2025-2026-ᒧᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᒪᓕᒃᑕᐅᔪᒃᓴᖅ
ᑲᓇᑕᐅ ᐅᐊᖕᓇᖓᓂ ᐱᕙᓕᐊᔪᓕᕆᔨ ᑎᒥᖑᖅᑎᑕᐅᓯᒪᔪᑦ ᑕᑯᑎᑦᑎᔪ ᑎᑎᖃᓕᐊᖑᓯᒪᔪᓂ ᐱᔪᒪᓂᕐᒧ (EOI) ᐊᑐᖅᑐᒧ ᓄᑖᒃᑯ ᐊᑕᐅᓯ ᐊᕋᒍ ᐅᕝᕙᓘᓃᑦ ᐅᖓᑕᒍ-ᐊᕋᒍ ᐱᓕᕆᐊᒃᓴᑦ ᐱᒋᐊᕐᓗᒍ ᐱᐊᓂᒃᐸᑦ ᒫᔨ 31, 2025, ᐅᒃᑯᐊᓚᐅᖅᑐᖅ ᓄᕕᐱᕆ 18, 2024.
ᐅᐸᓚᐅᕐᓂᖏᒃᑯᕕ ᐅᑯᐃᖓᑎᓪᓗᒍ ᑭᓯᐊᓂ ᐱᓕᕆᐊᒃᓴᖃᕈᕕ ᐅᕝᕙᓘᓃᑦ ᐃᓱᒪᒋᔭ ᐅᖃᐅᓯᕆᔪᒪᒍᖕᓂ, ᐅᖃᖃᑎᖃᕆ CanNor ᓄᓇᓕᒃᓂ ᑎᑎᕋᕐᕕᒃ ᑕᑯᒋᐊᕐᓗᑎ ᓇᐅᑯᖔᒃᑲᓐᓂᖅ ᐃᑲᔫᓯᐊᓄ ᐅᒃᑯᐃᖓᔪᓄ (ᐱᑕᖃᕈᓂ).
ᑲᓇᑕᒥᑦ ᐅᐊᖕᓇᖅᐸᓯᖓᓂᑦ ᐱᕙᓪᓕᐊᔪᓕᕆᓂᕐᒧᑦ ᐱᔾᔪᔾᔨᔨᒃᑯᑦ (CanNor) ᕿᓂᖅᑐᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᐊᑕᐅᓯᖅ ᐅᕝᕙᓘᓐᓃᑦ ᐊᒥᓱᑦ-ᐅᑭᐅᓄᑦ ᐱᓕᕆᐊᓂᑦ ᐱᒋᐊᕐᓂᐊᖅᑐᓂᒃ 2025-2026-ᒥᑦ ᐅᑭᐅᕆᔭᐅᔪᒥᑦ.
ᑕᒪᕐᒥᓗᒃᑖᖅ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑕᑕᑎᖅᓯᒪᔪᑦ ᑐᓂᔭᐅᔭᕆᐊᖃᖅᑐᑦ ᐅᕗᖓ operations@cannor.gc.ca ᒪᓐᑎᙳᖅᖄᖅᑎᓐᓇᒍ, ᑲᑕᒑᕆᕝᕕᒃ 18-ᒥᑦ 11:59 ᐅᓐᓄᒃᑯᑦ (ᓯᕿᙳᔭᖅ PST-ᒥᑦ) ᐊᑐᕐᓗᒍ CanNor-ᑯᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑕᑕᑎᕆᐊᓕ.
ᑭᓯᒥ ᐱᐊᓂᑦᑎᐊᖅᓯᒪᔪᑐᐃᓐᓇᐃᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑐᓂᓯᖁᔭᐅᓂᐊᖅᑐᑦ ᐃᓗᐃᑦᑐᒥᒃ ᑐᒃᓯᕋᐅᓯᐅᕈᑎᓂᑦ. ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑐᓂᔭᐅᒃᐸᑕ ᖄᖏᐅᑎᑉᓗᑎᒃ ᑭᒡᓕᒋᔭᐅᔪᒧᑦ ᐃᓱᒪᒋᔭᐅᓂᐊᖅᑐᑦ ᑭᓯᐊᓂ ᑮᓇᐅᔭᖃᖅᑎᑕᐅᓂᖅ ᒪᓂᒪᔪᖃᖅᐸᑦ ᓱᓕ ᐱᐊᓂᒃᑕᐅᓯᒪᓕᖅᑎᓪᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᖃᐅᔨᓴᐃᓂᖅ.
ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᒪᓕᒃᑕᐅᔪᒃᓴᖅ ᑐᑭᓯᐅᒪᔾᔪᑎᑕᖃᖅᑐᖅ ᐊᔪᙱᑎᑕᐅᓂᐊᖅᑐᓂᒃ, ᓯᕗᓪᓕᖅᐸᐅᑎᔭᐅᔪᓄᑦ, ᐱᓕᕆᐊᕐᒥᑦ ᓂᕈᐊᕐᓂᐊᕐᓗᑎᒃ ᐱᓕᕆᐊᖑᔪᒧᑦ ᐊᒻᒪᓗ ᖃᓄᐃᓕᐅᖅᑎᑦᑎᔪᓂᒃ ᑐᒃᓯᕋᐅᓯᐅᖅᑐᓄᑦ ᑕᑕᑎᕐᓂᐊᕐᓗᒍ CanNor-ᑯᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑕᑕᑎᒐᒃᓴᖓᓄᑦ ᐊᒻᒪᓗ ᖃᓄᖅ ᑐᓂᐅᑎᒋᔭᐅᔭᕆᐊᖃᕐᓂᖓᓄᑦ.
ᑐᑭᓯᐅᒪᔾᔪᑎᒃᑲᓐᓃᑦ CanNor-ᑯᑦ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒧᑦ ᑐᕌᖓᔪᖏᑦ, ᐱᔨᑦᑎᕋᐅᑎᖏᑦ ᐊᒻᒪᓗ ᓯᕗᓪᓕᖅᐸᐅᑎᔭᐅᔪᑦ ᐱᔭᐅᔪᖕᓇᖅᑐᑦ CanNor-ᑯᑦ ᑐᕌᖓᔪᖏᑦ ᐊᒻᒪᓗ ᐱᔨᑦᑎᕋᐅᑎᖏᑦ ᒪᒃᐱᖅᑐᒐᖓᓂᑦ.
ᑖᕙᑎ ᒪᒃᐃᒐᕐᒥᑦ
1. ᐊᔪᙱᓐᓂᐊᕐᓗᓂ ᐱᔭᕆᐊᖃᖅᑐᑦ
1.1 ᐊᔪᙱᑦᑐᑦ ᑐᒃᓯᕋᐅᓯᐅᖅᑐᑦ
ᑐᒃᓯᕋᐅᓯᐅᕈᖕᓇᖅᑐᑎᑦ ᑖᑉᓱᒧᙵ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᐃᒪᓐᓇᐃᒃᑯᕕᑦ:
- ᒥᑭᑦᑐᖅ ᐊᒻᒪᓗ ᕿᑎᐊᓃᖓᔪᖅ ᐱᓕᕆᐊᖅ (SME), ᐃᑲᔪᐃᓂᕐᒧᑦ ᑲᑐᔾᔨᖃᑎᒌᑦ, ᐅᕝᕙᓘᓐᓃᑦ ᐊᐅᓚᑦᑎᔩᑦ ᑲᑐᔾᔨᖃᑎᒌᑦ ᐱᓕᕆᐊᖃᖅᑐᑦ ᐱᕈᖅᐸᓪᓕᐊᑎᑦᑎᓂᕐᒧᑦ ᐃᑲᔫᑎᖃᖅᑐᓂᑦ ᐊᑕᐅᓯᕐᒧᑦ ᐊᒥᓲᓂᖅᓴᓄᓪᓘᓐᓃᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓄᑦ; ᐅᕝᕙᓘᓐᓃᑦ
- ᒐᕙᒪᒃᑯᓐᓅᖏᑦᑐᖅ ᐱᓕᕆᐊᓖᑦ ᐅᕝᕙᓘᓐᓃᑦ ᐊᓯᖏᓐᓄᑦ ᒐᕙᒪᐅᔪᓄᑦ, ᑭᑐᑐᐃᓐᓇᓄᑦ ᐅᕝᕙᓘᓐᓃᑦ ᓇᖕᒥᓂᖃᖅᑐᖅ, ᓄᓇᖃᖅᖄᖅᑐᖅ ᐅᕝᕙᓘᓐᓃᑦ ᓄᓇᖃᖅᖄᖏᑦᑐᖅ, ᐱᓕᕆᑉᓗᓂ ᐃᑲᔪᖅᑐᐃᓂᖃᖅᑐᒥᒃ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒥᒃ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ.
ᓯᕗᓪᓕᖅᐸᐅᑎᔭᐅᓂᐊᖅᑐᑦ ᑐᒃᓯᕋᐅᓯᐅᖅᑐᑦ ᑕᑯᒃᓴᐅᑎᑦᑎᔪᖕᓇᖅᑐᓂᒃ ᖃᐅᔨᓐᓇᐅᑎᓂᒃ ᐱᓕᕆᐊᖃᕈᖕᓇᕐᓂᖏᓐᓄᑦ ᐅᑭᐅᖅᑕᖅᑐᒥᑦ ᐊᒻᒪᓗ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᓂᒃ/ᐃᓚᐅᔪᒪᔪᓂᒃ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒥᒃ.
ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑐᒃᓯᕋᐅᓯᐅᖅᑐᑦ ᐃᓗᐃᑦᑑᔪᒥᒃ ᑐᒃᓯᕋᐅᓯᐅᖁᔭᐅᓚᐅᖅᑐᑦ ᑕᑯᑎᑦᑎᔭᕆᐊᖃᕐᓂᐊᖅᑐᑦ ᒪᓕᒐᓂᒃ ᒪᓕᖕᓂᖏᓐᓄᑦ ᐊᒻᒪᓗ ᖃᓄᐃᖏᑦᑑᑉᓗᑎᒃ ᐱᓕᕆᐊᓕᐅᑉᓗᑎᒃ ᑐᒃᓯᕋᐅᓯᐅᓚᐅᕐᒪᑕ.
1.2 ᐊᑭᐅᔪᒥᒃ ᐊᑕᐅᑦᑎᒃᑯᑦ ᐊᑐᕐᓂᖅ
ᐊᑭᐅᔪᒥᒃ ᐊᑕᐅᑦᑎᒃᑯᑦ ᐊᑐᕐᓂᕐᒥᒃ ᐱᔭᕆᐊᖃᖅᑐᑦ ᐃᓚᒋᔭᐅᑉᓗᓂ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒧᑦ. ᐊᖏᓛᒃᑯᑦ CanNor-ᑯᑦ ᑐᓂᕐᕈᑎᒋᔭᖓᑦ ᐊᔪᙱᑦᑐᓄᑦ ᐱᓕᕆᐊᓂᑦ ᐊᑭᖏᓐᓄᑦ ᐃᒪᓐᓇᐃᓐᓂᐊᖅᑐᑦ:
| ᐃᑲᔪᐃᓂᕐᒧᑦ ᐊᐅᓚᑦᑎᔩᑦ, ᐊᓯᖏᑦ ᒐᕙᒪᐅᔪᑦ, ᐊᒻᒪᓗ ᓄᓇᖃᖅᖄᖅᑐᑦ ᐊᐅᓚᑦᑎᔩᑦ | ᑮᓇᐅᔭᓂᒃ ᐱᕈᐃᑎᑦᑎᓂᕐᒧᑦ ᐅᕝᕙᓘᓐᓃᑦ ᒥᑭᑦᑐᖅ ᐊᒻᒪᓗ ᕿᑎᐊᓃᖓᔪᖅ ᐱᓕᕆᐊᖅᖃᖅᑐᑦ (SME) ᑐᒃᓯᕋᐅᓯᐅᖅᑐᑦ |
|---|---|
| ᑎᑭᓪᓗᒍ 80%-ᒧᑦ | ᑎᑭᓪᓗᒍ 50%-ᒧᑦ |
ᖃᐅᔨᒪᔭᐅᓂᐊᖅᐳᖅ ᐱᓕᕆᐊᑦ ᐱᑕᖃᖅᑐᑦ ᐊᖏᓂᖅᓴᒥᒃ ᐊᑐᖅᑐᐊᖅᑕᐅᔪᒥᑦ ᐱᓕᕆᐊᒥᑦ (ᓲᕐᓗ ᑐᒃᓯᕋᐅᓯᐅᖅᑐᑦ ᒥᑭᓂᖅᓴᒥᒃ ᑐᓂᕐᕈᑎᒥᑦ ᑐᒃᓯᕋᖅᑐᑦ CanNor-ᑯᓐᓂᑦ ᑲᑎᖦᖢᒋᑦ ᐱᓕᕆᐊᕐᒧᑦ ᐊᑭᐅᔪᓄᑦ) ᐃᓕᔭᐅᓯᒪᔪᖕᓇᖅᑐᑦ ᖁᑦᑎᒃᑐᒦᓐᓂᐊᕐᓗᑎᒃ ᐃᓚᒋᔭᐅᑉᓗᓂ ᖃᐅᔨᓴᐃᓂᕐᒧᑦ.
1.3 ᐊᖏᓛᒃᑯᑦ ᑮᓇᐅᔭᖅ ᐊᑭᓕᖅᑕᐅᔪᖕᓇᖅᑐᖅ
ᐱᔾᔪᑎᒋᔭᖓ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒧᑦ, ᐊᖏᓛᒃᑯᑦ ᐊᑭᓕᐅᑕᐅᔪᖕᓇᖅᑐᖅ ᐊᑕᐅᓯᕐᒧᑦ ᐊᔪᙱᑦᑐᒧᑦ ᐱᓂᐊᖅᑐᒧᑦ ᐊᑐᓂ ᐱᓕᕆᐊᒧᑦ ᐋᖅᕿᒃᑕᐅᓯᒪᔪᖅ $6 ᒥᓕᔭᓐᓄᑦ.
ᑐᓂᔾᔪᑎᒥᒃ ᑮᓇᐅᔭᖃᖅᑎᑦᑎᓂᖅ ᐱᕈᐃᑎᑦᑎᔪᑦ ᑮᓇᐅᔭᓂᒃ ᐱᓕᕆᐊᓕᖕᓄᑦ ᐅᑎᖅᑎᑕᐅᔭᕆᐊᖃᖃᑦᑕᖅᑐᖅ. ᐅᑎᖅᑎᑕᐅᔭᕆᐊᓕᒃ ᑐᓂᔾᔪᑕᐅᔪᖅ ᑮᓇᐅᔭᖅ ᐃᑲᔪᐃᓂᕐᒧᑦ ᐱᔾᔪᔾᔭᐅᔪᖅ ᓂᕆᐅᒋᔭᐅᑉᓗᓂ ᐅᑎᖅᑎᓐᓂᐊᕐᒪᒍ. CanNor-ᑯᑦ ᐃᓱᒪᒃᓴᖅᓯᐅᕈᑎᖃᕈᖕᓇᖅᑐᑦ ᐅᑎᖅᑎᑕᐅᔭᕆᐊᖃᙱᑦᑐᑦ ᑐᓂᕐᕈᑎᓂᑦ ᐱᕈᐃᑎᑦᑎᔪᑦ ᑮᓇᐅᔭᓂᒃ ᐱᓕᕆᐊᓕᖕᓄᑦ ᐊᖏᓛᒃᑯᑦ $99,999-ᖑᔪᓂᑦ.
ᖃᐅᔨᒪᒋᑦᑎ 1: ᐊᖏᑎᒋᓂᖓ ᑮᓇᐅᔭᖃᖅᑎᑦᑎᓂᖅ CanNor-ᑯᓐᓂᑦ ᑐᓂᔪᖕᓇᖅᑕᖓᑦ ᐊᑐᓂ ᐱᓕᕆᐊᓄᑦ ᐊᔾᔨᒋᙱᑎᓪᓗᓂᐅᒃ ᒪᓕᒃᖢᒋᑦ ᖃᓄᐃᑦᑑᓂᖏᓐᓄᑦ ᐊᒻᒪᓗ ᐱᔭᕆᐊᖃᕐᓂᖓᑕ ᐱᓕᕆᐅᕐᒧᑦ, ᑕᓪᓕᒪᐃᑦ ᐅᑭᐅᑦ ᖄᖏᖅᑐᓂᑦ ᑮᓇᐅᔭᖃᖅᑎᑕᐅᔪᓗᒃᑖᕐᓚᐃᑦ ᐱᓕᕆᐊᑦ ᑐᓂᔭᐅᖃᑦᑕᖅᓯᒪᔪᑦ $130,000 ᖃᓂᑖᓃᑦᑐᓂᑦ.
ᖃᐅᔨᒪᒋᑦᑎ 2: ᓄᓇᖃᖅᖄᖅᑐᑦ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᔪᓕᕆᔨᐅᔪᑦ ᐊᓯᖏᓪᓘᓐᓃᑦ ᓄᓇᖃᖅᖄᖅᑐᓄᑦ-ᐊᐅᓚᑕᐅᔪᑦ ᑮᓇᐅᔭᓂᒃ ᐱᕈᐃᑎᑦᑎᓂᕐᒧᑦ ᐱᓕᕆᐊᓖᑦ ᐱᖁᑎᖏᑦ ᐃᓚᐅᑎᑕᐅᔪᑦ ᐊᔪᖅᑎᑦᑎᔪᑦ ᐊᑭᓕᖅᑕᐅᓲᓄᑦ ᐅᕝᕙᓘᓐᓃᑦ ᑐᓂᐅᖅᖃᐅᑕᐅᓗᑎᒃ ᐱᖃᖃᑕᐅᔪᓄᑦ ᐊᑐᙱᑎᑕᐅᔪᖕᓇᖅᑐᑦ $99,999-ᓂᒃ ᑭᒡᓕᐅᔪᒧᑦ.
ᐱᓕᕆᐊᑦ ᐊᑕᐅᑦᑎᒃᑰᕆᐊᙱᑦᑐᑦ ᐅᑎᖅᑎᑕᐅᔭᕆᐊᓖᑦ ᐊᒻᒪᓗ ᐅᑎᖅᑎᑕᐅᔭᕆᐊᖃᙱᑦᑐᑦ ᑐᓂᕐᕈᑏᑦ.
2. ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᓄᑦ ᓯᕗᓪᓕᖅᐸᐅᑎᔭᐅᓂᐊᖅᑐᑦ
ᐃᓚᒋᔭᐅᑉᓗᓂ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒧᑦ, ᓯᕗᓪᓕᖅᐸᐅᑎᔭᐅᓂᐊᖅᑐᑦ ᐱᓕᕆᐊᑦ ᐊᑕᐅᓯᕐᒥᑦ ᐊᒥᓲᓂᖅᓴᓂᓪᓘᓐᓃᑦ ᐅᑯᓄᖓ ᐱᓕᕆᐊᕆᔭᐅᔪᓄᑦ ᐊᒻᒪᓗ ᓄᓇᓕᖕᒥᑦ ᐱᕙᓪᓕᐊᓂᕐᒧᑦ ᓯᕗᓪᓕᖅᐸᐅᑎᔭᐅᔪᓄᑦ:
- ᓄᑖᓂᒃ ᐃᒡᓗᓕᕆᓂᕐᒧᑦ ᐋᖅᕿᒃᓯᓃᑦ - ᐱᓕᕆᐊᑦ ᓯᕗᒻᒧᒃᑎᑦᑎᔪᑦ ᓄᑖᓂᒃ ᐃᒡᓗᓕᕆᓂᕐᒧᑦ ᐋᖅᕿᒃᓯᓃᑦ ᐊᒻᒪᓗ ᐱᒋᐊᖅᑎᑦᑎᔪᓂᒃ ᐃᒡᓗᕐᔪᐊᓕᕆᖃᑦᑕᖅᑐᓄᑦ ᑲᓇᑕᒥᑦ. ᐱᓕᕆᓂᕐᓂᑦ ᐃᓚᐅᔪᖕᓇᖅᑐᑦ:
- ᐱᑖᖅᑐᕐᓗᑎᒃ ᓴᓇᔭᐅᔪᓂᒃ ᐊᒻᒪᓗ ᓴᓇᕙᓪᓕᐊᓂᕐᒧᑦ ᐊᑐᖅᑕᐅᖃᑦᑕᖅᑐᓂᒃ ᐊᖏᒡᓕᒋᐊᕐᓂᐊᕐᓗᒍ ᐱᓕᐅᕆᓂᖅ ᐊᒻᒪᓗ ᐃᒡᓗᕐᔪᐊᓕᐅᖅᑎᓄᐊᕐᓗᓂ, ᓲᕐᓗ ᐃᒡᓗᕐᔪᐊᑦ ᓴᓇᓯᒪᕙᒌᑦᑐᑦ ᐊᒻᒪᓗ ᐊᒥᓱᓂᒃ ᕿᔪᓂᒃ ᓴᓇᔾᔪᑎᖃᖅᑐᑦ
- ᐃᑲᔪᖅᑐᑦ ᐱᓕᕆᐊᓕᖕᓂᑦ ᐊᑐᓕᖅᑎᑦᑎᓂᕐᒧᑦ, ᐊᑐᖅᑕᐅᓗᑎᒃ ᐊᒻᒪᓗ ᐋᖅᕿᒃᓱᐃᓂᖅ ᓄᑕᐅᔪᓂᒃ ᓴᓇᕙᓪᓕᐊᓂᕐᒧᑦ ᐊᑐᖅᑕᐅᔪᓂᒃ ᓲᕐᓗ ᓄᑖᙳᖅᑎᕆᔪᓂᒃ/ᓴᓇᓯᒪᕙᒌᖅᑐᓂᒃ ᓴᓇᕙᓪᓕᐊᓂᖅ (ᖃᓄᐃᑦᑑᓂᐊᕐᓂᖓ ᐊᒻᒪᓗ ᐋᖅᕿᒃᓱᐃᓂᖅ), ᐲᖅᓯᕝᕕᐅᖅᖄᕐᓗᑎᒃ-ᐱᑕᖃᙱᑦᑐᖅ ᐃᒡᓗᓕᕆᓂᖅ ᐊᒻᒪᓗ ᑖᒻᓇᐅᔮᓕᖅᑐᐃᓂᖅ
- ᐱᑖᖅᑐᕐᓂᖅ ᓄᑕᐅᔪᓂᒃ, ᑕᑯᒃᓴᐅᑎᑦᑎᔪᓂᒃ, ᓂᐅᕕᐊᒃᓴᓕᐊᓂᒃ ᐊᒻᒪᓗ/ᐅᕝᕙᓘᓐᓃᑦ ᐱᔭᐅᔪᑦ ᓄᑖᑦ ᐊᑐᖅᑕᐅᓂᐊᖅᑐᑦ ᐊᒻᒪᓗ ᐊᑐᖅᑕᐅᔪᑦ ᐊᖏᕐᕋᕆᔭᐅᓂᐊᖅᑐᓂᒃ ᐃᒡᓗᕐᔪᐊᓕᐅᕆᓂᕐᓄᑦ ᐊᒻᒪᓗ ᐱᖁᑎᑖᕐᕕᐅᖃᑦᑕᖅᑐᓄᑦ (ᓲᕐᓗ, ᐱᓕᕆᐊᓕᖕᒥᑦ ᐱᓂᐊᕐᓗᓂ, ᐊᐅᓚᔾᔭᐃᓂᖅ, ᐆᒻᒪᖅᖁᑎᒥᒃ ᐊᑐᓗᐊᖏᑦᑐᑦ) ᐃᑲᔪᖅᑐᓂᒃ ᐱᒋᐊᖅᑎᑦᑎᓂᐊᖅᑐᓂᒃ ᓴᓇᔭᐅᕙᓪᓕᐊᓂᖏᑦ ᐊᖏᕐᕋᕆᔭᐅᓂᐊᖅᑐᑦ ᐃᒡᓗᕐᔪᐊᑦ
- ᐃᑲᔪᖅᑐᐃᓗᓂ ᓄᑕᐅᔪᓂᒃ ᐊᒻᒪᓗ/ᐅᕝᕙᓘᓐᓃᑦ ᐱᑦᑕᐅᖏᑦᑐᓂᒃ ᐊᓂᐊᑎᑦᑎᙱᓐᓂᖅᓴᐅᔪᓂᒃ ᐃᒡᓗᕐᔪᐊᓕᐅᕆᓂᕐᒧᑦ ᐊᑐᖅᑕᐅᔪᓂᒃ ᐊᒻᒪᓗ ᐱᕈᖅᐸᓪᓕᐊᓂᖃᖃᑎᒌᒃᑐᓄᑦ, ᐱᓗᐊᖅᑐᒥᑦ ᓂᕈᐊᖅᑕᐅᔪᑦ ᐱᐊᓚᑎᒋᓂᖏᑦ, ᓯᓚᐅᑉ ᖃᓄᐃᓐᓂᖓᓂᑦ ᐅᑎᕈᖕᓇᖅᑎᑦᑎᔪᓂᒃ ᐊᒻᒪᓗ ᐆᒻᒪᖅᖁᑎᒥᒃ ᐊᑐᓗᐊᖏᑦᑑᔪᓂᒃ
- ᐋᖅᕿᒃᓱᐃᓂᖅ ᑕᐃᒪᐅᔪᑦ ᓴᓇᖃᑦᑕᖅᑐᓂᒃ ᓴᖅᕿᑦᑎᑉᓗᑎᒃ ᐊᑭᓖᑎᑕᐅᓂᐊᕐᓗᑎᒃ ᓴᓇᕙᓪᓕᐊᓂᕐᒥᑦ ᐊᒻᒪᓗ ᐊᑐᖅᑕᐅᔪᓂᒃ ᓲᕐᓗ ᓄᑖᙳᖅᑎᖅᓯᒪᔪᑦ, ᐃᒡᓗᕐᔪᐊᒧᑦ ᐊᕙᓗᐃᑦ, ᕿᑯᐃᑦ, ᐃᒐᓛᑦ, ᐊᒻᒪᓗ ᐅᒃᑯᐊᓂᑦ, ᐃᒡᓗᕐᔪᐊᓂᒃ ᓂᐅᕕᐊᒃᓴᓄᐊᕐᓂᐊᖅᑐᓄᑦ
- ᑐᓂᓯᓗᑎᒃ ᐃᓂᑖᖅᓯᒪᔭᕆᐊᖃᕐᓂᕐᒥᒃ ᐱᕙᓪᓕᐊᓂᖏᓐᓄᑦ ᐱᓕᕆᔨᒋᔭᐅᔪᑦ, ᐱᓕᕆᐊᕆᓗᒋᑦ ᐱᓕᕆᐊᒃᓴᐃᓪᓕᐅᕐᓂᖅ ᐃᒡᓗᕐᔪᐊᓕᐅᕆᓂᕐᒥᑦ
- ᐋᖅᕿᒃᓯᓗᑎᒃ ᐃᒡᓗᕐᔪᐊᓕᐅᕆᓂᕐᒧᑦ ᐊᑐᖅᑕᐅᔪᓂᒃ ᐱᒋᐊᖅᑎᑦᑎᓂᖃᖅᑐᓂᒃ ᓴᓇᕙᓪᓕᐊᓂᕐᒥᒃ ᓄᑖᓂᒃ ᐱᐅᓯᒋᐊᖅᓯᓂᒃᑯᑦ ᐊᒻᒪᓗ ᐊᑐᓕᖅᑕᐅᓂᖏᑦᑎᒍᑦ ᓴᓇᔭᐅᕙᓪᓕᐅᔫᑉ ᐊᓯᐊᓂᑦ ᐊᑐᖅᑕᐅᔪᓄᑦ ᐊᒻᒪᓗ ᐊᑐᖅᑕᐅᖃᑦᑕᖅᑐᓄᑦ
- ᐊᔾᔨᐅᖏᑦᑑᑎᓕᐅᕆᓃᑦ ᐊᒻᒪᓗ ᓄᑖᓂᒃ ᐃᓱᒪᒋᔭᖃᕐᓃᑦ – ᐃᓚᐅᔪᑦ:
- ᐱᓕᕆᐊᕐᒥᑦ ᐋᖅᕿᒃᓯᓂᖅ ᐊᒻᒪᓗ ᓂᐅᕕᐊᒃᓴᖃᕐᓂᕐᒧᑦ ᐊᖏᒡᓕᒋᐊᖅᓯᓂᖅ - ᐱᓕᕆᐊᑦ ᐃᑲᔪᖃᑦᑕᖅᑐᑦ ᐱᓕᕆᐊᓕᖕᓂᑦ ᐱᒋᐊᖅᑎᑦᑎᓂᕐᒧᑦ ᐱᕈᖅᐸᓪᓕᐊᓂᖏᓐᓂᑦ ᐊᒻᒪᓗ ᐃᑲᔪᖃᑦᑕᖅᑐᑦ ᐊᑐᓕᖅᑕᐅᓂᖏᑦ ᓄᑕᐅᔪᑦ ᐊᑐᖅᑕᐅᓲᑦ ᐃᑲᔪᖅᑐᓂᒃ ᐋᖅᕿᒃᓱᐃᓂᕐᒧᑦ, ᐱᓕᐅᕆᕙᓪᓕᐊᓂᕐᒧᑦ ᐊᒻᒪᓗ ᓄᓇᕐᔪᐊᕐᒥᑦ ᐱᒡᒎᖕᓂᖃᖅᑐᒥᑦ (ᓲᕐᓗ ᓴᓗᒪᔪᑦ ᐊᓂᐊᑎᑦᑎᓂᖃᓗᐊᖏᑦᑐᑦ, ᖃᕆᑕᐅᔭᒃᑯᑦ ᐊᑐᖅᑕᐅᔪᓂᒃ, ᖃᕆᑕᐅᔭᒃᑯᑦ ᐱᓕᕆᐊᒃᓴᓂᒃ ᑐᓂᓯᓂᕐᓂᑦ). ᐃᓚᐅᔪᖕᓇᖅᑐᑦ:
- ᑮᓇᐅᔭᖃᖅᑎᑕᐅᓂᖅ ᐱᕙᓪᓕᐊᓂᕐᒧᑦ ᐱᓕᕆᐊᕐᒧᑦ ᐸᕐᓇᐅᑎᓂᑦ, ᐊᔪᙱᓐᓂᖓᓂᒃ ᖃᐅᔨᓴᐃᓂᖅ ᐊᒻᒪᓗ ᓱᓇᑐᐃᓐᓇᓕᐅᕆᓂᖅ / ᖃᓄᐃᑦᑑᓂᐊᕐᓂᖓᓄᑦ ᐱᓕᕆᐊᖅ
- ᓂᐅᕕᖅᑕᐅᓂᖓ / ᐃᓇᖏᖅᑕᐅᓂᖓ / ᓄᑖᙳᖅᑎᖅᑕᐅᓂᖏᑦ ᐱᖁᑏᑦ ᐊᖏᒡᓕᒋᐊᕐᓂᐊᕐᓗᒋᑦ ᐱᓕᐅᕆᓂᐅᔪᓂᑦ ᐅᕝᕙᓘᓐᓃᑦ ᐱᓕᐅᕆᓂᕐᒧᑦ ᐃᓂᖃᕐᓂᐅᔪᓂᒃ
- ᐱᕙᓪᓕᐊᔭᐅᓂᖓ ᐊᒻᒪᓗ ᐱᒋᐊᖅᑎᑦᑎᓂᖅ ᓂᐅᕕᐊᒃᓴᓄᑦ ᖃᓄᖅᑑᕈᑎᓂᒃ, ᐸᕐᓇᐅᑎᓂᑦ ᐊᒻᒪᓗ ᐱᖁᑎᓂᑦ
- ᓱᓇᑐᐃᓐᓇᐃᑦ ᐊᓯᖏᑦ ᐱᑖᖑᔪᑦ ᐃᑲᔪᕐᓂᐊᖅᑐᓂᒃ ᐱᓕᕆᐊᕐᒥᑦ ᐱᕈᐃᑎᑦᑎᓂᕐᒧᑦ, ᓂᐅᕕᐊᒃᓴᓂᒃ ᐊᖏᒡᓕᒋᐊᖅᓯᓂᕐᒧᑦ ᐅᕝᕙᓘᓐᓃᑦ ᐱᖁᑎᓕᐅᕆᓂᕐᓄᑦ
- ᐃᓂᐅᔪᒥᑦ ᓄᑖᑦ ᐱᕈᖅᐸᓪᓕᐊᓂᖃᖃᑎᒌᒃᑐᑦ - ᐱᓕᕆᐊᑦ ᐃᑲᔪᖃᑦᑕᖅᑐᑦ ᓴᖅᕿᑦᑎᓂᕐᒧᑦ, ᐱᕈᖅᐸᓪᓕᐊᓂᕐᒧᑦ ᐊᒻᒪᓗ ᐱᕙᓪᓕᐊᑉᓗᑎᒃ ᓴᙱᔪᒥᒃ ᐊᒻᒪᓗ ᐃᓚᐅᑎᑦᑎᓂᕐᒥᒃ (ᓲᕐᓗ ᐊᕐᓇᐃᑦ, ᒪᒃᑯᒃᑐᐃᑦ, ᓄᓇᖃᖅᖃᖅᑐᑦ ᐃᓄᐃᑦ) ᐃᓂᐅᔪᒥᑦ ᐱᓕᕆᖃᑎᒌᒃᑐᑦ ᐃᑲᔪᖃᑦᑕᖅᖢᑎᒃ ᐱᓕᕆᐊᕐᒥᑦ ᐱᕈᐃᑎᑦᑎᓂᕐᒧᑦ ᐊᒻᒪᓗ ᓄᑕᐅᔪᓂᒃ, ᐊᑐᖃᑦᑕᖅᑐᑦ ᓇᖕᒥᓂᖅ ᐱᓕᕆᐊᖃᖅᑐᓂᒃ, ᐊᖏᒡᓕᒋᐊᖅᓯᔪᓂᒃ ᐱᒡᒎᖕᓂᖏᓐᓂᑦ ᒥᑭᑦᑐᖅ ᐊᒻᒪᓗ ᕿᑎᐊᓃᖓᔪᖅ ᐱᓕᕆᐊᓕᖕᓂᑦ (SME). ᐃᓚᐅᔪᖕᓇᖅᑐᑦ:
- ᑮᓇᐅᔭᖃᖅᑎᑦᑎᓂᖅ ᐱᕙᓪᓕᐊᓂᕐᒧᑦ / ᐊᖏᒡᓕᒋᐊᖅᓯᓂᕐᒧᑦ ᐱᓕᕆᐊᕐᒧᑦ ᐱᕝᕕᐅᖃᑦᑕᖅᑐᓂᑦ, ᓂᐅᕕᐊᒃᓴᖃᕐᕕᖕᓂᑦ, ᐆᓇᖅᑎᑦᑎᔪᑦ ᐊᓯᖏᓪᓘᓐᓃᑦ ᐱᔨᑦᑎᕋᐅᑏᑦ ᐊᒻᒪᓗ ᑐᕌᖓᔪᑦ ᑐᕌᒐᕆᑉᓗᒋᑦ ᓇᖕᒥᓂᖅ ᐱᓕᕆᐊᖃᖅᑐᑦ
- ᑐᕌᖓᔪᑦ / ᐱᔨᑦᑎᕋᐅᑏᑦ ᐱᔾᔪᑎᖃᖅᑐᑦ ᐃᓚᖏᓐᓂᑦ / ᑎᒃᑯᐊᖅᑕᐅᓯᒪᔪᑦ ᐱᓕᕆᐊᕐᒧᑦ (ᓲᕐᓗ ᐊᕐᓇᐃᑦ ᓇᖕᒥᓂᖅ ᐱᓕᕆᐊᓖᑦ)
- ᑐᕌᒐᐅᔪᑦ ᐅᑭᐅᖅᑕᖅᑐᒦᑦᑐᑦ ᐊᒻᒪᓗ ᓇᖕᒥᓂᖅ ᐱᓕᕆᐊᓕᖕᓄᑦ ᖃᓄᐃᓕᐅᖅᑎᑦᑎᓃᑦ / ᑲᑎᒪᑎᑦᑎᓃᑦ ᑕᑯᒃᓴᐅᑎᑦᑎᔪᖕᓇᖅᑐᑦ ᐅᑎᖅᑎᑦᑎᓂᕐᒥᒃ ᐱᑖᖑᓚᐅᖅᑐᒥᑦ ᐅᑭᐅᖅᑕᖅᑐᒥᑦ ᓇᖕᒥᓂᖅ ᐱᓕᕆᐊᓕᖕᓄᑦ
- ᓄᓇᖃᖅᖄᖅᑐᑦ ᐱᕙᓪᓕᐊᔪᓕᕆᔨᒃᑯᑦ - ᐱᓕᕆᐊᑦ ᐃᑲᔪᖅᑐᐃᔪᑦ ᐊᒻᒪᓗ ᐊᖏᒡᓕᒋᐊᖅᓯᔪᑦ ᐃᓚᐅᖃᑕᐅᓂᖏᑦ ᐅᑭᐅᖅᑕᖅᑐᒥᑦ ᓄᓇᖃᖅᖄᖅᑐᑦ ᓄᓇᓕᖏᓐᓂᑦ ᐊᒻᒪᓗ ᓇᖕᒥᓂᖅ ᐱᓕᕆᐊᓖᑦ ᐱᕈᖅᐸᓪᓕᐊᓂᕐᒥᒃ ᐱᕕᖃᖅᑎᑦᑎᓂᕐᒧᑦ (ᓲᕐᓗ ᐳᓚᕋᖅᑐᓕᕆᓂᖅ, ᑐᖑᔪᖅᑐᖅ ᐱᕈᖅᐸᓪᓕᐊᑎᑦᑎᓂᖅ, ᐅᔭᕋᒃᑕᖅᑏᑦ, ᐃᒡᓗᓕᕆᔪᑦ). ᐃᓚᐅᔪᖕᓇᖅᑐᑦ:
- ᓄᓇᖃᖅᖄᖅᑐᓂᑦ ᐱᕙᓪᓕᐊᓂᕐᒧᑦ ᐸᕐᓇᐅᑏᑦ /ᖃᓄᖅᑑᕈᑏᑦ / ᐃᓂᓕᐅᕆᓂᕐᒧᑦ ᐱᕙᓪᓕᐊᓂᕐᒧᑦ ᐱᓕᕆᐊᑦ
- ᓂᐅᕕᖅᑕᐅᓂᖏᑦ / ᐃᓇᖏᖅᑕᐅᓂᖏᑦ / ᓄᑖᙳᖅᑎᖅᑕᐅᓂᖏᑦ ᐱᖁᑏᑦ ᐱᔭᐅᔭᕆᐊᖃᖅᑐᑦ ᐊᐅᓛᖅᑎᑦᑎᓂᐊᕐᓗᓂ ᐅᕝᕙᓘᓐᓃᑦ ᐱᕈᐃᑎᑦᑎᓂᐊᕐᓗᓂ ᓇᖕᒥᓂᖅ ᐱᓕᕆᐊᕐᒥᑦ
- ᑮᓇᐅᔭᖃᖅᑎᑦᑎᓃᖅ ᓄᓇᖃᖅᖄᖅᑐᑦ ᐱᖅᖁᓯᒃᑯᑦ ᐳᓚᕋᖅᑎᑦᑎᓂᕐᒥᒃ ᐱᕙᓪᓕᐊᓂᕐᒧᑦ ᐅᕝᕙᓘᓐᓃᑦ ᐱᖅᖁᓯᑐᖃᖃᕐᕕᖕᒥᑦ ᐱᕙᓪᓕᐊᓂᕐᒧᑦ / ᐱᐅᓯᒋᐊᖅᓯᓂᕐᒧᑦ
- ᑮᓇᐅᔭᖃᖅᑎᑦᑎᓂᖅ ᐱᓕᕆᐊᓂᒃ ᐃᑲᔪᖃᑦᑕᖅᑐᓂᒃ ᐃᒡᓗᓕᕆᓂᕐᒧᑦ ᐱᓕᕆᐊᓂᑦ ᓄᓇᕗᒻᒥᑦ
- ᐱᓕᕆᐊᖃᖅᑐᑦ ᐱᕙᓪᓕᐊᓂᖏᑦ - ᐱᓕᕆᐊᑦ ᐊᑐᖃᑦᑕᖅᑐᑦ ᐱᕙᓪᓕᐊᓂᕐᒥᒃ ᐊᒻᒪᓗ ᐱᕈᐃᑎᑦᑎᓂᕐᒥᒃ ᐃᓚᖏᓐᓂᑦ ᐱᓕᕆᐊᓕᖕᓂᑦ (ᓲᕐᓗ ᐅᑭᐅᖅᑐᒥᑦ ᒥᐊᓂᖅᓯᓂᖅ ᐊᒻᒪᓗ ᐅᓇᑕᖅᑐᒃᓴᓂᑦ, ᐳᓚᕋᖅᑐᓕᕆᓂᖅ, ᐃᖃᓗᓕᕆᓂᖅ, ᐱᕈᖅᑐᓕᕆᓂᖅ ᐊᒻᒪᓗ ᓂᕆᔭᒃᓴᓄᑦ ᐋᖅᕿᐅᒪᔪᓂᒃ, ᐃᒡᓗᓕᕆᓂᖅ) ᐊᑐᖅᖢᑎᒃ ᐊᖏᒡᓕᒋᐊᖅᑎᑦᑎᔪᒥᒃ ᓄᓇᓕᖕᒥᑦ ᐃᓂᓕᐅᕆᓂᕐᒧᑦ ᐊᒻᒪᓗ ᐊᖏᓛᒃᑰᖅᑎᑦᑎᔪᖅ ᐱᓕᕆᐊᒃᓴᓂᒃ ᐊᒻᒪᓗ ᐱᐅᓯᒋᐊᖅᓯᑉᓗᓂ ᐊᑯᓂᐅᔪᒥᒃ ᖃᓄᐃᖏᑦᑎᐊᕐᓂᕐᒥᒃ (ᓲᕐᓗ ᐊᖕᒪᓗᖅᑐᖅ ᐱᕈᖅᐸᓪᓕᐊᓂᖅ) ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ. ᐃᓚᐅᔪᖕᓇᖅᑐᑦ:
- ᐃᒡᓗᓕᕆᓂᕐᒧᑦ ᐱᓕᕆᐊᑦ ᐃᑲᔪᖃᑦᑕᖅᑐᑦ ᐃᒡᓗᕐᔪᐊᓕᕆᓂᕐᒧᑦ ᓄᑕᐅᔪᓂᒃ ᑕᑯᒃᓴᐅᑎᓐᓂᐊᕐᓗᒋᑦ ᐱᒋᐊᓵᕐᓂᖓᑕ ᐱᓕᕆᐊᕐᒥᑦ ᐱᓕᕆᐊᖃᕆᐊᕐᓂᐅᔪᑦ (ᓲᕐᓗ ᐊᔪᙱᓐᓂᐊᕐᓂᖓᓄᑦ ᖃᐅᔨᓴᐃᓃᑦ ᐊᒻᒪᓗ ᓱᓇᑐᐃᓐᓇᓕᐅᕆᓂᒃᑯᑦ ᖃᓄᐃᑦᑑᓂᐊᕐᓂᖓᓂᑦ) ᐊᒻᒪᓗ ᐱᓕᕆᐊᕐᒥᑦ ᐊᐅᓚᑦᑎᓂᕐᒧᑦ ᐃᓂᓕᐅᕆᓂᖅ
- ᐱᖅᖁᓯᕆᔭᐅᔪᖅ, ᓴᓇᙳᐊᒐᐃᑦ, ᐊᒻᒪᓗ ᐊᐅᓚᔪᓕᐅᕆᓂᕐᒧᑦ ᐱᓕᕆᐊᑦ ᑕᐅᑐᒐᖃᖅᑐᓂᒃ ᐃᒡᓗᕐᔪᐊᓂᒃ, ᐱᖁᑎᓂᒃ, ᓯᕗᓂᐊᒍᑦ ᐊᔪᙱᓐᓂᐊᕐᓂᖏᓐᓄᑦ ᖃᐅᔨᓴᐃᓂᕐᓂᑦ, ᐊᒻᒪᓗ ᐱᓕᕆᐊᒥᒃ ᐊᐅᓚᑦᑎᓂᕐᒧᑦ ᐃᓂᓕᐅᕆᓂᕐᒧᑦ ᐱᕙᓪᓕᐊᓂᕐᒥᑦ
- ᓂᕿᖃᖅᑎᑦᑎᓂᕐᒧᑦ ᐱᓕᕆᐊᖅ ᐃᑲᔪᖅᑐᖅ ᓄᑖᓂᒃ ᐊᑐᖅᑕᐅᖃᑦᑕᖅᑐᓂᒃ, ᐊᑐᖅᑕᐅᔪᓂᒃ, ᐅᕝᕙᓘᓐᓃᑦ ᐊᑐᖅᑕᐅᔪᑦ ᓂᕿᓄᑦ ᐋᖅᕿᐅᒪᔪᓄᑦ ᑐᕌᒐᖃᖅᑐᓂᒃ ᐱᐅᓯᒋᐊᖅᓯᓂᕐᒧᑦ ᓄᓇᓕᖕᒥᑦ ᐅᕝᕙᓘᓐᓃᑦ ᐃᓂᐅᔪᒥᑦ ᓂᕿᖃᖅᑎᑦᑎᓂᕐᒥᒃ ᐊᒻᒪᓗ/ᐅᕝᕙᓘᓐᓃᑦ ᐊᐅᓚᑦᑎᓂᖃᕐᓂᕐᒥᒃ, ᓴᙱᒃᑎᑎᕆᓂᕐᒧᑦ ᓄᓇᓕᖕᒥᑦ ᐊᒻᒪᓗ ᐃᓂᐅᔪᒥᑦ ᓂᕿᖃᖅᑎᑦᑎᖃᑦᑕᖅᑐᓂᒃ, ᐊᒻᒪᓗ ᐱᒋᐊᕐᓂᕐᒥᒃ/ᐋᖅᕿᒃᓯᓂᕐᒥᒃ ᐱᓕᐅᕆᓂᐅᔪᒥᒃ, ᐱᕙᓪᓕᐊᓂᕐᒥᒃ ᐊᒻᒪᓗ ᑐᓂᐅᖅᖃᐅᑕᐅᓂᖏᑦ ᓂᖀᑦ.
- ᐃᖃᓗᕆᓂᕐᒥᒃ ᖃᐅᔨᓴᐃᓂᖅ, ᐃᓂᓕᐅᕆᓂᖅ ᐊᒻᒪᓗ ᐱᖁᑎᕐᔪᐊᓂᒃ ᐱᑖᖅᑐᕐᓃᑦ
- ᐳᓚᕋᖅᑐᓕᕆᓂᕐᒧᑦ ᐊᑐᖅᑐᓕᐅᕆᓃᑦ, ᓂᐅᕕᐊᒃᓴᓄᑦ ᐸᕐᓇᐅᑎᓂᒃ ᐊᒻᒪᓗ ᐅᕐᓂᒃᑕᐅᓂᐊᖅᑐᓄᑦ
- ᐃᓕᓯᓂᖅ / ᐊᑐᓕᖅᑎᑦᑎᓂᖅ ᓴᓗᒪᔪᒥᒃ ᐊᑐᖅᑕᐅᔪᓂᒃ (ᓯᕿᓂᕐᒥᑦ, ᐊᓄᕆᒥᑦ, ᐃᒪᒃᑯᑦ ᐃᑯᒻᒪᖅᖁᑎᓕᐅᕆᓂᖅ, ᐱᕈᖅᑐᓂᑦ, ᓄᓇᐅᑉ ᐃᓗᐊᓂᑦ ᐆᓇᖅᑐᒥᑦ)
- ᑮᓇᐅᔭᖃᖅᑎᑦᑎᓂᖅ ᐱᕙᓪᓕᐊᔭᐅᓂᖏᓐᓄᑦ ᐊᓯᖏᑦ ᓄᑕᐅᔪᓂᒃ / ᓴᖅᕿᑉᐸᓪᓕᐊᔪᑦ ᐱᓕᕆᐊᓖᑦ (ᓄᓇᒥᑦ ᐃᑯᐊᓛᖅᑐᓂᒃ ᖃᑉᑎᕆᓂᕐᒧᑦ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᑐᖅᑐᒥᒃ, ᓄᑖᓂᒃ ᓴᓇᕙᓪᓕᐊᓂᕐᒧᑦ ᐱᖁᑎᓂᒃ)
- ᖃᓄᐃᑦᑑᓂᖓ / ᓴᓇᔭᐅᓂᖓ / ᐊᖏᒡᓕᒋᐊᖅᓯᓂᖅ / ᓄᑖᙳᖅᑎᕆᓂᖅ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᖕᓂᑦ, ᐃᒪᕐᓄᑦ ᐱᓕᕆᔾᔪᑎᓂᒃ ᐊᓯᖏᓐᓂᓪᓗ ᓄᑖᓂᒃ ᓂᕿᓕᐅᕆᕝᕕᖕᓂᑦ
- ᐱᓕᕆᐊᕐᒥᑦ ᐋᖅᕿᒃᓯᓂᖅ ᐊᒻᒪᓗ ᓂᐅᕕᐊᒃᓴᖃᕐᓂᕐᒧᑦ ᐊᖏᒡᓕᒋᐊᖅᓯᓂᖅ - ᐱᓕᕆᐊᑦ ᐃᑲᔪᖃᑦᑕᖅᑐᑦ ᐱᓕᕆᐊᓕᖕᓂᑦ ᐱᒋᐊᖅᑎᑦᑎᓂᕐᒧᑦ ᐱᕈᖅᐸᓪᓕᐊᓂᖏᓐᓂᑦ ᐊᒻᒪᓗ ᐃᑲᔪᖃᑦᑕᖅᑐᑦ ᐊᑐᓕᖅᑕᐅᓂᖏᑦ ᓄᑕᐅᔪᑦ ᐊᑐᖅᑕᐅᓲᑦ ᐃᑲᔪᖅᑐᓂᒃ ᐋᖅᕿᒃᓱᐃᓂᕐᒧᑦ, ᐱᓕᐅᕆᕙᓪᓕᐊᓂᕐᒧᑦ ᐊᒻᒪᓗ ᓄᓇᕐᔪᐊᕐᒥᑦ ᐱᒡᒎᖕᓂᖃᖅᑐᒥᑦ (ᓲᕐᓗ ᓴᓗᒪᔪᑦ ᐊᓂᐊᑎᑦᑎᓂᖃᓗᐊᖏᑦᑐᑦ, ᖃᕆᑕᐅᔭᒃᑯᑦ ᐊᑐᖅᑕᐅᔪᓂᒃ, ᖃᕆᑕᐅᔭᒃᑯᑦ ᐱᓕᕆᐊᒃᓴᓂᒃ ᑐᓂᓯᓂᕐᓂᑦ). ᐃᓚᐅᔪᖕᓇᖅᑐᑦ:
- ᐱᖁᑎᓂᒃ ᐱᑖᖅᑐᕐᓂᖅ ᐊᒻᒪᓗ ᐱᕙᓪᓕᐊᓂᖅ - ᐱᓕᕆᐊᑦ ᐋᖅᕿᒃᓯᔪᑦ ᐊᓯᖏᓐᓂᑦ ᐱᑖᖑᔪᓂᒃ ᐊᖏᓛᒃᑰᖅᑎᓐᓂᐊᕐᓗᒋᑦ ᓄᓇᓕᖕᒥᑦ ᐊᒻᒪᓗ ᐃᓂᐅᔪᒥᑦ ᐱᕕᖃᖅᑎᑦᑎᓂᐅᔪᑦ ᐱᑕᖃᕈᖕᓃᖅᑎᓪᓗᒋᑦ ᐱᕈᖅᐸᓪᓕᐊᓂᕐᒧᑦ ᐱᖁᑎᑕᖃᙱᓐᓂᖅ, ᐃᑲᔪᖅᑐᓂᒃ ᐅᑭᐅᖅᑕᖅᑐᒥᑦ ᒥᐊᓂᖅᓯᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᖃᕆᑕᐅᔭᒃᑰᕈᖕᓇᐅᑎᓂᒃ ᐊᒻᒪᓗ ᓴᓗᒪᔪᒥᒃ ᐊᓂᐊᔪᖃᙱᑦᑐᓂᒃ ᐱᑦᑕᐅᖏᑦᑐᓂᒃ ᐱᖁᑎᓄᑦ ᐱᓕᕆᐊᒃᓴᐃᑦ. ᐃᓚᐅᔪᖕᓇᖅᑐᑦ:
- ᐃᑲᔪᖅᑐᐃᓂᖅ ᖃᓄᐃᑦᑑᓂᐊᕐᓂᖓᓄᑦ / ᓴᓇᕙᓪᓕᐊᔭᐅᓂᖓᓄᑦ /ᓄᑖᙳᖅᑎᕆᓂᕐᒧᑦ / ᐊᖏᒡᓕᒋᐊᖅᓯᓂᕐᒥᒃ ᑕᑯᔭᖅᑐᐃᕝᕕᖕᓂᑦ, ᑐᔪᕐᒥᕕᖕᓂᑦ, ᑕᖕᒫᖅᑕᕐᕕᖕᓂᑦ ᐊᒻᒪᓗ ᐳᓚᕋᖅᑎᓄᑦ ᐱᔭᐅᔪᒪᓂᐊᖅᑐᓂᒃ
- ᐊᔪᙱᓐᓂᐊᕐᓂᖓᓄᑦ ᖃᐅᔨᓴᐃᓃᑦ, ᓄᓇᒥᒃ ᖃᐅᔨᓴᐃᓂᖅ ᐊᒻᒪᓗ ᓱᓇᑐᐃᓐᓇᓕᐅᕆᓂᒃᑯᑦ ᖃᓄᐃᑦᑐᓕᐅᕆᓃᑦ ᐊᖏᔪᓄᑦ ᐱᖁᑎᓄᑦ ᐱᓕᕆᐊᖑᓂᐊᖅᑐᓄᑦ
- ᐃᑲᔪᕐᓗᓂ ᐱᖁᑎᓂᒃ ᐱᕙᓪᓕᐊᓂᕐᒧᑦ ᐊᒻᒪᓗ ᓄᑖᙳᖅᑎᕆᓂᕐᓄᑦ ᐅᑭᐅᖅᑕᖅᑐᒥᑦ ᒥᐊᓂᖅᓯᓂᐊᖅᑐᓂᒃ
- ᐃᑲᔪᕐᓗᓂ ᑭᑐᑐᐃᓐᓇᓄᑦ ᐱᖁᑎᓂᒃ ᓄᑖᙳᖅᑎᕆᓂᕐᓂᑦ ᐱᕈᖅᐸᓪᓕᐊᑎᑦᑎᓂᖃᖅᑐᓂᒃ ᐊᒃᑐᐊᔪᓄᑦ
- ᐱᖁᑎᕐᔪᐊᓂᒃ ᐱᑖᖅᑐᕐᓃᑦ ᐃᓕᔭᐅᓂᐊᕐᓗᑎᒃ / ᐊᑐᓕᖅᑎᑦᑎᓂᕐᒧᑦ ᓴᓗᒪᔪᓂᒃ ᐊᓂᐊᑎᑦᑎᓂᖃᖅᑐᓄᑦ (ᓯᕿᓂᕐᒥᑦ, ᐊᓄᕆᒥᑦ, ᐃᒪᒃᑯᑦ ᐃᑯᒻᒪᖅᖁᑎᓕᐅᕆᓂᖅ, ᐱᕈᖅᑐᓂᑦ, ᓄᓇᐅᑉ ᐃᓗᐊᓂᑦ ᐆᓇᖅᑐᒥᑦ)
- ᐊᑐᖅᑕᐅᔪᒥᒃ ᐱᕙᓪᓕᐊᓂᖅ - ᐱᓕᕆᐊᑦ ᐃᑲᔪᖅᑐᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᐱᕈᖅᐸᓪᓕᐊᑎᑦᑎᓂᕐᒧᑦ ᒥᑭᑦᑐᖅ ᐊᒻᒪᓗ ᕿᑎᐊᓃᖓᔪᖅ ᐱᓕᕆᐊᓕᖕᓂᑦ (SME) ᐱᑖᕐᕕᐅᖃᑦᑕᖅᑐᓂᑦ ᐊᒻᒪᓗ ᐅᑎᖅᑎᑎᕆᓂᕐᒥᒃ ᐱᓕᕆᐊᖃᖅᑐᓂᑦ, ᐊᒻᒪᓗ ᕿᓂᖅᓴᐃᓂᕐᒧᑦ ᐊᒻᒪᓗ ᐱᕙᓪᓕᐊᓂᕐᒥᒃ ᐅᔭᖅᖃᓕᕆᓂᕐᓂᒃ, ᓄᑖᐅᔪᓂᒃ ᐃᓱᒪᖃᕐᓂᖅ ᐅᔭᕋᒃᑕᕆᐊᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓂᒃ ᐊᒻᒪᓗ ᓴᓗᒪᔪᓂᒃ ᐱᓕᐅᕆᔪᓄᑦ ᐊᑐᖅᑕᐅᔪᑦ ᓄᑕᐅᔪᓂᒃ. ᐃᓚᐅᔪᖕᓇᖅᑐᑦ:
- ᐱᒻᒪᕆᐅᔪᑦ ᓄᓇᒥᙶᖅᑐᓂᒃ ᐱᓕᕆᐊᓂᒃ ᑕᐅᑐᒐᖃᖅᑐᓂᒃ ᓄᓇᖃᖅᖄᖅᑐᓂᒃ ᐋᖅᕿᖃᑎᒌᖕᓂᕐᒧᑦ, ᓴᓗᒪᔪᒥᒃ ᐆᒻᒪᖅᖁᑎᓕᐅᕆᓂᕐᒧᑦ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ ᐅᑎᕈᖕᓇᕐᓂᕐᒧᑦ, ᐅᑭᐅᖅᑕᖅᑐᒥᑦ ᒥᐊᓂᖅᓯᓂᕐᒧᑦ, ᐱᓕᕆᐊᒥᒃ ᐱᕈᐃᑎᑦᑎᓂᕐᒧᑦ, ᓄᓇᓕᖕᒥᑦ ᐃᓂᓕᐅᕆᓂᕐᒧᑦ, ᐱᖁᑎᓕᐅᕆᓂᕐᓄᑦ ᐊᒻᒪᓗ ᐱᖁᑏᑦ ᖃᓄᐃᑦᑑᓂᖏᓐᓂᑦ ᐊᒻᒪᓗ ᐃᓕᔭᐅᓂᖏᑦ ᓄᑖᖑᔪᓂᒃ ᐅᔭᕋᒃᑕᕆᐊᕐᓂᕐᒧᑦ ᐊᑐᖅᑕᐅᔪᓂᒃ
- ᐃᑲᔪᕐᓗᓂ ᐊᒡᔭᖅᑐᐃᔪᓕᕆᓂᕐᒧᑦ ᐱᖁᑏᑦ ᓄᑕᐅᔪᓄᑦ / ᐱᑖᖅᑐᕐᓂᕐᒧᑦ (ᓄᓇᒥᑦ, ᑕᕆᐅᕐᒥᑦ ᐃᒪᕐᒥᑦ ᐊᒻᒪᓗ ᐊᓂᖅᓵᖅᑐᖅᑕᑉᑎᖕᓂᑦ)
- ᐱᕙᓪᓕᐊᔭᐅᓂᖏᑦ ᐊᑐᖅᑕᐅᒃᑲᓐᓂᕈᖕᓇᖅᑐᑦ ᐆᒻᒪᖅᖁᑎᒥᒃ ᐱᓕᕆᐊᓖᑦ (ᐱᕈᖅᑐᓂᑦ, ᓄᓇᒥᑦ ᐆᓇᕐᓂᕐᒥᒃ, ᐃᒪᕐᒥᑦ, ᑕᒪᒃᑯᐊᕋᓗᐃᑦ)
- ᐱᕙᓪᓕᐊᓂᖅ ᐱᑖᕐᕕᐅᖃᑦᑕᖅᑐᓂᒃ ᐊᒻᒪᓗ ᐅᔭᕋᒃᑕᖅᑕᐅᔪᓂᒃ ᐅᑎᖅᑎᑎᕆᓃᕐᒧᑦ ᐱᓕᕆᐊᖃᕐᓂᕐᒧᑦ ᐱᕕᖃᖅᑎᑦᑎᓂᕐᓂᑦ
- ᐊᔪᙱᓐᓂᖃᖅᑐᑦ ᐃᖅᖃᓇᐃᔭᖅᑏᑦ - ᐱᓕᕆᐊᑦ ᐊᒥᓱᙳᕆᐊᖅᑎᑦᑎᓂᐊᖅᑐᑦ ᒪᓂᒪᓂᖏᓐᓂᑦ ᐊᒻᒪᓗ ᖃᓄᐃᓐᓂᕆᔭᖏᓐᓂᑦ ᐃᖅᖃᓇᐃᔭᖅᑎᑦᑎᓂᐊᓵᕐᓗᑎᒃ ᐊᒻᒪᓗ ᑐᕌᖅᑕᐅᔪᑦ ᐃᖅᖃᓇᐃᔮᒧᑦ ᐊᔪᕈᖕᓃᖅᓴᐃᓃᑦ ᐊᑐᕐᓗᒋᑦ ᐱᓕᕆᕝᕕᐅᔪᓄᑦ ᐱᔭᐅᔪᑦ, ᐃᑲᔪᖃᑦᑕᕐᓂᒃᑯᑦ ᐃᓕᓴᐃᔾᔪᑎᓂᒃ ᐱᕙᓪᓕᐊᔭᐅᔪᓄᑦ, ᐱᖁᑏᑦ ᐊᑐᖅᑕᐅᔪᓂᒃ ᐊᒻᒪᓗ ᐱᖁᑎᓂᒃ ᐱᑖᖅᑐᕐᓂᕐᓂᑦ. ᐃᓚᐅᔪᖕᓇᖅᑐᑦ:
- ᓴᓇᕙᓪᓕᐊᓂᖅ / ᓄᑖᙳᖅᑎᕆᓂᖅ / ᐊᖏᒡᓕᒋᐊᖅᓯᓂᖅ ᐊᔪᕈᖕᓃᖅᓴᐃᓂᕐᒥᑦ
- ᐱᕙᓪᓕᐊᓂᖅ ᐃᓕᓐᓂᐊᕈᑕᐅᓂᐊᖅᑐᓂᑦ, ᐊᔪᕈᖕᓃᖅᓴᐃᓂᕐᒧᑦ ᖃᕆᑕᐅᔭᒃᑯᑦ ᐊᑐᖅᑐᓂᒃ ᐊᒻᒪᓗ ᖃᕆᑕᐅᔭᒃᑯᑦ ᐊᔪᕈᖕᓃᖅᓴᐃᓂᕐᒧᑦ ᐃᓂᐅᔪᓂᒃ
- ᓇᖕᒥᓂᖅ ᐱᓕᕆᐊᖃᕐᓂᕐᒧᑦ ᐱᕙᓪᓕᐊᓂᕐᒧᑦ ᑐᕌᖓᔪᑦ ᐊᒻᒪᓗ ᐃᑲᔪᖃᑦᑕᕐᓂᕐᒧᑦ ᐱᔨᑦᑎᕋᐅᑏᑦ
- ᓂᐅᕕᖅᑕᐅᓂᖏᑦ ᐊᔪᕈᖕᓃᖅᓴᐃᓂᕐᒧᑦ ᐱᖁᑏᑦ (ᓲᕐᓗ ᐊᔪᕈᖕᓃᖅᓴᐃᔾᔪᑏᑦ ᐃᑯᒪᓅᖅᑐᓄᑦ, ᓇᓗᓇᐃᒃᑯᑕᖃᕐᓂᖅ ᐊᑦᑕᕐᓇᖅᑐᖃᙱᑎᑦᑎᔪᑦ ᐊᑐᖅᑕᐅᔪᓂᒃ, ᖃᕆᐊᕐᒥᑦ ᐃᓕᓴᐃᔾᔪᑏᑦ) ᐱᔭᕆᐊᓖᑦ ᐊᔪᕈᖕᓃᖅᓴᐃᓂᕐᓄᑦ
- ᐳᓚᖃᖅᑐᓕᕆᓂᕐᒥᒃ ᐱᕈᐃᑎᑦᑎᓂᖅ - ᐃᑲᔪᕐᓂᐊᕐᓗᒋᑦ ᓄᓇᓖᑦ, ᒥᑭᑦᑐᑦ ᐊᒻᒪᓗ ᕿᑎᐊᓃᖓᔪᑦ ᓇᖕᒥᓂᖅ ᐱᓕᕆᐊᓖᑦ, ᐃᑲᔪᐃᓂᕐᒧᑦ ᐊᐅᓚᑦᑎᔨᐅᔪᑦ ᐱᕙᓪᓕᐊᓂᐊᕐᓗᑎᒃ ᓄᓇᓕᖕᒥᑦ, ᓄᓇᓕᖕᒦᖓᔪᓂᒃ ᐳᓚᕋᖅᑎᑦᑎᓂᕐᒧᑦ ᐱᓕᕆᐊᓂᒃ ᐊᒻᒪᓗ ᖃᓄᐃᓕᐅᖅᑎᑦᑎᓂᕐᓄᑦ. ᐃᓚᐅᔪᖕᓇᖅᑐᑦ ᐱᓕᕆᐊᑦ ᐃᒪᓐᓇᐃᖃᑦᑕᖅᑐᑦ
- ᐃᑲᔪᖅᑐᑦ ᓄᓇᖃᖅᖄᖅᑐᑦ ᐳᓚᕋᖅᑐᓕᕆᖃᑦᑕᖅᑐᓂᑦ
- ᐃᑲᔪᖅᑐᐃᓂᖅ ᐃᓂᐅᔪᓗᒃᑖᒥᑦ ᐱᑕᖃᖅᑎᓐᓂᐊᕐᓗᒋᑦ, ᐃᓚᐅᓗᒋᑦ ᐅᖓᓯᒃᑐᒦᑦᑐᓂᑦ
- ᐃᑲᔪᕐᓗᓂ ᐊᔪᙱᑦᑐᒃᑯᑦ ᐳᓚᕋᖅᑎᑦᑎᓂᕐᒥᒃ
- ᐅᐃᒍᒋᐊᕐᓗᒍ ᐅᑭᐅᑉ ᐃᓚᖓᒍᑦ (ᐅᑭᐅᑉ ᐃᓚᖓᒍᑦ ᓇᒥᓗᒃᑖᖅᑎᑦᑎᓗᓂ)
- ᐃᑲᔪᕐᓗᓂ ᐳᓚᖃᖅᑐᓄᑦ ᐊᑐᖅᑕᐅᔪᓂᒃ ᓲᕐᓗ ᐊᑉᖁᑎᓂᑦ ᐱᓱᒡᕕᖕᓂᑦ
- ᓂᕿᖃᖅᑎᑦᑎᓂᖅ - ᐱᓕᕆᐊᑦ ᐃᑲᔪᖅᑐᑦ ᓄᑖᓂᒃ ᐃᓱᒪᖃᖅᑐᓂᒃ ᐱᖁᑎᓂᒃ, ᐊᑐᖅᑕᐅᖃᑦᑕᖅᑐᓂᑦ, ᐅᕝᕙᓘᓐᓃᑦ ᐊᑐᖅᑕᐅᔪᓂᒃ ᓂᕿᓄᑦ ᐋᖅᕿᐅᒪᔪᓄᑦ ᑐᕌᒐᖃᖅᑐᓂᒃ ᐱᐅᓯᒋᐊᕐᓂᐊᕐᓗᒋᑦ ᓄᓇᓕᖕᒥᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᒥᑦ ᓂᕿᖃᖅᑎᑦᑎᓂᖅ ᐊᒻᒪᓗ/ᐅᕝᕙᓘᓐᓃᑦ ᓴᙱᓂᖃᖅᑐᓂᒃ ᐱᔪᖕᓇᖅᑎᑦᑎᓂᕐᒧᑦ, ᐱᓕᕆᐊᓂᒃ ᓴᙱᒃᑎᑎᕆᔪᓂᑦ ᓄᓇᓕᖕᒥᑦ ᐊᒻᒪᓗ ᐊᕕᒃᑐᖅᓯᒪᔪᒥᑦ ᓂᕿᑖᕐᕕᐅᖃᑦᑕᖅᑐᓂᒃ ᓲᕐᓗ ᐱᕙᓪᓕᐊᔭᐅᓂᖏᑦ ᓂᕿᓄᑦ ᒪᓕᒐᕋᓛᑦ, ᐊᕕᒃᑐᖅᓯᒪᔪᒥᑦ ᐸᕐᓇᐅᑏᑦ, ᓄᓇᓕᖕᒥᑦ ᖃᐅᔨᒋᐊᕐᕕᐅᖃᑦᑕᖅᑐᑦ ᐊᒻᒪᓗ ᓂᖀᑦ ᐱᕈᖅᐸᓪᓕᐊᓂᖃᖃᑎᒌᒃᑐᓂᑦ ᐊᔪᙱᓐᓂᖏᓐᓂᒃ ᐱᐅᓯᒋᐊᖅᓯᓃᑦ ᐊᒻᒪᓗ ᐱᓕᕆᐊᓂᑦ ᐱᒋᐊᖅᑎᑦᑎᔪᑦ/ᐋᖅᕿᒃᓱᐃᔪᑦ ᐱᓕᐅᕆᓂᕐᒧᑦ, ᐱᓕᕆᐊᖑᓂᖏᓐᓄᑦ ᐊᒻᒪᓗ ᑐᓂᐅᖅᖃᐅᑕᐅᓂᖏᓐᓄᑦ ᓂᖀᑦ. ᐱᓕᕆᓂᕐᓂᑦ ᐃᓚᐅᔪᖕᓇᖅᑐᑦ:
- ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᓂᒃ ᐃᑲᔪᖅᑐᓂᒃ ᓴᙱᒃᑎᑎᕆᓂᕐᒧᑦ ᐅᑭᐅᖅᑕᖅᑐᒥᑦ ᓂᕿᖃᖅᑎᑦᑎᓂᕐᒧᑦ ᐋᖅᕿᐅᒪᔪᓂᒃ ᐅᕝᕙᓘᓐᓃᑦ ᐱᐅᓯᒋᐊᖅᓯᓗᓂ ᓄᓇᓕᖕᒥᑦ ᓂᕿᓕᐅᕆᓂᕐᒧᑦ
- ᑲᒪᒋᓗᒋᑦ ᐱᖁᑎᕐᔪᐊᓄᑦ ᐊᑭᐅᔪᑦ ᐊᒻᒪᓗ/ᐅᕝᕙᓘᓐᓃᑦ ᓴᓇᕙᓪᓕᐊᓂᕐᒧᑦ ᐊᑭᒋᔭᐅᔪᓂᒃ ᐱᓕᕆᐊᓄᑦ
- ᓂᐅᕕᕐᓗᓂ ᐊᒻᒪᓗ ᐃᓕᓯᓗᑎᒃ ᓂᕿᓕᐅᕆᕝᕕᖕᒥᑦ, ᐃᒐᓂᒃ, ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᖕᓂᑦ ᐊᓯᖏᓐᓂᓪᓘᓐᓃᑦ ᐱᖁᑎᓂᒃ
- ᐊᔪᙱᓐᓂᐊᕐᓂᖏᓐᓄᑦ ᖃᐅᔨᓴᐃᓗᑎᒃ, ᐋᖅᕿᒃᓱᐃᓗᑎᒃ ᓱᓕᕆᑎᑦᑎᓂᕐᓂᑦ ᐊᒻᒪᓗ ᖃᐅᔨᓴᐃᓂᕐᒥᒃ ᐊᒻᒪᓗ ᐊᑐᓕᖅᑎᑦᑎᓂᕐᒥᒃ ᓄᑖᑦ ᐊᑐᖅᑕᐅᔪᓂᒃ ᓂᕿᖃᖅᑎᑦᑎᓂᕐᒧᑦ ᐱᔾᔪᑕᐅᔪᓂᒃ ᐃᓱᒪᒋᔭᐅᔪᖕᓇᕐᒥᔪᑦ
- ᓴᓇᙳᐊᖅᑎᓂᒃ, ᐱᖅᖁᓯᕆᔭᐅᔪᓂᒃ ᐊᒻᒪᓗ ᐊᐅᓚᔪᓕᐅᕆᔩᑦ - ᐱᓕᕆᐊᑦ ᓴᖅᕿᔮᖅᑎᑦᑎᔪᑦ ᐊᒻᒪᓗ ᐃᑲᔪᖃᑦᑕᖅᑐᑦ ᓱᓇᓕᐅᕆᔪᓂᒃ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᐊᔾᔨᐅᖏᑦᑑᑎᓂᒃ ᐱᓕᕆᐊᖃᕐᓂᐊᕐᓗᑎᒃ ᓄᓇᓕᖕᒥᑦ ᐱᕈᖅᐸᓪᓕᐊᑎᑦᑎᓂᕐᓂᑦ. ᐱᓕᕆᓂᕐᓂᑦ ᐃᓚᐅᔪᖕᓇᖅᑐᑦ:
- ᓂᐅᕕᐊᒃᓴᓄᑦ ᐱᓕᕆᐊᒃᓴᐃᑦ ᓴᖅᕿᔮᖅᑎᑦᑎᔪᑦ ᓴᓇᙳᐊᖅᑎᓗᒃᑖᓂᒃ, ᐃᓚᐅᑉᓗᑎᒃ ᐱᖅᖁᓯᕆᔭᐅᔪᒃᑯᑦ ᓴᓇᙳᐊᒐᐃᑦ ᐊᒻᒪᓗ ᒥᓱᖅᑕᐅᔪᑦ, ᐅᑉᓗᒥᐅᔪᒥᑦ ᓴᓇᙳᐊᒐᐃᑦ ᐊᒻᒪᓗ ᒥᖅᓱᖅᑕᐅᔪᑦ, ᑎᑎᖅᖃᓂᑦ ᓴᓇᙳᐊᒐᐃᑦ, ᐊᒻᒪᓗ ᐊᐅᓚᔪᓕᐅᕆᓃᑦ ᐊᒻᒪᓗ ᑭᑐᑐᐃᓐᓇᓄᑦ ᑐᕌᖓᔪᑦ ᓴᓇᙳᐊᒐᐃᑦ
- ᐃᑲᔪᖃᑦᑕᕐᓗᓂ ᐊᐅᓚᔪᓕᐅᕐᕕᐅᔪᒥᑦ ᐊᒻᒪᓗ ᐊᐅᓚᔪᓂᒃ ᓴᖅᕿᑎᕆᓂᕐᓂᑦ ᐊᒻᒪᓗ ᐱᕙᓪᓕᐊᔭᐅᓂᐊᕐᓗᑎᒃ ᐱᓕᕆᕝᕕᐅᔪᑦ
- ᐃᑲᔪᕐᓗᓂ ᐱᖅᖁᓯᖃᕐᕕᖕᓂᑦ, ᑐᖅᖁᖅᓯᓯᒪᕝᕕᖕᓂᑦ ᐊᓯᖏᓪᓗ ᓱᓇᙳᐊᖅᓯᒪᔪᓄᑦ ᐱᖅᖁᓯᕆᔭᐅᔪᒧᑦ ᐃᓂᐅᔪᓂᒃ
- ᐃᑲᔪᕐᓗᒋᑦ ᐊᑕᐅᓯᐅᑉᓗᑎᒃ ᒥᑭᑦᑐᖅ ᐊᒻᒪᓗ ᕿᑎᐊᓃᖓᔪᖅ ᐱᓕᕆᐊᑦ (SME) ᓱᓇᓕᐅᕆᓂᕐᓄᑦ ᐊᒻᒪᓗ ᐱᖅᖁᓯᕐᒧᑦ ᐱᒋᐊᖅᑎᑦᑎᓂᐊᕐᓗᑎᒃ ᐅᕝᕙᓘᓐᓃᑦ ᐊᖏᒡᓕᒋᐊᕐᓗᒋᑦ ᐊᐅᓛᖅᑎᑦᑎᓂᖏᑦ
- ᐋᖅᕿᒃᓯᓗᓂ ᑐᕌᖓᔪᓂᒃ, ᑕᑯᒃᓴᐅᑎᑕᐅᔪᓂᒃ ᐊᒻᒪᓗ ᐃᓕᓐᓂᐊᕈᑕᐅᓂᐊᖅᑐᓂᒃ ᐱᖅᖁᓯᕐᒧᑦ ᐊᒻᒪᓗ ᐱᖅᖁᓯᑐᖃᕆᔭᐅᔪᒧᑦ
- ᑎᑎᕋᐅᓯᕆᖃᑦᑕᕐᓗᒋᑦ ᐊᒻᒪᓗ ᒥᐊᓂᕆᓗᒋᑦ ᐃᑦᑕᕐᓂᑕᖃᕐᕖᑦ ᐊᓯᖏᓪᓗ ᐱᖅᖁᓯᑐᖃᓄᑦ ᐃᓂᒋᔭᐅᔪᑦ
- ᐱᒻᒪᕆᐅᙱᑦᑐᓂᒃ ᖃᐅᔨᒪᓂᖃᕐᓂᕐᒧᑦ ᐋᖅᕿᒃᓯᓃᑦ - ᐱᓕᕆᐊᑦ ᐱᓕᕆᐊᖃᕐᓂᐊᖅᑐᓂᒃ ᐊᒃᓱᕈᕐᓇᐅᑎᐅᔪᓂᒃ ᒥᐊᓂᕆᓂᐊᕐᓗᒋᑦ ᐱᕈᖅᐸᓪᓕᐊᓂᖅ ᐱᖁᑎᕐᔪᐊᓂᒃ, ᐱᓂᐊᕐᓗᓂ ᐊᑭᑐᓂᖃᖅᑐᓂᒃ ᖃᐅᔨᒪᓂᖃᖅᑐᓂᒃ, ᐱᒻᒪᕆᐅᖏᑦᑐᓂᒃ ᖃᐅᔨᒪᓂᖃᓂᕐᒧᑦ ᐊᔪᙱᓐᓂᕆᔭᐅᔪᓂᒃ ᐱᑕᖃᙱᓐᓂᐅᔪᓂᒃ ᐊᒻᒪᓗ ᐊᑭᑐᓂᖏᓐᓂᑦ ᐊᑐᓕᖅᑎᑦᑎᓂᕐᒧᑦ. ᐱᓕᕆᓂᕐᓂᑦ ᐃᓚᐅᔪᖕᓇᖅᑐᑦ:
- ᓂᐅᕕᐊᒃᓴᖃᕐᓂᕐᒧᑦ ᖃᐅᔨᔭᐅᔪᑦ, ᐱᕙᓪᓕᐊᓂᖅ, ᐊᑕᐅᓯᕐᒨᖓᔪᓕᖅᑐᐃᓂᖅ ᐱᒻᒪᕆᐅᖏᑦᑐᓂᒃ ᖃᐅᔨᒪᓂᖃᕐᓂᕐᒧᑦ ᐊᑐᖅᑕᐅᔪᓂᒃ ᐊᒥᓲᓂᖅᓴᐅᔪᓄᑦ (ᓂᐅᕕᖅᑕᐅᖏᑦᑐᓂᑦ) ᐊᑐᖅᑕᐅᓂᐊᖅᑐᒧᑦ
- ᐱᓕᐅᕆᓂᕐᒥᒃ ᐊᖏᒡᓕᒋᐊᖅᓯᓂᕐᒧᑦ, ᐱᑖᕐᕕᐅᖃᑦᑕᖅᑐᓂᒃ ᑲᑎᑎᑦᑎᓂᕐᒧᑦ ᐊᓯᖏᓐᓂᓪᓗ ᖃᓄᐃᓕᐅᕈᑕᐅᔪᓂᒃ ᑐᕌᒐᖃᖅᑐᑦ ᐱᓂᐊᕐᓗᑎᒃ ᓄᑖᓂᒃ ᐱᒻᒪᕆᐅᖏᑦᑐᓂᒃ ᖃᐅᔨᒪᓂᖃᕐᓂᕐᒧᑦ ᐊᑐᖅᑕᐅᔪᓂᒃ ᐊᒻᒪᓗ ᐋᖅᕿᒃᓯᔾᔪᑎᓂᒃ ᓂᐅᕕᐊᒃᓴᐅᓂᐊᕐᓗᑎᒃ ᖃᓂᑦᑐᒥᑦ ᐅᑉᓗᕆᔭᐅᔪᓂᑦ
- ᐱᓕᐅᕆᓗᓂ ᐊᒻᒪᓗ ᐱᕈᐃᑎᑦᑎᓗᓂ ᐊᔪᙱᑦᑎᐊᖅᑐᓂᒃ ᐱᓕᕆᔨᓂᒃ ᐊᑐᕐᓗᑎᒃ ᐱᐅᓛᓂᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᖃᑦᑕᖅᑐᓂᒃ, ᐱᕙᓪᓕᐊᓗᑎᒃ ᐱᓕᕆᔨᓄᑦ ᐃᓂᓕᐅᕆᓂᕐᒥᒃ ᐊᒻᒪᓗ ᐊᔪᙱᓐᓂᖃᖅᑐᓂᒃ, ᐊᒻᒪᓗ ᐊᑐᕐᓗᑎᒃ ᐱᖅᖁᓯᕆᔭᐅᔪᒥᒃ ᓄᑖᓄᑦ ᐊᒻᒪᓗ ᓇᖕᒥᓂᖅ ᐱᓕᕆᐊᖃᕐᓂᕐᒧᑦ
- ᓴᙱᒃᑎᑎᕐᓗᒍ ᐱᕈᖅᐸᓪᓕᐊᓂᖃᖃᑎᒌᒃᑐᑦ ᐊᔪᙱᓛᖑᔪᓂᒃ ᐱᔪᒪᓂᖃᓕᖅᑎᑦᑎᓂᕐᒧᑦ ᖃᓄᐃᓕᐅᖅᑎᑦᑎᓂᒃᑯᑦ, ᐃᓚᐅᓗᑎᒃ ᓇᖕᒥᓂᕆᔭᐅᔪᖅ ᐱᓕᕆᐊᒥᒃ ᐃᑲᔪᖅᑐᓂᒃ, ᐊᑐᖅᑕᐅᔪᓂᒃ ᑕᑯᒃᓴᐅᑎᑦᑎᓗᑎᒃ ᐅᕝᕙᓘᓐᓃᑦ ᐱᑖᕐᕕᐅᖃᑦᑕᖅᑐᓂᒃ ᑕᑯᒃᓴᐅᑎᑦᑎᖃᑦᑕᕐᓗᑎᒃ, ᐊᒻᒪᓗ/ᐅᕝᕙᓘᓐᓃᑦ ᐱᓕᕆᐊᓂᒃ ᑐᕌᒐᖃᖅᑐᓂᒃ ᐱᐅᓯᒋᐊᖅᓯᓂᕐᒥᒃ ᑮᓇᐅᔭᖃᖅᑎᑕᐅᔪᓂᒃ ᐱᓂᐊᕐᓗᓂ
- ᐊᑐᓕᕐᓗᓂ/ᐃᓚᓕᐅᑎᓗᒍᑦ ᐱᒻᒪᕆᐅᖏᑦᑐᓂᒃ ᖃᐅᔨᒪᓂᖃᕐᓂᕐᒧᑦ ᐊᑐᖅᑕᐅᔪᓂᒃ ᐊᒻᒪᓗ ᐋᖅᕿᒃᓯᓂᓂᒃ ᓄᑖᖑᔪᓕᕆᓂᐊᕐᓗᓂ, ᐱᕈᐃᑎᑦᑎᓗᓂ, ᐊᒻᒪᓗ ᐱᓕᐅᕆᓂᕐᒥᒃ.
- ᐋᖅᕿᒃᓱᐃᒃᑲᓐᓂᕐᓂᖅ ᐊᒻᒪᓗ ᐃᓂᓕᐅᕆᓂᖅ ᐱᒻᒪᕆᐅᙱᑦᑐᓂᒃ ᖃᐅᔨᒪᓂᖃᕐᓂᕐᒥᒃ ᐊᑐᓕᖅᑎᑦᑎᓂᕐᒧᑦ
ᐊᒻᒪᓗ, ᒫᓐᓇᓵᖅ ᓄᓇᕐᔪᐊᕐᒥᑦ ᖃᓄᐃᓕᐅᕐᓂᐅᔪᑦ ᐊᒻᒪᓗ ᐊᓯᐊᙳᖅᐸᓪᓕᐊᔪᑦ ᒥᐊᓂᖅᓯᓂᕐᒧᑦ ᐱᔭᕆᐊᓕᖕᓄᑦ ᑕᑯᒃᓴᐅᑎᑦᑎᓯᒪᔪᑦ ᐱᒻᒪᕆᐅᓂᖓᑕ ᐱᓕᕆᓂᐅᔪᖅ ᐅᑭᐅᖅᑕᖅᑐᒥᑦ ᐱᓯᒪᓂᕐᒧᑦ ᐊᒻᒪᓗ ᓴᙱᒃᑎᑎᕆᓂᕐᒧᑦ ᑲᓇᑕᐅᑉ ᐃᓂᒋᔭᖓᓂᑦ ᓄᓇᕐᔪᐊᕐᒥᑦ. ᑕᐃᒪᓐᓇᒧᑦ, CanNor-ᑯᑦ ᐃᓱᒪᒋᓂᐊᖅᑕᖏᑦ ᐱᓕᕆᐊᑦ ᑕᑯᒃᓴᐅᑎᑦᑎᔪᑦ ᑎᑯᓕᐊᖅᓯᒪᔪᑦ ᒐᕙᒪᑐᖃᒃᑯᓐᓂᑦ ᒥᐊᓂᖅᓯᓂᕐᒧᑦ ᓯᕗᓪᓕᖅᐸᐅᑎᔭᐅᔪᓂᒃ ᐊᒻᒪᓗ/ᐅᕝᕙᓘᓐᓃᑦ ᐃᓚᐅᖃᑕᐅᔪᑦ ᐊᒥᓱᙳᕆᐊᖅᓯᔪᓂᒃ ᐅᑭᐅᖅᑕᖅᑐᒥᑦ ᓄᓇᖃᖅᖄᖅᑐᑦ ᓄᓇᓕᖕᓂᑦ ᐊᒻᒪᓗ ᓇᖕᒥᓂᖅ ᐱᓕᕆᐊᓕᖕᓂᑦ ᐱᕈᖅᐸᓪᓕᓂᖃᖅᑎᑦᑎᓂᕐᓄᑦ ᐱᔾᔪᑎᖃᖅᑐᓂᒃ ᐅᑭᐅᖅᑐᒥᑦ ᒥᐊᓂᖅᓯᓂᕐᒥᒃ.
ᖃᐅᔨᒪᔭᐅᔭᕆᐊᖃᖅᑐᖅ ᑮᓇᐅᔭᖃᖅᑎᑕᐅᓃᑦ ᒪᓂᒪᙱᑐᐃᓐᓇᕆᐊᖃᕐᒪᑕ ᑕᒪᐃᓐᓄᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᖑᔪᓄᑦ. ᑐᒃᓯᕋᐅᓯᐅᖅᑕᐅᔪᑦ ᑕᑯᒃᓴᐅᑎᑦᑎᔪᑦ ᑎᑭᐅᑎᔪᖕᓇᓛᖑᓂᖏᓐᓄᑦ ᑎᑎᕋᖅᓯᒪᔪᓂᑦ ᓯᕗᓪᓕᖅᐸᐅᑎᔭᐅᔭᕆᐊᓕᖕᓄᑦ ᓯᕗᓪᓕᖅᐸᐅᑎᔭᐅᓂᐊᖅᑐᑦ.
ᐊᔪᙱᑦᑐᑦ ᐱᓕᕆᐊᑦ ᓈᒻᒪᒋᔭᐅᔪᖕᓇᖅᑐᑦ ᑮᓇᐅᔭᖃᖅᑎᑕᐅᓂᐊᕐᓗᑎᒃ ᖃᑉᓯᐊᕐᔪᐃᑦ ᐅᑭᐅᓄᑦ. ᑮᓇᐅᔭᖃᖅᑎᑦᑎᓂᖅ ᐊᑐᕐᓂᐊᖅᑐᖅ ᐊᕐᕌᒍᑕᒫᒃᑯᑦ ᕿᒥᕐᕈᔭᐅᖃᑦᑕᕐᓗᓂ ᐱᓕᕆᐊᑉ ᐱᕙᓪᓕᐊᓂᖓᓄᑦ ᐊᒻᒪᓗ ᖃᓄᐃᖓᓂᐅᔪᓄᑦ ᐊᒻᒪᓗ ᐃᑲᔫᑕᐅᔪᓄᑦ.
3. ᐱᓕᕆᐊᕐᒧᑦ ᓂᕈᐊᕐᓗᑎᒃ ᐊᑐᖅᑕᐅᔪᖅ
3.1 ᓂᕈᐊᕐᓂᐊᕐᓗᑎᒃ ᐊᑐᖅᑕᐅᔪᖅ
ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᕿᓂᖅᑐᑦ ᖃᐅᔨᓂᐊᕐᓗᑎᒃ ᐱᓕᕆᐊᖑᔪᖕᓇᖅᑐᓂᒃ ᑮᓇᐅᔭᖃᖅᑎᑕᐅᓗᑎᒃ CanNor-ᑯᑦ ᑮᓇᐅᔭᖃᖅᑎᑦᑎᓂᕐᒧᑦ ᑐᕌᖓᔪᖏᓐᓂᑦ.
ᑕᒪᕐᒥᓗᒃᑖᖅ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᕿᒥᕐᕈᔭᐅᓂᐊᖅᑐᑦ ᐊᔪᙱᓐᓂᖏᑦ ᖃᐅᔨᓂᐊᕐᓗᒋᑦ ᐊᑐᕐᓗᒋᑦ ᐊᑐᖅᑕᐅᖃᑦᑕᖅᑐᑦ ᑕᒡᕙᓂ ᑎᑎᖅᖃᐅᑎᒥᑦ.
ᑐᒃᓯᕋᐅᓯᐅᖅᑐᓗᒃᑖᑦ ᑐᓂᓯᔪᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒥᑦ ᖃᐅᔨᑎᑕᐅᓂᐊᖅᑐᑦ ᖃᓄᐃᖓᓂᕆᔭᖓᓄᑦ. ᐃᓱᒪᓕᐅᕆᓃᑦ ᑐᓴᖅᑎᑦᑎᔾᔪᑕᐅᓂᐊᖅᑐᑦ ᑐᒃᓯᕋᐅᓯᐅᖅᑐᓄᑦ ᒪᓂᒪᓕᕌᖓᑕ. ᑐᒃᓯᕋᐅᓯᐅᖅᑐᑦ ᐱᐊᓂᑦᑎᐊᖅᓯᒪᑉᓗᑎᒃ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᖃᐅᔨᓴᐃᓂᕐᓄᑦ (ᓲᕐᓗ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᖁᑦᑎᓛᒦᑦᑐᑦ) ᑐᓂᓯᖁᔭᐅᓂᐊᖅᑐᑦ ᐃᓗᐃᑦᑑᔪᒥᒃ ᑐᒃᓯᕋᐅᓯᐅᕈᑎᒥᑦ.
ᖃᐅᔨᒪᒋᑦᑎ: ᐱᓕᕆᐊᖅ ᑮᓇᐅᔭᖃᖅᑎᑕᐅᔪᖕᓇᖅᑐᖅ ᐊᑕᐅᓯᑐᐃᓐᓇᕐᒥᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᒥᑦ ᐊᓯᐊᓅᖏᑦᑐᖅ. CanNor-ᑯᑦ ᐊᑐᖃᑦᑕᖅᑐᑦ "ᐃᓂᐅᔪᒦᑦᑐᒃᑯᑦ" ᐃᓱᒪᓕᐅᕆᓂᕐᒧᑦ ᖃᐅᔨᓴᐃᑎᓪᓗᒋᑦ ᐊᒻᒪᓗ ᓇᓃᓐᓂᖏᓐᓂᓕᐅᕆᑎᓪᓗᒋᑦ ᐱᓕᕆᐊᓂᑦ. ᐱᓕᕆᐊᖑᔪᖅ ᐃᒃᐱᒍᓱᒡᕕᖃᖅᑐᖅ ᐱᔭᐅᔭᕆᐊᖃᖅᑐᓂᒃ ᑮᓇᐅᔭᖃᖅᑎᑦᑎᓂᕐᒧᑦ ᐊᒻᒪᓗ ᐱᓕᕆᐊᕐᒥᒃ ᓯᕗᓪᓕᖅᐸᐅᑎᔭᐅᓂᐊᖅᑐᓂᒃ ᐊᑕᐅᓯᕐᒥᑦ ᓄᓇᓕᖕᒥᑦ/ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᒥᑦ, ᐱᕈᖅᐸᓪᓕᐊᓂᕐᒥᒃ ᐱᕙᓪᓕᐊᑎᑦᑎᒃᑲᓐᓂᕐᓂᐊᕐᓗᒍ, ᐊᔾᔨᒋᙱᑦᑐᖕᓇᖅᑕᖏᑦ ᐱᔭᐅᔭᕆᐊᓕᖕᒧᑦ ᐊᓯᖏᓐᓂᑦ ᓄᓇᓕᖕᓂᑦ / ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ.
3.2 ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᓂᒃ ᓂᕈᐊᕐᓂᐊᕐᓗᑎᒃ ᐊᑐᖅᑕᐅᔪᑦ
ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑦ ᕿᒥᕐᕈᔭᐅᓂᐊᖅᑐᑦ ᐅᑯᐊ ᐊᑐᖅᑕᐅᓗᑎᒃ
| ᓂᕈᐊᕐᓂᐊᕐᓗᑎᒃ ᐊᑐᖅᑕᐅᔪᑦ | ᐊᑐᖅᑐᑦ ᐃᓚᒋᔭᐅᔪᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᓄᑦ ᑕᑕᑎᕆᐊᓕᖕᒦᑦᑐᑦ |
|---|---|
| ᐱᓕᕆᐊᕐᒥᑦ ᖃᓄᐃᓕᐅᕈᑕᐅᓂᐊᖅᑐᑦ ᑎᑭᐅᑎᔭᐅᔪᖕᓇᖅᐸᑦ ᖃᖓᒃᑰᖓᓂᕆᔭᖓᓄᑦ ᐱᓕᕆᐊᑉ? | ᐱᓕᕆᐊᕐᒥᑦ ᐱᔾᔪᑎᖃᖅᑐᖅ; ᓯᕗᓂᐊᒍᑦ ᐱᓕᕆᐊᖑᓚᐅᖅᑐᖅ |
| ᑮᓇᐅᔭᖅᑑᑎ ᓈᒻᒪᒃᐸ ᐱᓕᕆᐊᕐᒧᑦ? | ᑮᓇᐅᔭᖅᑑᑎ |
| ᓇᓗᓇᙱᑦᑎᐊᖅᑐᒥᒃ ᐱᔭᐅᔭᕆᐊᖃᖅᑐᒥᒃ ᐅᕝᕙᓘᓐᓃᑦ ᐱᕕᖃᖅᑎᑦᑎᔪᒥᒃ ᐱᑕᖃᖅᐸ ᐱᓕᕆᐊᕐᒧᑦ? | ᐱᔭᐅᔭᕆᐊᓕᒃ/ᐱᕕᖃᖅᑎᑦᑎᓂᖅ; ᐱᓕᕆᐊᖑᓚᐅᖅᑐᖅ |
| ᓂᕆᐅᒋᔭᐅᔪᑦ ᐱᓕᕆᐊᕐᒥᑦ ᖃᓄᐃᖓᓂᐅᓂᐊᖅᑐᑦ ᑎᑯᓕᐊᖅᓯᒪᕙᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒥᑦ ᓯᕗᓪᓕᖅᐸᐅᑎᔭᐅᔪᒪᔪᓄᑦ? | ᐱᓕᕆᐊᕐᒥᑦ ᐱᔾᔪᑎᖃᖅᑐᖅ; ᖃᓄᐃᖓᓂᐅᔪᑦ |
| ᓂᕆᐅᒋᔭᐅᔪᑦ ᐱᕈᖅᐸᓪᓕᐊᓂᕐᒧᑦ ᐃᑲᔫᑏᑦ ᓱᓕᔫᕙᑦ? (ᓲᕐᓗ ᐱᓕᕆᐊᒃᓴᓂᒃ ᓴᖅᕿᑦᑎᔪᖅ ᐅᕝᕙᓘᓐᓃᑦ ᐱᓕᕆᐊᒃᓴᖃᖅᑎᑦᑎᔪᖅ) | ᐱᕈᖅᐸᓪᓕᐊᑎᑦᑎᓂᕐᒧᑦ ᐃᑲᔫᑏᑦ |
| ᑐᒃᓯᕋᐅᓯᐅᖅᑐᖅ ᐃᓂᖃᖅᐸ ᐱᓕᕆᐊᕆᓂᐊᕐᓗᒍ ᐱᓕᕆᐊᖅ? (ᓲᕐᓗ ᑮᓇᐅᔭᖏᑦ ᓈᒻᒪᒃᑑᕙᑦ, ᐱᓕᕆᖃᑎᒋᔭᐅᔪᑦ, ᐱᕝᕕᐅᖃᑦᑕᖅᑐᑦ) | ᐱᓕᕆᔪᑦ ᐋᖅᕿᐅᒪᓂᖏᓐᓄᑦ ᐱᔭᐅᔭᕆᐊᖃᖅᑐᖅ; ᐱᓕᕆᖃᑎᒋᔭᐅᔪᑦ/ᐃᑲᔪᖃᑦᑕᖅᑐᑦ, ᑮᓇᐅᔭᖅᑑᑎ |
3.3 ᑐᒃᓯᕋᕐᓗᑎᒃ ᑐᑭᓯᐅᒪᔾᔪᑎᒃᑲᓐᓂᕐᓂᑦ
ᖃᖓᒃᑯᑐᐃᓐᓇᖅ ᐱᔭᐅᑎᓪᓗᒋᑦ ᐊᒻᒪᓗ ᖃᐅᔨᓴᖅᑕᐅᑎᓪᓗᒋᑦ, CanNor-ᑯᓐᓂᑦ ᐱᓕᕆᔨᐅᑉ ᖃᐅᔨᒋᐊᕐᕕᒋᔪᖕᓇᖅᑕᖓ ᑐᒃᓯᕋᐅᓯᐅᖅᑐᖅ ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᓂᐊᕐᓗᓂ.
3.4 ᑐᒃᓯᕋᐅᓯᐅᖅᑐᑦ ᐱᐊᓂᑦᑎᐊᖅᓯᒪᔪᑦ ᒪᓕᒃᖢᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑦ
ᑐᒃᓯᕋᐅᓯᐅᖅᑐᑦ ᓂᕈᐊᖅᑕᐅᔪᑦ ᐃᓱᒪᒃᓴᖅᓯᐅᕈᑎᒋᔭᐅᓂᐊᕐᓗᑎᒃ ᑐᓂᓯᖁᔭᐅᓂᐊᖅᑐᑦ ᐃᓗᐃᑦᑐᒥᒃ ᑐᒃᓯᕋᐅᓯᐅᖅᓯᒪᔪᒥᒃ ᖃᐅᔨᓴᖅᑕᐅᒃᑲᓐᓂᕐᓂᐊᕐᓗᓂ ᐊᑐᕐᓗᒋᑦ ᓈᒻᒪᒃᑐᒧᑦ ᑐᕌᖓᔪᑦ ᖃᐅᔨᔭᐅᓂᖏᑦᑎᒍᑦ CanNor-ᑯᓐᓄᑦ. ᖃᐅᔨᒪᔭᐅᔭᕆᐊᖃᖅᑐᖅ ᑐᓂᓯᖁᔭᐅᔪᑦ ᐃᓗᐃᑦᑐᒥᒃ ᑐᒃᓯᕋᐅᓯᐅᖅᓯᒪᔪᒥᒃ ᖃᓄᑐᐃᓐᓇᖅ ᐱᑎᑦᑎᓂᐅᖏᑦᑐᖅ ᐱᓕᕆᐊᖅ ᐱᔾᔪᑎᒋᔭᐅᔪᖅ ᑮᓇᐅᔭᖃᖅᑎᑕᐅᖁᔭᐅᓂᐊᕐᓂᖓᓄᑦ.
ᖃᐅᔨᒪᒋᑦᑎ: ᖃᐅᔨᓐᓇᐅᑎ ᖃᓄᐃᖏᓐᓂᕐᒧᑦ ᐱᓕᕆᐊᖃᕐᓂᕐᒥᒃ ᐱᔭᕆᐊᖃᖅᑑᔪᖅ ᑐᒃᓯᕋᐅᓯᐅᕆᓂᕐᒦᑎᓪᓗᒋᑦ.
4. ᑐᑭᓯᐅᒪᔾᔪᑏᑦ ᑕᑕᑎᕆᓂᐊᕐᓗᑎ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᓄᑦ ᑕᑕᑎᕆᐊᓕᖕᓂᑦ
ᐱᔭᒃᓴᐅᑎᒋᔭᖓ ᑐᒃᓯᕋᐅᓯᐅᖅᑑᑉ ᐱᐊᓂᒡᓗᒋᑦ ᑕᒪᕐᒥᓗᒃᑖᖅ ᐃᓚᒋᔭᐅᔪᑦ ᓇᓚᐅᑦᑎᓯᒪᑦᑎᐊᕆᐊᖅᑐᒃᑯᑦ ᐊᒻᒪᓗ ᐱᐊᓂᑦᑎᐊᖅᓯᒪᒋᐊᕐᓗᒋᑦ. ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒧᑦ ᑕᑕᑎᕆᐊᓕᒃ ᐃᓗᓕᖃᖅᑐᖅ ᐅᑯᓂᙵᑦ ᐃᓚᒋᔭᐅᔪᓂᑦ:
- ᑐᒃᓯᕋᐅᓯᐅᖅᑐᖅ ᐊᒻᒪᓗ ᖃᐅᔨᒋᐊᕐᕕᐅᓂᐊᕐᓗᓂ ᑐᑭᓯᐅᒪᔾᔪᑎᖏᑦ
- ᐱᓕᕆᐊᑉ ᒥᒃᓵᓄᑦ ᑐᑭᓯᐅᒪᔾᔪᑏᑦ
- ᓇᓚᐅᑦᑖᖅᑕᐅᔪᑦ ᐱᓕᕆᐊᕐᒧᑦ ᐊᑭᐅᔪᑦ ᐊᒻᒪᓗ ᑮᓇᐅᔭᖃᖅᑎᑦᑎᔪᑦ
- ᐊᔾᔨᒌᙱᑦᑑᑏᑦ ᐊᒻᒪᓗ ᐃᓚᐅᑎᑦᑎᓂᖅ
- ᐱᔪᖕᓇᖅᑎᑦᑎᓂᖅ
- ᐱᓕᕆᐊᕐᒥᑦ ᑐᓂᓯᓂᖅ ᐊᒻᒪᓗ CanNor-ᑯᑦ ᖃᐅᔨᒋᐊᕐᕕᐅᓂᐊᕐᓗᑎᒃ ᑐᑭᓯᐅᒪᔾᔪᑎᖏᑦ
ᖃᓄᐃᑦᑑᓂᖏᓐᓂᒃ ᐅᖃᖅᓯᒪᔪᑦ ᐊᑐᓂ ᐃᓚᒋᔭᐅᔪᓂᑦ ᐃᓚᐅᔪᑦ ᐊᑖᓂᑦ ᐃᑲᔪᕐᓂᐊᕐᓗᑎᑦ ᑕᑕᑎᕐᓂᐊᕐᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒧᑦ ᑕᑕᑎᕆᐊᓖᑦ. ᓈᓴᐅᓯᖅᑐᖅᓯᒪᔪᑦ ᐊᑐᓂ ᐃᓚᒋᔭᐅᔪᓂᑦ ᐱᔾᔪᑎᖃᖅᑐᑦ ᓈᓴᐅᑎᓂᒃ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒧᑦ ᑕᑕᑎᕆᐊᓕᖕᒥᑦ.
ᐊᓯᐊᔨᓂᐊᖏᓪᓗᒋᑦ ᐱᓕᕆᐊᕆᔭᑎᑦ ᐊᓯᐅᔨᑦᑕᐃᓕᔾᔪᑎ ᓇᕿᖃᑦᑕᕋᔪᒡᓗᒍ ᐱᖁᔭᐅᔪᖅ, ᑐᓂᐅᑎᒋᓂᐊᖅᖄᖅᑎᓐᓇᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ CanNor-ᑯᓐᓄᑦ.
ᑐᒃᓯᕋᐅᓯᐅᖅᑐᖅ ᐊᒻᒪᓗ ᖃᐅᔨᒋᐊᕐᕕᐅᓂᐊᕐᓗᓂ ᑐᑭᓯᐅᒪᔾᔪᑎᖏᑦ
4.1. ᒪᓕᒐᒃᑯᑦ ᐊᑎᖓ ᑐᒃᓯᕋᐅᓯᐅᖅᑑᑉ
ᒪᓕᒐᒃᑯᑦ ᐊᑎᖓ ᐊᑐᖅᑕᐅᔪᖅ ᐊᑎᖓᐅᔪᖅ ᐊᐅᓛᑦᑎᔨᐅᑉ ᐅᕝᕙᓘᓐᓃᑦ ᓇᖕᒥᓂᖅ ᐱᓕᕆᐊᖃᖅᑑᑉ ᐊᑎᓕᐅᕐᒪᒍ ᐅᕝᕙᓘᓐᓃᑦ ᐱᙳᖅᑎᑕᐅᓚᐅᕐᒪᑦ. ᐊᔾᔨᒋᙱᑦᑐᖕᓇᖅᑕᖓ ᐊᐅᓚᑦᑎᔨᐅᑉ ᐊᐅᓛᖅᑎᑦᑎᓂᕐᒧᑦ ᐊᑎᕆᔭᖓᓂᑦ (ᓲᕐᓗ ᒪᓕᒐᒃᑯᑦ ᐊᑎᖓ 123456 Northern Ltd-ᖑᔪᖅ, ᐊᐅᓛᖅᑎᑦᑎᓂᖅ ᑭᑐᑐᐃᓐᓇᓄᑦ ᑕᑯᒃᓴᐅᓂᖓ ABC Moving Services-ᖑᑉᓗᓂ).
4.2. ᐱᓕᕆᐊᒃᓴᖅ ᐊᑎᖓ
ᑐᓂᓯᓗᑎᑦ ᓇᐃᑦᑐᒥᑦ, ᑐᑭᓯᓐᓇᖅᑐᒥᑦ ᐊᑎᖓᓂᑦ ᐅᖃᐅᓯᖃᖅᑐᒥᒃ ᐱᓕᕆᐊᕐᓄᑦ. ᐃᓚᐅᑎᓐᓂᐊᖅᐸᐃᑦ ᐱᓕᕆᐊᖅ ᓱᓇᒥᒃ ᐱᔾᔪᑎᖃᕐᒪᖔᑦ ᐊᑎᕆᔭᖓᓄᑦ (ᓲᕐᓗ ᐊᓄᕆᒥᑦ ᑲᐃᕕᑦᑐᓂᒃ ᐊᔪᙱᓐᓂᐊᕐᒪᖔᑦ ᖃᐅᔨᓴᐃᓂᖅ, ᐱᐅᓯᒋᐊᖅᓯᓃᑦ ᐆᒻᒪᖅᖁᑎᒥᒃ ᐊᑐᓗᐊᖏᓐᓂᕐᒧᑦ, ᐊᖏᒡᓕᒋᐊᖅᓯᓂᖅ ᓂᕿᓂᒃ ᑐᓂᐅᖅᖃᐃᓂᕐᒧᑦ ᐊᑐᖅᑕᐅᔪᒥᒃ).
4.3. ᐊᑐᖅᑕᐅᖃᑦᑕᖅᑐᖅ ᖃᐅᔨᒋᐊᕐᕕᐅᓂᐊᕐᓗᓂ ᐊᑎᖅ
ᐃᓕᓗᒍ ᐃᓄᒃ ᐱᔪᖕᓇᖅᑎᑦᑎᔪᖅ ᑭᒡᒐᖅᑐᐃᓂᐊᕐᓗᓂ ᓇᖕᒥᓂᖅ ᐱᓕᕆᐊᕐᒥᑦ ᐅᕝᕙᓘᓐᓃᑦ ᐊᐅᓚᑦᑎᔪᓂᒃ. ᐃᓄᒃ ᖃᐅᔨᒋᐊᕐᕕᐅᖃᑦᑕᕐᓂᐊᖅᑐᖅ ᐱᔾᔪᑎᒋᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᒥᒃᓵᓄᑦ.
4.4. ᐅᖃᓘᑎᐅᑉ ᓈᓴᐅᑎᖓ (ᐊᑐᖅᑐᖅ ᖃᐅᔨᒋᐊᕐᕕᐅᓂᐊᕐᓗᓂ)
ᐃᓚᐅᓂᐊᖅᐳᖅ ᐱᖓᓱᐃᑦ ᓈᓴᐅᑏᑦ ᓯᕗᓂᐊᓃᑦᑐᑦ ᐅᖃᓘᑎᖓᑕ ᓈᓴᐅᑎᖓᓂᑦ ᖃᐅᔨᒋᐊᕐᕕᐅᓂᐊᖅᑑᑉ.
4.5. ᖃᕆᑕᐅᔭᒃᑯᑦ ᑎᑎᖅᖃᓄᑦ ᑐᕌᕈᑎ (ᐊᑐᖅᑐᖅ ᖃᐅᔨᒋᐊᕐᕕᐅᓂᐊᕐᓗᓂ)
ᐃᓚᐅᑎᓪᓗᒍ ᖃᕆᑕᐅᔭᒃᑯᑦ ᑎᑎᖅᖃᑎᒍᑦ ᑐᕌᕈᑎᒋᔭᖓ ᖃᐅᔨᒋᐊᕐᕕᐅᓂᐊᖅᑑᑉ ᐊᒻᒪᓗ ᑭᑐᓗᒃᑖᓄᑦ ᐊᐅᓚᑦᑎᔨᒃᑯᓐᓂᑦ ᐊᑐᖅᑕᐅᖃᑦᑕᖅᑑᖏᓪᓗᒍ.
4.6. ᑐᒃᓯᕋᐅᓯᐅᖅᑑᑉ ᑎᑎᖅᖃᑎᒍᑦ ᑐᕌᕈᑎᖓ
ᐃᓚᐅᓗᒋᑦ ᑕᒪᕐᒥᓗᒃᑖᖅ ᑎᑎᖅᖃᑎᒍᑦ ᑐᕌᕈᑎᖓ ᑎᑎᕋᕐᕕᒋᔭᐅᔫᑉ ᐊᐅᓚᑦᑎᔨᒃᑯᓐᓄᑦ ᐅᕝᕙᓘᓐᓃᑦ ᓇᖕᒥᓂᖅ ᐱᓕᕆᐊᑉ ᑐᒃᓯᕋᐅᓯᐅᖅᑑᑉ ᑮᓇᐅᔭᖃᖅᑎᑕᐅᓂᐊᕐᓗᓂ. ᐃᓚᐅᓗᒍ ᑐᕌᕈᑎ, ᓄᓇᓕᐸᐅᔭᖅ, ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᖅ/ᑲᓇᑕᒥᑦ ᓄᓇᖏᓐᓄᑦ ᐊᕕᒃᑐᖅᓯᒪᔪᖅ ᐊᒻᒪᓗ ᑎᑎᖅᖃᓕᕆᕝᕕᖕᒧᑦ ᓇᓗᓇᐃᒃᑯᑕᖅ.
4.7. ᑐᒃᓯᕋᐅᓯᐅᖅᑑᑉ ᐱᓕᕆᐊᖓᓄᑦ ᐅᖃᓘᑎᖓ
ᓇᖕᒥᓂᖅ ᐱᓕᕆᐊᑉ ᓈᓴᐅᑎᖓ ᐊᔾᔨᐅᖏᑦᑑᑉᓗᓂ 9-ᓂᒃ ᓈᓴᐅᑎᓕᒃ ᑎᓂᔭᐅᓯᒪᔪᖅ ᑲᓇᑕᒥᑦ ᑖᒃᓰᔭᐃᔭᖅᑐᓕᕆᔨᒃᑯᓐᓄᑦ (CRA).
4.8. ᐱᓕᕆᐊᖓᓂᑦ ᐱᓕᕆᐊᖑᔪᖅ ᖃᓄᐃᑦᑑᓂᖓ
ᓇᖕᒥᓂᖅ ᐱᓕᕆᐊᕇᔭᐅᔪᑦ ᐱᓕᕆᐊᕆᔭᖏᑦ ᐊᑐᖅᑕᐅᓗᐊᖅᑐᒥᑦ ᐅᕝᕙᓘᓐᓃᑦ ᖃᓄᐃᓕᐅᕐᓂᓗᐊᕆᔭᖓᓂᑦ ᓇᖕᒥᓂᖅ ᐱᓕᕆᐊᑉ ᐅᕝᕙᓘᓐᓃᑦ ᐊᐅᓚᑦᑎᔨᐅᔪᑦ. ᑎᑎᕋᖅᓯᒪᔪᑦ ᑐᒃᓯᕋᐅᓯᐅᖅᑑᑉ ᐱᓕᕆᐊᖏᑦ ᖃᓄᐃᑦᑑᓂᖏᓐᓄᑦ ᓲᕐᓗ ᑐᒃᓯᕋᐅᓯᐅᖅᑑᑉ ᐱᓕᕆᐊᖏᑦ = ᑐᔪᕐᒥᕕᖕᓄᑦ ᐊᒻᒪᓗ ᓂᕿᓄᑦ ᐱᔨᑦᑎᕋᐃᔩᑦ - ᓴᖅᕿᑕᐅᓯᒪᔪᓄᑦ ᐃᓚᐅᕝᕕᒋᖃᑦᑕᖅᑕᖏᓐᓄᑦ ᓇᐃᑦᑑᔪᒥᑦ ᑐᔪᕐᒥᕕᖕᓂᑦ ᐅᕝᕙᓘᓐᓃᑦ ᓂᕆᔭᒃᓴᓕᐅᕆᓂᕐᓄᑦ, ᑕᒧᐊᔭᒃᓴᓂᒃ ᓂᕆᔭᐅᑲᐅᑎᒋᓂᐊᖅᑐᓄᑦ; ᑐᒃᓯᕋᐅᓯᐅᖅᑑᑉ ᐱᓕᕆᐊᖏᑦ = ᑭᑐᑐᐃᓐᓇᓄᑦ ᐊᐅᓚᑦᑎᓂᖃᖅᑐᑦ - ᐃᓚᐅᑎᑦᑎᓂᕐᒥᒃ ᖃᓄᐃᓕᐅᖅᑎᑦᑎᓂᕐᓄᑦ ᒐᕙᒪᒃᑯᓐᓂᙶᖅᑐᓕᕆᓂᕐᓄᑦ. ᐅᑯᐊ ᑕᐃᑯᙵᕈᖕᓇᐅᑎᐅᔪᑦ ᐱᔭᐅᔪᖕᓇᖅᑐᑦ ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᓂᐊᕐᓗᑎᒃ ᐅᐊᖕᓇᖓᓂᑦ ᐊᒥᐊᓕᑲᐅᑉ ᐱᓕᕆᕝᕕᖕᓄᑦ ᐃᓂᓕᐅᕆᓂᕐᒧᑦ ᐋᖅᕿᐅᒪᔪᖅ (NAICS).
4.9. ᑐᒃᓯᕋᐅᓯᐅᕈᑕᐅᔪᖅ ᖃᓄᐃᑦᑑᓂᖓ
ᐅᑯᐊ ᑐᑭᓯᐅᒪᔾᔪᑏᑦ ᐱᒻᒪᕆᐅᔪᑦ ᖃᐅᔨᓂᐊᕐᓗᓂ ᑐᒃᓯᕋᐅᓯᐅᖅᑐᖅ ᐊᔪᙱᓐᓂᐊᕐᒪᖔᑦ ᐱᑎᑕᐅᓂᐊᕐᓗᓂ.
- ᑮᓇᐅᔭᓂᒃ ᐱᕈᐃᑎᑦᑎᓂᕐᒧᑦ ᐃᓚᐅᔪᑦ ᓇᖕᒥᓂᖅ ᐱᓕᕆᐊᓖᑦ ᓲᕐᓗ ᒥᑭᑦᑐᑦ ᐊᒻᒪᓗ ᕿᑎᐊᓃᖓᔪᑦ ᐱᓕᕆᐊᓖᑦ, ᐱᙳᖅᑎᑕᐅᓯᒪᔪᑦ ᑲᒻᐸᓃᑦ ᑯᐊᐳᕇᓴᐃᑦ ᐅᕝᕙᓘᓐᓃᑦ ᑯᐊᐸᐅᔪᑦ, ᐅᕝᕙᓘᓐᓃᑦ ᓄᓇᖃᖅᖄᖅᑐᑦ ᐊᐅᓚᑦᑎᔨᐅᔪᑦ ᓲᕐᓗ ᓄᓇᖃᖅᖄᖅᑐᑦ/ᐃᖅᕿᓖᑦ ᓄᓇᖅᖃᑎᒌᑦ/ᒦᑎᓄᑦ ᓇᖕᒥᓂᕆᔭᐅᔪᑦ ᐱᓕᕆᐊᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓃᑦᑐᑦ ᐅᕝᕙᓘᓐᓃᑦ ᐊᐅᓛᖅᑎᑕᐅᔪᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ.
- ᐃᑲᔪᐃᓂᕐᒧᑦ ᑲᑐᔾᔨᖃᑎᒌᓂᑦ ᐃᓚᐅᔪᑦ ᐊᐅᓚᑦᑎᔩᑦ ᓲᕐᓗ ᓇᖕᒥᓂᖅ ᐱᓕᕆᐊᓕᖕᓄᑦ ᑲᑎᒪᔩᑦ, ᐱᓕᕆᐊᖃᖅᑐᓂᒃ ᑲᑐᔾᔨᖃᑎᒌᑦ ᐊᒻᒪᓗ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔨᐅᔪᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓃᑦᑐᑦ ᐊᒻᒪᓗ ᐃᑲᔪᖃᑦᑕᖅᑐᑦ ᓄᓇᓕᖕᒥᑦ ᐱᕈᖅᐸᓪᓕᐊᑎᑦᑎᓂᕐᒧᑦ.
- ᓄᓇᖃᖅᖄᖅᑐᑦ ᒐᕙᒪᐃᑦ ᐃᓚᐅᔪᑦ ᐃᖅᕿᓖᑦ ᓄᓇᖅᖃᑎᒌᑦ, ᒦᑏ ᐊᒻᒪᓗ ᐃᓄᐃᑦ ᓄᓇᓕᖕᒥᑦ / ᐃᓂᐅᔪᒧᑦ ᒐᕙᒪᐃᑦ ᐊᒻᒪᓗ ᐃᖅᕿᓖᑦ ᓄᓇᖅᖃᑎᒌᓄᑦ ᑲᑎᒪᔨᖏᑦ.
- ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᒥᑦ ᒐᕙᒪᐃᑦ ᐃᓚᐅᔪᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᒥᑦ ᐊᕕᒃᑐᖅᓯᒪᔪᑦ ᐅᕝᕙᓘᓐᓃᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᒥᑦ ᑯᐊᐳᕇᓴᐅᔪᖅ ᐱᓕᕆᐊᖃᖅᑐᖅ ᐃᑲᔪᖅᑐᐃᓂᕐᒥᒃ ᐱᕈᖅᐸᓪᓕᐅᓂᕐᒥᒃ ᐱᕙᓪᓕᐊᓂᕐᒧᑦ ᐊᑕᐅᓯᕐᒥᑦ ᐊᒥᓲᓂᖅᓴᓂᓪᓘᓐᓃᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ.
- ᕼᐋᒻᓚᐃᑦ ᒐᕙᒪᐃᑦ ᐃᓚᐅᔪᑦ ᓄᓇᓕᖕᒥᑦ ᐋᖅᕿᒃᑕᐅᔪᑦ ᒐᕙᒪᐅᓂᐊᕐᓗᑎᒃ ᓂᕈᐊᖅᑕᐅᖃᑦᑕᖅᑐᑦ ᐱᔪᖕᓇᖅᑎᑦᑎᔨᐅᑉᓗᑎᒃ (ᓲᕐᓗ ᒪᐃᔭ ᐊᒻᒪᓗ ᕼᐋᒻᓚᒃᑯᓐᓄᑦ ᑲᑎᒪᔩᑦ).
- ᐊᓯᖓ: ᐅᖃᐅᓯᕆᓗᒍ. ᑭᓯᕐᒥᐅᖅᑐᖅ ᐱᓕᕆᐊᖃᖅᑐᖅ ᐆᒃᑑᑕᐅᓇᔭᖅᑐᖅ ᐊᓯᖏᑦ ᑐᒃᓯᕋᐅᓯᐅᖅᑐᓄᑦ.
4.10. ᓇᐃᑦᑐᒥᒃ ᐅᖃᐅᓯᖃᖅᑐᖅ ᐊᐅᓚᑦᑎᔨᐅᔪᓂᒃ ᐊᒻᒪᓗ ᐱᔭᒃᓴᐅᑎᒋᔭᖏᓐᓂᑦ
ᑐᑭᓯᐅᒪᔾᔪᑏᑦ ᐊᑐᖅᑕᐅᓂᐊᖅᑐᑦ ᐃᓚᖓᒍᑦ ᖃᐅᔨᓂᐊᕐᓗᑎᒃ ᑐᒃᓯᕋᐅᓯᐅᖅᑐᖅ ᐱᔭᒃᓴᐅᑎᐅᔪᒥᒃ ᐱᖃᕐᒪᖔᑦ ᐊᒻᒪᓗ ᐱᓕᕆᐊᖃᕈᖕᓇᕐᓂᐊᕐᓗᓂ ᐱᓕᕆᐊᕐᒥᑦ ᑕᐃᒪᓐᓇᐃᑦᑐᒥᑦ.
ᐱᓕᕆᐊᑉ ᒥᒃᓵᓄᑦ ᑐᑭᓯᐅᒪᔾᔪᑏᑦ
4.11. ᐱᓕᕆᐊᑉ ᐃᓂᖃᕐᕕᒋᔭᖓ (ᓄᓇᓕᒃ)
ᑐᓂᓯᓗᑎᑦ ᐊᑎᖓᓂᒃ ᓄᓇᓕᐅᑉ/ᓄᓇᓖᑦ ᐱᓕᕆᐊᖃᕐᕕᐅᓂᐊᖅᑐᒥᑦ. ᐱᓕᕆᐊᓄᑦ ᐊᑕᐅᓯᐅᖏᑦᑐᒥᑦ ᓄᓇᓕᖕᓂᑦ, ᓇᓗᓇᐃᕐᓗᒋᑦ ᖃᑉᓯᐅᓂᖏᑦ ᓄᓇᓖᑦ (ᓲᕐᓗ 7 ᓄᓇᕗᒻᒥᑦ ᓄᓇᓖᑦ). ᑭᖑᓂᐊᒍᑦ, ᐱᓕᕆᐊᑉ ᖃᓄᐃᑦᑑᖓᓂᓕᕆᓂᕐᒥᑦ (14a), ᓇᓗᓇᐃᕐᓗᒋᑦ ᐊᑎᖏᑦ ᐊᑐᓂ ᓄᓇᓖᑦ ᐃᓚᐅᖃᑕᐅᔪᑦ ᐱᓕᕆᐊᕆᔭᖕᓄᑦ.
4.12. ᓂᕆᐅᒋᔭᐅᔪᖅ ᐅᑉᓗᕐᒥᑦ ᐱᒋᐊᕐᓂᐊᕐᓂᖓᓄᑦ
ᐅᑉᓗᖅ ᓯᕗᓪᓕᖅᐹᒥᒃ ᐱᓕᕆᓂᖃᕐᒪᑕ ᓂᕆᐅᒋᔭᐅᑉᓗᑎᒃ ᐱᒋᐊᑲᐅᑎᒋᓂᐊᕐᓂᖓᓄᑦ. ᐊᑭᖏᑦ ᐊᑭᓕᖅᑕᐅᔪᑦ ᐱᒋᐊᕐᓂᐊᓵᖅᑎᓪᓗᒍ ᐱᓕᕆᐊᖅ ᐅᑎᖅᑎᑕᐅᓂᐊᖏᑦᑐᑦ.
4.13. ᓂᕆᐅᒋᔭᐅᔪᖅ ᐅᑉᓗᕐᒥᑦ ᐱᐊᓂᖕᓂᐊᕐᓂᖓᓄᑦ
ᐅᑉᓗᖅ ᑕᒪᕐᒥᒃ ᐱᓕᕆᐊᕐᒥᑦ ᖃᓄᐃᓕᐅᕐᓂᐅᔪᑦ ᓂᕆᐅᒋᔭᐅᔪᑦ ᐱᐊᓂᒃᑕᐅᓂᐊᕐᓂᖏᓐᓄᑦ.
4.14. ᐱᓕᕆᐊᕐᒥᑦ ᐅᖃᐅᓯᖃᖅᑐᖅ ᖃᓄᐃᑦᑑᓂᖓᓄᑦ
ᐃᓚᒋᔭᐅᔪᒥᑦ, ᐅᖃᐅᓯᕆᓂᐊᖅᑕᐃᑦ ᐱᓕᕆᐊᖅ ᖃᑉᓯᐊᕐᔫᓗᒋᑦ ᑎᑎᕋᖅᓯᒪᔪᒃᑯᑦ.
- ᐱᔾᔪᑎᖃᖅᑐᖅ: ᓱᓇᒥᒃ ᐱᔾᔪᑎᖃᖅᐸ ᐱᓕᕆᐊᖅ? ᓱᓇᐅᕙᑦ ᐱᓕᕆᐊᖑᓗᐊᕐᓂᐊᖅᑐᓂᑦ ᐱᐊᓂᖕᓂᐊᖅᑕᑎᑦ? ᖃᖓᒃᑰᖓᕙᑦ ᐅᑉᓗᐃᑦ ᐱᓕᕆᐊᕐᒧᑦ? ᐅᖃᐅᓯᕆᑦᑎᐊᕐᓗᒍ.
- ᐱᔭᐅᔭᕆᐊᓕᒃ ᐅᕝᕙᓘᓐᓃᑦ ᐱᕕᖃᖅᑎᑦᑎᓂᖅ: ᓇᓂ ᐱᓕᕆᐊᖅ ᐱᔭᐅᔭᕆᐊᖃᖅᐸ? ᓱᓇᑦ ᐱᓕᕆᐊᓖᑦ ᐱᓕᕆᐊᕐᒥᑦ ᐃᑲᔪᖅᑐᑦ? ᓱᖕᒪᑦ ᐱᓕᕆᐊᓕᒃ ᐱᒻᒪᕆᐅᕙ ᐱᕈᖅᐸᓪᓕᐊᓂᖃᕐᓂᕐᒧᑦ ᒫᓐᓇᐅᔪᖅ? ᓱᖕᒪᑦ CanNor-ᑯᑦ ᐱᑖᖅᓯᒪᔭᕆᐊᖃᖅᐸᑦ ᐱᓕᕆᐊᕐᒧᑦ? ᖃᓄᐃᓕᐅᕐᓂᐅᔪᒥᑦ, ᐱᔨᑦᑎᕋᐅᑎᒥᑦ ᐅᕝᕙᓘᓐᓃᑦ ᐱᖁᑎᒥᑦ ᒪᓂᒫᓂᒃᐸᑦ ᐅᕝᕙᓘᓐᓃᑦ ᑐᓂᔭᐅᑉᓗᑎᒃ ᐊᓯᐊᓄᑦ ᐊᐅᓚᑦᑎᔨᐅᔪᒧᑦ ᐅᕝᕙᓘᓐᓃᑦ ᓇᖕᒥᓂᖅ ᐱᓕᕆᐊᓕᖕᒧᑦ ᑲᒻᐸᓂᒧᑦ? ᐄ-ᖑᒃᐸᑦ, ᐅᖃᐅᓯᕆᓗᒍ ᖃᓄᖅ ᐱᓕᕆᐊᕆᔭᐃᑦ ᐃᑲᔪᐃᓂᖃᕐᓂᐊᖅᐸ ᐊᒻᒪᓗ ᓱᓇᓂᒃ ᐃᓚᓯᓂᐊᖅᐸ ᐱᑕᖄᓂᒃᑐᓄᑦ. ᐋᒃᑲᐅᒃᐸᑦ, ᐅᖃᐅᓯᕆᓗᒋᑦ ᓱᓇᒥᒃ ᐱᔭᐅᔭᕆᐊᓕᖕᒥᑦ ᑎᑭᐅᑎᓂᖃᖅᐸ ᐱᓕᕆᐊᕐᒧᑦ ᐊᒻᒪᓗ, ᐊᑐᖅᐸᑦ, ᓂᐅᕕᐊᒃᓴᐅᔪᖕᓇᕐᓂᕐᒧᑦ.
- ᖃᓄᐃᖓᓂᐅᔪᑦ: ᓱᓇᓂᑦ ᐱᖁᑎᓂᑦ (ᓲᕐᓗ ᐅᖃᓕᒫᒐᓕᐊᓂᑦ, ᐃᓕᓐᓂᐊᖅᑎᑦᑎᓂᕐᒧᑦ ᐊᑐᖅᑕᐅᔪᑦ) ᐅᕝᕙᓘᓐᓃᑦ ᐱᔨᑦᑎᕋᐅᑏᑦ (ᓲᕐᓗ ᑐᕌᖓᔪᑦ, ᑲᑎᒪᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᐱᔨᑦᑎᕋᐅᑏᑦ ᑲᑎᒪᔨᐊᓛᓄᐊᖅᑕᐅᔪᑦ) ᐱᓕᕆᐊᖅ ᓴᖅᕿᑦᑎᓂᐊᖅᐸ? ᐅᖃᐅᓯᕆᓗᒋᑦ ᐊᖏᓂᖅᓴᐅᔪᑦ ᐊᒃᑐᖅᓯᓂᖃᕐᓂᐊᖅᑐᑦ ᐱᔨᑦᑎᕋᐅᑎᓂᑦ ᐱᔪᓂᒃ ᐅᕝᕙᓘᓐᓃᑦ ᐱᔨᑦᑎᕋᐅᑎᓂᑦ. ᐅᖃᐅᓯᕆᓗᒋᑦ ᖃᓄᖅ ᐱᓕᕆᐊᖃᖅᑐᑦ ᐃᑲᔪᖅᑕᐅᓂᖃᕐᓂᐊᕐᒪᖔᑕ ᐊᒻᒪᓗ ᐱᕈᕐᓗᑎᒃ ᐱᓕᕆᐊᕐᒥᑦ ᐱᔪᓂᒃ. ᐱᓕᕆᐊᕆᓗᒍ ᓲᖅ ᐱᓕᕆᐊᖅ ᐱᒻᒪᕆᐅᖕᒪᖔᑦ ᓇᖕᒥᓂᖅ ᐱᓕᕆᐊᖕᓄᑦ ᐅᕝᕙᓘᓐᓃᑦ ᐊᐅᓚᑦᑎᔨᒧᑦ. ᓇᐃᑦᑐᒥᒃ ᐅᖃᐅᓯᕆᓗᒍ ᑭᓇ ᐅᕝᕙᓘᓐᓃᑦ ᓱᓇ ᐊᓯᐊᙳᕐᓂᐊᖅᐸ ᐊᒻᒪᓗ ᓂᕆᐅᒋᔭᑎᑦ ᑕᑯᓂᐊᖅᑕᑎᑦ ᐊᓯᐊᙳᖅᑐᓂᑦ (ᐱᑲᐅᑎᒋᓂᐊᖅᑐᑦ, ᓇᐃᑦᑑᔪᒥᑦ ᐅᕝᕙᓘᓐᓃᑦ ᐊᑯᓂᐅᓂᖅᓴᐅᔪᒧᑦ).
- ᐃᑲᔫᑏᑦ: ᑎᑎᕋᕐᓗᒋᑦ ᓂᕆᐅᒋᔭᐅᔪᑦ ᐆᒃᑐᕋᖅᑕᐅᔪᖕᓇᖅᑐᑦ ᐱᕈᖅᐸᓪᓕᐊᑎᑦᑎᓂᕐᒧᑦ ᐃᑲᔪᖅᑐᑦ ᐱᓕᕆᐊᕐᒥᑦ ᐱᔪᓂᒃ. ᐆᒃᑑᑎᓂᑦ ᐃᓚᐅᔪᑦ, ᑭᓯᐊᓂ ᑭᒡᓕᒋᙱᑕᖏᑦ, ᐅᑯᐊ:
- ᖃᑉᓯᑦ ᐱᓕᕆᐊᒃᓴᐅᓕᕐᓂᐊᕐᓂᖏᑦ, ᐱᔭᐅᓯᒪᔪᑦ ᐅᕝᕙᓘᓐᓃᑦ ᐊᒥᓱᙳᕆᐊᖅᑐᑦ
- ᖃᑉᓯᐅᓂᖏᑦ ᐊᔪᕈᖕᓃᖅᓴᖃᑕᐅᔪᑦ ᐊᔪᙱᓐᓂᖃᖅᑐᓂᒃ ᐊᒥᒐᒃᓴᕐᓂᐅᔪᓂᑦ
- ᐊᖏᒡᓕᒋᐊᖅᑐ ᓂᐅᕕᐊᒃᓴᓄᑦ ᑐᓂᐅᖅᖃᐅᑕᐅᓂᐊᕐᓗᑎᒃ ᐊᒻᒪᓗ ᓂᐅᕕᐊᒃᓴᕆᓗᒋᑦ ᓄᓇᓕᖕᒥᑦ ᐱᖁᑏᑦ
- ᐱᐅᓯᒋᐊᖅᑐᖅ ᐃᓂᐅᔪᒥᑦ ᐳᓚᕋᖅᑐᓕᕆᓂᖅ ᐊᖏᒡᓕᒋᐊᕐᓂᖏᓐᓄᑦ ᓄᓇᓕᖕᒥᑦ ᐱᖁᑏᑦ ᐊᒻᒪᓗ ᐱᔨᑦᑎᕋᐅᑏᑦ
- ᐊᖏᒡᓕᒋᐊᖅᑐᖅ ᐱᓕᕆᐊᖅ ᐊᔪᙱᓐᓂᐊᕐᓂᕆᔭᖓ ᐱᐅᓯᒋᐊᖅᑕᐅᓂᖓᒍᑦ ᐆᒻᒪᖅᖁᑎ ᐊᒻᒪᓗ ᐊᐅᓛᖅᑎᑦᑎᓂᕐᒧᑦ ᐊᔪᙱᓐᓂᐅᔪᑦ
- ᐱᓕᕆᐊᖃᖅᖄᖅᑎᓐᓇᒋᑦ: ᑎᑎᕋᕐᓗᒋᑦ ᓱᓇᑐᐃᓐᓇᐃᑦ ᐱᓕᕆᐊᖑᓚᐅᖅᑐᑦ ᐸᕐᓇᒃᐸᓪᓕᐊᑉᓗᒍ ᐱᓕᕆᐊᖅ.
- ᐱᓕᕆᖃᑎᒋᔭᐅᔪᑦ/ᐃᑲᔪᖅᑐᑦ: ᐅᖃᐅᓯᕆᓗᒋᑦ ᖃᓄᖅ ᐃᓂᐅᔪᒥᑦ ᐅᕝᕙᓘᓐᓃᑦ ᓄᓇᓕᖕᒥᑦ ᐱᓕᕆᖃᑎᒋᔭᐅᔪᓂᒃ ᐱᔭᐅᓂᐊᖅᑐᓂᒃ ᐱᓕᕆᐊᖅ ᐱᔾᔪᑎᒋᑉᓗᒍ ᐱᔪᓂᒃ. ᓇᓗᓇᐃᓚᐅᖅᐱᒋᑦ ᓄᓇᓕᖕᒥᑦ, ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᒥᑦ ᐅᕝᕙᓘᓐᓃᑦ ᓇᖕᒥᓂᖅ ᐱᓕᕆᐊᓖᑦ ᐱᖃᑎᒋᔭᐅᔪᑦ (ᑮᓇᐅᔭᑎᒍᑦ) ᐅᕝᕙᓘᓐᓃᑦ ᐃᑲᔪᖃᑦᑕᖅᑐᑦ (ᑮᓇᐅᔭᒃᑰᖏᑦᑐᖅ) ᐱᓕᕆᐊᕐᓄᑦ? ᐄ-ᖑᒃᐸᑦ, ᓇᓗᓇᐃᕐᓗᒋᑦ ᑕᒡᕙᓂ ᐃᓚᒋᔭᐅᔪᒥᑦ. ᓂᕆᐅᒋᔭᐅᔪᖅ ᑎᑎᕋᖅᓯᒪᔪᑦ ᓇᓗᓇᐃᕐᓂᐊᕐᓗᒋᑦ ᐱᓕᕆᐊᕐᒧᑦ ᐱᓕᕆᖃᑎᒋᔭᐅᔪᑦ/ᐃᑲᔪᖃᑦᑕᖅᑐᑦ ᖃᐅᔨᑎᑦᑎᔾᔪᑕᐅᓂᐊᕐᒪᑕ ᐊᒻᒪᓗ ᓇᓗᓇᐃᖅᑕᐅᓗᑎᒃ ᐃᓗᐃᑦᑐᒥᒃ ᑐᒃᓯᕋᐅᓯᐅᖅᐸᑕ.
| ᓄᓇᓕᖕᒥᑦ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᒃ | ᓇᖕᒥᓂᖅ ᐱᓕᕆᐊᕐᒥᑦ ᐋᖅᕿᒃᓱᐃᓂᖅ | ᓯᕿᓂᕐᒥᑦ ᓄᑖᙳᖅᑎᕆᓂᖅ |
|---|---|---|
| ᐱᔾᔪᑎᖃᖅᑐᖅ: ᓄᓇᓕᒃ ᕿᓂᖅᑐᖅ CanNor-ᑯᓐᓂᑦ ᑮᓇᐅᔭᖃᖅᑎᑕᐅᓂᐊᕐᓗᑎᒃ 50%-ᖓᓂᑦ ᐊᑭᒋᔭᖏᓐᓄᑦ ᓂᐅᕕᕐᓂᐊᕐᓗᑎᒃ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᖕᒥᑦ. ᐱᓕᕆᐊᖅ ᓂᐅᕕᕐᓂᐊᖅᑐᖅ ᐊᑐᖅᑕᐅᔪᓂᒃ, ᐊᐅᓪᓚᖅᑎᑕᐅᓗᑎᒃ, ᓴᓇᓗᒍ ᐊᒻᒪᓗ ᐋᖅᕿᒃᓯᓗᓂ ᐊᐅᓛᖅᑎᑦᑎᓂᐊᖅᑐᓂᒃ ᐱᓕᕆᔨᓂᒃ ᓄᓇᓕᖕᒥᑦ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᖕᒥᑦ. ᐱᓕᕆᓂᐅᓗᐊᕐᓂᐊᖅᑐᑦ ᐱᓕᕆᐊᕐᒥᑦ ᐃᓚᐅᔪᑦ ᕼᐋᒻᓚᒃᑯᑦ ᑲᑎᒪᔨᖏᓐᓄᑦ ᓈᒻᒪᒋᔭᐅᓗᓂ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᐅᑉ ᐃᓂᒋᓂᐊᖅᑕᖓ, ᐊᑭᒋᓇᔭᖅᑕᖏᓐᓂᑦ ᑐᒃᓯᕋᕐᓗᓂ ᐊᑐᖅᑕᐅᓂᐊᖅᑐᓄᑦ ᐊᒻᒪᓗ ᐃᓂᓕᐅᕆᓂᕐᓄᑦ, ᐱᓗᑎᒃ ᐱᔪᖕᓇᖅᑎᑦᑎᔾᔪᑎᓂᑦ ᐳᒥᑦᓂᑦ ᓴᓇᓂᐊᕐᓗᒍ, ᓂᐅᕕᕐᓂᐊᕐᓗᒋᑦ ᐊᑐᖅᑕᐅᓂᐊᖅᑐᑦ ᐊᒻᒪᓗ ᑐᑭᒧᐊᒃᑎᕐᓗᒋᑦ ᐊᐅᓚᖅᑎᑕᐅᓂᐊᕐᓂᖏᑦ ᐅᒥᐊᕐᔪᐊᒃᑯᑦ, ᓴᓇᓗᒍ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᒃ, ᓇᓗᓇᐃᕐᓗᒋᑦ ᐊᐅᓛᖅᑎᑦᑎᓂᐊᖅᑐᑦ ᐃᓕᕆᔩᑦ ᐊᒻᒪᓗ, ᐅᒃᑯᐃᖅᑕᐅᓗᓂ ᓄᑖᖅ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᒃ. |
ᐱᔾᔪᑎᖃᖅᑐᖅ: ᐱᓕᕆᐊᖅ ᐊᖏᒡᓕᒋᐊᖅᓯᓂᐊᖅᑐᖅ ᐱᓕᕆᐊᑉᑎᖕᓂᑦ ᐊᐅᓛᖅᑎᑦᑎᓂᕐᓂᑦ ᓴᖅᕿᑦᑎᓗᑎᒃ ᑲᑎᕐᒪᔪᓂᒃ ᐱᖁᑎᑉᑎᖕᓂᑦ ᐱᒡᒎᒍᖕᓇᕐᓂᖅᓴᐅᑎᓪᓗᒍ ᖃᓂᑦᑐᒧᑦ ᐊᐅᓪᓚᖅᑎᑦᑎᓃᑦ ᐊᒻᒪᓗ ᓄᓇᓕᖕᒥᑦ ᓂᐅᕕᐊᒃᓴᐅᓂᐊᖅᑐᑦ. ᖃᓄᐃᓕᐅᕈᑕᐅᓗᐊᕐᓂᐊᖅᑐᓂᑦ ᐃᓚᐅᔪᑦ ᖃᓄᐃᑦᑑᓂᐊᕐᓂᖏᑦ ᓄᑖᑦ ᑲᑎᕐᒪᔪᑦ, ᐋᖅᕿᒡᓗᒋᑦ ᓇᒧᙵᐅᑎᔭᐅᓂᐊᕐᓂᖏᓐᓄᑦ ᐊᖏᖃᑎᒌᒍᑏᑦ ᓂᐅᕕᕐᕕᖕᓄᑦ ᑲᓇᑕᒥᑦ ᐊᒻᒪᓗ ᐊᒥᐊᓕᑲᓂᑦ. |
ᐱᔾᔪᑎᖃᖅᑐᖅ: ᐱᓕᕆᐊᖅ ᐱᐊᓂᒃᓯᓂᐊᖅᑐᖅ ᐸᕐᓇᐃᓂᕐᒧᑦ ᐱᔭᕆᐊᖃᖅᑐᓂᒃ ᐊᒻᒪᓗ ᓴᓇᓗᑎᒃ ᓯᕿᓂᕐᒥᑦ ᐆᒻᒪᖅᖁᑎᓕᐅᕆᓂᕐᒧᑦ ᐃᒡᓗᕐᔪᐊᒥᑦ. ᖃᓄᐃᓕᐅᕈᑕᐅᓗᐊᕐᓂᐊᖅᑐᑦ ᐃᒡᓗᕐᔪᐊᓕᐅᕐᓗᑎᒃ ᐃᓚᐅᑉᓗᓂ ᑭᖑᓪᓕᖅᐹᒃᑰᓕᕐᓗᒋᑦ ᓱᓇᑐᐃᓐᓇᓕᕆᓂᒃᑯᑦ ᖃᓄᐃᑦᑑᓂᐊᕐᓂᖏᑦ, ᐊᒻᒪᓗ ᐱᔪᖕᓇᖅᑎᑦᑎᔨᓂᒃ ᐳᒥᑦᓄᑦ ᐱᔭᕆᐊᓖᑦ, ᑭᖑᓪᓕᖅᐹᒃᑰᓕᕐᓗᒋᑦ ᐆᒻᒪᖅᖁᑎᒥᒃ ᓂᐅᕕᕐᓂᐊᕐᓗᑎᒃ ᐊᖏᖃᑎᒌᒍᑎ, ᓂᐅᕕᕐᓗᑎᒃ ᓯᕿᓂᕐᒥᑦ ᐆᒻᒪᖅᖁᑎᑖᕈᑏᑦ ᐊᓯᖏᓪᓗ ᐱᖁᑎᕐᔪᐊᑦ, ᑳᓐᑐᕌᒃᑯᑦ ᐱᓕᕆᔨᑖᕐᓗᑎᒃ, ᐊᒻᒪᓗ ᐱᐊᓂᒡᓗᒍ ᓴᓇᔭᐅᓂᖓ. |
| ᐱᔭᕆᐊᓕᒃ ᐊᒻᒪᓗ ᐱᕕᖃᕐᓂᖅ: ᓂᕿᖃᕐᓂᖅ ᐊᑐᕆᐊᖃᑦᑎᐊᖅᑐᖅ ᓄᓇᓕᑉᑎᖕᓂᑦ. ᒪᖃᐃᖃᑦᑕᕐᓂᖅ ᐊᒻᒪᓗ ᐃᖃᓗᒃᓯᐅᕐᓂᖅ ᑐᓂᓯᖃᑦᑕᖅᑐᖅ ᐃᓚᖏᓐᓂᑦ ᐃᓄᐃᑦ ᓂᕿᖏᓐᓂᑦ, ᑭᓯᐊᓂ ᓄᓇᓕᖕᒥᑦ ᐱᕈᓵᖅᑐᓂᒃ ᓄᓇᕋᕋᓗᐃᑦ ᐱᕈᖅᑐᑦ ᐱᔭᐅᔭᕆᐊᖃᕐᒥᔪᑦ. ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᒃ ᐃᓂᖃᖅᑎᑦᑎᓂᐊᖅᑐᖅ ᓄᓇᓕᖕᒥᐅᓂᒃ ᐱᕈᐃᑎᑦᑎᔪᖕᓇᕐᓗᑎᒃ ᓂᕆᔭᐅᔪᖕᓇᖅᑐᓂᒃ ᐱᕈᖅᑐᓂᑦ. ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᒃ ᐃᑲᔪᕐᓂᐊᖅᑐᖅ ᐱᑕᖃᖅᑎᑦᑎᓂᕐᒥᒃ ᓄᓇᓕᖕᒧᑦ ᐱᕈᖅᑐᓂᒃ ᓂᕿᓂᒃ ᐃᓚᒋᔭᐅᓗᑎᒃ ᓂᖀᑦ ᓂᐅᕕᖅᑕᐅᔪᓄᑦ. ᐃᑲᔪᕐᓂᐊᖅᑐᖅ ᐱᐅᓯᕚᓪᓕᖅᑎᓪᓗᒍ ᓂᕿᖃᕈᖕᓇᕐᓂᖅ, ᐊᑕᐅᑦᑎᒃᑯᑦ ᐊᑭᓗᒃᓯᒋᐊᖅᑎᑦᑎᓗᓂ ᐊᑭᐅᔪᓂᒃ ᐱᕈᓵᖅᓯᒪᔪᓂᒃ ᓂᕿᓂᑦ. |
ᐱᔭᕆᐊᓕᒃ ᐊᒻᒪᓗ ᐱᕕᖃᕐᓂᖅ: ᓂᐅᕕᕐᕕᒃ ᐊᒻᒪᓗ ᐱᓕᐅᕆᔪᑦ ᐅᑭᐅᖅᑕᖅᑐᒥᑦ ᐊᒥᓲᙱᑦᑐᑦ, ᑭᓯᐊᓂ ᐱᑖᖅᑐᕐᓂᒃᑯᑦ ᐱᕈᕈᖕᓇᖅᑐᖅ ᐊᒻᒪᓗ ᐱᓕᕆᐊᒃᓴᖃᖅᑎᑦᑎᓗᓂ ᒥᑭᑦᑐᓂᑦ ᓄᓇᓕᖕᓂᑦ. ᓇᖕᒥᓂᖅ ᐱᓕᕆᐊᖃᕐᓂᖅ ᐱᕈᖅᓯᒪᑦᑎᐊᖅᑐᖅ ᓄᓇᓕᖕᒥᑦ ᓂᐅᕕᐊᒃᓴᓄᑦ ᐊᒻᒪᓗ ᐱᕕᒃᓴᖅᑕᖃᖅᑐᖅ ᐊᖏᒡᓕᒋᐊᖅᓯᓂᕐᒧᑦ ᐊᓯᖏᓐᓂᑦ ᐃᓂᐅᔪᒥᑦ ᐊᒻᒪᓗ ᓄᓇᕐᔪᐊᕐᒥᑦ ᓂᐅᕕᒃᓴᖃᕐᓂᕐᒧᑦ ᐱᓕᕆᐊᖅ ᐊᔪᙱᑎᑦᑎᓂᐊᖅᑐᖅ ᓇᖕᒥᓂᖅ ᐱᓕᕆᐊᓕᖕᒥᑦ ᐱᓕᕆᔨᑖᖅᑐᕐᓂᐊᕐᓗᓂ ᐊᒻᒪᓗ ᑮᓇᐅᔭᓕᐊᑦ ᐊᖏᒡᓕᒋᐊᕐᓗᑎᒃ ᓂᐅᕕᐊᒃᓴᖃᐅᕐᓂᖅᓴᐅᓂᒃᑯᑦ. ᓂᐅᕕᐊᒃᓴᓄᑦ ᖃᐅᔨᓴᐃᓂᐅᓚᐅᖅᑐᖅ ᐅᑉᓗᒥᒧᑦ ᑎᑭᖦᖢᒍ ᑕᑯᒃᓴᐅᑎᑦᑎᔪᖅ ᓂᐅᕕᐊᒃᓴᐅᓂᐊᖅᑐᖅ ᐊᔾᔨᐅᖏᑦᑑᔪᖅ ᐊᒻᒪᓗ ᑕᐃᑲᙵᐅᖏᑦᑐᖅ ᐱᒡᒎᖕᓂᖃᕋᔭᖅᑐᖅ ᐊᔾᔨᕐᓚᖏᓐᓄᑦ ᓂᐅᕕᐊᒃᓴᐅᔪᓄᑦ. | ᐱᔭᕆᐊᓕᒃ ᐊᒻᒪᓗ ᐱᕕᖃᕐᓂᖅ: ᐆᒻᒪᖅᖁᑎᓕᕆᓃᑦ ᐱᕈᖅᐸᓪᓕᐊᑎᑦᑎᔪᑦ ᐅᑭᐅᖅᑕᖅᑐᒥᑦ ᓄᓇᓖᑦ ᐊᑐᖅᑕᐅᒃᑲᓐᓂᖅᑐᓄᐊᖅᐸᓪᓕᐊᖕᒪᑕ. ᓯᕿᓂᕐᒥᑦ ᐆᒻᒪᖅᖁᑎᓕᐅᕆᕝᕕᒃ ᓈᒻᒪᒃᑐᒥᒃ ᐊᑐᖅᑕᐅᒃᑲᓐᓂᕈᖕᓇᖅᑐᒥᒃ ᐆᒻᒪᖅᖁᑎᓕᐅᕆᔪᖕᓇᖅᑐᖅ ᓄᓇᓕᑉᑎᖕᓄᑦ ᐊᒻᒪᓗ ᐃᓇᖐᓂᐊᖅᑐᖅ ᐅᖅᖃᓱᐊᓗᒃ ᐊᑐᖅᑕᐅᓂᖓᓂᑦ. ᓯᕿᓂᕐᒥᑦ ᐆᒻᒪᖅᖁᑎᓕᐅᕆᓂᖅ ᑐᓂᓯᔪᖅ ᓄᓇᓕᖕᒥᑦ, ᐊᓯᐊᒍᑦ ᐆᒻᒪᖅᖁᑎᖃᖅᑎᑦᑎᓂᕐᒥᒃ ᓄᓇᓕᑉᑎᖕᓂᑦ. |
| ᖃᓄᐃᖓᓂᐅᔪᑦ: ᐱᓕᕆᐊᖅ ᓄᑖᒥᒃ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᖃᕐᓂᐊᖅᑐᖅ ᓄᓇᓕᑉᑎᖕᓂᑦ. ᑐᓂᓯᖃᑦᑕᕈᖕᓇᕐᓂᐊᖅᑐᒍᑦ ᐱᕈᓵᖅᑐᓂᒃ ᓂᕿᓂᒃ ᓄᓇᓕᖕᒥᐅᑕᑉᑎᖕᓄᑦ. | ᖃᓄᐃᖓᓂᐅᔪᑦ: ᐱᓕᕆᐊᕐᒥᑦ ᐱᔪᓄᑦ, ᓂᕆᐅᒃᑐᖓ ᐃᖅᖃᓇᐃᔭᖅᑎᑖᒃᑲᓐᓂᕈᖕᓇᕐᓂᐊᕐᓗᖓ ᒪᕐᕉᖕᓃᑦ ᐅᕝᕙᓘᓐᓃᑦ ᐱᖓᓱᓂᒃ ᐃᖅᖃᓇᐃᔭᐃᓐᓇᕐᓂᐊᖅᑐᓂᒃ ᐃᑲᔪᕐᓂᐊᕐᓗᑎᒃ ᐊᒥᓱᙳᕆᐊᖅᑎᑦᑎᓂᕐᒥᒃ ᓂᐅᕕᖅᑕᐅᖃᑦᑕᖅᑐᓂᑦ. ᐊᒥᓱᙳᕆᐊᕐᓗᑎᒃ ᓂᐅᕕᐊᒃᓴᐃᑦ ᐱᕈᖅᑐᖁᑎᒻᓄᑦ ᐊᖏᒡᓕᒋᐊᖅᑎᑦᑎᓂᐊᕐᒥᔪᖅ ᓂᐅᕕᖅᑕᐅᔪᖕᓇᕐᓂᖏᓐᓄᑦ ᓄᓇᓕᖕᒥᑦ. ᐊᒻᒪᓗ ᐊᒥᓱᙳᕆᐊᕐᓂᖏᑦ ᓂᐅᕕᖅᑕᐅᔪᑦ ᐊᒥᓱᙳᕆᐊᖅᓯᓂᐊᖅᑐᖅ ᑮᓇᐅᔭᓕᐊᖑᔪᓂᑦ. | ᖃᓄᐃᖓᓂᐅᔪᑦ: ᐱᓕᕆᐊᖅ ᐱᑕᖃᖅᑎᑦᑎᓂᐊᖅᑐᖅ ᒪᓕᒐᓕᕆᓂᕐᒧᑦ ᐱᔭᕆᐊᖃᕐᓂᐅᔪᓄᑦ ᐱᔭᐅᔭᕆᐊᓕᖕᓂᑦ ᓴᓇᓂᐊᕐᓗᑎᒃ ᐱᕈᖅᑐᓕᕆᕝᕕᖕᒥᑦ, ᐆᒻᒪᖅᖁᑎᒥᒃ ᓂᐅᕕᕐᓂᐊᕐᓗᑎᒃ ᐊᖏᖃᑎᒌᒍᑎᑕᖃᓂᕐᒧᑦ, ᐊᒻᒪᓗ ᓯᕿᓂᕐᒥᒃ ᐆᒻᒪᖅᖁᑎᓕᐅᕆᕝᕕᒃ ᓴᓇᔭᐅᓂᐊᖅᑐᖅ. ᐱᓕᕆᐊᖅ 80 MWh-ᓂᒃ ᐊᑐᖅᑕᐅᒃᑲᓐᓂᕈᖕᓇᖅᑐᓂᒃ ᐆᒻᒪᖅᖁᑎᓕᐅᕆᓂᐊᖅᑐᖅ. |
| ᐃᑲᔫᑏᑦ: ᐱᖓᓱᓂᒃ ᐃᖅᖃᓇᐃᔭᒃᓴᓂᒃ ᓴᖅᕿᑦᑎᓗᓂ ᓴᓇᔭᐅᕙᓪᓕᐊᑎᓪᓗᒍ ᐊᒻᒪᓗ ᐃᖅᖃᓇᐃᔭᖅᑎᒋᔭᐅᓗᑎᒃ ᐊᐅᓛᖅᑎᑕᐅᑎᓪᓗᒍ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᒃ. ᐊᐅᓚᑦᑎᔨ, ᐱᕈᖅᑐᓕᕆᔪᓄᑦ ᐃᓱᒪᑕᖅ ᐊᒻᒪᓗ ᒪᒃᑯᒃᑐᒥᒃ ᐱᕈᖅᑐᓕᕆᔨᒥᒃ. ᐱᓕᕆᐊᖅ ᐃᑲᔪᕐᓂᐊᖅᑐᖅ ᒥᒃᖠᒋᐊᖅᓯᓂᕐᒥᒃ ᓂᕿᖄᓂᙱᓐᓂᐅᔪᒥᒃ ᓄᓇᓕᖕᒥᑦ ᐊᒻᒪᓗ ᐊᔾᔨᒌᙱᑦᑐᓂᒃ ᐱᕈᓵᖅᑐᓂᒃ ᓂᕿᓂᒃ ᐱᑕᖃᖅᑎᑦᑎᓗᓂ ᐅᑭᐅᓗᒃᑖᒧᑦ. ᐃᑲᔪᕐᓂᐊᖅᑐᖅ ᓄᓇᓕᖕᒥᑦ ᓂᕿᖃᕈᖕᓇᕐᓂᖅᓴᐅᑎᑦᑎᓗᓂ ᐊᒻᒪᓗ ᓄᓇᓕᖕᒥᑦ ᐱᓕᕆᐊᒃᓴᖅᑕᖃᖅᑎᑦᑎᓗᓂ. | ᐃᑲᔫᑏᑦ: ᐱᓕᕆᐊᕐᒥᑦ ᐱᔪᓄᑦ, ᓂᕆᐅᒃᑐᖓ ᐃᖅᖃᓇᐃᔭᖅᑎᑖᒃᑲᓐᓂᕈᖕᓇᕐᓂᐊᕐᓗᖓ ᒪᕐᕉᖕᓃᑦ ᐅᕝᕙᓘᓐᓃᑦ ᐱᖓᓱᓂᒃ ᐃᖅᖃᓇᐃᔭᐃᓐᓇᕐᓂᐊᖅᑐᓂᒃ ᐃᑲᔪᕐᓂᐊᕐᓗᑎᒃ ᐊᒥᓱᙳᕆᐊᖅᑎᑦᑎᓂᕐᒥᒃ ᓂᐅᕕᖅᑕᐅᖃᑦᑕᖅᑐᓂᑦ. ᐊᒥᓱᙳᕆᐊᕐᓗᑎᒃ ᓂᐅᕕᐊᒃᓴᐃᑦ ᐱᕈᖅᑐᖁᑎᒻᓄᑦ ᐊᖏᒡᓕᒋᐊᖅᑎᑦᑎᓂᐊᕐᒥᔪᖅ ᓂᐅᕕᖅᑕᐅᔪᖕᓇᕐᓂᖏᓐᓄᑦ ᓄᓇᓕᖕᒥᑦ. ᐊᒻᒪᓗ ᐊᒥᓱᙳᕆᐊᕐᓂᖏᑦ ᓂᐅᕕᖅᑕᐅᔪᑦ ᐊᒥᓱᙳᕆᐊᖅᓯᓂᐊᖅᑐᖅ ᑮᓇᐅᔭᓕᐊᖑᔪᓂᑦ. ᐱᓕᕆᐊᖅ ᐃᑲᔪᐃᓂᐊᖅᑐᖅ ᐳᓚᕋᖅᑐᓕᕆᔨᓂᒃ ᐊᒥᓱᐃᑦ ᓂᐅᕕᕈᒪᖃᑦᑕᕐᓂᐊᕐᒪᑕ ᓂᐅᕕᐊᒃᓴᐅᔪᓂᑦ ᑎᑭᓯᒪᑎᓪᓗᒋᑦ, ᐊᒻᒪᓗ ᒪᓂᒪᓂᐊᖅᑐᑦ ᓂᕆᔭᖅᑐᕐᕕᖕᓂᑦ ᐊᒻᒪᓗ ᓂᐅᕕᕐᕕᖕᓂᑦ ᐳᓚᕋᖅᑎᓄᑦ ᐅᕐᓂᒃᑕᐅᖃᑦᑕᖅᑐᓄᑦ. | ᐃᑲᔫᑏᑦ: ᐱᓕᕆᐊᖅ ᐃᖕᒥᒃᑯᑦ ᐆᒻᒪᖅᖁᑎᓕᐅᕆᖃᑦᑕᕐᓂᐊᖅᑐᖅ ᐊᒻᒪᓗ ᓂᐅᕕᖅᑕᐅᑎᓪᓗᒋᑦ ᐃᒃᑯᒻᒪᖅᖁᑎᓕᐅᕆᓂᖅ ᐅᑭᐅᖅᑕᖅᑐᒥᑦ ᐃᑯᒻᒪᖅᖁᑎᓕᐅᕆᔨᓄᑦ. ᓴᖅᕿᑦᑎᓂᐊᖅᑐᖅ 4-ᓂᑦ 8-ᓄᑦ ᐃᖅᖃᓇᐃᔮᒃᓴᓂᒃ ᓴᓇᔭᐅᑎᓪᓗᒍ ᐃᑯᒻᒪᖅᖁᑎᓕᐅᕆᕝᕕᒃ, ᒪᕐᕉᒃ ᐊᑯᓂᐅᔪᒥᑦ ᐃᖅᖃᓇᐃᔭᐃᓐᓇᖅᑐᓂᒃ ᐱᓕᕆᐊᖑᖃᑦᑕᕆᐊᖃᕐᓂᖓᓄᑦ, ᐊᒻᒪᓗ ᓴᖅᕿᑦᑎᓗᓂ ᐊᑯᓂᐅᔪᒥᒃ ᑮᓇᐅᔭᓕᐊᖑᓂᐊᖅᑐᒥᒃ ᓄᓇᓗᖕᒧᑦ. ᐃᓚᒋᔭᐅᔪᖅ, ᐱᓕᕆᐊᖅ ᒥᒃᖠᒋᐊᖅᓯᓂᐊᖅᑐᖅ ᓄᓇᓕᐅᑉ ᐅᖅᓱᐊᓗᒃᑐᖃᑦᑕᕐᓂᖓᓂᒃ ᐊᒻᒪᓗ ᐅᖅᓱᐊᓗᒃᑐᖃᑦᑕᕐᓂᕐᒥᒃ ᐱᑦᑕᐅᖏᑦᑐᓂᑦ ᐊᓂᐊᔪᓂᑦ. ᐃᑲᔪᕐᓂᐊᖅᑐᖅ ᐊᓯᖏᓐᓂᑦ ᐆᒻᒪᖅᖁᑎᓕᐅᕆᔪᓂᒃ ᐱᑖᖑᔪᓂᒃ ᐃᑯᒻᒪᖁᑎᓕᐅᕆᖃᑦᑕᖅᑐᓄᑦ. |
| ᐱᓕᕆᐊᖃᖅᖄᖅᑎᓐᓇᒋᑦ: ᑭᑐᑐᐃᓐᓇᓂᒃ ᐅᖃᖃᑎᖃᓚᐅᖅᑐᑦ ᐊᕐᕌᓂ ᓇᓗᓇᐃᕐᓂᐊᕐᓗᒋᑦ ᓄᓇᓖᑦ ᐃᑲᔪᖅᑐᐃᓂᖏᑦ ᐱᓕᕆᐊᕐᒧᑦ. 25 ᐃᓄᐃᑦ ᐊᑎᓕᐅᓚᐅᖅᑐᖅ "ᐋᖅᕿᒃᓱᖅᑕᐅᔪᑦ"-ᓄᑦ ᐊᒻᒪᓗ/ᐅᕝᕙᓘᓐᓃᑦ ᐃᑲᔪᕐᓂᐊᖅᑐᑦ ᑲᒪᒋᔭᐅᓂᖓᓄᑦ ᓄᓇᕋᓂᒃ ᓂᕆᔭᒃᓴᕆᔭᐅᔪᓂᑦ ᐱᕈᖅᓰᕝᕕᒃ. | ᐱᓕᕆᐊᖃᖅᖄᖅᑎᓐᓇᒋᑦ: ᓂᐅᕕᖅᑕᐅᓂᐊᕐᓂᖏᓐᓄᑦ ᖃᐅᔨᓴᐃᓂᖅ ᐱᒡᒎᑦᑐᖕᓇᕐᓂᕐᒧᑦ ᐱᒋᐊᖅᑎᑕᐅᓚᐅᖅᑐᖅ. ᐊᒻᒪᓗ, ᓯᕗᓪᓖᑦ ᐅᖃᖃᑎᒋᔭᐅᓂᖏᑦ ᑲᑎᕐᒪᔪᒥᒃ ᖃᓄᐃᑦᑑᓂᐊᕐᓂᖏᓐᓂᓕᐅᖅᑐᓂᑦ ᐱᕙᓪᓕᐊᔪᑦ ᑐᑭᓯᐊᓂᐊᕐᓗᒋᑦ ᐊᑭᒋᔭᐅᔪᑦ ᐱᓕᕆᐊᕐᒧᑦ ᐱᔾᔪᑎᖃᖅᑐᓂᒃ. | ᐱᓕᕆᐊᖃᖅᖄᖅᑎᓐᓇᒋᑦ: ᐊᕐᕌᓂ, ᐅᑯᐊ ᐱᓕᕆᐊᑦ ᐱᐊᓂᒃᑕᐅᓚᐅᖅᑐᑦ: ᐊᔪᙱᓐᓂᐊᕐᓂᖓᓄᑦ ᖃᐅᔨᓴᐃᓂᖅ, ᓯᕗᓂᐊᒍᑦ ᓱᓇᑐᐃᓐᓇᓕᐅᕆᓂᒃᑯᑦ ᖃᓄᐃᑦᑑᓂᐊᕐᓂᖏᓐᓂᑦ, ᐊᕙᑎᓕᕆᑉᓗᑎᒃ, ᐆᒻᒪᖅᖁᑎᖃᕐᕕᖕᒥᑦ ᐊᒃᑐᖅᓯᓂᕐᒧᑦ ᖃᐅᔨᓴᐃᓂᖅ, ᓄᓇᒥᒃ ᓂᕈᐊᖅᖢᑎᒃ ᐊᒻᒪᓗ ᐃᓂᐅᔪᖅ ᐱᓕᕆᐊᖑᕙᓪᓕᐊᑉᓗᓂ, ᓄᓇᓕᖕᒥᐅᑕᐃᑦ ᐃᓚᐅᑎᑦᑎᑉᓗᑎᒃ, ᐊᒻᒪᓗ ᐆᒻᒪᖅᖁᑎᒥᒃ ᓂᐅᕕᕐᓂᐊᕐᓗᑎᒃ ᐊᖏᖃᑎᒌᒍᑎᒧᑦ ᓯᕗᓂᐊᒍᑦ ᐋᔩᖃᑎᒌᒍᑕᐅᑉᓗᓂ. |
| ᐱᓕᕆᖃᑎᒋᔭᐅᔪᑦ/ᐃᑲᔪᖅᑐᑦ: ᓄᓇᓕᖕᒥᑦ ᐱᓕᕆᖃᑎᒋᔭᐅᔪᓂᑦ ᐃᓚᐅᔪᑦ ᒪᐃᔭ ᐊᒻᒪᓗ ᕼᐋᒻᓚᒃᑯᓐᓄᑦ ᑲᑎᒪᔩᑦ, ᐊᒻᒪᓗ ᓄᓇᓕᖕᒥᑦ ᓂᕿᖅᖃᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ. ᓄᓇᕗᒻᒥ ᒐᕙᒪᒃᑯᑦ ᐃᑲᔪᕐᓂᐊᖅᑐᑦ $25,000-ᓂᑦ ᐃᑲᔪᕐᓂᐊᖅᑐᒥᒃ ᐊᑭᒋᔭᐅᔪᓄᑦ ᐊᑐᖅᑕᐅᓂᐊᖅᑐᑦ ᑎᑭᑎᑕᐅᓂᐊᕐᓗᑎᒃ. | ᐱᓕᕆᖃᑎᒋᔭᐅᔪᑦ/ᐃᑲᔪᖅᑐᑦ: ᓯᕗᓪᓕᖅᐹᒥᑦ ᐅᖃᖃᑎᒋᔭᐅᓂᖏᑦ ᓄᓇᕗᒻᒥ ᒐᕙᒪᒃᑯᑦ ᑮᓇᐅᔭᑎᒍᑦ ᐃᑲᔪᖅᑕᐅᔪᒪᑉᓗᑎᒃ ᐱᕙᓪᓕᐊᓕᖅᑐᖅ. ᐅᑉᓗᒥᒧᑦ ᑎᑭᖦᖢᒍ ᒐᕙᒪᒃᑯᑦ ᐃᑲᔪᖅᑐᐃᔪᑦ ᐊᒻᒪᓗ ᑮᓇᐅᔭᓄᑦ ᑐᒃᓯᕋᐅᑎ ᑐᓂᔭᐅᓂᐊᖅᑐᖅ. | ᐱᓕᕆᖃᑎᒋᔭᐅᔪᑦ/ᐃᑲᔪᖅᑐᑦ: ᓄᓇᓕᖕᒥᑦ ᐅᖃᖃᑎᖃᕐᒪᑕ ᓇᓗᓇᐃᓚᐅᖅᑐᖅ ᐃᑲᔪᖅᑐᐃᓂᖏᓐᓂᒃ ᐱᓕᕆᐊᕐᒧᑦ. ᑮᓇᐅᔭᓄᑦ ᐱᓕᕆᖃᑎᒋᔭᐅᔪᑦ ABC-ᑯᑦ, ᓄᓇᕗᒻᒥ ᒐᕙᒪᒃᑯᑦ ᐊᒻᒪᓗ XYZ ᐱᓕᕆᖃᑎᒋᔭᐅᔪᑦ ᐱᕙᓪᓕᐊᓂᕐᒧᑦ ᐊᐅᓚᑦᑎᖃᑕᐅᓂᐊᖅᑐᑦ ᓴᓇᔭᐅᕙᓪᓕᐊᑎᓪᓗᒍᒥᑦ ᐱᓕᕆᐊᒧᑦ. ᓄᓇᕗᒻᒥ ᐆᒻᒪᖅᖁᑎᓕᕆᔨᒃᑯᑦ ᐃᑲᔪᖅᑐᐃᔪᑦ ᐊᒻᒪᓗ ᐋᔩᖃᑎᒌᔭᐅᔪᑦ ᐆᒻᒪᖅᖁᑎᒥᒃ ᓂᐅᕕᕐᓂᐊᕐᓗᑎᒃ ᐊᖏᖃᑎᒌᒍᑎᒧᑦ. |
ᓇᓚᐅᑦᑖᖅᑕᐅᔪᑦ ᐱᓕᕆᐊᕐᒧᑦ ᐊᑭᐅᔪᑦ ᐊᒻᒪᓗ ᑮᓇᐅᔭᖃᖅᑎᑦᑎᔪᑦ
4.15. ᓇᓚᐅᑦᑖᖅᑕᐅᔪᑦ ᑲᑎᖦᖢᒋ ᐱᓕᕆᐊᕐᒧᑦ ᐊᑭᒋᔭᐅᓂᐊᖅᑐᑦ
ᐊᑭᐅᔪᑦ ᖃᓂᓛᒧᑦ ᑲᑎᓪᓗᒋᑦ ᑮᓇᐅᔭᕐᒧᑦ ᑎᑭᓯᒪᑎᓪᓗᒋᑦ.
4.16. ᐊᖏᑎᒋᓂᖓ ᑐᒃᓯᕋᐅᑕᐅᔫᑉ CanNor-ᑯᓐᓂᑦ
ᖃᐅᔨᓴᕐᓗᒍ ᐅᖓᑕᐅᑦᑎᓂᐊᖏᓪᓗᓂ ᐱᔪᖕᓇᖅᑎᑕᐅᔪᒥᑦ ᑭᒡᓕᐅᔪᓄᑦ ᐃᓚᐅᓗᑎᒃ:
- ᐊᖏᓛᒃᑯᑦ ᐊᑭᓕᖅᑕᐅᓂᐊᖅᑐᖅ ᐊᑕᐅᓯᕐᒧᑦ ᐱᔪᒧᑦ (ᐃᓚᒋᔭᐅᔪᖅ 1.3 ᖁᓛᓂᑦ)
- ᐊᖏᓛᒃᑯᑦ ᐊᑭᐅᔪᓂᒃ-ᐊᑭᓕᖅᑐᐃᓂᕐᒧᑦ ᐊᑭᓖᓐᓂᐊᖅᑐᑦ (ᑕᑯᓗᒍ ᐃᓚᒋᔭᐅᔪᖅ 1.2 ᖁᓛᓂᑦ).
4.17. ᓇᓚᐅᑦᑖᖅᑕᐅᔪᖅ ᑮᓇᐅᔭᖅᑑᑎ ᐊᒻᒪᓗ ᓂᕆᐅᒋᔭᐅᔪᑦ ᑮᓇᐅᔭᖅᑖᖅᑎᑦᑎᔪᓂᑦ
ᐱᓕᕆᐊᕐᒧᑦ ᑮᓇᐅᔭᖅᑑᑎᒥᑦ ᐃᓚᐅᔪᑦ ᐊᑭᖏᑦ ᐱᓕᕆᐊᖑᓂᐊᕐᓗᓂ ᐃᓚᒋᔭᐅᑦ ᒫᓐᓇᐅᔪᖅ ᑮᓇᐅᔭᖅᑑᑎᒧᑦ ᐊᒻᒪᓗ ᐋᖅᕿᒋᐊᖅᖢᒍ ᐃᓚᐅᑎᓐᓂᐊᕐᓗᒋᑦ ᐊᑭᒋᔭᐅᔪᑦ ᐃᓚᖏᓐᓄᑦ ᐱᓕᕆᐊᕐᒧᑦ (ᑲᑎᑉᐸᓪᓕᐊᔪᑦ).
ᖃᐅᔨᒪᒋᑦᑎ: ᐅᑭᐅᖑᓂᐊᖅᑐᑦ ᐱᒋᐊᕐᓗᑎᒃ ᑎᕆᒡᓗᐃᑦ 1-ᒥᑦ ᐊᒻᒪᓗ ᐃᓱᓕᓪᓗᑎᒃ ᓇᑦᑎᐊᑦ 31-ᒥᑦ ᑐᒡᓕᖅ ᐅᑭᐅᒥᑦ.
ᓇᓚᐅᑦᑖᖅᑕᐅᔪᖅ ᑮᓇᐅᔭᖅᑑᑎ
ᐱᓕᕆᐊᕐᒧᑦ ᑮᓇᐅᔭᖅᑑᑎᒥᑦ ᐃᓚᐅᓂᐊᖅᑐᑦ ᑕᒪᕐᒥᓗᒃᑖᑦ ᐊᑭᐅᔪᑦ ᐱᔾᔪᑎᖃᖅᑐᑦ ᐱᓕᕆᐊᕐᒧᑦ. ᐱᓕᕆᐊᕐᒧᑦ ᑮᓇᐅᔭᖅᑑᑎ ᖃᐅᔨᓴᖅᑕᐅᓂᐊᖅᑐᖅ ᓈᒻᒪᒃᑑᓂᖓᓄᑦ ᑕᐅᑐᖔᕐᓗᒋᑦ ᐊᔾᔨᕐᓚᖏᑦ ᐱᓕᕆᐊᓄᑦ ᐊᒻᒪᓗ ᒪᓂᒪᔪᓄᑦ ᑮᓇᐅᔭᖅᑑᑎᓄᑦ, ᐊᒻᒪᓗ ᑐᒃᓯᕋᐅᑕᐅᔪᖅ ᐱᒋᔭᐅᓂᐊᖅᑐᖅ ᐊᒻᒪᓗ ᐱᓕᕆᖃᑎᒋᔭᐅᔪᓂᑦ ᑐᓂᕐᕈᑕᐅᔪᑦ / ᐊᖏᓂᖅᓴᐅᔪᖅ ᐊᑐᖅᑐᐊᖅᑕᐅᔪᖅ ᐱᓕᕆᐊᒥᑦ. ᐱᓕᕆᐊᑦ ᑕᓪᓕᒪᐃᑦ ᐅᑭᐅᓄᑦ ᑎᑭᓯᒪᔪᑦ ᐃᓱᒪᒋᔭᐅᔪᖕᓇᖅᑐᑦ. ᐱᓕᕆᐊᖅ ᓈᒻᒪᒋᔭᐅᓇᔭᖅᐸᑦ ᑮᓇᐅᔭᖃᖅᑎᑕᐅᓂᐊᕐᓗᓂ, ᑕᒪᕐᒥᓗᒃᑖᖅ ᐱᓕᕆᐊᕐᒧᑦ ᐊᑭᐅᔪᑦ ᐊᑭᓕᖅᑕᐅᓗᑎᒃ ᖃᖓᒃᑰᖓᔪᖓᑎᒍᑦ ᐅᖃᖅᓯᒪᔪᒥᑦ ᐊᖏᖃᑎᒌᒍᑎᒥᑦ.
ᓂᕆᐅᒋᔭᐅᔪᑦ ᑮᓇᐅᔭᖅᑖᖑᓂᐊᖅᑐᑦ
ᓯᕗᓪᓕᖅᐹᖅ ᑕᐅᓄᙵᙵᔪᒥᑦ ᐸᐃᑉᐹᒦᑦᑐᒥᑦ, ᓇᓗᓇᐃᕐᓗᒋᑦ ᐱᕝᕕᐅᓂᐊᖅᑐᓗᒃᑖᑦ ᓂᕆᐅᒋᔭᐅᔪᑦ ᐃᑲᔪᕐᓂᐊᕐᓗᑎᒃ ᑮᓇᐅᔭᓄᑦ ᐱᓕᕆᐊᕐᒧᑦ. ᑮᓇᐅᔭᒃᑯᑦ ᑐᓂᕐᕈᑕᐅᔪᑦ ᐋᖅᕿᒃᑕᐅᓯᒪᔭᕆᐊᖃᙱᑦᑐᑦ ᒫᓐᓇᐅᔪᖅ, ᑭᓯᐊᓂ ᐋᖅᕿᒃᑕᐅᔭᕆᐊᖃᕐᓂᐊᖅᑐᑦ ᐱᓕᕆᐊᖅ ᓈᒻᒪᒋᔭᐅᓇᔭᖅᐸᑦ ᑮᓇᐅᔭᖃᖅᑎᑕᐅᓂᐊᕐᓗᓂ.
- CanNor: ᓇᓗᓇᐃᕐᓗᒋᑦ ᖃᑉᓯᓂᒃ ᑮᓇᐅᔭᓂᒃ ᑐᒃᓯᕋᖅᑕᖕᓂᑦ. ᐊᔪᙱᑦᑐᓄᑦ ᐱᓕᕆᐊᓄᑦ, ᓯᕗᓪᓕᖅᐸᐅᑎᔭᐅᑐᐃᓐᓇᕆᐊᖃᖅᑐᑦ ᑐᒃᓯᕋᐅᓯᐅᖅᑐᑦ ᑐᓂᓯᓯᒪᔪᑦ ᐊᖏᓂᖅᓴᒥᒃ ᐊᑐᖅᑐᐊᖅᑕᖏᓐᓄᑦ ᐱᓕᕆᐊᒧᑦ (ᓲᕐᓗ ᑐᒃᓯᕋᐅᓯᐅᖅᑐᑦ ᒥᑭᓂᖅᓴᒥᒃ ᐃᑲᔪᖅᑕᐅᔪᒪᔪᑦ CanNor-ᑯᓐᓂᑦ ᑲᑎᓗᒃᑖᖅᖢᒋᑦ ᐱᓕᕆᐊᕐᒧᑦ ᐊᑭᐅᔪᓄᑦ).
- ᑐᒃᓯᕋᐅᓯᐅᖅᑐᖅ: ᑐᓂᓯᔪᖅ ᑮᓇᐅᔭᒃᑯᑦ ᐊᑭᒋᔭᖓᓂᑦ ᑐᓂᕐᕈᑕᐅᔪᒥᒃ ᐃᓕᖕᓂᙶᖅᑐᒥᒃ ᐅᕝᕙᓘᓐᓃᑦ ᐊᐅᓚᑦᑎᔨᒋᔭᕐᓂᑦ ᐱᓕᕆᐊᕐᒧᑦ. ᐃᓚᐅᖏᓪᓗᒋᑦ ᑮᓇᐅᔭᐅᖏᑦᑐᑦ ᑭᓯᐊᓂ ᐱᔾᔪᑎᖃᖅᑐᒧᑦ ᑐᓂᕐᕈᑕᐅᔪᑦ ᐱᑕᖃᖅᑎᓐᓂᐊᖅᑕᐃᑦ ᐱᓕᕆᐊᕐᒧᑦ (ᑮᓇᐅᔭᖏᑦᑐᑦ ᑐᓂᕐᕈᑏᑦ ᐱᖁᑎᐅᑉᓗᑎᒃ, ᐱᔨᑦᑎᕋᐅᑎᐅᑉᓗᑎᒃ, ᐊᑐᖅᑕᐅᓂᐊᖅᑐᑦ ᐅᕝᕙᓘᓐᓃᑦ ᐱᕕᖃᕐᓂᕐᒥᒃ). ᑮᓇᐅᔭᓂᒃ ᐱᕈᐃᑎᑦᑎᓂᕐᒧᑦ ᐱᓕᕆᐊᓕᐅᒍᕕᑦ/ᐊᐅᓚᑦᑎᔨᐅᒍᕕᑦ, ᕿᒥᕐᕈᓗᒋᑦ ᐊᖏᓛᒃᑯᑦ ᐱᑎᑕᐅᔪᖕᓇᖅᑐᑦ ᐅᑎᖅᑎᑕᐅᔭᕆᐊᓕᖕᓄᑦ ᐊᒻᒪᓗ ᐅᑎᖅᑎᑕᐅᔭᕆᐊᖃᙱᑦᑐᓄᑦ ᑭᒡᓕᒋᔭᐅᔪᓄᑦ (ᐃᓚᒋᔭᐅᔪᖅ 1.3 ᖁᓛᓂᑦ). ᖃᐅᔨᒪᔭᐅᖃᑕᐅᓕ ᑮᓇᐅᔭᓂᒃ ᐱᕈᐃᑎᑦᑎᓂᕐᒧᑦ ᑐᒃᓯᕋᐅᓯᐅᖅᑐᑦ ᓂᕆᐅᒋᔭᐅᔪᑦ ᑐᓂᓯᓂᐊᕐᓂᖏᓐᓄᑦ ᐳᓴᓐᑎᒋᔭᖓᓂᑦ ᓇᖕᒥᓂᖅ ᐱᖃᖃᑕᐅᓂᕆᔭᖏᓐᓂᑦ ᐱᓕᕆᐊᕐᒧᑦ.
- ᐊᓯᖏᑦ ᑮᓇᐅᔭᖃᖅᑎᑦᑎᔪᑦ: ᐊᑐᕐᓗᒍ ᐊᓯᖏᑦ ᑮᓇᐅᔭᖃᖅᑎᑦᑎᔪᓄᑦ ᑎᑯᓕᐊᖅᓯᒪᔪᖅ ᓇᓗᓇᐃᕐᓂᐊᕐᓗᒋᑦ ᐊᓯᖏᑦ ᑮᓇᐅᔭᖃᖅᑎᑦᑎᔪᑦ ᐱᓕᕆᐊᖕᓄᑦ, ᐃᓚᐅᓗᑎᒃ ᒐᕙᒪᒃᑯᑦ ᐊᒻᒪᓗ ᓇᖕᒥᓂᖅ ᐱᓕᕆᐊᖃᖅᑐᑦ. ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᐱᓕᕆᐊᖑᑎᓪᓗᒍ ᓱᓕ, ᐃᓚᐅᔪᖕᓇᖅᑐᑦ ᐊᓯᖏᑦ "ᓂᕆᐅᒋᔭᐅᔪᑦ" ᑮᓇᐅᔭᖃᖅᑎᑦᑎᓂᐊᖅᑐᑦ, ᓇᓗᓇᐃᖅᑕᐅᓂᐊᕐᓂᖓ ᐅᑕᖅᕿᔭᐅᒐᓗᐊᖅᑎᓪᓗᒍ ᓱᓕ.
- ᒐᕙᒪᒃᑯᓐᓂᑦ ᑮᓇᐅᔭᖃᖅᑎᑕᐅᓂᖅ: ᓇᓗᓇᐃᕐᓗᒋᑦ ᐱᔾᔪᑎᒋᔭᐅᔪᖅ ᑐᕌᖓᔫᑉ ᐊᑎᖓ ᐊᒻᒪᓗ ᐊᖏᑎᒋᓂᖏᑦ ᓱᓇᑐᐃᓐᓇᐃᑦ ᐊᓯᖏᑦ ᒐᕙᒪᑐᖃᒃᑯᓐᓂᑦ, ᐅᑭᐅᖅᑕᖅᑐᒥᑦ ᐅᕝᕙᓘᓐᓃᑦ ᓄᓇᓕᖕᒥᑦ ᑮᓇᐅᔭᓂᒃ ᑐᒃᓯᕋᕐᕕᐅᓯᒪᔪᑦ ᐱᓕᕆᐊᕐᒧᑦ.
- ᐊᓯᖏᑦ ᑮᓇᐅᔭᖃᖅᑎᑦᑎᔪᑦ: ᓇᓗᓇᐃᕐᓗᒋᑦ ᒐᕙᒪᐅᖏᑦᑐᓂᑦ ᑮᓇᐅᔭᓄᑦ ᓂᕆᐅᒋᔭᐅᔪᑦ ᐅᕝᕙᓘᓐᓃᑦ ᐋᖅᕿᒃᓯᒪᓕᐊᓂᒃᑐᑦ ᐱᓕᕆᐊᕐᒧᑦ, ᐃᓚᐅᓗᑎᒃ ᐃᑲᔪᐃᖃᑦᑕᖅᑐᑦ ᐊᒻᒪᓗ ᓇᖕᒥᓂᖅ ᐱᓕᕆᐊᓖᑦ.
ᑲᑎᓗᒃᑖᕐᓗᒋᑦ ᓂᕆᐅᒋᔭᐅᔪᑦ ᑮᓇᐅᔭᖃᖅᑎᑦᑎᓂᐊᖅᑐᓗᒃᑖᑦ ᐊᔾᔨᒋᓂᐊᖅᐸᖏᑦ ᑲᑎᓪᓗᒋᑦ ᐱᓕᕆᐊᕐᒧᑦ ᐊᑭᐅᔪᓄᑦ.
ᐆᒃᑑᑏᑦ ᐊᑕᐅᓯᖅ ᐅᑭᐅᒧᑦ ᐊᒻᒪᓗ ᐊᒥᓱᑦ ᐅᑭᐅᓄᑦ ᓇᓚᐅᑦᑖᖅᑕᐅᔪᑦ ᑮᓇᐅᔭᖅᑑᑏᑦ ᐊᑕᓂᑦ ᑕᑯᒃᓴᐅᔪᑦ:
ᐊᑕᐅᓯᖅ ᐅᑭᐅᒧᑦ ᐱᓕᕆᐊᖅ
ᐊᑕᐅᓯᕐᒧᑦ ᐅᑭᐅᒥᑦ (ᐊᑕᐅᓯᖅ ᐅᑭᐅᖅ) ᐱᓕᕆᐊᕐᒧᑦ, ᐃᓕᓗᒋᑦ ᑐᑭᓯᐅᒪᔾᔪᑏᑦ ᑲᑎᓗᒃᑖᖅᖢᒍ ᑮᓇᐅᔭᖅᑑᑎ-ᒧᑦ ᐊᒻᒪᓗ ᐅᑭᐅᖅ 1-ᒧᑦ ᑕᐅᓄᙵᖓᔪᓂᑦ. ᐊᓯᖏᑦ ᑎᑎᕋᕐᕕᒋᑦᑕᐃᓕᓗᒋᑦ. ᑐᑭᓯᐅᒪᔾᔪᑏᑦ ᐃᓕᔭᐅᔪᑦ ᑲᑎᓗᒃᑖᖅᖢᒋᑦ ᑮᓇᐅᔭᖅᑑᑎ-ᒧᑦ ᐊᒻᒪᓗ ᐅᑭᐅᖅ 1-ᒧᑦ ᑕᐅᓄᙵᖓᔪᓂᑦ ᐊᔾᔨᒌᖕᓂᐊᖅᑐᑦ.
| ᑮᓇᐅᔭᖃᖅᑎᑦᑎᔪᑦ ᐱᓕᕆᖃᑎᒋᔭᐅᔪᑦ | ᑲᑎᓗᒃᑖᖅᖢᒍ ᑮᓇᐅᔭᖅᑑᑎ | ᐅᑭᐅᖅ 1 | ᐅᑭᐅᖅ 2 | ᐅᑭᐅᖅ 3 | ᐅᑭᐅᖅ 4 | ᐅᑭᐅᖅ 5 |
|---|---|---|---|---|---|---|
| CanNor | 10,000 | 10,000 | ||||
| ᑐᒃᓯᕋᐅᓯᐅᖅᑐᖅ | 20,000 | 20,000 | ||||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) ᓄᓇᕗᒻᒥ ᒐᕙᒪᒃᑯᑦ |
10,000 | 10,000 | ||||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) | ||||||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) | ||||||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) | ||||||
| ᑲᑎᖦᖢᒋᑦ | $40,000 | $40,000 |
ᐊᒥᓱᓄᑦ ᐅᑭᐅᓄᑦ ᐱᓕᕆᐊᖅ
ᐊᒥᓱᓄᑦ ᐅᑭᐅᓄᑦ ᐱᓕᕆᐊᓄᑦ, ᖃᐅᔨᓗᒍ ᐊᖏᑎᒋᓂᖓ ᑮᓇᐅᔭᐅᑉ ᓂᕆᐅᒋᔭᑎᑦ ᐊᑐᓂ ᑮᓇᐅᔭᖃᖅᑎᑦᑎᔪᓂᑦ ᐱᓕᕆᖃᑎᒋᔭᐅᔪᒥᑦ ᐃᑲᔪᕐᓂᐊᖅᑐᖅ ᐱᓕᕆᐊᕐᒧᑦ ᐊᒻᒪᓗ ᐃᓕᓗᒋᑦ ᑮᓇᐅᔭᐃᑦ ᐊᖏᑎᒋᓂᖏᑦ ᐃᓂᒋᔭᕆᐊᖃᖅᑕᖏᓐᓄᑦ ᐅᑭᐅᕐᒧᑦ ᑕᐅᓄᙵᖓᔪᒥᑦ (ᐅᑭᐅᖅ 1, ᐅᑭᐅᖅ 2, ᑕᐃᒪᓐᓇ). ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᖃᑎᒋᔭᐅᔪᑦ ᑐᓂᕐᕈᑎᖃᕆᐊᖃᙱᑦᑐᑦ ᐊᒥᓱᓄᑦ ᐅᑭᐅᓄᑦ ᐱᓕᕆᐊᓄᑦ ᐊᕐᕌᒍᑕᒫᒃᑯᑦ. ᑎᑎᕋᕐᕕᒋᙱᓪᓗᒋᑦ ᓇᓕᑐᐃᓐᓇᖏᑦ ᐅᑭᐅᖑᔪᑦ ᑮᓇᐅᔭᖃᖅᑎᑦᑎᔪᑦ ᐱᓕᕆᖃᑎᒋᔭᐅᔪᖅ ᓂᕆᐅᒋᔭᐅᖏᑉᐸᑦ ᑮᓇᐅᔭᒥᒃ ᑐᓂᕐᕈᑎᖃᕐᓂᐊᕐᓂᖓᓄᑦ ᐱᓕᕆᐊᕐᒧᑦ.
ᐊᕐᕌᒍᑐᒫᒧᑦ ᑮᓇᐅᔭᐃᑦ ᐊᖏᑎᒋᓂᖏᑦ ᖃᐅᔨᔭᐅᒃᐸᑕ ᐊᑐᓂ ᑮᓇᐅᔭᖃᖅᑎᑦᑎᔪᖅ ᐱᓕᕆᖃᑎᒋᔭᐅᔪᒧᑦ, ᖃᐅᔨᓗᒍ ᐊᖏᑎᒋᓂᖓ ᓂᕆᐅᒋᔭᑎᑦ ᐊᑐᓂ ᑮᓇᐅᔭᖃᖅᑎᑦᑎᔫᑉ ᑐᓂᕐᕈᑎᒋᓂᐊᖅᑕᖏᑦ ᐱᓕᕆᐊᕐᒧᑦ ᑲᑎᑎᓪᓗᒋᑦ ᐅᑭᐅᑕᒫᑦ ᑐᓂᕐᕈᑎᒋᖃᑦᑕᖅᑕᖏᑦ ᐊᒻᒪᓗ ᐃᓕᓗᒍ ᑮᓇᐅᔭᐅᑉ ᐊᖏᑎᒋᓂᖓ ᑕᐅᓄᙵᖓᔪᖅ 2-ᒧᑦ (ᑲᑎᓗᒃᑖᖅᖢᒍ ᑮᓇᐅᔭᖅᑑᑎ).
| ᑮᓇᐅᔭᖃᖅᑎᑦᑎᔪᑦ ᐱᓕᕆᖃᑎᒋᔭᐅᔪᑦ | ᑲᑎᓗᒃᑖᖅᖢᒍ ᑮᓇᐅᔭᖅᑑᑎ | ᐅᑭᐅᖅ 1 | ᐅᑭᐅᖅ 2 | ᐅᑭᐅᖅ 3 | ᐅᑭᐅᖅ 4 | ᐅᑭᐅᖅ 5 |
|---|---|---|---|---|---|---|
| CanNor | 60,000 | 10,000 | 30,000 | 20,000 | ||
| ᑐᒃᓯᕋᐅᓯᐅᖅᑐᖅ | 40,000 | 20,000 | 10,000 | 10,000 | ||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) ABC ᐊᐅᓚᑦᑎᔨᒃᑯᑦ |
10,000 | 10,000 | ||||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) | ||||||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) | ||||||
| ᐊᓯᖏᑦ ᑮᓇᐅᔭᖃᖅᑎᑦᑎᔪᑦ (ᐅᖃᐅᓯᕆᓗᒋᑦ) | ||||||
| ᑲᑎᖦᖢᒋᑦ | $110,000 | $40,000 | $40,000 | $30,000 |
4.18. ᐊᑭᐅᔪᓄᑦ ᐊᑐᐊᓂᒃᓯᒪᕕᑦ ᐅᕝᕙᓘᓐᓃᑦ ᒪᓕᒐᑎᒍᑦ ᐱᓕᕆᐊᖑᔪᓂᑦ ᐱᓕᕆᐊᕐᒧᑦ?
ᐊᑭᖏᑦ ᐊᑭᓕᖅᑕᐅᔪᑦ ᐱᒋᐊᕐᓂᐊᓵᖅᑎᓪᓗᒍ ᐱᓕᕆᐊᖅ ᐅᑎᖅᑎᑕᐅᓂᐊᖏᑦᑐᑦ. ᐊᑐᖅᐸᑦ, ᐅᖃᐅᓯᕆᓗᒍ ᒪᓕᒐᑎᒍᑦ ᐊᒻᒪᓗ ᑮᓇᐅᔭᑎᒍᑦ ᑕᐃᒪᐅᔪᑦ ᐱᓕᕆᐊᖑᔪᑦ ᐱᓕᕆᐊᕐᒧᑦ.
ᐊᔾᔨᒌᙱᑦᑑᑏᑦ ᐊᒻᒪᓗ ᐃᓚᐅᑎᑦᑎᓂᖅ
4.19. ᐊᔪᙱᑦᑐᖅ, ᐃᓚᐅᑎᑦᑎᔪᖅ ᐊᒻᒪᓗ ᐱᓪᓗᕆᒃᑐᒥᒃ ᐱᕈᖅᐸᓪᓕᐊᓂᖃᖅᑐᖅ
ᐊᔪᙱᓐᓂᐊᖅᑐᒥᒃ, ᐃᓚᐅᑎᑦᑎᔪᒥᒃ ᐊᒻᒪᓗ ᐱᓪᓗᕆᒃᑑᔪᒥᒃ ᐱᕈᖅᐸᓪᓕᐊᑎᑦᑎᓂᖃᕐᓂᖅ ᐃᑲᔪᖅᑐᖅ ᑲᓇᑕᒥᐅᑕᓗᒃᑖᑦ ᐱᕈᖅᐸᓪᓕᐊᓂᖃᕐᓂᐊᕐᓗᑎᒃ. ᐃᓕᑕᕆᓗᒋᑦ ᐋᖅᕿᐅᒪᔪᓄᑦ ᑐᓗᖅᑕᕈᑕᐅᔪᑦ ᑕᐃᒪᐅᓂᖏᓐᓄᑦ ᑎᑭᐅᑎᓂᐊᕐᓗᓂ ᐃᓗᐃᑦᑐᒃᑯᑦ ᐃᓚᐅᖃᑕᐅᓂᖏᑦ ᑭᒡᒐᖅᑐᖅᑎᖃᓗᐊᖏᓐᓂᖅᓴᐅᔪᓄᑦ, ᐃᑲᖅᑕᐅᙱᓐᓂᖅᓴᓄᑦ ᐅᕝᕙᓘᓐᓃᑦ ᐊᔾᔨᒌᒃᑎᑕᐅᓂᕐᒧᑦ-ᕿᓂᖅᑐᓂᑦ ᑐᑭᓯᐅᒪᔾᔪᑏᑦ ᑲᑎᑕᐅᔪᓂᑦ ᐃᓚᒋᔭᐅᔪᒥᑦ ᐃᑲᔪᕐᓂᐊᖅᑐᖅ ᑲᓇᑕᒥᑦ ᒐᕙᒪᒃᑯᓐᓂᑦ ᖃᐅᔨᓂᐊᕐᓗᒋᑦ ᐊᒃᑐᖅᓯᓂᕆᔭᖏᓐᓄᑦ ᐊᑐᐊᒐᕆᔭᖏᑦ, ᑐᕌᖓᔪᖏᑦ ᐊᒻᒪᓗ ᐱᔨᑦᑎᕋᐅᑎᖏᑦ ᐊᔾᔨᒌᙱᑦᑑᑕᐅᔪᓄᑦ ᐃᓄᖕᓂᑦ.
ᓯᕗᓪᓕᖅᐸᐅᑎᔭᐅᓂᐊᖅᑐᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑕᑯᒃᓴᐅᑎᑦᑎᔪᖕᓇᖅᑐᓂᒃ ᖃᓄᖅ ᐃᑲᔪᕐᒪᖔᑕ ᐃᓚᐅᑎᑦᑎᓂᕐᒥᒃ ᐱᕈᐃᑎᑦᑎᓂᕐᒧᑦ. ᐊᐅᓚᑦᑎᔨᒋᔭᐃᑦ ᑎᑯᓕᐊᖅᓯᒪᙱᑉᐸᑦ ᐅᕝᕙᓘᓐᓃᑦ ᐃᑲᔪᙱᑉᐸᑦ ᐊᑖᓃᑦᑐᓄᑦ ᑲᑎᕐᒪᔪᓄᑦ, ᐅᕝᕙᓘᓐᓃᑦ ᐅᖃᐅᓯᕆᔪᒪᙱᒃᑯᖕᓂ ᑭᑎᓐᓂᙶᖅᓯᒪᓂᕆᔭᐃᑦ, ᑕᑕᑎᙱᓪᓗᒋᑦ ᑕᑕᑎᕆᐊᓖᑦ.
ᐊᔪᙱᓐᓂᐊᕐᓗᓂ ᓄᓇᖃᖅᖄᖅᑐᑦ ᐊᐅᓚᑦᑎᔨᐅᓗᓂ ᐅᕝᕙᓘᓐᓃᑦ ᓇᖕᒥᓂᖅ ᐱᓕᕆᐊᓕᒃ ᑐᒃᓯᕋᐅᓯᐅᖅᑐᖅ, ᐱᓕᕆᐊᖑᔪᖅ ᑕᒪᓗᒃᑖᕐᓚᖕᒥᑦ ᓄᓇᖃᖅᖄᖅᑐᓄᑦ ᓇᖕᒥᓂᕆᔭᐅᔭᕆᐊᖃᖅᑐᖅ ᐅᕝᕙᓘᓐᓃᑦ ᐊᐅᓚᑕᐅᓗᓂ. ᑐᒃᓯᕋᐅᓯᐅᖅᑐᖅ ᐃᓗᐃᑦᑐᒃᑯᑦ ᑐᒃᓯᕋᐅᓯᐅᖁᔭᐅᒃᐸᑦ, ᑐᓂᓯᓯᒪᔭᕆᐊᖃᕐᓂᐊᖅᑐᒃᓴᐅᔪᑦ ᒫᓐᓇᐅᔪᖅ ᑲᑎᒪᔨᐅᔩᑦ ᐊᑎᖏᓐᓂᑦ ᐊᒻᒪᓗ ᑎᑎᖅᖃᐅᑎᓂᒃ ᐃᓚᐅᓕᓚᐅᕐᓂᖏᓐᓄᑦ ᐃᑲᔪᕐᓂᐊᕐᓗᓂ ᑕᐃᒪᓐᓇᐃᑦᑐᒥᑦ ᑐᒃᓯᕋᐅᑕᐅᔪᒧᑦ.
5. ᑐᓂᐅᑎᒋᓂᐊᕐᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒥᑦ
ᒪᓕᒡᓗᒋᑦ ᖃᓄᐃᓕᐅᕆᐊᖃᕐᓂᐅᔪᑦ ᑐᓂᓂᐊᕐᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ
- ᐊᓯᐅᔨᑦᑕᐃᓕᓗᒍ ᐊᒻᒪᓗ ᐊᑎᓕᐅᕈᓯᑎᑦ ᑎᑎᕋᕐᓗᒋᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᕆᔭᕐᓄᑦ.
- ᐊᔾᔨᓕᐅᕐᓗᒍ ᐊᒻᒪᓗ ᖃᕆᑕᐅᔭᒃᑯᑦ ᑎᑎᖅᖃᑎᒍᑦ ᐊᐅᓪᓚᖅᑎᓪᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᐅᕗᖓ: operations@cannor.gc.ca
- ᖃᕆᑕᐅᔭᒃᑯᑦ ᑎᑎᖅᖃᑎᒍᑦ ᐱᔾᔪᑎᒋᔭᐅᔪᒧᑦ ᐃᓕᓯᕝᕕᖕᒥᑦ, ᐊᑐᕐᓗᒋᑦ ᐋᖅᕿᐅᒪᔪᑦ ᐃᑲᔪᕐᓂᐊᕐᓗᒋᑦ CanNor-ᑯᑦ ᐱᓕᕆᐊᕆᓂᐊᕐᓗᓂᒋᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᕆᔭᖕᓂᑦ.
ᐊᑐᖅᑕᐅᔪᖅ: 2025-26 ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑦ - [ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᖅ (ᓲᕐᓗ., ᓄᓇᕗᑦ, ᓄᓇᑦᑎᐊᖅ ᐅᕝᕙᓘᓐᓃᑦ ᔫᑳᓐ] – [ᐊᐅᓚᑦᑎᔨᐅᔪᑦ ᐊᑎᖓ]
ᐆᒃᑑᑎ: 2025-26 ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑦ - ᓄᓇᑦᑎᐊᖅ - ABC Enterprises
ᐃᓇᖏᕐᓗᒋᑦ ᑐᑭᓯᐅᒪᔾᔪᑏᑦ ᑭᑉᐹᕆᒃᑐᒧᑦ ᐊᕙᓗᓯᔾᔪᑎᓃᑦᑐᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᒧᑦ ᐊᒻᒪᓗ ᐊᐅᓚᑦᑎᔨᐅᑉ ᐊᑎᖓᓂᑦ ᐱᓕᕆᐊᖕᓄᑦ.
ᐊᓯᒧᑦ ᖃᐅᔨᑎᑦᑎᔾᔪᑕᐅᓂᐊᖏᓐᓂᖅ
ᑕᒪᕐᒥᓗᒃᑖᖅ ᐱᓕᕆᐊᓕᖕᒧᑦ ᓈᓴᐅᑏᑦ/ᑎᑎᖅᖃᐃᑦ, ᐱᓕᕆᐊᖃᕐᓂᕐᒧᑦ ᐃᒃᐱᖕᓇᖅᑐᑦ ᑐᑭᓯᐅᒪᔾᔪᑏᑦ ᐊᒻᒪᓗ ᐱᒻᒪᕆᐅᔪᖕᓇᖅᑐᑦ ᖃᓄᐃᖓᓂᐅᔪᓂᑦ ᐅᕝᕙᓘᓐᓃᑦ ᐃᓱᒪᒋᔭᐅᓯᒪᔪᑦ ᒥᐊᓂᕆᔭᐅᓂᐊᖅᑐᑦ ᐱᑎᑕᐅᓂᖅ ᐊᔪᖅᑐᓂᑦ, ᐱᒋᐊᖅᑕᐅᖏᓪᓗᑎᒃ ᐅᕝᕙᓘᓐᓃᑦ ᑭᖑᕙᖅᓯᒪᔪᓂᒃ ᐅᖃᐅᓯᐅᔪᓄᑦ. ᑐᑭᓯᐅᒪᔾᔪᑏᑦ ᐱᓕᕆᐊᖑᓂᐊᖅᑐᑦ ᒪᓕᒡᓗᒋᑦ ᐱᔭᐅᔪᖕᓇᕐᓂᖏᑦ ᑐᑭᓯᐅᒪᔾᔪᑎᓄᑦ ᐱᖁᔭᖅ ᐊᒻᒪᓗ ᐊᓯᒧᑦ ᖃᐅᔨᑎᑦᑎᔾᔪᑕᐅᔭᕆᐊᖃᙱᑦᑐᓄᑦ ᐱᖁᔭᖅ.
ᒪᓕᒐᐃᑦ ᐊᐅᓚᑦᑎᔪᑦ, ᒥᐊᓂᖅᓯᔪᑦ ᐊᒻᒪᓗ ᑭᒡᓕᖃᖅᑎᑦᑎᔪᑦ ᑲᑎᑕᐅᓂᖏᓐᓄᑦ, ᐊᑐᖅᑕᐅᓂᐊᕐᓗᑎᒃ ᐊᒻᒪᓗ ᐅᖃᐅᓯᐅᓂᐊᕐᓗᑎᒃ ᓇᖕᒥᓂᕆᔭᐅᔪᓂᒃ ᐊᒻᒪᓗ ᐊᓯᒧᑦ ᖃᐅᔨᑎᑦᑎᔾᔪᑕᐅᔭᕆᐊᖃᙱᑦᑐᑦ ᑐᑭᓯᐅᒪᔾᔪᑏᑦ ᒐᕙᒪᑐᖃᒃᑯᑦ ᐊᕕᒃᑐᖅᓯᒪᔪᖏᓐᓄᑦ ᐊᒻᒪᓗ ᐱᔾᔪᔾᔨᔨᖏᓐᓄᑦ. ᐅᖓᑖᓅᖅᑐᑦ ᐃᓚᒋᔭᐅᔪᓂᑦ ᐅᖃᐅᓯᐅᖄᓂᒃᓯᒪᔪᑦ ᖁᓛᓂᑦ, ᐊᓯᒧᑦ ᖃᐅᔨᔭᐅᔭᕆᐊᖃᙱᑦᑐᑦ ᐱᓕᕆᐊᒥᑦ ᑐᑭᓯᐅᒪᔾᔪᑏᑦ ᑐᓂᐅᑕᐅᔾᔮᖏᑦᑐᑦ ᑐᒃᓯᕋᐅᓯᐅᖅᑐᖅ ᐊᖏᕈᑎᓯᒪᙱᑎᓪᓗᓂᐅᒃ.
6. ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ
ᐊᐱᖅᖁᑎᓄᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᒥᒃᓵᓄᑦ, ᖃᐅᔨᑎᓪᓗᑕ ᖃᕆᑕᐅᔭᒃᑯᑦ ᑎᑎᖅᖃᑎᒍᑦ ᐅᕗᖓ operations@cannor.gc.ca, ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒋᑦ ᓇᓕᑐᐃᓐᓇᖏᑦ ᐊᕕᒃᑐᖅᓯᒪᔪᒥᑦ ᐊᓪᓚᕝᕖᑦ ᐅᖃᓘᑎᒃᑯᑦ.
ᓄᓇᕗᑦ
ᐊᕕᒃᑐᖅᓯᒪᔪᒥᑦ ᐊᓪᓚᕝᕕᒃ ᐃᖃᓗᐃᑦ, ᓄᓇᕗᑦ
ᐅᖄᓚᐅᑎ: 867-975-3757
ᓄᓇᑦᓯᐊᖅ
ᐊᕕᒃᑐᖅᓯᒪᔪᒥᑦ ᐊᓪᓚᕝᕕᒃ ᔭᓗᓇᐃᕝ, ᓄᓇᑦᑎᐊᖅ
ᐅᖄᓚᐅᑎ: 867-669-2608
ᔫᑳᓐ
ᐊᕕᒃᑐᖅᓯᒪᔪᒥᑦ ᐊᓪᓚᕝᕕᒃ ᐅᐊᐃᑦᕼᐅᐊᔅ, ᔫᑳᓐ
ᐅᖄᓚᐅᑎ: 867-667-3346
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: