ᐃᖅᑲᓇᐃᔮᒃᓴᓪᓚᕆᖕᓂᒃ ᐱᕙᓪᓕᐊᑎᑦᑎᒋᑦ
ᐃᓕᓐᓂᐊᕈᑎᒃᓴᑦ ᐊᒻᒪ ᐊᔪᕈᓐᓃᖅᓴᕈᑎᒃᓴᑦ ᐃᑲᔪᕈᑎᒃᓴᐃᑦ ᓇᖕᒥᓂᖅ ᐱᕙᓪᓕᐊᔪᓐᓇᖅᓂᖅᒧᑦ ᐊᒻᒪᓗ ᐃᖅᑲᓇᐃᔮᒃᑯᑦ ᓯᕗᒧᒃᐸᓪᓕᐊᔪᓐᓇᖅᓂᖅᒧᑦ ᐃᓄᖕᓄᑦ ᐃᖅᑲᓇᐃᔭᖅᑎᐅᔪᓄᑦ ᑲᓇᑕᒥᑦ ᒐᕙᒪᒃᑯᓐᓂᒃ ᓄᓇᕗᒥᑦ.
ᑖᕙᑎ ᒪᒃᐃᒐᕐᒥᑦ
ᐱᓇᓱᒍᒪᔭᒧᑦ ᑐᑭᒧᐊᖅᑕᐅᖃᑦᑕᖅᓂᖅ ᐊᒻᒪ ᐃᑲᔪᖅᑐᖅᑕᐅᓂᖅ
ᐃᓄᐃᑦ ᐃᖅᑲᓇᐃᔭᖅᑏᑦ
ᐃᓅᓪᓗᑎᑦ ᐃᖅᑲᓇᐃᔭᖅᑎᐅᓪᓗᑎᑦ ᒐᕙᒪᒃᑐᖃᒃᑯᓐᓄᑦ ᐱᔨᑦᑎᕋᐅᑎᓂᒃ ᓄᓇᕗᒥᑦ, ᐃᖅᑲᓇᐃᔮᒧᑦ ᐸᕐᓇᐅᑎᐅᔪᓐᓇᖅᑐᓂᒃ ᐊᑐᐃᓐᓇᖃᕈᓐᓇᖅᑐᑎᑦ ᐃᑲᔪᕈᓐᓇᖅᑐᓂᒃ ᐃᒪᓐᓇ:
- ᐃᑲᔪᖅᑕᐅᓗᑎ ᕿᓂᕋᓱᖕᓂᕐᒥᒃ ᐅᖃᖃᑎᒋᒍᑎᐅᓯᒪᔪᓂᒃ ᐊᐅᓚᑦᑎᔨᐅᔪᓂᒃ
- ᐋᖅᑭᒃᓱᐃᓂᖅᒥᒃ ᐃᖅᑲᓇᐃᔮᒧᑦ ᑐᕌᕈᑎᒃᓴᕆᔭᕐᓂᒃ
- ᖃᐅᔨᕙᓪᓕᐊᓂᖅᒥᒃ ᐱᕙᓪᓕᐊᓂᖅᒧᑦ ᐱᓕᕆᐊᖑᔪᓐᓇᖅᑐᑦ ᒐᕙᒪᑐᖃᒃᑎᒍᑦ.
ᐊᐅᓚᑦᑎᔩᑦ ᐊᒻᒪ ᐃᖅᑲᓇᐃᔮᒃᓴᓕᕆᔩᑦ
ᐊᐅᓚᑦᑎᔨᐅᓗᓂ ᐅᕝᕙᓘᓐᓃᑦ ᐃᖅᑲᓇᐃᔮᒃᓴᓕᕆᔨᐅᓗᓂ ᒐᕙᒪᑐᖃᒃᑯᓐᓂᒃ ᓄᓇᕗᒥᑦ, ᑲᒪᒋᔭᖃᕋᔭᖅᑐᑎᑦ ᐃᖅᑲᓇᐃᔮᒃᓴᓄᑦ ᐱᕙᓪᓕᐊᑎᑦᑎᓂᖅᒥᒃ ᐃᓄᖕᓂᒃ ᐃᖅᑲᓇᐃᔭᖅᑎᐅᔪᓂᒃ ᐱᓕᕆᕝᕕᒋᔭᕐᓂᒃ.
ᐊᑐᐃᓐᓇᖃᕈᓐᓇᖅᑐᑎᑦ ᖃᔅᓯᕈᓘᔭᕐᓂᖅ ᐃᖅᑲᓇᐃᔮᒃᓴᓄᑦ ᐸᕐᓇᐅᑎᓕᐅᕈᑎᓄᑦ ᐃᑲᔪᕈᑎᒃᓴᓂᒃ ᐊᒻᒪ ᐃᑲᔫᑎᒃᓴᓂᒃ ᐋᖅᑭᒃᑕᐅᓯᒪᔪᓂᒃ ᐱᓕᒻᒪᒃᓴᐃᕕᒃᑯᓐᓄᑦ ᐃᑲᔪᕈᑎᐅᓂᐊᕐᓗᑎᒃ ᐃᓕᖕᓄᑦ ᐱᓕᕆᐊᖃᕐᓂᕐᓄᑦ. ᐅᑯᐊ ᐃᑲᔪᕈᑎᒃᓴᑦ ᐃᓕᖕᓂ ᑐᑭᒧᐊᖅᑎᑦᑎᔾᔪᑎᐅᔪᑦ ᐱᓕᕆᓂᒃᑯᑦ ᐊᐅᓚᑦᑎᓂᖅᒥᒃ ᐱᓇᓱᐊᕐᓂᖅᓄᑦ ᐊᒻᒪᓗ ᑐᑭᒧᐅᕈᑎᖃᖅᖢᑎᒃ ᐃᖅᑲᓇᐃᔮᒨᖓᔪᓂᒃ ᐅᖃᐅᓯᐅᕙᒃᑐᓂᒃ ᐃᖅᑲᓇᐃᔭᖅᑎᓄᑦ.
ᐱᓕᕆᐊᒃᓴᑦ ᐊᒻᒪ ᐱᔨᑦᑎᕋᐅᑎᑦ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ
ᐱᓕᒻᒪᒃᓴᐃᕕᒃ ᒪᓂᒻᒪᐃᓯᒪᖕᒪᑦ ᐊᔾᔨᒌᙱᑦᑑᑎᓂᒃ ᐱᓕᕆᐊᒃᓴᓂᒃ, ᐱᔨᑦᑎᕋᐅᑎᓂᒃ ᐊᒻᒪᓗ ᖃᓄᐃᓕᐅᕈᑎᒃᓴᓂᒃ ᐃᑲᔪᕈᑎᐅᓂᐊᖅᑐᓂᒃ ᐃᖅᑲᓇᐃᔮᒧᑦ ᐱᕙᓪᓕᐊᑎᓪᓗᑎᒃ ᒐᕙᒪᑐᖃᒃᑯᓐᓂᒃ ᓄᓇᕗᒥᑦ.
ᐃᓕᓐᓂᐊᕐᓂᖅᒧᑦ ᐃᑲᔪᕈᑎᒃᓴᓄᑦ ᐃᑲᔫᓯᐊᒃᓴᖅ
ᐅᓇ ᐃᓕᓐᓂᐊᕐᓂᖅᒧᑦ ᐃᑲᔪᕈᑎᒃᓴᓄᑦ ᐃᑲᔫᓯᐊᒃᓴᖅ (ESF) ᑮᓇᐅᔭᑎᒍᑦ ᐃᑲᔪᕈᑎᒃᓴᖅ ᐊᑐᐃᓐᓇᐅᑎᑕᐅᔪᖅ ᓄᓇᕗᒥᒃ ᐃᓄᖕᓄᑦ ᓄᓇᕗᒦᑦᑐᓂᒃ ᐃᖅᑲᓇᐃᔮᖃᖅᑐᓂᒃ ᒐᕙᒪᒃᑐᖃᒃᑯᓐᓂᒃ ᐃᓕᓐᓂᐊᒃᑲᓐᓂᕈᒪᔪᓄᑦ.
ᐃᓕᓐᓂᐊᕈᒪᓂᕆᔭᐃᑦ ᐊᒃᑐᐊᓂᖃᕆᐊᖃᓪᓚᕆᒃᑐᖅ ᐃᖅᑲᓇᐃᔮᕆᔪᒪᔭᕐᓄᑦ ᑲᓇᑕᒥᑦ ᒐᕙᒪᒃᑯᓐᓂᒃ ᓄᓇᕗᒥᑦ. ᑐᕌᒐᕆᔭᐅᔪᕐᓕ ᐃᑲᔪᕋᓱᒃᖢᑎᒃ ᓄᓇᕗᒥᑦ ᐃᓄᖕᓂ ᒐᕙᒪᑐᖃᒃᑯᓐᓂᒃ ᐃᖅᑲᓇᐃᔮᖃᖅᑐᓂᒃ ᓄᓇᕗᒥᑦ ᐃᖅᑲᓇᐃᔮᖏᑦᑎᒍᑦ ᓯᕗᒧᒃᐹᓪᓕᕈᑎᐅᔪᓐᓇᖅᑐᓄᑦ ᐃᓕᓐᓂᐊᒃᑲᓐᓂᕈᑎᐅᔭᕆᐊᖃᕐᓗᑎᒃ. ᐃᑲᔫᑎᒃᓴᖅ ᐱᓇᓱᒃᑐᓂᒃ ᓯᕗᓪᓕᐅᑎᑦᑎᕙᒃᑐᖅ ᒐᕙᒪᑐᖃᒃᑯᓐᓂᒃ ᐃᖅᑲᓇᐃᔮᓅᖓᔪᓂᒃ ᐃᓕᓐᓂᐊᕈᑎᐅᒃᑲᓐᓂᕆᐊᖃᖅᑐᓄᑦ ᒪᑯᓄᖓ ᐃᓄᖕᓄᑦ ᐃᖅᑲᓇᐃᔮᕆᔭᐅᓗᐊᙱᑦᑐᓄᑦ (ᓲᕐᓗ ᖃᐅᔨᓴᖅᑐᓕᕆᓂᖅᒥᒃ).
ᐃᑲᔫᑎᒃᓴᑦ ᐃᓚᖃᕈᓐᓇᖅᑐᑦ ᐅᑯᓂᖓ:
- ᑮᓇᐅᔭᓕᐊᕆᔭᐅᓇᔭᖅᑐᒥᒃ ᐊᑭᓕᖅᓱᐃᓂᖅ
- ᐃᓚᒋᐊᕈᑎᒃᓴᑦ ᐊᑐᖅᑕᐅᔭᕆᐊᓕᖕᓄᑦ ᐃᓕᓐᓂᐊᕐᓂᖅᒧᑦ ᐃᓕᓐᓂᐊᕈᑎᓄᓪᓗ ᐅᖃᓕᒫᒐᓄᑦ
- ᐊᐅᓪᓚᕈᑎᒃᓴᓄᑦ ᐃᓕᓐᓂᐊᕐᕕᓕᐊᕐᓗᓂ ᐊᒻᒪ ᐊᖏᕐᕋᒧᑦ
- ᒐᕙᒪᑐᖃᒃᑯᓐᓂ ᐃᒡᓗᖃᖅᑎᑕᐅᔪᓐᓇᖅᑐᖅ ᐃᓕᓐᓂᐊᖅᓂᖓᓂᒃ
ᐅᓇ ᐃᓕᓐᓂᐊᕐᓂᖅᒧᑦ ᐃᑲᔪᕈᑎᒃᓴᓄᑦ ᐃᑲᔫᓯᐊᒃᓴᖅ (ESF) ᐃᑲᔪᕈᑎᒃᑲᓐᓂᐅᓗᑎᒃ ᒫᓐᓇ ᐃᓕᓐᓂᐊᕐᓂᖅᒧᑦ ᐃᑲᔪᕈᑎᐅᔪᓂᒃ ᓲᕐᓗ ᐆᑐᓇᖅ ᑮᓇᐅᔭᑎᒍᑦ ᐃᑲᔪᕈᑎᒃᓴᑦ ᓄᓇᕗᒥᑦ ᐃᓕᓐᓂᐊᖅᑎᓄᑦ (FANS). ᐃᓚᐅᔪᑦ ᐊᑎᓕᐅᕆᐊᖃᖅᑐᑦ ᐃᖅᑲᓇᐃᔮᒧᑦ ᐅᑎᕐᓂᐊᕐᓂᖅᒧᑦ ᐊᖏᕈᑎᓂᒃ ᓇᓕᒧᒃᓯᐅᑎᔪᓂᒃ 1.5 ᐃᓕᓐᓂᐊᖅᓂᐅᑉ ᑕᑭᑎᒋᓂᖓᒍᑦ.
ᐃᖅᑲᓇᐃᔮᒧᑦ ᐊᒃᑐᐊᔪᓂᒃ ᐊᔪᕈᓐᓃᖅᓴᕐᓂᖅ
ᐱᓕᕆᐊᖃᕐᓂᒃᑯᑦ ᐊᔪᕈᓐᓃᖅᓴᕐᓂᖅ ᒪᓂᒪᔭᐅᔪᖅ ᐊᕐᕌᒍᓕᒫᖅ ᒐᕙᒪᑐᖃᒃᑯᓐᓄᑦ ᐃᖅᑲᓇᐃᔭᖅᑎᓄᑦ. ᐃᓄᐃᑦ ᐃᖅᑲᓇᐃᔭᖅᑎᒋᔭᐅᔪᑦ ᓯᕗᓪᓕᐅᑎᑕᐅᔪᑦ ᐊᑎᓕᐅᖅᓯᒪᓂᒃᑯᑦ.
ᐊᔪᕈᓐᓃᖅᓴᕐᓂᖅ ᐃᖅᑲᓇᐃᔮᒧᑦ ᐱᔭᐅᔭᕆᐊᓕᖕᓂᒃ ᒪᓕᒃᓯᒪᓪᓗᓂ ᐊᒻᒪᓗ ᓇᓗᓇᐃᖅᑕᐅᓯᒪᔪᓂᒃ ᐊᔪᕈᓐᓃᖅᓴᖅᑕᐅᔭᕆᐊᓕᖕᓂᒃ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ. ᓇᓗᓇᐅᒃᑯᑎᒋᔭᐅᔪᑦ ᒪᑯᓄᖓ ᐊᔪᕈᓐᓃᖅᓴᕐᓂᖅ ᐃᖅᑲᓇᐃᔮᒧᑦ ᐱᔭᕆᐊᓕᖕᓂᒃ ᐃᓚᖃᖅᑐᑦ ᖃᕋᓴᐅᔭᓂᒃ ᑎᑎᕋᕈᓐᓇᐅᑎᓂᒃ ᒪᑯᓂᖓ ᒪᐃᑯᓵᕝ (ᑎᑎᕋᕈᓐᓇᐅᑎ [Word], ᑐᑭᒨᓕᖓᔭᕆᐊᓕᖕᓂᒃ [Excel] ᐊᒻᒪᓗ ᓇᓗᓇᐃᔭᐃᔾᔪᑎᓕᖕᓂᒃ [PowerPoint]), ᐱᓕᕆᐊᒥᒃ ᐊᐅᓚᑦᑎᓂᖅᒥᒃ ᐊᒻᒪᓗ ᐊᑐᕈᓐᓇᖅᑐᓂᒃ ᖃᓄᐃᓕᐅᕐᓇᐅᔪᓂᒃ ᐊᒻᒪ ᑲᑎᒪᓂᐅᔪᓄᑦ.
ᐃᑲᔪᖅᑐᐃᔨᐅᓂᖅᒧᑦ ᐱᓕᕆᐊᒃᓴᖅ
ᐱᓕᒻᒪᒃᓴᐃᕕᒃ ᑐᑭᒧᐊᖅᑎᑦᑎᕙᒃᑐᖅ ᐃᑲᔪᖅᑐᐃᔨᐅᓂᖅᒧᑦ ᐱᓕᕆᐊᒃᓴᓂᒃ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ. ᐅᓇ ᐱᓕᕆᐊᒃᓴᖅ ᐱᕕᖃᖅᑎᑦᑎᔪᖅ ᐃᓄᖕᓂ ᐃᖅᑲᓇᐃᔭᖅᑎᓂᒃ ᐃᑲᔪᖅᑕᐅᔪᓐᓇᖅᓗᑎᒃ ᐊᒻᒪ ᖃᓄᐃᓕᐅᖅᐸᓪᓕᐊᓂᒃᑯᑦ ᐊᔾᔨᖓᓂᒃ ᐃᖅᑲᓇᐃᔮᖃᖅᑐᒥᒃ ᐅᕝᕙᓘᓐᓃᑦ ᑕᐃᒪᓐᓇ ᐱᓕᕆᐊᖃᖅᓯᒪᓂᑯᒥᒃ.
ᐃᓄᐃᑦ ᐃᖅᑲᓇᐃᔭᖅᑎᐅᔪᑦ ᐃᑲᔪᖅᑐᐃᔨᐅᔪᓐᓇᖅᒥᔪᑦ ᐱᔪᒪᒍᑎᒃ, ᖃᐅᔨᒪᔭᖏᓐᓂᒃ ᑐᓴᐅᒪᑎᑦᑎᓂᒃᑯᑦ, ᐊᔪᙱᓐᓂᖏᑦᑎᒍᑦ ᐊᒻᒪ ᐱᓕᕆᓕᒪᓂᒃᑯᑦ ᒪᐅᓇ ᐃᑲᔪᖃᑕᕐᓂᕐᒧᑦ ᐱᓕᕆᖃᑎᒌᖕᓂᒃᑯᑦ.
ᓯᕗᓕᖅᑎᐅᓂᕐᒧᑦ ᐃᓕᓐᓂᐊᕐᓂᖅ ᐱᓕᕆᐊᒃᓴᖅ
ᓯᕗᓕᖅᑎᐅᓂᕐᒧᑦ ᐃᓕᓐᓂᐊᕐᓂᖅ ᐱᓕᕆᐊᒃᓴᖅ ᐊᔪᕈᓐᓃᖅᓴᖅᑎᑦᑎᒍᑎᐅᕗᖅ ᐃᑲᔪᕈᑎᐅᓪᓗᓂ ᐃᓄᖕᓂᒃ ᐱᕙᓪᓕᐊᑎᑦᑎᓂᖅᒥᒃ ᒪᑯᓂᖓ ᑲᒪᔨᐅᓂᕐᒧᑦ ᐱᓕᕆᐊᖃᓕᕈᒪᔪᓂᒃ.
ᐊᔪᕈᓐᓃᖅᓴᕐᓂᖅ ᐊᕕᒃᑐᖅᓯᒪᐅᖅᑐᖅ ᑕᖀᑦ 8 ᐃᓗᐊᓄᑦ ᐊᒻᒪᓗ ᐃᓕᓐᓂᐊᕈᑎᒃᓴᑦ ᐃᓚᖃᖅᖢᑎᒃ ᐅᑯᓇᙶᖅᑐᓂᒃ ᑲᓇᑕᒥ ᑲᒪᔨᐅᓂᖅᒧᑦ ᐃᓕᓐᓂᐊᕈᑎᒃᓴᓂᑦ ᐊᒻᒪᓗ ᐊᓯᖏᓐᓂᒃ ᐱᔨᑦᑎᕋᐅᑎᓕᕆᔨᐅᕙᒃᑐᓂᒃ. ᐱᔾᔪᑎᒋᔭᐅᔪᕐᓕ ᐃᑲᔪᖅᑐᐃᓗᑎᒃ ᐃᓄᖕᓂᒃ ᐃᖅᑲᓇᐃᔭᖅᑎᓂᒃ ᐊᔪᕈᓐᓃᖅᐸᓪᓕᐊᑎᑦᑎᓂᒃᑯᑦ ᐊᒻᒪ ᐱᔪᓐᓇᖅᓯᔪᓐᓇᕐᓂᕐᒥᒃ ᓯᕗᒧᒃᐹᓪᓕᕈᑎᒃᓴᓂᒃ ᐊᒻᒪ ᐊᓂᒍᐃᔪᓐᓇᑦᑎᐊᖅᓂᕐᒥᒃ ᐱᒋᐊᕈᑎᓂᒃ ᕿᑎᐊᓃᑦᑐᓂᒡᓘᓐᓂᑦ ᑲᒪᔨᐅᓂᖅᒧᑦ ᐱᓕᕆᐊᒃᓴᓄᑦ.
ᐊᑐᕈᓐᓇᖅᑐᑦ ᐊᒃᑕᑕᐅᑎᑦ
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: