ᐅᕙᒍᑦ ᒥᒃᓵᓄᑦ

ᐱᓕᕆᖃᑎᒋᔭᐅᔪᑦ

ᐊᑐᓕᖅᑎᓪᓗᒍ ᓄᓇᕗᒧᑦ ᐊᖏᕈᑎ, ᐱᓕᒻᒪᒃᓴᐃᕕᒃ ᐊᒻᒪᓗ ᑲᓇᑕᐅᑉ ᒐᕙᒪᖓ ᐱᓕᕆᖃᑎᖃᖃᑦᑕᖅᑐᑦ ᓄᓇᖃᖅᑳᖅᑐᓂᒃ.

ᐅᑯᐊ ᐱᔾᔪᑎᒋᓪᓗᒋᑦ ᓄᓇᖃᖅᑳᖅᑐᑦ ᐊᓪᓚᐃᑦ ᓄᓇᖃᕐᓂᖅᒧᑦ ᐱᔪᓐᓇᐅᑎᖏᑦ ᐊᒻᒪ ᐊᓪᓚᐃᑦ ᓄᓇᑖᕋᓱᖕᓂᖅᒧᑦ ᐋᔩᕈᑎᒋᔭᖏᑦ, ᓄᓇᕗᑦ ᑐᙵᕕᒃᑯᑦ (NTI) ᐃᓄᖕᓂᑦ ᓄᓇᕗᒥᑦ ᑭᒡᒐᖅᑐᐃᔨᐅᔪᑦ ᒪᓕᒐᖅᑎᒍᑦ. ᓄᓇᕗᑦ ᑐᙵᕕᒃᑯᑦ ᒪᑯᓂᖓ ᐱᓂᐊᕐᓂᕋᖅᑕᐅᓯᒪᔪᓂᒃ ᐅᕙᓃᑦᑐᓂᒃ ᓄᓇᕗᒧᑦ ᐊᖏᕈᑎᓂᒃ ᐊᑐᖅᑕᐅᑎᑦᑎᓇᓱᖃᑦᑕᖅᑐᑦ.

ᓄᓇᕗᒥᑦ ᒐᕙᒪᒃᑯᑦ (GN) ᓄᓇᕗᒧᑦ ᒐᕙᒪᐅᔪᖅ ᐋᖅᑭᒃᑕᐅᓯᒪᓂᖓᒍᑦ ᐅᕙᓂ ᐃᓛᒃᑯᑦ 4 ᓄᓇᕗᒧᑦ ᐊᖏᕈᑎᓂᒃ. ᓯᕗᒧᐊᖃᑎᒌᑦ, ᓄᓇᕗᒥᑦ ᒐᕙᒪᒃᑯᓐᓂᑦ ᑎᑎᕋᖅᕕᒃ ᑐᑭᒧᐊᖅᑎᑦᑎᕕᒃ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐅᕙᓃᑦᑐᖅ ᓄᓇᕗᒥᑦ ᒐᕙᒪᒃᑯᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᑎᑎᕋᖅᕕᖓᓂᒃ.

ᐱᓕᒻᒪᒃᓴᐃᕕᒃ 11-ᓂᒃ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ ᐊᒻᒪᓕ ᐱᓕᕆᕝᕕᐅᔪᓂᒃ ᐱᓕᕆᖃᑎᖃᖃᑦᑕᖅᑐᖅ ᐊᑐᕆᐊᖃᖅᑕᒎᖓᔪᓂᒃ ᓄᓇᕗᒧᑦ ᐊᖏᕈᑎᓂᒃ. ᒐᕙᒪᒃᑯᑦ ᐱᓕᕆᕝᕕᖏᑦ ᐊᒻᒪ ᐱᓕᕆᕝᕕᐅᕙᒃᑐᑦ ᑲᒪᒋᔭᖃᖅᑐᑦ ᐋᖅᑭᒃᓱᐃᕙᓪᓕᐊᓂᖅᒥᒃ, ᐊᑐᓕᖅᑎᑦᑎᓂᖅᒥᒃ, ᐊᒻᒪ ᐅᓂᒃᑳᓕᐅᖃᑦᑕᕐᓂᖅᒥᒃ ᖃᓄᐃᑉᐸᓪᓕᐊᓂᖏᓐᓂᒃ ᐋᖅᑭᒃᓯᒪᔭᖓᒍᑦ ᐃᓄᐃᑦ ᐃᖅᑲᓇᐃᔭᕈᓐᓇᖅᑎᑕᐅᓂᖏᓐᓄᑦ ᐸᕐᓇᐅᑎ (IEP), ᐱᓕᕆᐊᖃᕐᓂᕐᒥᓐ ᐱᓇᓱᐊᒐᒃᓴᓂᒃ ᓇᓗᓇᐃᖅᑕᐅᓯᒪᔪᓂᒃ ᑕᒪᐃᓐᓂᓕᒫᖅ ᒐᕙᒪᑎᒍᑦ ᐃᓄᐃᑦ ᐃᖅᑲᓇᐃᔭᕈᓐᓇᖅᑎᑕᐅᓕᕐᓂᖏᓐᓄᑦ ᐸᕐᓇᐅᑎ (WoG IEP), ᐊᒻᒪᓗ ᐃᑲᔪᖅᑐᐃᕙᒃᖢᑎᒃ ᐃᖅᑲᓇᐃᔭᓕᖅᑎᑦᑎᕙᖕᓂᒃᑯᑦ, ᖃᐅᔨᓴᖃᑦᑕᕐᓂᖅᒥᒃ ᐊᒻᒪ ᓂᕈᐊᕋᓱᖕᓂᕐᒥᒃ, ᐱᓯᒪᐃᓐᓇᕐᓂᖅᒥᒃ ᐊᒻᒪᓗ ᓯᕗᒧᒃᐸᓪᓕᐊᑎᑦᑎᓂᖅᒥᒃ ᐊᒻᒪ ᐊᐅᓚᑦᑎᔨᐅᔪᓐᓇᕐᓂᖅᒥ ᐃᓄᖕᓂᒃ ᐃᖅᑲᓇᐃᔭᖅᑎᒋᔭᖏᓐᓂᒃ.

ᐱᓕᕆᖃᑎᒌᒍᑎᑦ

ᐱᓕᒻᒪᒃᓴᐃᕕᒃ ᐃᒃᓯᕙᐅᑕᐅᕝᕕᖃᖅᑐᖅ ᐅᓄᕈᓘᔭᖅᑐᓂᒃ ᐱᓕᕆᕝᕕᖕᓂᒃ ᐱᓕᕆᖃᑎᒌᒃᐸᒃᑐᓂᒃ:

• ᐃᖅᑲᓇᐃᔮᒃᓴᓕᕆᔨᒃᑯᓐᓄᑦ ᐱᓕᕆᖃᑎᒌᒃᑐᑦ, ᐱᓕᕆᔨᐅᕙᒃᑐᑦ ᑭᒡᒐᖅᑐᐃᓪᓗᑎᒃ ᐊᔾᔨᒌᙱᑦᑐᓂᒃ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ ᐊᒻᒪ ᐱᓕᕆᔨᐅᖃᑦᑕᖅᑐᓂᒃ ᓄᓇᕗᒥᑦ ᐊᑐᕆᐊᖃᖅᑐᓂᒃ ᐅᕙᓃᑦᑐᓂᒃ ᐃᓛᒃᑯᑦ 23-ᒥᑦ. ᐅᑯᐊ ᐱᓕᕆᔪᑦ ᐅᑯᓇᙶᖅᓯᒪᔪᑦ ᐃᖅᑲᓇᐃᔮᒃᓴᓕᕆᔩᑦ, ᐃᓄᖕᓂᒃ ᐃᖅᑲᓇᐃᔭᓕᖅᑎᑦᑎᓂᕐᒧᑦ ᖃᐅᔨᒪᔨᑦ ᐊᒻᒪ ᐱᓕᕆᓕᒪᓂᖅᓴᐃᑦ ᖃᐅᔨᒪᔩᑦ.
• ᖃᐅᔨᓴᖅᑐᓕᕆᓂᕐᒧᑦ ᐃᖅᑲᓇᐃᔮᒃᓴᓄᑦ ᐱᓕᕆᖃᑎᒌᑦ, ᑖᒃᑯᐊ ᐃᑲᔪᖅᑐᐃᖃᑦᑕᖅᑐᑦ ᒐᕙᓕᕆᓂᒃᑯᑦ ᐅᓄᖅᓯᒋᐊᖅᑎᑦᑎᒐᓱᖕᓂᕐᒥᒃ ᐃᓄᐃᑦ ᐃᖅᑲᓇᐃᔭᕈᓐᓇᖅᑐᓂᒃ ᖃᐅᔨᓴᖅᑐᓕᕆᓂᕐᒨᖓᔪᓂᒃ ᒐᕙᒪᒃᑐᖃᒃᑯᑦ ᐃᖅᑲᓇᐃᔮᒃᓴᖏᑦᑎᒍᑦ ᓄᓇᕗᒥᑦ.
• ᒐᕙᒪᑐᖃᒃᑯᑦ ᐃᓄᐃᑦ ᐃᖅᑲᓇᐃᔭᖅᑏᑦ ᐱᓕᕆᖃᑎᒌᒍᑎᖓ, ᐱᓕᕆᖃᑦᑕᖅᑐᑦ ᑐᕌᒐᖃᕋᓱᒃᖢᑎᒃ ᐃᓅᖃᑎᒌᖅᑰᔨᔪᓐᓇᕋᓱᒃᖢᒋᑦ ᐃᓄᐃᑦ ᐃᖅᑲᓇᐃᔭᖅᑎᒋᔭᐅᔪᑦ.

ᒐᕙᒪᓕᕆᓂᖅ

ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓ (ADM) ᑲᑎᒪᔨᕋᓛᒃ ᐃᒃᓯᕙᐅᑕᖃᖅᖢᓂ ᐊᖓᔪᖅᑳᕆᔭᐅᔪᒥᒃ ᐱᓕᒻᒪᒃᓴᐅᕕᒃᒥᑦ, ᒫᓐᓇᓕ ᐊᖓᔪᖅᑳᖑᓪᓗᓂ ᐅᑯᓄᖓ ᑳᓐᓄᐊᒃᑯᓐᓄᑦ (CanNor). ᐃᓚᒋᔭᐅᔪᑦ ᐅᑯᓇᙶᖅᑐᑦ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖏᑦ 11-ᓂᑦ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ ᐊᒻᒪ ᐱᓕᕆᔨᖏᓐᓂᒃ ᐊᑐᕆᐊᖃᖅᑕᒎᖓᔪᓂᒃ ᐃᓛᒃᑯᑦ 23-ᒥᑦ ᐅᕙᓂ ᓄᓇᕗᒧᑦ ᐊᖏᕈᑎᓂᒃ.

ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓ (ADM) ᑲᑎᒪᔨᕋᓛᑦ ᑲᒪᒋᔭᖃᖅᑐᑦ ᖃᓄᐃᓕᐅᕈᑎᒃᓴᓂᒃ ᑕᒪᐃᓐᓄᑦ ᐅᑯᓄᖓ ᒐᕙᒪᑎᒍᑦ ᐃᓄᐃᑦ ᐃᖅᑲᓇᐃᔭᕈᓐᓇᖅᑎᑕᐅᓂᖏᓐᓄᑦ ᐸᕐᓇᐅᑎ ᐊᑐᓕᖅᑎᑦᑎᓂᖅᒥᒃ ᐆᒥᖓ ᐃᓛᒃᑯᑦ 23-ᒥᒃ, ᐊᒻᒪᓗ ᖃᓄᐃᓕᐅᕈᑎᒃᓴᐅᔪᓂᒃ ᐊᒻᒪ ᐱᓕᕆᐊᒃᓴᓂᒃ ᐅᑯᓇᙵᑦ ᑕᒪᐃᓐᓂᓕᒫᖅ ᒐᕙᑎᒍᑦ ᐃᓄᐃᑦ ᐃᖅᑲᓇᐃᔭᕈᓐᓇᖅᑎᑕᐅᓂᖏᓐᓄᑦ ᐸᕐᓇᐅᑎᓂᒃ. ᐅᐸᒍᑎᓯᒪᕙᒃᑐᑦ ᑕᐅᑐᒋᐊᖅᖢᑎᒃ ᑲᑎᒪᔨᕋᓛᓂ ᐅᑯᐊᖑᕙᒃᑐᑦ ᓄᓇᕗᑦ ᑐᙵᕕᒃᑯᓐᓂᒃ ᑭᒡᒐᖅᑐᐃᔨ, ᐃᒃᓯᕙᐅᑕᐅᖃᑕᐅᔪᑦ ᓄᓇᕗᒥᑦ ᒐᕙᒪᑐᖃᒃᑯᑦ ᐱᓕᕆᔨᓂᒃ, ᑐᑭᒧᐊᖅᑎᑦᑎᔨᒻᒪᕆᒃ ᒫᓐᓇᓕᓴᕐᓂᒃ ᐊᓪᓚᓄᑦ ᐊᖏᕈᑎᓂᒃ ᐊᑐᓕᖅᑎᑦᑎᓂᖅᒧᑦ ᐅᕙᓂ ᒐᕙᒪᒃᑯᑦ-ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕᒥ (CIRNAC), ᐊᒻᒪᓗ ᑐᑭᒧᐊᖅᑎᑦᑎᔨ ᐱᓕᒻᒪᒃᓴᐃᕕᒃᒧᑦ.

ᓄᓇᕗᒥᑦ ᒐᕙᒪᑐᖃᒃᑯᑦ ᐱᓕᕆᔨᑦ ᑎᒥᐅᔪᑦ ᑲᓇᑕᒥ ᒐᕙᒪᒃᑯᓐᓂᒃ ᖃᓄᐃᓕᐅᕈᑎᐅᔪᓄᑦ ᓄᓇᕗᒥᑦ ᑲᒪᔨᐅᓪᓗᑎᒃ, ᐊᒻᒪᓗ ᓴᓂᐊᒍᑦ ᐃᓚᒋᔭᐅᓪᓗᑎᒃ ᐅᑭᐅᕐᑕᖅᑐᕐᒥᑦ ᒐᕙᒪᑐᖃᒃᑯᑦ ᑲᑎᒪᔨᕐᔪᐊᖏᓐᓂᒃ. ᓄᓇᕗᒥᑦ ᒐᕙᒪᑐᖃᒃᑯᑦ ᐱᓕᕆᔨᑦ ᐃᒃᓯᕙᐅᑕᖃᖃᑕᐅᕝᕕᐅᔪᖅ ᓄᓇᕗᒧᑦ ᑐᑭᒧᐊᖅᑎᑦᑎᔨᒧᑦ ᑲᓇᑕᒥ ᐱᔨᑦᑎᕋᐅᑎᓕᕆᓂᖅᒧᑦ, ᐊᒻᒪᓗ ᐆᒧᖓ ᑐᑭᒧᐊᖅᑎᑦᑎᔨ ᐊᕕᒃᑐᖅᓯᒪᓂᒃᑯᑦ ᐊᐅᓚᑕᐅᔪᓂᒃ ᐅᑯᓄᖓ ᑳᓐᓄᐊᒃᑯᓐᓂᒃ (CanNor).

ᓄᓇᕗᒥᒃ ᐊᑐᓕᖅᑎᑦᑎᓂᖅᒧᑦ ᐱᓕᕆᔪᑦ ᑲᒪᒋᔭᖃᖅᑐᑦ ᑲᒪᔨᐅᓂᖅᒥᒃ ᐊᒻᒪ ᑐᑭᒧᐊᖅᑎᑦᑎᔨᐅᓂᖅᒥᒃ ᐊᑐᓕᖅᑎᑕᐅᓂᖓᓄᑦ ᓄᓇᕗᒧᑦ ᐊᖏᕈᑎ. ᐃᓚᒋᔭᐅᒻᒪᕆᒃᑐᑦ ᑭᒡᒐᖅᑐᐃᔨᑦ ᐅᑯᓇᙵᑦ ᓄᓇᕗᒥᑦ ᒐᕙᒪᒃᑯᓐᓂᒃ, ᓄᓇᕕᑦ ᑐᙵᕕᒃ, ᐊᒻᒪᓗ ᑲᓇᑕᒥᑦ ᒐᕙᒪᒃᑯᓐᓂᒃ.