ᐱᓕᒻᒪᒃᓴᐃᕕᒃ ᐃᑲᔫᑏᑦ ᐊᒻᒪᓗ ᑐᓂᕐᕈᑏᑦ
ᐱᓕᒻᒪᒃᓴᐃᕕᒃ ᐃᑲᔫᑏᑦ ᐊᒻᒪᓗ ᑐᓂᕐᕈᑏᑦ ᐃᑲᔪᕐᓂᐊᖅᑐᑦ ᑐᕌᖅᑕᐅᔪᓂᑦ ᓄᓇᕗᒻᒧᑦ ᐊᖏᖃᑎᒌᒍᑎᒥᑦ ᑎᑎᖅᖃ 23-ᒥᑦ ᖃᓄᐃᓕᐅᕐᓂᐅᔪᓂᑦ ᐊᒥᓱᙳᕆᐊᖅᑎᓪᓗᒋᑦ ᒪᓂᒪᔪᑦ, ᖃᓄᐃᓐᓂᖓ, ᐊᒻᒪᓗ ᐱᖅᖁᓯᕆᔭᐅᔪᒧᑦ ᓈᒻᒪᒃᑑᓂᖓ ᐃᖅᖃᓇᐃᔭᓚᐅᖏᓐᓂᖓᓂᑦ ᐱᓕᒻᒪᒃᓴᖅᑕᐅᓂᖏᑦ ᐃᓄᐃᑦ ᓄᓇᕗᒻᒥᑦ. ᐱᖃᖅᑎᑦᑎᓂᐊᖅᑐᑦ $31.3 ᒥᓕᔭᓐᓂᑦ 8 ᐅᑭᐅᓄᑦ, ᐱᒋᐊᕐᓗᓂ 2026-27-ᒥᑦ.
ᑕᒡᕘᓇ, ᑲᓇᑕᒥᑦ ᒐᕙᒪᒃᑯᑦ ᐊᒥᓱᙳᕆᐊᖅᑎᑦᑐᒪᔭᖏᑦ ᓄᓇᕗᒻᒥᐅᑕᐃᑦ ᐃᓄᐃᑦ ᐃᖅᖃᓇᐃᔭᓚᐅᖏᓐᓂᖏᓐᓂᑦ ᐱᓕᒻᒪᒃᓴᓂᐊᕐᓗᑎᒃ, ᐱᐅᓯᒋᐊᕐᓗᒍ ᐱᕙᒌᔭᖅᓯᒪᓂᖏᑦ ᒐᕙᒪᑐᖃᒃᑯᓐᓂᑦ ᐃᖅᖃᓇᔭᕐᓂᐊᕐᓗᑎᒃ, ᐊᒥᓱᙳᕆᐊᕐᓗᒋᑦ ᐃᓄᖕᓄᑦ-ᑲᒪᒋᔭᐅᔪᑦ ᑐᕌᖓᔪᖅ, ᐊᒻᒪᓗ ᐱᐅᓯᒋᐊᕐᓗᒍ ᒪᓂᒪᓂᖓ ᐱᖅᖁᓯᕆᔭᐅᔪᒃᑯᑦ ᐃᓕᓐᓂᐊᖅᑎᑦᑎᓂᐅᔪᑦ.
ᐊᔪᙱᑦᑐᑦ ᐱᑎᑕᐅᔪᑦ
ᑮᓇᐅᔭᖃᖅᑎᑕᐅᔪᓐᓇᖅᑐᑦ ᐱᓕᕆᐊᑦ ᓄᓇᕗᒻᒦᑦᑐᑦ, ᓯᕗᓪᓕᖅᐸᐅᑎᔭᐅᓂᐊᕐᓗᑎᒃ ᐱᓕᕆᐊᑦ ᑲᒪᒋᔭᐅᔪᖅ ᓄᓇᕗᒻᒦᑦᑐᓄᑦ ᐊᐅᓚᑦᑎᔨᓄᑦ ᑲᑐᔾᔨᖃᑎᒌᓄᑦ, ᐱᓗᐊᖅᑐᒥᑦ ᐃᓄᓐᓄᑦ ᑲᒪᒋᔭᐅᔪᑦ. ᐊᔪᙱᑦᑐᑦ ᐱᑎᑕᐅᔪᓂᑦ ᐃᓚᐅᔪᑦ, ᑭᓯᐊᓂ ᑭᓪᓕᕆᙱᑕᖏᑦ ᐅᑯᐊ:
- ᐃᑲᔪᖃᑦᑕᖅᑐᓄᑦ ᑲᑐᔾᔨᖃᑎᒌᖑᔪᑦ
- ᓯᓚᑦᑐᖅᓴᕐᕖᑦ
- ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᖃᑎᒋᔭᐅᔪᑦ
- ᑮᓇᐅᔭᓂᒃ ᐱᕈᐃᑎᑦᑎᓂᕐᒧᑦ ᐱᓕᕆᐊᓖᑦ
ᓈᒻᒪᑦᑑᑉᐸᑦ, ᐱᑎᑕᐅᔪᑦ ᐱᓯᒪᔭᕆᐊᖃᖅᑐᑦ ᓈᒻᒪᒃᑐᒥᒃ ᐃᓕᓐᓂᐊᖅᓯᒪᓂᕐᒥᒃ ᐱᔾᔪᑎᖃᖅᑐᒥᒃ ᐱᓕᕆᐊᒧᑦ
ᐃᓕᓐᓂᐊᕈᑕᐅᓂᐊᖅᑐᑦ
ᐃᓕᓐᓂᐊᕈᑎ 1: ᐃᓐᓇᓂᑦ ᐃᓕᓐᓂᐊᖅᑎᑦᑎᓂᖅ ᐊᒻᒪᓗ ᒥᑭᔪᓂᒃ ᐃᓕᑕᕆᔭᐅᔾᔪᑏᑦ - ᐃᓕᓐᓂᐊᕈᑕᐅᔪᖅ ᐃᑲᔪᖅᑐᖅ ᐱᓕᕆᐊᓂᑦ ᐃᑲᔪᖃᑦᑕᖅᑐᓂᒃ ᓄᓇᕗᒻᒥᐅᑕᐃᑦ ᐃᓄᓐᓂᑦ ᐃᓕᓐᓂᐊᕈᒪᔪᓂᒃ ᐱᔭᕆᐊᖃᖅᑕᖏᓐᓄᑦ ᐊᒥᒐᒃᓴᓂᖅᑐᓂᒃ ᐃᓗᐃᑦᑑᔪᒥᑦ ᐃᓕᑕᕆᔭᐅᔾᔪᑎᑖᖅᓯᒪᓂᕐᒧᑦ. ᑮᓇᐅᔭᖃᖅᑎᑕᐅᔪᓐᓇᖅᑐᑦ ᐱᓕᕆᐊᑦ ᐃᑲᔪᖃᑦᑕᖅᑐᑦ ᐱᓕᕆᐊᖃᕐᓂᕐᒥᒃ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᕐᓕᕐᒥᑦ ᐊᒻᒪᓗ ᐱᓕᒻᒪᒃᓴᓂᕐᒧᑦ ᐃᓕᓐᓂᐊᖅᑎᑦᑎᓂᕐᓄᑦ, ᐃᓚᐅᓪᓗᑎᒃ ᐃᓐᓇᓂᑦ ᐃᓕᓐᓂᐊᖅᑎᑦᑎᓂᕐᓂᑦ.
ᐱᓕᕆᐊᓂᑦ ᐃᓚᐅᔭᕆᐊᖃᖅᑐᑦ ᐊᑕᐅᓯᓪᓗᐊᖑᔪᒥᑦ ᐅᑯᓄᙵ ᖃᓄᐃᓕᐅᖅᑎᑦᑎᔪᓂᑦ:
- ᐊᒥᓱᙳᕆᐊᕐᓗᒋᑦ ᖃᔅᓯᐅᓂᖏᑦ ᐅᕝᕙᓘᓐᓃᑦ ᐱᐅᓯᒋᐊᕐᓗᒋᑦ ᐃᓂᖃᕐᓂᖏᑦ ᐃᓕᓐᓂᐊᖅᑎᑦᑎᔩᑦ ᓄᓇᓕᖕᒥᑦ ᐃᓐᓇᓄᑦ ᐃᓕᓐᓂᐊᕐᕕᓐᓂᑦ ᓄᓇᕗᒻᒥᑦ
- ᐱᕕᖃᕈᓐᓇᖅᑎᒃᑲᓐᓂᕐᓗᒋᑦ, ᖃᓄᖅ ᐊᑯᓂᐅᑎᒋᔪᓂᑦ, ᐅᕝᕙᓘᓐᓃᑦ ᐃᓂᐅᔪᓂᑦ ᐃᓐᓇᐃᑦ ᐃᓕᓐᓂᐊᖅᑐᓄᑦ, ᐃᓚᐅᓪᓗᑎᒃ ᖁᑦᑎᖕᓂᓖᑦ 12-ᒥᑦ ᐊᔾᔨᖏᓐᓄᑦ, ᒥᑭᔪᓂᒃ ᐃᓕᑕᕆᔭᐅᔾᔪᑎᑖᖅᑎᓐᓂᐊᕐᓗᒋᑦ ᐃᓕᓐᓂᐊᕐᓗᑎᒃ, ᐊᓯᖏᓐᓂᓪᓗ ᖃᓄᐃᓕᐃᖅᑎᑕᐅᔪᓂᑦ
- ᐊᒥᓱᙳᕆᐊᕐᓗᒋᑦ ᓄᓇᕗᒻᒥᐅᑕᐃᑦ ᐃᓄᐃᑦ ᐃᓕᓐᓂᐊᖅᑎᑦᑎᔩᑦ ᐃᓐᓇᓄᑦ ᓄᓇᕗᒻᒥᑦ ᓄᓇᓕᖏᓐᓂᑦ
- ᐱᕕᖃᖅᑎᑦᑎᓗᑎᒃ ᐱᓕᕆᖃᑎᒌᑦᑐᓂᑦ ᐃᓕᓴᐃᑎᑦᑎᓂᕐᒥᑦ ᐅᑭᐅᖅᑕᖅᑐᒦᑦᑐᓂᑦ ᐱᓕᕆᕝᕕᓐᓂᑦ, ᐱᒋᐊᖅᑎᓪᓗᒋᑦ ᐱᓕᕆᖃᑎᒌᓐᓃᑦ ᐃᓕᓐᓂᐊᖅᑏᑦ ᐃᖅᖃᓇᐃᔮᒃᓴᖃᖅᑎᓐᓂᐊᕐᓗᒋᑦ
- ᐱᕙᓪᓕᐊᓗᓂ ᐊᑕᐅᓯᐅᖓᔪᒥᒃ ᐅᕝᕙᓘᓐᓃᑦ ᐱᖅᖁᓯᕆᔭᐅᔪᒧᑦ ᓈᒻᒪᑦᑐᒥᑦ ᐃᓐᓇᓂᒃ ᐃᓕᓐᓂᐊᖅᑎᑦᑎᓂᕐᒧᑦ ᐊᑐᖅᑕᐅᓂᐊᖅᑐᓂᒃ
- ᓴᙱᒃᑎᒋᐊᕐᓗᒍ ᐃᓂᖃᖅᑎᑦᑎᓂᖅ ᖃᐅᔨᓴᐃᔪᓐᓇᕐᓂᐊᕐᓗᑎᒃ ᐃᓕᓐᓂᐊᕐᓂᐊᓵᖅᑎᓪᓗᒋᑦ ᐊᒻᒪᓗ ᐃᓕᑕᕆᖃᑦᑕᕐᓗᒋᑦ ᐃᓅᓯᖓᓐᓂᑦ ᐊᑐᖅᓯᒪᓂᑯᖏᑦ ᐊᒻᒪᓗ ᐊᔪᙱᓐᓂᖃᕐᓂᖏᑦ
ᐃᓕᓐᓂᐊᕈᑎ 2: ᐃᓕᓐᓂᐊᕐᓂᖅ ᐃᑲᔪᖅᑐᖅ ᐃᓕᑕᕆᔭᐅᔾᔪᑎᑖᕐᓂᕐᒧᑦ - ᐃᓕᓐᓂᐊᕈᑎ ᐃᑲᔪᖅᑐᖅ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᖃᑎᒋᔭᐅᔪᓂᑦ ᐱᓕᕆᐊᓄᑦ ᐃᑲᔪᖃᑦᑕᖅᑐᓂᒃ ᓄᓇᕗᒻᒥᐅᑕᐃᑦ ᐃᓄᐃᑦ ᐃᓕᓐᓂᐊᕈᒪᒍᑎᒃ ᐱᔭᕆᐊᖃᖅᑕᖏᓐᓄᑦ ᐃᓕᑕᕆᔭᐅᔾᔪᑎᑖᕐᓂᐊᕐᓗᑎᒃ ᓄᓇᕗᒻᒥᑦ.
ᐱᓕᕆᐊᓂᑦ ᐃᓚᐅᔭᕆᐊᖃᖅᑐᑦ ᐊᑕᐅᓯᓪᓗᐊᖑᔪᒥᑦ ᐅᑯᓄᙵ ᖃᓄᐃᓕᐅᖅᑎᑦᑎᔪᓂᑦ:
- ᐊᒥᓱᙳᕆᐊᕐᓗᒋᑦ ᒪᓂᒪᓂᖏᑦ ᓯᓚᑦᑐᖅᓴᕐᕕᒥᒥᑦ ᐃᓕᑕᕆᔭᐅᔾᔪᑎᑖᕐᓂᐊᕐᓗᑎᒃ ᑐᕌᖓᔪᑦ ᑐᓂᔭᐅᖃᑦᑕᖅᑐᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ
- ᐱᕙᓪᓕᐊᓗᓂ ᐃᓄᖕᓄᑦ ᑐᕌᖓᔪᒥᑦ ᓯᓚᑦᑐᖅᓴᕐᕕᒻᒥᑦ ᓄᓇᕗᒻᒥᑦ (ᐃᓚᐅᖏᓪᓗᑎᒃ ᓴᓇᔭᐅᔪᓄᑦ ᐱᓕᕆᓃᑦ, ᑮᓇᐅᔭᖃᖅᑎᑕᐅᔪᖕᓇᖅᑐᑦ ᐃᓕᓐᓂᐊᕈᑎ 4-ᒃᑯᑦ)
- ᐊᖏᓪᓕᒋᐊᕐᓗᒋᑦ ᖃᑉᓗᓈᓃᑦᑐᑦ ᐃᓕᓐᓂᐊᕐᕕᓐᓂᑦ ᐱᓕᕆᖃᑎᖃᕐᓂᒃᑯᑦ ᑐᕌᖓᔪᓂᒃ ᓄᓇᕗᒻᒥᑦ ᑲᑎᑎᑦᑎᔪᓂᒃ ᒐᕙᒪᒃᑯᓐᓂᑦ ᐃᖅᖃᓇᔮᒃᓴᖅᑖᕐᓂᐊᕐᓗᑎᒃ ᐱᔭᕆᐊᖃᖅᑎᑕᐅᔪᓄᑦ
- ᐊᒥᓱᙳᕆᐊᕐᓗᒋᑦ ᓄᓇᕗᒻᒥᐅᑕᓄᑦ ᐃᓄᓐᓄᑦ ᐱᐊᓂᖕᓂᐊᕐᓗᑎᒃ ᓯᓚᑦᑐᖅᓴᕐᕕᖕᒥᑦ ᑐᕌᖓᔪᓂᑦ ᐱᔭᕆᐊᖃᖅᑎᑕᐅᔪᓂᒃ ᒐᕙᒪᒃᑯᓐᓂᑦ ᐃᖅᖃᓇᐃᔮᖅᑕᕐᓂᐊᕐᓗᑎᒃ
ᐃᓕᓐᓂᐊᕈᑎ 3: ᐃᓕᓐᓂᐊᖅᓯᒪᓂᕐᒧᑦ ᐱᕈᖅᐸᓪᓕᐊᓂᖃᖃᑎᒌᒃᑐᑦ - ᐃᓕᓐᓂᐊᕈᑎ ᐃᑲᔪᖅᑐᖅ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᖃᑎᒌᑦᑐᓂᑦ ᐱᓕᕆᐊᓂᑦ ᓴᙱᒃᑎᒋᐊᖅᓯᓪᓗᑎᒃ ᓄᓇᕗᑦ ᐃᓕᓐᓂᐊᖅᑎᑦᑎᓂᕐᒧᑦ ᐱᕈᖅᐸᓪᓕᐊᖃᑎᒌᒃᑕᖓᓂᑦ, ᓲᕐᓗ ᐊᒥᓱᙳᕆᐊᕐᓗᒋᑦ ᐱᓕᕆᖃᑎᒌᓐᓃᑦ ᐊᑯᓐᓂᖏᓐᓂᑦ ᓯᓚᑦᑐᖅᓴᕐᕖᑦ.
ᐱᓕᕆᐊᓂᑦ ᐃᓚᐅᔭᕆᐊᖃᖅᑐᑦ ᐊᑕᐅᓯᓪᓗᐊᖑᔪᒥᑦ ᐅᑯᓄᙵ ᖃᓄᐃᓕᐅᖅᑎᑦᑎᔪᓂᑦ:
- ᓴᖅᕿᑦᑎᓗᓂ ᐱᓕᕆᖃᑎᒌᓂᑦ ᓯᓚᑦᑐᖅᓴᕐᕕᓐᓂᑦ, ᐅᕝᕙᓘᓐᓃᑦ ᓯᓚᑦᑐᖅᓴᕐᕕᒡᔪᐊᕐᓂᑦ ᐊᒻᒪᓗ ᐊᓯᖏᓐᓃᑦᑐᓂᑦ ᐅᑭᐅᖅᑕᖅᑐᒥᑦᑐᑦ ᐊᐅᓚᑦᑎᔨᐅᔪᓂᑦ ᑲᑐᔾᔨᖃᑎᒌᓂᑦ, ᐃᖅᖃᓇᐃᔭᖅᑎᑦᑎᖃᑦᑕᖅᑐᓂᑦ, ᓄᓇᖃᖅᖄᖅᑐᑦ ᐱᓕᕆᕝᕕᓐᓂᑦ, ᐊᓯᖏᓐᓂᓪᓗ ᓄᓇᓕᒻᒥᑦ ᐱᔨᑦᑎᕋᐃᖃᑦᑕᖅᑐᓂᑦ
- ᐋᖅᕿᔅᓯᓗᓂ ᐱᓕᕆᖃᑎᒌᑦᑐᓂᑦ ᑐᓂᓯᖃᑦᑕᐅᑎᓂᕐᒧᑦ ᑕᐃᒪᐅᔪᓂᑦ ᐃᓕᓐᓂᐊᕐᕕᓐᓄᑦ ᐃᓂᐅᔪᓂᑦ ᐊᒻᒪᓗ ᐱᖁᑎᓂᑦ ᓄᓇᕗᒻᒥᑦ
ᐃᓕᓐᓂᐊᕈᑎ 4: ᐃᓕᓐᓂᐊᕐᕖᓐᓄᑦ ᐱᖁᑏᑦ - ᐃᓕᓐᓂᐊᕈᑎ ᐃᑲᔪᖅᑐᖅ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᖃᑎᒋᔭᐅᔪᓂᑦ ᐱᓕᕆᐊᓄᑦ ᐱᕙᓪᓕᐊᓂᖃᖅᑐᓂᒃ ᐃᓕᓐᓂᐊᕐᕕᓐᓄᑦ ᐱᖁᑎᓂᑦ ᓄᓇᕗᒻᒥᑦ.
ᐱᓕᕆᐊᓂᑦ ᐃᓚᐅᔭᕆᐊᖃᖅᑐᑦ ᐊᑕᐅᓯᓪᓗᐊᖑᔪᒥᑦ ᐅᑯᓄᙵ ᖃᓄᐃᓕᐅᖅᑎᑦᑎᔪᓂᑦ:
- ᐊᒥᓱᙳᕆᐊᕐᓗᒋᑦ ᖃᑉᓯᐅᓂᖏᑦ ᐃᓕᓐᓂᐊᕐᕕᓐᓄᑦ ᐃᓂᐅᔪᑦ ᓄᓇᕗᒻᒥᑦ ᐋᖅᕿᔅᓯᓂᐊᕐᓗᑎᒃ ᐱᔭᐅᔪᒪᓂᖅᓴᐅᓂᐊᖅᑐᒥᑦ ᐃᓕᓐᓂᐊᕐᕕᓐᓂᑦ
- ᐱᕙᓪᓕᐊᓗᓂ ᐃᓕᓐᓂᐊᖅᑐᓂᒃ ᐃᑲᔪᐃᓂᕐᒧᑦ ᐃᓂᐅᔪᓂᑦ ᐃᑲᔪᕈᖕᓇᖅᑐᓂᒃ ᒥᑭᓪᓕᒋᐊᖅᓯᔪᓂᒃ ᐊᒃᓱᕈᕐᓇᐅᑎᓂᑦ ᐱᔾᔪᑎᖃᖅᑐᓂᒃ ᓄᑕᖅᖃᐃᑦ ᐸᐃᕆᔭᐅᓂᖏᓐᓄᑦ
- ᐊᑐᕐᓗᓂ ᖃᕆᓴᐅᔭᓂᑦ ᐊᒥᓱᙳᕆᐊᖅᓯᔪᓂᒃ ᑎᑭᐅᑎᔭᐅᔪᖕᓇᖅᑐᓂᑦ ᐃᓕᓐᓂᐊᕐᓂᕐᒧᑦ ᐱᕕᖃᖅᑎᑦᑎᓂᐅᔪᓂᑦ ᓄᓇᕗᒻᒥᑦ
- ᐱᕙᓪᓕᐊᓗᓂ ᐃᓄᓐᓄᑦ ᑐᕌᖓᔪᒥᑦ ᓯᓚᑦᑐᖅᓴᕐᕕᒻᒥᑦ ᓄᓇᕗᒻᒥᑦ ᓯᕗᓂᐊᒍᑦ ᓴᓇᕙᓪᓕᐊᔪᓄᑦ ᒪᓂᒪᓂᐊᕐᓗᑎᒃ ᐊᒻᒪᓗ ᓴᓇᕙᓪᓕᐊᓂᕐᒧᑦ ᖃᓄᐃᓕᐅᖅᑎᑦᑎᓂᕐᓄᑦ
- ᐱᕙᓪᓕᐊᓗᓂ ᐃᓕᓐᓂᐊᖅᑏᑦ ᐃᒡᓗᒃᓴᖏᓐᓂᑦ ᓄᓇᕗᒻᒥᑦ, ᐃᓚᐅᓗᑎᒃ ᓯᕗᓂᐊᒍᑦ ᓴᓇᕙᓪᓕᐊᔪᓄᑦ ᒪᓂᒪᓂᐊᕐᓗᑎᒃ ᒪᓂᒪᓂᐊᕐᓗᑎᒃ ᐊᒻᒪᓗ ᓴᓇᕙᓪᓕᐊᓂᕐᒧᑦ ᖃᓄᐃᓕᐅᖅᑎᑦᑎᓂᕐᓄᑦ
- ᐱᑖᖅᑐᕐᓗᓂ ᐃᓕᓐᓂᐊᕐᕕᒻᒧᑦ ᐱᖁᑎᓂᑦ ᐊᑐᕐᓂᐊᖅᑐᓂᒃ ᐃᓕᓐᓂᐊᕐᓂᕐᒧᑦ
ᖃᓄᖅ ᐆᑦᑐᕋᕈᓐᓇᕐᒪᖔᖅᐱᑦ
ᑳᓅᐊᒃᑯᖅ ᑐᒃᓯᕋᐅᑎᓂᒃ ᐱᓕᕆᔪᒪᔪᖃᕐᒪᖔᑦ ᒪᑐᐃᖓᑎᑦᑎᔪᑦ ᐅᓪᓗᒥ ᐊᒻᒪᓗ ᒪᑐᔪᒫᖅᑐᖅ ᑎᓯᐱᕆ 7, 2026, 11:59 ᐅᓐᓄᒃᑯᑦ ᔫᑳᓐ ᓯᕿᖑᔭᖓ ᒪᓕᒃᓗᒍ.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: