ᐱᓕᒻᒪᒃᓴᐃᕕᒃᑯᑦ ᖁᔭᓕᒍᑎᖃᓂᖓ ᖁᓕᓂᒃ ᐊᕐᕌᒍᓂᒃ ᖄᖏᕐᑐᓂᒃ
ᐅᖃᐅᓯᐅᔪᖅ ᐅᒃᐱᕐᓇᖅᑐᖅ ᕆᐱᑲ ᓴᑐᕋᓐᒥᑦ, ᒥᓂᔅᑕ ᐅᐊᖕᓇᒥᐅᓄᑦ ᐅᑭᐅᖅᑕᖅᑐᒥᐅᓄᓪᓗ ᐱᓕᕆᓂᕐᓄᑦ ᐱᓕᕆᔭᓕᖕᒧᑦ ᑲᓇᑕᒥ ᐅᐊᖕᓇᒥ ᑮᓇᐅᔭᓕᕆᓂᕐᓄᑦ ᑎᒥᖓᓄᑦ
ᒪᐃ 9, 2026ᒥ, ᐱᓕᒻᒪᒃᓴᐃᕕᒃ, ᒐᕙᒪᑐᖃᒃᑯᑦ ᐱᓕᕆᕝᕕᖓᑦ ᐱᓕᕆᑦᑎᐊᕐᓂᕐᓄᑦ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᓄᑦ ᐃᖅᑲᓇᐃᔭᖅᑎᑦᑎᓂᕐᓄᑦ ᓄᓇᕘᒥ, ᖁᕕᐊᓲᑎᖃᖅᐳᑦ 10ᓂᒃ ᐊᕐᕌᒍᑖᕐᓂᕐᒥᓂᒃ.
ᓴᓇᔭᐅᓂᕐᒥᓂᑦ 2016ᒥ, ᐱᓕᒻᒪᒃᓴᐃᕕᒃ ᐱᓕᕆᖃᑎᒥᓂᒃ ᐱᓕᕆᖃᑎᖃᖅᓯᒪᕗᑦ ᐃᑲᔪᖅᖢᒋᑦ ᐃᓗᐃᑦᑐᒃᑯᑦ ᒐᕙᓚᒪᓂᑦ ᐊᑐᓕᖅᑎᑕᐅᓂᖓᓄᑦ ᓇᓗᓇᐃᕈᑎᐅᑉ 23 ᓄᓇᕘᒧᑦ ᐊᖏᕈᑎᐅᑉ ᐅᓄᖅᓯᒋᐊᕐᓗᒋᑦ ᐃᓄᐃᑦ ᑭᒡᒐᖅᑐᖅᑕᐅᓂᖏᑦ ᒐᕙᒪᑐᖃᒃᑯᑦ ᐃᓄᓕᒫᓄᑦ ᐱᔨᑦᑎᕋᕐᓂᖏᓐᓂ ᓄᓇᕘᒥ.
ᐊᑐᖅᖢᒋᑦ ᐱᓕᒻᒪᒃᓴᐃᕕᐅᑉ ᓯᕗᓕᖅᑎᐅᓂᖓ ᐱᓕᕆᐊᒃᓴᓕᕆᔭᖏᓪᓗ, ᒐᕙᒪᑐᖃᒃᑯᑦ ᐱᓕᕆᕝᕕᖏᑦ ᓄᓇᕘᒥ ᐲᔭᐃᕗᑦ ᐊᒡᕕᐊᕈᑎᓂᒃ ᐱᐅᓯᒋᐊᖅᖢᒋᓪᓗ ᐃᖅᑲᓇᐃᔭᖅᑎᑖᕐᓃᑦ, ᐃᖅᑲᓇᐃᔭᐃᓐᓇᖅᑎᑦᑎᓃᑦ ᓯᕗᒧᐊᖅᑎᑦᑎᓃᑦ ᑐᓴᐅᒪᔭᐅᑎᑦᑎᓃᓪᓗ ᓄᓇᕘᒥ ᐃᓄᖕᓂᒃ. ᒐᕙᒪᖓ ᑲᓇᑕᐅᑉ ᐱᓕᕆᔪᑦ ᓴᓇᓇᓱᒃᖢᑎᒃ ᒐᕙᒪᑐᖃᒃᑯᑦ ᐃᓄᓕᒫᓄᑦ ᐱᔨᑦᑎᕋᕐᓂᕐᓂᒃ ᓄᓇᕘᒥ ᐃᓄᐃᑦ ᐱᓕᕆᑦᑎᐊᕈᓐᓇᕐᓗᑎᒃ ᐃᓚᐅᓗᑎᒡᓗ ᐳᖅᑐᓛᓂ ᐃᓂᓂ.
ᐅᓄᖅᓯᒋᐊᕐᓗᒋᑦ ᑭᒡᒐᖅᑐᖅᑕᐅᓂᖏᑦᓄᓇᕘᒥ ᐃᓄᐃᑦ ᒐᕙᒪᖓᓂ ᑲᓇᑕᐅᑉ, ᐱᓕᒻᒪᒃᓴᐃᕕᒃ ᐱᓕᕆᖃᑎᖏᓪᓗ ᐃᑲᔪᕈᓐᓇᖅᐳᑦ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ ᐊᑑᑎᓕᒃᑯᑦ ᓵᓪᓗᒋᑦ ᐱᖃᕆᐊᓕᖏᑦ ᐊᕕᒃᓯᒪᔫᑉ, ᐃᓄᐃᓪᓗ ᐱᔨᑦᑎᕋᖅᑕᐅᓗᑎᒃ ᒐᕙᒪᑐᖃᒃᑯᑦ ᐃᓄᓕᒫᓄᑦ ᐱᔨᑦᑎᕋᕐᓂᕐᓂ ᑐᑭᓯᑦᑎᐊᖅᑐᒧᑦ ᐅᒃᐱᕆᔭᖏᓐᓂᒃ, ᐊᑐᕆᐊᓕᖏᓐᓂᒃ ᐊᑐᖅᓯᒪᔭᖏᓐᓂᒡᓗ.
2017ᒥᓂᒥᑦ, ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓃᑦ ᐅᓄᖅᓯᓯᒪᕗᑦ 37 ᐳᓴᓐᑦᒥᑦ 50 ᐳᓴᓐᑦᒧᑦ ᒐᕙᒪᑐᖃᒃᑯᑦ ᐃᓄᓕᒫᓄᑦ ᐱᔨᑦᑎᕋᕐᓂᕐᓂ ᓄᓇᕘᒧᑦ ᓄᓇᑖᕐᕕᖓᓂ. ᑖᓐᓇ ᐱᕐᔪᐊᖑᔪᖅ ᓯᕗᒧᐊᕐᓂᖅ, ᑭᓯᐊᓂ ᐃᓄᐃᑦ ᐊᒡᕕᐊᕈᑎᖃᖅᐳᑦ ᓱᓕ. ᐱᓕᒻᒪᒃᓴᐃᕕᒃᑯᑦ ᐱᓕᕇᓐᓇᖅᐳᑦ ᑭᒡᒐᖅᑐᐃᔪᓄᑦ ᒐᕙᒪᑐᖃᒃᑯᑦ ᐃᓄᓕᒫᓄᑦ ᐱᔨᑦᑎᕋᕐᓂᕐᓂᒃ ᐱᓕᕆᐊᒃᓴᓕᐅᕐᓂᒃᑯᑦ ᐱᕈᖅᓴᐃᔪᒥᒃ ᐃᓕᖅᑯᓯᑐᖃᓂᒃ ᐅᔾᔨᕈᓯᖕᓂᕐᓂᒃ ᑐᑭᓯᓂᕐᓂᒡᓗ ᐃᖅᑲᓇᐃᔭᕐᕕᖕᒥ. ᐱᓕᕆᕝᕕᒃ ᐃᓄᖕᓂᒃ ᐱᕕᖃᖅᑎᑦᑎᔪᖅ ᐃᓕᖅᑯᓯᑐᖃᓄᑦ ᐊᑐᖅᑐᓂᒃ ᐊᔪᕈᓐᓃᖅᓴᓂᕐᓂᒃ ᐃᓕᓐᓂᐊᕐᓂᕐᓄᓪᓗ ᐱᕕᒃᓴᓂᒃ ᐃᑲᔫᑕᐅᓗᑎᒃ ᐃᓚᐅᓂᕐᓄᑦ, ᓯᕗᒧᐊᕐᓗᓂ ᐱᓕᕆᑦᑎᐊᓪᓚᒡᓗᓂᓗ ᒐᕙᒪᑐᖃᒃᑯᑦ ᐃᓄᓕᒫᓄᑦ ᐱᔨᑦᑎᕋᕐᓂᕐᓂ. ᑖᒃᑯᐊ ᐱᓕᕆᔭᐅᔪᑦ ᐃᑲᔪᖅᐳᑦ ᐊᑯᓂᒧᑦ ᐃᖅᑲᓇᐃᔭᖅᑎᓂᒃ ᐊᔪᕈᓐᓃᖅᓴᓂᕐᓄᑦ ᓄᓇᕘᒥ ᐃᑲᔪᖅᖢᑎᒡᓗ ᐊᖏᓂᖅᓴᒃᑯᑦ ᐱᓇᓱᒃᑐᓄᑦ ᐃᓄᐃᑦ ᑮᓇᐅᔭᑎᒍᑦ ᐃᓚᐅᓂᖏᓐᓄᑦ ᐱᑦᑎᐊᓕᒃᑲᓐᓂᕐᓄᓪᓗ.
ᐅᐱᑦᑐᖓ ᒥᓂᔅᑕᐅᒐᒪ ᐱᓕᕆᐊᒃᓴᖃᖅᖢᖓ ᑲᓇᑕᒥ ᐅᑭᐅᖅᑕᖅᑐᓂ ᑮᓇᐅᔭᓕᕆᓂᕐᓄᑦ ᑎᒥᒪᓂᒃ ᐃᓕᓴᕆᓗᒋᓪᓗ ᐱᓕᒻᒪᒃᓴᐃᕕᒃᑯᑦ ᐱᓕᕆᑦᑎᐊᖏᓐᓇᕐᓂᖏᑦ ᐱᓕᕆᓯᒪᔭᖏᓪᓗ. ᖁᕕᐊᓲᑎᒋᑎᓪᓗᑎᒍᑦ 10ᓄᑦ ᐊᕐᕌᒍᑖᕐᓂᖓᑦ, ᐃᓕᓴᕆᔪᒪᔭᒃᑲ ᐊᒃᓱᕉᑕᐅᓯᒪᔪᑦ ᕿᒪᒃᑕᑦᑎᓐᓂᑦ ᐅᓪᓗᒥᓗ ᐱᓕᒻᒪᒃᓴᐃᕕᐅᑉ ᐃᖅᑲᓇᐃᔭᖅᑎᖏᓐᓂᑦ. ᐱᓕᒻᒪᒃᓴᐃᕕᐅᑉ ᐱᓕᕆᔭᖏᑦ ᐊᐅᓚᑕᐅᕗᑦ ᓄᓇᕘᑉ ᐃᓄᖏᓐᓂᑦ ᐃᓄᖏᓐᓅᓪᓗᑎᒡᓗ, ᐃᑲᔪᕐᓂᖏᑦ ᐊᑑᑎᖃᑦᑎᐊᖅᑐᑦ ᓯᕗᓂᒃᓴᑦᑎᐊᕙᐅᓂᖅᓴᐅᑎᓕᐅᕐᓗᓂ ᓄᓇᕘᒧᑦ.
ᖁᓕᓂᒃ ᐊᕐᕌᒍᓂᒃ ᐃᑲᔪᕐᓯᓯᒪᓂᖓ ᓄᓇᕗᒥ ᐃᓄᖏᓐᓂᒃ ᒐᕙᒪᑐᖃᒃᑯᓐᓄᑦ ᐃᖅᑲᓇᐃᔭᕐᑎᓂᒃ
ᐱᒋᐊᕐᓱᑎᒃ 2017-ᒥᑦ 2025-ᒧᑦ, ᐃᓄᐃᑦ ᐃᖅᑲᓇᐃᔭᕐᑐᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᓄᓇᕗᑦᑕᕆᔭᐅᓯᒪᔪ ᐅᓄᕐᓯᒋᐊᕐᓂᖃᕐᓯᒪᔪᑦ 37%-ᒥ 50%-ᒧᑦ. ᐃᓄᐃᑦ ᐃᖅᑲᓇᐃᔭᕐᑏᑦ ᐅᓄᕐᓯᒋᐊᕐᓯᒪᔪᑦ ᓇᐅᒃᑯᓕᒫᖅ ᐊᒻᒪᓗ ᖃᓄᐃᑦᑐᓂᖏᑦ ᐃᖅᑲᓇᐃᔮᒃᓴᐃᑦ, ᐃᓄᐃᓪᓗ ᐳᕐᑐᓂᕐᓴᓂᒃ ᐃᖅᑲᓇᖏᔮᖃᓂᕐᓴᐅᓕᕐᑐᑦ ᐊᒻᒪᓗ ᐳᕐᑐᖏᓐᓂᕐᓴᓂᒃ.
ᐱᓕᒻᒪᒃᓴᐃᕕᒻᒥ ᑕᐃᒪᖓᑦ ᐱᓕᕆᕙᓐᓂᐊᕐᑯᒃ ᐅᓄᕐᓯᑎᑦᓯᒋᐊᕋᓱᐊᕐᓂᒃᑯᑦ ᐃᓄᓐᓂᒃ ᐃᖅᑲᓇᔭᕐᑎᒃᓴᓂᒃ.
ᐊᕐᕌᒍᓯᒪᓕᕐᑐᓂ ᖁᓕᓂ (10), ᐱᓕᒻᒪᒃᓴᐃᕕᒃᑯᑦ ᐋᖅᑭᐅᒪᑎᑦᓯᖃᑦᑕᕐᓯᒪᔪᑦ ᐃᓕᖅᑯᓯᑎᒍᑦ ᐸᕐᓇᐃᓂᕐᒧᑦ ᐱᓕᕆᐊᒃᓴᓂᒃ ᐊᒻᒪᓗ ᐋᖅᑭᐅᒪᑎᑦᓯᖃᑦᑕᕐᓯᒪᓪᓗᑎᒃ ᒐᕙᒪᑐᖃᒃᑯᓐᓂ ᐃᓄᐃᑦ ᐃᖅᑲᓇᐃᔭᕐᑐᒃᓴᐅᓂᖏᓐᓄᑦ ᐸᕐᓇᐃᒋᐊᖅ ᐊᑐᕐᑕᐅᒐᔭᕐᑐᓂᒃ 11 ᒐᕙᒪᐃᑦ ᐃᖅᑲᓇᐃᔭᕐᕕᖏᓐᓄᑦ ᐊᒻᒪᓗ ᑎᒥᐅᔪᓂ ᐊᐅᓚᓪᓗᑎᒃ ᓄᓇᕗᒻᒥ.
ᐱᑐᖃᑦᑕᐅᑎᑦᓯᓂᖅ ᓄᓇᕗᒻᒥ ᐃᓄᓐᓂᒃ ᐊᒻᒪᓗ ᑲᓇᑕᐅᑉ ᒐᕙᒪᖏᓐᓄᑦ ᐃᖅᑲᓇᐃᔮᒃᓴᓄᑦ
- ᑕᐃᒪᖓᓂᑦ 2017-ᒥᑦ, ᐃᓄᒃᓱᒐᐃᑦ ᐃᖅᑲᓇᐃᔭᖅᑖᕕᓐᓇᐅᑎᑦ ᓄᐊᑦᑎᕕᖓ ᓇᒻᒪᓇᕐᓯᒪᔪᖅ ᐃᓄᓐᓄᐊᖓᔪᓄᑦ ᐃᖅᑲᓇᐃᔭᒃᓴᓄᑦ ᒐᕙᒪᑐᖃᒃᑯᓐᓂ. ᐱᒋᐊᕐᓱᑎᒃ ᒪᕐᔨ 2025-ᒥᑦ, 125-ᖑᓚᐅᕐᑐᑦ ᐆᑦᑐᕋᕈᓐᓇᕐᑐᑦ ᐅᓄᕐᓯᒋᐊᕈᑕᐅᓪᓗᑎᒃ ᑲᑎᓪᓗᒋᑦ 30-ᒥᒃ ᐃᖅᑲᓇᐃᔮᕐᑕᕐᓯᒪᓕᕐᑯᒃ ᑲᓇᑕᐅᑉ ᒐᕙᒪᖏᓐᓄᑦ.
- ᓴᖅᑭᑕᐅᓚᐅᕐᓯᒪᔪᖅ 2013-ᒥ, ᐱᓕᒻᒪᒃᓴᐃᕕᒃ ᐃᓕᓴᕐᕕᐅᔪᑦ ᐃᓄᓐᓄᑦ ᐊᒻᒪᓗ ᐱᓕᒻᒪᒃᓴᕐᕕᐅᓪᓗᓂ ᐊᓯᖏᓐᓂᕐ ᐱᓇᓱᖃᑎᖃᕐᓯᒪᔪᒃ ᑎᓴᒪᓂᒃ, ᐅᓄᕐᓯᒋᐊᕈᑕᐅᓪᓗᓂ ᐃᓄᓐᓂᒃ ᐃᖅᑲᓇᔭᕐᑎᖃᓂᖅ ᒐᕙᒪᑐᖃᒃᑯᓐᓄᑦ ᓄᓇᕗᒻᒥ.
- ᑕᐃᒪᖓᓂᑦ 2023-ᒥᑦ, ᓄᓇᕗᒻᒥ ᐃᓄᐃᑦ ᐃᓕᓴᕐᑏᑦ ᐊᐅᔭᒥ ᐃᑲᔪᕈᑎᑎᒍᑦ ᐃᖅᑲᓇᐃᔭᕈᓐᓇᕐᓯᒪᔪᑦ 13-ᖑᔪᒃ ᐃᓄᐃᑦ ᓄᓇᕗᒻᒥ ᐃᓕᓴᕐᑏᑦ ᐃᖅᑲᓇᐃᔭᕐᕕᖏᓐᓂ ᐊᔾᔨᒋᖏᑦᑐᑦ ᒐᕙᒪᓂ ᐊᒻᒪᓗ ᑎᒥᐅᔪᓂ.
- ᐊᑯᓐᓂᖏᓐᓂ 2017 ᐊᒻᒪᓗ 2023, ᐱᓕᒻᒪᒃᓴᐃᕕᒃᑯᑦ ᑐᓐᖓᓱᑦᑎᑦᓯᓚᐅᕐᑐᑦ 6 ᕕᑦᓱᑎᒃ ᐃᖅᑲᓇᐃᔮᒃᓴᓕᕆᓂᕐᒧᑦ ᑕᑯᒃᓴᐅᑎᑦᓯᔪᖃᕐᑎᓪᓗᒍ 13-ᓂ ᓄᓇᓕᓐᓂ ᐅᑯᐊ ᐱᖃᓯᐅᑎᓪᓗᒋᑦ: ᑲᖏᕐᖠᓂᖅ, ᓇᐅᔮᑦ, ᐊᕐᕕᐊᑦ, ᐃᖃᓗᑦᑐᑦᑎᐊᖅ, ᐊᕐᓱᕐᑑᖅ, ᖁᕐᓗᕐᑐᖅ, ᐃᒃᐱᐊᕐᔪᒃ, ᒥᑦᑎᒪᑕᓕᒃ, ᑲᖏᕐᑐᒑᐱᒃ, ᕿᑭᕐᑕᕐᔪᐊᖅ ᐊᒻᒪᓗ ᐋᑐᕗᐊᒥ.
- 2025-ᒥ, ᐱᓕᒻᒪᒃᓴᐃᕕᒃᑯᑦ ᓄᑦᑎᓚᐅᕐᓯᒪᔪᑦ ᐊᓪᓚᕕᒻᒧᑦ ᐃᓂᒃᓴᖃᑦᓯᐊᕐᑐᒧᑦ ᐃᓕᓐᓂᐊᕐᑐᑦᓄ ᐊᒻᒪᓗ ᐃᖅᑲᓇᐃᔭᕈᒪᒍᑎᓕᐅᕐᕕᒃᓴᕐᑖᕐᓱᑎᒃ ᑎᑎᕋᕆᐊᖅ. ᐱᓕᒻᒪᒃᓴᕐᕕᒃ ᓄᑖᖅ ᐊᓪᓚᕕᖓ ᒪᑐᐃᖓᔪᖅ ᑭᒃᑯᑐᐃᓐᓇᕐᓄᑦ ᐊᒻᒪᓗ ᐃᖅᑲᓇᐃᔭᕐᑎᓄᑦ ᐃᓂᖃᑦᓯᐊᕈᑕᐅᔪᖅ ᐅᓄᕐᓯᑎᑦᓯᒋᐊᕐᓂᒃᑯᑦ ᐱᓕᕆᐊᒃᓴᓂᒃ.
ᐃᑲᔪᕐᓂᖅ ᓄᓇᕗᒻᒥ ᐃᖅᑲᓇᐃᔭᕐᑎᓂᒃ ᐋᖅᑭᒃᓱᐃᒋᐊᖅ ᐊᒻᒪᓗ ᑲᔪᓯᒋᐊᓪᓚᒋᐊᖅ
- ᐊᑐᕐᓂᒃᑯᑦ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᓂᐊᒍᑦ ᓯᕗᓕᐅᕐᑎᐅᓂᕐᒧᑦ, ᐱᓕᒪᒃᓴᐃᕕᒻᒥ ᐊᑐᐃᓐᓇᕈᕐᑎᑦᓯᓯᒪᔪᑦ ᑲᒪᔨᒃᓴᐅᓂᕐᒧᑦ ᐃᓕᓴᐃᓂᒃᑯᑦ 73-ᓂᒃ ᐃᓄᓐᓂᒃ ᐃᖅᑲᓇᐃᔭᕐᑐᒃᓴᖃᑎᓪᓗᒍ ᒐᕙᒪᑐᖃᒃᑯᓐᓄᑦ ᓄᓇᕗᒻᒥ.
- ᐊᑐᕐᓂᒃᑯᑦ ᐃᓕᑉᐸᓪᓕᐊᓂᕐᒧᑦ ᑭᓇᐅᔭᐅᔭᓂᑦ ᐃᑲᔪᕈᑎᒃᓴᒫᓂᑦ, ᐱᓕᒻᒪᒃᓴᐃᕕᒃ ᐊᑐᐃᓐᓇᕈᕐᑎᑦᓯᓯᒪᔪᑦ, ᐅᖓᑖᓄᑦ $2.3 ᒥᓕᐊᓂᒃ ᐃᓕᓐᓂᐊᕐᓂᕐᒧᑦ ᐃᑲᔪᕈᑎᓂᒃ 22-ᓄᑦ ᐃᓄᓐᓄᑦ ᐃᓚᐅᓯᒪᔪᓄᑦ.
- ᐱᓕᒻᒪᒃᓴᐃᕕᒻᒥ ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐃᑲᔪᕐᑎᐅᔪᑦ ᐃᑲᔪᕈᓐᓇᕐᓯᒪᔪᑦ 523 ᒐᕙᒪᑐᖃᒃᑯᓐᓄᑦ ᐃᖅᑲᓇᐃᔭᕐᑎᓂᒃ ᐃᑲᔪᕐᓯᖁᓪᓗᒋᑦ ᐃᓄᓐᓂᒃ ᐃᖅᑲᓇᐃᔭᕐᑎᓂᒃ ᖃᓄᐃᐃᖅᓯᖃᕋᓱᐊᕐᓂᒃᑯᑦ.
- ᓴᖅᑭᑕᐅᓚᐅᕐᓯᒪᓪᓗᓂ 2017-ᒥ, ᑲᑦᑐᐊᒃᑯᓐᓄᑦ ᑐᑭᓯᓇᓱᖃᑎᖐᑦ (ᑕᐃᔭᐅᕙᓚᐅᕐᑐᓄᑦ ᐃᓄᐃᑦ ᐃᖅᑲᓇᐃᔭᕐᑏᑦ ᑐᓴᐅᒪᐅᒍᑎᐊ), ᑐᓐᖓᓱᑦᑎᑦᓯᓯᒪᔪᑦ 160ᓂᒃ ᐃᓄᓐᓂᒃ ᐃᓚᐅᔪᓂᒃ ᑐᕌᕐᑕᖃᓱᑎᒃ 210-ᒧᑦ ᐃᓚᒋᐊᕆᐊᖅ ᐱᒋᐊᕐᑎᓪᓗᒍ ᒪᕐᔨ 2027.
- ᐱᓕᒻᒪᒃᓴᐃᕕᒻᒥ ᐃᓄᑦᑎᑐᑦ ᐃᓕᓴᐃᓂᕐᒧᑦ ᑮᓇᐅᔭᐃᑦ ᐊᑐᕐᓯᒪᔪᑦ 17-ᓄᑦ ᐃᓚᐅᓚᐅᕐᑐᓄᑦ ᐊᔾᔨᒌᖏᑦᑐᓂ 6-ᓂ ᒐᕙᒪᐃᑦ ᐱᓕᕆᕕᖏᓐᓂ ᑮᓇᐅᔭᕐᑐᕐᓂᖃᓚᐅᕐᑐᑦ ᐅᖓᑖᓄᑦ $1.2 ᒥᓕᐊᓐᔅ.
ᑲᔪᖏᕐᓱᐃᓂᖅ ᖃᐅᔨᒐᓱᖃᑦᑕᕆᐊᖃᓂᕐᒥᒃ ᒐᕙᒪᑐᖃᒃᑯᓐᓂ ᐃᖅᑲᓇᐃᔮᒃᓴᓂᒃ
- ᑕᐃᒪᖓᓂᑦ 2018-ᒥᑦ, ᐱᓕᒪᒃᓴᐃᕕᒃ ᑐᓐᖓᓱᑦᑎᑦᓯᓯᒪᔪᖅ ᐊᕐᕌᒍᑕᒫᑦ ᖃᐅᔨᒪᔭᑐᖃᖏᑕ ᐃᓕᖅᑯᓯᑎᒍᑦ ᐅᓪᓗᖃᑎᑕᐅᑎᓪᓗᒋᑦ ᐊᒻᒪᓗ ᖃᕗᑲᑐᖃᑎᓪᓗᒍ, ᓄᓂᕙᓐᓇᕐᑎᓪᓗᒍ, ᐊᒻᒧᒪᔾᔭᕐᓇᕐᑎᓪᓗᒍ ᐊᒻᒪᓗ ᐃᖃᓪᓕᐊᕐᓇᕐᑎᓪᓗᒍ. ᐃᓕᓴᕋᑦᓴᐃᑦ ᖃᕆᑕᐅᔭᒃᑯᑦ ᑲᔪᓯᒍᓐᓇᓚᐅᕐᑐᑦ ᓄᕙᕐᔪᐊᕐᓇᕐᑎᓪᓗᒍ ᐆᒥᖓ 19 ᐊᒻᒪᓗ ᐱᕈᒋᐊᓪᓚᐸᑦᑐᑦ ᐊᕐᕌᒍᑕᒫᑦ.
- ᑕᐃᒪᖓᓂᑦ 2024, ᒥᑦ, ᐱᓕᒪᓴᐃᕕᒃ ᐊᑐᐃᓐᓇᕈᕐᑎᑦᓯᓯᒪᔪᑦ ᓄᓇᕗᑦᑕᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᒥᒃ ᐅᒥᖓ, ᐊᖏᕈᑎᑦ ᐃᓚᖓ 23 ᐃᓕᓐᓂᐊᕐᐸᓪᓕᐊᑎᑦᓯᔪᒃᓴᐅᓂᒧᐊᖓᔪᓂᒃ 30-ᓂᒃ ᒥᐊᓂᕐᓯᔨᒃᓴᐅᓂᕐᒧᑦ ᐊᒻᒪᓗ ᖃᐅᔨᓴᕐᑎᐅᓂᕐᒧᑦ ᒐᕙᒪᑐᖃᒃᑯᓐᓂ ᓄᓇᕗᒻᒥ.
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ ᐱᓕᒻᒪᒃᓴᐃᕕᐅᑉ ᐱᓕᕆᐊᕆᕙᑦᑕᖏᑕ ᒥᒃᓵᓄᑦ! ᕿᒥᕐᕈᓗᑎᑦ ᐅᓂᒃᑲᕆᔭᐅᓯᒪᔪᓂᒃ ᓄᓇᕗᒻᒥᑦ ᐃᓄᓐᓄᑦ ᐃᖅᑲᓇᐃᔭᕐᑐᓄᑦ ᒐᕙᒪᑐᖃᒃᑯᓐᓂ: ᐃᓄᐃᑦ ᐃᖅᑲᓇᐃᔮᒃᓴᒥᖕᓂᒃ ᐃᓕᓐᓂᐊᖅᑐᑦ
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: