ᑳᓄᐊᒃᑯᑦ ᐱᔪᒪᔪᑦ ᐱᓕᕆᔪᒪᔪᓂᒃ ᓴᓇᔭᒃᓴᓄᑦ ᐱᒋᐊᕐᓗᑎᒃ 2023-ᒥᑦ 2024-ᒧᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ
ᐱᕙᓪᓕᐊᔪᖅ ᓴᖅᑭᑎᑕᐅᔪᖅ
ᐊᔪᖏᑦᑎᐊᖅᑐᑦ ᐱᔅᓂᔅ ᐊᒻᒪᓗ ᐊᐅᓚᑦᓯᔨᑦ ᑮᓇᐅᔭᒃᓴᖅᑖᕋᓱᒍᒪᒍᑎᒃ ᑳᓄᐊᒃᑯᓂᑦ ᑐᓂᓯᔪᓐᓇᖅᑐᑦ ᐃᓱᒪᓕᕈᑎᒋᓯᒪᔭᒥᖕᓂᒃ ᓴᓇᔭᐅᔪᓐᓇᖅᑐᑦ ᑕᒪᐃᓐᓄᑦ ᐅᑭᐅᖅᑕᖅᑐᒥ ᐅᓇᓗ ᒪᓕᑦᑎᐊᕐᓗᓂ ᑳᓄᐊᒃᑯᑦ ᑎᓕᔭᐅᓯᒪᔾᔪᑎᖓᓂᒃ ᑐᕌᖅᑕᓄᑦ.
ᐅᒃᑑᐸ17, 2022 — ᐃᖃᓗᐃᑦ, ᓄᓇᕗᑦ — ᑲᓇᑕᐅᑉ ᐅᑭᐅᖅᑕᖅᑐᐊᓂ ᑮᓇᐅᔭᓕᐅᕈᑎᒃᓴᓄᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑖ (ᑳᓄᐊᒃᑯᑦ)
ᐅᑭᐅᖅᑕᖅᑐᒥᐅᑦ ᐊᖏᔫᑎᓂᒃ, ᓴᕿᔮᕈᓐᓇᑦᑎᐊᖅᑐᓂᒃ ᐃᓱᒪᓕᕈᑎᒃᓴᖃᖅᐳᑦ: ᐃᖏᕐᕋᓯᑎᑦᑎᓗᑎᕐ ᐱᕈᖅᑎᑦᑎᔾᔪᑎᒃᓴᓂᒃ ᓄᓇᓕᖕᓂ ᑮᓇᐅᔭᓕᐅᕈᑎᒃᓴᓂᒃ, ᓴᖕᖏᒃᑎᑉᐸᓪᓕᐊᓗᑎᒃ ᓄᓇᓖᑦ.
ᐅᓪᓗᒥ, ᒥᓂᔅᑕ ᑖᓐ ᕙᓐᑕᓪ, ᒥᓂᔅᑕᖓᑦ ᐱᔭᒃᓴᖃᖅᑐᖅ ᑲᓇᖕᓇᖓᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᑲᓇᑕ ᐊᒻᒪᓗ ᒥᓂᔅᑕ ᐱᔭᒃᓴᖃᖅᑐᖅ ᑲᓇᑕᐅᑉ ᐅᑭᐅᖅᑕᖅᑐᐊᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑖ (ᑳᓄᐊᒃᑯᑦ) ᑐᓴᕐᑎᑦᑎᔪᑦ ᐱᒋᐊᖅᑎᑦᑎᒐᒥᒃ ᑳᓄᐊᒃᑯᑦ ᐱᓕᕆᔪᒪᔪᓂᒃ ᑐᓴᖅᑎᑕᐅᔪᒪᓪᓗᑎᒃ ᐱᓕᕆᔭᐅᔪᓐᓇᖅᑐᓂᒃ/ᐃᖏᕐᕋᓯᑎᑕᐅᔪᓐᓇᖅᑐᓂᒃ ᑖᒃᑯᓄᖓ ᔫᑳᓐ, ᓄᓇᑦᓯᐊᖅ, ᐊᒻᒪᓗ ᓄᓇᕗᑦ ᐱᒋᐊᓕᖅᐸᑦ 2023-2024 ᑮᓇᐅᔭᓕᕆᓐᓇᐅᑉ ᐊᕌᒍᐊᓂ (ᐱᒋᐊᓕᖅᐸᑦ ᐊᐃᕆᓕ 1, 2023).
ᐅᓇ ᑭᒡᒐᖅᑐᐃᔪᖅ ᓯᕗᓪᓕᖅᐹᕆᓂᐊᖅᑕᖓᓂᒃ ᓴᓇᔭᐅᔪᑦ ᐅᑯᐊᓗ ᐱᔪᓐᓇᖅᑐᑦ ᐃᑲᔫᑎᒃᓴᓂᒃ ᑳᓄᐊᒃᑯᑎᒍᑦ ᑭᓱᑐᐃᓐᓇᑦᑎᐊᓄᑦ ᑮᓇᐅᔭᒃᓴᐃᑦ ᐱᓕᕆᑎᑦᑎᔾᔪᑕᐅᔪᑦ. ᐊᔪᖏᑦᑐᑦ ᐱᔅᓂᔅ ᐊᒻᒪᓗ ᐊᐅᓚᑦᓯᔨᑦ ᑎᑭᐅᑎᓇᓱᖕᓂᖓᓂ ᐅᓐᓄᐊᖅ ᓄᕕᐱᕆ 30, 2022 ᑐᓂᓯᔪᓐᓇᖅᑐᑦ ᐃᓱᒪᓕᕈᑎᒋᓯᒪᔭᕐᒥᖕᓂᒃ.
ᐅᓇ ᑐᒃᓯᕋᐅᑎ ᐱᓕᕆᔪᒪᔪᖃᕐᒪᖔᑦ ᑐᓴᕈᒪᔪᑦ ᐱᒻᒪᕆᐅᔪᒥᒃ ᐃᓚᒋᔭᖓ ᑳᓄᐊᒃᑯᑦ ᐃᓂᒋᓪᓗᒍ ᐃᑲᔫᑎᓄᑦ ᐅᑭᐅᖅᑕᖅᑐᒥᐅᓄᑦ ᐅᑯᐊᓗ ᐃᓱᒪᖃᖅᑐᑦ ᐃᑲᔪᕈᒪᓪᓗᑎᒃ ᓴᓇᓗᑎᒃ ᖃᓄᑐᐃᓐᓇᖅ ᐊᒻᒪᓗ ᑮᓇᐅᔭᓕᐅᕐᕕᐅᔪᓐᓇᖅᑐᓂᒃ ᓇᒥᑐᐃᓐᓇᖅ ᑕᒪᐃᓐᓂ ᓄᓇᕗᒻᒥ, ᓄᓇᑦᓯᐊᖅ ᐊᒻᒪᓗ ᔫᑳᓐ.
ᐃᓕᑦᑎᑲᓐᓂᕈᓐᓇᖅᑐᑎᑦ ᐅᒡᕙᓘᓐᓃᑦ ᑐᓂᓯᓗᑎᑦ ᐱᓕᕆᔪᒪᔭᕐᓂᒃ, ᒪᑐᐃᕐᓗᒍ ᐅᓇ cannor.gc.ca.
ᐅᖃᐅᓯᑦ
"ᑕᒪᐃᓐᓂ ᓇᒥᑐᐃᓐᓇᖅ ᑎᐅᓕᑐᐊᓕᔅ, ᐅᑭᐅᖅᑕᖅᑐᒥᐅᑦ ᐊᖏᔪᓂᒃ ᐃᓱᒪᓕᕈᑎᒃᓴᖃᖅᐳᑦ ᐅᑯᐊᓗ ᖃᓄᑐᐃᓐᓇᖅ ᑕᐃᒫᒃ ᐊᒃᑐᐃᔪᓐᓇᕐᓗᑎᒃ. ᐱᒋᐊᖅᑎᑦᑎᕗᑦ ᑳᓄᐊᒃᑯᑦ ᐱᓕᕆᔪᒪᔪᓂᒃ ᑐᓴᕈᒪᓪᓗᑎᒃ ᖃᐅᔨᒪᔾᔪᑎᒋᔭᕗᑦ ᐱᒋᐊᕐᓂᐊᓕᕐᒥᒐᑦᑕ ᐊᕐᕌᒍᒥ ᐱᕈᖅᑎᑦᑎᑲᓐᓂᕐᓗᑕ. ᑕᐃᒪᓗ ᖁᕕᐊᓱᒍᑎᖃᕐᑎᓪᓗᑕ ᒥᑭᔪᑦ ᐱᔅᓂᔅ ᐱᓇᓱᐊᕈᓯᐊᓂᒃ, ᓄᖃᓚᐅᑲᒃᑭᕗᒍᑦ ᑕᑯᓪᓗᒋᑦ ᐃᖅᑲᓇᐃᔮᖏᑦ ᑕᒪᕐᒥᒃ ᐱᔅᓂᔅ ᐊᒻᒪᓗ ᐊᐅᓚᑦᓯᔨᑦ ᐃᓗᐊᓂ ᓄᓇᓕᑦᑕ. ᑲᑐᔾᔨᓗᑕ, ᑕᑯᓐᓇᕐᓗᑕ ᓯᕗᒻᒧᑦ ᓴᖕᖏᓂᖅᓴᒧᑦ, ᖃᓄᕆᑦᑐᑐᐃᓐᓇᖃᖅᑐᖅ ᐅᑭᐅᖅᑕᖅᑐᖅ - ᓴᓇᔭᐅᓯᒪᔪᖅ ᐊᒃᓱᕈᖅᖢᑎᒃ, ᓄᓇᓕᖕᓂᒃ-ᐃᓱᒪᖃᖅᖢᑎᒃ ᐅᑭᐅᖅᑕᖅᑐᒥᐅᑦ."
ᒥᓂᔅᑕ ᑖᓐ ᕙᓐᑖᓪ,
ᒥᓂᔅᑕᖓᑦ ᐱᔭᒃᓴᖃᖅᑐᖅ ᑲᓇᖕᓇᖓᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᑲᓇᑕ ᐊᒻᒪᓗ ᒥᓂᔅᑕ ᐱᔭᒃᓴᖃᖅᑐᖅ ᑲᓇᑕᐅᑉ ᐅᑭᐅᖅᑕᖅᑐᐊᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑖ
ᓱᓕᔪᑦ
- ᑳᓄᐊᒃᑯᑦ ᐱᒋᐊᖅᑎᑦᑎᕗᑦ ᐊᕐᕌᒍᑕᒫᖅᓯᐅᑎᑦ ᐱᓕᕆᔪᒪᔪᓂᑦ ᑐᓴᖅᑎᑕᐅᓗᑎᒃ ᐃᑲᔪᕐᓂᐊᖅᑐᓂᒃ ᓇᓗᓇᐃᖅᓯᓗᑎᒃ ᓴᓇᔭᒃᓴᓂᒃ ᐅᑯᐊᓗ ᑮᓇᐅᔭᒃᓴᖅᑖᕈᓐᓇᖅᑐᑦ ᐃᑲᔫᑎᖏᓐᓂᑦ ᑳᓄᐊᒃᑯᑦ ᖃᓄᑐᐃᓐᓇᑦ ᑮᓇᐅᔭᓴᖃᕈᓐᓇᖅᑐᓄᑦ ᐱᓕᕆᑎᑦᑎᔾᔪᑕᐅᔪᓄᑦ.
- ᐅᓇ ᑐᓴᕐᑎᑦᑎᓂᖅ ᐱᓕᕆᔪᒪᔪᓂᑦ ᓴᓇᔭᐅᔪᒪᔪᓄᑦ ᐱᒋᐊᕐᓂᐊᖅᑐᖅ ᐊᓂᒍᖅᐸᑦ ᐊᐃᕆᓕ 1, 2023 ᐱᒋᐊᕐᓗᑎᒃ ᐅᒃᑑᐸ 17, 2022. ᐱᑎᑕᐅᔪᓐᓇᖅᑐᑦ ᐱᔅᓂᔅ ᐊᒻᒪᓗ ᐊᐅᓚᑦᓯᔨᑦ ᑎᑭᓐᓇᓱᖕᓂᖓᓂ ᐱᖓᑦᓯᖅ, ᓄᕕᐱᕆ 30, 2022 ᓯᕿᖑᔭᖅ 11:59 ᐅᓐᓄᒃᑯᑦ (ᔫᑳᓐ) ᑐᓂᓯᓗᓯ ᐱᓕᕆᔪᒪᓂᑦᓯᓐᓂᒃ.
- ᐅᑯᐊ ᐊᑖᓂ ᑎᑎᕋᖅᓯᒪᔪᑦ ᐊᔪᒋᑦᑐᑦ ᑐᓂᓯᓗᑎᒃ ᐱᓕᕆᐊᕆᔪᒪᔭᒥᖕᓂᒃ:
- ᒥᑭᔪᑦ -ᐊᒻᒪᓗ ᐊᖏᓗᐊᓐᖏᑦᑐᓂᒃ ᓇᖕᒥᓂᖃᖅᑐᑦ;
- ᑮᓇᐅᔭᓕᐅᕋᓱᐊᖅᑎᐅᓇᑎᒃ ᑲᑐᔾᔨᖃᑎᒌᑦ ᐊᒻᒪᓗ ᐊᐅᓚᑦᓯᔩᑦ ᓴᓇᔪᒪᔪᑦ ᒪᑭᒪᓇᓱᐊᕈᑎᒃᓴᓄᑦ ᐃᑲᔫᑎᒃᓴᓕᐅᕈᒪᔪᑦ ᐊᑕᐅᓯᕐᒥ ᐅᒡᕙᓘᓐᓃᑦ ᐊᑕᐅᓯᐅᓐᖏᑦᑐᒥ ᑎᐅᓕᑐᐊᓕᔅ; ᐊᒻᒪᓗ
- ᒐᕙᒪᑐᖃᒃᑯᓄᑦ ᐊᑕᓐᖏᑦᑐᑦ ᐅᒡᕙᓘᓐᓃᑦ ᓇᓕᐊᑦ ᒐᕙᒪᐅᔪᑦ, ᐃᓄᓕᒫᓄᑦ ᒐᕙᒪᑦ ᐅᒡᕙᓘᓐᓃᑦ ᐃᒻᒥᑰᖅᑐᑦ, ᓄᓇᖅᑲᖅᑳᖅᓯᒪᔪᑦ ᐅᒡᕙᓘᓐᓃᑦ ᓄᓇᖅᑲᖅᑳᖅᓯᒪᔫᓐᖏᑦᑐᑦ, ᐅᑯᐊᓗ ᓴᓇᔪᑦ ᐊᑐᑦᑕᐅᓕᖅᑎᓪᓗᒋᑦ ᑮᓇᐅᔭᓕᐅᕈᑎᖃᕐᑎᑦᑎᔪᑦ ᑎᐅᓕᑐᐊᓕᔅᓂ.
- ᐱᓕᕆᔪᒪᔪᑦ ᑐᓴᕐᑎᑦᑎᓗᑎᒃ ᑐᓂᓯᓗᑎᒃ ᖃᐅᔨᓴᖅᑕᐅᓂᐊᕐᒪᑕ ᐱᐊᓚᔪᒥᒃ ᑕᐃᒪᓗ ᓈᒻᒪᒋᔭᐅᓗᑎᒃ, ᓴᕿᔮᑦᑎᐊᕐᓗᑎᒃ ᐊᒻᒪᓗ ᓇᓚᐅᓯᒪᑦᑎᐊᖅᑐᑦ. ᐊᑐᓂ ᐱᓕᕆᐊᖑᒪᔪᑦ ᖃᐅᔨᓴᖅᑕᐅᓂᐊᖅᑐᑦ ᒪᓕᒃᓗᑎᒃ ᑕᖏᖁᑎᒋᔭᒥᖕᓂᒃ ᓇᓗᓇᐃᖅᓯᒪᔪᑦ ᑐᓐᓂᖁᑎᒋᔭᕆᐊᓕᖕᓂ ᑕᑕᑎᕆᐊᓕᖕᓂ, ᐅᓇᓗ ᐱᔭᐅᔪᓐᓇᖅᑐᖅ ᐃᑭᐊᕿᕕᒃᑯᑦ ᖃᓄᐃᓕᖓᔪᑐᐃᓐᓇᐅᓗᑎᒃ ᐱᔭᒃᓴᐅᔪᑦ ᐋᕿᒃᓯᒪᓂᖏᑦ.
- ᓯᕗᓪᓕᐅᑎᓐᓂᐊᑦᑐᑦ ᓴᓇᔭᐅᔪᑦ ᐱᓯᒪᓂᖃᖅᑐᑦ ᐊᑕᐅᓯᕐᒥᑦ ᐅᒡᕙᓘᓐᓃᑦ ᐊᑕᐅᓯᐅᓐᖏᑦᑐᒥᒃ ᐊᑖᓂ ᑎᑎᕋᖅᓯᒪᔪᑦ ᐱᔅᓂᔅ ᐊᒻᒪᓗ ᓄᓇᓕᖕᓂ ᒪᑭᒪᓇᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᓯᕗᓪᓕᐅᑎᒋᐊᓕᑦ:
- ᖃᓄᕆᑦᑐᑐᐃᓐᓇᐃᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑎᒍᑦ
- ᓇᑉᐸᕆᐊᖃᖅᑐᑦ ᖃᑭᔾᔪᑎᒃᓴᓕᐅᕈᑎᑦ ᐊᒻᒪᓗ ᐱᕙᓪᓕᐊᑎᑦᑎᓂᖅ
- ᓄᓇᒥᑦ ᐃᑲᔫᑎᓂᒃ ᐱᕙᓪᓕᐊᑎᑦᑎᓂᖅ
- ᓴᓇᔪᓐᓇᑦᑎᐊᖅᑐᓂᒃ ᓴᓇᔨᑖᕐᓂᖅ
- ᒪᑭᒪᓇᓱᐊᕈᑎᑦ ᐱᕈᖅᑎᑲᓐᓂᕐᓗᒋᑦ ᐊᒻᒪᓗ ᐋᕿᑦᑎᐊᖅᓯᒪᓕᕐᓗᒋᑦ
- ᐱᓕᕆᔪᒪᔪᑦ ᐱᔅᓂᔅ ᐊᒻᒪᓗ ᐊᐅᓚᑦᓯᔨ ᑎᓕᐅᖅᑕᐅᕗᑦ ᐱᔭᕇᖅᓯᓗᑎᒃ ᐱᓕᕆᔪᒪᓂᕐᒥᖕᓄᑦ ᑐᓴᕐᑎᑦᑎᔾᔪᑎᑦ ᑐᓂᓗᒋᑦ ᐃᑭᐊᕿᕕᒃᑯᑦ ᐅᒡᕙᓘᓐᓃᑦ ᐅᖃᕐᕕᒋᓗᒋᑦ ᐃᓚᖓᑦ ᑳᓄᐊᒃᑯᑦ ᐊᕕᒃᑐᖅᓯᒪᔪᓂ ᑎᑎᕋᕐᕕᖓ ᐅᖃᐅᓯᕆᓗᒋᑦ ᐃᓱᒪᓕᕈᑎᒋᓯᒪᔭᑎᑦ.
ᑕᒪᑐᒥᖓ ᑎᑎᕋᖅᓯᒪᔪᑦ
ᑕᒪᑐᒥᖓ ᖃᕆᓴᐅᔭᒃᑯᑦ ᐊᑦᑕᑕᐅᑎᑦ
ᐅᖃᕐᕕᒋᔪᓐᓇᖅᑕᑎᑦ:
ᑲᐃᓕ ᐋᓕᓐ
ᑐᓴᒐᒃᓴᓕᕆᔨᒃᑯᑦ ᑎᑎᕋᖅᑎᖓ
ᑎᑎᕋᕐᕕᖓ ᒥᓂᔅᑕ ᐃᓄᓕᕆᔨᑐᖃᒃᑯᑦ, ᒥᓂᔅᑕ ᑲᓇᖕᓇᖓᓂ ᑳᓐ ᐊᒻᒪᓗ ᒥᓂᔅᑕ ᑳᓄᐊᒃᑯᓄᑦ
819-953-1153
kyle.allen@rcaanc-cirnac.gc.ca
ᑳᓄᐊᒃᑯᑦ ᑐᓴᒐᒃᓴᓕᕆᕕᖓ
infonorth-infonord@cannor.gc.ca
ᖃᕆᓴᐅᔭᒃᑯᑦ ᑐᓴᐅᒪᔪᓐᓇᖅᐳᑎᑦ
ᒪᓕᒡᓗᒋᑦ ᑳᓄᐊᒃᑯᑦ ᐅᑯᑎᒎᓇᖅ ᐅᖃᓗᕌᐅᔭᕐᕕᒃ, ᕕᔅᐳᒃ ᐊᒻᒪᓗ ᓕᖕᑎᓐ (not available in Inuktitut).
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: