖏᓐᓄᑦ ᐅᒡᕙᓘᓐᓃᑦ ᑎᒥᖁᑎᖏᓐᓄᑦ ᑖᒃᑯᐊ ᖃᐅᔨᓂᐊᕐᒪᑕ ᐃᒻᒥᒍᑦ ᐱᓕᕆᔪᒪᖕᒪᒑᑕ ᐅᒡᕙᓘᓐᓃᑦ ᑕᐃᑲᓂ ᐃᖅᑲᓇᐃᔮᕆᓗᒋᑦ ᐃᓕᓐᓂᐊᕐᓗᒋᑦ ᑐᑭᓕᐅᕈᑎᒋᕙᓪᓕᐊᓂᐊᕐᒪᑕ.
ᐃᖅᑲᓇᐃᔭᕐᕕᒋᓗᒋᑦ ᐃᓂᖃᕐᓗᑎᒃ ᑕᐃᑲᓂ ᐃᖃᓗᖕᓂ ᐊᑕᐅᓯᕐᓗ ᐃᖃᓗᒃᑑᑦᑎᐊᕐᒥ. ᐃᓚᐅᔪᑦ ᐅᖃᕈᓐᓇᖅᑐᑦ ᐱᔪᒪᔭᒥᖕᓂᒃ ᓴᓇᔪᒪᔪᑦ ᐃᖃᓗᒃᑑᑦᑎᐊᕐᒥ ᐱᕕᖃᕐᑎᑕᐅᖕᒥᔪᑦ ᓅᑦᑐᓐᓇᕐᓗᑎᒃ ᐊᕙᑖᓂ ᒪᕐᕉᒃ ᓄᓇᓖᒃ ᐱᔭᕆᐅᖅᓴᔭᕆᐊᖃᖅᑎᓪᓗᒋᑦ ᐊᒻᒪᓗ ᖃᓄᐃᓕᐅᕈᑕᐅᔪᑦ ᐱᔾᔪᑎᒋᓪᓗᒋᑦ. ᐃᓚᐅᔪᑦ ᓄᓇᓕᖕᓂ ᓯᓚᑖᓂᖔᖅᓯᒪᔪᑦ ᐃᖃᓗᖕᓂᑦ ᐅᒡᕙᓘᓐᓃᑦ ᐃᖃᓗᒃᑑᑦᑎᐊᕐᒥᑦ ᐃᓚᐅᔪᒪᔪᑦ ᐱᑎᑕᐅᔪᓐᓇᖅᑐᑦ ᓅᔾᔪᑎᖏᑦ ᐊᑭᓕᖅᑕᐅᓗᑎᒃ.
ᐅᑯᐊ ᐱᔾᔪᑎᒋᓪᓗᒋᑦ ᐃᓚᐅᔪᓐᓇᖅᑐᑎᑦ
- ᑮᓇᐅᔭᓕᐅᖃᑦᑕᓕᕐᓗᑎᑦ, ᑲᓇᑕᐅᑉ ᒐᕙᒪᒃᑯᑦ ᐃᒡᓗᖁᑎᖓᓂ ᐃᒡᓗᖃᕐᓗᑎᑦ, ᕼᐋᓚᑏᕈᓐᓇᕐᓗᑎᑦ, ᕼᐋᓚᑏᕈᑎᑎᑦ ᐊᑭᓕᖅᑕᐅᓗᑎᒃ (ᐃᓚᐅᔪᑦ ᐊᒻᒪᓗ ᖃᑕᖑᑎᖏᓐᓄᑦ) ᐊᒻᒪᓗ ᐅᑭᐅᖅᑕᖅᑐᖅ ᐊᑭᑐᓂᖓᓄᑦ ᐊᑭᓕᖅᑕᐅᔾᔪᑎᒋᑲᓐᓂᕐᓗᒍ.
- ᑖᒃᑯᓇᖓᑦ ᐊᔪᕈᓐᓃᖅᑎᑕᐅᓗᑎᑦ ᓴᓇᓂᕐᒥᒃ ᐃᓗᐊᓂ ᐊᔾᔨᒌᓐᖏᑦᑐᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐊᐅᓚᑦᓯᕕᖏᓐᓂ ᐊᒻᒪᓗ ᑎᒥᖁᑎᖏᓐᓂ ᓄᓇᕗᒻᒥ.
- ᖃᐅᔨᒪᑦᑎᐊᕐᓂᖅᓴᐅᓕᕐᓗᑎᑦ ᐃᖅᑲᓇᐃᔮᒃᓴᕐᓄᑦ ᐃᓕᓐᓂᐊᕈᓐᓇᖅᑕᑎᑦ ᒐᕙᒪᒃᑯᓂ.
- ᐊᓱᕈᓐᓇᕐᓗᒋᑦ ᐱᔭᕆᐅᖅᓴᑎᑦᑎᔾᔪᑎᑦ ᐊᒻᒪᓗ ᐃᓕᓐᓂᐊᕈᑎᑦ ᐊᐅᓪᓗᑎᔪᑦ ᓴᓇᔭᕆᐅᖅᓴᓂᕐᒧᑦ ᐱᕙᓪᓕᐊᑎᑦᑎᓂᖅ ᐊᒻᒪᓗ ᓴᓇᔪᓐᓇᖅᓯᓂᖅ ᑭᖕᖑᒪᒋᔭᐅᔪᓂᒃ ᒐᕙᒪᑐᖃᒃᑯᓂᑦ.
- ᐱᖃᑎᒋᔭᐅᓗᑎᑦ ᐃᓕᓐᓂᐊᖅᑎᑕᐅᕙᓪᓕᐊᑎᐊᕐᓗᑎᑦ ᑕᒫᓃᓐᓂᕐᓂ ᐱᓕᕆᑎᑦᑎᔾᔪᑎᒋᔭᑦᑎᓐᓂ ᐊᒻᒪᓗ ᐃᖅᑲᓇᐃᔮᖃᓯᓈᕐᓗᑎᑦ ᐃᓕᓐᓂᐊᕐᑎᑕᐅᕙᓪᓕᐊᓗᑎᑦ.
- ᐱᕕᖃᕐᑎᑕᐅᕗᑎᑦ ᐃᓕᔭᐅᓯᒪᓂᐊᕐᓗᑎᑦ ᐊᑎᕐᓂ ᓄᐊᑕᐅᔪᓂ ᐃᓱᒪᒋᔭᐅᓂᐊᖅᑐᓄᑦ ᐃᓱᓕᕕᖃᓲᓂ ᐊᒻᒪᓗ ᐊᑐᐃᓐᓇᖅᑐᓂ ᐃᖅᑲᓇᐃᔮᒃᓴᓄᑦ ᑲᓇᑕᐅᑉ ᒐᕙᒪᒃᑯᖏᓐᓂ.
ᐃᓚᐅᔪᑦ ᑕᒪᑐᒧᖓ ᐊᐅᓚᑦᓯᔩᑦ
ᐅᑯᐊ ᐊᑖᓂ ᑎᑎᕋᖅᓯᒪᔪᑦ ᐊᑎᖏᑦ ᐊᐅᓚᑦᓯᔩᑦ ᐊᒻᒪᓗ ᒐᕙᒪᑐᖃᒃᑯᑦ ᐃᓚᐅᕙᒃᑐᑦ:
- ᑲᓇᑕᐅᑉ ᐅᑭᐅᖅᑕᖅᑐᖏᓂ ᑮᓇᐅᔭᕐᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖓ
- ᐃᓄᓕᕆᔨᑐᖃᒃᑯᑦ ᑲᓇᑕ
- ᐃᖃᓇᐃᔭᖅᑐᓕᕆᔨᒃᑯᑦ ᐊᒻᒪᓗ ᐃᖅᑲᓇᐃᔭᖅᑎᓂᒃ ᐱᕙᓪᓕᐊᑎᑦᑎᓂᕐᒧᑦ ᑲᓇᑕ
- ᐱᔨᑦᑎᕋᐃᔩᑦ ᑲᓇᑕ
- ᐃᖃᓗᓕᕆᔨᒃᑯᑦ ᐊᒻᒪᓗ ᐃᒪᕐᒥᐅᑕᓕᕆᔨᒃᑯᑦ ᑲᓇᑕ ᐊᒻᒪᓗ ᑲᓇᑕ ᐱᓐᖏᓇᖅᑐᓕᕆᔨᒃᑯᑦ ᐅᒥᐊᕐᔪᐊᑦ
- ᐳᓖᓯᒃᑯᑦ
- ᓄᓇᒥᐅᑕᓕᕆᔨᒃᑯᑦ ᑲᓇᑕ
- ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᑎᕙᓪᓕᐊᓂᖓ ᑲᓇᑕ
- ᒥᕐᖑᐃᖅᓯᕕᓕᕆᔨᒃᑯᑦ ᑲᓇᑕ
- ᒐᕙᒪᒃᑯᑦ ᐱᔨᑦᑎᕋᖅᑎᖏᑦ ᐊᒻᒪᓗ ᓴᓇᔪᓕᕆᔨᒃᑯᑦ ᑲᓇᑕ
- ᐃᖃᖅᑐᐃᔪᓕᕆᔨᒃᑯᑦ ᑲᓇᑕ
- ᐅᑭᐅᖅᑕᖅᑐᒥ ᖃᐅᔨᒪᓂᖅ ᑲᓇᑕ
ᖃᐅᔨᓴᕐᓂᖅ ᖃᓄᖅ ᐃᖅᑲᓇᐃᔮᒃᓴᓂᒃ ᐱᑖᖅᑎᑦᑎᕙᓪᓕᐊᖃᑦᑕᕐᒪᖔᑦ
ᐱᔪᒪᒍᕕᑦ ᓇᓗᓇᐃᔭᖅᓯᒪᑦᑎᐊᖅᑐᒥᓐ ᖃᓄᐃᓕᐅᖅᐸᓪᓕᐊᒍᑎᒥᑦ ᐃᖅᑲᓇᐃᔮᖅᑖᕋᓱᑎᒃ ᒐᕙᒪᑐᖃᒃᑯᑦ ᐃᖅᑲᓇᐃᔮᖏᓐᓄᑦ:
ᐃᖅᑲᓇᐃᔮᒥᒃ ᓇᓂᓯᓂᖅ
ᑲᓇᑕᒥ ᒐᕙᒪᒃᑯᑦ ᐃᖅᑲᓇᐃᔮᒃᓴᖏᑦ ᓴᖅᑭᔮᖅᑎᑕᐅᔪᑦ ᑲᓇᑕᒥ ᒐᕙᒪᒃᑯᑦ ᐃᖅᑲᓇᐃᔮᖏᓐᓄᑦ ᖃᕋᓴᐅᔭᒃᑯᑦ ᓴᖅᑭᔮᒐᖓᓂᒃ. ᐅᓇ ᖃᕋᓴᐅᔭᒃᑯᑦ ᓴᖅᑭᔮᒐᖅ ᑐᙵᕕᐅᔪᖅ ᐱᓕᕆᕝᕕᐅᔪᓄᑦ ᐊᒻᒪ ᐱᓕᕆᔨᒋᔭᐅᔪᓄᑦ ᑲᓇᑕᓕᒫᒥᑦ ᐃᖅᑲᓇᐃᔮᒃᓴᓂᒃ ᒪᓂᓴᕈᑎᐅᓪᓗᓂ ᑭᒃᑯᓕᒫᓄᑦ.
ᐃᖅᑲᓇᐃᔮᒃᓴᓂᒃ ᕿᓂᓕᕌᖓᕕᑦ, ᐋᖅᑭᒃᓱᕈᓐᓇᖅᑕᑎᑦ ᕿᓂᕐᕕᒋᔭᓂᑦ ᐃᒪᓐᓇ ᓇᓃ ᐃᖅᑲᓇᐃᔭᕈᒪᖕᒪᖔᑦ, ᖃᓄᐃᑦᑐᒥᒃ ᐃᖅᑲᓇᐃᔮᖃᕈᒪᖕᒪᖔᑦ, ᐱᓕᕆᕝᕕᐅᔪᑦ ᐊᒻᒪ ᐱᓕᕆᑎᑕᐅᔪᑦ ᐊᒻᒪ ᓇᓗᓇᐃᒃᑯᑎᖏᑦᑎᒍᑦ.
ᑲᓇᑕᒥ ᒐᕙᒪᒃᑯᓐᓄᑦ ᐃᖅᑲᓇᐃᔮᒥᑦ ᕿᓂᕈᒪᒍᕕᑦ:
ᐃᖅᑲᓇᐃᔮᒃᓴᐃᑦ ᒪᓂᓴᐅᑎᐅᖃᑦᑕᕐᓂᖅᓴᐅᔪᑦ ᑐᓴᐅᒪᔾᔪᑎᓕᕆᔨᑎᒍᑦ. ᒪᑯᐊ ᐅᐸᒍᑎᐅᕙᒃᑐ ᒪᓕᒃᐸᒡᓗᒋᑦ ᐅᑯᑎᑐᓇᖅ GovCan – North ᐊᒻᒪ GCJobs ᕙᐃᔅᐳᒃᑯᑦ ᐊᒻᒪ ᑐᕕᑐ ᓄᑖᖑᓛᓂ ᐃᖅᑲᓇᐃᔮᒃᓴᓂ ᓄᓇᕗᒥᑦ ᑕᑯᓇᓱᒡᓗᑦ.
ᐋᖅᑭᒃᓱᐃᓂᖅ ᑲᓇᑕᒥ ᒐᕙᒪᒃᑯᓐᓄᑦ ᐃᖅᑲᓇᐃᔮᒃᓴᓄᑦ ᐊᑎᖃᖅᑐᓂᒃ
ᐱᓇᓱᒍᒪᒍᕕᑦ ᒐᕙᒪᒃᑯᑦ ᐃᖅᑲᓇᐃᔮᒃᓴᖏᓐᓄᑦ ᖃᕋᓴᐅᔭᒃᑯᑦ ᐱᖃᕆᐊᖃᕋᕕᑦ ᑲᓇᑕᒥ ᒐᕙᒪᒃᑯᓐᓄᑦ ᐃᖅᑲᓇᐃᔮᒃᓴᓄᑦ ᐊᑎᖃᕐᓗᑎᑦ.
ᖃᕋᓴᐅᔭᒃᑰᙱᑦᑐᖅ ᐱᓇᓱᒍᒪᒍᕕᑦ ᐅᖃᖃᑎᖃᕐᓗᑎᒃ ᐅᖃᖅᕕᐅᔪᓐᓇᖅᑐᓂᒃ ᓇᓗᓇᐃᖅᑕᐅᓯᒪᔪᓂᒃ ᐃᖅᑲᓇᐃᔮᒃᓴᓄᑦ ᓇᓗᓇᐃᔭᖅᓯᒪᔪᓂᒃ ᐊᑭᓐᓇᖅᒥᐅᑕᓂᒃ ᐅᕝᕙᓘᓐᓃᑦ ᑐᓴᐅᒪᔾᔪᑎᓕᕆᓂᒃᑯ.
ᖃᕋᓴᐅᔭᒃᑯᑦ ᐱᓇᓱᒡᓗᓂ
ᖃᕋᓴᐅᔭᒃᑯᑦ ᐃᖅᑲᓇᐃᔮᒃᓴᒥ ᐱᓇᓱᒃᑯᕕᑦ ᓇᓗᓇᐃᖅᓯᔭᕆᐊᖃᕐᓂᐊᖅᑐᑎᑦ ᐃᖅᑲᓇᐃᔮᒥᒃ ᐱᓕᕆᐊᕆᔪᒪᔭᕐᓂᒃ.
ᑕᐃᒪᓕ ᐱᓕᕆᑎᑕᐅᓕᕋᔭᖅᑐᑎᑦ ᓄᑖᙳᕆᐊᖅᓗᒋᑦ ᐊᔪᙱᓐᓂᐅᔭᕆᐊᖃᖅᑐᑦ ᐅᑯᓂᖓ ᐃᓚᖃᕐᓗᑎᒃ:
ᐃᖅᑲᓇᐃᔭᖅᑎᒥᒃ ᑐᓴᐅᒪᔾᔪᑎ
ᑎᑎᕋᖅᓗᒍ ᒫᓐᓇ ᐃᖅᑲᓇᐃᔮᕆᔭᐃᑦ ᐃᖅᑲᓇᐃᔭᙱᒃᑯᕕᓪᓘᓐᓃᑦ.
ᐃᖅᑲᓇᐃᔮᖅᑖᕋᓲᑎᒧᑦ ᓇᓗᓇᐃᔭᖅᓯᒪᔪᑦ
ᐃᖅᑲᓇᐃᔮᖅᑖᕋᓲᑎᒧᑦ ᓇᓗᓇᐃᔭᖅᓯᒪᔪᑦ ᐃᓕᐅᖃᓚᐅᕐᓗᒋᑦ ᑲᓇᑕᒥ ᒐᕙᒪᒃᑯᓐᓄᑦ ᐃᖅᑲᓇᐃᔮᒃᓴᓄᑦ, ᑕᐃᒪᓕ ᓄᑖᙳᕆᐊᖅᑎᑦᑐᓐᓇᖅᑕᐃᑦ ᐃᖅᑲᓇᐃᔮᖅᑖᕋᓲᑎᑦ ᑕᒪᐃᓐᓄᑦ ᓄᑖᓄᑦ ᐃᖅᑲᓇᐃᔮᖅᑖᕆᓇᓱᒃᑕᕐᓄᑦ.
ᖃᐅᔨᑎᑕᐅᔪᒪᒍᕕᑦ ᖃᓄᖅ ᐃᖅᑲᓇᐃᔮᖅᑖᕋᓲᑏᑦ ᑎᑎᕋᕈᓐᓇᕆᐊᒃᓴᐃᑦ:
ᐱᓇᓱᖕᓂᕐᒧᑦ ᑎᑎᖃᑦ
ᐃᒪᓐᓇᓕ ᐃᓱᒪᓕᐅᕆᓇᓱᒃᖢᑕ ᑎᑎᕋᖃᑦᑕᕐᓗᑎᑦ ᐱᓇᓱᖕᓂᖅᓄᑦ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᒋᔭᐅᓂᐊᖅᑐᒥᓐ.
ᖃᐅᔨᑎᑕᐅᔪᒪᒍᕕᑦ ᖃᓄᖅ ᑎᑎᕋᕆᐊᒃᓴᖅ ᒐᕙᒪᒃᑯᓐᓄᑦ ᐃᖅᑲᓇᐃᔮᖅᑖᕋᓱᖕᓂᕐᓄᑦ:
ᖃᐅᔨᔭᐅᒃᑲᓐᓂᕋᓱᒡᓗᓂ ᐊᐱᖅᑯᑎᒃᓴᑦ
ᖃᐅᔨᔭᐅᒃᑲᓐᓂᕋᓱᒡᓗᓂ ᐊᐱᖅᑯᑎᒃᓴᑦ ᐃᓕᖕᓂᒃ ᓇᓗᓇᐃᔭᐃᒃᑲᓐᓂᕈᑎᐅᔪᑦ ᖃᓄᖅ ᑕᒪᒃᑯᓂᖓ ᐊᔪᕈᓐᓃᖅᓯᒪᓂᖕᓂᒃ ᐊᒻᒪᓗ ᐃᑲᔪᕈᑎᐅᓇᔭᖅᑐᓂᒃ ᓇᓗᓇᐃᖅᓯᒪᔪᓂᒃ ᐃᖅᑲᓇᐃᔮᒃᓴᖅᑖᕈᑎᒥᑦ.
ᑭᐅᔾᔪᑎᒋᔭᑎᒃ ᐃᓚᖃᖅᑎᑉᐸᒡᓗᒋᑦ ᖃᖓᒃᑯᑦ, ᖃᓄᕐᓗᑦ ᐊᒻᒪ ᓇᓂ ᐊᔪᕈᓐᓃᖅᓯᒪᓂᕐᓂᒃ.
ᐋᒃᑳᕈᕕᑦ ᓇᓕᐊᓐᓂᒃ ᐱᔭᐅᓯᒪᔭᕆᐊᓕᖕᓂᒃ ᐊᔪᙱᔾᔪᑎᐅᔪᒧᑦ, ᑕᐃᒪᓕ ᖃᐅᔨᔭᐅᒃᑲᓐᓂᕋᓱᒍᓐᓃᕋᔭᖅᑐᑎᑦ.
ᐃᖅᑲᓇᐃᔭᖅᕕᒃ ᓇᓃᓐᓂᖏᑦ
ᖃᐅᔨᒋᐊᖅᓗᑎᑦ ᐃᖅᑲᓇᐃᔭᖅᕕᐅᔪᖅ ᐱᓕᕆᕝᕕᒋᔪᒪᒐᔭᕐᒪᖔᑦ.
ᓇᓗᓇᐃᔭᕈᑎᐅᔪᑦ
ᓇᓗᓇᐃᔭᕈᑎᐅᔪᑦ ᐅᑯᓄᖔᖓᔪᑦ ᖃᓄᐃᑦᑑᓂᖓᓄᑦ ᐊᒻᒪ ᖁᕝᕙᓯᖕᓂᖓ ᐃᖅᑲᓇᐃᔮᒃᓴᐅᑉ. ᓲᕐᓗ ᐃᒪᓐᓇ, ᐊᐅᓚᑦᑎᓂᖅᒥᒃ ᐃᖅᑲᓇᐃᔮᖑᕙᒃᑐᑦ ᓇᓗᓇᐃᖅᑕᐅᓯᒪᓂᖅᓴᐅᔪᑦ ᐃᒪᓐᓇ "ᐊᐅᓚᑦᑎᓂᖅᒧᑦ ᐱᔨᑦᑎᕋᐅᑎᑦ" (AS). ᐊᐅᓚᑦᑎᓂᕐᒥᒃ ᐱᒋᐊᓕᓵᖅᓯᒪᓂᑰᒍᕕᑦ, ᐃᖅᑲᓇᐃᔮᕆᔭᕐᓄᑦ ᓇᓗᓇᐃᒃᑯᑎᖃᕋᔭᖅᑐᑦ ᐃᒪᓐ "AS-02" (ᐊᐅᓚᑦᑎᓂᕐᒧᑦ ᐱᔨᑦᑎᕋᐅᑎᑦ, ᓇᓗᓇᐃᒃᑯᑎ 2). ᐅᓇ ᓴᖅᑭᑎᑦᑎᓯᒪᔪᖅ ᐱᓕᕆᖃᑎᒋᔭᕐᓂᒃ ᐊᒻᒪ ᓇᓃᓐᓂᔅᓯᓐᓂᒃ, ᑖᓐᓇᓗ ᐊᑭᓕᖅᓱᖅᑕᐅᓂᕐᓄᑦ ᒪᓕᒃᖢᓂ ᐊᒻᒪ ᐃᖅᑲᓇᐃᔮᕐᓄᑦ ᓇᓗᓇᐃᕐᓯᒪᓂᖓᓄᑦ.
ᒫᓂᓕ ᑎᑎᕋᖅᓯᒪᔪᓂᒃ, ᑎᑎᕋᕐᓗᑎᑦ ᓇᓕᐊᓐᓂᒃ ᓇᓗᓇᐃᒃᑯᑎᓕᖕᒥᑦ ᐱᓇᓱᒋᐊᒃᓴᕐᓂᒃ.
ᐃᓕᓐᓂᐊᕐᓂᓕᕆᓂᖅ
ᑕᒪᕐᒥᒃ ᑲᓇᑕᒥ ᒐᕙᒪᒃᑯᓐᓄᑦ ᐃᖅᑲᓇᐃᔮᒃᓴᑦ ᐃᓕᓐᓂᐊᖅᓯᒪᓂᖃᕐᓗᑎᒃ ᒥᑭᓛᖑᑎᑕᐅᔪᒥᒃ ᐅᖓᑖᓄᑦ. ᐅᓇ ᐃᓕᓐᓂᐊᖅᓯᒪᓂᐅᔭᕆᐊᓕᒃ ᐊᔾᔨᒌᙱᑦᑐᖅ ᐃᖅᑲᓇᐃᔮᒃᓴᐃᑦ ᖃᓄᐃᑦᑑᓂᖏᓐᓄᑦ ᒪᓕᒃᖢᑎᒃ ᐊᔾᔨᒌᙱᑦᑑᑎᓂᒃ ᐊᒃᑐᐃᒍᑎᐅᓇᔭᖅᑐᓂᒃ ᐃᖅᑲᓇᐃᔮᒧᑦ ᐊᒻᒪᓗ ᐊᔪᙱᓐᓂᕆᔭᐅᔪᓄᑦ ᐊᒻᒪ ᖃᐅᔨᒪᓂᕆᔭᐅᔪᓄᑦ ᐱᓕᕆᐊᖃᕈᓐᓇᕐᓂᐊᕐᓂᖅᒧᑦ. ᐃᓚᖏᓐᓂᓪᓕ, ᐃᖅᑲᓇᐃᔭᖅᑎᑦᑎᔨᐅᔪᑦ ᐊᖏᕈᓐᓇᖅᑐᑦ ᒪᑯᓂᖓ ᐱᓯᒪᑐᐊᕈᑎᒃ ᐊᓯᖏᓐᓂᒃ ᐱᓕᕆᓕᒪᓂᕐᒥᒃ (ᓲᕐᓗ ᐊᔪᕈᓐᓃᖅᓴᖅᓯᒪᓂᒃᑯᑦ, ᐃᓕᓐᓂᐊᖅᓯᒪᓂᒃᑯᑦ, ᐃᓅᓯᒃᑯᑦ ᐊᑐᖅᓯᒪᓂᕐᒧᑦ) ᒪᑯᓂᖓ ᐃᓕᓐᓂᐊᖅᓯᒪᓂᕐᒥᒃ ᐱᔪᒪᙱᓐᓂᕐᓴᐅᓗᑎᒃ.
ᐃᖅᑲᓇᐃᔮᒃᓴᓂᒃ ᕿᓂᓕᕌᖓᔅᓯ ᖃᐅᔨᒋᐊᖅᐸᒡᓗᒍ ᐃᓕᓐᓂᐊᖅᓯᒪᓂᐅᔭᕆᐊᓕᒃ ᐃᖅᑲᓇᐃᔮᒃᓴᒧᑦ ᒪᓂᓴᐅᑎᒥᓐ. ᐱᓇᓱᒍᑎᖕᓂᒃ, ᐊᐱᕆᔭᐅᓂᐊᖅᑐᑎᑦ ᓇᓗᓇᐃᖅᓯᔪᓐᓇᕆᐊᒃᓴᕐᓂᒃ ᐃᓕᓐᓂᐊᖅᓯᒪᓂᕐᒧᑦ ᑎᑭᐅᑎᓯᒪᓂᕐᓂᒃ.
ᐃᓚᖏᑦ 1/3 ᒐᕙᒪᑐᖃᒃᑯᑦ ᐃᖅᑲᓇᐃᔮᒃᓴᖏᑦ ᓄᓇᕗᒥᑦ ᐃᓕᓐᓂᐊᒃᑲᓐᓂᖅᓯᒪᓂᖃᕆᐊᖃᕐᒪᑕ. ᐅᓄᕐᑐᐃᑦ ᑲᓇᑕᒥ ᒐᕙᒪᒃᑯᑦ ᐃᖅᑲᓇᐃᔮᒃᓴᖏᑦ ᓄᓇᕗᒥᑦ ᐃᓕᓐᓂᐊᒃᑲᓐᓂᖅᓯᒪᓂᖃᕆᐊᖃᕐᒪᑕ, ᐱᓗᐊᖅᑐᒥᓐ ᐱᓕᕆᔾᔪᑎᓕᕆᓂᕐᒧᑦ ᐃᖅᑲᓇᐃᔮᓂᒃ ᒪᑯᑎᑐᓇᖅ ᖃᐅᔨᓴᖅᑐᓕᕆᓂᒃᑯᑦ, ᒪᓕᒐᓕᕆᓂᒃᑯᑦ ᐊᒻᒪᓗ ᐆᒪᔪᓕᕆᓂᕐᒧᑦ.
ᐱᓕᒻᒪᒃᓴᐃᕕᒃ ᐱᓕᕆᖃᑎᖃᖃᑦᑕᖅᑐᑦ ᐊᐅᓚᑦᑎᔨᓂᒃ ᐃᖅᑲᓇᐃᔮᖅᑎᑦᑎᓂᕐᒧᑦ ᐊᒻᒪᓗ ᐃᖅᑲᓇᐃᔮᒃᓴᓕᕆᔨᓂᒃ ᑕᒪᒃᑯᐊ ᐊᓯᖔᖏᑦ ᐱᓕᕆᓕᒪᓂᐅᔪᑦ, ᐊᔪᕈᓐᓃᖅᓴᕈᑎᐅᔪᑦ ᐊᒻᒪ ᐃᓕᓐᓂᐊᕈᑎᕕᓂᐅᔪᑦ ᐃᓱᒪᒋᔭᐅᖃᑕᐅᔪᓐᓇᕐᓗᑎᒃ ᐃᖅᑲᓇᐃᔮᖅᑖᕋᓱᒃᑐᖃᓕᕌᖓᒃ ᒐᕙᒪᑐᖃᒃᑯᓐᓂᒃ.
ᐱᓇᓱᕌᖓᕕᑦ ᒐᕙᒪᒃᑯᑦ ᐃᖅᑲᓇᐃᔮᒃᓴᖏᓐᓂᒃ, ᖃᐅᔨᒋᐊᕈᓐᓇᖅᑐᑎᑦ ᐱᓕᒻᒪᒃᓴᐃᕕᒃᑯᓐᓄᑦ ᐃᑲᔪᖅᑕᐅᔪᓐᓇᕆᐊᒃᓴᐃᑦ ᐃᓕᓐᓂᐊᕐᓂᐅᔭᕆᐊᓕᖕᓂ ᑐᑭᓯᐅᒪᙱᓗᐊᕈᕕᒃ ᐊᒻᒪᓗ ᐱᓕᕆᐊᕆᓯᒪᔭᑎᒃ ᖃᓄᖅ ᐱᓇᓱᒍᑎᓄᑦ ᐃᓕᔪᓐᓇᖅᒪᖔᒋᑦ.
ᖃᐅᔨᒋᐊᒃᑲᓐᓂᕈᓐᓇᖅᑐᑎᑦ ᐊᔪᙱᓐᓂᖅᒨᖓᔪᓂᒃ ᒪᓕᒃᑕᐅᕙᒃᑐᓂᒃ:
ᐅᖃᐅᓰᑦ
ᓇᓗᓇᐃᕐᓗᒋᑦ ᐅᖃᐅᓯᖅᑎᑦ ᒪᐅᓇ ᐅᖃᓪᓚᖃᑦᑕᕐᓂᒃᑯᑦ, ᐅᖃᓕᒫᖃᑦᑕᕐᓂᒃᑯᑦ ᐊᒻᒪ ᑎᑎᕋᖃᑦᑕᕐᓂᒃᑯᑦ ᐊᑐᓃᖓᓗᒋᑦ.
ᐃᖅᑲᓇᐃᔮᒧᑦ ᓇᓗᓇᐃᕐᓂᖅ
ᐃᓅᒍᕕᑦ ᐊᒻᒪ ᐊᑎᖃᖃᑕᐅᓗᑎᑦ ᐅᕘᓇ ᓄᓇᕗᒧᑦ ᐊᖏᕈᑎᒃᑯᑦ, ᑕᐃᒪᓕ ᐃᓕᖕᓂᒃ ᓇᓗᓇᐃᖅᓯᒪᔭᕆᐊᖃᖅᐳᑎᑦ ᐅᕘᓇ.
ᓄᓇᕗᒥᑦ ᐃᓄᐃᑦ ᐊᑎᓕᖅᑕᐅᓯᒪᔪᑦ ᐅᕘᓇ ᓄᓇᕗᒧᑦ ᐊᖏᕈᑎᒃᑯᑦ, ᐊᒻᒪ ᐊᔪᙱᓪᓗᑎᒃ ᐃᓱᒪᒋᔭᐅᖅᑳᕐᓂᐊᖅᑐᑦ ᐊᓯᖏᓐᓂᒃ ᐱᓇᓱᒃᑐᓂᒃ.
ᐊᓂᒍᐃᓂᖅ ᖃᐅᔨᓴᖅᑕᐅᓂᖅ
ᖃᐅᔨᔭᐅᒍᕕᑦ ᐃᖅᑲᓇᐃᔮᒧᑦ ᐱᓇᓱᖃᑕᐅᓗᑎᒃ ᓈᒻᒪᒋᔭᐅᓗᑎᓪᓗ, ᑭᖑᓪᓕᕐᓕ ᖃᐅᔨᓴᕐᓂᐅᓇᔭᕐᑐᖅ, ᐃᒪᓐᓇᐅᑐᐃᓐᓇᕆᐊᖃᖅᖢᓂ ᑎᑎᖃᑎᒍᑦ ᖃᐅᔨᓴᖅᑕᐅᓂᒃᑯᑦ, ᐊᐱᖅᓱᖅᑕᐅᓂᒃᑯᑦ ᐊᒻᒪᓗ ᖃᐅᔨᒋᐊᖅᕕᐅᔪᓐᓇᖅᑐᑦ ᖃᐅᔨᒋᐊᖅᕕᐅᓗᑎᒃ.
ᑎᑎᖃᑎᒍᑦ ᖃᐅᔨᓴᕈᑎᐅᔪᑦ ᐋᖅᑭᒃᑕᐅᕙᒃᑐᑦ ᐃᖅᑲᓇᐃᔮᖅᑖᖅᑎᑦᑎᓂᖅᒧᑦ ᐊᐅᓚᑦᑎᔨᒧᑦ ᐊᒻᒪᓗ ᐃᖅᑲᓇᐃᔮᒃᓴᓕᕆᔨᓄᑦ ᐊᒻᒪᓗ ᖃᐅᔨᓴᖅᐸᒃᖢᑎᒃ ᑕᒪᑯᒧᖔᖅᑐᓂᒃ ᐱᓕᕆᓕᒪᓂᐅᔪᓂᒃ, ᐊᔪᙱᓐᓂᐅᔪᓂᒃ ᐊᒻᒪ ᖃᐅᔨᒪᓂᕐᒥᒃ.
ᐊᐱᖅᓱᖃᑦᑕᖅᑐ ᐱᖓᓲᓪᓗᑎᒃ ᐃᓄᐃᑦ ᑕᕝᕙᙵᑦ ᐱᓕᕆᕝᕕᐅᔪᒥᒃ. ᐊᐱᕆᔭᐅᓇᔭᖅᑐᑎᑦ ᐊᔪᙱᓐᓂᕆᔭᕐᓂᒃ, ᐊᒻᒪᓗ ᑭᐅᔾᔪᑎᒋᕙᒃᑕᑎ ᓇᓗᓇᐃᒃᑯᑦᑎᖅᓱᖅᑕᐅᓗᑎᒃ.
ᐱᔪᒪᕝᕕᐅᓇᔭᖅᑐᑎᑦ ᐅᓄᕈᓘᔭᖅᑐᓂᒃ ᐃᖅᑲᓇᐃᔮᕕᓂᕐᓄᑦ ᖃᐅᔨᒪᔪᓂᒃ. ᑎᑎᕋᖅᓯᒪᓗᖏᑦ ᐱᖓᓱᑦ ᐃᓄᐃᑦ ᐊᑎᖏᑦ ᖃᐅᔨᒋᐊᖅᕕᐅᔪᓐᓇᖅᑐᑦ ᓲᕐᓗ ᑲᒪᔨᕕᓂᑎᑦ, ᐃᖅᑲᓇᐃᔭᖃᑎᕕᓂᑎᑦ ᐅᕝᕙᓘᓐᓃᑦ ᐃᓅᖃᑎᖕᓂᒃ ᐊᔪᙱᖃᑎᒋᔭᕐᓂᒃ.
ᐃᑲᔪᕈᑎ: ᓇᓗᓇᐃᔭᕈᑎᖃᕐᓗᑎᑦ ᐃᖅᑲᓇᐃᔮᒨᖓᙱᑦᑐᓄᑦ ᐊᔪᙱᑕᕐᓂᒃ, ᖃᐅᔨᒪᔭᕐᓂᒃ ᐊᒻᒪ ᐱᓕᕆᐊᕆᓕᒪᔭᕐᓂᒃ
ᓇᓗᓇᐃᒃᑯᑎᓕᐅᓕᕌᖓᕕᒃ ᐊᔪᙱᓐᓂᕆᔭᕐᓂᒃ, ᖃᐅᔨᒪᓂᕆᔭᕐᓂᒃ ᐊᒻᒪᓗ ᐱᓕᕆᓕᒪᓂᕐᓂᒃ ᖃᐅᔨᓴᖅᑕᐅᑎᓪᓗᑎᑦ ᐅᕝᕙᓘᓐᓃᑦ ᐊᐱᖅᓱᖅᑕᐅᑎᓪᓗᑎᒃ, ᑕᐃᒪᓕ ᓂᕆᐅᒋᔭᐅᕗᑎᑦ ᐅᖃᓪᓚᖁᔭᐅᓪᓗᑎᑦ ᐃᖅᑲᓇᐃᔭᕆᓚᐅᕐᓯᒪᔭᒃᑯᑦ ᐱᓕᕆᐊᕆᓕᒪᔭᕐᓂᒃ. ᑭᓯᐊᓂᓕ, ᓇᓗᓇᐃᕐᓯᔪᓐᓇᖅᖢᑎ ᒪᑯᓂᖓ ᐃᑲᔪᖃᑦᑕᓂᕐᒧᑦ ᐅᕝᕙᓘᓐᓃᑦ ᓄᓇᐃᓐᓇᕐᒥ ᐊᓯᖏᓐᓂᒡᓘᓐᓃᑦ ᐊᑐᖅᓯᒪᔭᑎᑦ. ᑐᑭᓯᒋᐊᖅᑎᑦᑎᓯᒪᓗᑎᑦ ᖃᓄᖅ ᑕᒪᒃᑯᐊᒃ ᐊᒃᑐᐃᓂᖃᕐᒪᖔᖏᑦ ᐊᐱᖁᑎᒋᔭᐅᔪᒧᑦ.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: