ᐱᓕᕆᐊᖃᖅᐸᓪᓕᐊᓂᖅ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᖃᓄᐃᓕᐅᕈᑎᒃᓴᑎᒍᑦ
PDF Version (562 Kb, 17 pages)
ᐱᓕᕆᖃᑎᒌᖕᓂᖅ ᐱᐅᓂᕐᓴᒥᒃ ᓯᕗᓂᒃᓴᒧᑦ
ᓄᓇᕐᔪᐊᖅ ᐊᓯᙳᖅᐸᓪᓕᐊᖕᒪᑦ. ᐃᒪᐃᓕᖅᑎᓪᓗᒍ ᓄᓇᕐᔪᐊᒥᑦ ᐱᒍᓴᐅᑎᓂᑕᖃᓂᕐᒧ, ᑲᓇᑕᒥᐅᑕᑦ ᓴᓇᕙᓪᓕᐊᔭᕆᐊᖃᖅᐳᑦ ᐊᓂᒍᐃᒍᑎᐅᓂᑯᓂᒃ ᐊᑐᕐᓗᑎᒃ, ᐱᓕᕆᐊᒃᓴᒻᒪᕇᑦ ᐱᓕᕆᐊᕆᑦᑎᐊᒻᒪᕆᒡᓗᒋᑦ, ᐊᒻᒪ ᐱᓕᕆᐊᖃᕐᓗᑎᒃ ᓄᑖᓂᒃ ᐱᕙᓪᓕᐊᒍᑎᒃᓴᓂ ᓯᕗᓂᒃᓴᑦᑎᓐᓄ ᐋᕿᒍᑎᒃᓴᓂᒃ.
ᐃᑲᔪᕐᓂᐊᕐᓗᒋ ᑎᐅᕆᑑᕆᐅᔪᑦ ᑕᒪᑐᒥᖓ ᐱᓇᓱᐊᒐᖃᕐᓂᒃᑯᑦ, ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᕝᕕᒃ (ᑳᓄᐊ) ᐱᓕᕆᖃᑎᖃᕐᒪᑦ ᑎᐅᕆᑑᕆᓂᒃ ᐊᒻᒪ ᓄᓇᖃᖅᑳᖅᑐᓄᑦ ᒐᕙᒪᐅᔪᑦ, ᐱᓕᕆᕝᕕᐅᔪᑦ, ᓄᓇᖃᖅᑳᖅᑐᑦ ᓄᓇᓕᖏᓐᓂᒃ ᐊᒻᒪ ᑲᑐᔾᔨᖃᑎᒌᖏᓐᓂᒃ. ᐊᒻᒪ ᐃᓕᓐᓂᐊᕐᓯᒪᔪᓂᒃ ᐋᕿᒃᓱᐃᕙᓪᓕᐊᓂᕐᒥᒃ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᖃᓄᐃᓕᐅᕈᑎᒃᓴᑎᒍᑦ, ᓴᕿᔮᖅᑎᑦᑎᓯᒪᔪᒥᒃ ᐊᔾᔨᐅᙱᔾᔪᑎᒋᔭᐅᔪᓂᒃ ᐊᑐᓂ ᑎᐅᕆᑑᕆᓂᒃ (ᓄᓇᕗᑦ, ᓄᓇᑦᓯᐊᖅ ᐊᒻᒪ ᔫᑳᓐ).
ᑕᒪᑐᒥᖓ ᑐᓴᐅᒪᑎᑦᑎᕙᓪᓕᐊᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑳᓄᐊᒃᑯᑦ ᑲᑎᒪᖃᑎᖃᑲᑕᖕᓂᐊᕐᒪᑕ ᐊᒻᒪ ᐅᖄᓚᐅᑎᒃᑯᑦ ᑲᑎᒪᖃᑎᖃᑲᑕᒡᓗᑎᒃ ᐱᖓᓱᓂᒃ ᑎᐅᕆᑑᕆᓂᒃ ᐊᔾᔨᒌᙱᑦᑑᑎᓂᒃ ᐱᓕᕆᖃᑎᖃᕐᓂᒃᑯᑦ ᐊᒻᒪ ᑎᒍᒥᐊᖅᑎᓂᒃ 2019 ᐱᒋᐊᓕᓵᖅᓯᒪᓕᖅᐸᑦ.
ᑳᓄᐊ: ᖃᓄᐃᓕᐅᖃᑦᑕᕐᓂᕗᑦ:
ᑳᓄᐊ ᐱᖓᓱᓂᒃ ᐊᒃᑐᐃᒍᑎᖃᓪᓗᐊᑕᕐᒪᑕ, ᐊᒃᑐᐊᖃᑎᒌᖕᓂᒃᑯᑦ ᐱᓕᕆᐊᖃᑎᒋᖕᓂᕐᒥᒃ ᐊᒻᒪ ᐱᔨᑦᑎᕋᐅᑎᓂᒃ ᑖᒃᑯᐊ ᐱᓕᕆᕝᕕᐅᔪᑦ ᐊᑐᕐᑕᐅᔪᓐᓇᖅᖢᑎᒃ ᓯᕗᒧᒃᐹᓪᓕᕈᑎᐅᔪᓐᓇᖅᑐᓂᒃ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᐱᓕᕆᖃᑎᒌᖕᓂᒃᑯᑦ ᑎᐅᕆᑑᕆᓂᒃ ᐊᒻᒪ ᓄᓇᖃᖅᑳᖅᑐᑦ ᒐᕙᒪᖏᓐᓂᒃ, ᑎᒍᒥᐊᖅᑎᓂᒃ ᐊᒻᒪ ᐊᓯᖏᓐᓂᒃ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ:
- ·ᐃᑲᔫᑎᒃᓴᓂ ᐱᓕᕆᐊᒃᓴᓂ ᐱᒋᐊᖅᑎᑦᑎᕙᒃᖢᑎᒃ ᒪᑯᑎᑐᓇᖅ ᖃᓄᐃᓕᐅᕈᑎᒃᓴᓄᑦ ᑮᓇᐅᔭᖃᖅᑎᑦᑎᓂᖅ ᐅᑭᐅᕐᑕᖅᑐᕐᒥᑦ ᐱᕙᓪᓕᐊᔪᓕᕆᓂᕐᒥᒃ, ᐅᑭᐅᕐᑕᖅᑐᕐᒥᑦ ᓄᓇᖃᖅᑳᖅᑐᓄᑦ ᐱᕙᓪᓕᐊᔪᓕᕆᔾᔪᑎᒃᓴᓄᑦ ᐱᓕᕆᐊᒃᓴᓂᒃ, ᐊᓯᖏᓐᓄᒡᓗ (ᓲᕐᓗ ᐅᑭᐅᕐᑕᖅᑐᕐᒥᑦ ᐃᓐᓇᕐᓂᒃ ᐃᓕᓐᓂᐊᖅᑎᑦᑎᓂᕐᒧᑦ).
- ·ᐊᐅᓚᑦᑎᓗᑎᒃ ᐅᑭᐅᕐᑕᖅᑐᕐᒥᑦ ᐱᓕᕆᐊᒃᓴᓄᑦ ᐊᐅᓚᑦᑎᕕᒃᒥᑦ ᑖᒃᑯᐊ ᐃᓱᒫᓗᒍᑎᐅᔪᓂᒃ ᐱᓕᕆᐊᖃᖅᐸᒃᖢᑎᒃ, ᖃᓄᐃᓕᐅᕈᑎᒃᓴᓂᒃ ᐊᒻᒪᓗ ᐱᓕᕆᕝᕕᒃᓂᑦ ᐊᒻᒪ ᓄᓇᓕᖕᓂ ᐅᖃᐅᔾᔪᐅᔨᐅᕙᒃᖢᑎᒃ; ᐊᒻᒪ ᓯᕗᓕᐅᕐᑎᐅᓪᓗᑎᒃ ᒐᕙᒪᑐᖃᒃᑯᑦ ᑐᑭᒧᐊᕈᑎᖏᓐᓂᒃ ᐱᖁᔭᓂᒃ ᕿᒥᕐᕈᐊᕐᓂᕐᒥᒃ.
- ·ᓂᐱᖃᖅᑎᐅᓪᓗᑎᒃ ᑎᐅᕆᑑᕆᓄᑦ ᒐᕙᒪᑐᖃᒃᑯᑦ ᐊᑐᐊᒐᓕᕆᓂᖏᑦᑎᒍᑦ.
ᑭᓲᖕᒪᑦ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᖃᓄᐃᓕᐅᕈᑎᒃᓴᑦ?
ᐄᐳᕈᓪ 2017-ᒥᑦ, ᒥᓂᔅᑕ ᖃᓄᐃᓕᐅᕈᑎᒃᓴᓕᕆᓂᕐᒧᑦ, ᖃᐅᔨᓴᖅᑐᓕᕆᓂᕐᒧᑦ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ, ᑐᓴᖅᑎᑦᑎᓚᐅᕐᓯᒪᖕᒪᑦ ᐊᑐᓂ ᐊᕕᒃᑐᕐᓯᒪᔪᒦᑦᑐ ᑲᓇᑕᒥ ᐋᕿᒃᓱᐃᓂᐊᕐᓗᑎᒃ ᓇᖕᒥᓂᖅ ᐊᕕᒃᓯᒪᓂᒃᑯᑦ ᐱᕈᖅᐸᓪᓕᐊᒍᑎᒃᓴᓂᒃ ᓯᕗᒧᑦ ᐱᕙᓪᓕᐊᓕᕈᓐᓇᖁᓗᒋᑦ ᑐᙵᕕᖃᕐᓗᑎᒃ ᓴᙱᓂᕆᔭᖏᓐᓂᒃ ᐊᑐᓂ ᑖᒃᑯᐊ ᐊᕕᑐᕐᓯᒪᓂᖏᑦᑎᒍᑦ (ᑎᐅᕆᑑᕇ). ᔫᓂ 2018-ᒥᑦ, ᐊᑦᓛᓐᑎᒃ ᑲᓇᑕᒥ (ᑲᓇᑕᐅᑉ ᓂᒋᐊᑕ ᑲᓇᖕᓇᕐᒥᑦ ᑕᕆᐅᖓᓄᑦ) ᐱᓕᕆᐊᕆᔭᐅᔪᓐᓇᖅᑐᓄᑦ ᐱᓕᕆᕝᕕᒃ ᐊᒻᒪᓗ ᒐᕙᒪᑐᖃᒃᑯᑦ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᕝᕕᒃ ᐋᓐᑎᐅᕆᐅᑉ ᐅᐊᖕᓇᖓᓄᑦ ᐋᕿᒃᓯᓚᐅᕐᒪᑕ ᐊᕕᒃᑐᕐᓯᒪᓂᒃᑯᑦ ᐱᕈᖅᐸᓪᓕᐊᒍᑎᒃᓴᓂᒃ.
ᑳᓐᓄᐊᒃᑯᑦ ᐋᖅᑭᒃᓱᐃᓕᕆᕗᑦ ᓄᓇᕗᓕᒫᒧᑦ ᐱᕈᖅᐸᓪᓕᐊᓂᕐᒧᑦ ᐸᕐᓇᐅᑎᒥᒃ. ᑐᕌᒐᖃᕐᓂᐊᖅᑐᖅ ᓇᓗᓇᐃᓪᓚᕆᒃᓯᒪᔪᓂᒃ ᐱᓕᕆᐊᒃᓴᓂᒃ ᓇᓗᓇᐃᖅᑕᐅᓯᒪᔪᓂ ᐱᓕᕆᖃᑎᒋᔪᓐᓇᖁᓪᓗᒋᑦ ᓄᓇᕘᒥᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒋᔭᐅᔪᑦ ᐊᒻᒪᓗ ᐱᔪᒥᒍᓱᒃᑐᑦ ᑕᓪᓕᒪᑦ ᐊᕐᖄᒍᐃᑦ ᐃᓗᐊᓂᑦ.
ᐱᕈᖅᐸᓪᓕᐊᓂᕐᒧᑦ ᐸᕐᓇᐅᑎ ᐃᑲᔪᕐᓂᐊᖅᑐᖅ ᐱᕙᓪᓕᐊᖁᓪᓗᒋᑦ ᐊᕕᒃᑐᖅᓯᒪᔪᑦ ᑮᓇᐅᔭᕆᓂᕐᒨᖓᔪᑦ ᐅᑭᐅᖅᑕᖅᑐᒥᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐊᑐᐊᖓᕐᓄᑦ ᐋᖅᑭᒃᑕᐅᓯᒪᔪᑦ (ANPF) ᐱᖓᓱᓂᑦ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓂᑦ. ᐅᑭᐅᖅᑕᖅᑐᒥᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐊᑐᐊᖓᕐᓄᑦ ᐋᖅᑭᒃᑕᐅᓯᒪᔪᑦ (ANPF) ᐊᖏᔫᔪᖅ, ᐊᑯᓂᐅᔪᖅ ᐊᒻᒪᓗ ᖁᕝᕙᓯᒃᑐᒻᒪᕆᒃ ᐋᖅᑭᒃᑕᐅᓯᒪᔪᖅ ᒫᓐᓇ ᐱᓕᕆᖃᑎᒋᔭᐅᓪᓗᑎᒃ ᐋᖅᑭᒃᐊᓪᓕᐊᔪᖅ. ᑭᖑᕝᕖᓂᖅᐊᖅᑐᖅ ᑲᓇᑕᐅᑉ ᐅᑭᐅᖅᑕᖅᑐᒧᑦ ᐸᕐᓇᐅᑎᖏᓐᓂᒃ (2009) ᐊᒻᒪᓗ ᐅᖃᐅᑕᐅᓯᒪᓪᓗᓂ ᑲᓇᑕᐅᑉ ᐅᑭᐅᖅᑕᖅᑐᒧᑦ ᐅᖓᓯᒃᑐᒧᑦ ᐊᑐᐊᒐᖓ (2010).
ᐊᑖᓂ ᑎᑎᕋᖅ ᓇᓗᓇᐃᔭᐃᓯᒪᖕᒪᑦ ᖃᓄᖅ ᐅᑭᐅᖅᑕᖅᑐᒥᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐊᑐᐊᖓᕐᓄᑦ ᐋᖅᑭᒃᑕᐅᓯᒪᔪᑦ (ANPF) ᐊᒻᒪᓗ ᓄᓇᕗᓕᒫᒧᑦ ᐱᕈᖅᐸᓪᓕᐊᓂᕐᒧᑦ ᐸᕐᓇᐅᑎᒥᒃ ᐱᓕᕆᖃᑎᒌᖅᓂᐊᕐᓂᖏᓐᓂᒃ.
ᑭᒃᑯᑦ ᐱᓕᕆᖃᑎᒌᓕᕐᓂᐊᕐᒪᑕ?
Description of Arctic and Northern Policy Framework and Pan-Territorial Growth Strategy Synergies
| Arctic and Northern Policy Framework | Pan-Territorial Growth Strategy | |
|---|---|---|
| Policy Scope | Multiple goals, Whole-of-government | Targeted economic initiatives stemming from the economic goal for the ANPF |
| Duration | Until 2030 | 5 year strategy with an initial focus on targeted initiatives in the first two years |
| Geographic Scope | Territories, Inuit Nunangat, and northern Manitoba | Yukon, Northwest Territories, Nunavutt |
ᐱᒻᒪᕆᐊᓘᖕᒪᑦ ᐃᓱᒪᒋᔭᐅᔪᑦ ᐅᑯᓇᙵᑦ ᐱᓕᕆᖃᑕᐅᔪᓂᒃ ᐊᒻᒪ ᐊᒃᑐᖅᑕᐅᔪᓂᒃ ᐃᑲᔪᕈᑎᐅᓗᑎᒃ ᐋᕿᒃᓱᐃᕙᓪᓕᐊᓂᕐᒥᑦ ᑐᙵᕕᒃᓴᐅᓂᐊᕐᑐᒥᑦ ᐅᑯᓄᖓ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᖃᓄᐃᓕᐅᕈᑎᒃᓴᓄᑦ.
ᓲᖃᐃᒻᒪ ᓴᙱᓂᕐᓴᐅᓐᓇᕐᒪᑦ ᐊᔾᔨᒌᙱᓐᓂᖅᑕᖃᑎᓪᓗᒍ, ᐅᓇ ᑲᑎᒪᑎᑦᑎᓂᕐᒧᑦ ᐸᐃᑉᐹᖅ ᑐᙵᓱᒃᑎᑦᑎᒍᑎᐅᔪᖅ ᑐᓴᕈᒪᓂᕐᒥᒃ ᐅᑯᓇᙵᑦ:
- ᑎᐅᕇᑑᕆᒃᑯᑦ ᒐᕙᒪᐅᔪᓂᒃ ᐊᒻᒪ ᓄᓇᓕᖕᓄᑦ ᒐᕙᒪᓂᒃ;
- ᓴᓇᕝᕕᖕᓂᑦ;
- ᓇᖕᒥᓂᖅ ᐱᓕᕆᐊᖃᖅᑐᓂᒃ;
- ᐊᕐᓇᓂᒃ, ᐃᓅᓱᒃᑐᓂᒃ ᐊᒻᒪ ᑲᓇᑕᒥᐅᑕᙳᓵᕐᓂᑯᓂᒃ;
- ᐱᕙᓪᓕᐊᔪᓕᕆᓂᕐᒧᑦ ᑲᑐᔾᔨᖃᑎᒌᓂᒃ;
- ᓯᓚᑦᑐᖅᓴᕐᕕᖕᓂᒃ ᐊᒻᒪ ᖃᐅᔨᓴᕐᕕᒃᓂᑦ; ᐊᒻᒪ
- ᑭᓇᑐᐃᓐᓇᒥᒃ ᑲᓇᑕᒥᐅᑕᓂᒃ.
ᐅᓇ ᐱᔾᔪᑎᒋᓪᓗᒍ ᖃᓄᐃᓕᐅᕐᓂᐅᔪᑦ ᓄᓇᖃᖅᑳᖅᑐᓂᒃ ᐊᒻᒪᓗ ᒐᕙᒪᐅᔪᑦ ᐅᑭᐅᕐᑕᖅᑐᕐᒥᑦ ᑮᓇᐅᔭᓕᐅᕋᓱᖕᓂᕐᒧᑦ, ᑳᓄᐊᒃᑯᑦ ᑐᕌᒐᖃᓗᐊᕐᓂᐊᕐᒥᔪᑦ ᐅᖃᓪᓚᖃᑎᖃᑲᑕᖕᓂᕐᒥᒃ ᐅᑯᓂᖓ ᐃᓄᖕᓂᒃ, ᓄᓇᖃᖅᑳᖅᑐᓂᒃ ᐊᓪᓚᓂᒃ, ᐊᓪᓚᖓᔪᓄᑦ ᒐᕙᒪᐅᔪᓂᒃ ᐊᒻᒪ ᑲᑐᔾᔨᖃᑎᒌᖑᔪᓂᒃ.
ᐱᒋᐊᕈᑎᓪᓚᕆᐊᒍᑦ, ᐱᓕᕆᐊᖃᕋᓱᖕᓂᖅ ᐱᕈᖅᑎᑦᑎᕙᓪᓕᐊᓂᕐᒥᒃ ᑮᓇᐅᔭᓕᐅᕐᓂᒃᑯᑦ, ᐃᑲᔫᑎᒃᓴᖃᕈᒪᑎᑦᑎᓂᕐᒥᒃ, ᐊᒻᒪ ᕿᑎᐊᒎᖓᔪᓄᑦ ᐃᖅᑲᓇᐃᔮᖃᓕᖅᑎᑦᑎᓂᕐᒥᒃ ᐅᑭᐅᕐᑕᖅᑐᕐᒥᐅᓂᒃ ᐊᒻᒪ ᑲᓇᑕᒥᐅᓂᒃ. ᑕᐃᒪᐃᓕᐅᕐᓂᐊᕐᓗᑕ, ᐃᓱᒪᑦᑎᐊᕆᐊᖃᖅᐳᒍᑦ ᐊᒻᒪ ᐱᓕᕆᖃᑎᒌᒡᓗᑕ ᐱᓇᓱᐊᒐᖃᕐᓗᑕ ᓯᕗᒧᒃᐸᓪᓕᐊᑎᑦᑎᓂᕐᒥᒃ ᓴᙱᓂᕆᔭᐅᔪᑎᒍᑦ.
ᒫᓐᓇᒧ ᖃᓄᖅ ᑐᓴᖅᓯᒪᓕᖅᐱᑖ?
2017 ᐊᐅᔭᖓᓂᒃ, ᑳᓄᐊᒃᑯᑦ ᑲᑎᒪᖃᑎᖃᑲᑕᓚᐅᕐᓯᒪᔪᑦ ᑎᐅᕆᑑᕆᓂᒃ ᑐᓴᐅᒪᑎᑦᑎᓇᓱᒃᖢᑎᒃ ᓄᑖᙳᕆᐊᖅᑎᑦᑎᓂᕐᒥᒃ ᐱᕙᓪᓕᐊᔪᓕᕆᓂᕐᒧᑦ ᖃᓄᐃᓕᐅᕈᑎᒃᓴᓂᒃ. ᑲᑎᒪᖃᑎᖃᑲᑕᖕᓂᖅ ᐊᒻᒪ ᑭᒃᑯᓕᒫᓂᒃ ᐅᖃᓪᓚᖃᑎᖃᑲᑕᓚᐅᕐᓯᒪᕗᑦ 2017 ᐅᑭᐊᒃᓵᖓᓂᒃ/2018 ᐅᑭᐅᖓᓄᑦ ᐃᓚᒋᔭᐅᓪᓗᓂ ᐱᓕᕆᕙᓪᓕᐊᓂᕐᒧᑦ ᐋᕿᒃᓱᐃᓂᕐᒥ ᐆᒥᖓ ᐅᑭᐅᖅᑕᖅᑐᒧᑦ ᐊᑐᐊᒐᒃᓴᖅ ᖃᓄᐃᓕᖓᔾᔪᑎᒃᓴᖏᑦ.
ᑎᐅᕆᑑᕆᐅᔪᑦ ᐊᒻᒪ ᓄᓇᖃᖅᑳᖅᑐᑦ ᐱᓕᕆᖃᑎᒋᔭᕗᑦ, ᐊᒻᒪᓗ ᐊᓯᖏᑦ ᐅᑭᐅᕐᑕᖅᑐᕐᒥ ᑎᒍᒥᐊᖅᑎᐅᖕᒥᔪᑦ, ᓴᕿᑎᑦᑎᓯᒪᓚᐅᕐᐳᑦ ᖃᔅᓯᒐᓴᖕᓂ ᖃᓄᐃᓕᐅᕈᑎᐅᔭᕆᐊᓕᖕᓂ ᑎᐅᕆᑑᕆᓂᒃ ᐱᕙᓪᓕᐊᓂᕐᒥᒃ ᓱᒃᑲᐃᒍᑎᐅᔭᑦᑐᓂᒃ, ᐃᓚᖃᖅᖢᑎᒃ ᐱᓕᕆᕝᕕᖃᙱᓗᐊᕐᓂᖅ ᐊᒻᒪᓗ ᑮᓇᐅᔭᓂᒃ ᐊᑐᕐᓇᕐᓂᖅᓴᐅᓪᓗᓂ ᐱᓕᕆᐊᖃᕋᓱᖕᓂᒃᑯᑦ ᒪᑯᓇᓂ ᓄᓇᓕᖕᓂ ᐅᖓᓯᒌᒃᑑᑎᓂᒃ, ᓯᓚᓗ ᓇᓗᓇᓗᐊᖅᐸᒃᖢᓂ ᐊᒻᒪᓗ ᐃᓄᐃᑦ ᐅᓄᙱᓗᐊᕐᓂᖏᓐᓄᑦ.
ᐱᓕᕆᖃᑎᒋᔭᐅᔪᑦ ᐊᒻᒪ ᑎᒍᒥᐊᖅᑎᐅᔪᑦ ᓴᕿᑎᑦᑎᓚᐅᕆᕗᑦ ᐊᒥᓱᓂᒃ ᖃᓄᐃᓕᐅᕈᑎᐅᔪᓐᓇᖅᑐᓂᒃ ᒪᑯᑎᑐᓇᖅ ᑮᓇᐅᔭᓕᐅᕈᑎᒃᓴᓂᒃ ᖃᐅᔨᕚᓪᓕᖅᑎᑦᑎᓂᒃᑯᑦ, ᐳᓚᕋᖅᑐᓕᕆᓂᕐᒥᒃ ᐊᒻᒪ ᐊᖏᒡᓕᒋᐊᖅᑎᑦᑎᓗᑎᒃ ᐃᒪᕐᓂᒃ ᐊᒻᒪ ᑕᓯᕐᓂᒃ ᐃᖃᓗᒐᓱᖕᓂᐅᕙᒃᑐᓂᒃ.
ᐅᖃᐅᓯᖃᓚᐅᕐᒥᔪᑦ ᐱᑕᖃᕆᐊᖃᕐᓂᐊᓂᕐᒥᒃ ᑲᔪᓰᓐᓇᕈᓐᓇᖅᑐᓂᒃ ᑐᙵᕕᐅᓂᐊᕐᑐᓂᒃ ᐃᑲᔫᑎᖃᕋᓱᖕᓂᕐᒥᒃ ᐱᕈᖅᑎᑦᑎᕙᓪᓕᐊᓂᕐᒧᑦ ᐱᓕᕆᔪᓐᓇᖅᑐᓂᒃ ᐊᒻᒪ ᐊᔪᕈᓐᓃᓴᕐᓂᕐᒧᑦ ᐱᕙᓪᓕᐊᒍᑎᒃᓴᓂᒃ, ᐊᒻᒪᓗ ᐱᓕᕆᕝᕕᐅᓕᕋᔭᖅᑐᓂᒃ ᐃᒡᓗᓂᒃ. ᖃᐅᔨᒪᔭᐅᒐᓗᐊᕐᑎᓪᓗᒍ ᑎᐅᕆᑑᕆᓂᒃ ᑮᓇᐅᔭᓕᐅᕈᑎᐅᔪᑦ ᐊᑐᕆᐊᖃᕐᓂᐊᕐᓂᖏᓐᓂᒃ ᑕᒪᐃᓐᓂ ᐊᑐᒃᑲᓐᓂᕈᓐᓇᕐᑐᓂᒃ ᐱᓇᓱᐃᓐᓇᕐᓂᕐᒥᒃ ᐊᒻᒪ ᐊᓯᖏᓐᓂ ᐋᕿᒃᓱᐃᔭᕆᐊᖃᕐᓂᐊᖅᖢᑎᒃ ᐱᓕᕆᔾᔪᑎᒃᓴᓂᒃ ᐃᓚᖃᕐᓗᑎᒃ ᐃᓕᖁᓯᑐᖃᒃᑯᑦ ᑮᓇᐅᔭᓕᐅᕈᑎᐅᕙᒃᑐᓂᒃ, ᐊᔾᔨᒌᙱᑦᑐᓂᒃ ᐃᓱᒪᒋᔭᖃᓚᐅᕐᑐᑦ ᐅᕘᓇ "ᓈᒻᒪᒃᑐᒃᑯᑦ" ᖃᓄᐃᓕᐅᕈᑎᒃᓴᓂᒃ.
ᐊᒥᓱᑦ ᐃᓚᐅᔪᑦ ᓴᕿᑎᑦᑎᒋᐊᕐᓯᒃᑲᓂᓚᐅᕐᑐᑦ ᐅᓇ ᖃᐅᔨᓴᕐᓂᖅ, ᖃᓄᐃᓕᐅᖅᐸᓪᓕᐊᒍᑎᑦ ᐊᒻᒪᓗ ᓴᕿᑎᑦᑎᓯᒪᓂᒃᑯᑦ ᓂᐅᕐᕈᑎᖃᕋᓱᑲᑕᖕᓂᖅ, ᐱᓗᐊᖅᑐᒥᒃ ᒪᐅᓇ ᓇᖕᒥᓂᖅ ᑮᓇᐅᔭᓕᐅᕋᓱᖕᓂᒃᑯᑦ, ᓴᙱᒃᑎᑉᐹᓪᓕᕈᑎᐅᓇᔭᖅᑐᑦ ᐊᒻᒪ ᐊᔾᔨᒌᙱᑦᑑᑎᓂᒃ ᑮᓇᐅᔭᓕᐅᕈᑎᑕᖃᓕᕐᓗᓂ ᐊᕕᒃᑐᕐᓯᒪᓂᒃᑯᑦ. ᓇᓗᓇᐃᖅᑕᐅᓯᒪᓪᓚᕆᒃᑐᑦ ᖃᓄᐃᓕᐅᕈᑎᒃᓴᑦ ᐅᖃᐅᓯᐅᓯᒪᔪᑦ ᐃᓚᖃᓚᐅᕐᑐᑦ ᐊᖏᒡᓕᒋᐊᖅᑎᑦᑎᓂᕐᒥᒃ ᐱᒋᐊᕈᑎᐅᔪᓐᓇᖅᑐᓂᒃ ᐊᒻᒪᓗ ᐊᓯᖏᓐᓂᒃ ᓇᖕᒥᓂᖅ ᐱᓕᕆᐊᖑᔪᓂᒃ, ᒪᐅᓇ ᐱᓕᕆᐊᕆᔭᐅᔪᑦ ᐃᑲᔪᖅᑕᐅᓂᕐᓴᐅᓕᑎ ᐃᓂᖃᖅᑎᑕᐅᓂᒃᑯᑦ ᐊᒻᒪ ᐱᒋᐊᓕᓵᖅᑐᑦ ᐃᑲᔪᖅᑕᐅᕙᒡᓗᓂ ᓇᖕᒥᓂᖅ ᐊᐅᓚᑦᑎᓂᕐᒧᑦ ᐊᔪᕈᓃᕐᓴᖅᑎᑦᑎᓂᒃᑯᑦ.
ᖃᓄᐃᓕᐅᕐᕕᐅᔪᒪᔪᑦ ᓇᓃᓐᓂᖏᑦ ᐅᑯᓄᖓ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᐸᕐᓇᐅᑎᑎᒍᑦ
ᐅᑭᐅᕐᑕᖅᑐᖓᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᐸᕐᓇᐅᑎᑎᒍᑦ ᒪᓕᒃᖢᑎᒃ ᓄᐊᑕᐅᓯᒪᔪᓂᒃ ᑭᐅᔾᔪᑎᓂᒃ, ᑳᓄᐊᒃᑯᑦ ᐅᑯᓂᖓ ᖃᓄᐃᓕᐅᕈᑎᒃᓴᓂᒃ ᐱᓕᕆᐊᖃᕈᒪᔪᑦ ᑐᕌᒐᕆᔭᐅᓗᑎᒃ ᐱᓕᕆᕝᕕᐅᔪᒪᔪᓂ ᐱᓕᕆᕝᕕᖕᓄᑦ, ᐱᓕᕆᖃᑎᖃᕐᓗᑎᒃ ᐱᓕᕆᖃᑎᖏᓐᓂᒃ ᐊᒻᒪ ᑎᒍᒥᐊᖅᑎᓂᒃ, ᐊᕐᕌᒍ ᑕᓪᓕᒪᑦ ᐃᓗᐊᒍᑦ. ᐱᓕᕆᐊᖃᕐᓃᑦ ᐃᓚᖃᕐᓂᐊᕐᑐᑦ ᒫᓐᓇ ᐱᓕᕆᐊᖑᔪᓂᒃ ᑎᐅᕆᑑᕆᐅᔪᑦ ᒐᕙᒪᖏᓐᓄᑦ (ᓲᕐᓗ ᓄᓇᑦᓯᐊᑉ ᑮᓇᐅᔭᓕᐅᕈᑎᒃᓴᓄᑦ ᖃᓄᐃᓕᐅᕈᑎᒃᓴᑦ). ᖃᓄᐃᓕᐅᕈᑎᒃᓴ ᐱᓕᕆᐊᖃᕈᒪᓂᕐᒥᒃ ᐃᓚᒋᔭᐅᓂᐊᕐᑐᑦ ᑕᒪᐃᓐᓂ ᖃᓄᐃᓕᐅᕈᑎᐅᔪᓂᒃ.
ᐊᑐᒃᑲᓐᓂᕈᓐᓇᖅᑐᓂᒃ ᐲᔭᐃᕙᓪᓕᐊᓂᕐᒧᑦ ᐱᓕᕆᕝᕕᐅᔪᑦ
ᐃᑲᔪᕐᓗᒋᑦ ᐊᑐᒃᑲᓐᓂᕈᓐᓇᖅᑐᓕᕆᓂᕐᒧᑦ ᖃᓄᐃᓕᐅᕈᑎᐅᔪᑦ ᐱᓕᕆᕝᕕᐅᔪᓄᑦ ᑕᒪᒃᑯᐊᓄ ᓄᓇᖃᖅᑐᓂᒃ ᐃᖅᑲᓇᐃᔭᖅᑎᑦᑎᒐᓱᒡᓗᑎᒃ ᐊᒻᒪ ᐃᖅᑲᓇᐃᔮᒃᓴᖃᐅᕐᓂᕐᓴᐅᓕᕐᓗᑎᒃ ᐊᒻᒪ ᐊᔪᕐᓴᙱᓐᓂᕐᒥᒃ ᐅᑯᓇᓂ ᑎᐅᕆᑑᕆᓂᒃ.
ᑮᓇᐅᔭᓕᐅᕈᑎᒃᓴᓂᒃ ᐊᔾᔨᒌᙱᑦᑎᑦᑎᓂᖅ ᐊᒻᒪ ᐱᓕᕆᔪᒪᓕᖅᑎᑦᑎᓂᖅ
ᑲᒪᒋᔭᖃᕐᓗᑎᒃ ᓱᕋᐃᓗᐊᖅᑕᐃᓕᒪᓗᑎᒃ ᐱᕈᖅᐸᓪᓕᐊᓃᑦ ᐊᓯᖏᓐᓄᑦ ᑮᓇᐅᔭᓕᕆᓂᕐᒧᑦ ᐊᕕᒃᑐᖅᓯᒪᔪᑦ, ᓱᕐᓗ ᐳᓚᕋᖅᑐᓕᕆᓂᒃ, ᐃᓚᐅᓪᓗᑎᒃ ᐱᒋᐊᕈᒻᒥᒃ ᑐᕌᒐᖃᖅᖢᑎᒃ ᓴᙱᒃᑎᒋᐊᖁᓪᓗᒋᑦ ᓇᖕᒥᓂᖅᑖᕋᓱᐊᕐᓂᕐᓂᒃ ᐊᒻᒪᓗ ᐅᑭᐅᖅᑕᖅᑐᒥᑦ ᓄᑖᕈᕆᐊᕐᓃᑦ.
ᓇᑉᐸᕆᐊᓕᒃ ᓂᐅᕕᐊᖑᔪᑦ ᑮᓇᐅᔭᓕᕈᑎᒃᓴᑦ ᐊᒻᒪ ᐱᕙᓪᓕᐊᓂᖅ
ᓇᓕᒧᒌᒃᑎᒐᓱᒡᓗᒋᑦ ᐊᒡᒋᖅᑐᑦ ᐃᑲᔫᑎᐅᓇᔭᕐᑐᑦ ᐊᒻᒪᓗ ᑲᔪᓰᓐᓇᖅᑐᑦ ᐊᐅᓚᑦᑎᓂᐅᔪᑦ ᐊᖏᔪᓂᒃ ᐱᖁᑎᒃᓴᓕᕆᓂᐅᔪᓂᒃ ᐊᖏᓛᒃᑯᑦ ᓄᓇᓖᑦ ᐊᒻᒪ ᐊᕕᒃᑐᖅᓯᒪᓂᒃᑯᑦ ᑮᓇᐅᔭᓕᐅᕈᑎᐅᔪᓐᓇᕐᓂᐊᕐᑐᓂᒃ.
ᐊᔪᕈᓐᓃᕐᓯᒪᔪᑦ ᐃᖅᑲᓇᐃᔭᖅᑎᑦ
ᐃᑲᔪᕐᓗᑎᒃ ᐱᕈᖅᑎᑦᑎᓂᕐᒥᒃ ᐅᐊᖕᓇᕐᒥᐅᓂᒃ ᐃᖅᑲᓇᐃᔭᕈᓐᓇᖅᑐᓂᒃ ᐊᒻᒪ ᐱᖁᑎᖃᑎᑦᑎᓗᑎ ᒪᑯᓂᖓ ᓴᓇᕐᕈᑎᓂᒃ, ᐊᔪᕈᓐᓃᕐᓯᒪᓂᕐᒥᒃ ᐊᒻᒪ ᐱᓕᕆᓕᒪᓂᕐᒥᒃ ᐱᔭᕆᐊᖃᖅᑕᖏᓐᓂᒃ ᐊᓂᒍᐃᑦᑎᐊᕈᓐᓇᕐᓂᐊᕐᒪᑕ ᐃᖅᑲᓇᐃᔭᕐᓂᒃᑯᑦ, ᒫᓐᓇᒧᑦ ᓯᕗᓂᒃᓴᒧᓪᓗ.
ᐊᐱᖁᑎᑦ
ᕿᓂᕋᑦᑕ ᐃᓱᒪᒋᔭᔅᓯᓐᓂᒃ ᐱᕈᖅᑎᑦᑎᒍᑎᐅᓇᔭᖅᑐᓂᒃ ᓴᙱᔪᓂᒃ, ᐱᕈᖅᐸᓪᓕᐊᔪᓐᓇᖅᑐᓂᒃ ᑮᓇᐅᔭᓕᐅᕈᑎᐅᔪᓐᓇᖅᑐᓂᒃ ᑎᐅᕆᑑᕆᓂᒃ. ᐃᓄᒋᐊᒃᑐᓃᒃᑲᓗᐊᕈᕕᑦ ᓄᓇᓕᕋᓛᒥᓪᓘᓐᓃᑦ; ᓯᕗᓕᐅᕐᑎᐅᔪᓐᓇᕐᓗᑎᑦ ᐱᓕᕆᐊᒧᑦ ᐅᕝᕙᓘᓐᓃᑦ ᐱᒋᐊᓕᓵᕐᓂᑰᓗᑎᑦ ᓇᖕᒥᓂᖅ ᐱᓕᕆᐊᒥᒃ; ᐃᒻᒥᒃᑯᖓᓗᑎᑦ ᐃᓚᒋᔭᐅᓗᑎᓪᓘᓐᓃᑦ ᑲᑐᔾᔨᖃᑎᒌᓄᑦ, ᑳᓄᐊᒃᑯᑦ ᑐᓴᕈᒪᔪᑦ ᑭᓱᑦ ᐃᓕᖕᓄᑦ ᐱᒻᒪᕆᐅᓛᖑᔭᕆᐊᒃᓴᖏᓐᓂᒃ. ᐅᖃᐅᓯᕐᑎᑦ ᐃᑲᔫᑎᐅᓂᐊᕐᑐᑦ ᐋᕿᒃᓱᐃᕙᓪᓕᐊᓂᕐᒥᒃ ᐱᕈᖅᐸᓪᓕᐊᑎᑦᑎᓇᓱᖕᓂᕐᒥᒃ ᖃᓄᐃᓕᐅᕈᑎᓂᒃ ᑐᑭᒧᐊᕈᑎᐅᓂᐊᕐᑐᓂᒃ ᐅᐊᖕᓇᕐᒥᐅᑦ ᑮᓇᐅᔭᓕᐅᕈᑎᒋᔪᓐᓇᕐᓂᐊᖅᑕᖏᓐᓄᑦ ᐊᑐᐊᒐᓂᒃ ᐊᒻᒪ ᐃᑲᔫᑎᑖᕈᓐᓇᐅᑎᓕᕆᓂᒃᑯᑦ.
ᐅᑯᐊ ᑎᓴᒪᑦ ᑐᒃᓯᕋᐅᑎᐅᔪᑦ ᖃᓄᐃᓕᐅᕈᑎᒃᓴᓄᑦ ᓈᒻᒪᒃᐹᓐ? ᓈᒻᒪᙱᑉᐸᑕ, ᑭᓱᓪᓕ ᑎᓴᒪᑦ ᖁᑦᑎᖕᓂᖅᐹᖑᑎᒐᔭᖅᐱᒋ?
ᑮᓇᐅᔭᓕᕆᓂᕐᒧᑦ ᐊᔾᔨᒌᖏᑦᑐᑦ ᐱᓕᕆᐊᒃᓴᐃᑦ ᓇᓗᓇᐃᖅᑕᐅᓯᒪᔪᑦ, ᑭᓲᖕᒪᖔᑕ ᐱᖓᓱᒃ ᐱᕕᒃᑐᖅᑕᐅᓯᒪᔪᖅ ᓯᕗᓪᓕᐅᔾᔭᐅᔭᕆᐊᖃᕐᐸᑦ? ᑲᓄᖅ ᐳᓚᕋᖅᑐᓕᕆᓂᖅ ᐃᑲᔪᖅᓱᖅᑕᐅᔭᕆᐊᖃᖅᐸ?
ᑕᒪᒃᑯᓄᖓ ᐊᑐᓂᒃ ᐱᓕᕆᐊᖑᓂᐊᕈᒪᔪᓄᑦ, ᓇᓕᐊᒃ ᖃᓄᐃᓕᐅᕈᑎᒃᓴ ᐅᑯᐊ ᑳᓄᐊᒃᑯᑦ ᓯᕗᒧᑦ ᐱᒋᐊᖅᑕᐅᔪᓐᓇᖅᐸᑦ ᐱᓕᕆᖃᑎᖏᓪᓗ?
ᖃᓄᖕᓕ ᓄᓇᖃᖅᑳᑐᑦ ᐱᕙᓪᓕᐊᔪᓕᕆᓂᖏᓐᓄᑦ ᑯᐊᐳᕇᓴᐅᔪᑦ ᐊᒻᒪ ᐃᒻᒥᒃᑰᖓᔪᑦ ᐱᓕᕆᕝᕖᑦ ᐱᓕᕆᖃᑕᐅᔪᓐᓇᖅᐸᑦ ᐊᖏᒡᓕᒋᐊᖅᑎᑦᑎᓂᕐᒥᒃ ᐊᑑᑎᐅᔪᓐᓇᖅᑐᓂᒃ ᑎᓴᒪᐅᔪᓂᒃ ᑐᒃᓯᕋᐅᑎᓂᒃ ᐱᓕᕆᐊᖃᕐᕕᐅᔪᒪᔪᓂᒃ?
ᒫᓐᓇ ᐊᕕᒃᑐᕐᓯᒪᓂᒃᑯᑦ ᓄᓇ ᖃᓄᐃᓕᖓᓂᖓ
ᐅᑯᓇᓂ ᒪᒃᐱᒐᕐᓂᒃ ᐆᒪ ᑭᖑᓂᐊᓃᑦᑐᓂᒃ, ᑕᑯᔪᓐᓇᕐᓂᐊᖅᑐᓯ ᖁᓕᓂᒃ ᒪᒃᐱᒐᐅᓗᑎᒃ ᐅᖃᐅᓯᖃᖅᑐᓂᒃ ᐅᑯᓂᒐ ᐱᓪᓗᐊᑕᕆᔭᐅᔪᓂᒃ ᑎᐅᕆᑑᕆᓄᒃ ᑮᓇᐅᔭᓕᐅᕈᑎᒃᓴᓂᒃ ᐃᑲᔪᕈᓐᓇᖅᓗᑎᒃ ᑐᑭᓯᒋᐊᖅᑎᑦᑎᓂᕐᒥᒃ ᐃᓱᒪᖏᔭᕐᓂᑦ:
ᐅᓇ ᐱᓕᕆᖃᑎᒌᖕᓂᕐᒧᑦ ᐸᐃᑉᐹᖅ ᐃᓱᒪᒋᔭᔅᓯᓐᓂ ᖃᐅᔨᓇᓱᒍᑎᐅᔪᖅ ᐊᒻᒪ ᐃᓱᒪᓕᐊᕆᔭᔅᓯᓐᓂᒃ ᐋᕿᒃᓱᐃᓂᕐᒧᑦ ᓴᙱᓂᒃᑯ ᐱᕙᓪᓕᐊᒍᑎᒃᓴᓂᒃ ᑎᐅᕆᑑᕆᓄᑦ. ᐆᒪ ᐸᐃᑉᐹᑉ ᐃᓱᐊᒍ ᖃᓄᐃᓕᐅᕆᐊᖃᕐᓂᕐᓄᑦ ᓇᓗᓇᐃᔭᕐᓯᒪᔪᖅ ᖃᓄᖅ ᐃᓱᒪᒋᔭᑎᑦ ᑐᓴᖅᑕᐅᑎᑦᑐᒪᒍᕕᐅᒃ ᑳᓄᐊ-ᑯᓐᓄᑦ ᖃᓄᐃᓕᐅᕈᑎᐅᔪᓐᓇᖅᑐᓪᓘᓐᓃᑦ.
ᖃᓄᐃᓕᕈᑎᐅ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏ ᐊᖏᕐᕋᕆᔭᐅᔪᑦ ᐅᑯᓄᖓ…
| ᓄᓇᖓ | ᐅᓄᕐᓂᖏᑦ (2016) |
|---|---|
| ᔫᑳᓐ | 35,874 |
| ᓄᓇᑦᓯᐊᖅ | 41,786 |
| ᓄᓇᕗᑦ | 35,944 |
- 0.32% ᑲᓇᑕᐅᑉ ᐅᓄᕐᓂᖏᓐᓂᒃ (113,604).
- 3.56% ᑲᓇᑕᒥ ᓄᓇᖃᖅᑳᖅᑐᑦ ᐅᓄᕐᓂᖏᑦ (ᓄᓇᖃᖅᑳᖅᑐᑦ ᐊᓪᓚᐃᑦ, ᐊᓪᓚᖓᔪᐃᑦ ᐊᒻᒪ ᐃᓄᐃᑦ).
- ᓱᒃᑲᔪᒥ ᐅᓄᕐᓯᕙᓪᓕᐊᓂᖅ ᔫᑳᓐᒥᑦ ᐊᒻᒪ ᓄᓇᕗᒥᑦ
ᖃᐅᔨᒪᓐᓂᕐᐱᑦ…
ᒫᓂᐸᓗᒃ 2,095 ᐃᓄᐃᑦ ᓅᓚᐅᕐᓯᒪᔪᑦ ᑎᐅᕆᑑᕆᓂ 2011-ᓗ 2016-ᓗ ᐊᑯᓐᓂᖓᓂᒃ, ᑖᒃᑯᐊᓕ 2%-ᑎᒋᔭᐅᓪᓗᑎᒃ ᑕᒫᓂ ᐃᓄᒋᐊᖕᓂᕐᓄᑦ.
ᓄᓇᓕᖕᓂ ᐱᕈᖅᐸᓪᓕᐊᓂᐅᑉ ᖃᓄᐃᓕᖓᓂᖏᓐᓂᑦ
(2011-2016)
- ᕗᐊᐃᑦᕼᐅᐊᔅ, ᔫᑳᓐ: 7.8%
- ᕗᐊᑦ ᓯᒥᑦ, ᓄᓇᑦᓯᐊᖅ: 25.3%
- ᕼᐊᐃ ᕆᕗ, ᓄᓇᑦᓯᐊᖅ: -2.6%
- ᐃᓅᕕᒃ, ᓄᓇᑦᓯᐊᖅ: -6.5%
- ᔭᓗᓇᐃᕝ, ᓄᓇᑦᓯᐊᖅ: 1.1%
- ᐊᕐᕕᐊᑦ, ᓄᓇᕗᑦ: 38.9%
- ᖃᒪᓂᑦᑐᐊᖅ, ᓄᓇᕗᑦ: 10.0%
- ᐃᖃᓗᒃᑑᑦᑎᐊᖅ, ᓄᓇᕗᑦ: 11.5%
- ᐅᖅᓱᖅᑑᖅ, ᓄᓇᕗᑦ: -1.4%
- ᐃᖃᓗᐃᑦ, ᓄᓇᕗᑦ: 10.3%
- ᖁᒡᓗᖅᑑᖅ: 1.0%
- ᑲᖏᖅᖠᓂᖅ, ᓄᓇᕗᑦ: 28.1%
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᑕᒪᐃᓐᓂ ᑎᐅᕆᑑᕆᐅᔪᑦ ᐃᓄᒋᐊᖕᓂᐅᔪᑦ ᐃᓅᓱᖕᓂᕐᓴᐅᔪᑦ ᑲᓇᑕ ᑕᐅᑐᒃᖢᒍ ᑕᒪᐃᑎᒍᑦ, 60% ᐅᖓᑖᓃᑦᑐᑦ ᐃᓄᖏᓐᓂᒃ ᐅᑭᐅᖃᖅᑐᑦ 40 ᑐᖔᓂᒃ.
- ᐅᑭᐅᕆᔭᐅᓂᕐᓴᐅᓲᑦ ᓄᓇᖃᖅᑳᖅᑐᓂᒃ ᒫᓃᖃᑦᑕᖅᑐᑦ 2-ᓗ 5-ᓗ ᐊᑯᓐᓂᖓᒍ ᓄᑲᖅᖠᐅᓂᕐᓴᐅᔪᑦ ᒪᑯᓇᙵᓪᓕ ᓄᓇᖃᖅᑳᕐᓯᒪᙱᑦᑐᓂᒃ ᓄᓇᖃᕐᒥᔪᓂᒃ.
- ᑎᐅᕆᑑᕆᐅᑉ ᐃᓄᒋᐊᖕᓂᖏ ᓯᐊᕐᒥᖅᑎᕐᓯᒪᕈᓘᔭᕐᒪᑕ 3.4 ᒥᓕᐊᓐ ᑭᑉᐹᕆᒃᑎᓯᒪᓗᓂ ᑭᓛᒥᑕᔅᓂ ᐊᖏᓂᖓᖅᑐᒥᑦ, ᑖᒃᑯᐊᓗ ᐃᓚᖃᐅᕐᖢᑎᒃ ᐊᒥᓱᓂᒃ ᓄᓇᓕᖕᓂᑦ ᐃᓄᐃᓪᓚᓃᑦᑐᓂᒃ.
ᖃᐅᔨᒃᑲᓐᓂᕈᒪᕖ?
ᖃᐅᔨᕝᕕᐅᔪᑦ: ᓇᐃᓴᐃᔨᑦ ᑲᓇᑕᒥᑦ, ᖃᐅᔨᓇᓱᖕᓂᖅ 2016
Description of ᐳᕐᓯᓐᑎᖓᒍᑦ ᖃᓄᖅ ᐃᓄᒋᐊᒃᓯᕙᓪᓕᐊᐊᓯᒪᓂᖏᑦ ᐊᕐᕌᒍᖃᑎᒌᖏᑦᑐᑦ (2016)
ᐳᕐᓯᓐᑎᖓᒍᑦ ᖃᓄᖅ ᐃᓄᒋᐊᒃᓯᕙᓪᓕᐊᐊᓯᒪᓂᖏᑦ ᐊᕐᕌᒍᖃᑎᒌᖏᑦᑐᑦ (2016)
ᐊᑖᓂ ᓇᐃᓴᐅᑏᑦ ᑎᑎᕋᕐᓯᒪᔪᑦ ᐅᓄᕐᓂᖏᓐᓂᒃ ᐊᐊᕐᕌᒍᖃᑎᒌᖏᑦᑐᑦ ᑕᒪᐃᓐᓂ ᐅᑭᐅᕐᑕᕐᑐᒥ ᐊᒻᒪ ᑲᓇᑕᒥ ᐊᔾᔨᒌᖏᓐᓂᖏᑦ. ᐃᓄᒋᐊᓐᓂᖏᑦ ᑲᓇᑕᒥ ᐊᕐᕌᒍᖃᕐᑐᑦ 0-14 ᐊᑯᓐᓂᖏᓐᓂ ᓴᓂᐊᓃᑦᑐᖅ 2 ᐳᕐᓯᓐᒥᒃ ᐅᓄᕐᓂᕐᓴᐅᒻᒪᑕ ᑲᓇᑕᓕᒫᒥ. ᐊᒻᒪ, ᑲᓇᑕᒥᐅᑦ 50,ᓂᒃ ᐅᖓ ᑖᓄᓪᓗ ᐊᕐᕌᒍᓖᑦ ᐅᓄᕐᓂᕐᓴᐅᓪᓗᑎᒃ ᓴᓂᐊᓂ ᐅᑭᐅᕐᑕᕐᑑᒥ ᐊᕕᒃᑐᕐᓯᒪᔪᑎᒍᑦ.
| ᐅᑭᐅᖏᑦ | ᔫᑳᓐ (%) | ᓄᓇᑦᓯᐊᖅ (%) | ᓄᓇᕗᑦ (%) | ᑲᓇᑕ (%) |
|---|---|---|---|---|
| 0-4 | 6.0 | 7.5 | 11.6 | 5.4 |
| 5-9 | 5.9 | 7.2 | 11.5 | 5.7 |
| 10-14 | 5.6 | 6.6 | 9.5 | 5.5 |
| 15-19 | 5.4 | 6.5 | 8.7 | 5.8 |
| 20-24 | 5.5 | 7.3 | 8.5 | 6.4 |
| 25-29 | 7.1 | 8.3 | 8.9 | 6.5 |
| 30-34 | 8.1 | 8.1 | 7.8 | 6.6 |
| 35-39 | 7.2 | 7.7 | 6.6 | 6.5 |
| 40-44 | 7.1 | 6.8 | 5.6 | 6.7 |
| 45-49 | 6.9 | 6.9 | 5.7 | 6.7 |
| 50-54 | 8.0 | 7.7 | 5.1 | 7.6 |
| 55-59 | 8.3 | 6.8 | 3.9 | 7.5 |
| 60-64 | 7.1 | 5.0 | 2.7 | 6.5 |
| 65-69 | 5.1 | 3.4 | 1.8 | 5.6 |
| 70-74 | 3.0 | 2.0 | 1.0 | 4.0 |
| 75-79 | 1.8 | 1.1 | 0.6 | 2.9 |
| 80-84 | 1.0 | 0.7 | 0.3 | 2.1 |
| 85+ | 0.8 | 0.5 | 0.2 | 2.2 |
ᐃᓄᐃᑦ, ᓄᓇᖃᖅᑳᖅᑐᑦ ᐊᓪᓚᐃᑦ ᐊᒻᒪᓗ ᐊᓪᓚᖓᔪᐃᑦ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
- ᓇᑉᐸᖓᑕ ᐅᖓᑖᓂ ᑲᓇᑕᐅᑉ ᐃᓄᓕᒫᖏᓐᓂᒃ (53%).
- ᐅᓄᕈᓘᔭᒻᒪᕆᒃᑐᑦ ᓄᓇᖃᖅᑳᖅᑐᑦ, 53.3% ᐃᓄᒋᐊᖕᓂᕆᔭᐅᔪᓂᑦ ᑎᐅᕆᑑᕆᓂᒃ ᓇᓗᓇᐃᕐᑕᐅᓯᒪᔪᑦ ᓄᓇᖃᖅᑳᖅᓂᕐᒥᒃ 2016-ᒥᑦ, ᐅᓇ ᑕᐅᑐᙳᐊᖅᖢᒍ 4.9% ᑲᓇᑕᓕᒫᖅ ᑕᒪᐃᓐᓂᒃ.
ᖃᐅᔨᒪᕕᑦ…
2011-ᒥ ᑲᓇᑕᒥ ᐃᒡᓗᖃᖅᑐᓂᒃ ᖃᐅᔨᓴᕐᓂᕕᓂᖅ ᓇᓗᓇᐃᕈᑎᐅᓚᐅᕐᑐᖅ 2% ᓄᓇᖃᖅᑳᖅᑐᓂᒃ ᐅᑭᐅᖃᖅᑐᑦ 15-ᓂᑦ ᐅᖓᑖᓄᑦ ᑎᐅᕆᑑᕆᓂᒃ ᐃᒻᒥᒃᑯᑦ ᑮᓇᐅᔭᓕᐅᓚᐅᕐᓯᒪᔪᑦ.
ᓄᓇᐅᑉ ᖃᓄᐃᓕᖓᓂᖓ
- ᓄᓇᕗᒥᑦ ᐃᓄᒋᐊᖕᓂᐅᔪᖅ ᐃᒪᐃᓕᖓᔪᑦ 86% ᓄᓇᖃᖅᑳᖅᑐᑦ, ᑕᐅᑐᙳᐊᖅᖢᒍ 51% ᓄᓇᑦᓯᐊᕐᒥᑦ ᐊᒻᒪ 23% ᔫᑳᓐᓂᒥᑦ.
- ᑎᐅᕆᑑᕆᑎᒍᑦ ᓄᓇᖃᖅᑳᖅᑐᑦ ᐃᓄᒋᐊᖕᓂᖏ ᐃᒪᐃᓕᖓᔪᑦ 20,000 ᐊᓪᓚᐃᑦ, 4,500 ᐊᓪᓚᖓᔪᐃᑦ ᐊᒻᒪ 34,400 ᐃᓄᐃᑦ.
- 88% ᐃᓄᐃᑦ ᐅᓄᕐᓂᖏᓐᓂᒃ ᑲᓇᑕᐅᑉ ᑎᐅᕆᑑᕆᖏᓐᓂᑦ ᓄᓇᕗᒻᒦᑦᑐᑦ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᑎᐅᕆᑑᕆᐅᔪᑦ ᖁᑦᑎᖕᓂᖅᐹᒥᑦ ᐃᖅᑲᓇᐃᔮᖃᙱᑦᑐᓂᒃ ᓄᓇᖃᖅᑳᖅᑐᓂᒃ ᐃᓄᖃᖅᑐᑦ ᑲᓇᑕᒥ.
- ᖃᐅᔨᒪᔭᐅᔪᑐᖃᑦ ᐊᒻᒪᓗ ᐊᑐᖅᑕᐅᕙᒃᑐᑦ ᓄᓇᖃᖅᑳᖅᑐᓂᒃ ᓄᓇᕐᔪᐊᓕᒫᒥᑦ ᐃᓕᓴᕆᔭᐅᓯᒪᕗᑦ ᐱᒻᒪᕆᐅᑎᒋᐸᓗᒃᖢᑎᒃ ᐊᑐᒃᑲᓐᓂᕈᓐᓇᖅᑐᓕᕆᓂᒃᑯᑦ ᐱᕙᓪᓕᐊᔪᓕᕆᓂᕐᒥᒃ ᐊᒻᒪ ᓯᓚᐅᑉ ᐊᓯᙳᖅᐸᓪᓕᐊᓂᖓᓂᒃ ᖃᓄᐃᒍᑎᖃᖅᐸᓪᓕᐊᓂᕐᒥᒃ ᐅᑭᐅᕐᑕᖅᑐᕐᒥ.
ᖃᐅᔨᒃᑲᓐᓂᕈᒪᕖ?
- National Aboriginal Economic Development Board: Reconciliation: Growing Canada’s Economy by $27.7 Billion (PDF)
- National Aboriginal Economic Development Board: Investing in Canada’s Future Prosperity: An Economic Opportunity for Canadian Industries (PDF)
- TD Economics: The Long and Winding Road Towards Aboriginal Economic Prosperity (PDF)
- Canadian Council for Aboriginal Business: Promise and Prosperity: the 2016 Aboriginal Business Survey (PDF)
ᖃᐅᔨᕝᕕᐅᔪᑦ: ᓇᐃᓴᐃᔨᑦ ᑲᓇᑕᒥ; ᑲᓇᑕᒥ ᑲᑎᒪᔩᑦ ᓄᓇᖃᖅᑳᖅᑐᓄᑦ ᓇᖕᒥᓂᕆᔭᐅᔪᓄᑦ
Description of ᐃᓄᒋᐊᖕᓂᖅ ᓄᓇᖃᖅᑳᕐᓂᒃᑯᑦ ᓇᓗᓇᐃᕐᓯᒪᓂᖅ (2016)
ᓇᓗᓇᐃᔭᕐᑕᐅᓯᒪᓂᖏᑦ ᑭᒃᑰᓂᖏᑕ ᓄᓇᖃᖅᑳᖅᓯᒪᔪᑦ ᐊᒻᒪ ᐊᓯᖏᑦ ᓄᓇᖃᖅᑳᖅᓯᒪᓂᑰᖏᑦᑐᑦ ᐅᑭᐅᕐᑕᕐᑐᒥ ᐊᕕᒃᑐᕐᓯᒪᔪᑎᒍᑦ 2016,ᒥ ᐳᕐᓯᓐᑎᖏᑎᒍᑦ.
| ᓄᓇᖓ | ᐊᓪᓚᐃᑦ (%) | ᐊᓪᓚᖓᔪᑦ (%) | ᐃᓄᒃ (ᐃᓄᐃᑦ) (%) | ᐊᐅᖃᖃᑎᒌᖏᑦᑐᑦ ᐊᒻᒪ ᐊᓯᖏᑦ (%) | ᓄᓇᖃᖅᑳᕐᓯᒪᔫᖏᑦᑐᑦ |
|---|---|---|---|---|---|
| ᔫᑳᓐ | 19 | 3 | 0.66 | 1 | 77 |
| ᓄᓇᑦᐊᖅ | 32 | 8 | 10 | 1 | 49 |
| ᓄᓇᕗᑦ | 1 | 0.46 | 85 | 0.18 | 14 |
Description of ᐃᓕᓐᓂᐊᓕᕐᑐᑦ ᐅᓄᕐᓂᖏᑦ (ᐊᕐᕌᒍᓖᑦ 5-24 ᐊᑯᓐᓂᖏᓐᓂ) ᓄᓇᖃᖅᑳᖅᓯᒪᑦ (2011)
2011,ᒥ ᑕᒪᐃᓐᓂ ᐱᖓᓱᓂ ᐅᑭᐅᕐᑕᕐᑑᑉ ᐊᕕᒃᑐᕐᓯᒪᓂᐊᒍᑦ ᐅᓄᕐᓂᕐᓴᒻᒪᕆᐅᓚᐅᕐᑐᑦ ᐃᓕᓐᓂᐊᓕᕐᑐᑦ ᓱᕈᓰᑦ ᑲᓇᑕᓕᒫᒥ ᐅᓄᕐᓂᖏᓐᓂᑦ.
| ᓄᓇᖓ | ᐳᕐᓯᓐᑎᒃᑯᑦ ᐃᓕᓴᖁᓐᓇᓕᕐᑐᑦ ᐅᓄᕐᓂᖏᑕ ᑭᓪᓕᓯᓂᐊᕐᑕᐅᓯᒪᓂᖏᑦ ᓄᓇᖃᖅᑳᕐᓯᒪᔪᑦ |
|---|---|
| ᑲᓇᑕ | 6% |
| ᔫᑳᓐ | 32% |
| ᓄᓇᑦᓯᐊᖅ | 65% |
| ᓄᓇᕗᑦ | 95% |
ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ ᑮᓇᐅᔭᓕᐅᕈᑎᖏᑦ (GDP)
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
- ᐊᑐᕐᑕᐅᓂᐊᕋᓱᒋᔭᐅᔪᖅ GDP ᐱᕈᐸᓪᓕᐊᓂᖓᓄᑦ ᓇᓗᓇᐃᒃᑯᑦ 2.4% 2018-ᓗ 2025-ᓗ ᐊᑯᓐᓂᖓᓂ, ᖁᑦᑎᖕᓂᕐᓴᐅᓗᓂ ᑲᓇᑕᒥ ᐱᕈᖅᐸᓪᓕᐊᓂᕐᒧᑦ ᓇᓗᓇᐃᒃᑯᑎᒥᑦ 1.8%-ᒥᑦ.
ᖃᐅᔨᒪᕕᑦ…
- ᓄᓇᑦᓯᐊᖅ ᖁᑦᑎᖕᓂᖅᐹᒥᑦ GDP ᑕᒪᕐᒥᒃ ᑕᐅᑐᒃᑕᐅᒃᖢᒋᑦ ᑲᓇᑕᒥ ᐊᕐᕌᒎᕋᑖᕐᑐᓂᒃ ᑕᓪᓕᒪᓂ.
GDP ᐱᕈᖅᐸᓪᓕᐊᓂᖓ
(ᐊᑐᕐᑕᐅᓂᐊᕋᓱᒋᔭᐅᓂᒃᑯᑦ ᑲᑎᒪᓂᕐᔪᐊᓄᑦ ᑲᑎᒪᔨᑦ ᑲᓇᑕᒥ)
- ᓄᓇᕗᒥᑦ ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ ᑮᓇᐅᔭᓕᐅᕈᑎᖏᑦ GDP ᐱᕈᖅᐹᓪᓕᕐᓂᐊᕋᓱᒋᔭᐅᔪᖅ 4.4% 2018-ᒥᑦ ᐊᒻᒪ 9.1% 2019-ᒥᑦ.
- ᓄᓇᑦᓯᐊᕐᒥ ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ ᑮᓇᐅᔭᓕᐅᕈᑎᖏᑦ GDP ᑲᑕᖕᓂᐊᕋᓱᒋᔭᐅᔪᑦ 2.9% 2018-ᒥᑦ ᐊᒻᒪ ᑲᑕᒃᐹᓪᓕᖃᑦᑕᕐᓂᐊᕋᓱᒋᔭᐅᓪᓗᓂ ᒫᓂ 1.1% ᐊᕐᕌᒍᑕᒫᑦ ᐊᕐᕌᒍ 25-ᓂ ᐊᒡᒋᖅᑐᓂᒃ.
- ᔫᑳᓐᒥ ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ ᑮᓇᐅᔭᓕᐅᕈᑎᖏᑦ GDP ᐱᕈᕐᓂᖓ ᑎᑭᓐᓂᐊᕐᑐᖅ 8.1% 2018-ᒥᑦ ᐊᒻᒪ ᒫᓃᑲᑕᖕᓂᐊᖅᖢᓂ 6.2% 2019/25-ᒧᑦ ᓱᑲᐃᒡᓕᓚᐅᙱᓐᓂᖓᓂᒃ ᐊᕐᕋᒍ 15-ᓂᒃ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᑕᒪᕐᒥᒃ ᐱᖓᓱᑦ ᑎᐅᕆᑑᕆᓂᒃ ᑮᓇᐅᔭᓕᐅᕈᑏᑦ ᒪᑯᓇᙶᕐᓂᕐᓴᐅᕙᖕᒪᑦ ᓄᓇᒥᙶᖅᑕᐅᕙᓪᓕᐊᔪᓂ ᐱᓕᕆᐊᖃᖅᑐᓂᒃ, ᑕᒪᒃᑯᐊᓗ ᖁᕝᕙᕈᓐᓇᑦᑎᐊᖅᖢᑎᒃ ᐊᒻᒪᓗ ᑲᑕᒍᓐᓇᖅᖢᑎᒃ.
- ᓄᓇᕗᑦ ᐱᒋᐊᕐᕕᖕᒦᓕᕐᒪᑦ ᐅᔭᕋᖕᓂᐊᕐᓂᒃᑯᑦ ᖁᕝᕙᖅᐹᓕᕐᓇᖅᓯᑎᓪᓗᒍ ᐱᔾᔪᑎᒋᓪᓗᒍ ᐅᔭᕋᖕᓂᐊᕐᕖᑦ ᓴᕿᑎᑦᑎᕚᓪᓕᕐᓯᒪᓂᖏᓐᓂᒃ ᐊᒻᒪᓗ ᖃᔅᓯᒐᓴᖕᓂᒃ ᓄᑖᓂᒃ ᐅᔭᕋᖕᓂᐊᕐᕕᖕᓂ ᐋᕿᒃᓱᖅᑕᐅᕙᓪᓕᐊᔪᓂᒃ.
- ᓄᓇᑦᓯᐊᑉ ᑮᓇᐅᔭᓕᐅᕐᓂᖓ ᖃᓂᑦᑐᒃᑯᑦ ᒥᒃᖠᕚᓪᓕᕐᓂᖃᕐᓂᐊᕋᓱᒋᔭᐅᔪᖅ ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ ᑮᓇᐅᔭᓕᐅᕈᑎᖏᑦ GDP ᒪᑐᓚᐅᕐᑎᓪᓗᒍ ᐊᖏᓂᖅᐹ ᐊᓕᒎᔭᒧᑦ ᑕᐃᒪᓐᒧᑦ ᐅᔭᕋᖕᓂᐊᕐᕕᒃ.
- ᔫᑳᓐ ᓄᑖᓂᒃ ᐱᖓᓱᓂᒃ ᐅᔭᕋᖕᓂᐊᕐᕕᒃᑖᕐᓂᐊᓯᔪᖅ, ᑖᓐᓇᓗ ᐃᑲᔫᑎᐅᓂᐊᖅᖢᓂ ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ ᑮᓇᐅᔭᓕᐅᕈᑎᖏᓐᓂᒃ GDP-ᒥ ᐱᕈᖅᑎᑦᑎᕚᓪᓕᕈᑎᐅᓂᐊᖅᑐᓂᒃ ᐊᕐᕌᒍᓂᒃ ᐊᒡᒋᖅᑐᓂᒃ.
ᖃᐅᔨᒃᑲᓐᓂᕈᒪᕖ?
- Conference Board of Canada: Territorial Outlook Economic Forecast Spring 2018
- Government of Yukon: Fiscal and Economic Outlook March 2018 (PDF)
- Government of Northwest Territories, Bureau of Statistics: Gross Domestic Product 2017 (PDF)
- Government of Nunavut, Department of Finance: 2017-18 Fiscal and Economic Indicators
ᖃᐅᔨᕝᕕᐅᔪᑦ: ᓇᐃᓴᐃᔨᑦ ᑲᓇᑕᒥ; ᑲᑎᒪᓂᕐᒧᑦ ᑲᑎᒪᔩᑦ ᑲᓇᑕᒥ; ᓄᓇᕗᑦ ᒐᕙᒪᒃᑯᑦ ᐊᕐᕌᒍᒧᑦ ᐊᒻᒪ ᑮᓇᐅᔭᓕᐅᕐᓂᕐᒧᑦ ᓇᓗᓇᐃᒃᑯᑎᖏᑦ
Description of ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ GDP ᑮᓇᐅᔭᓕᐅᕈᑎᖏᑦ (2011–2017)
ᐳᕐᓯᓐᑎᖓᒍᑦ ᐊᓯᔾᔨᕐᓯᒪᔪᖅ ᐅᓪᓗᒥ ᐊᒻᒪ ᐊᕐᕌᒍᓯᒪᔪᓂ, ᑮᓇᐅᔭᓕᐅᕐᐸᓪᓕᐊᓂᖏᑎᒍᑦ, ᐊᒻᒪ ᓱᕐᕋᕐᓯᒪᓗᐊᕋᓂ ᑲᓇᑕᓕᒫᒥ ᐊᕐᕌᒍᑦ ᐊᑯᓐᓂᖏᓐᓂ 2011,ᒥᑦ 2017,ᒧᑦ, ᑭᓯᐊᓂ ᐅᑭᐅᕐᑕᕐᑐᒥ ᑕᐃᒪᐃᓯᒪᓇᓂ ᐊᓯᔾᔨᕐᑕᕐᓯᒪᔪᒻᒪᕆᐅᒻᒪᓪᓕ ᐊᕐᕌᒍᓂ ᑖᒃᑯᓇᓂᑦᓴᐃᓐᓇᖅ.
| ᓄᓇᖓ | 2011 | 2012 | 2013 | 2014 | 2015 | 2016 | 2017 |
|---|---|---|---|---|---|---|---|
| ᑲᓇᑕ | 3.7% | 1.3% | 2.3% | 4.2% | 1.1% | 1.2% | 3.5% |
| ᔫᑳᓐ | 4.9% | 4.0% | 1.5% | 0.6% | -7.9% | 8.3% | -1.4% |
| ᓄᓇᑦᓯᐊᖅ | -9.2% | -0.6% | 2.8% | 4.7% | 1.2% | 0.8% | 5.2% |
| ᓄᓇᕗᑦ | 5.8% | 2.5% | 10.1% | -1.3% | -0.6% | 1.9% | 13.3% |
ᖃᐅᔨᕝᕕᐅᔪᖅ: ᓇᐃᓴᐃᔨᑦ ᑲᓇᑕᒥ
Description of ᐱᓕᕆᐊᑎᒍ ᐊᕕᒃᑐᕐᓯᒪᓂᒃᑯᑦ GDP ᐱᔭᐅᕙᓪᓕᐊᔪᑦ ᑲᓇᑕᒥ ᐊᒻᒪ ᑎᐅᕆᑑᕆᓂᒃ (2017)
2017,ᒥ ᑭᒃᑯᑐᐃᓐᓇᐃᑦ ᐃᑲᔪᕐᓯᒪᓂᖏᑦ ᑮᓇᐅᔭᓕᐅᖃᑕᐅᓂᒃᑯᑦ ᐱᖓᓱᓂ ᐅᑭᐅᕐᑕᕐᑑᑉ ᐊᕕᒃᑐᕐᓯᒪᓂᐊᓂ, ᑭᓯᐊᓂ 18%,ᐳᕐᓯᓐᑐᐃᓐᓇᖓ ᑲᓇᑕᒥ ᑮᓇᐅᔭᓕᐅᕈᑕᐅᒧᑦ ᑲᑎᓪᓗᒋᑦ.
| ᑭᒃᑯᑦ | ᑲᓇᑕ | ᔫᑳᓐ | ᓄᓇᑦᓯᐊᖅ | ᓄᓇᕗᑦ |
|---|---|---|---|---|
| ᑭᒃᑯᑐᐃᓐᓈᖓᔪᑦ (ᐃᓕᓐᓂᐊᕐᓂᖅ ᐊᒻᒪ ᖃᓄᐃᖏᑦᓯᐊᕋᓱᐊᕐᓂᖅ) | 18% | 35% | 26% | 31% |
| ᓄᓇᒥᒃ ᑮᓇᐅᔭᓕᐅᕈᑏᑦ (ᐅᔭᕋᓐᓂᐊᕐᓂᖅ, ᖁᓪᓕᓴᔭᓐᓂᐊᕐᓂᖅ, ᐅᕐᓱᐊᓗᓐᓂᐊᕐᓂᖅ ᒑᓴᓕᕐᓂᐊᕐᓂᕐᓗ) | 8% | 12% | 31% | 18% |
| ᐃᓪᓗᕐᔪᐊᕐᓕᐅᕐᓂᖅ | 7% | 10% | 8% | 9% |
| ᐃᓪᓗᓕᐅᕐᓂᖅ, ᐃᓪᓗᓂᒃ ᐊᑐᕐᑐᐊᕐᓂᖅ, ᐊᒻᒪ ᐊᑐᕐᑕᐅᑎᑦᓯᓂᖅ | 13% | 14% | 8% | 10% |
| ᐃᖏᕐᕋᐅᑎᖃᓂᖅ ᐊᒻᒪ ᓯᕐᓗᐊᖃᓂᖅ | 4% | 3% | 9% | 2% |
| ᐊᓯᖏᑦ (ᓲᕐᓗ, ᓂᐅᕕᕋᕐᓂᖅ; ᓴᓇᖑᐊᕐᓂᖅ, ᑕᑯᓐᓈᕐᑎᑦᓯᓂᖅ ᐊᒻᒪ ᐃᑲᕐᓴᕐᓂᖅ, ᐊᖏᓪᓗ) | 50% | 25% | 18% | 29% |
ᐃᖅᑲᓇᐃᔭᕈᓐᓇᖅᑐᑦ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
- 62,000 ᐅᖓᑖᓂᒃ ᐃᖅᑲᓇᐃᔭᖅᑐᑦ, ᒫᓂᐸᓗᒃ 0.32% ᑲᓇᑕᓕᒫᒥᑦ ᐃᖅᑲᓇᐃᔭᕈᓐᓇᖅᑐᓂᒃ.
- ᐊᕕᒃᑐᕐᓯᒪᓂᒃᑯᑦ ᐱᓕᕆᖃᑕᐅᓂᕐᒧᑦ ᖃᓄᐃᓕᐅᕐᓂᖅ (72.9%) ᖁᑦᑎᖕᓂᕐᓴᐅᕗᖅ ᑲᓇᑕᓕᒫᒥᑦ ᐱᓕᕆᖃᑕᐅᓂᕐᒥᒃ (65.2%).
- ᐅᖓᑎᑦᑎᐊᖓᓂ 3% ᑲᓇᑕᒥ ᓄᓇᖃᖅᑳᖅᑐᑦ ᐃᖅᑲᓇᐃᔭᕐᓂᖏᑦ (20,295).
ᖃᐅᔨᒪᕕᑦ…
58.7% ᐃᓐᓇᐃᑦ ᐅᑭᐅᖃᖅᑐᑦ 25-ᓂᒃ 64-ᓄᑦ ᑎᐅᕆᑑᕆᓂᒃ ᐃᓕᓐᓂᐊᒃᑲᓐᓂᕈᑎᓂᒃ ᐱᐊᓂᒃᓯᓯᒪᔪᑦ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᑕᐅᑐᒃᖢᒋᑦ ᐅᑯᐊ ᓄᓇᖃᖅᑳᙱᑦᑐᑦ ᐃᖅᑲᓇᐃᔭᙱᓐᓂᖏᑦ, 2016-ᒥᑦ ᓄᓇᖃᖅᑳᖅᑐᑦ ᐃᖅᑲᓇᐃᔭᙱᓐᓂᖏᑦ ᒫᓃᓚᐅᕐᑐᖅ 16.4%-ᒥ ᖁᑦᑎᖕᓂᕐᓴᐅᓪᓗᓂ ᔫᑳᓐᓂᑦ, 14.5%-ᒥ ᖁᑦᑎᖕᓂᕐᓴᐅᓪᓗᓂ ᓄᓇᑦᓯᐊᕐᒥᑦ ᐊᒻᒪᓗ 24.6%-ᒥ ᖁᑦᑎᖕᓂᕐᓴᐅᓪᓗᓂ ᓄᓇᕗᒥᑦ.
- ᑕᐃᒪᙵᓂᑦ 2016-ᒥᑦ, ᐃᖅᑲᓇᐃᔭᙱᓐᓂᐅᔪᑦ ᑕᒪᐃᓐᓂ ᐱᖓᓱᓂᒃ ᑎᐅᕆᑑᕆᓂᒃ ᑲᑕᒃᐸᓪᓕᐊᖏᓐᓇᖅᐳᖅ - 2017-ᒥᑦ, ᐃᖅᑲᓇᐃᔭᙱᑦᑐᑦ ᖃᓄᐃᓕᖓᓂᖏᑦ ᔫᑳᓐᒥ 3.6%, 6.6% ᓄᓇᑦᓯᐊᕐᒥᑦ ᐊᒻᒪ 14.6% ᓄᓇᕗᒥᑦ.
- ᐃᖅᑲᓇᐃᔭᙱᑦᑐ ᑎᐅᕆᑑᕆᓂᒃ ᐊᖓᔪᖄᖃᕐᕕᐅᙱᑦᑐᒦᑦᑐᑦ ᖁᑦᑎᖕᓂᕐᓴᐅᕗᑦ ᑎᐅᕆᑑᕆᓂᒃ ᓇᓗᓇᐃᔭᕐᓯᒪᔪᓂᒃ.
Description of ᖁᑦᑎᖕᓂᖅᐹᑦ ᐱᓕᕆᕝᕕᐅᔪᑦ ᐃᖅᑲᓇᐃᔮᖃᖅᑎᑦᑎᓂᒃᑯᑦ ᑎᐅᕆᑑᕆᓂᒃ (2016) (ᐃᓱᒪᖏᔭᐅᔪᒃᑯᑦ ᐊᒻᒪ ᐊᕕᒃᑐᕐᓯᒪᓂᒃᑰᖓᔪᑦ ᑲᑎᓯᒪᓪᓗᑎᒃ)
ᐅᑭᐅᕐᑕᕐᑐᓕᒫᒥ, ᐃᖅᑲᓇᐃᔭᕐᕕᐅᓂᕐᐹᑦ.
| ᐊᕕᑦᑐᓯᒪᓂᐊᒍᑦ ᐅᑭᐅᕐᑕᕐᑑᑉ | % |
|---|---|
| ᑭᒃᑯᑐᐃᓐᓈᖓᔪᓕᕆᔪᑦ ᒐᕙᒪᓐ | 31% |
| ᓂᐅᕐᕈᓯᐅᕐᓂᖅ | 12% |
| ᖃᓄᐃᖏᑦᓯᐊᕋᓱᐊᕐᓂᖅ ᐊᒻᒪ ᐃᓅᓯᓕᕆᓂᖅ | 11% |
| ᐃᓕᓐᓂᐊᕐᑐᓕᕆᓂᖅ | 10% |
| ᓴᓇᓂᖅ ᐃᓪᓗᕐᔪᐊᓂᒃ | 9% |
| ᐃᓪᓗᖃᕐᑎᑦᓯᓂᖅ ᐊᒻᒪ ᓂᕿᓕᕆᓂᖅ | 7% |
| ᐃᖏᕐᕋᐅᑎᓕᕆᓂᖅ ᓯᕐᓗᐊᓕᕆᓂᕐᓗ | 6% |
| ᓄᓇᒥᑦ ᐲᔭᐃᓂᒃᑯᑦ | 5% |
| ᖃᐅᔨᒪᔨᒻᒪᕆᐅᓂᖅ, ᖃᐅᔨᓴᕐᓂᖅ ᐊᒻᒪ ᓇᓗᓇᕿᔪᓕᕆᓂᖅ | 5% |
| ᐊᓯᖏᑦ | 4% |
ᖃᐅᔨᕝᕕᐅᔪᑦ: ᓇᐃᓴᐃᔨᒃᑯᑦ ᑲᓇᑕᒥ; ᓄᓇᕗᑦ ᒐᕙᒪᒃᑯᑦ ᐊᕐᕌᒍᒧᑦ ᐊᒻᒪ ᑮᓇᐅᔭᓕᐅᕈᑎᓄᑦ ᓇᓗᓇᐃᕐᓯᒍᑎᑦ
Description of ᐃᖅᑲᓇᐃᔭᕈᓐᓇᖅᑐᓂᒃ ᑕᑯᑲᐃᓐᓇᕐᓂᖅ (2016)
ᑖᒃᑯᐊ ᑐᑭᓯᒋᐊᕈᑏᑦ ᓚᐸᑐᐊᕆᒥ ᑮᓇᐅᔭᓕᐅᕈᑕᐅᓯᒪᔪᓂᒃ ᐊᔾᔨᒌᖏᑐᓂᒃ ᐱᒋᐊᕐᓂᖃᕐᓱᑎᒃ 2016,ᒥ.
| ᓄᓇᖓ | ᓚᐸᑐᐊᒥ ᑮᓇᐅᔭᓕᐅᕈᑕᐅᓯᒪᔪᑦ | ᐅᓄᕐᓂᖏᑦ |
|---|---|---|
| ᔫᑳᓐ | ᑲᑎᓪᓗᒋᑦ ᐱᓇᓱᐊᕐᑐᑦ | 21,200 ᐃᓄᖏᑦ |
| ᔫᑳᓐᒥ ᐃᒪᐅᓯᒪᔪᑦ | 75.5% | |
| ᔫᑳᓐᒥ ᐃᖅᑲᓇᐃᔭᖏᓐᓂᖅ | 9.2% | |
| ᕗᐃᑦᕼᐅᐊᕐᔅᒥ ᐃᖅᑲᓇᐃᔭᖏᓐᓂᖅ | 7.0% | |
| ᓯᓚᑖᓂ ᕗᐃᑦᕼᐅᐊᕐᔅ ᐃᖅᑲᓇᐃᔭᖏᓐᓂᖅ | 21.1% | |
| ᓄᓇᕗᑦ | ᑲᑎᓪᓗᒋᑦ ᐃᖅᑲᓇᐃᔭᕐᑐᑦ | 13,400 ᐃᓄᖏ |
| ᓄᓇᕗᒻᒥ ᐃᓚᐅᓂᖃᕐᑐᑦ | 68.3% | |
| ᓄᓇᕗᒻᒥ ᐃᖅᑲᓇᐃᔭᖏᑦᑐᑦ | 21.5% | |
| ᐃᖃᓗᓐᓂ ᐃᖅᑲᓇᐃᔭᖏᖅᑐᑦ | 9.6% | |
| ᓯᓚᑖᓂ ᐃᖃᓗᐃᑦ ᐃᖅᑲᓇᐃᔭᖏᑦᑐᑦ | 27.6% | |
| ᓄᓇᑦᓯᐊᒥ ᐊᕕᑦᑐᕐᓯᒪᓂᒃᑯᑦ | ᑲᑎᓪᓗᒋᑦ ᐃᖅᑲᓇᐃᔭᖏᑦᑐᑦ | 21,300 ᐃᓄᖏᑦ |
| ᓄᓇᑦᓯᐊᒥ ᐅᓄᕐᓂᖏᑦ | 74.1% | |
| ᓄᓇᑦᓯᐊᒥ ᐃᖅᑲᓇᐃᔭᖏᑦᑐᑦ | 10.6% | |
| ᔨᐊᓗᓇᐃᒥ ᐃᖅᑲᓇᐃᔭᖏᑦᑐᑦ | 5.9% | |
| ᔨᐊᓗᓇᐃᑉ ᓯᓚᑖᓂ ᐃᖅᑲᓇᐃᔭᖏᑦᑐᑦ | 21.9% |
ᑭᐳᒃᓯᑲᑕᖕᓂᖅ ᑕᐅᖅᓰᓂᖅ
ᓄᓇᕐᔪᐊᕐᒥᑦ ᑭᐳᒃᓯᑲᑕᖕᓂᖅ
- 2017-ᒥᑦ, ᐱᖓᓱᑦ ᑎᐅᕆᑑᕆᐅᔪᑦ ᐊᐅᓪᓚᖅᑎᑦᑎᓚᐅᕐᓯᒪᕗᑦ ᐅᖓᑖᓂᒃ $2.4 ᐱᓕᐊᓐᑖᓚᓂᒃ ᐱᖁᑎᐅᓪᓗᑎᒃ ᓄᓇᕐᔪᐊᒧᑦ, ᐊᒻᒪᓗ ᑎᑭᑎᑦᑎᓯᒪᓪᓗᑎᒃ ᐅᖓᑖᓂᒃ $158 ᒥᓕᐊᓐᑖᓚᑐᕐᑐᓂᒃ ᐱᖁᑎᒃᓴᓂᒃ (ᐃᓚᐅᙱᖢᑎᒃ ᐱᔨᑦᑎᕋᕈᑎᑦ).
- ᐅᐸᒃᑕᐅᒐᔪᓛᖑᔪᑦ ᓂᐅᕐᕈᑎᒃᓴᓂᒃ ᐊᐅᓪᓚᖅᑎᑕᐅᔪᓂᒃ ᐅᑯᐊᖑᓚᐅᕐᑐᑦ ᐃᐅᕈᑉ (60%), ᐊᐃᓯᐊ (24%), ᐊᒻᒪ ᐋᕗᕆᑕ ᕿᑎᕐᒥᐅᑕᑦ (11%).
ᖃᐅᔨᒪᕕᑦ…
- ᐊᕕᒃᑐᕐᓯᒪᓂᒃᑯᑦ ᑭᐳᒃᓯᑲᑕᖕᓂᖅ ᐊᖏᓂᕐᓴᒃᑰᖓᖃᑦᑕᖅᐳᖅ ᓄᓇᕐᔪᐊᒥᑦ ᑭᐳᒃᓯᑲᑕᖕᓂᕐᒥᒃ ᐅᕘᓇ ᑎᐅᕆᑑᕆᑎᒍᑦ ᓂᐅᕕᖅᑕᐅᕙᒃᑐᑦ ᐊᑐᖅᑕᐅᓂᐊᕐᓂᕐᒧᑦ ᑮᓇᐅᔭᓕᐅᕈᑎᑦ GDP.
- ᐊᓕᒎᔭᑦ ᑕᐃᒪᓐᔅ ᐊᖏᓛᖑᕗᑦ ᐊᑭᖏᑦᑎᒍᑦ ᑎᐅᕆᑑᕆᑎᒍᑦ ᓄᓇᕐᔪᐊᕐᒧᑦ ᑭᐳᒃᓯᑲᑕᖕᓂᒃᑯᑦ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᐱᑕᖃᙱᓗᐊᕐᓂᖅ ᐊᑐᕋᔭᖅᑐᓂᒃ ᐃᒡᓗᓂᒃ ᓈᒻᒪᙱᓕᐅᕈᑎᐅᕗᖅ ᑎᐅᕆᑑᕆᓄᑦ ᑎᑭᑎᑦᑎᓂᒃᑯᑦ ᐱᖁᑎᒃᓴᓂᒃ ᑭᐳᒃᓯᖃᑎᖃᕐᓂᒃᑯᑦ ᑕᐅᑐᒃᖢᒋᑦ ᐊᓯᖏᑦ ᐅᑭᐅᕐᑕᖅᑐᕐᒥ ᓄᓇᓕᕐᔪᐊᑦ.
- ᔫᑳᓐ ᓴᙱᓂᖃᓛᖑᕗᑦ ᑭᐳᒃᓯᖃᑦᑕᕐᓂᕐᒥᒃ ᔫᓇᐃᑕᑦ ᓯᑕᐃᑦᓄᑦ ᐆᒧᖓ ᑎᐅᕆᑑᕆᐅᑉ ᖃᓂᒃᓴᕐᓂᖓᓄᑦ ᐊᓛᔅᑲᒥᑦ ᐊᒻᒪᓗ ᐃᒃᓴᕐᕕᖕᒥᒃ ᓯᑳᒡᕗᐃ, ᐊᓛᔅᑲᒥᑦ.
- ᑕᒪᕐᒥᒃ ᐱᖓᓱᑦ ᑎᐅᕆᑑᕆᑦ ᐱᓕᕆᖃᑎᖃᕐᓂᕐᓴᐅᓕᖅᑐᑦ ᐊᐃᓯᐊᒥᑦ ᐊᕐᕌᒍᓂ ᐊᓂᒍᕋᑖᕐᓂᑯᓂᒃ ᐊᒻᒪᓗ ᐱᓕᕆᖃᑎᒌᖕᓂᖅ ᐱᕙᓪᓕᐊᓂᐊᕋᓱᒋᔭᐅᓪᓗᓂ.
- ᖃᖓᑦᑎᐊᓵᖅ ᐊᑎᓕᐅᕐᓯᒪᔪᑦ ᑭᐳᒃᓯᑲᑕᖕᓂᕐᒧᑦ ᐊᖏᕈᑎᑦ ᐱᐅᓯᕚᓪᓕᕈᑎᐅᑐᐃᓐᓇᕆᐊᖃᖅᑐᑦ ᐅᐊᖕᓇᕐᒥᐅᑦ ᑭᐳᒃᓯᑲᑕᒍᑎᒃᓴᖏᓐᓄᑦ ᐊᒡᒋᖅᑐᓂᒃ ᐊᕐᕌᒍᓂᒃ.
Description of ᑎᐅᕆᑑᕇᑦ ᓂᐅᕕᐊᒃᓴᖏᓐᓂᒃ ᐊᐅᓪᓚᖅᑎᑦᑎᕙᖕᓄᑦ ᓇᒧᙵᐅᓂᖏᑦᑎᒍᑦ (2017)
ᑖᒃᑯᐊ ᑐᑭᓯᒋᐊᕈᑏᑦ ᐅᖓᓯᑦᑐᒧᑦ ᐊᐅᓪᓚᕐᑎᑦᓯᓂᒃᑯᑦ ᑮᓇᐅᔭᓕᐅᕈᑎᓂᒃ ᐊᕕᒃᑐᕐᓯᒪᓂᐊᒍᑦ ᐅᑭᐅᕐᑕᕐᑑᑉ. 60%,ᖑᔪᒥᒃ ᑲᓇᑕᐅᑉ ᐊᓯᐊᓄᑦ ᓂᐅᕕᐊᒃᓴᓕᐅᕐᐸᑦᑐᑦ ᔪᕋᑉᒧᑦ, ᑭᖑᓕᖃᖅᓱᑎᒃ ᐊᐃᓴᒥᒃ 24%,ᒧᑦ.
| ᓄᓇᖓ | ᐳᕐᓯᓐᑎᔅᖓ ᑲᓇᑕᐅᑉ ᐊᓯᐊᓄᐊᓄᑦ ᓂᐅᕕᐊᒃᓴᑦ |
|---|---|
| ᔪᕋᑉ | 60% |
| ᐊᐃᓴ | 24% |
| ᐊᒥᐊᓕᑲ ᐊᒻᒪ ᐃᓱᕆᐊᓪ ᐊᑭᐊᓄᑦ | 11% |
| ᐊᒥᐊᓕᑲᓐ | 5% |
| ᓛᑕᓐ ᐊᒥᐊᓕᑲ | 0.21% |
Description of ᑎᐅᕆᑑᕆᓂᒃ ᓂᐅᕕᐊᒃᓴᓂᒃ ᐊᐅᓪᓚᖅᑎᑦᑎᕙᖕᓂᖅ ᐱᖁᑎᑎᒍᑦ ᐊᒻᒪ ᐊᑭᖏᑦᑎᒍᑦ (2017)
ᑖᒃᑯᐊ ᑐᑭᓯᒋᐊᕈᑎᑦ ᑲᓇᑕᐅᑉ ᐊᓯᐊᓄᑦ ᓂᐅᕕᐊᒃᓴᓕᐅᕐᐸᓐᓂᕐᒥᒃ ᓱᓇᐅᓂᖏᓐᓂᒃ ᐊᒻᒪ ᐊᑭᑐᑎᒋᓂᖏᓐᓂᒃ ᖃᓄᖅ ᐅᑭᐅᕐᑕᕐᑐᒥᑦ. ᐊᑭᑐᔫᑎᑦᓴᔭᐃᑦ ᐅᔭᕋᐃᑦ ᐊᒻᒪ ᐊᓯᖏᑦ ᐅᔭᕋᐃᑦ ᐅᓄᕐᓂᖃᕐᑎᒋᔪᑦ 95% ᓂᐅᕕᕐᑕᐅᕙᑦᑐᑦ ᑲᓇᑕᐅᑉ ᐊᓯᐊᓄᑦ ᐅᑭᐅᕐᑕᕐᑐᒥᑦ.
| ᓂᐅᕕᐊᒃᓴᓕᐅᕐᑎᑦ | ᐳᕐᓯᓐᑎᔅ |
|---|---|
| ᐊᑭᑐᔪᑦ ᐅᔭᕋᐃᑦ ᐊᒻᒪ ᐊᓯᖏᑦ ᐅᔭᕋᑦ | 95% |
| ᐅᔭᕋᐃᑦ ᐊᑭᑐᔪᑦᓴᑦ | 4% |
| ᓴᕕᕋᔭᒃᓴᑦ | 0.26% |
| ᐊᓯᖏᑦ | 1% |
*ᐃᓚᖃᕐᑐᖅ NAICS ᒪᓕᒐᖏᓐᓂᒃ 11, 21, 31, 32 ᐊᒻᒪ 33
ᖃᐅᔨᕕᐅᔪᑦ: ᑲᑎᒪᔨᕐᔪᐊᑦ ᑲᑎᒪᔩᑦ ᑲᓇᑕᒥ; ᓇᐃᓴᐃᔨᒃᑯᑦ ᑲᓇᑕᒥᑦ; ᑲᓇᑕᐅᑉ ᒐᕙᒪᖓ, ᑭᐳᒃᓯᑲᑕᖕᓂᕐᒧᑦ ᓄᐊᑕᐅᕙᓪᓕᐊᔪᑦ ᖃᕋᓴᐅᔭᒃᑯᑦ
Description of ᑎᐅᕆᑑᕆᐅᔪᑦ ᓄᓇᕐᔪᐊᑎᒍᑦ ᐋᕿᒃᓯᒪᒍᑎᑦ ᑭᐳᒃᓯᑲᑕᖕᓂᕐᒧᑦ: ᓂᐅᕐᕈᑎᓂᒃ
ᐅᑭᐅᕐᑕᕐᑐᒥᓕᒫᒥ, ᖃᓄᖅ ᓂᐅᕐᕈᓯᐅᕐᓯᒪᓂᖏᑕ ᐊᔾᔨᒌᑦᓯᒪᖏᒻᒪᕆᓐᓂᖏᑦ.
| ᐊᕐᕌᒍᑦ | ᔫᑳᓐ | ᓄᓇᑦᓯᐊᖅ | ᓄᓇᕗᑦ |
|---|---|---|---|
| 2013 | 34,737 | 1,587,745 | -36,854 |
| 2015 | 34,899 | 1,842,509 | -49,629 |
| 2017 | 31,643 | 2,026,905 | 247,917 |
ᐊᑐᒃᑲᓐᓂᕈᓐᓇᖅᑐᑦ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
- ᐊᑕᐅᓯᖅ ᓇᑉᐸᖓᑕ ᓇᑉᐸᖓᓂᒃ (1/4) ᑲᓇᑕᒥᑦ ᓇᓂᔭᐅᓯᒪᔪᑦ ᐅᕐᓱᐊᓗᒃᓴᑦ ᐊᒻᒪ ᒑᓯ ᐊᑐᒃᑲᓐᓂᕈᓐᓇᖅᑐᑦ ᐊᒻᒪ ᖃᓂᒋᔭᖓᓂᒃ 1/3 ᑲᓇᑕᓕᒫᑉ ᐱᒋᔪᓐᓇᓪᓗᐊᖅᑕᖓᓂᒃ.
- ᐊᖏᔪᓄᑦ ᐅᔭᕋᐅᔭᓄᑦ ᐅᑯᓂᖓ ᐃᓚᖃᖅᖢᑎᒃ ᐊᓕᒎᔭᐃᑦ ᑕᐃᒪᓐᔅ, ᒎᓗ, ᓴᕕᕋᔭᒃᓴᑦ ᐊᒻᒪ ᓯᐊᕗ (ᑭᑭᐊᒃ), ᑕᓐᔅᑕᓐ (tungsten), ᔪᕆᓂᐊᒻ, ᑕᑯᓕᒪᓇᙱᑦᑐᑦ ᓄᓇᒥᙶᖅᑐᑦ, ᓴᕆᕋᔭᒃᓴᖅ. ᔨᖕᒃ, ᐊᒻᒪ ᑳᐳ.
ᖃᐅᔨᒪᕕᑦ…
- ᓄᓇᒥᙶᖅᑐᓂᒃ ᐊᑐᒃᑲᓐᓂᕈᓐᓇᖅᑐᓂᒃ ᓇᓂᓯᒐᓱᖕᓂᖅ ᐊᒻᒪ ᐱᕙᓪᓕᐊᒍᑎᒧᑦ ᓄᓇᕗᒥᑦ, ᔫᑳᓐᒥ ᐊᒻᒪ ᓄᓇᑦᓯᐊᕐᒥ, ᓄᓇᕐᔪᐊᓕᒫᒥᑦ ᖃᐅᔨᒪᔭᐅᓕᕐᑐᖅ ᐊᒻᒪ ᑮᓇᐅᔭᑎᒍᑦ ᐃᑲᔪᕈᑎᐅᓂᕐᓴᐅᓕᖅᓗᑎᒃ.
- ᐅᖓᑖᓂᒃ ᓇᑉᐸᖓᑕ ᓇᐸᖓᓂ ᑲᑎᖢᑎᒃ ᑮᓇᐅᔭᓕᐅᕈᑎᐅᔪᑦ ᓄᓇᑦᓯᐊᕐᒥ 2016-ᒥ ᒪᑯᓇᙶᓚᐅᕐᐳᑦ ᓄᓇᒥᙶᖅᑐᓂᒃ ᐊᑐᒃᑲᓐᓂᕈᓐᓇᖅᑐᓕᕆᓂᕐᒥᒃ.
- ᔫᓇᐃᑦ ᓯᑕᐃᑦᔅ ᓄᓇᓕᕆᓂᕐᒥᒃ ᖃᐅᔨᓴᕈᑎᖓ ᐃᓱᒪᒋᔭᖃᓚᐅᕐᓯᒪᔪᑦ 2009-ᒥᑦ ᐃᒪᓐᓇ 13% ᓄᓇᕐᔪᐊᓕᒫᒥᑦ ᓇᓂᔭᐅᓯᒪᙱᑦᑐᑦ ᐅᕐᓱᐊᓗᒃᓴᐃᑦ ᐊᒻᒪ 30% ᓇᓂᔭᐅᓯᒪᙱᑦᑐᑦ ᒑᓴᓖᒃᓴᑦ ᓇᓂᔭᐅᔪᓐᓇᕋᓱᒋᔭᐅᓪᓗᑎᒃ ᐅᑭᐅᕐᑕᖅᑐᕐᒥᑦ ᓈᐹᖅᑐᖃᙱᑦᑐᒥᑦ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᑲᑎᒪᔨᕐᔪᐊᑦ ᑲᑎᒪᓂᕐᒧᑦ ᑲᓇᑕᒥ ᐃᓱᒪᒋᔭᖃᓚᐅᕐᑐᑦ ᐅᓇ ᑎᑭᓪᓗᒍ 2020, ᐅᔭᕋᖕᓂᐊᕐᓂᖅ ᑲᓇᑕᐅᑉ ᑎᐅᕆᑑᕆᖏᓐᓂᒃ ᐃᓱᒪᒋᔭᐅᓂᖓᓂᑦ ᐅᓄᕐᓯᕚᓪᓕᕈᑎᐅᓂᐊᕆᐊᒃᓴᖓᓂᒃ ᒪᕐᕈᐃᐸᓗᒡᓗᓂ 2011-ᒥᑦ ᐱᔭᐅᓯᒪᓂᑯᑎᒍᑦ, ᐃᓱᒪᓪᓗᑎᒃ ᑲᑎᕐᖓᓗᑎᒃ ᐊᕐᕌᒍᒥ ᐱᕈᖅᐸᓪᓕᐊᓇᔭᕐᓂᖏᓐᓂᒃ ᐃᒪᓐᓇ 7.5% ᑎᐅᕆᑑᕆᓂᒃ ᑕᐅᑐᙳᐊᖅᖢᒍ 2.2% ᐊᓯᖏᓐᓂᒃ ᑲᓇᑕᒦᑦᑐᓂᒃ.
- ᐊᒥᓱᑦ ᓴᕿᑉᐸᓪᓕᐊᔪᑦ ᐱᓕᕆᔾᔪᑎᐅᔪ ᐊᑐᖅᑕᐅᔪᓐᓇᕐᒪᑕ ᐊᑐᒃᑲᓐᓂᕈᓐᓇᖅᑐᓂᒃ ᐱᕙᓪᓕᐊᔭᐅᔪᓂᒃ ᓴᓇᓯᒪᓂᖏᓐᓄᑦ ᐱᑕᖃᐃᓐᓇᖅᐸᙱᑦᑐᓂᒃ ᓄᓇᒥᙶᖅᓯᒪᔪᓂᒃ.
- ᐅᔭᕋᖕᓂᐊᕐᕖᑦ ᑭᓱᖃᐃᓐᓇᐅᔭᙱᒻᒪᑕ, ᐊᒻᒪᓗ ᐊᑐᓂ ᐅᕙᕋᖕᓂᐊᕐᕕᒃ ᒪᑐᓂᖓ ᐊᒃᑐᐃᓂᖃᕈᓐᓇᒻᒪᕆᒃᖢᓂ ᑎᐅᕆᑑᕆᐅᑉ GDP-ᖓᓂ. ᑭᓯᐊᓂᓕ, ᐋᕿᒋᐊᕐᓯᓂᖅ ᐃᓂᑐᖃᖏᓐᓄᑦ ᒪᑐᑎᓪᓗᒋ ᐊᒻᒪ ᑮᓇᐅᔭᓕᐅᕋᓱᖕᓂᕐᒧᑦ ᐱᕕᖃᕈᑎᐅᔪᓐᓇᖅᑐᑦ.
ᖃᐅᔨᕝᕕᐅᔪᑦ: ᐊᑐᐊᒐᓕᕆᔨᒃᑯᑦ ᑲᓇᑕᒥ; ᓇᐃᓴᐃᔨᑦ ᑲᓇᑕᒥ; ᑳᓄᐊ; ᔫᓇᐃᑕᑦ ᓯᑕᐃᑦᔅ ᓄᓇᙳᐊᓕᕆᓂᕐᒧᑦ ᖃᐅᔨᓴᖅᑎᑦ
Description of ᐅᔭᕋᐅᔭᓂᒃ ᖃᐅᔨᓴᖅᐸᓪᓕᐊᓂᕐᒧᑦ ᐊᑐᖅᑕᐅᔪᑦ ($ ᒥᓕᐊᓐᖏᓐᓂᒃ)
ᕿᓂᕐᓂᕐᒧᑦ ᐊᑭᑐᔪᒃᓴᔭᓂᒃ ᐅᑭᐅᕐᑕᕐᑐᒥ ᐊᔾᔨᒌᑉᐸᖏᑦᑐᖅ ᐊᕐᕌᒍᑕᒫᑦ ᑕᒪᐃᓐᓂ ᐊᕕᑦᑐᕐᓯᒪᔪᓂ, ᑭᓯᐊᓂ ᐅᓄᕐᓯᒋᐊᒐᓛᑦᓯᒪᔪᑦ ᐊᒻᒪ ᐅᓄᕈᓐᓇᐃᕐᐸᓪᓕᐊᓯᒪᓪᓗᑎᒃ ᐊᕐᕌᒍᑕᒫᑦ ᑕᐃᒪᖓᓂᑦ ᑲᑕᒋᐊᓕᓚᐅᕐᓯᒪᒻᒪᑕ 2013,ᒥ.
| ᓄᓇ | 2013 | 2014 | 2015 | 2016 | 2017 (ᓯᕗᓪᓕᕐᐹᒥ ᐊᑐᕐᑕᐅᔪᒪᔪᑦ) | 2018 (ᒥᒃᓴᐅᓴᕐᑕᐅᓯᒪᓂᖏᑦ ᐊᑐᕋᔭᕐᑐᑦ) |
|---|---|---|---|---|---|---|
| ᔫᑳᓐ | 100.6 | 5.3 | 5.0 | 5.5 | 7.8 | 7.7 |
| ᓄᓇᑦᓯᐊᖅ | 77.9 | 5.0 | 5.5 | 4.5 | 4.3 | 3.6 |
| ᓄᓇᓄᑦ | 257.6 | 7.8 | 11.7 | 12.6 | 8.0 | 4.9 |
ᐊᓯᖏᑦ ᑮᓇᐅᔭᓕᐅᕐᓂᕐᒧᑦ ᐱᓕᕆᕝᕕᐅᔪᑦ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
ᐊᔾᔨᒌᙱᑦᑑᑎᓂᒃ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᕝᕕᒃᓄᑦ, ᐅᑯᓂᖓ ᐃᓚᖃᖅᖢᑎᒃ, ᐳᓚᕋᖅᑐᓕᕆᓂᖅ, ᐃᓕᖁᓯᒃᑯᑦ ᑮᓇᐅᔭᓕᐅᕋᓱᖕᓃᑦ, ᐱᕈᖅᑎᑦᑎᓂᕐᒧᑦᐊᒻᒪ ᐃᖃᓗᒐᓱᖕᓂᕐᒧᑦ.
- ᐳᓚᕋᖅᑐᓕᕆᓂᕐᒧᑦ ᐊᑐᐃᓐᓇᐅᔪᑦ ᐃᓚᐅᑎᑦᑎᔪᑦ ᐊᖅᓴᕐᓂᕐᓂᒃ ᑕᑯᓐᓈᖅᑎᑦᑎᓂᖅ, ᐊᐅᓪᓚᑲᑕᑉᓂᕐᒧᑦ ᐳᓚᕋᖅᑐᓕᕆᓂᖅ ᐊᒻᒪᓗ ᐊᔾᔨᐅᙱᑦᑐᑦ ᓄᓇᖃᖅᑳᖅᓯᒪᔪᓄᑦ ᐱᖅᑯᓯᕐᓂᒃ ᐊᑐᖅᑎᑦᑎᓂᖅ.
- 2,074 ᐃᓕᖁᓯᒃᑯᑦ ᑮᓇᐅᔭᓕᐅᕋᓱᖕᓂᕐᒧᑦ ᐃᖅᑲᓇᐃᔮᑦ ᐊᒻᒪ 0.3%-ᒋᔭᐅᓪᓗᓂ ᑲᓇᑕᒥ ᐃᓕᖁᓯᓕᕆᓂᒃᑯᑦ ᑮᓇᐅᔭᓕᐅᕈᑎᓄᑦ GDP 2016-ᒥᑦ.
- 230 ᓂᕿᒃᓴᓂᒃ ᐱᕈᕐᓯᖃᖅᐸᒃᑐ ᐊᒻᒪ 158 ᓂᕿᒃᓴᓂᒃ ᐱᕈᕐᓯᐊᖃᕐᕖᑦ 2016-ᒥᑦ.
- ᐅᖓᑖᓂᒃ $5 ᒥᓕᐊᓐᑖᓚ ᑲᓇᑕᒥᐅᓄᑦ ᐊᐅᓪᓚᖅᑎᑦᑎᕙᖕᓂᕐᒧᑦ ᐃᖃᓗᓕᕆᓂᕐᒥ 2017-ᒥ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᖃᓄᐃᓕᐅᕈᑎᐅᔪᒥᓇᖅᑐᑦ ᐱᕈᖅᑎᑦᑎᕙᓪᓕᐊᓂᒃᑯᑦ, ᒪᑯᑎᑐᓇᖅ ᐱᕈᐊᓚᒍᑎᓕᖕᓂ ᐱᕈᕐᓯᐊᖅᕕᒃᓴᓂᒃ, ᑕᒪᒃᑯᐊ ᒪᑐᐃᖓᑎᑕᐅᕙᓪᓕᐊᓕᕐᒪᑕ ᐅᓄᕐᓂᕐᓴᐅᓕᖁᓪᓗᒋ ᓴᕿᑎᑦᑎᕙᓪᓕᐊᓂᖅ ᐊᒻᒪᓗ ᐊᑭᑭᓐᓂᕐᓴᐅᓕᕋᔭᖅᖢᑎᒃ ᐱᕈᖅᑐᑦ ᓂᕆᔭᒃᓴ ᑎᐅᕆᑑᕆᓂᒃ.
- ᐊᕐᕌᒎᓕᖅᑐᓂᒃ 9-ᓂ, ᐊᕐᕌᒍᑕᒫᑦ ᐃᖃᓗᒐᓱᒃᑕᐅᔪᓐᓇᖅᑐᑦ (ᓂᐅᕐᕈᑎᒃᓴᐅᓂᐊᕐᓗᑎᒃ) ᑎᐅᕆᑑᕆᓂᒃ ᐅᓄᕐᓯᕚᓪᓕᕐᓂᖃᖅᐳᖅ ᒪᐅᖓ $40 ᒥᓕᐊᓐ ᑖᓚᓄᑦ ᐊᒻᒪᓗ ᒫᓂ 550-ᓂᒃ ᐃᖅᑲᓇᐃᔮᒃᓴᓂᒃ ᓴᕿᑎᑦᑎᒍᑎᐅᓯᒪᓪᓗᓂ.
- ᓄᓇᕗᑦ ᑕᑯᓯᒪᓕᕐᐳᖅ ᐅᓄᕐᓯᕚᓪᓕᖅᑐᓂᒃ ᐃᓄᖕᓂ ᐅᓯᕙᒃᑐᓂᒃ ᐅᒥᐊᕐᔪᐊᓂᒃ ᐊᕐᕌᒍᑦ ᐊᓂᒍᓵᕐᓯᒪᔪᓂᒃ, ᑭᓯᐊᓂᓕ ᐱᑕᖃᙱᓗᐊᕐᓂᖓ ᐃᒪᕐᒥᐅᑕᓄᑦ ᐃᑲᔫᑎᒃᓴᓄᑦ ᐱᖁᑎᓂᒃ ᐅᑯᑎᑐᓇᖅ ᖃᓂᑦᑐᒦᑦᑐᓂᒃ ᐊᓛᔅᑲᒥᑦ, ᑲᓛᖡᑦ ᓄᓇᖓᓂᒃ ᐅᕝᕙᓘᓐᓃᑦ ᓄᐊᕗᐃᒥᑦ ᑐᓗᖅᑕᕈᑎᐅᖕᒥᖕᒪᑦ ᐱᕙᓪᓕᐊᒃᑲᓐᓂᕐᓂᕐᒥᒃ.
ᖃᐅᔨᕝᕕᐅᔪᑦ: ᓇᐃᓴᐃᔩᑦ ᑲᓇᑕᒥ; ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ; ᑲᓇᑕᐅᑉ ᐅᐊᖕᓇᖓᓄᑦ ᐱᕙᓪᓕᐊᔪᓕᕆᓂᕐᒥ ᐱᓕᕆᕝᕕᒃ; ᒥᕐᖑᐃᕐᓯᕐᕕᓕᕆᔨᒃᑯᑦ ᑲᓇᑕᒥ; ᐃᒪᕐᒥᐅᑕᓕᕆᔨᒃᑯᑦ; ᓄᓇᕗᑦ ᒐᕙᒪᒃᑯᑦ ᐱᕙᓪᓕᐊᔪᓕᕆᔨᒃᑯᑦ ᐊᒻᒪ ᐃᖏᕐᕋᔾᔪᑎᓕᕆᔨᒃᑯᑦ
Description of ᐳᓚᕋᖅᑐᓕᕆᓂᕐᒧᑦ ᐃᑲᔪᕈᑎᐅᓂᖓ ᑎᐅᕆᑑᕆᓂᒃ (2014)
ᓂᐅᕐᕈᔪᓕᕆᓂᖅ ᑕᒪᐃᓐᓄᑦ ᐃᑲᔪᕐᑐᖅ ᐃᖅᑲᓴᐃᔭᕐᓂᒃᑯᑦ ᐊᒻᒪ ᐃᓄᖏᓐᓄᑦ ᐱᖓᓱᓂ ᐊᕕᒃᑐᕐᓯᒪᓂᖏᑎᒍᑦ ᐅᑭᐅᕐᑕᕐᑑᑉ.
| ᔫᑳᓐ | ᓄᓇᑦᓯᐊᖅ | ᓄᓇᕗᑦ | ᑲᓇᑕ | |
|---|---|---|---|---|
| ᐃᒻᒥᒃᑯᑦ ᐊᓐᓇᐅᒪᓂᒃᑯᑦ | 2.7 | 1.7 | 1.2 | 1.9 |
| ᐃᖅᑲᓇᐃᔭᕐᓂᒃᑯ | 7.5 | 4.7 | 1.9 | 3.6 |
ᐱᖁᑎᑦ ᓴᓇᕝᕕᐅᔪᓐᓇᖅᑐᑦ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
- 40%-ᖓᓂᒃ ᑲᓇᑕᓕᒫᒥᑦ ᓄᓇ ᑕᐅᑐᒃᖢᒍ, ᑭᓯᐊᓂᓕ ᐃᖏᕐᕋᔾᔪᑎᓕᕆᓂᒃᑯᑦ ᑭᓱᖃᙱᓗᐊᖅᑐᑦᔪᑎᓕᕆᓂᒃᑯ.
ᖃᐅᔨᒪᕕᑦ…
- 137 ᑭᓛᒥᑕᓂ ᑕᑭᓂᓕ ᐊᖅᑯᑎ ᓴᓇᔭᐅᓚᐅᕐᓯᒪᔪᖅ ᐃᓅᕕᐅᓪᓗ ᑐᒃᑐᔭᖅᑑᓪᓗ ᐊᑯᓐᓂᐊᒍᑦ ᐱᐊᓂᒃᑕᐅᓪᓗᓂ 2017-ᒥ ᐊᒻᒪᓗ ᓯᕗᓪᓕᖅᐹᖑᓪᓗᓂ ᑲᓇᑕᒥ ᐊᖅᑯᑎᓕᐊᖑᓂᑯᒥᑦ ᐊᑦᑕᑕᕈᓐᓇᕐᓯᓯᒪᓪᓗᓂ ᐅᑭᐅᕐᑕᖅᑑᑉ ᑕᕆᐅᖓᓂᒃ.
- ᑕᒪᐃᓐᓂ ᐅᐊᖕᓇᖅᐸᓯᖓ ᓄᓇᑦᓯᐊᑉ ᐊᒻᒪ ᑕᒪᕐᒥᑦ ᓄᓇᕗᑦ ᐃᒪᒃᑯᑦ ᐊᒻᒪᓗ ᖃᖓᑕᓲᒃᑯᑦ ᑭᓯᐊᓂ ᐃᖏᕐᕋᕝᕕᐅᔪᓐᓇᕐᒪᖕ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᔫᑳᓐ ᐋᕿᒃᓯᒪᑦᑐᐊᖅᑐᒥᑦ ᐊᖅᑯᑎᓕᕆᓂᕐᒧᑦ ᐱᓕᕆᓂᖃᖅᐳᑦ ᐅᑯᓂᖓ ᐱᒋᐊᕐᕕᖃᖅᖢᑎᒃ ᐳᕆᑎᔅ ᑲᓚᒻᐱᐊᒥᑦ, ᐊᓛᔅᑲᒥ ᐊᒻᒪᓗ ᖃᖓᓕᒫᖅ ᐊᖅᑯᑎᐅᔪᓐᓇᖅᑐᓂᒃ ᓇᐹᖅᑐᖃᙱᓐᓂᕐᒥᑦ.
- ᐊᒃᑐᐃᒍᑎᐅᔪᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐅᐊᖕᓇᕐᒥ ᐊᒃᑐᐃᒻᒪᕆᒃᐳᖅ, ᑖᔅᓱᒪ ᓯᓚᐅᑉ ᐊᔾᔨᒌᑲᑕᙱᓐᓂᖓ ᐱᐅᔪᓐᓃᖅᐹᓪᓕᕈᑎᐅᓪᓗᓂ ᐃᖏᕐᕋᔾᔪᑎᓕᕆᓂᒃᑯᑦ ᐊᒻᒪ ᐊᓯᖏᓐᓂ ᐱᖁᑎᓄᑦ.
- ᐃᓱᒪᒋᔭᐅᔪᕐᓕ ᖃᐅᔨᓴᕈᑎᐅᔪᑦ ᐊᒻᒪ ᖁᒻᒧᒃᑎᑕᐅᓯᒪᔪᒃᑯᑦ ᐱᓕᕆᔾᔪᑎᐅᔪᑦ ᑲᔪᓯᑎᑕᐅᓂᐊᕐᑐᑦ ᐱᕈᖅᐹᓪᓕᖅᑎᑦᑎᕙᓪᓕᐊᓂᕐᒥᑦ ᑮᓇᐅᔭᓕᐅᕈᑎᓂᒃ ᐱᖁᑎᖃᖅᑎᑦᑎᓂᒃᑯᑦ ᐃᖏᕐᕋᔾᔪᑎᓕᕆᓂᒃᓴᓂᒃ.
- ᐅᒥᐊᕐᔪᐊᒃᑯᑦ ᐅᓯᑲᖅᑕᖃᑦᑕᖅᑐᑦ ᓄᓇᓕᖕᓄᑦ ᐊᖅᑯᑎᖃᙱᒻᒪᑕ ᐊᓯᖏᓐᓅᖓᔪᓂᒃ ᐱᓕᕆᓂᕐᒧᑦ ᐊᒃᑐᐃᒍᑎᐅᓇᔭᖅᑐᓂᒃ, ᑭᓯᐊᓂᓕ ᑐᓚᒃᑕᖅᕕᐅᔪᑦ ᐱᖃᙱᓗᐊᕐᒪᑕ ᖁᐊᕐᓵᕐᓇᙱᓐᓂᕐᓴᐅᓇᔭᖅᑐᓂᒃ ᐊᒻᒪ ᓈᒻᒪᒃᑐᓂᒃ ᐅᒥᐊᒃᑰᕈᑎᐅᓇᔭᖅᑐᓂᒃ.
- ᖃᓄᐃᓕᐅᕈᑎᐅᔪᓐᓇᖅᑐᑦ ᐱᖁᑎᒃᓴᓄᑦ ᐃᑲᔫᑎᒃᓴᓂ ᐱᑖᕆᐊᖃᕐᒪᑕ ᒥᒃᖠᕚᓪᓕᕈᑎᐅᔪᓐᓇᖅᑐᓂᒃ ᐃᓅᓇᓱᐊᕐᓂᒃᑯᑦ ᑮᓇᐅᔭᖅᑐᕐᓂᓂᒃ, ᓯᓚᐅᑉ ᐊᓯᙳᖅᐸᓪᓕᐊᓂᖓᓂ ᐊᑐᕐᐸᓪᓕᐊᓂᖅ ᐊᒻᒪᓗ ᐊᖏᒡᓕᑎᑉᐹᓪᓕᕐᓗᒍ ᐊᑐᒃᑲᓐᓂᕈᓐᓇᖅᑐᑦ ᐊᒻᒪ ᐊᓯᖏᑦ ᑮᓇᐅᔭᓕᐅᕈᑎᐅᔪᓐᓇᖅᑐᑦ.
(%-ᐅᓂᖏᑦ ᓄᓇᓖ*)
*ᒪᓕᒃᖢᓂ ᐃlᒪᒋᔭᐅ la méthodologie élaborée par le Conference Board du Canada dans le cadre de l'Étude sur la satisfaction des besoins en infrastructure des collectivités autochtones
ᓇᓗᓇᐃᒃᑯᑎᒋᔭᐅᔪᑦ ᓄᓇᓕᖕᓂ ᐊᑐᐃᓐᓇᖃᕐᓂᕐᒥᑦ ᐃᖏᕐᕋᔾᔪᑎᓕᕆᓂᒃᑯᑦ ᖃᐅᔨᒋᐊᕐᕕᑦ (2014) (%-ᐅᓂᖏᑦ ᓄᓇᓖ*)
ᐅᑭᐅᕐᑕᕐᑐᒥ ᐊᕕᒃᑐᕐᓯᒪᔪᓕᒫᓂ, ᐃᖏᕐᕋᐅᑎᖃᕆᐊᖃᓂᖅ ᐊᖏᔪᒻᒪᕆᐅᕗᖅ, ᐱᓗᐊᕐᑐᒥ ᐊᑯᓐᓂᐊᓂ ᓄᓇᕗᑦ ᐊᒻᒪ ᒪᕐᕉᒃ ᐅᑭᐅᕐᑕᕐᑐᒥ ᐊᕕᒃᑐᕐᓯᒪᔫᒃ. ᑐᑭᓯᒋᐊᕐᕕᒃᓴᐃᑦ ᓴᖅᑭᓯᒪᔪᑦ ᐳᕐᓯᓐᑎᖓᑎᒍᑦ ᒥᒃᓴᐅᓴᕐᑕᐅᓯᒪᒧᑦ ᓄᓇᓕᓐᓂ ᐊᑐᓂᑦ ᖃᓄᐃᑦᑐᓂᒃ ᐃᖏᕐᕋᐅᑎᖃᕆᐊᖃᓂᖏᑦ.
| ᐃᖏᕐᕋᐅᑎᑦ | ᔫᑳᓐ | ᓄᓇᑦᓯᐊᖅ | ᓄᓇᕗᑦ |
|---|---|---|---|
| ᐃᒪᒃᑯᑦ ᐃᖏᕐᕋᐅᑎᖃᕆᐊᖃᓂᖅ ᓱᓇᒃᑯᑖᓂᒃ ᐅᓯᐅᑏᑦ | 13% | 44% | 100% |
| ᖃᖓᒃᑯᓕᒫᖅ ᐊᖅᑯᑎᖃᕆᐊᖃᓂᖅ | 93% | 50% | 0% |
| ᒥᑦᑕᕐᕕᒻᒧᑦ ᐊᖅᑯᑎᖃᕆᐊᖃᓂᖅ | 93% | 91% | 100% |
ᖃᐅᔨᕝᕕᐅᔪᑦ: ᑲᓇᑕᒥ ᐃᖏᕐᕋᔾᔪᑎᓕᕆᓂᕐᒧᑦ ᐱᖁᔭᕐᔪᐊᕐᒥᑦ ᕿᒥᕐᕈᓂᖅ; ᐅᐊᖕᓇᕐᒥᐅᓄᑦ ᐅᐸᒡᕕᒃ ᑲᑎᒪᔨᕐᔪᐊᑦ ᑲᑎᒪᔨᓄᑦ ᑲᓇᑕᒥ
Description of ᐊᑐᖅᑕᐅᓪᓗᐊᑕᖅᑐᑦ ᓄᓇᓕᖕᓂᑦ ᖃᐅᒻᒪᖁᑎᖃᕐᓂᕐᒧᑦ (2014)
ᐅᕐᓱᐊᓗᒃ ᑕᐃᒪᖓᑦ ᓱᓕ ᐊᑐᕐᑕᐅᒋᐊᖃᒻᒪᕆᑦᑐᖅ ᓄᓇᓕᓐᓂ ᑕᒪᐃᓐᓂ ᐱᖓᓱᓂ ᐅᑭᐅᕐᑕᕐᑐᑉ ᐊᕕᒃᑐᕐᓯᒪᓂᖓᑎᒍᑦ. ᑐᑭᓯᒋᐊᕐᕕᒃᓴᐃᑦ ᐳᕐᓯᓐᑎᖓᑎᒍᑦ ᓄᓇᓖᑦ ᐊᑐᓂᑦ ᖃᓄᐃᑦᑐᓂᒃ ᐆᒻᒪᖅᑯᑎᖃᓂᖏᓐᓂᒃ.
| ᐆᒻᒪᖅᑯᑕᐅᒧᑦ | ᔫᑳᓐ | ᓄᓇᑦᓯᐊᖅ | ᓄᓇᕗᑦ |
|---|---|---|---|
| ᐅᕐᓱᐊᓗᒻᒨᕐᑐᑦ ᐅᖅᑯᓴᐅᑏᑦ | 27% | 72% | 100% |
| ᒑᓴᓖᒧᕐᑐᑦ ᐊᒻᒪ ᐅᕐᓱᐊᓗᑐᐃᓐᓇᖅ | 0% | 6% | 0% |
| ᐅᐊᔭᒃᑯᑦ ᐆᒻᒪᖅᑯᑏᑦ ᐊᒻᒪ ᐅᕐᓱᐊᓗᑐᐃᓐᓇᖅ | 73% | 22% | 0% |
ᐊᔪᙱᓐᓂᐅᔪᑦ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
- ᐱᖓᓱᑦ ᓯᓚᑦᑐᖅᓴᕐᕕᖕᓄᑦ: ᔫᑳᓐ ᓯᓚᑦᑐᖅᓴᕐᕕᒃ, ᐊᕉᕋ ᓯᓚᑦᑐᖅᓴᕐᑯᒃ ᐊᒻᒪ ᓄᓇᕗᑦ ᓯᓚᑦᑐᖅᓴᕐᕕᒃ.
- ᖁᑦᑎᖕᓂᖅᐹᒥ ᐃᖅᑲᓇᐃᔭᕐᓂᑯᑦ ᑲᓇᑕᒥ 2016-ᒥ ᐃᓄᐃᑦ ᓯᓚᑦᑐᖅᓴᕐᕕᒃᒥᑦ ᓇᓗᓇᐃᒃᑯᑎᑖᕐᓯᒪᔪᑦ ᖁᓛᓂᒡᓗ.
ᖃᐅᔨᒪᕕᑦ…
- ᔫᑳᓐ ᓯᓚᑦᑐᖅᓴᕐᕕᒃ ᐱᓕᕆᐊᖓᒍᑦ ᓈᒻᒪᓈᖅᓯᒪᔪᑦ ᓯᓚᑦᑐᖅᓴᕐᕕᒡᔪᐊᖅᒥᑦ ᐃᓕᓐᓂᐊᕐᓯᒪᓂᕐᒧᑦ ᐱᓇᓱᐊᕐᓂᖏᓐᓂᑦ 2020 ᑎᑭᓪᓗᒍ.
- ᑕᒪᕐᒥᑦ ᐱᖓᓱᑦ ᓯᓚᑦᑐᖅᓴᕐᕖᑦ ᒫᓐᓇ ᐱᓕᕆᖃᑎᖃᖅᑐᑦ ᓂᒋᕐᒥᑦ ᓯᓚᑦᑐᖅᓴᕐᕕᒡᔪᐊᓂᒃ ᓇᓗᓇᐃᒃᑯᑎᑖᕋᓱᖕᓂᕐᒧᑦ ᐃᓕᓐᓂᐊᒐᒃᓴᓂᒃ, ᐅᑯᓂᖓ ᐃᓚᖃᖅᖢᑎᒃ, ᐋᓐᓂᐊᓯᐅᕐᓂᑎᐅᓂᕐᒧᑦ, ᒪᓕᒐᓕᕆᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᓄᓇᖃᖅᑳᖅᑐᓂᒃ ᒐᕙᒪᓕᕆᓂᕐᒧᑦ.
- 24% ᑎᐅᕆᑑᕆᓃᑦᑐᑦ ᑲᓇᑕᒥᐅᑕᑦ ᐃᓕᓐᓂᐊᕌᓂᒃᓯᒪᔪᑦ ᒪᑯᓂᖓ ᓯᓚᑦᑐᖅᓴᕐᕕᖕᒥᒃ ᐃᓱᓕᑦᑎᔾᔪᑏᑦ ᖁᑦᑎᖕᓂᕐᓴᒥᓪᓘᓐᓃᑦ, ᓇᓕᒧᒃᓯᐅᑕᔪᓐᓇᖅᑐᓂᒃ ᑲᓇᑕᐅᑉ ᐱᖓᖕᓇᕐᒥᐅᖏᓐᓂᒃ (23%).
ᐱᔭᕐᓂᓐᖏᑦᑐᒃᑰᕐᓂᖅ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᑎᐅᕆᑑᕆᐅᔪᑦ ᓄᓇᖃᖅᑳᖅᑐᑦ ᐃᓄᒋᐊᖕᓂᖏᑦ ᑭᙳᓪᓕᐅᔪᑦ ᓄᓇᖃᖅᑳᙱᑐᓂᒃ ᓄᓇᖃᑎᖏᓐᓂᒃ ᐃᓕᓐᓂᐊᕐᓯᒪᓂᒃᑯᑦ ᐊᒻᒪ ᐃᓐᓇᐅᓂᕐᒧᑦ ᖃᐅᔨᒪᓂᒃᑯ.
- ᐃᓚᖏᑦ ᐃᖅᑲᓇᐃᔭᕐᕕᐅᔪᑦ ᐱᒋᐊᖅᑎᑦᑎᓯᒪᓕᕐᑐᑦ ᐃᖅᑲᓇᐃᔮᒧᑦ ᐱᕙᓪᓕᐊᒍᑎᒃᓴᓂᒃ ᐱᓕᕆᕝᕕᖏᓐᓂᒃ ᐃᑲᔪᕋᓱᒃᖢᑎᒃ ᐃᖅᑲᓇᐃᔭᖅᑎᖏᓐᓂᒃ ᐊᔪᕈᓐᓃᖅᓴᖅᑎᑦᑎᓂᒃᑯᑦ ᑕᒪᒃᑯᐊ ᐃᓄᖃᙱᓐᓂᐅᔪᑦ ᐃᓄᖃᓕᕈᓐᓇᖁᓪᓗᒋᑦ.
ᖃᐅᔨᒃᑲᓐᓂᕈᒪᕖ?
- Conference Board of Canada: Education and Skills in the Territories
- Council of Ministers of Education, Canada: Postsecondary Education and Skills in Canada (PDF)
Description of ᐃᓕᓐᓂᐊᕐᓯᒪᓂᖅ ᖃᓄᐃᓕᖓᓂᖏᑦ ᑲᓇᑕᐅᑉ ᑎᐅᕆᑑᕆᖏᓐᓂᒃ (2016)
ᐅᑭᐅᕐᑕᕐᑐᒥ ᐃᓕᓐᓂᐊᕐᓯᒪᓂᖅ ᐊᔾᔨᒌᖏᓚᖅ, ᐃᓄᒋᐊᓐᓂᖃᕐᑎᓪᓗᒋᑦ ᓴᓂᐊᓂ 70%,ᒥ ᐊᕐᕌᒍᖃᕐᑐᑦ ᐊᑯᓐᓂᖏᓐᓂ 25-64 ᔫᑳᓐᒥ ᐃᓕᓐᓂᐊᕇᕈᑎᖃᕐᓯᒪᑎᓪᓗᒋᑦᐸᐃᑉᐹᓂᒃ, ᐃᓕᓐᓂᐊᕐᕕᔾᔪᐊᕐᓂᕐᒧᑦ ᑎᑯᕇᓂᒃ, ᐊᔾᔨᒋᔭᐅᖏᓐᓂᖃᕐᓱᑎᒃ ᐅᖓᑖᓄᑦ 60%,ᒥᒃ ᓄᓇᑦᓯᐊᒥᓯᒥ ᐊᒻᒪ ᐊᑖᓂᑦᓯᐊᖅ 45% ᓄᓇᕗᒻᒥ ᐃᓕᓐᓂᐊᕇᕈᑎᖃᕐᓯᒪᔪᑦ.
| ᔫᑳᓐ | ᓄᓇᑦᓯᐊᖅ | ᓄᓇᕗᑦ | |
|---|---|---|---|
| ᐃᓕᓐᓂᐊᕇᕈᑎᖃᖏᑦᑐᑦ, ᑎᐳᓗᒪᖃᖏᑦᑐᑦ ᐅᕙᓘᓐᓃᑦ ᑎᑯᕇᖃᖏᑦᑐᑦ | 10.7% | 20.5% | 40.9% |
| ᐃᓕᓐᓂᐊᒃᑲᓐᓂᕐᓂᒃᒧᑦ (ᐃᓕᓐᓂᐊᕕᔪᐊᒥ) ᐃᓕᓐᓂᐊᕇᕈᑎᖃᖏᑦᑐᑦ ᐅᕝᕙᓘᓐᓃᑦ ᐸᐃᑉᐸᖃᖏᑦᑐᑦ ᑕᐃᒪᐃᒃᑯᐊᖏᓐᓂᒃ | 20.9% | 19.4% | 14.6% |
| ᐃᓕᓐᓂᐊᕆᐊᓪᓚᑦᓯᒪᓂᕐᒧᑦ ᐱᔭᕇᕈᑎᖃᕐᑐᑦ, ᑎᐳᓗᒪᒥᒃ ᐊᒻᒪ ᑎᑯᕇ | 68.4% | 60.1% | 44.4% |
ᖃᐅᔨᕝᕕᐅᔪᑦ: ᑲᑎᒪᔨᕐᔪᐊᑦ ᑲᑎᒪᔨᓄᑦ ᑲᓇᑕᒥ; ᓇᐃᓴᐃᔨᒃᑯᑦ ᑲᓇᑕᒥ
Description of ᐃᓕᓐᓂᐊᕈᑎᐅᕙᒃᑐᑦ ᑎᐅᕆᑑᕆᓂᒃ (2016)
ᓇᒻᒥᓂᖃᕐᓂᕐᒥᒃ, ᒥᐊᓂᕐᓯᓂᕐᒥᒃ ᐊᒻᒪ ᑭᒃᑯᑐᐃᓐᓇᕐᓄᑦ ᑭᐅᔨᐅᓂᕐᒧᑦ, ᑭᖑᓂᑦᓯᐊᖓᒍᓪᓗ ᐊᖏᔫᑎᓂᒃ ᓴᓇᒐᒃᓴᓕᐅᕆᐊᖃᓂᖅ, ᐊᒻᒪ ᖃᕆᑕᐅᔭᑎᒍᑦ ᐋᖅᑭᒃᓱᐃᒋᐊᖃᓂᖅ, ᐊᖏᔪᒻᒪᕆᐅᑎᓪᓗᒋᑦ ᖃᐅᔨᓴᕐᑕᐅᒪᐅᕐᑐᑦ ᐅᓄᕐᓂᕐᓴᐃᑦ 14,000 ᐃᓄᖏᑦ ᐊᕐᕌᒍᖃᕐᑐᑦ 25,ᓂᑦ 64,ᓄᑦ ᐅᑭᕐᑕᕐᑐᒥ 2016,ᖑᑎᓪᓗᒍ.
| ᓱᓇᐅᓂᐊ ᖃᐅᔨᓴᕐᑕᐅᑉ | ᑲᓇᑕᐅᑉ ᐊᕕᒃᑐᕐᓯᒪᓂᖏᑦ (ᐅᓄᕐᓂᖏᑦ ᑭᒃᑯᑦ) |
|---|---|
| ᑭᒃᑯᑐᐃᓐᓇᖓᔪᑦ, ᓴᐳᒻᒥᓂᖅ ᐊᒻᒪ ᐃᖏᕐᕋᐅᑎᖃᕆᐊᖃᓂᖅ | 3,190 |
| ᖃᓄᐃᖏᑦᓯᐊᕐᓂᖅ ᐊᒻᒪ ᐊᓯᖏᑦ | 4,360 |
| ᐊᖏᔫᑏᑦ, ᐱᕈᒃᑲᓐᓂᕈᓐᓇᕐᑐᑦ ᓄᓇᒥᐅᑕᑦ ᐊᒻᒪ ᓴᐳᒻᒥᔭᐅᒋᐊᖃᓂᖏᑦ | 1,485 |
| ᐱᕈᖅᑐᓕᕆᓂᖅ, ᓴᓇᔭᒃᓴᓕᕆᓂᖅ, ᐊᒻᒪ ᐅᐊᔭᒃᑰᕐᑐᓕᕆᓂᖅ | 7,155 |
| ᓇᐃᓴᐅᑎᓕᕆᓂᖅ, ᖃᕆᑕᐅᔭᓕᕆᓂᖅ ᐊᒻᒪ ᑐᓴᐅᒪᐅᑎᓕᕆᓂᖅ | 870 |
| ᑎᒥᒃᑯᑦ ᐊᒻᒪ ᖃᐅᔨᓴᕐᓂᖅ ᐊᒻᒪ ᖃᕆᑕᐅᔭᓕᕆᓂᖅ | 1,375 |
| ᓇᒻᒥᓂᕆᓂᖅ, ᒥᐊᓂᕐᓯᓂᖅ ᐊᒻᒪ ᐊᓪᓚᕕᓕᕆᓂᖅ | 7,305 |
| ᐃᓅᓯᓕᕆᓂᖅ ᐊᒻᒪ ᖃᐅᔨᓴᕐᓂᓕᕆᓂᖅ ᐊᒻᒪ ᒪᓕᖓᓕᕆᓂᖅ | 4,150 |
| ᐃᓄᓕᕆᓂᖅ | 1,525 |
| ᑕᑯᓐᓇᐅᑎᓕᕆᓂᖅ ᐊᒻᒪ ᓴᓇᓐᖑᐊᕐᓂᓕᕆᓂᖅ, ᐊᒻᒪ ᑐᓴᐅᒪᐅᑎᓕᕆᓂᖅ | 985 |
| ᐃᓕᓐᓂᐊᕐᓂᓕᕆᓂᖅ | 3,745 |
ᐊᖏᓗᐊᓐᖏᑦᑐᑦ ᑲᒻᐸᓂᐅᔪᑦ, ᑮᓇᐅᔭᓕᐅᕈᑎᖃᕋᓱᖕᓂᖅ ᐊᒻᒪ ᓄᑖᑦ ᐱᓕᕆᔾᔪᑕᐅᓕᖅᑐᑦ
ᑲᓇᑕᐅᑉ ᐱᖓᓱᑦ ᑎᐅᕆᑑᕆᖏᑦ ᐊᖏᕐᕋᕆᔭᐅᔪᑦ ᐅᑯᓄᖓ…
- 4,400 ᐅᖓᑎᑦᑎᐊᖓᓂᒃ ᒥᑭᑦᑐᑦ ᐊᒻᒪ ᐊᖏᓂᕐᓴᑦ ᑮᓇᐅᔭᓕᐅᕋᓱᒃᑎᑦ (SMEs) ᑎᑭᖢᒍ 2015.
- ᒪᕐᕉᒃ ᐱᓕᕈᓕᕈᒪᔾᔪᑎᓄᑦ ᐃᓂᒋᔭᐅᔫᒃ ᐃᑲᔪᖅᑎᐅᓪᓗᑎᒃ ᓄᓇᓕᖕᓂ ᑮᓇᐅᔭᓕᐅᕋᓲᑎᓕᖕᓂᒃ.
- ᐱᖓᓱᑦ ᐱᓕᕈᓕᕈᒪᔾᔪᑎᓄᑦ ᐃᓂᒋᔭᐅᔫᒃ ᐃᑲᔪᖅᑎᐅᓪᓗᑎᒃ ᓄᓇᓕᖕᓂ ᑮᓇᐅᔭᓕᐅᕋᓲᑎᓕᖕᓂᒃᖓᓂᓱᑦ ᐱᓕᕈᓕᕈᒪᔾᔪᑎᓄᑦ ᐃᓂᒋᔭᐅᔫᒃ ᐃᑲᔪᖅᑎᐅᓚᓱᒃᑐᓕᕆᓂᕐᒧᑦ.
ᖃᐅᔨᒪᕕᑦ…
- ᓄᑖᑦ ᐱᓕᕆᔾᔪᑎᒃᓴᑦ, ᒪᑯᑎᑐᓇᖅ ᓯᑯᓂ ᖃᐅᔨᓴᖅᑎᑦ ᓴᓇᕈᑎᑎᑐᑦ, ᐊᑐᖅᑕᐅᕙᓪᓕᐊᔪᑦ ᐅᐊᖕᓇᒥᑦ ᖃᐅᔨᓴᕈᑎᐅᓪᓗᑎᒃ ᓯᑰᑉ ᖃᓄᐃᓐᓂᖓᓂᒃ ᑐᓴᐅᒪᔭᐅᔪᒃᓴᓂᒃ ᓄᓇᓕᖕᓂᑦ, ᓴᓇᕝᕕᖕᓂᒃ ᐊᒻᒪ ᖃᐅᔨᓴᖅᑎᓂᒃ.
- ᐅᓇᓂᒃ ᐊᒻᒪ ᖃᐅᔨᓴᖅᑎᓂᒃ.ᑐᓇᖅ ᑲᑎᑎᑦᑎᔾᔪᑎᐅᕙᒃᐳᖅ ᑮᓇᐅᔭᓕᐅᕈᑎᒃᓴᓕᐅᖅᐸᒃᑐᓂᒃ, ᐱᓕᕆᔾᔪᑎᓕᕆᓂᒃᑯᑦ ᐊᖓᔪᖄᓂᒃ, ᐊᒻᒪ ᓯᕗᒧᑦ ᐱᓇᓱᐊᖅᑐᓂᒃ ᓇᖕᒥᓂᖅ ᐱᓕᕆᐊᖑᔪᓂᒃ ᐱᓕᕆᔪᒪᓕᕈᑎᒃᓴᓂᒃ ᕗᐊᐃᑦᕼᐅᐊᔅ, ᔫᑳᓐᒥ.
ᐱᓕᕆᕈᓘᔭᕐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ
- ᑎᐅᕆᑑᕆᐅᔪᑦ ᐊᒥᓱᓂᒃ ᓄᓇᖃᖅᑳᖅᑐᓂᒃ ᐃᓄᖃᐅᕐᒪᑦ. ᖃᐅᔨᓴᕈᑎᑦ ᓴᕿᑎᑦᑎᓯᒪᔪᑦ ᓄᓇᖃᖅᑳᖅᑐᑦ ᑮᓇᐅᔭᓕᐅᕋᓱᒃᑎᐅᕙᒃᑐᑦ ᖃᓄᐃᓕᐅᕈᑎᒃᓴᓂᒃ ᕿᓂᕐᓂᕐᓴᐅᕙᒃᖢᑎᒃ, ᐊᖏᒡᓕᒋᕈᑎᒃᓴᓂᒃ ᐊᒻᒪ ᑮᓇᐅᔭᓕᐅᕈᑎᐅᓂᐊᕐᑐᓂᒃ ᐅᑯᓇᙵᓪᓕ ᓄᓇᖃᖅᑳᙱᑦᑐᓂᒃ ᐱᓕᕆᐊᖑᔪᓂᒃ.
- ᒫᓐᓇᓵᖑᓚᐅᕐᑐᖅ ᐊᒃᑐᐃᖃᑎᒌᒍᑎᒃᓴᓂᒃ ᐃᑲᔫᑎᑦ $85 ᒥᓕᐊᓐ ᑖᓚᐃᑦ ᐅᑯᑎᒎᓇᖅ ᑲᓇᑕᐅᑉ ᒐᕙᒪᒃᑯᑦ ᐊᒃᑐᐃᖃᑎᒌᖕᓂᖅ ᐱᓕᕆᔪᒪᓕᕐᓂᕐᒧ ᓄᑖᓂᒃ ᑮᓇᐅᔭᓕᐅᕈᑎᒃᓴᓂᒃ ᓴᕿᑎᑦᑎᒍᑎᐅᓂᐊᕐᑐᖅ. ᓲᕐᓗ, ᒪᑐᔭᐅᓂᖓ ᐅᓇ 'ᒪᐅᓇ ᓄᑖᒃᑯᑦ ᐅᐊᔭᖃᐅᑎᑦ ᕙᐃᐳ ᐱᓕᕆᓂᐅᔪᖅ ᐃᑲᔫᑎᐅᓂᐊᕐᑐᖅ ᐃᓅᕕᒃᒥ ᓇᓕᒧᒃᓯᐅᑎᓗᓂ ᓄᓇᕐᔪᐊᕐᒥᐅᓂᒃ ᖁᒻᒧᒃᑎᑕᐅᓯᒪᔪᓕᕆᓂᕐᒧᑦ ᐱᔨᑦᑎᕋᐅᑎᓕᕆᓂᕐᒥᒃ.
- ᐊᑐᐃᓐᓇᖃᕐᓂᖅ ᐱᓕᕆᐊᕆᔪᒪᔭᒧᑦ ᐱᒋᐊᕈᑎᒃᓴᓂᒃ ᐊᔪᕐᓇᒻᒪᕆᖃᑦᑕᕐᒪᑦ ᐅᐊᖕᓇᕐᒥᑦ ᑮᓇᐅᔭᓕᐅᕋᓱᒃᑎᐅᕙᒃᑐᓄᑦ.
- ᐅᑭᐅᖅᑕᖅᑑᑉ ᐅᐊᖕᓇᖓᓂᒃ ᓯᓚᑦᑐᖅᓴᕐᕖᑦ, ᓯᓚᑦᑐᖅᓴᕐᕕᒡᔪᐊᓂᒃ ᐊᒻᒪ ᖃᐅᔨᓴᕐᕕᖕᓂᒃ ᑕᐅᑐᒃᑕᐅᓂᒃᑯᑦ ᒥᑭᑦᑑᖕᒪᓂ ᑲᓇᑕᒥ ᐱᓕᕆᓕᕈᒪᓂᕐᒧᑦ ᑮᓇᐅᔭᓕᐅᕋᓱᖕᓂᒃᑯᑦ, ᐃᑲᔪᖅᑎᐅᕙᒃᑐᑦ ᐋᕿᒃᓱᐃᕙᓪᓕᐊᓂᕐᒥᒃ ᓄᑖᓂᒃ ᑮᓇᐅᔭᓕᐅᕈᑎᐅᔪᓐᓇᖅᑐᓂᒃ ᐅᐊᖕᓇᐅᑉ ᐅᑭᐅᕐᑕᖅᑐᖓᓂᒃ.
Description of ᖃᔅᓯᐅᓂᖏ SMEs 1,000 ᐃᓄᐃᑦ ᑕᑯᓪᓗᒋᑦ 15 ᐅᖓᑖᓄ ᐅᑭᐅᓕᑦ (2015)
ᑕᒪᐃᓐᓂ ᔫᑳᓐᒥ ᐊᒻᒪ ᐅᑭᐅᕐᑕᕐᑐᒥ ᐅᓄᕐᓂᕐᓴᐅᓄᑦ ᓇᒻᒥᓂᖃᐅᕐᑐᑦ 1,000 ᐃᓄᒃ ᐊᑕᐅᓯᖅ ᐅᓄᕐᓂᕐᓴᐅᒍᑎᖃᕐᓱᑎᒃ ᑲᓇᑕᒥ.
| ᓄᓇ | ᐅᓄᕐᓂᖏᑦ |
|---|---|
| ᑲᓇᑕ | 39.2 |
| ᔫᑳᓐ | 57.3 |
| ᓄᓇᑦᓯᐊᖅ | 48.5 |
| ᓄᓇᕗᑦ | 29.6 |
ᖃᐅᔨᕝᕕᐅᔪᑦ: ᓇᐃᓴᐃᔨᑦ ᑲᓇᑕᒥ; ᑲᓇᑕᒥ ᑲᑎᒪᔨᕐᔪᐊᑦ ᓄᓇᖃᖅᑳᖅᑐᑦ ᓇᖕᒥᓂᖅ ᐱᓕᕆᖑᔪᓂᒃ; ᐱᓕᕆᓕᕈᒪᓂᕐᒧᑦ ᖃᐅᔨᓴᖅᑐᓕᕆᓂᖅ ᐊᒻᒪ ᐱᕙᓪᓕᐊᔪᓕᕆᓂᖅ ᑲᓇᑕ, ᐅᐊᖕᓇᒥᑦ ᕿᒥᕐᕈᓂᖅ ᓇᐃᓇᐅᑎᓕᒃ 45:2017
Description of ᐃᒡᓗᒋᔭᐅᔪᑦ ᐊᑦᑕᑕᕈᓐᓇᐅᑎᓄᑦ ᖁᒻᒧᒃᑎᑕᐅᓯᒪᔪᒃᑯ ᐊᑐᕈᓐᓇᕐᓂᖏᑦ 50ᒥᒐ ᐸᐃᑦ ᐳ ᓴᑲᓐ (2018)
ᑕᐃᔭᐅᔪᖅ Broadband ᐊᑐᕐᑕᐅᕙᑦᑐᖅ ᐅᑭᐅᕐᑕᕐᑐᓕᒫᒥ, ᑭᖑᓂᕆᓪᓗᓂᒋᑦ ᑲᓇᑕᒥ ᔫᑳᓐ ᐊᒻᒪ ᓄᓇᑦᓯᐊᖅ, ᐊᒻᒪ ᓄᓇᕗᓕᒫᒥ.
| ᓄᓇ | ᐃᓄᒋᐊᑦᑐᒥᐅᑦ | ᐅᖓᓯᑦᑐᒥᐅᑦ |
|---|---|---|
| ᔫᑳᓐ | 100% | 20% |
| ᓄᓇᑦᓯᐊᖅ | 76% | 19% |
| ᓄᓇᕗᑦ | 0% | 0% |
| ᑲᓇᑕᓕᒫᒥ | 41% |
Proposed Action Areas
ᑐᒃᓯᕋᐅᑎᐅᔪᑦ ᐱᓕᕆᕝᕕᐅᔪᒪᓪᓗᑎᒃ ᓄᓇᐃᑦ
ᐃᑲᔪᕐᓗᒋᑦ ᐊᑐᒃᑲᓐᓂᕈᓐᓇᖅᑐᓂᒃ ᐱᕙᓪᓕᐊᔪᓕᕆᓂᖅ ᐅᑯᓇᙵᑦ ᐊᑐᒃᑲᓐᓂᕈᓐᓇᖅᑐᓂᒃ ᐲᔭᐃᕙᓪᓕᐊᓂᕐᒧᑦ ᐱᓕᕆᕝᕕᐅᔪᑦ ᒪᑯᐊ ᓄᓇᓖᑦ ᐃᖅᑲᓇᐃᔭᕈᓐᓇᖁᓗᒋ ᐊᒻᒪ ᐃᖅᑲᓇᐃᔮᒃᓴᖃᒃᑲᓐᓂᓕᕐᓂᒃᑯᑦ ᐊᒻᒪ ᐊᔪᕐᓴᕈᓐᓃᕐᓂᒃᑯᑦ ᑎᐅᕆᑑᕆᓂᒃ.
ᑮᓇᐅᔭᓕᐅᕋᓱᖕᓂᒃᑯᑦ ᐊᔾᔨᒌᙱᑦᑑᑎᑦ ᐊᒻᒪ ᖃᓄᐃᓕᐅᕈᒪᔾᔪᑎᒃᓴᑦ
ᑲᒪᒋᔭᖃᕐᓗᑎᒃ ᓱᕋᐃᓗᐊᖅᑕᐃᓕᒪᓗᑎᒃ ᐱᕈᖅᐸᓪᓕᐊᓃᑦ ᐊᓯᖏᓐᓄᑦ ᑮᓇᐅᔭᓕᕆᓂᕐᒧᑦ ᐊᕕᒃᑐᖅᓯᒪᔪᑦ, ᓱᕐᓗ ᐳᓚᕋᖅᑐᓕᕆᓂᒃ, ᐃᓚᐅᓪᓗᑎᒃ ᐱᒋᐊᕈᒻᒥᒃ ᑐᕌᒐᖃᖅᖢᑎᒃ ᓴᙱᒃᑎᒋᐊᖁᓪᓗᒋᑦ ᓇᖕᒥᓂᖅᑖᕋᓱᐊᕐᓂᕐᓂᒃ ᐊᒻᒪᓗ ᐅᑭᐅᖅᑕᖅᑐᒥᑦ ᓄᑖᕈᕆᐊᕐᓃᑦ.
ᐱᖁᑎᒃᓴᓄᑦ ᓇᑉᐸᕆᐊᓕᖕᓄᑦ ᓂᐅᕕᕐᓂᖅ ᖃᑭᔾᔪᑎᒃᓴᓄᑦ ᐊᒻᒪ ᐱᕙᓪᓕᐊᓂᖅ
ᓇᓕᒧᒌᓕᕐᑎᓐᓂᐊᕐᓗᒋᑦ ᐊᒡᒋᖅᑐᑦ ᖃᑭᔾᔪᑎᒃᓴᐃᑦ ᓂᐅᕕᐊᕆᓗᒋᑦ ᐊᒻᒪᓗ ᒫᓐᓇ ᐱᓕᕆᐊᖑᕙᓪᓕᐊᔪᑦ ᒪᑯᐊ ᐊᖏᔪᑦ ᐱᖁᑎᒃᓴᑦ ᓄᓇᓖ ᐊᒻᒪ ᐊᕕᒃᑐᕐᓯᒪᓂᒃᑯᑦ ᑮᓇᐅᔭᓕᐅᕈᑎᐅᔪᓐᓇᕐᓂᐊᕐᓗᑎᒃ ᐊᖏᒡᓕᖏᐊᕐᓯᒪᓂᒃᑯᑦ.
ᐊᔪᕈᓐᓃᕐᓯᒪᔪᑦ ᐃᖅᑲᓇᐃᔭᕈᓐᓇᖅᑐᑦ
ᐃᑲᔪᕐᓗᑎᒃ ᐅᑭᐅᕐᑕᖅᑐᒥᑦ ᐃᖅᑲᓇᐃᔭᕈᓐᓇᖅᑐᓂᒃ ᐊᒻᒪ ᐱᖁᑎᖃᖅᑎᑦᑎᓗᑎᒃ ᐅᐊᖕᓇᕐᒥᐅᓂ ᓴᓇᕐᕈᑎᓂᒃ, ᐊᔪᕈᓐᓃᕐᓯᒪᓂᕐᓂᒃ ᐊᒻᒪ ᐱᓕᕆᓕᒪᓂᕐᒥᒃ ᐊᑐᕆᐊᖃᖅᑕᖏᓐᓂᒃ ᐊᓂᒍᐃᔪᓐᓇᕐᓂᕐᒥᒃ ᐃᖅᑲᓇᐃᔭᕈᓐᓇᕐᓂᒃᑯᑦ, ᒫᓐᓇᒧᑦ ᐊᒻᒪ ᓯᕗᓂᒃᓴᒧᑦ.
ᐊᐱᖁᑎᑦ
- ᐅᑯᐊ ᑎᓴᒪᑦ ᐃᓱᒪᔭᐅᔪᑦ ᐱᓕᕆᐊᖑᔪᒪᓪᓗᑎ ᓈᒻᒪᒃᐹ? ᓈᒻᒪᒋᙱᒃᑯᕕᒋᑦ, ᓇᓕᐊᒃ ᑎᓴᒪᑦ ᖁᑦᑎᓛᒦᖁᓇᔭᖅᐱᒋ?
- ᑮᓇᐅᔭᓕᐅᕋᓱᖕᓂᒃᑯᑦ ᐊᔾᔨᒌᙱᑦᑑᑎᓂᒃ ᐊᒻᒪ ᐱᓕᕆᓕᕈᒪᓂᕐᒧᑦ, ᓇᓕᐊᒃ ᐱᖓᓱᑦ ᐱᓕᕆᕝᕕᐅᔪᑦ ᓯᕗᓪᓕᐅᑎᔭᕆᐊᖃᖅᐸ?
- ᐱᓕᕆᕝᕕᐅᓂᐊᕐᑐᓂᒃ, ᖃᓄᐃᑦᑐᓂᒃ ᖃᓄᐃᓕᐅᕈᑎᒃᓴᓂᒃ ᑳᓄᐊᒃᑯᑦ ᑲᔪᓯᒋᐊᕈᓐᓇᖅᐸᑦ ᐱᓕᕆᖃᑎᖏᓪᓗ?
- ᖃᓄᕐᓕ ᓄᓇᖃᖅᑳᖅᑐᓄᑦ ᑮᓇᐅᔭᓕᐅᕋᓱᖕᓂᒃᑯᑦ ᐱᕙᓪᓕᐊᔪᓕᕆᔨᓄᑦ ᑯᐊᐳᕇᓴᐅᔪᑦ ᐊᒻᒪ ᐃᒻᒥᒃᑰᖓᔪᑦ ᐱᓕᕆᕝᕕᐅᔪᑦ ᐱᓕᕆᖃᑕᐅᔭᕆᐊᖃᖅᐸᑦ ᐊᖏᒡᓕᒋᐊᖅᑎᑦᑎᒐᓱᖕᓂᕐᒥᒃ ᐊᑑᑎᖃᕐᓂᖏᑦᑎᒍᑦ ᑎᓴᒪᑦ ᐱᓕᕆᐊᖃᕐᕕᐅᔪᒪᔪᐃᑦ?
ᖃᓄᖅ ᐃᓱᒪᒋᔭᑎ ᑐᓴᖅᑕᐅᔪᓐᓇᕋᔭᕐᓂᖏᓐᓂᒃ
ᐅᓇ ᐱᓕᕆᖃᑎᒌᖕᓂᕐᒧᑦ ᐸᐃᑉᐹᖅ ᓴᕿᑎᑦᑎᓯᒪᔪᖅ ᑎᐅᕆᑑᕆᐅᔪᑦ ᑮᓇᐅᔭᓕᐅᕈᑎᒋᔪᓐᓇᕐᕕᖏᓐᓂᒃ ᓄᓇᓂ ᐃᑲᔫᑎᐅᓇᓱᒃᖢᓂ ᐃᓱᒪᓕᐊᕆᔭᕐᓄᑦ. ᓇᒡᓯᐅᑎᓗᒋᑦ ᐃᓱᒪᒋᔭᑎᑦ ᐅᓇ ᐊᓂᒍᓚᐅᕐᑎᓐᓇᒍ ᒫᑦᓯ 15, 2019.
ᑲᑎᒪᖃᑎᖃᑲᑕᖕᓂᖅ
ᑳᓄᐊᒃᑯᑦ ᑲᑎᒪᑎᑦᑎᑲᑕᖕᓂᐊᕐᒪᑕ ᖃᔅᓰᒻᒪᕆᒡᓗᑎᒃ ᐅᐸᒍᑎᓯᒪᓂᒃᑯᑦ ᐊᒻᒪ ᐅᐸᒍᑎᓯᒪᙱᒃᑲᓗᐊᕐᓗᑎᒃ ᑎᐅᕆᑑᕆᓂᒃ ᐃᓕᔅᓯᓐᓂᒃ ᑐᓴᕋᓱᒡᓗᑎᒃ.
ᑎᑎᖃᒃᑯᕕᒃᑯᑦ
ᑎᑎᕋᕐᓯᒪᔪᑦ ᑎᑎᖃᒃᑯᕕᒃᑯᑦ ᓇᒡᓯᐅᔾᔭᐅᔪᓐᓇᖅᑐᑦ. ᑎᑎᖃᒃᑯᕕᒃᑯᑦ ᑭᖑᕙᕐᓇᓚᐅᖅᐸᖕᒪᑦ, ᐃᓱᒪᒋᔭᓯ ᑎᑎᕋᐅᓯᕆᓗᒋ ᐃᓱᒪᓕᐊᕆᔭᑎᓪᓗ ᐅᓇ ᐊᓂᒍᒪᐅᕐᑎᓐᓇᒍ ᒫᑦᓯ 15, 2019 ᐅᕗᖓ:
Canadian Northern Economic Development Agency
C/O: Pan-Territorial Growth Strategy Engagement
90 Sparks Street, 3rd Floor
Ottawa, Ontario K1P 5B4
ᖃᕋᓴᐅᔭᒃᑯᑦ
ᑎᑎᕋᕐᓯᒪᔪᑦ ᐃᓱᒪᒋᔭᐅᔪᑦ ᑎᑎᕋᐅᓯᐅᔪᓐᓇᖅᑐᑦ ᖃᕋᓴᐅᔭᒃᑯᑦ ᐅᕗᖓ:cannor.cannorengage-mobilisationcannor.cannor@canada.ca
ᖃᕋᓴᐅᔭᒃᑯᑦ ᐅᖃᐅᓯᖃᑲᑕᒡᕕᒃ
ᐊᑎᓕᐅᕈᓐᓇᖅᑐᓯ ᐃᓱᒪᒋᔭᓯ ᓇᒡᓯᐅᑎᔪᒪᒍᔅᓯᐅ ᐅᕘᓇ ᖃᕋᓴᐅᔭᒃᑯᑦ ᐅᖃᐅᓯᖃᑲᑕᒡᕕᖕᒧᑦ. online discussion forum.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: