ᒐᕙᒪ ᑲᓇᑕᒥ ᖁᕕᐊᓱᖃᑎᖃᖅᐳᑦ ᐃᓱᓕᑦᑎᔪᓂ ᓯᕗᓕᖅᑎᐅᓂᕐᒧᑦ ᐃᓕᓐᓂᐊᕐᓂᖅ ᐱᓕᒻᒪᒃᓴᕐᓂᒃᑯᑦ ᓄᓇᕗᒥ ᐃᓄᖕᓄᑦ
ᐱᕙᓕᐊᔪᑦ ᑐᓴᒐᒃᓴᓕᐊᖑᔭᐅᔪᖅ
ᓯᕗᓕᖅᑎᐅᓂᕐᒧᑦ ᐃᓕᓐᓂᐊᕐᓂᖅ ᐱᓕᒻᒪᒃᓴᓂᒃᑯᑦ ᐱᓕᕆᐊᒃᓴᑦ ᒪᓂᒪᔪᑦ ᓄᓇᕗᒻᒥ ᐃᓄᐃᑦ ᐃᖃᓇᐃᔭᖅᑎᓄ ᒐᕙᒪᑯ ᑲᓇᑕᒥ ᐱᕙᒋᔭᐃᔭᖅᑕᐅᓪᓗᑎᒃ ᐱᔪᓐᓇᕐᓂᕐᒥ ᑐᑭᒧᐊᖅᑎᑦᑎᓂᖅ ᐅᕝᕙᓘᓃᑦ ᓯᕗᓕᖅᑎᐅᓂ ᐃᖃᓇᐃᔮᑎᒍ
ᓄᕕᐱᕆ 23, 2023 - ᐃᖃᓗᐃᑦ, ᓄᓇᕗᑦ - ᑲᓇᑕᐅ ᐅᐊᖕᓇᖓᓂ ᐱᕙᓪᓕᐊᔪᔨᕆᓂᖅ ᑮᓇᐅᔭᓕᕆᓂᕐᓗ (CanNor)
ᐃᓄᖕᓄᑦ ᐃᖃᓇᐃᔮᒃᓴᑦ ᒐᕙᒪᒃᑯᑦ ᑲᓇᑕᒥ ᕿᑎᒋᔭᐅᔪᖅ ᓴᓇᕙᓕᐊᓂᖅ ᐊᓂᒍᐃᔪᑎᓄ ᐃᓄᖕᓄᑦ ᓄᓇᕗᒻᒥ ᐊᒻᒪᓗ ᐊᑐᕆᐊᖃᒻᒪᕆᒃᖢᓂ ᑲᓇᑕᐅ ᐱᓕᕆᐊᒃᓴᖏᑎᒍ ᑕᐃᑰᓇ ᓄᓇᕗᒻᒧ ᐊᖏᕈᑎ ᐊᒻᒪᓗ ᐱᔪᒪᓂᖅ ᐊᖏᖃᑎᒌᖕᓂᒃᑯᑦ.
ᐅᓪᓗᒥ, ᒪᓕᒐᓕᐅᖅᑎ ᑖᓐ ᕙᓐᑕᐅᓪ, ᒥᓂᔅᑕ ᐅᐊᖕᓇᐅ ᓄᓇᖓᓄ, PrairiesCan ᐊᒻᒪᓗ CanNor, ᐊᓕᐊᓇᐃᒍᓱᖃᑎᖃᖅᑐᑦ ᐃᓚᐅᓚᐅᖅᑐᓂᒃ ᓯᕗᓕᖅᑎᐅᓂᕐᒧᑦ ᐃᓕᓐᓂᐊᕐᓂᖅ ᐱᓕᒻᒪᒃᓴᕐᓂᒃᑯᑦ (SILT) ᐊᓂᒍᐃᓪᓗᑎᒃ ᐱᓕᕆᐊᒃᓴᒥᓂ ᐊᒻᒪᓗ ᐃᓕᓴᖅᓯᓂᖅ ᐊᑐᖅᑕᐅᓚᐅᖅᑐᖅ ᐃᓕᓴᖅᓯᓂᖃᖅᑎᓪᓗᒋ ᑕᐃᑲᓂ ᑲᓇᑕᐅ ᐃᓕᓐᓂᐊᕐᕕᖓᓂ ᑭᒃᑯᓕᒡᒪᓄᑦ ᐱᔨᑦᑎᕋᖅᑎᓄ ᐃᓕᓴᕐᕕᒃ ᐊᑐᕚᒥ.
ᓯᕗᓕᖅᑎᐅᓂᕐᒧᑦ ᐃᓕᓐᓂᐊᕐᓂᖅ ᐱᓕᒻᒪᒃᓴᓂᒃᑯᑦ (SILT) ᓇᐅᑯᑐᐃᓐᓇᖅ−ᐊᑐᖅᑐᒃᑯ ᑐᑭᒧᐊᖅᑎᐅᓂᖅ ᐊᒻᒪᓗ ᓯᕗᓕᖅᑎᐅᓂᕐᒧ ᓯᓚᑦᑐᖅᓴᓂᖅ ᐱᓕᕆᐊᒃᓴ ᐃᖏᕋᑎᑕᐅᔪᖅ ᐱᓕᒻᒪᒃᓴᐃᕕᒃ (ᒐᕙᒪᓕᕆᔨᕐᔪᐊᒃᑯᑎᒍ ᐃᓕᓴᕆᔭᐅᔪᓯᐊᕐᕕᒃ ᐃᓄᖕᓄ ᐃᖃᓇᐃᔭᖅᑎᓄ ᓄᓇᕗᒻᒥ) ᑕᑎᖃᖅᖢᑎᒃ ᑲᓇᑕᒥ ᐃᓕᓐᐊᕐᕕᒃ ᑭᒃᑯᓕᒫᓄᑦ ᐱᔨᑦᑎᕋᖅᑎᓄᑦ. ᑕᒪᓐᓇ ᐱᓕᒻᒪᒃᓴᐃᓂᖅ ᑐᕌᖅᑐᖅ ᐃᑲᔪᕐᓗᓂ ᐱᔪᓇᕐᓂᖅ ᓯᓚᑦᑐᖅᓴᕐᓂᒃᑯᑦ ᐊᒻᒪᓗ ᐊᑐᖅᓯᒪᔭᓂ ᐃᓄᐃᑦ ᐃᖃᓇᐃᔭᖅᑎᑦ ᓴᓇᔪᑦ ᒐᕙᒪᑯ ᑲᓇᑕ ᓄᓇᕗᒻᒥ ᐱᕙᒋᔭᐃᓂᖃᕐᓂᒃᑯ ᐊᑐᖅᑕᐅᓕᓵᕐᓂᐊᖅᑐᖅ ᓯᕗᓕᖅᑎᐅᓂᕐᒧᑦ ᐃᓂ ᑕᐃᑲᓂ ᑭᒐᖅᑐᖅᑕᒥᓂ ᐃᖃᓇᐃᔭᕐᕕᓂ.
ᑲᑎᖓᔪᑦ 16−ᖑᔪ ᐃᓚᐅᓗᑎᒃ ᑕᐃᑲᖓ ᑲᑎᖢᒍ 7 ᒐᕙᒪᓕᕆᔨᕐᔪᐊᒃᑯᑎᒍ ᐊᕕᒃᑐᖅᓯᒪᔪᑦ ᐊᒻᒪᓗ ᑮᓇᐅᔭᓕᕆᔩ ᓄᓇᕗᓕᒫᒥ. ᑕᑕᑎᕈᑎᑦ ᐱᒋᐊᖅᑕᐅᓚᐅᖅᓯᒪᔪᖅ 2022−ᒥ ᐊᒻᒪᓗ ᐱᓕᕆᐊᒃᓴᑦ ᐱᒋᐊᖅᖢᑎ ᔭᓄᐊᕆ 2023.
ᐱᓕᒻᒪᒃᓴᐃᓂᖅ ᑐᓂᔭᐅᓚᐅᖅᑐᖅ SILT ᐱᓕᕆᐊᒃᓴᑦ ᐊᒃᑑᑎᓕᒃ ᒐᕙᒪᑯᓂ ᑲᓇᑕᐅ ᐱᓕᕆᐊᒃᓴᖏᑎᒍ ᑕᐃᑰᓇ ᑎᑎᖃᒃᑯ 23 ᓄᓇᕗᑦ ᐊᖏᕈᑎᖏᑎᒍ ("ᐃᓄᖕᓄ ᐃᖃᓇᐃᔮᒃᓴᑦ") ᑐᕌᖅᑐᒧ ᑭᒡᒐᖅᑐᐃᔪᓐᓇᓂᖅ ᐃᓄᐃᑦ ᐃᖃᓇᐃᔭᕐᕕᖏᓐᓂ ᓄᓇᕗᒻᒥ.
ᐅᖃᖅᑕᐅᔪᑦ
"ᑲᓇᑕᒥᐅᓗᒃᑖ ᑲᓇᑕᓕᒫᒥ ᑕᑯᓪᓗᐊᖅᑐᑦ ᓇᖕᒥᓂᖅ ᑭᒡᒐᖅᑐᑕᐅᓂᓂ ᑭᒃᑯᓕᒫᓄᑦ ᐱᔨᑦᑎᕋᖅᑕᐅᔪᑎᓄ. ᑕᒪᓐᓇ ᐱᒻᒪᕆᐅᖕᒪᕆᒃᑐᖅ ᐅᑭᐅᖅᑕᖅᑐᒥ. ᑲᔪᓯᕗᒍ ᐊᕿᒃᓱᐃᓗᑕ ᐊᓂᒍᐃᑎᐊᕐᓂ ᓯᕗᓕᖅᑎᐅᓂᕐᒧᑦ ᐃᓕᓐᓂᐊᕐᓂᖅ ᐱᓕᒻᒪᒃᓴᓂᒃᑯᑦ ᐱᓕᕆᐊᒃᓴᑦ ᑕᐃᑰᓇ ᐊᑐᖅᑕᐅᓕᓵᖅᑐᖅ ᐊᓂᒍᐃᔪᓄ ᐊᒻᒪᓗ ᐅᔾᔨᖅᓱᖅᑐᑦ ᐊᑐᕋᓗᐊᕐᒪᖔᑕ ᐃᓄᐃᒃ ᑭᒡᒐᖅᑐᖅᑕᐅᓂᒃᑯᑦ ᓇᐅᑯᑐᐃᓇᓕᒫᖅ ᑐᕌᖓᔪᒃᑯ ᑭᒃᑯᓕᒫᓄᑦ ᐱᔨᑦᑎᕋᖅᑕᐅᔪᑎᓄᑦ. ᖁᕕᐊᓱᖃᑎᒋᕙᒃᑲ ᐃᓚᐅᓚᐅᖅᑐᑦ ᐊᓂᒍᐃᓪᓗᑎᒃ ᑖᒃᓱᒥᖓ ᐱᓕᒻᒪᒃᓴᓂᖅ, ᐊᒻᒪᓗ ᑕᑯᓛᕐᓂᐊᕐᓂᕋ ᐃᓕᑦᑎᔭᓂ ᐊᒻᒪᓗ ᐱᔪᓐᓇᐅᑎᓂ ᑐᓂᓗᓂᔾᔪ ᑭᒡᒐᖅᑐᖅᑕᒥᓄ ᐃᖃᓇᐃᔭᕐᕕᓂ ᐊᔪᕈᓐᓃᖅᑕᒥᒍ."
ᒪᓕᒐᓕᐅᖅᑎ ᑖᓐ ᕙᓐᑕᐅᓪ, ᒥᓂᔅᑕ ᐅᐊᖕᓇᐅ ᓄᓇᖓᓄ, PrairiesCan ᐊᒻᒪᓗ CanNor
ᓱᓕᔪᑦ
- ᑲᓇᑕ ᓴᕿᑎᓚᖅᑐᖅ ᐱᓕᒻᒪᒃᓴᐃᕕᒃ (ᒐᕙᒪᓕᕆᔨᕐᔪᐊᒃᑯᑎᒍ ᐃᓕᓴᕆᔭᐅᔪᓯᐊᕐᕕᒃ ᐃᓄᖕᓄ ᐃᖃᓇᐃᔭᖅᑎᓄ ᓄᓇᕗᒻᒥ) 2016−ᒥ ᓴᕿᑎᓗᑎ ᐃᓗᓕᓕᒫᖓ−ᐃᓕᖁᓯᓂ−ᒐᕙᒪᒃᑯ ᓄᐃᑕᖓ ᐃᓄᖕᓄ ᐃᖃᓇᐃᔮᒃᓴᑦ. ᑲᒪᒋᔭᐅᔪᖅ CanNor-ᑯᓐᓂ, ᐱᓕᒻᒪᒃᓴᐃᕕᒃ ᑐᕌᕐᕕᐅᔪᖅ ᑐᑭᒧᐊᕈᑎᓄ ᑎᑎᕋᕐᕕᒃ ᐃᑲᔪᕋᓱᐊᖅᑐᖅ ᐊᑐᓕᖅᑎᑕᐅᔪᑎᓄ ᑎᑎᖃᓄ 23 ᑕᐃᑲᓂ ᓄᓇᕗᑦ ᐊᖏᕈᑎᑦ.
- SILT ᓴᕿᑕᐅᓚᐅᖅᓯᒪᔪᖅ 2017−ᒥ ᑐᕌᕈᑕᐅᓪᓗᓂ ᐱᓕᒻᒪᒃᓴᐃᔪᑎᓄ ᐱᕈᖅᑎᒋᐊᕐᓗᒍ ᐃᓄᐃᑦ ᐃᖃᓇᐃᔮᒃᓴᑦ ᑐᑭᒧᐊᖅᑎᑦᑎᔨᓄ. ᐱᒋᐊᖅᖢᓂ ᑕᐃᒪᖓᓂ, 47 ᐃᓚᐅᓚᐅᑐᑦ ᐊᓂᒍᐃᓯᒪᓕᖅᑐᑦ ᐱᓕᕆᐊᒃᓴᓂ.
- ᐃᓚᐅᔪᑦ ᐊᕕᒃᑐᖅᓯᒪᔪᒃᑯᑦ ᐅᑯᐊ ᓄᓇᖃᑳᖅᓯᒪᔪᓄ ᒪᓕᒐᓕᕆᔩ ᐊᒻᒪᓗ ᐅᐊᖕᓈᓂ ᓄᓇᓕᕆᔨ, ᐃᖃᓗᒃᓯᐅᖅᑎ ᐊᒻᒪᓗ ᐊᒪᕐᒥᐅᑕᓕᕆᔩ, ᑲᓇᑕᒥ ᐅᐊᖕᓈᓂ ᐱᕙᓪᓕᐊᔪᓕᕆᓂᖅ ᑮᓇᐅᔭᓕᕆᓂᕐᓗ, ᐃᒃᑮᕐᓇᖅᑐᒥ ᖃᐅᔨᒪᔪᒃᑯᑦ ᑲᓇᑕᒥ, ᑭᒃᑯᓕᒫᓄᑦ ᐃᖅᑲᖅᑐᐃᔨᓕᕆᔩᑦ ᐱᔨᑦᑎᕋᖅᑎ ᑲᓇᑕᒥ, ᐊᕙᑎᒥ ᐊᒻᒪᓗ ᓯᓚᐅ ᐊᓯᔾᔨᖅᐸᓪᓕᐊᓂᖓ ᑲᓇᑕᒥ, ᐊᒻᒪᓗ ᑭᒃᑯᓕᒫᓄᑦ ᐱᔨᑦᑎᕋᖅᑎ ᐊᒻᒪᓗ ᑭᓇᐅᔭᓕᕆᓂᒃᑯᑦ ᑲᓇᑕᒥ.
ᐃᓚᒋᔭᐅᔪ ᑐᕋᕈᑎᑦ
ᐅᖃᕐᕕᒋᒍ
ᑳᓴᓐ ᑎᐳᑦ
ᑐᓴᖅᑎᑦᑎᔨ ᑎᑎᕋᖅᑎ
ᑎᑎᕋᕐᕕᖓᑕ ᒥᓂᔅᑕ ᐅᐊᖕᓇᓂ ᓄᓈᒥ, PrairiesCan ᐊᒻᒪᓗ CanNor
Carson.Debert@rcaanc-cirnac.gc.ca
ᐊᓕᒃᓯᐊ ᑲᓴᓐᔅ
ᐅᖃᖃᑎᒌᒃᑐᓕᕆᔨ, ᓄᓇᕗᑦ
ᐱᓕᒻᒪᒃᓴᐃᕕᒃ (ᒐᕙᒪᓕᕆᔨᕐᔪᐊᒃᑯᑎᒍ ᐃᓕᓴᕆᔭᐅᔪᓯᐊᕐᕕᒃ ᐃᓄᖕᓄ ᐃᖃᓇᐃᔭᖅᑎᓄ ᓄᓇᕗᒻᒥ)
Alexia.Cousins@cannor.gc.ca
ᐅᖃᖃᑎᒌᖏᓐᓇᖅᑕ
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: