2025-2026-ᒧᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑦ

ᑲᓇᑕᒥᑦ ᐅᐊᖕᓇᖅᐸᓯᖓᓂᑦ ᐱᕙᓪᓕᐊᔪᓕᕆᓂᕐᒧᑦ ᐱᔾᔪᔾᔨᔨᒃᑯᑦ ᕿᓂᖅᑐᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᓂᑦ ᐊᑕᐅᓯᒧᑦ ᐅᕝᕙᓘᓐᓃᑦ ᐊᒥᓱᑦ-ᐅᑭᐅᓄᑦ ᐱᓕᕆᐊᓂᑦ ᐱᒋᐊᕐᓂᐊᖅᑐᓂᒃ 2025-2026-ᒥᑦ ᐅᑭᐅᕆᔭᐅᔪᒥᑦ.

ᑕᒪᕐᒥᓗᒃᑖᖅ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑕᑕᑎᖅᓯᒪᔪᑦ ᑐᓂᔭᐅᔭᕆᐊᖃᖅᑐᑦ ᐅᕗᖓ operations@cannor.gc.ca ᒪᓐᑎᙳᖅᖄᖅᑎᓐᓇᒍ, ᑲᑕᒑᕆᕝᕕᒃ 18-ᒥᑦ 11:59 ᐅᓐᓄᒃᑯᑦ (ᓯᕿᙳᔭᖅ PST-ᒥᑦ) ᐊᑐᕐᓗᒍ CanNor-ᑯᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑕᑕᑎᕆᐊᓕ

ᐃᓚᒋᔭᐅᑉᓗᓂ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ-ᒧᑦ, ᓯᕗᓪᓕᖅᐸᐅᑎᔭᐅᓂᐊᖅᑐᑦ ᐱᓕᕆᐊᑦ ᐊᑕᐅᓯᕐᒥᑦ ᐊᒥᓲᓂᖅᓴᓂᓪᓘᓐᓃᑦ ᐅᑯᓄᖓ ᐱᓕᕆᐊᕆᔭᐅᔪᓄᑦ ᐊᒻᒪᓗ ᓄᓇᓕᖕᒥᑦ ᐱᕙᓪᓕᐊᓂᕐᒧᑦ ᓯᕗᓪᓕᖅᐸᐅᑎᔭᐅᔪᓄᑦ.

• ᓄᑖᓂᒃ ᐃᒡᓗᓕᕆᓂᕐᒧᑦ ᐋᖅᕿᒃᓯᓃᑦ - ᐱᓕᕆᐊᑦ ᓯᕗᒻᒧᒃᑎᑦᑎᔪᑦ ᓄᑖᓂᒃ ᐃᒡᓗᓕᕆᓂᕐᒧᑦ ᐋᖅᕿᒃᓯᓃᑦ ᐊᒻᒪᓗ ᐱᒋᐊᖅᑎᑦᑎᔪᓂᒃ ᐃᒡᓗᕐᔪᐊᓕᕆᖃᑦᑕᖅᑐᓄᑦ ᑲᓇᑕᒥᑦ.
• ᐊᔾᔨᐅᖏᑦᑑᑎᓕᐅᕆᓃᑦ ᐊᒻᒪᓗ ᓄᑖᓂᒃ ᐃᓱᒪᒋᔭᖃᕐᓃᑦ – ᐃᓚᐅᔪᑦ:
  • ᐱᓕᕆᐊᕐᒥᑦ ᐋᖅᕿᒃᓯᓂᖅ ᐊᒻᒪᓗ ᓂᐅᕕᐊᒃᓴᖃᕐᓂᕐᒧᑦ ᐊᖏᒡᓕᒋᐊᖅᓯᓂᖅ - ᐱᓕᕆᐊᑦ ᐃᑲᔪᖃᑦᑕᖅᑐᑦ ᐱᓕᕆᐊᓕᖕᓂᑦ ᐱᒋᐊᖅᑎᑦᑎᓂᕐᒧᑦ ᐱᕈᖅᐸᓪᓕᐊᓂᖏᓐᓂᑦ ᐊᒻᒪᓗ ᐃᑲᔪᖃᑦᑕᖅᑐᑦ ᐊᑐᓕᖅᑕᐅᓂᖏᑦ ᓄᑕᐅᔪᑦ ᐊᑐᖅᑕᐅᓲᑦ ᐃᑲᔪᖅᑐᓂᒃ ᐋᖅᕿᒃᓱᐃᓂᕐᒧᑦ, ᐱᓕᐅᕆᕙᓪᓕᐊᓂᕐᒧᑦ ᐊᒻᒪᓗ ᓄᓇᕐᔪᐊᕐᒥᑦ ᐱᒡᒎᖕᓂᖃᖅᑐᒥᑦ (ᓲᕐᓗ ᓴᓗᒪᔪᑦ ᐊᓂᐊᑎᑦᑎᓂᖃᓗᐊᖏᑦᑐᑦ, ᖃᕆᑕᐅᔭᒃᑯᑦ ᐊᑐᖅᑕᐅᔪᓂᒃ, ᖃᕆᑕᐅᔭᒃᑯᑦ ᐱᓕᕆᐊᒃᓴᓂᒃ ᑐᓂᓯᓂᕐᓂᑦ).
  • ᐊᕕᒃᑐᖅᓯᒪᔪᒥᑦ ᓄᑖᑦ ᐃᓱᒪᒋᔭᐅᓂᒃᑯᑦ ᐱᕈᖅᐸᓪᓕᐊᓂᖃᖃᑎᒌᒃᑐᑦ - ᐱᓕᕆᐊᑦ ᐃᑲᔪᖅᑐᑦ ᓴᖅᕿᑦᑎᓂᕐᒧᑦ, ᐱᕈᖅᑎᓐᓂᐊᕐᓗᒋᑦ ᐊᒻᒪᓗ ᐱᕙᓪᓕᐊᓗᑎᒃ ᓴᙱᔪᒥᒃ ᐊᒻᒪᓗ ᐃᓚᐅᑎᑦᑎᓂᖃᖅᑐᒥᑦ (ᓲᕐᓗ, ᐊᕐᓇᓂᑦ, ᒪᒃᑯᒃᑐᓂᒃ, ᓄᓇᖃᖅᖄᖅᑐᑦ ᐃᓄᖕᓂᑦ) ᐊᕕᒃᑐᖅᓯᒪᔪᒥᑦ ᐱᓕᕆᐊᖃᖃᑎᒌᒃᑐᑦ ᐃᑲᔪᖅᖢᑎᒃ ᓇᖕᒥᓂᖅ ᐱᓕᕆᐊᑦ ᐱᕈᖅᐸᓪᓕᐊᑎᓐᓂᐊᕐᓗᒋᑦ ᐊᒻᒪᓗ ᓄᑕᐅᔪᓕᕆᓂᕐᓄᑦ, ᐊᑐᖃᑦᑕᖅᖢᑎᒃ ᓇᖕᒥᓂᖅ ᐱᓕᕆᐊᖃᕐᓂᕐᒥᒃ, ᐊᒻᒪᓗ ᐊᖏᒡᓕᒋᐊᖅᓯᔪᑦ ᐱᒡᒎᖕᓂᖏᓐᓂᑦ ᒥᑭᑦᑐᖅ ᐊᒻᒪᓗ ᕿᑎᐊᓃᖓᔪᖅ ᐱᓕᕆᐊᓖᑦ (SME).
  • ᓄᓇᖃᖅᖄᖅᑐᑦ ᐱᕙᓪᓕᐊᔪᓕᕆᔨᒃᑯᑦ - ᐱᓕᕆᐊᑦ ᐃᑲᔪᖅᑐᐃᔪᑦ ᐊᒻᒪᓗ ᐊᖏᒡᓕᒋᐊᖅᓯᔪᑦ ᐃᓚᐅᖃᑕᐅᓂᖏᑦ ᐅᑭᐅᖅᑕᖅᑐᒥᑦ ᓄᓇᖃᖅᖄᖅᑐᑦ ᓄᓇᓕᖏᓐᓂᑦ ᐊᒻᒪᓗ ᓇᖕᒥᓂᖅ ᐱᓕᕆᐊᓖᑦ ᐱᕈᖅᐸᓪᓕᐊᓂᕐᒥᒃ ᐱᕕᖃᖅᑎᑦᑎᓂᕐᒧᑦ (ᓲᕐᓗ ᐳᓚᕋᖅᑐᓕᕆᓂᖅ, ᑐᖑᔪᖅᑐᖅ ᐱᕈᖅᐸᓪᓕᐊᑎᑦᑎᓂᖅ, ᐅᔭᕋᒃᑕᖅᑏᑦ, ᐃᒡᓗᓕᕆᔪᑦ).
  • ᐱᓕᕆᐊᖃᖅᑐᑦ ᐱᕙᓪᓕᐊᓂᖏᑦ - ᐱᓕᕆᐊᑦ ᐊᑐᖃᑦᑕᖅᑐᑦ ᐱᕙᓪᓕᐊᓂᕐᒥᒃ ᐊᒻᒪᓗ ᐱᕈᐃᑎᑦᑎᓂᕐᒥᒃ ᐃᓚᖏᓐᓂᑦ ᐱᓕᕆᐊᓕᖕᓂᑦ (ᓲᕐᓗ ᐅᑭᐅᖅᑐᒥᑦ ᒥᐊᓂᖅᓯᓂᖅ ᐊᒻᒪᓗ ᐅᓇᑕᖅᑐᒃᓴᓂᑦ, ᐳᓚᕋᖅᑐᓕᕆᓂᖅ, ᐃᖃᓗᓕᕆᓂᖅ, ᐱᕈᖅᑐᓕᕆᓂᖅ ᐊᒻᒪᓗ ᓂᕆᔭᒃᓴᓄᑦ ᐋᖅᕿᐅᒪᔪᓂᒃ, ᐃᒡᓗᓕᕆᓂᖅ) ᐊᑐᖅᖢᑎᒃ ᐊᖏᒡᓕᒋᐊᖅᑎᑦᑎᔪᒥᒃ ᓄᓇᓕᖕᒥᑦ ᐃᓂᓕᐅᕆᓂᕐᒧᑦ ᐊᒻᒪᓗ ᐊᖏᓛᒃᑰᖅᑎᑦᑎᔪᖅ ᐱᓕᕆᐊᒃᓴᓂᒃ ᐊᒻᒪᓗ ᐱᐅᓯᒋᐊᖅᓯᑉᓗᓂ ᐊᑯᓂᐅᔪᒥᒃ ᖃᓄᐃᖏᑦᑎᐊᕐᓂᕐᒥᒃ (ᓲᕐᓗ ᐊᖕᒪᓗᖅᑐᖅ ᐱᕈᖅᐸᓪᓕᐊᓂᖅ) ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ.
• ᐱᖁᑎᓂᒃ ᐱᑖᖅᑐᕐᓂᖅ ᐊᒻᒪᓗ ᐱᕙᓪᓕᐊᓂᖅ - ᐱᓕᕆᐊᑦ ᐋᖅᕿᒃᓯᔪᑦ ᐊᓯᖏᓐᓂᑦ ᐱᑖᖑᔪᓂᒃ ᐊᖏᓛᒃᑰᖅᑎᓐᓂᐊᕐᓗᒋᑦ ᓄᓇᓕᖕᒥᑦ ᐊᒻᒪᓗ ᐃᓂᐅᔪᒥᑦ ᐱᕕᖃᖅᑎᑦᑎᓂᐅᔪᑦ ᐱᑕᖃᕈᖕᓃᖅᑎᓪᓗᒋᑦ ᐱᕈᖅᐸᓪᓕᐊᓂᕐᒧᑦ ᐱᖁᑎᑕᖃᙱᓐᓂᖅ, ᐃᑲᔪᖅᑐᓂᒃ ᐅᑭᐅᖅᑕᖅᑐᒥᑦ ᒥᐊᓂᖅᓯᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᖃᕆᑕᐅᔭᒃᑰᕈᖕᓇᐅᑎᓂᒃ ᐊᒻᒪᓗ ᓴᓗᒪᔪᒥᒃ ᐊᓂᐊᔪᖃᙱᑦᑐᓂᒃ ᐱᑦᑕᐅᖏᑦᑐᓂᒃ ᐱᖁᑎᓄᑦ ᐱᓕᕆᐊᒃᓴᐃᑦ.
• ᐊᑐᖅᑕᐅᔪᒥᒃ ᐱᕙᓪᓕᐊᓂᖅ - ᐱᓕᕆᐊᑦ ᐃᑲᔪᖅᑐᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᐱᕈᖅᐸᓪᓕᐊᑎᑦᑎᓂᕐᒧᑦ ᒥᑭᑦᑐᖅ ᐊᒻᒪᓗ ᕿᑎᐊᓃᖓᔪᖅ ᐱᓕᕆᐊᓕᖕᓂᑦ (SME) ᐱᑖᕐᕕᐅᖃᑦᑕᖅᑐᓂᑦ ᐊᒻᒪᓗ ᐅᑎᖅᑎᑎᕆᓂᕐᒥᒃ ᐱᓕᕆᐊᖃᖅᑐᓂᑦ, ᐊᒻᒪᓗ ᕿᓂᖅᓴᐃᓂᕐᒧᑦ ᐊᒻᒪᓗ ᐱᕙᓪᓕᐊᓂᕐᒥᒃ ᐅᔭᖅᖃᓕᕆᓂᕐᓂᒃ, ᓄᑖᐅᔪᓂᒃ ᐃᓱᒪᖃᕐᓂᖅ ᐅᔭᕋᒃᑕᕆᐊᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓂᒃ ᐊᒻᒪᓗ ᓴᓗᒪᔪᓂᒃ ᐱᓕᐅᕆᔪᓄᑦ ᐊᑐᖅᑕᐅᔪᑦ ᓄᑕᐅᔪᓂᒃ.
• ᐊᔪᙱᓐᓂᖃᖅᑐᑦ ᐃᖅᖃᓇᐃᔭᖅᑏᑦ - ᐱᓕᕆᐊᑦ ᐊᒥᓱᙳᕆᐊᖅᑎᑦᑎᓂᐊᖅᑐᑦ ᒪᓂᒪᓂᖏᓐᓂᑦ ᐊᒻᒪᓗ ᖃᓄᐃᓐᓂᕆᔭᖏᓐᓂᑦ ᐃᖅᖃᓇᐃᔭᖅᑎᑦᑎᓂᐊᓵᕐᓗᑎᒃ ᐊᒻᒪᓗ ᑐᕌᖅᑕᐅᔪᑦ ᐃᖅᖃᓇᐃᔮᒧᑦ ᐊᔪᕈᖕᓃᖅᓴᐃᓃᑦ ᐊᑐᕐᓗᒋᑦ ᐱᓕᕆᕝᕕᐅᔪᓄᑦ ᐱᔭᐅᔪᑦ, ᐃᑲᔪᖃᑦᑕᕐᓂᒃᑯᑦ ᐃᓕᓴᐃᔾᔪᑎᓂᒃ ᐱᕙᓪᓕᐊᔭᐅᔪᓄᑦ, ᐱᖁᑏᑦ ᐊᑐᖅᑕᐅᔪᓂᒃ ᐊᒻᒪᓗ ᐱᖁᑎᓂᒃ ᐱᑖᖅᑐᕐᓂᕐᓂᑦ.
• ᐳᓚᕋᖅᑐᓕᕆᓂᕐᒥᒃ ᐱᕈᐃᑎᑦᑎᓂᖅ - ᐱᓕᕆᐊᑦ ᐃᑲᔪᖅᑐᐃᔪᑦ ᓄᓇᓕᖕᓂᑦ, ᒥᑭᔪᓂᒃ ᐊᒻᒪᓗ ᕿᑎᐊᓃᖓᔪᓂᒃ ᓇᖕᒥᓂᖅ ᐱᓕᕆᐊᓕᖕᓂᑦ, ᐊᒻᒪᓗ ᐃᑲᔪᖃᑦᑕᖅᑐᓂᒃ ᐊᐅᓚᑦᑎᔨᓂᑦ ᐱᕙᓪᓕᐊᓂᐊᕐᓗᑎᒃ ᓄᓇᓕᖕᒥᑦ, ᓄᓇᓕᖕᒦᖓᔪᓂᒃ ᐳᓚᕋᖅᑐᓕᕆᓂᕐᒧᑦ ᑐᓂᔭᐅᔪᓂᒃ ᐊᒻᒪᓗ ᖃᓄᐃᓕᐅᖅᑎᑦᑎᓂᖃᖅᑐᓂᒃ.
• ᓂᕿᖃᖅᑎᑦᑎᓂᖅ - ᐱᓕᕆᐊᑦ ᐃᑲᔪᖅᑐᑦ ᓄᑖᓂᒃ ᐃᓱᒪᖃᖅᑐᓂᒃ ᐱᖁᑎᓂᒃ, ᐊᑐᖅᑕᐅᖃᑦᑕᖅᑐᓂᑦ, ᐅᕝᕙᓘᓐᓃᑦ ᐊᑐᖅᑕᐅᔪᓂᒃ ᓂᕿᓄᑦ ᐋᖅᕿᐅᒪᔪᓄᑦ ᑐᕌᒐᖃᖅᑐᓂᒃ ᐱᐅᓯᒋᐊᕐᓂᐊᕐᓗᒋᑦ ᓄᓇᓕᖕᒥᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᒥᑦ ᓂᕿᖃᖅᑎᑦᑎᓂᖅ ᐊᒻᒪᓗ/ᐅᕝᕙᓘᓐᓃᑦ ᓴᙱᓂᖃᖅᑐᓂᒃ ᐱᔪᖕᓇᖅᑎᑦᑎᓂᕐᒧᑦ, ᐱᓕᕆᐊᓂᒃ ᓴᙱᒃᑎᑎᕆᔪᓂᑦ ᓄᓇᓕᖕᒥᑦ ᐊᒻᒪᓗ ᐊᕕᒃᑐᖅᓯᒪᔪᒥᑦ ᓂᕿᑖᕐᕕᐅᖃᑦᑕᖅᑐᓂᒃ ᓲᕐᓗ ᐱᕙᓪᓕᐊᔭᐅᓂᖏᑦ ᓂᕿᓄᑦ ᒪᓕᒐᕋᓛᑦ, ᐊᕕᒃᑐᖅᓯᒪᔪᒥᑦ ᐸᕐᓇᐅᑏᑦ, ᓄᓇᓕᖕᒥᑦ ᖃᐅᔨᒋᐊᕐᕕᐅᖃᑦᑕᖅᑐᑦ ᐊᒻᒪᓗ ᓂᖀᑦ ᐱᕈᖅᐸᓪᓕᐊᓂᖃᖃᑎᒌᒃᑐᓂᑦ ᐊᔪᙱᓐᓂᖏᓐᓂᒃ ᐱᐅᓯᒋᐊᖅᓯᓃᑦ ᐊᒻᒪᓗ ᐱᓕᕆᐊᓂᑦ ᐱᒋᐊᖅᑎᑦᑎᔪᑦ/ᐋᖅᕿᒃᓱᐃᔪᑦ ᐱᓕᐅᕆᓂᕐᒧᑦ, ᐱᓕᕆᐊᖑᓂᖏᓐᓄᑦ ᐊᒻᒪᓗ ᑐᓂᐅᖅᖃᐅᑕᐅᓂᖏᓐᓄᑦ ᓂᖀᑦ.
• ᓴᓇᙳᐊᖅᑎᓂᒃ, ᐱᖅᖁᓯᕆᔭᐅᔪᓂᒃ ᐊᒻᒪᓗ ᐊᐅᓚᔪᓕᐅᕆᔩᑦ - ᐱᓕᕆᐊᑦ ᓴᖅᕿᔮᖅᑎᑦᑎᔪᑦ ᐊᒻᒪᓗ ᐃᑲᔪᖃᑦᑕᖅᑐᑦ ᓱᓇᓕᐅᕆᔪᓂᒃ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᐊᔾᔨᐅᖏᑦᑑᑎᓂᒃ ᐱᓕᕆᐊᖃᕐᓂᐊᕐᓗᑎᒃ ᓄᓇᓕᖕᒥᑦ ᐱᕈᖅᐸᓪᓕᐊᑎᑦᑎᓂᕐᓂᑦ.
• ᐱᒻᒪᕆᐅᙱᑦᑐᓂᒃ ᖃᐅᔨᒪᓂᖃᕐᓂᕐᒧᑦ ᐋᖅᕿᒃᓯᓃᑦ - ᐱᓕᕆᐊᑦ ᐱᓕᕆᐊᖃᕐᓂᐊᖅᑐᓂᒃ ᐊᒃᓱᕈᕐᓇᐅᑎᐅᔪᓂᒃ ᒥᐊᓂᕆᓂᐊᕐᓗᒋᑦ ᐱᕈᖅᐸᓪᓕᐊᓂᖅ ᐱᖁᑎᕐᔪᐊᓂᒃ, ᐱᓂᐊᕐᓗᓂ ᐊᑭᑐᓂᖃᖅᑐᓂᒃ ᖃᐅᔨᒪᓂᖃᖅᑐᓂᒃ, ᐱᒻᒪᕆᐅᖏᑦᑐᓂᒃ ᖃᐅᔨᒪᓂᖃᓂᕐᒧᑦ ᐊᔪᙱᓐᓂᕆᔭᐅᔪᓂᒃ ᐱᑕᖃᙱᓐᓂᐅᔪᓂᒃ ᐊᒻᒪᓗ ᐊᑭᑐᓂᖏᓐᓂᑦ ᐊᑐᓕᖅᑎᑦᑎᓂᕐᒧᑦ.

ᐊᒻᒪᓗ, ᒫᓐᓇᓵᖅ ᓄᓇᕐᔪᐊᕐᒥᑦ ᖃᓄᐃᓕᐅᕐᓂᐅᔪᑦ ᐊᒻᒪᓗ ᐊᓯᐊᙳᖅᐸᓪᓕᐊᔪᑦ ᒥᐊᓂᖅᓯᓂᕐᒧᑦ ᐱᔭᕆᐊᓕᖕᓄᑦ ᑕᑯᒃᓴᐅᑎᑦᑎᓯᒪᔪᑦ ᐱᒻᒪᕆᐅᓂᖓᑕ ᐱᓕᕆᓂᐅᔪᖅ ᐅᑭᐅᖅᑕᖅᑐᒥᑦ ᐱᓯᒪᓂᕐᒧᑦ ᐊᒻᒪᓗ ᓴᙱᒃᑎᑎᕆᓂᕐᒧᑦ ᑲᓇᑕᐅᑉ ᐃᓂᒋᔭᖓᓂᑦ ᓄᓇᕐᔪᐊᕐᒥᑦ. ᑕᐃᒪᓐᓇᒧᑦ, CanNor-ᑯᑦ ᐃᓱᒪᒋᓂᐊᖅᑕᖏᑦ ᐱᓕᕆᐊᑦ ᑕᑯᒃᓴᐅᑎᑦᑎᔪᑦ ᑎᑯᓕᐊᖅᓯᒪᔪᑦ ᒐᕙᒪᑐᖃᒃᑯᓐᓂᑦ ᒥᐊᓂᖅᓯᓂᕐᒧᑦ ᓯᕗᓪᓕᖅᐸᐅᑎᔭᐅᔪᓂᒃ ᐊᒻᒪᓗ/ᐅᕝᕙᓘᓐᓃᑦ ᐃᓚᐅᖃᑕᐅᔪᑦ ᐊᒥᓱᙳᕆᐊᖅᓯᔪᓂᒃ ᐅᑭᐅᖅᑕᖅᑐᒥᑦ ᓄᓇᖃᖅᖄᖅᑐᑦ ᓄᓇᓕᖕᓂᑦ ᐊᒻᒪᓗ ᓇᖕᒥᓂᖅ ᐱᓕᕆᐊᓕᖕᓂᑦ ᐱᕈᖅᐸᓪᓕᓂᖃᖅᑎᑦᑎᓂᕐᓄᑦ ᐱᔾᔪᑎᖃᖅᑐᓂᒃ ᐅᑭᐅᖅᑐᒥᑦ ᒥᐊᓂᖅᓯᓂᕐᒥᒃ.

ᑕᑯᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᒪᓕᒃᑕᐅᔪᒃᓴᖅ ᐆᒃᑑᑕᐅᔪᓂᒃ ᐱᓂᐊᕐᓗᑎᑦ ᐊᔾᔨᒌᙱᑦᑐᓂᑦ ᐱᓕᕆᐊᓂᑦ ᐊᔪᙱᑐᐃᓐᓇᕆᐊᖃᖅᑐᓂᒃ ᒪᓕᒃᖢᒋᑦ ᐊᑐᓂ ᖁᓛᓃᑦᑐᑦ ᓯᕗᓪᓕᖅᐸᐅᑎᔭᐅᓂᐊᖅᑐᓄᑦ.

ᑭᓯᒥ ᐱᐊᓂᑦᑎᐊᖅᓯᒪᔪᑐᐃᓐᓇᐃᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑐᓂᓯᖁᔭᐅᓂᐊᖅᑐᑦ ᐃᓗᐃᑦᑐᒥᒃ ᑐᒃᓯᕋᐅᓯᐅᕈᑎᓂᑦ. ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᑐᓂᔭᐅᒃᐸᑕ ᖄᖏᐅᑎᑉᓗᑎᒃ ᑭᒡᓕᒋᔭᐅᔪᒧᑦ ᐃᓱᒪᒋᔭᐅᓂᐊᖅᑐᑦ ᑭᓯᐊᓂ ᑮᓇᐅᔭᖃᖅᑎᑕᐅᓂᖅ ᒪᓂᒪᔪᖃᖅᐸᑦ ᓱᓕ ᐱᐊᓂᒃᑕᐅᓯᒪᓕᖅᑎᓪᓗᒍ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᖃᐅᔨᓴᐃᓂᖅ.

ᐊᐱᖅᖁᑎᓄᑦ ᖃᐅᔨᑎᑦᑎᔪᑦ ᐱᔪᒪᓂᖏᓐᓄᑦ ᒥᒃᓵᓄᑦ, ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ operations@cannor.gc.ca ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒋᑦ CanNor-ᑯᑦ ᐊᕕᒃᑐᖅᓯᒪᔪᒥᑦ ᐊᓪᓚᕝᕕᖓᑦ.